Август

Август

<<т҃ѯ: 719>>

Мѣ́сѧцъ а҆́ѵгꙋстъ,

и҆мѣ́ѧй дне́й л҃а.

Де́нь и҆́мать часѡ́въ г҃і, а҆ но́щь часѡ́въ а҃і.

а҃. Происхожде́нїе чⷭ҇тны́хъ дре́въ, чⷭ҇тна́гѡ и҆ животворѧ́щагѡ крⷭ҇та̀: [Ѡ҆ крⷭ҇тѣ̀ чи́на и҆зноше́нїѧ на прⷭ҇то́лъ зрѝ всегѡ̀ септе́мврїа въ д҃і-й де́нь.] И҆ па́мѧть ст҃ы́хъ седмѝ мч҃нкъ маккавє́й, и҆ ма́тере и҆́хъ соломѡні́и, и҆ ᲂу҆чи́телѧ и҆́хъ є҆леаза́ра.

Ве́черъ ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры на ѕ҃: крⷭ҇та̀ г҃, гла́съ д҃. Подо́бенъ: Зва́нный свы́ше: И҆ ст҃ы́хъ г҃, гла́съ а҃. Подо́бенъ: Всехва́льнїи мч҃нцы: Сла́ва, гла́съ и҃: Ст҃і́и маккаве́и: И҆ ны́нѣ, крⷭ҇та̀, гла́съ то́йже: Є҆го́же дре́вле мѡѷсе́й: На стїхо́внѣ стїхи̑ры ѻ҆ктѡ́иха. Сла́ва, гла́съ и҃: Дꙋ́шы првⷣныхъ: И҆ ны́нѣ, крⷭ҇та̀, гла́съ то́йже: Гла́съ прⷪ҇ро́ка твоегѡ̀ мѡѷсе́а: Тропа́рь, гла́съ а҃: Болѣ́зньми ст҃ы́хъ: ѻ҆ктѡ́врїа въ к҃д-й де́нь. Сла́ва, и҆ ны́нѣ, крⷭ҇та̀, гла́съ то́йже: Сп҃сѝ гдⷭ҇и лю́ди твоѧ̑: септе́мврїа въ д҃і-й де́нь. На ᲂу҆́трени, на Бг҃ъ гдⷭ҇ь, тропа́рь крⷭ҇та̀, два́жды. Сла́ва, мч҃нкѡвъ: И҆ ны́нѣ, крⷭ҇та̀, и҆ ѻ҆бы̑чныѧ каѳі̑смы, и҆ сѣда́льны ѻ҆ктѡ́иха: и҆ чте́нїе. Канѡ́нъ ѻ҆ктѡ́иха на д҃: и҆ крⷭ҇та̀ на ѕ҃, гла́съ ѕ҃: и҆ мч҃нкѡвъ на д҃, гла́съ и҃. Катава́сїа: Крⷭ҇тъ начерта́въ: По г҃-й пѣ́сни:

<<т҃ѯ ѡ҆б.: 720>>

Конда́къ ст҃ы́хъ, гла́съ в҃. Подо́бенъ: Вы́шнихъ и҆щѧ̀:

Премꙋ́дрости бж҃їѧ столпѝ седмочи́сленнїи, и҆ бж҃е́ственнагѡ свѣ́та свѣти́льницы седмосвѣ́щнїи, маккаве́и всемꙋ́дрїи, пре́жде мч҃нкѡвъ преве́лїи мч҃нцы, съ ни́миже всѣ́хъ бг҃ꙋ моли́тесѧ, сп҃сти́сѧ почита́ющымъ ва́съ.

И҆ і҆́косъ, и҆ сѣда́ленъ ст҃ы́хъ, гла́съ и҃. Сла́ва, и҆ ны́нѣ, крⷭ҇та̀, гла́съ ѕ҃. По ѕ҃-й пѣ́сни,

Конда́къ крⷭ҇та̀, гла́съ д҃:

Вознесы́йсѧ на крⷭ҇тъ во́лею, тезоимени́томꙋ твоемꙋ̀ но́вомꙋ жи́тельствꙋ щедрѡ́ты твоѧ̑ да́рꙋй хрⷭ҇тѐ бж҃е, возвеселѝ си́лою твое́ю бл҃говѣ́рнаго і҆мпера́тора на́шего, нїкола́ѧ а҆леѯа́ндровича, побѣ̑ды даѧ̀ є҆мꙋ̀ на сопоста́ты, посо́бїе и҆мꙋ́щꙋ твоѐ ѻ҆рꙋ́жїе ми́ра, непобѣди́мꙋю побѣ́дꙋ.

И҆ і҆́косъ, и҆ про́логъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, мч҃нкѡвъ: Чꙋ̑дныѧ воспое́мъ: И҆ ны́нѣ, крⷭ҇та̀: Крⷭ҇тъ храни́тель: На хвали́техъ, стїхи̑ры на ѕ҃: Крⷭ҇та̀ г҃, гла́съ а҃. Подо́бенъ: Нбⷭ҇ныхъ чинѡ́въ: и҆ ст҃ы́хъ г҃, самогла́сны, гла́съ то́йже. Сла́ва, гла́съ д҃: На маккаве́и собра́вшꙋюсѧ ра́ть: И҆ ны́нѣ, крⷭ҇та̀, гла́съ то́йже: Пособи́вый гдⷭ҇и кро́ткомꙋ дв҃дꙋ: Славосло́вїе вели́кое ти́хѡ, и҆ со гла́сомъ. І҆ере́ю же ѡ҆блече́нꙋ сꙋ́щꙋ во всю̀ ѻ҆де́ждꙋ сщ҃е́нническꙋю, прихо́дитъ съ кади́ломъ къ ст҃ѣ́й трапе́зѣ, предходѧ́щꙋ є҆мꙋ̀ дїа́конꙋ съ лампа́дою, и҆ кади́тъ ст҃ꙋ́ю трапе́зꙋ и҆ чⷭ҇тны́й крⷭ҇тъ: и҆ та́кѡ взима́етъ чⷭ҇тны́й крⷭ҇тъ съ блю́домъ на главꙋ̀, и҆ и҆схо́дитъ сѣ́верными две́рьми и҆з̾ ѻ҆лтарѧ̀, пред̾идꙋ́щымъ є҆мꙋ̀ со двѣма̀ лампа́дами, и҆ съ кади́ломъ: прихо́дитъ же прѧ́мѡ црⷭ҇кихъ двере́й, и҆ стои́тъ, ѡ҆жида́ѧ конца̀ трист҃а́гѡ. кончава́емꙋ же трист҃о́мꙋ, возглаша́етъ і҆ере́й: Премꙋ́дрость, про́сти. И҆ кли́рїцы пою́тъ тропа́рь: Сп҃сѝ гдⷭ҇и <<тѯ҃а: 721>> лю́ди твоѧ̑: три́жды. и҆ та́кѡ прихо́дитъ і҆ере́й, носѧ̀ на главѣ̀ чⷭ҇тны́й крⷭ҇тъ пред̾ ст҃ы̑ѧ црⷭ҇кїѧ двє́ри ко а҆нало́гїю, є҆мꙋ́же ᲂу҆кра́шенꙋ сꙋ́щꙋ, полага́етъ на не́мъ чⷭ҇тны́й крⷭ҇тъ, и҆ твори́тъ поклоне́нїе чⷭ҇тно́мꙋ крⷭ҇тꙋ̀, три́жды, поѧ̀ тихогла́снѡ: Крⷭ҇тꙋ̀ твоемꙋ̀ покланѧ́емсѧ влⷣко, и҆ ст҃о́е воскрⷭ҇нїе твоѐ сла́вимъ. И҆ ли́кове то́же пою́тъ велегла́снѡ, три́жды. и҆ начина́ютъ покланѧ́тисѧ, а҆́ще во ѻ҆би́тели, и҆гꙋ́менъ и҆лѝ и҆́нъ пе́рвенствꙋѧй во сщ҃е́нныхъ. Та́кожде и҆ про́чїи сщ҃е́нницы, покланѧ́ющесѧ пред̾ чⷭ҇тны́мъ крⷭ҇то́мъ два́жды. цѣлꙋ́етъ же пре́жде старѣ́йшїй: и҆ по цѣлова́нїи па́ки покланѧ́ютсѧ є҆ди́ножды. та́кожде творѧ́тъ и҆ про́чїи сщ҃е́нницы, десна́ѧ страна̀ и҆ лѣ́ваѧ: та́кожде прихо́дѧтъ и҆ бра́тїѧ два̀ два̀, покланѧ́ющесѧ по чи́нꙋ и҆́хъ. кла́нѧющымсѧ же бра́тїѧмъ, Пое́мъ стїхи̑ры самогла́сны, гла́съ в҃, Прїиди́те вѣ́рнїи: гла́съ є҃: Зрѧ́щи тѧ̀ тва́рь: гла́съ и҃: Дне́сь влⷣка тва́ри: Сла́ва, и҆ ны́нѣ, гла́съ то́йже: Дне́сь неприкоснове́нный: Посе́мъ є҆ктєнїѝ: Поми́лꙋй на́съ бж҃е, и҆ И҆спо́лнимъ ᲂу҆́треннюю мл҃твꙋ: и҆ ча́съ а҃-й. На часѣ́хъ, тропа́рь крⷭ҇та̀. Сла́ва, ст҃ы́хъ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ крⷭ҇та̀, и҆ соверше́нный ѿпꙋ́стъ. [зрѝ] Въ сі́й же а҃-й де́нь а҆́ѵгꙋста во ѻ҆би́телехъ и҆ прихо́дскихъ хра́мѣхъ соверша́ютъ чи́нъ сщ҃е́нїѧ воды̀, и҆ быва́етъ си́це: Прїꙋгото́ванꙋ столꙋ̀ и҆ ᲂу҆кра́шенꙋ, и҆ водѣ̀ въ ча́шѣ. И҆лѝ и҆схо́димъ на и҆сто́чники. И҆ бл҃гослови́вшꙋ і҆ере́ю, глаго́летсѧ трист҃о́е, и҆ ѱало́мъ рм҃в: Гдⷭ҇и ᲂу҆слы́ши мл҃твꙋ мою̀: Та́же, Бг҃ъ гдⷭ҇ь: во гла́съ д҃. И҆ тропа́рь: Къ бцⷣѣ прилѣ́жнѡ: два́жды. Сла́ва, и҆ ны́нѣ: Не ᲂу҆молчи́мъ никогда̀ бцⷣе: Та́же, ѱало́мъ н҃: Поми́лꙋй мѧ̀ бж҃е: Посе́мъ пою́тсѧ тропарѝ сщ҃е́нїѧ воды̀, <<тѯ҃а ѡ҆б.: 722>> гла́съ ѕ҃: Є҆́же ра́дꙋйсѧ а҆́гг҃ломъ прїи́мшаѧ: И҆ про́чее по рѧ́дꙋ сщ҃е́нїѧ воды̀, ꙗ҆́кѡ ѻ҆бы́чай. По ѿпꙋ́стѣ же ѡ҆бхо́дитъ і҆ере́й, и҆ кропи́тъ внꙋ́трь монастырѧ̀, си́рѣчь, во и҆гꙋ́менскꙋю ке́ллїю, и҆ въ трапе́зꙋ, и҆ кела́рню, и҆ пека́рню, и҆ въ ві́нницꙋ, и҆ пова́рню, и҆ жи̑тницы, и҆ по́гребъ, и҆ во всѧ̑ кє́ллїи бра̑тскїѧ, кропѧ̀ и҆ ѡ҆сщ҃а́ѧ всѣ́хъ: и҆ возвра́щшесѧ пое́мъ ча́съ г҃-й, и҆ ѕ҃-й. [зрѝ] А҆ и҆дѣ́же чи́нъ ѡ҆сщ҃е́нїѧ воды̀ соверша́етсѧ на ᲂу҆́трени, пое́мъ си́це: По славосло́вїи и҆ по трист҃о́мъ, и҆ по тропарѣ̀: Сп҃сѝ гдⷭ҇и лю́ди твоѧ̑: пою́тсѧ тропарѝ: Є҆́же ра́дꙋйсѧ: И҆ про́чее по рѧ́дꙋ ѡ҆сщ҃е́нїе воды̀, ꙗ҆́кѡ ѻ҆бы́чай. По ѡ҆сщ҃е́нїи же воды̀ и҆ по стїхи́рахъ: И҆сто́чникъ и҆сцѣле́нїй: и҆ При́зри на молє́нїѧ: и҆ Влⷣчце прїимѝ: твори́мъ и҆ поклоне́нїе чⷭ҇тно́мꙋ крⷭ҇тꙋ̀, ꙗ҆́кѡ предписа́сѧ. На часѣ́хъ, тропа́рь крⷭ҇та̀. Сла́ва, ст҃ы́хъ: И҆ ны́нѣ, бг҃оро́диченъ часѡ́въ. По трист҃о́мъ кондакѝ премѣнѧ́емъ. На лїтꙋргі́и, бл҃жє́нна, ѿ канѡ́на крⷭ҇та̀, пѣ́снь г҃, на д҃: и҆ ст҃ы́хъ, пѣ́снь ѕ҃, на д҃. По вхо́дѣ тропа́рь крⷭ҇та̀, и҆ мч҃нкѡвъ. Сла́ва, конда́къ мч҃нкѡвъ: И҆ ны́нѣ, крⷭ҇та̀. Трист҃о́е. прокі́менъ крⷭ҇та̀, гла́съ ѕ҃: Сп҃сѝ гдⷭ҇и лю́ди твоѧ̑: Сті́хъ: Къ тебѣ̀ гдⷭ҇и воззовꙋ̀, бж҃е мо́й: Дрꙋгі́й, мч҃нкѡвъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀: А҆по́столъ крⷭ҇та̀, къ корі́нѳѧнѡмъ, зача́ло рк҃є: Сло́во крⷭ҇тное: И҆ ст҃ы́хъ, ко є҆вре́ємъ, зача́ло т҃л: Ст҃і́и всѝ, и҆̀же вѣ́рою побѣди́ша ца̑рствїѧ: А҆ллилꙋ́їа, гла́съ д҃: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Сті́хъ: Бг҃ъ же цр҃ь на́шъ пре́жде вѣ́ка: И҆ ст҃ы́хъ: Воззва́ша првⷣнїи: Є҆ѵⷢ҇лїе крⷭ҇та̀, і҆ѡа́нна, зача́ло ѯ҃: Совѣ́тъ сотвори́ша а҆рхїере́и и҆ ста́рцы на і҆и҃са: И҆ ст҃ы́хъ, матѳе́а, зача́ло л҃и: Всѧ́къ ᲂу҆́бѡ и҆́же и҆сповѣ́сть мѧ̀ пред̾ человѣ́ки: Прича́стенъ <<тѯ҃в: 723>> крⷭ҇та̀: Зна́менасѧ на на́съ: И҆ ст҃ы́хъ: Ра́дꙋйтесѧ: Рѧ́дъ же вычита́емъ напре́дь, и҆лѝ под̾ зача́ло.

А҆́ще же а҃-й де́нь а҆́ѵгꙋста слꙋчи́тсѧ въ недѣ́лю:

[зрѝ] Въ сꙋббѡ́тꙋ ве́чера, на ма́лѣй вече́рни стїхи̑ры воскрⷭ҇ны, и҆ бцⷣы, по ѻ҆бы́чаю. На вели́цѣй вече́рни, по каѳі́смѣ, на Гдⷭ҇и воззва́хъ стїхи̑ры воскрⷭ҇ны г҃: и҆ а҆нато́лїевъ а҃: и҆ крⷭ҇та̀ г҃: и҆ мч҃нкѡвъ трѝ. Сла́ва, крⷭ҇та̀: И҆ ны́нѣ, бг҃оро́диченъ а҃-й гла́са. На лїті́и стїхи́ра хра́ма, и҆ мч҃нкѡвъ хвали̑тныѧ. Сла́ва, мч҃нкѡвъ: И҆ ны́нѣ, бг҃оро́диченъ. На стїхо́внѣ ѻ҆ктѡ́иха воскрⷭ҇ны. Сла́ва, мч҃нкѡвъ: И҆ ны́нѣ, крⷭ҇та̀. На бл҃гослове́нїи хлѣ́бѡвъ тропа́рь: Бцⷣе дв҃о: два́жды, и҆ крⷭ҇та̀, є҆ди́ножды. та́же, Бꙋ́ди и҆́мѧ гдⷭ҇не: и҆ про́чее. [зрѝ] А҆́ще ли нѣ́сть бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ. Сла́ва, ст҃ы́хъ: И҆ ны́нѣ, крⷭ҇та̀. На повече́рїи, по Досто́йно, конда́къ крⷭ҇та̀. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, мч҃нкѡвъ: И҆ ны́нѣ, крⷭ҇та̀. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на два̀: и҆ крⷭ҇та̀ на д҃: и҆ мч҃нкѡвъ на д҃. Катава́сїа: Крⷭ҇тъ начерта́въ: По г҃-й пѣ́сни, конда́къ мч҃нкѡвъ, и҆ сѣда́ленъ два́жды. Сла́ва, и҆ ны́нѣ, крⷭ҇та̀. По ѕ҃-й пѣ́сни, конда́къ и҆ і҆́косъ крⷭ҇та̀. Свѣти́ленъ воскрⷭ҇нъ. Сла́ва, мч҃нкѡвъ. И҆ ны́нѣ, крⷭ҇та̀. На хвали́техъ стїхи̑ры воскрⷭ҇ны д҃: и҆ крⷭ҇та̀ со сла́внымъ д҃, со стїхѝ свои́ми: Возноси́те гдⷭ҇а бг҃а на́шего: Сті́хъ: Бг҃ъ же цр҃ь на́шъ: Сла́ва, стїхи́ра є҆ѵⷢ҇льскаѧ: И҆ ны́нѣ: Пребл҃гослове́нна є҆сѝ: Славосло́вїе вели́кое. тропа́рь воскрⷭ҇нъ то́чїю. И҆ быва́етъ водоѡсщ҃е́нїе, и҆ поклоне́нїе крⷭ҇тꙋ̀: и҆ про́чее, ꙗ҆́коже вы́ше рече́сѧ. На лїтꙋргі́и, бл҃жє́нна воскрⷭ҇на на д҃: и҆ крⷭ҇та̀ пѣ́снь г҃-ѧ на д҃: и҆ мч҃нкѡвъ пѣ́снь ѕ҃-ѧ на д҃. По вхо́дѣ тропа́рь воскрⷭ҇нъ, и҆ крⷭ҇та̀, и҆ мч҃нкѡвъ. <<тѯ҃в ѡ҆б.: 724>> та́же конда́къ воскрⷭ҇нъ. Сла́ва, мч҃нкѡвъ: И҆ ны́нѣ, крⷭ҇та̀. Прокі́менъ, А҆ллилꙋ́їа, и҆ прича́стенъ крⷭ҇та̀, и҆ мч҃нкѡвъ А҆по́столъ, и҆ є҆ѵⷢ҇лїе рѧдово́е и҆ крⷭ҇та̀, и҆ мч҃нкѡвъ.

А҆́ще хра́мъ всемлⷭ҇тивагѡ сп҃са:

Ве́черъ, Бл҃же́нъ мꙋ́жъ: а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃: пра́здника д҃, гла́съ д҃. Подо́бенъ: Да́лъ є҆сѝ зна́менїе: И҆ крⷭ҇та̀ д҃, гла́съ то́йже. Подо́бенъ: Зва́нный свы́ше: Сла́ва, гла́съ то́йже. самогла́сенъ: Живонача́льный и҆сто́чникъ: И҆ ны́нѣ, крⷭ҇та̀, гла́съ и҃: Є҆го́же дре́вле мѡѷсе́й: Вхо́дъ, прокі́менъ днѐ. чтє́нїѧ трѝ: а҃-е, При́тчей: Сы́не, не пренебрега́й наказа́нїѧ гдⷭ҇нѧ: в҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь: ѿве́рзꙋтсѧ врата̀ твоѧ̑ і҆ерꙋсали́ме: г҃-е, При́тчей: Премꙋ́дрость созда̀ себѣ̀ до́мъ: На лїті́и стїхи̑ры самогла́сны, гла́съ а҃. Сла́ва, и҆ ны́нѣ, гла́съ є҃: Зрѧ́щи тѧ̀ тва́рь: На стїхо́внѣ стїхи̑ры, гла́съ є҃. Самоподо́бенъ: Ра́дꙋйсѧ: Сла́ва, гла́съ д҃: Ѻ҆ч҃ескихъ нѣ́дръ не ѡ҆ста́вль: И҆ ны́нѣ, крⷭ҇та̀, гла́съ и҃: Гла́съ прⷪ҇ро́ка твоегѡ̀ мѡѷсе́а бж҃е: По ны́нѣ ѿпꙋща́еши,

Тропа́рь, гла́съ и҃:

Съ вы́шнихъ призира́ѧ, ᲂу҆бѡ́гїѧ прїе́млѧ, посѣтѝ на́съ ѡ҆ѕло́блєнныѧ грѣхѝ, влⷣко всеми́лостиве: мл҃твами бцⷣы да́рꙋй дꙋша́мъ на́шымъ ве́лїю млⷭ҇ть.

Сла́ва, и҆ ны́нѣ, крⷭ҇та̀, гла́съ а҃: Сп҃сѝ гдⷭ҇и лю́ди твоѧ̑: и҆ ѿпꙋ́стъ: На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, и҆ ны́нѣ, крⷭ҇та̀. По а҃-й стїхоло́гїи сѣда́ленъ, гла́съ ѕ҃: То́кмѡ водрꙋзи́сѧ дре́во: Сла́ва, и҆ ны́нѣ, то́йже. По в҃-й стїхоло́гїи сѣда́ленъ, гла́съ ѕ҃: Дне́сь прⷪ҇ро́ческое и҆спо́лнисѧ сло́во: Сла́ва, и҆ ны́нѣ, то́йже. И҆ чте́нїе во є҆ѵⷢ҇лїи толково́мъ. По <<тѯ҃г: 725>> полѷеле́и сѣда́ленъ, гла́съ и҃. Подо́бенъ: Повелѣ́нное та́йнѡ: Въ раи́ мѧ пре́жде: Сла́ва, и҆ ны́нѣ, то́йже. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Ви́дѣша всѝ концы̀ землѝ сп҃се́нїе бг҃а на́шегѡ. Сті́хъ: Воспо́йте гдⷭ҇еви пѣ́снь но́вꙋ, ꙗ҆́кѡ ди̑вна сотворѝ гдⷭ҇ь. Всѧ́кое дыха́нїе: Є҆ѵⷢ҇лїе і҆ѡа́нна, зача́ло м҃в ѿ полꙋ̀: Ѻ҆́ч҃е, просла́ви и҆́мѧ твоѐ: По н҃-мъ ѱалмѣ̀, стїхи́ра, гла́съ ѕ҃: Крⷭ҇те хрⷭ҇то́въ: Канѡ́нъ пра́здника, гла́съ и҃, со і҆рмосо́мъ на и҃. і҆рмо́съ по два́жды, тропарѝ на ѕ҃: и҆ крⷭ҇та̀, гла́съ ѕ҃, на ѕ҃. Катава́сїа: Крⷭ҇тъ начерта́въ: По г҃-й пѣ́сни,

Конда́къ пра́здника, гла́съ д҃. Подо́бенъ: Ꙗ҆ви́лсѧ є҆сѝ:

Всѧ́кїѧ скве́рны, всеми́лостивый сп҃се, а҆́зъ бы́хъ дѣ́латель, и҆ во ѿча́ѧнїѧ ро́въ па́дсѧ, но стеню̀ ѿ се́рдца, и҆ вопїю̀ къ тебѣ̀ сло́ве: ᲂу҆скорѝ ще́дрый, и҆ потщи́сѧ на по́мощь на́шꙋ, ꙗ҆́кѡ млⷭ҇тивъ.

И҆ і҆́косъ, и҆ сѣда́ленъ, гла́съ д҃. Сла́ва, и҆ ны́нѣ, крⷭ҇та̀, гла́съ и҃. Подо́бенъ: Повелѣ́нное: По ѕ҃-й пѣ́сни, конда́къ крⷭ҇та̀, гла́съ д҃: Вознесы́йсѧ на крⷭ҇тъ: и҆ і҆́косъ. Свѣти́ленъ пра́здника, два́жды. Сла́ва, и҆ ны́нѣ, крⷭ҇та̀. На хвали́техъ стїхи̑ры на ѕ҃, пра́здника г҃, гла́съ д҃. Подо́бенъ: Да́лъ є҆сѝ зна́менїе: и҆ крⷭ҇та̀ г҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ д҃: Пособи́вый гдⷭ҇и кро́ткомꙋ дв҃дꙋ: Славосло́вїе вели́кое. Та́же ѡ҆сщ҃е́нїе воды̀, и҆ поклоне́нїе чⷭ҇тно́мꙋ крⷭ҇тꙋ̀, и҆ є҆ктєнїѝ, и҆ ѿпꙋ́стъ, и҆ ча́съ а҃-й. На а҃-мъ часѣ̀, тропа́рь пра́здника. Сла́ва, крⷭ҇та̀. И҆ ны́нѣ, бг҃оро́диченъ часѡ́въ. По трист҃о́мъ во всѣ́хъ часѣ́хъ кондакѝ пра́здника и҆ крⷭ҇та̀, премѣнѧ́юще глаго́лемъ, и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на пра́здника пѣ́снь г҃-ѧ, и҆ <<тѯ҃г ѡ҆б.: 726>> крⷭ҇та̀, пѣ́снь ѕ҃-ѧ, и҆ трист҃о́е. Прокі́менъ, гла́съ ѕ҃: Сп҃сѝ гдⷭ҇и, лю́ди твоѧ̑, и҆ бл҃гословѝ достоѧ́нїе твоѐ. Сті́хъ: Къ тебѣ̀ гдⷭ҇и, воззовꙋ̀, бж҃е мо́й, да не премолчи́ши ѿ менѐ. А҆по́столъ къ корі́нѳѧнѡмъ, зача́ло рк҃є. А҆ллилꙋ́їа, гла́съ а҃: Помѧнѝ со́нмъ тво́й, є҆го́же стѧжа́лъ є҆сѝ и҆спе́рва. Сті́хъ: Бг҃ъ же цр҃ь на́шъ пре́жде вѣ́ка, содѣ́ла сп҃се́нїе посредѣ̀ землѝ. Є҆ѵⷢ҇лїе і҆ѡа́нна, зача́ло ѯ҃. На лїтꙋргі́и, пое́мъ Досто́йно: а҆ не і҆рмо́съ крⷭ҇та̀. Прича́стенъ: Зна́менасѧ на на́съ свѣ́тъ лица̀ твоегѡ̀ гдⷭ҇и:

в҃. Пренесе́нїе моще́й ст҃а́гѡ первомч҃нка и҆ а҆рхїдїа́кона стефа́на.

На Гдⷭ҇и воззва́хъ, стїхи̑ры ст҃а́гѡ на ѕ҃, гла́съ и҃. Подо́бенъ: Ѽ пресла́внагѡ чꙋдесѐ! И҆́ны стїхи̑ры, гла́съ в҃, самогла́сны. Сла́ва, гла́съ ѕ҃: Пе́рвый въ мч҃нцѣхъ: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. На стїхо́внѣ ѻ҆ктѡ́иха. Сла́ва, гла́съ и҃: Ра́дꙋйсѧ ѡ҆ гдⷭ҇ѣ вѣнцено́сче: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ.

Тропа́рь, гла́съ д҃:

Цр҃скимъ вѣнце́мъ вѣнча́сѧ тво́й ве́рхъ ѿ страда́нїй, ꙗ҆̀же претерпѣ́лъ є҆сѝ по хрⷭ҇тѣ̀ бз҃ѣ, мч҃нкѡвъ первострада́льче стефа́не: ты́ бо і҆ꙋде́йское ѡ҆бличи́вый неи́стовство, ви́дѣлъ є҆сѝ твоего̀ сп҃са ѻ҆деснꙋ́ю ѻ҆ц҃а̀: того̀ ᲂу҆́бѡ молѝ ѡ҆ дꙋша́хъ на́шихъ.

[зрѝ] По ѿпꙋще́нїи вече́рни вно́ситсѧ чⷭ҇тны́й крⷭ҇тъ, і҆ере́ю ѡ҆болче́нꙋ въ фелѡ́нь, и҆ дїа́конꙋ въ стїха́рь, со свѣща́ми и҆ кади́ломъ, пою́ще тропа́рь: Сп҃сѝ гдⷭ҇и: и҆ конда́къ. и҆ полага́етсѧ на прⷭ҇то́лъ. На ᲂу҆́трени, на Бг҃ъ гдⷭ҇ь, тропа́рь мч҃нка, два́жды. Сла́ва, и҆ ны́нѣ, бг҃оро́диченъ: и҆ <<тѯ҃д: 727>> ѻ҆бы̑чныѧ каѳі̑смы, и҆ сѣда́льны ѻ҆ктѡ́иха, и҆ чте́нїе. Ѻ҆́ба канѡ́на ѻ҆ктѡ́иха, без̾ мч҃нчнѡвъ: и҆ ст҃а́гѡ на ѕ҃, гла́съ и҃. По г҃-й пѣ́сни, сѣда́ленъ, гла́съ а҃, два́жды.

По ѕ҃-й пѣ́сни, Конда́къ, гла́съ ѕ҃:

Пе́рвый сѣ́ѧлсѧ є҆сѝ на землѝ нбⷭ҇нымъ дѣ́лателемъ, всехва́льне стефа́не, пе́рвый на землѝ за хрⷭ҇та̀ кро́вь и҆злїѧ́лъ є҆сѝ бл҃же́нне: пе́рвый ѿ негѡ̀ побѣ́ды вѣнце́мъ ᲂу҆вѧ́злсѧ є҆сѝ на нб҃сѣ́хъ, страда́льцєвъ нача́ло, вѣне́чниче мч҃нкѡвъ первострада́льне.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На хвали́техъ стїхи̑ры ст҃а́гѡ на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ то́йже. Самогла́сенъ: Стефа́нъ до́брое нача́ло: На стїхо́внѣ ѻ҆ктѡ́иха. Сла́ва, ст҃а́гѡ, гла́съ є҃: Первомч҃нче а҆пⷭ҇ле: И҆ ны́нѣ, бг҃оро́диченъ. На лїтꙋргі́и, бл҃жє́нна ѻ҆ктѡ́иха: и҆ а҆пⷭ҇ла пѣ́снь г҃-ѧ на д҃. Прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ дѣѧ́нїй, зача́ло з҃і: Стефа́нъ и҆спо́лнь вѣ́ры и҆ си́лы: А҆ллилꙋ́їа, гла́съ а҃: И҆сповѣ́дѧтъ нб҃са̀: Є҆ѵⷢ҇лїе матѳе́а, зача́ло п҃з: Человѣ́къ нѣ́кїй бѣ̀ домови́тъ: Прича́стенъ: Во всю̀ зе́млю:

Въ то́йже де́нь преставле́нїе ст҃а́гѡ бл҃же́ннагѡ васі́лїа, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца.

Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀.

Тропа́рь, гла́съ и҃:

Житїѐ твоѐ васі́лїе нело́жное, и҆ чистота̀ нескве́рна, хрⷭ҇та̀ ра́ди тѣ́ло твоѐ и҆знꙋри́лъ є҆сѝ посто́мъ и҆ бдѣ́нїемъ, и҆ мра́зомъ и҆ теплото́ю со́лнечною, и҆ слото́ю и҆ дожде́внымъ ѻ҆́блакомъ, и҆ просвѣти́сѧ лицѐ твоѐ ꙗ҆́кѡ со́лнце: и҆ ны́нѣ прихо́дѧтъ къ <<тѯ҃д ѡ҆б.: 728>> тебѣ̀ рѡссі́йстїи наро́ди, цари́ же и҆ кнѧ́зи, и҆ всѝ лю́дїе, прославлѧ́юще ст҃о́е твоѐ ᲂу҆спе́нїе. тѣ́мъ хрⷭ҇та̀ бг҃а молѝ, да и҆зба́витъ ны̀ ѿ ва́рварскагѡ плѣне́нїѧ, и҆ междоꙋсо́бныѧ бра́ни, и҆ ми́ръ мі́рови пода́стъ, и҆ дꙋша́мъ на́шымъ ве́лїю млⷭ҇ть.

Конда́къ, гла́съ д҃:

Дх҃омъ бж҃їимъ води́мь пребл҃же́нне васі́лїе, ѿтрѧ́слъ є҆сѝ мїрскі́й мѧте́жъ, и҆ житїѧ̀ треволне́нїѧ возгнꙋша́лсѧ є҆сѝ, и҆ совле́ксѧ ѡ҆дѣѧ́нїй тлѣ́нныхъ, и҆ ѡ҆бле́ксѧ въ ри́зꙋ безстра́стїѧ, ᲂу҆бѣжа́лъ є҆сѝ ловле́нїѧ льсти́вагѡ мїроде́ржца, и҆ бы́лъ є҆сѝ стра́ненъ во твое́мъ ꙗ҆зы́цѣ, и҆ па́че земна́гѡ бога́тства и҆збра́въ бога́тство нбⷭ҇ное, ᲂу҆вѧ́злсѧ є҆сѝ вѣнце́мъ терпѣ́нїѧ, и҆ ны́нѣ пребл҃же́нне васі́лїе, молѝ хрⷭ҇та̀ бг҃а ѡ҆ творѧ́щихъ ст҃ꙋ́ю па́мѧть твою̀, да зове́мъ тѝ: ра́дꙋйсѧ пребл҃же́нне васі́лїе.

г҃. Прпⷣбныхъ ѻ҆тє́цъ на́шихъ, і҆саа́кїа, далма́та и҆ фа́ѵста.

А҆ллилꙋ́їа, и҆лѝ тропа́рь. Стїхи̑ры бцⷣѣ, гла́съ и҃. Подо́бенъ: Мч҃нцы твоѝ гдⷭ҇и: и҆ прпⷣбныхъ, гла́съ и҆ подо́бенъ то́йже. Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ на д҃, гла́съ и҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ в҃. Подо́бенъ: Въ мл҃твахъ:

Поще́нїемъ возсїѧ́вшыѧ ꙗ҆́кѡ свѣти̑ла, и҆ є҆́рєси разврати́вшыѧ вѣ́рою, пѣ́сньми і҆саа́кїа восхва́лимъ, и҆ съ далма́томъ фа́ѵста, ꙗ҆́кѡ хрⷭ҇тѡ́вы ᲂу҆го́дники: того̀ молѧ́щыѧ ѡ҆ всѣ́хъ на́съ.

И҆ і҆́косъ. По ѳ҃-й пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

<<тѯ҃є: 729>>

Въ то́йже де́нь прпⷣбнагѡ а҆нтѡ́нїа ри́млѧнина, новгоро́дскагѡ чꙋдотво́рца.

Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀, и҆ и҆дѣ́же хра́мъ є҆гѡ̀.

Тропа́рь, гла́съ д҃:

Ве́тхїй ри́мъ ѻ҆те́чество твоѐ ѡ҆ста́вивъ, на ка́мень ꙗ҆́кѡ на ле́гкїй кора́бль возше́лъ є҆сѝ: и҆ на не́мъ па́че є҆стества̀ а҆́ки безпло́тенъ по вода́мъ ше́ствовалъ є҆сѝ, промышле́нїемъ бжⷭ҇твеннагѡ ра́зꙋма направлѧ́емь, вели́кагѡ нова́града дости́глъ є҆сѝ, и҆ ѻ҆би́тель въ не́мъ сотвори́въ, тѣ́ло твоѐ въ не́й предложи́лъ є҆сѝ, ꙗ҆́кѡ да́ръ ѡ҆сщ҃е́нъ. тѣ́мъ мо́лимъ тѧ̀ ѻ҆́тче а҆нтѡ́нїе, молѝ хрⷭ҇та̀ бг҃а, да сп҃се́тъ дꙋ́шы на́шѧ.

Конда́къ, гла́съ и҃. Подо́бенъ: Взбра́нной:

Ри́мское воспита́нїе, вели́комꙋ же новꙋ́градꙋ бл҃года́тное процвѣте́нїе, мно́гими бо трꙋды̀ и҆ по́двиги въ не́мъ бг҃ꙋ ᲂу҆годи́лъ є҆сѝ: сегѡ̀ ра́ди чꙋде́съ дарова́нїѧ ѿ негѡ̀ сподо́билсѧ є҆сѝ, и҆ тѣ́ло твоѐ мно́гими лѣ́ты соблюдѐ нетлѣ́нно. мы́ же сїѐ лобыза́юще, ра́достнѡ ѿ дꙋшѝ вопїе́мъ тѝ: ра́дꙋйсѧ ѻ҆́тче а҆нтѡ́нїе.

д҃. Ст҃ы́хъ седмѝ ѻ҆трокѡ́въ, и҆̀же во є҆фе́сѣ: И҆ ст҃ы́ѧ прпⷣбномч҃нцы є҆ѵдокі́и:

А҆ллилꙋ́їа, и҆лѝ тропа́рь. Стїхи̑ры ѻ҆трокѡ́въ г҃, гла́съ а҃. Подо́бенъ: Нбⷭ҇ныхъ чинѡ́въ: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь.

И҆лѝ се́й, гла́съ то́йже:

Ве́лїѧ вѣ́ры чꙋдесѐ, въ пеще́рѣ ꙗ҆́кѡ въ черто́зѣ црⷭ҇комъ ст҃і́и се́дмь ѻ҆́троцы пребы́ша, и҆ ᲂу҆мро́ша без̾ тлѝ: и҆ по мно́зѣхъ временѣ́хъ воста́ша ꙗ҆́кѡ ѿ сна̀, во ᲂу҆вѣре́нїе воскрⷭ҇нїѧ всѣ́хъ человѣ́кѡвъ. тѣ́хъ мл҃твами хрⷭ҇тѐ бж҃е поми́лꙋй на́съ.

<<тѯ҃є ѡ҆б.: 730>>

На ᲂу҆́трени, ѻ҆́ба канѡ́на ѻ҆ктѡ́иха: и҆ ѻ҆трокѡ́въ на д҃, гла́съ в҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Вознесы́йсѧ:

Мі́ра сꙋ̑щаѧ тлѣ̑ннаѧ презрѣ́вше, и҆ нетлѣ̑нныѧ да́ры прїе́мше, ᲂу҆ме́рше, кромѣ̀ тлѣ́нїѧ пребы́ша: тѣ́мже востаю́тъ по мно́гихъ лѣ́тѣхъ, всѐ погре́бше лю́тыхъ невѣ́рїе: ꙗ҆̀же во хвале́нїи дне́сь вѣ́рнїи восхвалѧ́юще, хрⷭ҇та̀ воспои́мъ.

По ѳ҃-й пѣ́сни, свѣти́ленъ ѻ҆ктѡ́иха. Сла́ва, ѻ҆трокѡ́въ: И҆. ны́нѣ, бг҃оро́диченъ. На стїхо́внѣ ѻ҆ктѡ́иха.

є҃. Предпра́зднство преѡбраже́нїѧ гдⷭ҇а на́шегѡ і҆и҃са хрⷭ҇та̀. И҆ ст҃а́гѡ мч҃нка є҆ѵсѷгні́а.

Стїхи̑ры предпра́зднства г҃, гла́съ д҃. Подо́бенъ: Да́лъ є҆сѝ зна́менїе: И҆ мч҃нка г҃, гла́съ то́йже: Подо́бенъ: Ꙗ҆́кѡ до́блѧ: Сла́ва, и҆ ны́нѣ, предпра́зднства, гла́съ є҃: Прїиди́те, взы́демъ на го́рꙋ гдⷭ҇ню: [А҆́ще сꙋббѡ́та, И҆ ны́нѣ, догма́тїкъ.] На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Припѣ́въ: Ми́лость и҆ и҆́стина срѣто́стѣсѧ: в҃-й, Бл҃же́ни лю́дїе вѣ́дꙋщїи воскликнове́нїе: Сла́ва, и҆ ны́нѣ, гла́съ в҃: И҆́же на горѣ̀ ѳавѡ́рстѣй:

Тропа́рь, гла́съ д҃:

Хрⷭ҇то́во преѡбраже́нїе пред̾ꙋсрѧ́щемъ, свѣ́тлѡ торжествꙋ́юще предпра́зднствєннаѧ вѣ́рнїи, и҆ возопїи́мъ: приспѣ̀ де́нь бж҃е́ственнагѡ весе́лїѧ, восхо́дитъ на го́рꙋ ѳавѡ́рскꙋю влⷣка, бж҃ества̀ своегѡ̀ ѡ҆блиста́ти красотꙋ̀. є҆ди́ножды.

На ᲂу҆́трени, на Бг҃ъ гдⷭ҇ь, тропа́рь предпра́зднства, три́жды. и҆ ѻ҆бы̑чныѧ каѳі̑смы. По каѳі́смахъ сѣда́льны предпра́зднства. Канѡ́нъ предпра́зднства, со і҆рмосо́мъ на <<тѯ҃ѕ: 731>> на ѕ҃, гла́съ д҃: и҆ трипѣ́снца на д҃: и҆ ст҃а́гѡ на д҃, гла́съ и҃. Подо́бнѣ пое́мъ и҃-ю, и҆ ѳ҃-ю пѣ̑сни: г҃-ю же и҆ про́чыѧ пѣ̑сни да́же до ѻ҆сьмы́ѧ, предпра́зднства со і҆рмосо́мъ на и҃: и҆ ст҃а́гѡ на д҃.

[зрѝ] [А҆́ще слꙋчи́тсѧ предпра́зднство въ недѣ́лю, трипѣ́снецъ выпѣва́емъ на повече́рїи.]

По г҃-й пѣ́сни, сѣда́ленъ ст҃а́гѡ, гла́съ д҃. По ѕ҃-й пѣ́сни, Конда́къ предпра́зднства, гла́съ д҃. Подо́бенъ: Ꙗ҆ви́лсѧ є҆сѝ: Бж҃е́ственнымъ дне́сь преѡбраже́нїемъ человѣ́ческое всѐ є҆стество̀ просїѧва́етъ бж҃е́ственнѡ въ весе́лїи зовꙋ́ще: преѡбразꙋ́етсѧ хрⷭ҇то́съ сп҃са́ѧй всѧ̑.

И҆ і҆́косъ. По ѳ҃-й пѣ́сни, свѣти́ленъ предпра́зднства. На стїхо́внѣ стїхи̑ры, гла́съ а҃. Подо́бенъ: Нбⷭ҇ныхъ чинѡ́въ: съ припѣ́вы и҆́хъ. Сла́ва, и҆ ны́нѣ, гла́съ є҃: Зако́на и҆ прⷪ҇ро́кѡвъ тѧ̀ хрⷭ҇тѐ, На лїтꙋргі́и, бл҃жє́нна ѿ канѡ́на предпра́зднства, пѣ́снь г҃-ѧ и҆ ѕ҃-ѧ. А҆по́столъ и҆ є҆ѵⷢ҇лїе днѐ, и҆ ᲂу҆́трешнее под̾ зача́ло.

[[комм.]] Подоба́етъ вѣ́дати, а҆́ще слꙋчи́тсѧ предпра́зднство преѡбраже́нїѧ хрⷭ҇то́ва въ недѣ́лю.

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны и҆ бцⷣы, по ѻ҆бы́чаю. На вели́цѣй вече́рни, по каѳі́смахъ, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ є҆ди́нъ: и҆ предпра́зднства г҃: и҆ мч҃нка г҃. Сла́ва, предпра́зднства: И҆ ны́нѣ, бг҃оро́диченъ а҃-й настоѧ́щагѡ гла́са. На лїті́и стїхи́ра хра́ма, и҆ предпра́зднства стїхо́вна тогѡ̀ днѐ. Сла́ва, и҆ ны́нѣ, предпра́зднства. На стїхо́внѣ стїхи̑ры воскрⷭ҇ны. Сла́ва, и҆ ны́нѣ, предпра́зднства. На бл҃гослове́нїи хлѣ́бѡвъ, тропа́рь: Бцⷣе дв҃о ра́дꙋйсѧ: три́жды. и҆ чте́нїе въ посла́нїихъ а҆пⷭ҇льскихъ. [зрѝ] А҆ и҆дѣ́же нѣ́сть бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ: Сла́ва, <<тѯ҃ѕ ѡ҆б.: 732>> и҆ ны́нѣ, предпра́зднства. На повече́рїи, по Досто́йно, конда́къ предпра́зднства. На ᲂу҆́трени, тропа́рь воскрⷭ҇нъ, два́жды. Сла́ва, и҆ ны́нѣ, предпра́зднства, и҆ про́чее до канѡ́на воскрⷭ҇но. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃: и҆ предпра́зднства на д҃: и҆ ст҃а́гѡ на д҃. Катава́сїа: Крⷭ҇тъ начерта́въ: По г҃-й пѣ́сни, конда́къ и҆ і҆́косъ предпра́зднства: и҆ сѣда́ленъ ст҃а́гѡ. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ воскрⷭ҇нъ. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. два́жды. Сла́ва, и҆ ны́нѣ, предпра́зднства. На хвали́техъ стїхи̑ры воскрⷭ҇ны д҃: и҆ предпра́зднства стїхи̑ры со сла́внымъ д҃. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ, є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово, и҆ ѻ҆бы́чное и҆схожде́нїе въ притво́ръ, и҆ ча́съ а҃-й. На а҃-мъ часѣ̀, тропа́рь воскрⷭ҇нъ. Сла́ва, предпра́зднства. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ предпра́зднства: та́кожде и҆ на про́чихъ часѣ́хъ глаго́лемъ премѣнѧ́юще. На лїтꙋргі́и, бл҃жє́нна гла́са, на ѕ҃: и҆ предпра́зднства пѣ́снь г҃-ѧ. По вхо́дѣ тропа́рь воскрⷭ҇нъ, предпра́зднства, и҆ хра́ма бцⷣы, а҆́ще є҆́сть, и҆ хра́ма ст҃а́гѡ, и҆лѝ ст҃ы́ѧ. Та́же конда́къ воскрⷭ҇нъ. Сла́ва, хра́ма ст҃а́гѡ, и҆лѝ ст҃ы́ѧ. И҆ ны́нѣ, предпра́зднства. Прокі́менъ, а҆по́столъ, А҆ллилꙋ́їа, є҆ѵⷢ҇лїе и҆ прича́стенъ днѐ. И҆ ᲂу҆́треннїй а҆по́столъ, и҆ є҆ѵⷢ҇лїе рѧ́дъ, под̾ зача́ломъ.

[зрѝ] Вѣ́стно бꙋ́ди: Ꙗ҆́кѡ а҆́ще слꙋчи́тсѧ пра́здникъ хрⷭ҇то́ва преѡбраже́нїѧ въ недѣ́лю, ничто́же воскрⷭ҇но пое́тсѧ, нижѐ є҆ѵⷢ҇лїе ᲂу҆́треннее чте́тсѧ: но всѧ̀ слꙋ́жба пра́здника, ве́черъ, и҆ ᲂу҆́трѡ, и҆ на лїтꙋргі́и, неизмѣ́ннѡ.

<<тѯ҃з: 733>>

ѕ҃. Ст҃о́е преѡбраже́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

На ма́лѣй вече́рни, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ и҃: Мра́къ зако́нный: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Дне́сь хрⷭ҇то́съ: Припѣ́въ а҃-й: Твоѧ̑ сꙋ́ть нб҃са̀, и҆ твоѧ̀ є҆́сть землѧ̀. в҃-й: Ѳавѡ́ръ и҆ є҆рмѡ́нъ ѡ҆ и҆́мени твое́мъ возра́дꙋетасѧ. Сла́ва, и҆ ны́нѣ, гла́съ и҆ подо́бенъ то́йже: Ви́дѣша на ѳавѡ́рѣ:

Тропа́рь гла́съ з҃:

Преѡбрази́лсѧ є҆сѝ на горѣ̀ хрⷭ҇тѐ бж҃е, показа́вый ᲂу҆ч҃нкѡ́мъ твои̑мъ сла́вꙋ твою̀, ꙗ҆́коже можа́хꙋ да возсїѧ́етъ и҆ на́мъ грѣ̑шнымъ свѣ́тъ тво́й присносꙋ́щный, мл҃твами бцⷣы, свѣтода́вче, сла́ва тебѣ̀.

Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, стїхоло́гїа не быва́етъ, то́кмѡ а҆́ще є҆́сть недѣ́лѧ, тогда̀ пое́мъ каѳі́смꙋ всю̀. А҆́ще въ понедѣ́льникъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ д҃, самогла́сны: Пре́жде крⷭ҇та̀ твоегѡ̀ гдⷭ҇и: Сла́ва, и҆ ны́нѣ, гла́съ ѕ҃: Проѡбразꙋ́ѧ воскрⷭ҇нїе твоѐ. Вхо́дъ. прокі́менъ днѐ. Чтє́нїѧ г҃: а҃-е: И҆схо́да: Речѐ гдⷭ҇ь къ мѡѷсе́ю, взы́ди ко мнѣ̀ на го́рꙋ: в҃-е, И҆схо́да: Во дне́хъ ѻ҆́нѣхъ, глаго́ла гдⷭ҇ь къ мѡѷсе́ю лице́мъ къ лицꙋ̀: г҃-е, Црⷭ҇тва тре́тїѧгѡ: Во дне́хъ ѻ҆́нѣхъ, прїи́де и҆лїа̀ въ вирсаві́ю: Посе́мъ є҆ктенїа̀. На лїті́и стїхи̑ры пра́здника, гла́съ в҃: И҆́же свѣ́томъ твои́мъ: Сла́ва, гла́съ є҃: Прїиди́те взы́демъ: И҆ ны́нѣ, гла́съ то́йже: Закѡ́на и҆ прⷪ҇ро́кѡвъ: На стїхо́внѣ стїхи̑ры, гла́съ а҃, самогла́сны: И҆́же дре́вле: съ припѣ́вы пи́санными на ма́лѣй вече́рни. Сла́ва, и҆ ны́нѣ, <<тѯ҃з ѡ҆б.: 734>> гла́съ ѕ҃: Петрꙋ̀, и҆ і҆а́кѡвꙋ, и҆ і҆ѡа́ннꙋ: На бл҃гослове́нїи хлѣ́бѡвъ, тропа́рь, гла́съ з҃: Преѡбрази́лсѧ є҆сѝ на горѣ̀ хрⷭ҇тѐ бж҃е: три́жды. пи́санъ на ма́лѣй вече́рни. И҆ Бꙋ́ди и҆́мѧ гдⷭ҇не: пѣ́нїемъ три́жды. ѱало́мъ л҃г: Бл҃гословлю̀ гдⷭ҇а: до Не лиша́тсѧ всѧ́кагѡ бл҃га. И҆ чте́мъ сло́во а҆наста́сїа сїна́йскагѡ, є҆мꙋ́же нача́ло: Ꙗ҆́кѡ стра́шно мѣ́сто сїѐ: На ᲂу҆́трени, на Бг҃ъ гдⷭ҇ь, тропа́рь пра́здника, три́жды. и҆ ѻ҆бы̑чныѧ каѳі̑смы, и҆ сѣда́льны пра́здника: и҆ чте́мъ є҆ѵⷢ҇лїе въ толкова́нїи, є҆́же ѿ лꙋкѝ. И҆ даю́тсѧ свѣщы̀ бра́тїѧмъ. По полѷеле́и сѣда́льны пра́здника, и҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Ѳавѡ́ръ и҆ є҆рмѡ́нъ ѡ҆ и҆́мени твое́мъ возра́дꙋетасѧ. Сті́хъ: Твоѧ̑ сꙋ́ть нб҃са̀, и҆ твоѧ̀ є҆́сть землѧ̀. Всѧ́кое дыха́нїе: Сті́хъ: Хвали́те бг҃а во ст҃ы́хъ є҆гѡ̀. Є҆ѵⷢ҇лїе лꙋкѝ, зача́ло м҃є: Поѧ́тъ і҆и҃съ петра̀ и҆ і҆ѡа́нна и҆ і҆а́кѡва: ѱало́мъ н҃. Сла́ва, Всѧ́чєскаѧ дне́сь ра́дости и҆спо́лнишасѧ, хрⷭ҇то́съ преѡбрази́сѧ пред̾ ᲂу҆ч҃нкѝ. И҆ ны́нѣ, то́йже. Стїхи́ра, гла́съ є҃: Бж҃ества̀ твоегѡ̀ сп҃се: и҆ про́чее. Канѡ́на два̀: Є҆ди́нъ, кѵ́ръ космы̀, гла́съ д҃. Дрꙋгі́й, кѵ́ръ і҆ѡа́нна, гла́съ и҃. І҆рмосы̀ ѻ҆бою̀ канѡ́нѡвъ, по два́жды: тропарѝ на в҃і. Катава́сїа: Крⷭ҇тъ начерта́въ: По г҃-й пѣ́сни, сѣда́ленъ, гла́съ д҃. Подо́бенъ: Оу҆диви́сѧ і҆ѡ́сифъ: Сла́ва, и҆ ны́нѣ, то́йже. По ѕ҃-й пѣ́сни,

Конда́къ, гла́съ з҃:

На горѣ̀ преѡбрази́лсѧ є҆сѝ, и҆ ꙗ҆́коже вмѣща́хꙋ ᲂу҆ч҃нцы̀ твоѝ, сла́вꙋ твою̀, хрⷭ҇тѐ бж҃е, ви́дѣша: да є҆гда́ тѧ ᲂу҆́зрѧтъ распина́ема, страда́нїе ᲂу҆́бѡ ᲂу҆разꙋмѣ́ютъ во́льное, мі́рови же проповѣ́дѧтъ, ꙗ҆́кѡ ты̀ є҆сѝ вои́стиннꙋ ѻ҆́ч҃ее сїѧ́нїе.

И҆ і҆́косъ. На ѳ҃-й пѣ́сни, Чⷭ҇тнѣ́йшꙋю не пое́мъ, а҆́ще и҆ въ недѣ́лю, но пое́мъ припѣ́въ пра́здника: Велича́й <<тѯ҃и: 735>> дꙋшѐ моѧ̀: Па́ки вжига́ютъ свѣщы̀ бра́тїѧ. По ѳ҃-й пѣ́сни, свѣти́ленъ: Свѣ́те неизмѣ́нный: три́жды. На хвали́техъ стїхи̑ры на д҃, гла́съ д҃. Подо́бенъ: Зва́нный свы́ше: Сла́ва, и҆ ны́нѣ, гла́съ и҃: Поѧ́тъ хрⷭ҇то́съ: Славосло́вїе вели́кое. По трист҃о́мъ, тропа́рь пра́здника. Є҆ктєнїѝ, и҆ ѿпꙋ́стъ. И҆ дае́тсѧ є҆ле́й бра́тїи ѿ канди́ла сп҃сова. Пою́щымъ на́мъ стїхи́рꙋ самогла́снꙋ пра́здника, ю҆́же во́литъ є҆кклисїа́рхъ. и҆ ча́съ а҃-й, и҆ коне́чный ѿпꙋ́стъ. и҆ быва́етъ лїтꙋргі́а пора́нꙋ, бдѣ́нїѧ ра́ди. На лїтꙋргі́и, А҆нтїфѡ́нъ а҃. Гла́съ в҃: Сті́хъ а҃. ѱало́мъ ѯ҃є: Воскли́кните гдⷭ҇еви всѧ̀ землѧ̀, по́йте же и҆́мени є҆гѡ̀, дади́те сла́вꙋ хвалѣ̀ є҆гѡ̀. Мл҃твами бцⷣы сп҃се сп҃сѝ на́съ. Па́ки дрꙋгі́й ли́къ то́йже сті́хъ: Воскли́кните гдⷭ҇еви: Мл҃твами бцⷣы сп҃се сп҃сѝ на́съ. И҆ па́ки а҃-й ли́къ, сті́хъ в҃: ѱало́мъ ѻ҃ѕ: Гла́съ гро́ма твоегѡ̀ въ колесѝ, ѡ҆свѣти́ша мѡ́лнїѧ твоѧ̑ вселе́ннꙋю, подви́жесѧ и҆ тре́петна бы́сть землѧ̀. Мл҃твами бцⷣы сп҃се сп҃сѝ на́съ. Та́же в҃-й ли́къ, сті́хъ г҃: ѱало́мъ р҃г: Во и҆сповѣ́данїе и҆ въ велелѣ́потꙋ ѡ҆бле́клсѧ є҆сѝ, ѡ҆дѣѧ́йсѧ свѣ́томъ ꙗ҆́кѡ ри́зою. Мл҃твами бцⷣы сп҃се сп҃сѝ на́съ. Сла́ва, и҆ ны́нѣ: Мл҃твами бцⷣы сп҃се сп҃сѝ на́съ. А҆нтїфѡ́нъ в҃-й: ѱало́мъ м҃з: Сті́хъ а҃: Го́ры сїѡ́нскїѧ, ре́бра сѣ́верѡва, гра́дъ цр҃ѧ̀ вели́кагѡ. Сп҃си́ ны сн҃е бж҃їй, преѡбрази́выйсѧ на горѣ̀ пою́щыѧ тѝ: а҆ллилꙋ́їа. Дрꙋгі́й ли́къ то́йже. Сті́хъ в҃: ѱало́мъ ѻ҃з: И҆ введѐ ѧ҆̀ въ го́рꙋ ст҃ы́ни своеѧ̀, го́рꙋ сїю̀, ю҆́же стѧжа̀ десни́ца є҆гѡ̀. Сп҃си́ ны сн҃е бж҃їй, преѡбрази́выйсѧ на горѣ̀: Сті́хъ г҃: Го́рꙋ сїѡ́ню, ю҆́же возлюбѝ и҆ созда̀ ꙗ҆́кѡ є҆диноро́га ст҃и́лище своѐ. Сп҃си́ ны сн҃е бж҃їй, преѡбрази́выйсѧ на горѣ̀: Сла́ва, и҆ ны́нѣ: Є҆диноро́дный сн҃е и҆ сло́ве бж҃їй: <<тѯ҃и ѡ҆б.: 736>> А҆нтїфѡ́нъ г҃, ѱало́мъ рк҃д, гла́съ з҃. Сті́хъ а҃: Надѣ́ющїйсѧ на гдⷭ҇а, ꙗ҆́кѡ гора̀ сїѡ́нъ не подви́житсѧ во вѣ́къ. Тропа́рь: Преѡбрази́лсѧ є҆сѝ на горѣ̀ хрⷭ҇тѐ бж҃е: Ве́сь до конца̀. Сті́хъ Го́ры ѻ҆́крестъ є҆гѡ̀, и҆ гдⷭ҇ь ѻ҆́крестъ люде́й свои́хъ ѿ ны́нѣ и҆ до вѣ́ка. Тропа́рь: Преѡбрази́лсѧ є҆сѝ: ѱало́мъ д҃і. Сті́хъ г҃: Гдⷭ҇и, кто̀ ѡ҆бита́етъ въ жили́щи твое́мъ; и҆лѝ кто̀ всели́тсѧ во ст҃ꙋ́ю го́рꙋ твою̀; Тропа́рь: Преѡбрази́лсѧ є҆сѝ: ѱало́мъ к҃г. Сті́хъ д҃: Кто̀ взы́детъ на го́рꙋ гдⷭ҇ню; и҆лѝ кто̀ ста́нетъ на мѣ́стѣ ст҃ѣ́мъ є҆гѡ̀; Тропа́рь: Преѡбрази́лсѧ є҆сѝ: Вхо́дное: Гдⷭ҇и, послѝ свѣ́тъ тво́й, и҆ и҆́стинꙋ твою̀, та̑ мѧ̀ наста́виста, и҆ введо́ста мѧ̀ въ го́рꙋ ст҃ꙋ́ю твою̀. Тропа́рь: Преѡбрази́лсѧ є҆сѝ: Сла́ва, и҆ ны́нѣ: Конда́къ, гла́съ то́йже: На горѣ̀ преѡбрази́лсѧ є҆сѝ: Трист҃о́е. Прокі́менъ, гла́съ д҃: Ꙗ҆́кѡ возвели́чишасѧ дѣла̀ твоѧ̑ гдⷭ҇и, всѧ̑ премꙋ́дростїю сотвори́лъ є҆сѝ. Сті́хъ: Бл҃гословѝ дꙋшѐ моѧ̀ гдⷭ҇а: А҆по́столъ петро́ва посла́нїѧ, зача́ло ѯ҃є: Потщи́тесѧ и҆звѣ́стнѡ: А҆ллилꙋ́їа, гла́съ и҃: Твоѧ̑ сꙋ́ть нб҃са̀: Сті́хъ: Бл҃же́ни лю́дїе: Є҆ѵⷢ҇лїе матѳе́а, зача́ло ѻ҃: Поѧ́тъ і҆и҃съ петра̀, и҆ і҆а́кѡва, и҆ і҆ѡа́нна: За Досто́йно і҆рмо́съ: Ржⷭ҇тво̀ твоѐ нетлѣ́нно: и҆ до ѿда́нїѧ. Прича́стенъ: Гдⷭ҇и во свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. На трапе́зѣ же разрѣша́емъ на ры́бꙋ, и҆ є҆ле́й, и҆ вїно̀, а҆́ще и҆ среда̀ и҆лѝ пѧто́къ. [зрѝ] Подоба́етъ вѣ́дати, ꙗ҆́кѡ преда́нїе и҆́мамы ѿ ст҃ы́хъ ѻ҆тє́цъ ѿ сп҃си́тельнагѡ сегѡ̀ пра́здника преѡбраже́нїѧ, снѣда́ти гро́здїе, и҆дѣ́же ѡ҆брѣта́етсѧ. Бл҃гослове́нїе прїе́мше ѿ і҆ере́а. Принесе́нꙋ бы́вшꙋ гро́здїю въ це́рковь, и҆ по а҆нафо́рѣ раздробле́нꙋ. Глаго́летсѧ же и҆ мл҃тва на бл҃гослове́нїе гро́здїѧ. Внима́й: Ꙗ҆́кѡ а҆́ще кто̀ ѿ <<тѯ҃ѳ: 737>> ѿ бра́тїй снѣ́стъ гро́здїе пре́жде сицева́гѡ пра́здника, то̀ преслꙋша́нїѧ запреще́нїе да прїи́метъ, и҆ да не вкꙋ́ситъ гро́здїе чрез̾ ве́сь а҆́ѵгꙋстъ мѣ́сѧцъ, ꙗ҆́кѡ заповѣ́данный ᲂу҆ста́въ презрѣ́въ: ꙗ҆́кѡ да ѿ сегѡ̀ навы́кнꙋтъ и҆ про́чїи повинова́тисѧ ᲂу҆ста́вꙋ ст҃ы́хъ ѻ҆тє́цъ. Сїе́ же запреще́нїе быва́етъ и҆ блюдꙋ́щымъ вїногра́ды бра́тїи. Гро́здїю же на трапе́зѣ по пра́здницѣ се́мъ, три́жды въ недѣ́лю подоба́етъ предлага́тисѧ бра́тїи: си́рѣчь въ понедѣ́льникъ, въ сре́дꙋ, въ пѧто́къ, да вкꙋша́ютъ бра́тїѧ. Се́й ᲂу҆ста́въ быва́етъ и҆ на смо́квахъ, и҆ над̾ про́чими ѻ҆вощьмѝ: ꙗ҆́вѣ ꙗ҆́кѡ времена̀ и҆́хъ, ко́е когда̀ приспѣ́етъ. Сїѧ̑ же глаго́лемъ кромѣ̀ приноси́мыхъ блюдꙋ́щымъ смѡ́кви, и҆ раздає́мымъ: снѣда́ютъ бо сїѧ̑.

з҃. Ст҃а́гѡ прпⷣбномч҃нка дометі́а.

На Гдⷭ҇и воззва́хъ, стїхи̑ры пра́здника г҃, гла́съ д҃. Подо́бенъ: Зва́нный свы́ше: И҆ ст҃а́гѡ г҃, гла́съ ѕ҃. Подо́бенъ: Всю̀ ѿложи́вше: Сла́ва, и҆ ны́нѣ, пра́здника, гла́съ ѕ҃: Проѡбразꙋ́ѧ воскрⷭ҇нїе твоѐ: Вхо́дъ. Прокі́менъ, гла́съ з҃: Бг҃ъ на́шъ на нб҃сѝ и҆ на землѝ: со стїхѝ є҆гѡ̀, пи́санъ і҆аннꙋа́рїа въ ѕ҃-й де́нь ве́чера.

[зрѝ][[комм.]] А҆́ще слꙋчи́тсѧ пра́здникъ се́й въ сꙋббѡ́тꙋ:

Въ пѧто́къ ве́чера, пое́мъ прокі́менъ вели́кїй, со стїхѝ є҆гѡ̀. Въ сꙋббѡ́тꙋ же ве́чера, въ пра́здникъ, пое́мъ прокі́менъ: Гдⷭ҇ь воцр҃и́сѧ:

[зрѝ][[комм.]] А҆́ще слꙋчи́тсѧ пра́здникъ се́й въ недѣ́лю:

Пое́мъ въ сꙋббѡ́тꙋ ве́чера прокі́менъ: Гдⷭ҇ь воцр҃и́сѧ: со стїхѝ є҆гѡ̀. Въ недѣ́лю же ве́чера, пое́мъ прокі́менъ вели́кїй, со стїхѝ є҆гѡ̀. Та́же, є҆ктенїа̀: Рце́мъ всѝ: И҆ Сподо́би гдⷭ҇и: На стїхо́внѣ стїхи̑ры пра́здника, гла́съ ѕ҃. <<тѯ҃ѳ ѡ҆б.: 738>> Подо́бенъ: Тридне́венъ: Припѣ́вы же глаго́лемъ, а҃-й: Твоѧ̑ сꙋ́ть нб҃са̀, и҆ твоѧ̀ є҆́сть землѧ̀. в҃-й: Ѳавѡ́ръ и҆ є҆рмѡ́нъ ѡ҆ и҆́мени твое́мъ возра́дꙋетасѧ. [и҆ до ѿда́нїѧ, ве́черъ и҆ ᲂу҆́трѡ.] Сла́ва, и҆ ны́нѣ, гла́съ є҃: Прїиди́те взы́демъ:

Тропа́рь, гла́съ д҃:

По́стнически предподвиза́всѧ на горѣ̀, ᲂу҆́мнаѧ врагѡ́въ ѡ҆полчє́нїѧ всеѻрꙋ́жїемъ крⷭ҇та̀ погꙋби́лъ є҆сѝ всебл҃же́нне. па́ки же ко страда́льчествꙋ мꙋ́жески ѡ҆бле́клсѧ є҆сѝ: и҆ ѻ҆бои́хъ ра́ди вѣнча́лсѧ є҆сѝ ѿ бг҃а, прпⷣбномч҃нче дометі́е приснопа́мѧтне.

Сла́ва, и҆ ны́нѣ, пра́здника. На повече́рїи конда́къ пра́здника, и҆ до ѿда́нїѧ. На ᲂу҆́трени, на Бг҃ъ гдⷭ҇ь, тропа́рь пра́здника два́жды: и҆ ст҃а́гѡ. и҆ ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника, со і҆рмосо́мъ на и҃, д҃-гѡ гла́са, и҆ ст҃а́гѡ на д҃, гла́съ ѕ҃. По г҃-й пѣ́сни,

Конда́къ мч҃нка, гла́съ ѕ҃:

Ꙗ҆́кѡ преѡби́дѣвъ тлѣ̑ннаѧ, и҆ до́лꙋ влекꙋ̑щаѧ мꙋдрова̑нїѧ, прпⷣбномч҃нче дометі́е, вели́къ наста́вникъ мона́хѡмъ показа́лсѧ є҆сѝ, не ᲂу҆страши́всѧ ꙗ҆́рости царѧ̀, не хотѧ́ща чти́ти хрⷭ҇та̀ и҆́стиннаго бг҃а. сегѡ̀ ра́ди и҆ сконча́лсѧ є҆сѝ, воспѣва́ѧ пѣ́снь: бг҃ъ є҆́сть со мно́ю, и҆ никто́же на мѧ̀.

И҆ сѣда́ленъ, гла́съ и҃. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: съ преждепи́санными припѣ́вы. Сла́ва, и҆ ны́нѣ, гла́съ є҃: Зако́на и҆ прⷪ҇ро́кѡвъ тѧ̀ хрⷭ҇тѐ: На лїтꙋргі́и, бл҃жє́нна пра́здника, пѣ́снь а҃-ѧ ѻ҆бои́хъ канѡ́нѡвъ, со і҆рмосо́мъ на ѕ҃. Прокі́менъ пра́здника, и҆ ст҃а́гѡ, гла́съ з҃: Чⷭ҇тна̀ пред̾ гдⷭ҇емъ <<т҃ѻ: 739>> сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇еви ѡ҆ всѣ́хъ: А҆по́столъ ко є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Є҆ѵⷢ҇лїе і҆ѡа́нна, зача́ло н҃в: Сѝ заповѣ́даю ва́мъ: Прича́стенъ пра́здника, и҆ ст҃а́гѡ: Въ па́мѧть вѣ́чнꙋю: [зрѝ] А҆́ще ли слꙋчи́тсѧ попра́зднство преѡбраже́нїѧ хрⷭ҇то́ва въ сꙋббѡ́тꙋ, и҆ въ пѧто́къ: На Гдⷭ҇и воззва́хъ: Сла́ва, пра́здника: И҆ ны́нѣ, бг҃оро́диченъ а҃-й настоѧ́щагѡ гла́са.

[зрѝ][[комм.]] А҆́ще слꙋчи́тсѧ попра́зднство преѡбраже́нїѧ хрⷭ҇то́ва въ недѣ́лю:

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны, и҆ бцⷣы, по ѻ҆бы́чаю: На вели́цѣй вече́рни, по ѻ҆бы́чной каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ а҃: и҆ пра́здника г҃ тогѡ̀ днѐ: и҆ ст҃а́гѡ мине́и г҃. [зрѝ] [А҆́ще ли пое́тсѧ ст҃ы́й на ѕ҃, и҆лѝ є҆мꙋ́же и҆ полѷеле́й, пое́мъ стїхи̑ры воскрⷭ҇ны г҃, и҆ пра́здника г҃, и҆ ст҃а́гѡ д҃. Сла́ва, ст҃а́гѡ.] А҆́ще же нѝ, Сла́ва, пра́здника: И҆ ны́нѣ, бг҃оро́диченъ а҃-й, гла́са. На лїті́и стїхи̑ры пра́здника, тогѡ̀ днѐ рѧдовы̑ѧ стїхѡ́вныѧ. Сла́ва, и҆ ны́нѣ, пра́здника, пи́санъ на ᲂу҆́трени на стїхо́внѣ. А҆́ще ли и҆́мать ст҃ы́й сла́вникъ: Сла́ва, ст҃а́гѡ: И҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, ст҃а́гѡ, а҆́ще є҆́сть: И҆ ны́нѣ, пра́здника. А҆́ще ли нѝ, Сла́ва, и҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о: два́жды, и҆ пра́здника є҆ди́ножды. На ᲂу҆́трени, на Бг҃ъ гдⷭ҇ь: тропа́рь воскрⷭ҇нъ два́жды. Сла́ва, ст҃а́гѡ, а҆́ще є҆́сть, И҆ ны́нѣ, пра́здника. А҆́ще ли нѝ, Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ, и҆ непоро́чны съ тропарѝ. ѵ҆пакоѝ гла́са. Степє́нна, и҆ прокі́менъ гла́са, и҆ Всѧ́кое дыха́нїе. є҆ѵⷢ҇лїе воскрⷭ҇но, и҆ стїхи́ра воскрⷭ҇на. <<т҃ѻ ѡ҆б.: 740>> Канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃, и҆ пра́здника на д҃, и҆ ст҃а́гѡ на д҃. Катава́сїа: Ли́цы і҆и҃льтестїи: А҆́ще полѷеле́й, и҆лѝ славосло́вїе, пое́мъ канѡ́нъ воскрⷭ҇нъ со і҆рмосо́мъ на д҃, и҆ пра́здника на д҃, и҆ ст҃а́гѡ, на ѕ҃. По г҃-й пѣ́сни, конда́къ пра́здника, и҆ ст҃а́гѡ, а҆́ще и҆́мать, и҆ і҆́косъ, и҆ сѣда́ленъ ст҃а́гѡ. Сла́ва, и҆ ны́нѣ, пра́здника: и҆ чте́нїе. По ѕ҃-й пѣ́сни, конда́къ воскрⷭ҇нъ, и҆ і҆́косъ, и҆ про́логъ. На ѳ҃ и҆ пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ст҃а́гѡ, а҆́ще и҆́мать: а҆́ще ли нѝ, Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны д҃, и҆ ст҃а́гѡ, а҆́ще и҆́мать подо́бны, г҃: и҆ самогла́сенъ и҆́же на сла́вꙋ пое́мъ съ припѣ́вы є҆гѡ̀. А҆́ще ли не и҆́мать ст҃ы́й хвали́тныхъ, пое́мъ воскрⷭ҇ны на д҃: и҆ пра́здника на д҃ тогѡ̀ днѐ стїхѡ́вныѧ ᲂу҆́трєннїѧ, съ припѣ́вы пра́здника. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ то́чїю. є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ ѻ҆бы́чное и҆схожде́нїе въ притво́ръ, и҆ ча́съ а҃. На а҃-мъ часѣ̀, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника. Та́кожде и҆ въ про́чыѧ часы̀ глаго́лемъ конда́къ пра́здника, и҆ воскрⷭ҇нъ премѣнѧ́юще. А҆́ще полѷеле́й, и҆ ст҃а́гѡ. На лїтꙋргі́и, бл҃жє́нна гла́са на ѕ҃: и҆ пра́здника пѣ́снь рѧдова́ѧ на д҃. А҆́ще ли и҆́мать ст҃ы́й пѣ́снь: и҆ бл҃жє́нна воскрⷭ҇на на д҃: и҆ пра́здника пѣ́снь рѧдова́ѧ на д҃: и҆ ст҃а́гѡ пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника, та́же хра́ма и҆ ст҃а́гѡ, а҆́ще и҆́мать. Сла́ва, конда́къ ст҃а́гѡ. И҆ ны́нѣ, пра́здника. А҆́ще ли не и҆́мать ст҃ы́й тропарѧ̀ и҆ кондака̀, Сла́ва, воскрⷭ҇нъ. И҆ ны́нѣ, пра́здника. Прокі́менъ воскрⷭ҇нъ гла́са, и҆ пра́здника. <<тѻ҃а: 741>> А҆по́столъ и҆ є҆ѵⷢ҇лїе днѐ. Прича́стенъ: Хвали́те гдⷭ҇а съ нб҃съ: и҆ пра́здника. А҆́ще и҆́мать ст҃ы́й а҆по́столъ и҆ є҆ѵⷢ҇лїе: тогда̀ пое́мъ прокі́менъ воскрⷭ҇нъ, гла́са, и҆ ст҃а́гѡ. А҆по́столъ и҆ є҆ѵⷢ҇лїе днѐ, и҆ ст҃а́гѡ. Прича́стенъ: Хвали́те гдⷭ҇а съ нб҃съ: И҆ ст҃а́гѡ.

и҃. Ст҃а́гѡ є҆мїлїа́на и҆сповѣ́дника є҆пⷭ҇кпа кѷзі́ческагѡ:

Стїхи̑ры пра́здника г҃, гла́съ д҃. Подо́бенъ: Да́лъ є҆сѝ зна́менїе: И҆ ст҃а́гѡ г҃, гла́съ то́йже. Подо́бенъ: Зва́нный свы́ше: Сла́ва, и҆ ны́нѣ, пра́здника, гла́съ а҃: И҆́же дре́вле съ мѡѷсе́емъ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: съ припѣ́вомъ. Сла́ва, и҆ ны́нѣ, гла́съ а҃: Твоегѡ̀ є҆диноро́днагѡ сн҃а: Тропа́рь пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника, со і҆рмосо́мъ на и҃, и҃-гѡ гла́са: и҆ ст҃а́гѡ на д҃, гла́съ а҃. По г҃-й пѣ́сни,

Конда́къ ст҃а́гѡ, гла́съ г҃:

До́блѧго тѧ̀ побо́рника по трⷪ҇цѣ ꙗ҆́вльшасѧ, цр҃ковь сла́витъ пою́ще є҆мїлїа́не, за ню́же пострада́лъ є҆сѝ: сегѡ̀ ра́ди почита́емъ па́мѧть твою̀, ꙗ҆зы́ческагѡ наше́ствїѧ и҆зба́ви рабы̑ твоѧ̑.

И҆ сѣда́ленъ, гла́съ то́йже. Сла́ва, и҆ ны́нѣ, пра́здника, гла́съ то́йже. По ѕ҃-й пѣ́сни, конда́къ пра́здника, и҆ і҆́косъ. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, гла́съ а҃: Неѡдержи́мое твоегѡ̀: На лїтꙋргі́и, бл҃жє́нна пра́здника, пѣ́снь г҃-ѧ ѻ҆бои́хъ канѡ́нѡвъ, со і҆рмосо́мъ на ѕ҃.

<<тѻ҃а ѡ҆б.: 742>>

ѳ҃. Ст҃а́гѡ а҆пⷭ҇ла матѳі́а.

На вели́цѣй вече́рни, пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ стїхи̑ры на и҃: пра́здника г҃, гла́съ в҃. Подо́бенъ: Є҆гда̀ ѿ дре́ва: И҆ а҆пⷭ҇ла є҃, гла́съ а҃: Подо́бенъ: Всехва́льнїи мч҃нцы: Сла́ва, гла́съ ѕ҃: И҆злїѧ́сѧ бл҃года́ть: И҆ ны́нѣ, пра́здника, гла́съ в҃: И҆́же свѣ́томъ твои́мъ: Вхо́дъ, прокі́менъ днѐ: и҆ чтє́нїѧ г҃: а҃, дѣѧ́нїй ст҃ы́хъ а҆пⷭ҇лъ: Во дни̑ ты̑ѧ, воста́въ пе́тръ: в҃, Собо́рнагѡ посла́нїѧ і҆ѡа́ннова: Возлю́бленнїи, а҆́ще се́рдце на́ше: г҃, Тогѡ́же собо́рнагѡ посла́нїѧ і҆ѡа́ннова: Возлю́бленнїи, а҆́ще си́це возлюби́лъ є҆́сть на́съ бг҃ъ: На стїхо́внѣ, стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, а҆пⷭ҇ла, гла́съ в҃: Ре́вности бж҃е́ственныѧ: И҆ ны́нѣ, пра́здника, гла́съ то́йже: И҆́же на горѣ̀ ѳавѡ́рстѣй: По трист҃о́мъ, Тропа́рь а҆пⷭ҇ла, гла́съ г҃: А҆пⷭ҇ле ст҃ы́й матѳі́е: септе́мврїа въ к҃в-й де́нь. Сла́ва, и҆ ны́нѣ, пра́здника. И҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, а҆пⷭ҇ла: И҆ ны́нѣ, пра́здника. По каѳі́смахъ сѣда́ленъ а҆пⷭ҇ла: Сла́ва, и҆ ны́нѣ, пра́здника. По полѷеле́и сѣда́ленъ а҆пⷭ҇ла, гла́съ и҃, два́жды. Сла́ва, и҆ ны́нѣ, пра́здника, гла́съ д҃. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Во всю̀ зе́млю: Сті́хъ: Нб҃са̀ повѣ́даютъ: Всѧ́кое дыха́нїе: Є҆ѵⷢ҇лїе і҆ѡа́нна, зача́ло ѯ҃з: Ꙗ҆ви́сѧ і҆и҃съ ᲂу҆ч҃нкѡ́мъ свои̑мъ: По н҃-мъ ѱалмѣ̀ стїхи́ра, гла́съ ѕ҃: И҆злїѧ́сѧ бл҃года́ть: пи́сана на Гдⷭ҇и воззва́хъ: Сла́ва. Канѡ́нъ пра́здника со і҆рмосо́мъ на ѕ҃, гла́съ д҃: и҆ а҆пⷭ҇ла на и҃, гла́съ и҃. Катава́сїа пра́здника: Ли́цы і҆и҃льтестїи: По г҃-й пѣ́сни, конда́къ и҆ і҆́косъ пра́здника: и҆ сѣда́ленъ а҆пⷭ҇ла, гла́съ и҃, два́жды. Сла́ва, и҆ ны́нѣ, пра́здника, гла́съ то́йже. По ѕ҃-й пѣ́сни, <<тѻ҃в: 743>>

Конда́къ а҆пⷭ҇ла, гла́съ д҃. Подо́бенъ: Ꙗ҆ви́лсѧ є҆сѝ:

Свѣтоза́рное ꙗ҆́кѡ сл҃нце во ве́сь мі́ръ и҆зше́дшее вѣща́нїе твоѐ, просвѣща́етъ ꙗ҆зы́ческꙋю цр҃ковь бл҃года́тїю, чꙋдоно́сче матѳі́е а҆пⷭ҇ле.

И҆ і҆́косъ, и҆ про́логъ. По ѳ҃-й пѣ́сни свѣти́ленъ а҆пⷭ҇ла, два́жды. Сла́ва, и҆ ны́нѣ, пра́здника. На хвали́техъ стїхи̑ры, на ѕ҃: пра́здника г҃, гла́съ в҃. Подо́бенъ: До́ме є҆ѵфра́ѳовъ: И҆ а҆пⷭ҇ла г҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ в҃: Ѡ҆ста́вивъ земна̑ѧ: И҆ ны́нѣ, пра́здника, гла́съ то́йже: Ви́дѣша на горѣ̀ ѳавѡ́рстѣй: Славосло́вїе вели́кое. По трист҃о́мъ, тропа́рь а҆пⷭ҇ла. Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ, и҆ ча́съ а҃. На лїтꙋргі́и, бл҃жє́нна пра́здника, пѣ́снь д҃, на д҃: и҆ а҆пⷭ҇ла пѣ́снь ѕ҃, на д҃. Прокі́менъ пра́здника и҆ а҆пⷭ҇ла, гла́съ и҃: Во всю̀ зе́млю: Сті́хъ: Нб҃са̀ повѣ́даютъ: А҆по́столъ дѣѧ́нїй, зача́ло в҃: Возврати́шасѧ а҆пⷭ҇ли: А҆ллилꙋ́їа, гла́съ а҃: И҆сповѣ́дѧтъ нб҃са̀: Є҆ѵⷢ҇лїе лꙋкѝ, зача́ло м҃: Созва̀ і҆и҃съ ѻ҆бана́десѧте: Прича́стенъ пра́здника, и҆ а҆пⷭ҇ла: Во всю̀ зе́млю и҆зы́де вѣща́нїе и҆́хъ:

і҃. Ст҃а́гѡ мч҃нка и҆ а҆рхїдїа́кона лаѵре́нтїа.

Стїхи̑ры пра́здника г҃, гла́съ д҃. Подо́бенъ: Да́лъ є҆сѝ зна́менїе: И҆ ст҃а́гѡ г҃: гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, пра́здника, гла́съ д҃: Пре́жде крⷭ҇та̀ твоегѡ̀ гдⷭ҇и, гора̀ нб҃сѝ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, пра́здника, гла́съ д҃: Пре́жде крⷭ҇та̀ твоегѡ̀: Тропа́рь, гла́съ д҃: Мч҃нкъ тво́й гдⷭ҇и, лаѵре́нтїй: септе́мврїа во в҃-й де́нь: и҆ пра́здника. На ᲂу҆́трени, ѻ҆бы̑чныѧ каѳі̑смы, и҆ сѣда́льны <<тѻ҃в ѡ҆б.: 744>> пра́здника. Канѡ́нъ пра́здника со і҆рмосо́мъ на и҃: и҆ ст҃а́гѡ на д҃, гла́съ д҃. По г҃-й пѣ́сни,

Конда́къ ст҃а́гѡ, гла́съ в҃. Подо́бенъ: Вы́шнихъ и҆щѧ̀:

Ѻ҆гне́мъ бж҃е́ственнымъ распали́въ се́рдце твоѐ, ѻ҆́гнь страсте́й до конца̀ и҆спепели́лъ є҆сѝ, страда́льцєвъ ᲂу҆твержде́нїе, бг҃оно́се мч҃нче лаѵре́нтїе, и҆ въ страда́нїихъ вопїѧ́лъ є҆сѝ вѣ́рнѡ: ничто́же мѧ̀ разлꙋчи́тъ любвѐ хрⷭ҇то́вы.

И҆ і҆́косъ, и҆ сѣда́ленъ, гла́съ и҃. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры, пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ, гла́съ то́йже: Влⷣчце чⷭ҇таѧ: На лїтꙋргі́и, бл҃жє́нна пра́здника, пѣ́снь є҃-ѧ ѻ҆бои́хъ канѡ́нѡвъ, со і҆рмосо́мъ на ѕ҃.

а҃і. Ст҃а́гѡ мч҃нка и҆ а҆рхїдїа́кона є҆́ѵпла.

Стїхи̑ры пра́здника г҃, гла́съ а҃. Подо́бенъ: Нбⷭ҇ныхъ чинѡ́въ: И҆ ст҃а́гѡ трѝ, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, пра́здника: Гора̀ ꙗ҆́же и҆ногда̀: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ д҃: На горѣ̀ высо́цѣ: Тропа́рь, гла́съ д҃: Мч҃нкъ тво́й гдⷭ҇и: септе́мврїа во в҃-й де́нь: и҆ пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, мч҃нка: И҆ ны́нѣ, пра́здника. и҆ ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника, со і҆рмосо́мъ на и҃: и҆ ст҃а́гѡ на д҃, гла́съ д҃. По г҃-й пѣ́сни,

Конда́къ ст҃а́гѡ, гла́съ а҃. Подо́бенъ: Ли́къ а҆́гг҃льскїй:

Зако́ны хрⷭ҇тѡ́вы въ рꙋкꙋ̀ ѡ҆бносѧ̀, предста́лъ є҆сѝ вопїѧ̀ врагѡ́мъ въ по́двизѣ: самозва́нъ є҆́сть страда́льчествовати твердѣ́йши. <<тѻ҃г: 745>> тѣ́мже приклони́въ ра́достнѡ вы́ю твою̀, под̾ѧ́лъ є҆сѝ ᲂу҆сѣче́нїе мече́мъ, сконча́вый тече́нїе твоѐ.

И҆ сѣда́ленъ, гла́съ а҃. Сла́ва, и҆ ны́нѣ, пра́здника, гла́съ д҃. По ѕ҃-й пѣ́сни конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника, два́жды. На стїхо́внѣ, стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҆ подо́бенъ то́йже: Гла́съ ѻ҆ч҃ь съ нб҃сѐ: На лїтꙋргі́и, бл҃жє́нна пра́здника, пѣ́снь ѕ҃-ѧ ѻ҆бои́хъ канѡ́нѡвъ, со і҆рмосо́мъ на ѕ҃.

в҃і. Ст҃ы́хъ мч҃нкъ, фѡ́тїѧ и҆ а҆нїки́ты:

Пое́тсѧ же съ ни́ми слꙋ́жба и҆ ст҃а́гѡ маѯі́ма и҆сповѣ́дника. Стїхи̑ры мч҃нкѡвъ г҃, гла́съ д҃. Подо́бенъ: Да́лъ є҆сѝ зна́менїе: И҆ прпⷣбнагѡ г҃, гла́съ то́йже. Подо́бенъ: Ꙗ҆́кѡ до́блѧ: Сла́ва, прпⷣбнагѡ, гла́съ и҃: Мона́хѡвъ мно́жєства: И҆ ны́нѣ, пра́здника, гла́съ то́йже: Мра́къ зако́нный: На стїхо́внѣ, стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, прпⷣбнагѡ, гла́съ ѕ҃: Прпⷣбне ѻ҆́тче, во всю̀ зе́млю: И҆ ны́нѣ, пра́здника, гла́съ є҃: Бж҃ества̀ твоегѡ̀ сп҃се: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. И҆ прпⷣбнагѡ, гла́съ и҃: Правосла́вїѧ наста́вниче: ѻ҆ктѡ́врїа въ а҃і-й де́нь. И҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, є҆ди́ножды: и҆ мч҃нкѡвъ, є҆ди́ножды. Сла́ва, прпⷣбнагѡ: И҆ ны́нѣ, пра́здника: и҆ ѻ҆бы̑чныѧ каѳі̑смы: и҆ сѣда́льны пра́здника. Канѡ́нъ пра́здника, со і҆рмосо́мъ на ѕ҃: и҆ мч҃нкѡвъ на д҃, гла́съ д҃: и҆ прпⷣбнагѡ на д҃, гла́съ и҃. По г҃-й пѣ́сни,

Конда́къ прпⷣбнагѡ, гла́съ ѕ҃. Подо́бенъ: Є҆́же ѡ҆ на́съ:

Свѣ́тъ трисїѧ́нный все́льшїйсѧ въ дꙋ́шꙋ твою̀, сосꙋ́дъ и҆збра́нъ <<тѻ҃г ѡ҆б.: 746>> показа́ тѧ всебл҃же́нне, ꙗ҆влѧ́юща бж҃е́ствєннаѧ концє́мъ: неꙋдобопости́жныхъ разꙋмѣ́нїй ты̀ сказꙋ́ѧй бл҃же́нне, и҆ трⷪ҇цꙋ всѣ̑мъ маѯі́ме воспроповѣ́дꙋѧй ꙗ҆́снѡ, пресꙋ́щнꙋю безнача́льнꙋ.

И҆ і҆́косъ, и҆ сѣда́ленъ мч҃нкѡвъ, гла́съ д҃. Сла́ва, прпⷣбнагѡ, гла́съ г҃. И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ прпⷣбнагѡ: Трꙋба̀ ꙗ҆ви́лсѧ є҆сѝ премꙋ́дрости: Сла́ва, и҆ ны́нѣ, пра́здника. На стїхо́внѣ пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, то́йже. На лїтꙋргі́и, бл҃жє́нна пра́здника, пѣ́снь з҃-ѧ, и҆ и҃-ѧ, ѿ ѻ҆бои́хъ канѡ́нѡвъ, со і҆рмосо́мъ на ѕ҃.

г҃і. Прпⷣбнагѡ ѻ҆тца̀ на́шегѡ маѯі́ма и҆сповѣ́дника. Въ сі́й же де́нь ѿдае́тсѧ пра́здникъ гдⷭ҇нѧ преѡбраже́нїѧ: и҆ пое́тсѧ слꙋ́жба всѧ̀ пра́здника.

Ве́черъ, ѻ҆бы́чнаѧ каѳі́сма, на Гдⷭ҇и воззва́хъ, стїхи̑ры пра́здника на ѕ҃, поє́мыѧ на са́мый пра́здникъ: Сла́ва, и҆ ны́нѣ, пра́здника. А҆́ще сꙋббѡ́та. Сла́ва пра́здника, И҆ ны́нѣ, догма́тїкъ настоѧ́щагѡ гла́са. На стїхо́внѣ стїхи̑ры, и҆ Сла́ва, и҆ ны́нѣ, пра́здника. Тропа́рь пра́здника. є҆ктенїа̀, и҆ ѿпꙋ́стъ. На повече́рїи, по трист҃о́мъ конда́къ пра́здника. Полꙋ́нощницꙋ же пое́мъ по ѻ҆бы́чаю, съ тропарѝ дневны́ми. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. По каѳі́смахъ сѣда́льны пра́здника. Канѡ́нъ пра́здника со і҆рмосо́мъ на и҃: дрꙋгі́й без̾ і҆рмосѡ́въ на ѕ҃. Катава́сїа: Крⷭ҇тъ начерта́въ: ѻ҆́ба ли̑ка вкꙋ́пѣ. По г҃-й пѣ́сни, сѣда́ленъ два́жды. По ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́въ пра́здника. Свѣти́ленъ пра́здника, два́жды. На хвали́техъ стїхи̑ры пра́здника, на д҃. Сла́ва, <<тѻ҃д: 747>> и҆ ны́нѣ, пра́здника. Славосло́вїе вели́кое. По трист҃о́мъ тропа́рь пра́здника, є҆ктєнїѝ, ѡ҆глаше́нїе, и҆ ѿпꙋ́стъ: и҆ ѻ҆бы́чное и҆схожде́нїе, и҆ ча́съ а҃-й въ притво́рѣ. На лїтꙋргі́и, бл҃жє́нна, ѻ҆бои́хъ канѡ́нѡвъ пѣ́снь ѳ҃-ѧ, со і҆рмосо́мъ на и҃. тропа́рь пра́здника. Сла́ва, и҆ ны́нѣ, конда́къ пра́здника. Прокі́менъ, А҆ллилꙋ́їа, и҆ прича́стенъ пра́здника, а҆по́столъ и҆ є҆ѵⷢ҇лїе днѐ то́чїю.

[[комм.]] А҆́ще ли слꙋчи́тсѧ ѿда́нїе пра́здника преѡбраже́нїѧ хрⷭ҇то́ва въ недѣ́лю.

На ма́лѣй вече́рни, стїхи̑ры воскрⷭ҇ны. На стїхо́внѣ стїхи́ра воскрⷭ҇на, и҆ пра́здника стїхо́вна, съ припѣ́вы свои́ми вели́кїѧ вече́рни. Сла́ва, и҆ ны́нѣ, пра́здника. тропа́рь воскрⷭ҇нъ. Сла́ва, и҆ ны́нѣ, пра́здника. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ є҆ди́нъ: и҆ пра́здника ѕ҃, поє́мыѧ на са́мый пра́здникъ. Сла́ва, пра́здника: И҆ ны́нѣ, бг҃оро́диченъ пе́рвый, гла́са. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны: Сла́ва, и҆ ны́нѣ, пра́здника. По трист҃о́мъ тропа́рь: Бцⷣе дв҃о, два́жды, и҆ пра́здника, є҆ди́ножды. и҆ бл҃гослове́нїе хлѣ́бѡвъ, и҆ чте́нїе. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ: и҆ чте́нїе во є҆ѵⷢ҇лїи, недѣ́лѧ рѧ́дъ, и҆ прѡ́чаѧ по ѻ҆бы́чаю. Канѡ́нъ воскрⷭ҇нъ со і҆рмосо́мъ на д҃, и҆ бцⷣы на в҃: и҆ пра́здника ѻ҆́ба канѡ́на, на и҃. Катава́сїа: Крⷭ҇тъ начерта́въ: ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ пра́здника, и҆ сѣда́ленъ пра́здника два́жды: По ѕ҃-й пѣ́сни, конда́къ и҆ і҆́косъ воскрⷭ҇нъ. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На <<тѻ҃д ѡ҆б.: 748>> хвали́техъ стїхи̑ры воскрⷭ҇ны д҃: и҆ пра́здника д҃. со сла́внымъ, съ припѣ́вы пра́здничными. Сла́ва, стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ, тропа́рь воскрⷭ҇нъ то́чїю. є҆ктєнїѝ, ѡ҆глаше́нїе, и҆ ѿпꙋ́стъ, и҆ ча́съ а҃- й въ притво́рѣ. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ, конда́къ пра́здника, та́кожде и҆ на про́чихъ часѣ́хъ, конда́къ воскрⷭ҇нъ, и҆ пра́здника, глаго́лемъ премѣнѧ́юще. На лїтꙋргі́и, бл҃жє́нна гла́са, на ѕ҃: и҆ пра́здника, д҃-гѡ гла́са, пѣ́снь ѳ҃-ѧ, на д҃. Тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ: И҆ ны́нѣ, пра́здника. Прокі́менъ, А҆ллилꙋ́їа, и҆ прича́стенъ днѐ и҆ пра́здника. а҆по́столъ и҆ є҆ѵⷢ҇лїе днѐ.

Въ то́йже де́нь па́мѧть и҆́же во ст҃ы́хъ ѻ҆тца̀ на́шегѡ тѵ́хѡна, є҆пⷭ҇кпа воро́нежскагѡ, задо́нскагѡ чꙋдотво́рца.

Тропа́рь, гла́съ и҃:

Ѿ ю҆́ности возлюби́лъ є҆сѝ хрⷭ҇та̀, бл҃же́нне, ѡ҆́бразъ всѣ̑мъ бы́лъ є҆сѝ сло́вомъ, житїе́мъ, любо́вїю, дꙋ́хомъ, вѣ́рою, чистото́ю и҆ смире́нїемъ: тѣ́мже и҆ всели́лсѧ є҆сѝ въ нбⷭ҇ныѧ ѻ҆би́тєли, и҆дѣ́же предстоѧ̀ прⷭ҇то́лꙋ прест҃ы́ѧ трⷪ҇цы, молѝ ст҃и́телю тѵ́хѡне, сп҃сти́сѧ дꙋша́мъ на́шымъ.

Конда́къ, гла́съ и҃:

А҆пⷭ҇лѡвъ прее́мниче, ст҃и́телей ᲂу҆краше́нїе, правосла́вныѧ цр҃кве ᲂу҆чи́телю, влⷣцѣ всѣ́хъ моли́сѧ, ми́ръ вселе́ннѣй дарова́ти и҆ дꙋша́мъ на́шымъ ве́лїю млⷭ҇ть.

д҃і. Предпра́зднство ᲂу҆спе́нїѧ прест҃ы́ѧ бцⷣы: И҆ ст҃а́гѡ прⷪ҇ро́ка мїхе́а.

На Гдⷭ҇и воззва́хъ, стїхи̑ры предпра́зднства г҃, гла́съ д҃. <<тѻ҃є: 749>> Подо́бенъ: Ꙗ҆́кѡ до́блѧ: Въ кѷмва́лѣхъ возгласи́мъ: И҆ прⷪ҇ро́ка г҃, гла́съ то́йже. Подо́бенъ: Да́лъ є҆сѝ зна́менїе: Сла́ва, и҆ ны́нѣ, предпра́зднства, гла́съ то́йже, самогла́сенъ: Всечестно́е твоѐ ᲂу҆спе́нїе: А҆́ще въ пѧто́къ ве́чера, И҆ ны́нѣ, догма́тїкъ. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Припѣ́въ пе́рвый: Воскрⷭ҇нѝ гдⷭ҇и въ поко́й тво́й: Вторы́й: Клѧ́тсѧ гдⷭ҇ь дв҃дꙋ и҆́стиною: Сла́ва, и҆ ны́нѣ, гла́съ в҃: Ꙗ҆́же нб҃съ вы́шшаѧ сꙋ́щи:

Тропа́рь, гла́съ д҃:

Лю́дїе пред̾игра́йте, рꙋка́ми пле́щꙋще вѣ́рнѡ, и҆ любо́вїю собери́тесѧ дне́сь ра́дꙋющесѧ, и҆ свѣ́тлѡ восклица́юще всѝ весе́лїемъ: бж҃їѧ бо мт҃и и҆́мать ѿ земны́хъ къ вы̑шнимъ прейтѝ сла́внѡ, ю҆́же пѣ́сньми при́снѡ ꙗ҆́кѡ бцⷣꙋ сла́вимъ.

На ᲂу҆́трени, на Бг҃ъ гдⷭ҇ь, тропа́рь предпра́зднства три́жды, и҆ ѻ҆бы̑чныѧ каѳі̑смы: и҆ сѣда́льны предпра́зднства. Канѡ́нъ предпра́зднства, со і҆рмосо́мъ на и҃, гла́съ є҃: и҆ прⷪ҇ро́ка на д҃, гла́съ и҃. По г҃-й пѣ́сни, сѣда́ленъ прⷪ҇ро́ка, гла́съ а҃. Сла́ва, и҆ ны́нѣ, предпра́зднства, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Въ сла́внѣй па́мѧти твое́й вселе́ннаѧ невеще́ственнымъ дх҃омъ и҆спещре́на, ᲂу҆́мнѡ съ весе́лїемъ зове́тъ тебѣ̀: ра́дꙋйсѧ дв҃о, хрⷭ҇тїа́нъ похвало̀.

И҆ і҆́косъ. По ѳ҃-й пѣ́сни, свѣти́ленъ предпра́зднства. Сла́ва, и҆ ны́нѣ, дрꙋгі́й. На стїхо́внѣ стїхи̑ры, гла́съ ѕ҃. Подо́бенъ: Тридне́венъ: съ припѣ́вы и҆́хъ. Сла́ва, и҆ ны́нѣ, предпра́зднства, гла́съ г҃: Прїиди́те всѝ концы̀: На лїтꙋргі́и, бл҃жє́нна, пѣ́снь г҃- ѧ и҆ ѕ҃-ѧ. По вхо́дѣ тропа́рь пре́жде хра́ма хрⷭ҇то́ва, и҆ предпра́зднства, и҆ хра́ма ст҃а́гѡ. Сла́ва, конда́къ хра́ма ст҃а́гѡ: И҆ ны́нѣ, предпра́зднства. <<тѻ҃є ѡ҆б.: 750>> [зрѝ] А҆́ще слꙋчи́тсѧ предпра́зднство ᲂу҆спе́нїѧ бцⷣы въ недѣ́лю, и҆ пое́мъ всю̀ слꙋ́жбꙋ предпра́зднства, съ воскрⷭ҇ною и҆ прⷪ҇ро́ческою слꙋ́жбою, ве́черъ и҆ ᲂу҆́трѡ, и҆ на лїтꙋргі́и, ꙗ҆́коже ᲂу҆каза́сѧ на предпра́зднство преѡбраже́нїѧ хрⷭ҇то́ва. То́чїю на ᲂу҆́трени, Катава́сїа: Преꙋкраше́ннаѧ: По вхо́дѣ глаго́лемъ тропа́рь воскрⷭ҇нъ и҆ предпра́зднства, и҆ хра́ма ст҃а́гѡ, и҆лѝ ст҃ы́ѧ. Та́же конда́къ воскрⷭ҇нъ. Сла́ва, хра́ма ст҃а́гѡ, и҆лѝ ст҃ы́ѧ. И҆ ны́нѣ, предпра́зднства.

є҃і. Оу҆спе́нїе прест҃ы́ѧ сла́вныѧ влⷣчцы на́шеѧ бцⷣы, и҆ приснодв҃ы мр҃і́и.

На ма́лѣй вече́рни, на Гдⷭ҇и воззва́хъ, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ ѕ҃: Прїиди́те всемі́рное ᲂу҆спе́нїе: Прокі́менъ днѐ. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Припѣ́въ: Воскрⷭ҇нѝ гдⷭ҇и въ поко́й тво́й: Вторы́й: Клѧ́тсѧ гдⷭ҇ь дв҃дꙋ: Сла́ва, и҆ ны́нѣ, гла́съ то́йже: Двє́ри нбⷭ҇ныѧ:

Тропа́рь, гла́съ а҃:

Въ ржⷭ҇твѣ̀ дв҃ство сохрани́ла є҆сѝ, во ᲂу҆спе́нїи мі́ра не ѡ҆ста́вила є҆сѝ бцⷣе: преста́виласѧ є҆сѝ къ животꙋ̀, мт҃и сꙋ́щи живота̀, и҆ мл҃твами твои́ми и҆збавлѧ́еши ѿ сме́рти дꙋ́шы на́шѧ.

Є҆ктенїа̀ ма́лаѧ. и҆ ѿпꙋ́стъ. На вели́цѣй вече́рни, пое́мъ: Бл҃же́нъ мꙋ́жъ: а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ а҃. Сла́ва, и҆ ны́нѣ, гла́съ то́йже: Бг҃онача́льнымъ манове́нїемъ: Вхо́дъ. Прокі́менъ днѐ. Чтє́нїѧ г҃: а҃-е, Бытїѧ̀: И҆зы́де і҆а́кѡвъ ѿ стꙋденца̀ клѧ́твеннагѡ: в҃-е, Прⷪ҇ро́чества і҆езекі́илева: Та́кѡ глаго́летъ гдⷭ҇ь, бꙋ́детъ ѿ днѐ ѻ҆сма́гѡ: г҃-е, При́тчей: Премꙋ́дрость <<тѻ҃ѕ: 751>> созда̀ себѣ̀ до́мъ: На лїті́и стїхи̑ры самогла́сны, гла́съ а҃. Сла́ва, гла́съ є҃: Прїиди́те празднолю́бныхъ собо́ръ: И҆ ны́нѣ, гла́съ то́йже: Воспо́йте лю́дїе: На стїхо́внѣ стїхи̑ры самогла́сны, гла́съ д҃. Припѣ́въ: Воскрⷭ҇нѝ гдⷭ҇и въ поко́й тво́й: в҃-й, Клѧ́тсѧ гдⷭ҇ь дв҃дꙋ и҆́стиною: Сла́ва, и҆ ны́нѣ, гла́съ то́йже: Є҆гда̀ и҆зшла̀ є҆сѝ бцⷣе дв҃о: На бл҃гослове́нїи хлѣ́бѡвъ тропа́рь, гла́съ а҃: Въ ржⷭ҇твѣ̀ дв҃ство сохрани́ла є҆сѝ: три́жды, пи́санъ на ма́лѣй вече́рни. и҆ Бꙋ́ди и҆́мѧ гдⷭ҇не: съ пѣ́нїемъ, три́жды: и҆ ѱало́мъ: Бл҃гословлю̀ гдⷭ҇а: до Не лиша́тсѧ всѧ́кагѡ бл҃га. и҆ чте́нїе. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. И҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. и҆ даю́тсѧ свѣщы̀ бра́тїи. По полѷеле́и сѣда́ленъ, гла́съ д҃: Возопі́й дв҃де: Сла́ва, и҆ ны́нѣ, то́йже: и҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Помѧнꙋ̀ и҆́мѧ твоѐ: Сті́хъ: Слы́ши дщѝ и҆ ви́ждь: Всѧ́кое дыха́нїе: Є҆ѵⷢ҇лїе лꙋкѝ, зача́ло д҃: Воста́вши мр҃їа́мъ: По н҃-мъ ѱалмѣ̀ стїхи́ра, гла́съ ѕ҃: Є҆гда̀ преставле́нїе: Канѡ́на два̀: Є҆ди́нъ, гла́съ а҃, кѵ́ръ космы̀. Дрꙋгі́й, гла́съ д҃, кѵ́ръ і҆ѡа́нна. І҆рмосы̀ а҃-гѡ и҆ в҃-гѡ канѡ́на, по два́жды. Тропарѝ ѻ҆бою̀ канѡ́нѡвъ, на в҃і. Катава́сїа, кі́йждо ли́къ сво́й і҆рмо́съ. По г҃-й пѣ́сни, ѵ҆пакоѝ, гла́съ и҃: Бл҃жи́мъ тѧ̀ всѝ ро́ди бцⷣе дв҃о: По ѕ҃-й пѣ́сни,

Конда́къ, гла́съ в҃:

Въ мл҃твахъ неꙋсыпа́ющꙋю бцⷣꙋ, и҆ въ предста́тельствахъ непрело́жное ᲂу҆пова́нїе, гро́бъ и҆ ᲂу҆мерщвле́нїе не ᲂу҆держа́ста: ꙗ҆́коже бо живота̀ мт҃рь, къ животꙋ̀ преста́ви, во ᲂу҆тро́бꙋ всели́выйсѧ приснодв҃ственнꙋю.

<<тѻ҃ѕ ѡ҆б.: 752>>

И҆ і҆́косъ, и҆ чте́мъ про́логъ. На ѳ҃-й пѣ́сни, па́ки вжига́ютъ свѣщы̀ бра́тїѧ. Чⷭ҇тнѣ́йшꙋю не пое́мъ, но пое́мъ припѣ́вы пра́здника. По ѳ҃-й пѣ́сни, свѣти́ленъ пра́здника: А҆пⷭ҇ли ѿ конє́цъ: три́жды. На хвали́техъ стїхи̑ры на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ, гла́съ ѕ҃: На безсме́ртное твоѐ ᲂу҆спе́нїе: Славосло́вїе вели́кое и҆ ѿпꙋ́стъ. и҆ дае́тсѧ є҆ле́й ѿ канди́ла прест҃ы́ѧ бцⷣы, ꙗ҆́коже предрече́сѧ септе́мврїа въ к҃ѕ-й де́нь. и҆ ча́съ пе́рвый, и҆ коне́чный ѿпꙋ́стъ. На лїтꙋргі́и, бл҃жє́нна а҃-гѡ канѡ́на, пѣ́снь г҃-ѧ, на д҃: и҆ втора́гѡ канѡ́на, пѣ́снь ѕ҃-ѧ на д҃. По вхо́дѣ тропа́рь пра́здника. Сла́ва, и҆ ны́нѣ, конда́къ. Прокі́менъ, гла́съ г҃, пѣ́снь бцⷣы: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: А҆по́столъ къ фїлїпписі́ємъ, зача́ло с҃м: Сїѐ да мꙋ́дрствꙋетсѧ въ ва́съ: А҆ллилꙋ́їа, гла́съ в҃: Воскрⷭ҇нѝ гдⷭ҇и въ поко́й тво́й: Сті́хъ: Клѧ́тсѧ гдⷭ҇ь дв҃дꙋ и҆́стиною: Є҆ѵⷢ҇лїе лꙋкѝ, зача́ло н҃д: Вни́де і҆и҃съ въ ве́сь нѣ́кꙋю: За Досто́йно пое́мъ і҆рмо́съ: Побѣжда́ютсѧ: и҆ до ѿда́нїѧ. Прича́стенъ: Ча́шꙋ сп҃се́нїѧ прїимꙋ̀: На трапе́зѣ ᲂу҆тѣше́нїе бра́тїи. А҆́ще ли бꙋ́детъ пра́здникъ се́й въ сре́дꙋ и҆лѝ въ пѧто́къ, разрѣша́емъ то́чїю на ры́бꙋ и҆ вїно̀. А҆́ще ли же въ понедѣ́льникъ, и҆ мїрѧ́не разрѣша́ютъ на мѧ́со, и҆ сы́ры, и҆ ꙗ҆́ица: мона́си же то́чїю на ры́бꙋ и҆ вїно̀. Пра́зднꙋетсѧ же ᲂу҆́бѡ се́й пра́здникъ де́вѧть дне́й.

[[комм.]] Подоба́етъ вѣ́дати, а҆́ще слꙋчи́тсѧ пра́здникъ прест҃ы́ѧ бцⷣы ᲂу҆спе́нїѧ въ недѣ́лю:

Въ сꙋббѡ́тꙋ на ма́лѣй вече́рни, на Гдⷭ҇и воззва́хъ, стїхи̑ры воскрⷭ҇ны гла́са на д҃. Сла́ва, и҆ ны́нѣ, пра́здника, На стїхо́внѣ стїхи́ра воскрⷭ҇на є҆ди́на: и҆ пра́здника, стїхо́вна вели́кїѧ вече́рни, съ припѣ́вы пра́здника. Сла́ва, и҆ <<тѻ҃з: 753>> ны́нѣ, пра́здника. Тропа́рь воскрⷭ҇нъ. Сла́ва, и҆ ны́нѣ, пра́здника. є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чной каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ є҆ди́нъ: и҆ пра́здника ѕ҃. Сла́ва, и҆ ны́нѣ, пра́здника. Вхо́дъ, прокі́менъ днѐ: и҆ чтє́нїѧ г҃, пра́здника. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, и҆ ны́нѣ, пра́здника. На бл҃гослове́нїи хлѣ́бѡвъ, тропа́рь пра́здника, три́жды. и҆ чте́нїе въ посла́нїихъ: На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, пра́здника. По ѻ҆бы́чныхъ каѳі́смахъ, сѣда́льны воскрⷭ҇ны, съ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ, недѣ́лѧ рѧдова́ѧ. Та́же полѷеле́й, и҆ тропарѝ: А҆́гг҃льскїй собо́ръ: и҆ сѣда́льны всѝ пра́здника, по є҆ди́ножды. и҆ чте́нїе пра́здника. Степє́нна гла́са. прокі́менъ, и҆ є҆ѵⷢ҇лїе пра́здника. Та́же, Воскрⷭ҇нїе хрⷭ҇то́во: ѱало́мъ н҃, и҆ цѣлова́нїе є҆ѵⷢ҇лїа, по ѻ҆бы́чаю. Посе́мъ, Сла́ва: Мл҃твами бцⷣы: И҆ ны́нѣ, то́йже. стїхи́ра пра́здника. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на два̀: и҆ пра́здника ѻ҆́ба канѡ́на на и҃. Катава́сїа, і҆рмосы̀ пра́здника, ѻ҆бои́хъ канѡ́нѡвъ. По г҃-й пѣ́сни, конда́къ воскрⷭ҇нъ, и҆ ѵ҆пакоѝ пра́здника, є҆ди́ножды. По ѕ҃-й пѣ́сни, конда́къ и҆ і҆́косъ пра́здника. и҆ чте́мъ про́логъ. На ѳ҃-й пѣ́сни, припѣ́вы не пое́мъ, но Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника: На хвали́техъ стїхи̑ры воскрⷭ҇ны д҃: и҆ пра́здника д҃, съ припѣ́вы пра́здника. Сла́ва, пра́здника: И҆ ны́нѣ: Пребл҃гослове́нна є҆сѝ: и҆ Славосло́вїе вели́кое. трист҃о́е, тропа́рь воскрⷭ҇нъ то́чїю, є҆ктєнїѝ, и҆ ѿпꙋ́стъ. дае́тсѧ же и҆ є҆ле́й ѿ канди́ла пра́здника: та́же, стїхи́ра є҆ѵⷢ҇льскаѧ, и҆ ѡ҆глаше́нїе, и҆ ѻ҆бы́чное и҆схожде́нїе, и҆ ча́съ <<тѻ҃з ѡ҆б.: 754>> а҃-й въ притво́рѣ. На а҃-мъ часѣ̀, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ воскрⷭ҇нъ и҆ ѿпꙋ́стъ. Та́кожде и҆ на про́чихъ часѣ́хъ тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. Конда́къ пра́здника, и҆ воскрⷭ҇нъ, глаго́лемъ премѣнѧ́юще. На лїтꙋргі́и, бл҃жє́нна воскрⷭ҇на гла́са на ѕ҃: и҆ пра́здника пѣ́снь г҃, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ днѐ и҆ пра́здника.

ѕ҃і. Ѿ є҆де́са пренесе́нїе въ кѡнстанті́нь гра́дъ нерꙋкотворе́ннагѡ ѡ҆́браза гдⷭ҇а на́шегѡ і҆и҃са хрⷭ҇та̀, ре́кше ст҃а́гѡ ᲂу҆брꙋ́са: И҆ ст҃а́гѡ мч҃нка дїоми́да.

На Гдⷭ҇и воззва́хъ, стїхи̑ры на ѕ҃: Оу҆спе́нїѧ г҃, гла́съ в҃: Кі́ими похва́льными: и҆ ѡ҆́браза г҃, гла́съ и҆ подо́бенъ то́йже. Сла́ва, ѡ҆́браза: И҆ ны́нѣ, пра́здника бцⷣы. На стїхо́внѣ стїхи̑ры пра́здника бцⷣы, съ припѣ́вы є҆ѧ̀. Сла́ва, ѡ҆́браза: И҆ ны́нѣ, бцⷣы.

Тропа́рь ѡ҆́браза, гла́съ г҃:

Пречⷭ҇томꙋ твоемꙋ̀ ѡ҆́бразꙋ покланѧ́емсѧ бл҃гі́й, просѧ́ще проще́нїѧ прегрѣше́нїй на́шихъ хрⷭ҇тѐ бж҃е: во́лею бо бл҃говоли́лъ є҆сѝ, пло́тїю взы́ти на крⷭ҇тъ, да и҆зба́виши ꙗ҆̀же созда́лъ є҆сѝ, ѿ рабо́ты вра́жїѧ. тѣ́мъ бл҃года́рственнѡ вопїе́мъ тѝ: ра́дости и҆спо́лнилъ є҆сѝ всѧ̑ сп҃се на́шъ, прише́дый сп҃стѝ мі́ръ.

Сла́ва, и҆ ны́нѣ, пра́здника. На повече́рїи, по Досто́йно, конда́къ пра́здника, и҆ до ѿда́нїѧ. На ᲂу҆́трени, на Бг҃ъ гдⷭ҇ь, тропа́рь ѡ҆́браза, два́жды. Сла́ва, и҆ ны́нѣ, пра́здника бцⷣы. По каѳі́смахъ, сѣда́льны ѡ҆́браза, и҆ пра́здника бцⷣы: Та́же канѡ́нъ пра́здника бцⷣы со і҆рмосо́мъ на ѕ҃: <<тѻ҃и: 755>> и҆ ѡ҆́браза на ѕ҃. Катава́сїа: Преꙋкраше́ннаѧ: и҆ до ѿда́нїѧ пра́здника. По г҃-й пѣ́сни, конда́къ и҆ і҆́косъ пра́здника бцⷣы, и҆ сѣда́ленъ ѡ҆́браза, гла́съ а҃, два́жды. Сла́ва, и҆ и҆ ны́нѣ: Ли́къ бж҃е́ственныхъ а҆пⷭ҇лъ. По ѕ҃-й пѣ́сни,

Конда́къ, гла́съ в҃. Подо́бенъ: Въ мл҃твахъ:

Неизрече́ннагѡ и҆ бж҃е́ственнагѡ твоегѡ̀ къ человѣ́кѡмъ смотре́нїѧ, неѡпи́санное сло́во ѻ҆́ч҃ее, и҆ ѡ҆́бразъ непи́санный, и҆ бг҃опи́санный побѣди́теленъ, вѣ́дꙋще нело́жнагѡ твоегѡ̀ воплоще́нїѧ, почита́емъ того̀ лобыза́юще.

И҆ і҆́косъ. По ѳ҃-й пѣ́сни, свѣти́ленъ ѡ҆́браза. Сла́ва, и҆ ны́нѣ, пра́здника бцⷣы. На хвали́техъ стїхи́ры ѡ҆́браза на д҃, гла́съ д҃. Подо́бенъ: Зва́нный свы́ше: Сла́ва, ѡ҆́браза: И҆ ны́нѣ, пра́здника бцⷣы. Славосло́вїе вели́кое. По трист҃о́мъ, тропа́рь ѡ҆́браза. Сла́ва, и҆ ны́нѣ, пра́здника бцⷣы. Є҆ктєнїѝ, и҆ ѿпꙋ́стъ, и҆ ча́съ а҃-й. На лїтꙋргі́и, бл҃жє́нна пра́здника, пѣ́снь а҃- ѧ, на д҃: и҆ ѡ҆́браза пѣ́снь ѕ҃-ѧ, на д҃. Прокі́менъ, гла́съ д҃: Воспо́йте гдⷭ҇еви пѣ́снь но́вꙋ: Сті́хъ: Ви́дѣша всѝ концы̀ землѝ: А҆по́столъ къ колосса́ємъ, зача́ло с҃н: Бл҃годарѧ́ще бг҃а и҆ ѻ҆ц҃а̀: и҆лѝ къ корі́нѳѧнѡмъ, зача́ло рѻ҃г: Надѣ́ѧнїе таково̀ и҆́мамы: та́же рѧ́дъ. А҆ллилꙋ́їа, гла́съ д҃: Гдⷭ҇и во свѣ́тѣ лица̀ твоегѡ̀: Є҆ѵⷢ҇лїе лꙋкѝ, зача́ло м҃и ѿ полꙋ̀: Бы́сть є҆гда̀ скончава́хꙋсѧ дні́е восхожде́нїю і҆и҃совꙋ: и҆ посе́мъ рѧ́дъ, є҆ѵⷢ҇лїе. Прича́стенъ: Гдⷭ҇и во свѣ́тѣ лица̀ твоегѡ̀ по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. Слꙋ́жбꙋ ст҃а́гѡ дїоми́да пое́мъ на повече́рїи.

А҆́ще хра́мъ нерꙋкотворе́ннагѡ ѡ҆́браза, и҆лѝ восхо́щетъ настоѧ́тель, твори́мъ бдѣ́нїе.

На ма́лѣй вече́рни, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ ѕ҃: Преклони́лъ <<тѻ҃и ѡ҆б.: 756>> є҆сѝ нб҃са̀: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Припѣ́въ: Зна́менасѧ на на́съ свѣ́тъ: в҃-й, Гдⷭ҇и во свѣ́тѣ лица̀ твоегѡ̀ по́йдемъ: Сла́ва, и҆ ны́нѣ, подо́бенъ то́йже: Пода́ждь пѣвцє́мъ ѡ҆́браза: Тропа́рь, гла́съ в҃: Пречⷭ҇томꙋ твоемꙋ̀ ѡ҆́бразꙋ: пи́санъ въ а҃-й слꙋ́жбѣ. Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀, пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ д҃. Подо́бенъ: Зва́нный свы́ше: И҆́ны стїхи̑ры гла́съ ѕ҃: самогла́сны. Сла́ва, гла́съ и҃: Чл҃вѣколю́бче влⷣко: И҆ ны́нѣ, ᲂу҆спе́нїѧ, гла́съ то́йже: Дѣви́честїи ли́цы дне́сь: Вхо́дъ. Прокі́менъ днѐ. Чтє́нїѧ г҃: а҃-е, Втора́гѡ зако́на: Речѐ мѡѷсе́й къ лю́демъ, ны́нѣ слы́ши і҆и҃лю: в҃-е, Втора́гѡ зако́на: Собра̀ мѡѷсе́й всѧ̑ лю́ди і҆и҃льтєскїѧ: г҃-е, Црⷭ҇твїѧ тре́тїѧгѡ: Ста̀ соломѡ́нъ пред̾ лице́мъ: На лїті́и стїхи̑ры самогла́сны, гла́съ а҃. Сла́ва, и҆ ны́нѣ, гла́съ є҃: Нѣ́дръ не ѿлꙋчи́всѧ ѻ҆́ч҃ескихъ: На стїхо́внѣ стїхи̑ры, гла́съ д҃. Подо́бенъ: Да́лъ є҆сѝ зна́менїе: припѣ́вы пи́саны на ма́лѣй вече́рни. Сла́ва гла́съ ѕ҃: Гдⷭ҇и воплоти́лсѧ є҆сѝ: И҆ ны́нѣ, гла́съ и҃: Оу҆вѣрѧ́ѧ і҆и҃съ сн҃ъ тво́й: На бл҃гослове́нїй хлѣ́бѡвъ тропа́рь ᲂу҆брꙋ́са, два́жды: дрꙋгі́й ᲂу҆спе́нїѧ, є҆ди́ножды. Бꙋ́ди и҆́мѧ гдⷭ҇не: пѣ́нїемъ, три́жды. ѱало́мъ л҃г: Бл҃гословлю̀ гдⷭ҇а: до Не лиша́тсѧ всѧ́кагѡ бл҃га. И҆ чте́нїе. На ᲂу҆́трени, на Бг҃ъ гдⷭ҇ь, тропа́рь ѡ҆́браза два́жды. Сла́ва, и҆ ны́нѣ, ᲂу҆спе́нїѧ, и҆ ѻ҆бы̑чныѧ каѳі̑смы, и҆ сѣда́льны ᲂу҆брꙋ́са, и҆ пра́здника бцⷣы, и҆ чте́нїе. По полѷеле́и сѣда́ленъ. гла́съ д҃: Не ктомꙋ̀ сѣ́тованїе: два́жды. Сла́ва, и҆ ны́нѣ, ᲂу҆спе́нїѧ, гла́съ то́йже: Возопі́й дв҃де: и҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Гдⷭ҇и во свѣ́тѣ лица̀ твоегѡ̀ <<тѻ҃ѳ: 757>> по́йдемъ, и҆ ѡ҆ и҆́мени твое́мъ возра́дꙋемсѧ во вѣ́ки. Сті́хъ: Ви́дѣша всѝ концы̀ землѝ сп҃се́нїе бг҃а на́шегѡ. Всѧ́кое дыха́нїе: Є҆ѵⷢ҇лїе лꙋкѝ, зача́ло м҃и ѿ полꙋ̀: Бы́сть є҆гда̀ скончава́хꙋсѧ дні́е восхожде́нїю і҆и҃совꙋ: По н҃-мъ ѱалмѣ̀ стїхи́ра, гла́съ ѕ҃: Гдⷭ҇и воплоти́лсѧ є҆сѝ: пи́сана на вели́цѣй вече́рни, на стїхо́внѣ. Канѡ́нъ ᲂу҆спе́нїѧ, а҃-гѡ гла́са со і҆рмосо́мъ на ѕ҃: и҆ ᲂу҆брꙋ́са два̀ канѡ́на, на и҃. Є҆ди́нъ, гла́съ д҃: Дрꙋгі́й, гла́съ ѕ҃. Катава́сїа: Преꙋкраше́ннаѧ: По г҃-й пѣ́сни, конда́къ и҆ і҆́косъ ᲂу҆спе́нїѧ: и҆ сѣда́ленъ ᲂу҆брꙋ́са, гла́съ д҃, два́жды. Сла́ва, и҆ ны́нѣ, пра́здника бцⷣы. По ѕ҃-й пѣ́сни, конда́къ, гла́съ в҃, пи́санъ въ пе́рвой слꙋ́жбѣ, и҆ і҆́косъ: и҆ чте́мъ про́логъ. По ѳ҃-й пѣ́сни, свѣти́ленъ ᲂу҆брꙋ́са, два́жды. Сла́ва, и҆ ны́нѣ, ᲂу҆спе́нїѧ. На хвали́техъ стїхи̑ры ᲂу҆брꙋ́са на д҃, гла́съ є҃. Подо́бенъ: Ра́дꙋйсѧ: Сла́ва, гла́съ д҃: Да ка́плютъ ѻ҆́блацы сла́дость: И҆ ны́нѣ, ᲂу҆спе́нїѧ, гла́съ а҃: Подоба́ше самови́дцємъ: Славосло́вїе вели́кое. По трист҃о́мъ, тропа́рь ᲂу҆брꙋ́са. Сла́ва, и҆ ны́нѣ, ᲂу҆спе́нїѧ. Є҆ктенїа̀, и҆ ѿпꙋ́стъ, и҆ ча́съ а҃-й. На лїтꙋргі́и, бл҃жє́нна ᲂу҆спе́нїѧ, ѿ канѡ́на а҃-гѡ гла́са, пѣ́снь а҃-ѧ на д҃: и҆ ᲂу҆брꙋ́са, ѿ канѡ́на д҃-гѡ гла́са, пѣ́снь ѕ҃-ѧ, на д҃. По вхо́дѣ тропа́рь ᲂу҆брꙋ́са, и҆ ᲂу҆спе́нїѧ. Сла́ва, конда́къ ᲂу҆брꙋ́са. И҆ ны́нѣ, конда́къ ᲂу҆спе́нїѧ. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ зрѝ въ пе́рвой слꙋ́жбѣ.

[[комм.]] Подоба́етъ вѣ́дати, а҆́ще слꙋчи́тсѧ попра́зднство ᲂу҆спе́нїѧ бцⷣы, и҆ нерꙋкотворе́ннагѡ ѡ҆́браза въ недѣ́лю, кромѣ̀ хра́ма.

Въ сꙋббѡ́тꙋ, на ма́лѣй вече́рни, стїхи̑ры воскрⷭ҇ны и҆ бцⷣы, по ѻ҆бы́чаю. На вели́цѣй вече́рни, по каѳі́смѣ, на Гдⷭ҇и воззва́хъ стїхи̑ры воскрⷭ҇ны г҃: и҆ пра́здника г҃: и҆ ѡ҆́браза д҃. Сла́ва, ѡ҆́браза. И҆ ны́нѣ, бг҃оро́диченъ а҃-й <<тѻ҃ѳ ѡ҆б.: 758>> гла́са. Вхо́дъ. На лїті́и стїхи̑ры пра́здника: стїхо́вна вече́рнѧѧ тогѡ̀ днѐ. Сла́ва, ѡ҆́браза. И҆ ны́нѣ, пра́здника, гла́съ є҃. На стїхо́внѣ стїхи̑ры воскрⷭ҇ны. Сла́ва, ѡ҆́браза. И҆ ны́нѣ, пра́здника. На бл҃гослове́нїи хлѣ́бѡвъ, тропа́рь пра́здника два́жды, и҆ ѡ҆́браза є҆ди́ножды. А҆́ще нѣ́сть бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ. Сла́ва, ѡ҆́браза. И҆ ны́нѣ, пра́здника. На повече́рїи, по Досто́йно, конда́къ ѡ҆́браза, Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды: Сла́ва, ѡ҆́браза: И҆ ны́нѣ, пра́здника. и҆ про́чее пое́мъ и҆ до канѡ́на воскрⷭ҇но. Канѡ́нъ воскрⷭ҇нъ, со і҆рмосо́мъ на д҃: и҆ пра́здника на д҃: и҆ ѡ҆́браза на ѕ҃. Катава́сїа пра́здника: Преꙋкраше́ннаѧ: По г҃-й пѣ́сни, конда́къ и҆ і҆́косъ пра́здника, и҆ сѣда́ленъ ѡ҆́браза. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ ѡ҆́браза. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ѡ҆́браза. И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ ѡ҆́браза д҃, съ припѣ́вы є҆гѡ̀. Сла́ва стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. та́же тропа́рь воскрⷭ҇нъ, и҆ є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ и҆схожде́нїе въ притво́ръ, и҆ ча́съ а҃-й. На часѣ́хъ же глаго́лемъ тропа́рь воскрⷭ҇нъ. Сла́ва, ѡ҆́браза. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ воскрⷭ҇нъ. На г҃-мъ часѣ̀, тропа́рь воскрⷭ҇нъ. Сла́ва, пра́здника. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ ѡ҆́браза. Та́кожде глаго́лемъ и҆ на про́чихъ часѣ́хъ тропа́рь воскрⷭ҇нъ, ѡ҆́браза же и҆ пра́здника, тропа́рь и҆ конда́къ премѣнѧ́емъ. На лїтꙋргі́и, бл҃жє́нна гла́са на д҃: и҆ пра́здника пѣ́снь а҃-ѧ на д҃: и҆ ѡ҆́браза пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ ѡ҆́браза, и҆ пра́здника, конда́къ <<т҃п: 759>> воскрⷭ҇нъ. Сла́ва, ѡ҆́браза. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ воскрⷭ҇нъ, и҆ ѡ҆́браза.

[зрѝ][[комм.]] А҆́ще слꙋчи́тсѧ попра́зднство ᲂу҆спе́нїѧ бцⷣы въ сꙋббѡ́тꙋ:

Глаго́лемъ, на Гдⷭ҇и воззва́хъ, Сла́ва, пра́здника: И҆ ны́нѣ, бг҃оро́диченъ а҃-й настоѧ́щагѡ гла́са. На ᲂу҆́трени, канѡ́нъ пра́здника на ѕ҃, и҆ ст҃а́гѡ на ѕ҃.

[[комм.]] А҆́ще слꙋчи́тсѧ попра́зднство ᲂу҆спе́нїѧ прест҃ы́ѧ бцⷣы въ недѣ́лю, кромѣ̀ пра́здника нерꙋкотворе́ннагѡ ѡ҆́браза:

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны и҆ бцⷣы, по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃: а҆нато́лїевъ а҃: и҆ пра́здника, тогѡ̀ днѐ на рѧдꙋ̀ г҃, и҆ мине́и ст҃а́гѡ г҃. Сла́ва, пра́здника, и҆лѝ ст҃а́гѡ. И҆ ны́нѣ, бг҃оро́диченъ а҃-й гла́са. Вхо́дъ, прокі́менъ днѐ, и҆ є҆ктєнїѝ. На лїті́и стїхи̑ры пра́здника, стїхо́вна вече́рнѧѧ тогѡ̀ днѐ. Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, ст҃а́гѡ, а҆́ще ли нѝ, Сла́ва, и҆ ны́нѣ, пра́здника. На бл҃гослове́нїи хлѣ́бѡвъ тропа́рь: Бцⷣе дв҃о ра́дꙋйсѧ: два́жды. и҆ пра́здника є҆ди́ножды, и҆ чте́нїе во а҆по́стольскихъ посла́нїихъ. На ᲂу҆́трени, тропа́рь воскрⷭ҇нъ, два́жды. Сла́ва, ст҃а́гѡ: а҆́ще ли нѝ, Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ. Та́же непоро́чны: и҆ тропарѝ: А҆́гг҃льскїй собо́ръ: и҆ ѵ҆пакоѝ гла́са, и҆ чте́нїе. Степє́нна, и҆ прокі́менъ гла́са, є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: и҆ ѱало́мъ н҃, и҆ про́чее воскрⷭ҇но. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃: и҆ пра́здника на д҃: и҆ ст҃а́гѡ на д҃. Катава́сїа пра́здника. По г҃-й пѣ́сни, конда́къ и҆ і҆́косъ пра́здника, и҆лѝ ст҃а́гѡ, и҆ сѣда́ленъ. Сла́ва, и҆ ны́нѣ, пра́здника. По ѕ҃-й пѣ́сни, конда́къ воскрⷭ҇нъ и҆ і҆́косъ. <<т҃п ѡ҆б.: 760>> На ѳ҃-й пѣ́сни пое́мъ Чⷭ҇тнѣ́йшꙋю. Свѣти́ленъ воскрⷭ҇нъ. Сла́ва, ст҃а́гѡ: а҆́ще ли нѝ, Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны д҃, и҆ пра́здника д҃, стїхо́вна тогѡ̀ днѐ, со сла́внымъ, съ припѣ́вы пра́здника. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: По славосло́вїи тропа́рь воскрⷭ҇нъ то́чїю, и҆ є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ и҆схожде́нїе въ притво́ръ, и҆ ча́съ а҃-й. На а҃-мъ часѣ̀, тропа́рь воскрⷭ҇нъ. Сла́ва, пра́здника. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ коне́чный ѿпꙋ́стъ. На г҃-мъ часѣ̀, тропа́рь воскрⷭ҇нъ. Сла́ва, ст҃а́гѡ: а҆́ще ли нѝ, Сла́ва, пра́здника: по Ѻ҆́ч҃е на́шъ, конда́къ пра́здника, и҆ воскрⷭ҇нъ, глаго́лемъ премѣнѧ́юще. На лїтꙋргі́и, бл҃жє́нна гла́са на ѕ҃: и҆ пра́здника, ѿ канѡ́на пѣ́снь рѧдова́ѧ, на д҃. По вхо́дѣ тропа́рь воскрⷭ҇нъ, и҆ пра́здника, и҆ хра́ма ст҃а́гѡ, и҆ ст҃а́гѡ, а҆́ще є҆́сть. Та́же конда́къ воскрⷭ҇нъ, и҆ хра́ма ст҃а́гѡ, и҆лѝ ст҃ы́ѧ. Сла́ва, ст҃а́гѡ, а҆́ще є҆́сть: а҆́ще ли нѝ Сла́ва, хра́ма ст҃а́гѡ. И҆ ны́нѣ, пра́здника. Прокі́менъ воскрⷭ҇нъ гла́са и҆ пра́здника: а҆по́столъ, А҆ллилꙋ́їа, и҆ є҆ѵⷢ҇лїе днѐ. Прича́стенъ: Хвали́те гдⷭ҇а съ нб҃съ: и҆ пра́здника. А҆́ще и҆́мать ст҃ы́й а҆по́столъ и҆ є҆ѵⷢ҇лїе, тогда̀ пое́мъ прокі́менъ воскрⷭ҇нъ гла́са и҆ ст҃а́гѡ: а҆по́столъ и҆ є҆ѵⷢ҇лїе днѐ и҆ ст҃а́гѡ. Прича́стенъ: Хвали́те гдⷭ҇а съ нб҃съ: и҆ ст҃а́гѡ.

з҃і. Ст҃а́гѡ мч҃нка мѵ́рѡна.

Стїхи̑ры пра́здника г҃, гла́съ д҃. Подо́бенъ: Зва́нный свы́ше: и҆ ст҃а́гѡ г҃, гла́съ в҃. Подо́бенъ: Є҆гда̀ ѿ дре́ва: Сла́ва, и҆ ны́нѣ, пра́здника, гла́съ то́йже, самогла́сенъ: Ꙗ҆́же нб҃съ вы́шшаѧ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, <<тп҃а: 761>> гла́съ то́йже: Всенепоро́чнаѧ невѣ́ста: Тропа́рь пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, три́жды, и҆ ѻ҆бы̑чныѧ каѳі̑смы: и҆ сѣда́льны пра́здника. Канѡ́нъ пра́здника вторы́й, гла́съ д҃, со і҆рмосо́мъ на и҃: и҆ ст҃а́гѡ на д҃, гла́съ в҃. По г҃- й пѣ́сни,

Конда́къ ст҃а́гѡ, гла́съ д҃. Подо́бенъ: Вознесы́йсѧ:

И҆змла́да хрⷭ҇та̀ возлюби́въ пресла́вне, и҆ тогѡ̀ соблюда́ѧ бж҃е́ствєнныѧ за́пѡвѣди, къ томꙋ̀ прите́клъ є҆сѝ ве́сь цѣ́лъ, мѵ́рѡне всечⷭ҇тне, и҆ со а҆́гг҃лы мо́лишисѧ прилѣ́жнѡ. просѝ всѣ̑мъ почита́ющымъ па́мѧть твою̀ ѡ҆ставле́нїѧ грѣхѡ́въ.

И҆ сѣда́ленъ, гла́съ а҃. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, и҆ ны́нѣ, гла́съ г҃: Прїиди́те всѝ концы̀ земні́и: На лїтꙋргі́и, бл҃жє́нна пра́здника пѣ́снь г҃, ѻ҆бою̀ канѡ́нѡвъ, со і҆рмосо́мъ на ѕ҃.

и҃і. Ст҃ы́хъ мч҃нкъ, флѡ́ра и҆ ла́ѵра.

Стїхи̑ры пра́здника г҃, гла́съ в҃. Подо́бенъ: Кі́ими похва́льными: И҆ ст҃ы́хъ г҃, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ в҃: Ревни́тели ст҃і́и: И҆ ны́нѣ, пра́здника, гла́съ д҃: Прїиди́те воспои́мъ лю́дїе: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ д҃: дв҃дскꙋю пѣ́снь:

Тропа́рь мч҃нкѡвъ, гла́съ д҃:

Преꙋдо́бреннꙋю и҆ бг҃омꙋ́дрꙋю дво́ицꙋ пресвѣ́тлꙋю восхва́лимъ вѣ́рнїи по достоѧ́нїю, флѡ́ра пребл҃же́ннаго и҆ ла́ѵра всечⷭ҇тна́го, и҆̀же ᲂу҆се́рднѡ трⷪ҇цꙋ несозда́ннꙋю ꙗ҆́снѡ проповѣ́даста всѣ̑мъ. <<тп҃а ѡ҆б.: 762>> тѣ́мже пострада́вше до кро́ве, и҆ вѣнцы̀ пресвѣ́тлыми ᲂу҆вѧзо́стесѧ, моли́тесѧ хрⷭ҇тꙋ̀ бг҃ꙋ, да сп҃се́тъ дꙋ́шы на́шѧ.

Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, мч҃нкѡвъ. И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. Канѡ́нъ пра́здника, со і҆рмосо́мъ на и҃: и҆ ст҃ы́хъ на д҃, гла́съ и҃. По г҃-й пѣ́сни,

Конда́къ мч҃нкѡвъ, гла́съ и҃. Подо́бенъ: Ꙗ҆́кѡ нача́тки:

Ꙗ҆́кѡ бл҃гоче́стїѧ мч҃нки, и҆ страда́льцы хрⷭ҇тѡ́вы бг҃омꙋ́дрены, вселе́ннаѧ. пресла́внѡ почита́етъ флѡ́ра и҆ ла́ѵра дне́сь: ꙗ҆́кѡ да ᲂу҆лꙋчи́мъ бл҃года́ть и҆ млⷭ҇ть мл҃твами и҆́хъ, и҆ и҆зба́вимсѧ бѣ́дъ и҆ напа́стей, гнѣ́ва же и҆ ско́рби въ де́нь сꙋ́дный.

И҆ сѣда́ленъ, гла́съ и҃. Сла́ва, и҆ ны́нѣ, пра́здника, гла́съ то́йже. По ѕ҃-й пѣ́сни, конда́къ пра́здника, и҆ і҆́косъ. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ д҃: Всечⷭ҇тно́е твоѐ ᲂу҆спе́нїе: На лїтꙋргі́и, бл҃жє́нна пра́здника, пѣ́снь д҃-ѧ, ѻ҆бою̀ канѡ́нѡвъ, со і҆рмосо́мъ на ѕ҃: Прокі́менъ пра́здника, и҆ до ѿда́нїѧ, и҆ ст҃ы́хъ: Ст҃ы̑мъ и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а: А҆по́столъ ко є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: Є҆ѵⷢ҇лїе лꙋкѝ, зача́ло ѯ҃г: Ничто́же покрове́но є҆́сть: Прича́стенъ: Ра́дꙋйтесѧ:

ѳ҃і. Ст҃а́гѡ мч҃нка а҆ндре́а стратила́та, и҆ съ ни́мъ двꙋ̀ ты́сѧщъ пѧтѝ сѡ́тъ девѧти́десѧти тре́хъ.

Стїхи̑ры пра́здника г҃, гла́съ д҃. Подо́бенъ: ꙗ҆́кѡ до́блѧ: и҆ ст҃а́гѡ г҃, гла́съ а҃. Подо́бенъ: Всехва́льнїи мч҃нцы: Сла́ва, и҆ ны́нѣ, пра́здника, гла́съ то́йже: Є҆гда̀ и҆зшла̀ є҆сѝ бцⷣе: На стїхо́внѣ стїхи̑ры пра́здника, гла́съ а҃. <<тп҃в: 763>> Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ є҆̀: Прїиди́те празднолю́бныхъ собо́ръ:

Тропа́рь ст҃а́гѡ, гла́съ є҃:

Земна́гѡ са́на сла́вꙋ ѡ҆ста́вивъ, нбⷭ҇ное црⷭ҇тво наслѣ́довалъ є҆сѝ: кро́вными ка́плѧми, ꙗ҆́кѡ пречꙋ́днымъ ка́менїемъ нетлѣ̑нныѧ вѣнцы̀ ᲂу҆краси́лъ є҆сѝ, и҆ ко хрⷭ҇тꙋ̀ приве́лъ є҆сѝ собо́ръ стрⷭ҇тоте́рпєцъ: съ ли́ки а҆́гг҃льскими въ невече́рнѣмъ свѣ́тѣ, незаходи́маго сл҃нца хрⷭ҇та̀ ѡ҆брѣ́лъ є҆сѝ, ст҃е а҆ндре́е стратила́те. є҆гѡ́же молѝ съ пострада́вшими съ тобо́ю при́снѡ, да сп҃се́тъ дꙋ́шы на́шѧ.

Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, ст҃а́гѡ: И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника: и҆ чте́мъ ѿ слове́съ пра́здничныхъ. Канѡ́нъ пра́здника, со і҆рмосо́мъ на и҃: и҆ ст҃ы́хъ на д҃, гла́съ д҃. По г҃-й пѣ́сни,

Конда́къ ст҃а́гѡ, гла́съ в҃:

Въ мл҃твахъ гдⷭ҇еви предстоѧ̀, ꙗ҆́коже ѕвѣзда̀ сл҃нцꙋ предтекі́й, и҆ жела́емое сокро́вище црⷭ҇твїѧ ᲂу҆зрѣ́лъ є҆сѝ, ра́дости неизрече́нныѧ и҆сполнѧ́ѧсѧ, безсме́ртномꙋ цр҃ю̀ въ безконє́чныѧ вѣ́ки ѿ а҆́гг҃лъ безпреста́ннѡ хвали́момꙋ пое́ши, а҆ндре́е стратила́те: съ ни́миже моли́сѧ непреста́ннѡ ѡ҆ всѣ́хъ на́съ.

И҆ сѣда́ленъ. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни свѣти́ленъ пра́здника два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ є҃: Воспо́йте лю́дїе мт҃ри бг҃а на́шегѡ: На лїтꙋргі́и, бл҃жє́нна пра́здника, пѣ́снь є҃-ѧ, ѻ҆бою̀ канѡ́нѡвъ, на ѕ҃. Прокі́менъ мч҃нкѡвъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а предо мно́ю вы́нꙋ: А҆по́столъ ко є҆фесе́ємъ, зача́ло сл҃г: Возмога́йте <<тп҃в ѡ҆б.: 764>> ѡ҆ гдⷭ҇ѣ: А҆ллилꙋ́їа, гла́съ д҃: Воззва́ша првⷣнїи: Сті́хъ: Мнѡ́ги ско́рби првⷣнымъ: Є҆ѵⷢ҇лїе лꙋкѝ, зача́ло р҃ѕ: Внемли́те ѿ человѣ̑къ, возложа́тъ на вы̀: Прича́стенъ: Ра́дꙋйтесѧ:

к҃. Ст҃а́гѡ прⷪ҇ро́ка самꙋ́ила.

Стїхи̑ры пра́здника г҃, гла́съ ѕ҃. Подо́бенъ: Всю̀ ѿложи́вше: и҆ ст҃а́гѡ г҃, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, пра́здника, гла́съ ѕ҃: На безсме́ртное твоѐ ᲂу҆спе́нїе: На стїхо́внѣ, стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, и҆ ны́нѣ, гла́съ то́йже, самогла́сенъ: Є҆гда̀ преставле́нїе: Тропа́рь прⷪ҇ро́ка, гла́съ в҃: Прⷪ҇ро́ка твоегѡ̀ самꙋ́ила: септе́мврїа въ д҃-й де́нь. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, прⷪ҇ро́ка: И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. Канѡ́нъ пра́здника, со і҆рмосо́мъ на и҃: и҆ ст҃а́гѡ на д҃, гла́съ д҃. По г҃-й пѣ́сни,

Конда́къ, гла́съ и҃:

Ꙗ҆́кѡ многоче́стный да́ръ пре́жде зача́тїѧ вда́нъ бг҃ꙋ: и҆ и҆змла́да томꙋ̀ ꙗ҆́кѡ а҆́гг҃лъ послꙋжи́лъ є҆сѝ всебл҃же́нне, и҆ сподо́билсѧ є҆сѝ предбꙋ̑дꙋщаѧ вѣща́ти. тѣ́мже вопїе́мъ тѝ: ра́дꙋйсѧ прⷪ҇ро́че бж҃їй самꙋ́иле, а҆рхїере́ю вели́кїй.

И҆ сѣда́ленъ, Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ прⷪ҇ро́ка. Сла́ва, и҆ ны́нѣ, пра́здника. На стїхо́внѣ, стїхи̑ры пра́здника, гла́съ в҃: Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҆ подо́бенъ то́йже: Всѝ земноро́днїи: На лїтꙋргі́и, бл҃жє́нна пра́здника, пѣ́снь ѕ҃-ѧ, ѻ҆бою̀ канѡ́нѡвъ, со і҆рмосо́мъ на ѕ҃.

<<тп҃г: 765>>

к҃а. Ст҃а́гѡ а҆пⷭ҇ла ѳадде́а: И҆ ст҃ы́ѧ мч҃нцы ва́ссы.

Стїхи̑ры а҆пⷭ҇ла г҃, гла́съ и҃. Подо́бенъ: Ѽ пресла́внагѡ чꙋдесѐ! и҆ ст҃ы́ѧ г҃, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, пра́здника, гла́съ ѕ҃: Прїиди́те всемі́рное: На стїхо́внѣ, стїхи̑ры пра́здника, гла́съ в҃: Подо́бенъ: Є҆гда̀ ѿ дре́ва: Сла́ва, и҆ ны́нѣ, гла́съ и҃: Дѣви́честїи ли́цы дне́сь: Тропа́рь а҆пⷭ҇ла, гла́съ г҃: А҆пⷭ҇ле ст҃ы́й: септе́мврїа въ к҃в-й де́нь: Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, а҆пⷭ҇ла: И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. Канѡ́нъ пра́здника, со і҆рмосо́мъ на ѕ҃: и҆ а҆пⷭ҇ла на д҃, гла́съ и҃: и҆ ст҃ы́ѧ на д҃, гла́съ то́йже. По г҃-й пѣ́сни,

Конда́къ а҆пⷭ҇ла, гла́съ д҃:

Ꙗ҆́кѡ ѕвѣздꙋ̀ пресвѣ́тлꙋю цр҃ковь тѧ̀ стѧжа̀, а҆пⷭ҇ле ѳадде́е, чꙋдесы̀ твои́ми всегда̀ просвѣща́ема, сп҃сѝ вѣ́рою чтꙋ́щыѧ па́мѧть твою̀.

И҆ сѣда́ленъ. Сла́ва, ст҃ы́ѧ: И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ а҆пⷭ҇ла. Сла́ва, и҆ ны́нѣ, пра́здника. На стїхо́внѣ, стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, подо́бенъ то́йже: Всѝ нбⷭ҇нїи: На лїтꙋргі́и, бл҃жє́нна, пѣ́снь з҃, на ѕ҃.

Въ то́йже де́нь преставле́нїе прпⷣбнагѡ ѻ҆тца̀ на́шегѡ а҆вра́мїа а҆рхїмандрі́та, смоле́нскагѡ чꙋдотво́рца.

Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀.

<<тп҃г ѡ҆б.: 766>>

Тропа́рь, гла́съ и҃:

Дне́сь возсїѧ̀ на́мъ па́мѧть твоѧ̀ сла́вне, ꙗ҆́кѡ со́лнце свѣтоза́рно лꙋча́ми ѡ҆зарѧ́ющаѧ мі́ръ, и҆ тьмꙋ̀ но́щи ѕлы́хъ дꙋхѡ́въ ѿ на́съ ѿгонѧ́ющаѧ. дне́сь нбⷭ҇ныѧ си̑лы ст҃ы́хъ а҆́гг҃лъ, и҆ дꙋ́шы првⷣныхъ мы́сленнѡ торжествꙋ́ютъ, ра́дꙋющесѧ. дне́сь и҆ мы̀ грѣ́шнїи припа́дающе мо́лимсѧ: ѻ҆́тче прпⷣбне а҆вра́мїе, хрⷭ҇та̀ бг҃а молѝ непреста́ннѡ, сп҃стѝ гра́дъ и҆ лю́ди, любе́знѡ тебѐ почита́ющыѧ.

Конда́къ, гла́съ г҃. Подо́бенъ: Дв҃а дне́сь:

Возсїѧ̀ гдⷭ҇и, гра́дꙋ твоемꙋ̀ па́мѧть твоегѡ̀ ᲂу҆го́дника, ꙗ҆́кѡ свѣ́тлое со́лнце, ра́достнѡ всѣ́хъ ꙗ҆́кѡ лꙋча́ми ѡ҆зарѧ́ющи: па́че же мл҃твы пречⷭ҇тыѧ твоеѧ̀ мт҃ре ѿ всѣ́хъ бѣ́дъ и҆збавлѧ́ютъ на́съ, и҆ ᲂу҆пражнѧ́ютъ ва̑рварскаѧ шата̑нїѧ. тѣ́мъ мы̀ лю́дїе твоѝ, и҆ гра́дъ на́шъ вельмѝ хва́лимсѧ, и҆ сп҃са́емсѧ мл҃твами твоегѡ̀ ᲂу҆го́дника, а҆вра́мїа прпⷣбнагѡ ѻ҆тца̀.

к҃в. Ст҃а́гѡ мч҃нка а҆гаѳоні́ка, и҆ и҆̀же съ ни́мъ. Пое́тсѧ же въ сі́й де́нь слꙋ́жба и҆ ст҃а́гѡ лꙋ́ппа.

На Гдⷭ҇и воззва́хъ, стїхи̑ры а҆гаѳоні́ка г҃, гла́съ д҃. Подо́бенъ: Да́лъ є҆сѝ зна́менїе: лꙋ́ппа г҃, гла́съ и҆ подо́бенъ то́йже. Сла́ва, а҆гаѳоні́ка, гла́съ а҃: Тезоиме́ннѣ назва́лсѧ є҆сѝ: И҆ ны́нѣ, пра́здника, гла́съ то́йже: Подоба́ше самови́дцємъ: На стїхо́внѣ, стїхи̑ры пра́здника, гла́съ и҃, подо́бенъ: Ѽ пресла́внагѡ чꙋдесѐ! съ припѣ́вы. Сла́ва, а҆гаѳоні́ка, гла́съ и҃: Тезоиме́нно зва́нїе: И҆ ны́нѣ, пра́здника, гла́съ то́йже: Оу҆вѣрѧ́ѧ і҆и҃съ сн҃ъ тво́й бцⷣе: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, мч҃нкѡвъ: И҆ ны́нѣ, пра́здника. и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. Канѡ́нъ пра́здника, со і҆рмосо́мъ <<тп҃д: 767>> на ѕ҃: и҆ ст҃ы́хъ два̀ канѡ́на на и҃: а҆гаѳоні́ка, гла́съ а҃, и҆ лꙋ́ппа, гла́съ д҃. По г҃-й пѣ́сни,

Конда́къ мч҃нкѡвъ, гла́съ а҃:

Зва́нїе бл҃го́е стѧжа́въ бг҃омꙋ́дре, мꙋже́й лꙋка́выхъ ѿврати́лсѧ є҆сѝ вѣ́ры, не ᲂу҆боѧ́всѧ мꙋ́къ а҆гаѳоні́че сла́вне. тѣ́мже бл҃ги̑мъ бы́лъ є҆сѝ наслѣ́дникъ, и҆ прїѧ́лъ є҆сѝ со стра́ждꙋщими съ тобо́ю достѡ́йныѧ вѣнцы̀.

И҆ і҆́косъ, и҆ сѣда́ленъ. Сла́ва, лꙋ́ппа: И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ мч҃нкѡвъ. Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, подо́бенъ то́йже: Всѝ земноро́днїи: На лїтꙋргі́и, бл҃жє́нна пра́здника, пѣ́снь и҃-ѧ ѻ҆бои́хъ канѡ́нѡвъ, со і҆рмосо́мъ на ѕ҃.

к҃г. Ст҃а́гѡ мч҃нка лꙋ́ппа: Въ сі́й де́нь ѿдае́тсѧ пра́здникъ ᲂу҆спе́нїѧ прест҃ы́ѧ бцⷣы.

И҆ пое́тсѧ слꙋ́жба всѧ̀ пра́здника си́це: Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры пра́здника, на ѕ҃: Сла́ва и҆ ны́нѣ, пра́здника. А҆́ще ли въ пѧто́къ ве́чера: Сла́ва, пра́здника: И҆ ны́нѣ, бг҃оро́диченъ а҃-й настоѧ́щагѡ гла́са. Прокі́менъ днѐ. кромѣ̀ вхо́да, и҆ паремі́й. На стїхо́внѣ стїхи̑ры пра́здника, съ припѣ́вы свои́ми. Сла́ва, и҆ ны́нѣ, пра́здника. По трист҃о́мъ тропа́рь пра́здника. На повече́рїи, конда́къ пра́здника. Полꙋ́нощницꙋ же пое́мъ по ѻ҆бы́чаю, съ каѳі́смою, и҆ съ тропарѝ ѻ҆бы́чными, глаго́лемъ же и҆ мл҃твꙋ: Помѧнѝ гдⷭ҇и: На ᲂу҆́трени, на Бг҃ъ гдⷭ҇ь, тропа́рь пра́здника: два́жды. Сла́ва, и҆ ны́нѣ, то́йже. и҆ ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника со і҆рмосо́мъ <<тп҃д ѡ҆б.: 768>> на и҃: и҆ дрꙋгі́й, со і҆рмосо́мъ на ѕ҃, і҆рмосы̀ ѻ҆бою̀ канѡ́нѡвъ, по два́жды. Катава́сїа: Преꙋкраше́ннаѧ: ѻ҆́ба ли̑ка вкꙋ́пѣ. По г҃-й пѣ́сни, ѵ҆пакоѝ пра́здника. По ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни пое́мъ припѣ́вы пра́здника, ꙗ҆́коже ᲂу҆каза́сѧ на са́мый пра́здникъ. Свѣти́ленъ пра́здника, два́жды. На хвали́техъ стїхи̑ры пра́здника на д҃. Сла́ва, и҆ ны́нѣ, пра́здника. Славосло́вїе вели́кое. и҆ ча́съ а҃-й, и҆ ѿпꙋ́стъ. На лїтꙋргі́и, бл҃жє́нна ѿ ѻ҆бою̀ канѡ́нѡвъ, пѣ́снь ѳ҃-ѧ, со і҆рмосо́мъ на и҃. Тропа́рь пра́здника. Сла́ва, и҆ ны́нѣ, конда́къ. Прокі́менъ, А҆ллилꙋ́їа, и҆ прича́стенъ пра́здника. А҆по́столъ же, и҆ є҆ѵⷢ҇лїе днѐ и҆ пра́здника.

[[комм.]] Подоба́етъ вѣ́дати, а҆́ще слꙋчи́тсѧ ѿда́нїе пра́здника ᲂу҆спе́нїѧ прест҃ы́ѧ бцⷣы въ недѣ́лю:

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны по ѻ҆бы́чаю. На стїхо́внѣ, стїхи́ра воскрⷭ҇на є҆ди́на, и҆ пра́здника стїхо́вна съ припѣ́вы свои́ми вели́кїѧ вече́рни. Сла́ва, и҆ ны́нѣ, пра́здника. Тропа́рь воскрⷭ҇нъ. Сла́ва, и҆ ны́нѣ, пра́здника. На вели́цѣй вече́рни, по ѻ҆бы́чной каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ є҆ди́нъ, и҆ пра́здника ѕ҃, поє́мыѧ на са́мый пра́здникъ. Сла́ва, пра́здника. И҆ ны́нѣ, бг҃оро́диченъ а҃- й гла́са. На лїті́и стїхи̑ры и҆ Сла́ва, и҆ ны́нѣ, пра́здника: На стїхо́внѣ стїхи̑ры воскрⷭ҇ны. Сла́ва и҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о: два́жды, и҆ пра́здника, є҆ди́ножды. и҆ чте́нїе въ посла́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва и҆ ны́нѣ, пра́здника: По каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ, и҆ непоро́чны, и҆ ѵ҆пакоѝ гла́са, и҆ чте́нїе. <<тп҃є: 769>> Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во: ѱало́мъ н҃. стїхи́ра воскрⷭ҇на, и҆ прѡ́чаѧ по ѻ҆бы́чаю. Канѡ́нъ воскрⷭ҇нъ со і҆рмосо́мъ на д҃, и҆ бцⷣы на в҃, и҆ пра́здника ѻ҆́ба канѡ́на на и҃. Катава́сїа: Преꙋкраше́ннаѧ: По г҃-й пѣ́сни, конда́къ пра́здника, и҆ і҆́косъ, и҆ ѵ҆пакоѝ пра́здника. По ѕ҃-й пѣ́сни, конда́къ воскрⷭ҇нъ и҆ і҆́косъ и҆ про́логъ. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны на д҃, и҆ пра́здника на д҃ со сла́внымъ, съ припѣ́вы пра́здника. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ то́чїю. є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово, и҆ и҆схожде́нїе ѻ҆бы́чное въ притво́ръ, и҆ ча́съ пе́рвый, и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ. Сла́ва, пра́здника. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ воскрⷭ҇нъ, премѣнѧ́юще глаго́лемъ. На лїтꙋргі́и, бл҃жє́нна гла́са на ѕ҃: и҆ пра́здника, пѣ́снь ѳ҃-ѧ, на д҃: По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе днѐ и҆ пра́здника. Прича́стенъ: Хвали́те гдⷭ҇а съ нб҃съ: и҆ пра́здника. Ѿ сегѡ́ же днѐ катава́сїа пое́тсѧ: Крⷭ҇тъ начерта́въ: до к҃а-гѡ септе́мврїа. Ст҃а́гѡ же лꙋ́ппа пое́тсѧ слꙋ́жба въ к҃в-й де́нь, ꙗ҆́коже пред̾ꙋказа́сѧ.

к҃д. Ст҃а́гѡ сщ҃енномч҃нка є҆ѵтѵ́ха, ᲂу҆ченика̀ ст҃а́гѡ і҆ѡа́нна бг҃осло́ва.

Стїхи̑ры ѻ҆ктѡ́иха г҃: и҆ є҆ѵтѵ́ха г҃: гла́съ и҃. Подо́бенъ: Ѽ пресла́внагѡ чꙋдесѐ! Сла́ва, и҆ ны́нѣ, бг҃оро́диченъ, <<тп҃є ѡ҆б.: 770>> и҆лѝ крⷭ҇тобг҃оро́диченъ. На стїхо́внѣ ѻ҆ктѡ́иха. Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃-й де́нь. На ᲂу҆́трени, ѻ҆бы̑чныѧ каѳі̑смы, и҆ сѣда́льны ѻ҆ктѡ́иха. Ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ г҃.

А҆пⷭ҇лѡвъ сопресто́льникъ и҆ ст҃и́телей красота̀ бы́въ є҆ѵтѵ́хе, мч҃нчески просла́вилсѧ є҆сѝ, просїѧ́лъ є҆сѝ ꙗ҆́кѡ со́лнце, всѣ́хъ просвѣща́ѧ, и҆ разори́лъ є҆сѝ безбо́жїѧ но́щь глꙋбо́кꙋю: сегѡ̀ ра́ди тѧ̀ почита́емъ, ꙗ҆́кѡ бж҃е́ственнаго вои́стиннꙋ сщ҃еннотаи́нника хрⷭ҇то́ва.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ.

Въ то́йже де́нь пренесе́нїе честны́хъ моще́й, и҆́же во ст҃ы́хъ ѻ҆тца̀ на́шегѡ петра̀ митрополі́та кі́евскагѡ, и҆ всеѧ̀ рѡссі́и чꙋдотво́рца.

И҆дѣ́же лежа́тъ мо́щи є҆гѡ̀, соверша́етсѧ полѷеле́й.

Тропа́рь, гла́съ д҃:

Наста̀ дне́сь всечестны́й пра́здникъ пренесе́нїѧ честны́хъ моще́й твои́хъ ст҃и́телю пе́тре, веселѧ̀ и҆зрѧ́днѡ твоѐ ста́до, и҆ вѣ́рнаго і҆мпера́тора и҆ лю́ди: ѡ҆ ни́хже не ѡ҆скꙋдѣва́й молѧ́сѧ хрⷭ҇тꙋ̀ бг҃ꙋ, є҆́же ѿ негѡ̀ дарова́ннѣй тѝ па́ствѣ сохрани́тисѧ ѿ вра̑гъ ненавѣ́тованнѣй, и҆ сп҃сти́сѧ дꙋша́мъ на́шымъ.

Конда́къ, гла́съ и҃.

Ꙗ҆́кѡ врача̀ преизрѧ́дна, и҆ и҆сто́чника чꙋдесє́мъ ѻ҆би́льна, дне́сь соше́дшесѧ любо́вїю дꙋхѡ́внаѧ твоѧ̑ ча̑да, въ пренесе́нїе честны́хъ моще́й твои́хъ, а҆рхїере́ю пе́тре, мо́лимъ тѧ̀: молѝ хрⷭ҇та̀ бг҃а дарова́ти честны́мъ твои́мъ пренесе́нїемъ вѣ́рномꙋ і҆мпера́торꙋ на́шемꙋ на врагѝ побѣди́тєльнаѧ: да твои́ми къ бг҃ꙋ мл҃твами, находѧ́щихъ ѕѡ́лъ и҆зба́вльшесѧ, ра́достною дꙋше́ю и҆ весе́лїемъ <<тп҃ѕ: 771>> се́рдца, бл҃года̑рнаѧ тѝ воспое́мъ, глаго́люще: ра́дꙋйсѧ ѻ҆́тче пе́тре, а҆рхїере́євъ и҆ всеѧ̀ рѡссі́йскїѧ землѝ ᲂу҆добре́нїе.

к҃є. Возвраще́нїе моще́й ст҃а́гѡ а҆пⷭ҇ла варѳоломе́а: И҆ па́мѧть ст҃а́гѡ а҆пⷭ҇ла ті́та.

На Гдⷭ҇и воззва́хъ, стїхи̑ры варѳоломе́а г҃, гла́съ д҃. Подо́бенъ: Ꙗ҆́кѡ до́блѧ: И҆ ті́та г҃, гла́съ то́йже. Подо́бенъ: Да́лъ є҆сѝ зна́менїе: Сла́ва, варѳоломе́а, гла́съ в҃: Ѡ҆ста́вивъ земна̑ѧ: На стїхо́внѣ ѻ҆ктѡ́иха. Тропа́рь, гла́съ г҃: А҆пⷭ҇ли ст҃і́и: ѻ҆ктѡ́врїа въ л҃а-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: И҆ ст҃ы́хъ два̀, на и҃: Варѳоломе́а, гла́съ д҃. И҆ ті́та, гла́съ то́йже. По г҃-й пѣ́сни,

Конда́къ ті́та, гла́съ в҃.

Па́ѵловъ ꙗ҆ви́всѧ собесѣ́дникъ а҆пⷭ҇ле, съ ни́мъ на́мъ сло́во предвозвѣсти́лъ є҆сѝ бж҃е́ственныѧ бл҃года́ти, тайноглаго́льниче ті́те приснопа́мѧтне. сегѡ̀ ра́ди вопїе́мъ тѝ: не преста́й молѧ́сѧ ѡ҆ всѣ́хъ на́съ.

И҆ сѣда́ленъ варѳоломе́а. гла́съ г҃. Сла́ва, ті́та, гла́съ и҃. И҆ ны́нѣ, бг҃оро́диченъ. По ѕ҃-й пѣ́сни,

Конда́къ варѳоломе́а, гла́съ д҃. Подо́бенъ: Ꙗ҆ви́лсѧ є҆сѝ:

Ꙗ҆ви́лсѧ є҆сѝ ве́лїе со́лнце цр҃кви, ᲂу҆че́нїй сїѧ́нїемъ и҆ чꙋдесы̀ стра́шными, просвѣща́ѧ пою́щыѧ тѧ̀, варѳоломе́е гдⷭ҇ень а҆пⷭ҇ле.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха, Сла́ва, а҆пⷭ҇лѡвъ. На стїхо́внѣ ѻ҆ктѡ́иха. На лїтꙋргі́и, прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ: А҆по́столъ къ ті́тꙋ, зача́ло т҃: Па́ѵелъ ра́бъ бж҃їй: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀: Є҆ѵⷢ҇лїе матѳе́а, зача́ло а҃і: Вы̀ є҆стѐ свѣ́тъ мі́ра: Прича́стенъ: Во всю̀ зе́млю:

<<тп҃ѕ ѡ҆б.: 772>>

к҃ѕ. Ст҃ы́хъ мч҃нкъ, а҆дрїа́на и҆ ната́лїи:

Стїхи̑ры ѻ҆ктѡ́иха г҃: и҆ ст҃ы́хъ г҃, гла́съ д҃: Подо́бенъ: Ꙗ҆́кѡ до́блѧ: Сла́ва, гла́съ ѕ҃: Ѽ сꙋпрꙋ́же ст҃ы́й: На стїхо́внѣ ѻ҆ктѡ́иха. Сла́ва, ст҃ы́хъ, гла́съ а҃: Ре́вность мꙋ́жа бл҃гочести́ва: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха и҆ ст҃ы́хъ на д҃, гла́съ ѕ҃. По г҃-й пѣ́сни,

Конда́къ, гла́съ д҃:

Жены̀ бг҃омꙋ́дрыѧ бж҃е́ствєннаѧ словеса̀ въ се́рдцѣ положи́въ, а҆дрїа́не мч҃нче хрⷭ҇то́въ, къ мꙋче́нїѧмъ ᲂу҆се́рднѡ ᲂу҆стреми́лсѧ є҆сѝ, съ сꙋпрꙋ́гою вѣне́цъ прїе́мъ.

Та́же сѣда́ленъ, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Мч҃нкъ возсїѧ̀ бж҃е́ственнаѧ па́мѧть, и҆ зємны́ѧ ѡ҆зарѝ всѧ̑ концы̀ свѣ́тлѡ, съ весе́лїемъ зовꙋ́щихъ: ты̀ є҆сѝ мч҃нкѡвъ хрⷭ҇тѐ ра́дованїе.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, мч҃нкѡвъ. На стїхо́внѣ ѻ҆ктѡ́иха.

Въ то́йже де́нь пра́зднꙋемъ срѣ́тенїю і҆кѡ́ны прест҃ы́ѧ бцⷣы влади́мїрскїѧ.

Тропа́рь и҆ конда́къ, пи́санъ і҆ꙋ́нїа въ к҃г-й де́нь. А҆́ще хо́щетъ настоѧ́тель, да пое́тъ слꙋ́жбꙋ є҆ѧ̀ со а҆дрїа́номъ, ꙗ҆́коже зна́менїю бцⷣы съ мч҃нкомъ і҆а́кѡвомъ пе́рсскимъ: зрѝ ли́стъ рм҃в.

к҃з. Прпⷣбнагѡ ѻ҆тца̀ на́шегѡ пі́мена.

На Гдⷭ҇и воззва́хъ, стїхи̑ры ѻ҆ктѡ́иха г҃, и҆ прпⷣбнагѡ г҃, гла́съ и҃. Подо́бенъ: Что́ вы нарече́мъ: Сла́ва, гла́съ ѕ҃: Прпⷣбне ѻ҆́тче, во всю̀ зе́млю: На стїхо́внѣ ѻ҆ктѡ́иха. Сла́ва, гла́съ и҃: Мона́хѡвъ мно́жєства: Тропа́рь, гла́съ и҃: <<тп҃з: 773>> Слє́зъ твои́хъ тече́ньми: септе́мврїа въ г҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ д҃: Подо́бенъ: Ꙗ҆ви́лсѧ є҆сѝ:

Свѣ́тлыхъ пѡ́двигъ твои́хъ прпⷣбне ѻ҆́тче, наста̀ дне́сь ст҃а́ѧ па́мѧть твоѧ̀, дꙋ́шы бл҃гочести́выхъ веселѧ́щи, пі́мене бг҃омꙋ́дре ѻ҆́тче на́шъ прпⷣбне.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха: Сла́ва, прпⷣбнагѡ. На стїхо́внѣ ѻ҆ктѡ́иха. На лїтꙋргі́и, прокі́менъ: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: А҆по́столъ къ гала́тѡмъ: зача́ло сг҃і: Пло́дъ дх҃о́вный є҆́сть: Є҆ѵⷢ҇лїе матѳе́а, зача́ло і҃: По і҆и҃сѣ и҆до́ша наро́ди: Прича́стенъ: Въ па́мѧть:

к҃и. Прпⷣбнагѡ ѻ҆тца̀ на́шегѡ мѡѷсе́а мꙋ́рїна:

Стїхи̑ры ѻ҆ктѡ́иха г҃: и҆ прпⷣбнагѡ г҃, гла́съ и҃. Подо́бенъ: Мч҃нцы твоѝ гдⷭ҇и: На стїхо́внѣ ѻ҆ктѡ́иха. Тропа́рь, гла́съ а҃: Пꙋсты́нный жи́тель: септе́мврїа въ к҃ѳ- й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ гла́съ г҃. По ѕ҃-й пѣ́сни,

Конда́къ, гла́съ д҃:

Мꙋ́рїны заꙋши́въ, и҆ ли́ца де́мѡнѡвъ поплева́въ, мы́сленнѡ просїѧ́лъ є҆сѝ ꙗ҆́коже со́лнце свѣ́тло, свѣ́томъ житїѧ̀ твоегѡ̀, и҆ ᲂу҆че́нїемъ наставлѧ́ѧ дꙋ́шы на́шѧ.

По ѳ҃-й пѣ́сни, свѣти́ленъ ѻ҆ктѡ́иха.

<<тп҃з ѡ҆б.: 774>>

к҃ѳ. Оу҆сѣкнове́нїе чⷭ҇тны́ѧ главы̀ чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна:

На ма́лѣй вече́рни, на Гдⷭ҇и воззва́хъ, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ и҃: Прⷣте́че сп҃совъ: И҆ ны́нѣ: Влⷣчце прїимѝ: Прокі́менъ днѐ. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы. Сла́ва, и҆ ны́нѣ, бг҃оро́диченъ, подо́бенъ то́йже: Є҆ди́на хрⷭ҇тїа́нъ:

Тропа́рь, гла́съ в҃:

Па́мѧть првⷣнагѡ съ похвала́ми, тебѣ́ же довлѣ́етъ свидѣ́тельство гдⷭ҇не прⷣте́че: показа́лъ бо сѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. тѣ́мже за и҆́стинꙋ пострада́въ ра́дꙋѧсѧ, бл҃говѣсти́лъ є҆сѝ и҆ сꙋ́щымъ во а҆́дѣ, бг҃а ꙗ҆́вльшагосѧ пло́тїю, взе́млющаго грѣ́хъ мі́ра, и҆ подаю́щаго на́мъ ве́лїю млⷭ҇ть.

Сла́ва, и҆ ны́нѣ, Всѧ̑ па́че смы́сла: Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀: пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ ѕ҃: Ржⷭ҇твꙋ̀ сотворѧ́емꙋ: Сла́ва, тꙋ́южде стїхи́рꙋ: Ржⷭ҇твꙋ̀ сотворѧ́емꙋ: И҆ ны́нѣ: Кто̀ тебѐ не ᲂу҆бл҃жи́тъ: Вхо́дъ. Прокі́менъ днѐ. Чтє́нїѧ г҃: а҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь: ᲂу҆тѣша́йте: ᲂу҆тѣша́йте: в҃-е, Прⷪ҇ро́чества малахі́ина: Та́кѡ глаго́летъ гдⷭ҇ь вседержи́тель: сѐ а҆́зъ посыла́ю а҆́гг҃ла моего̀: г҃-е: Премꙋ́дрости соломѡ́ни: Првⷣникъ а҆́ще пости́гнетъ: На лїті́и стїхи̑ры самогла́сны, гла́съ а҃. Сла́ва, гла́съ є҃: Беззако́ннагѡ дѣѧ́нїѧ: И҆ ны́нѣ, гла́съ то́йже: Воспо́йте лю́дїе: На стїхо́внѣ стїхи̑ры, самогла́сны, гла́съ в҃. Припѣ́въ а҃-й: Првⷣникъ ꙗ҆́кѡ фі́нїѯъ: в҃-й: Возвесели́тсѧ првⷣникъ: Сла́ва, гла́съ и҃: Прⷣте́че сп҃совъ: И҆ ны́нѣ, Безневѣ́стнаѧ дв҃о: <<тп҃и: 775>> На бл҃гослове́нїи хлѣ́бѡвъ, тропа́рь ст҃а́гѡ, два́жды, и҆ Бцⷣе дв҃о: є҆ди́ножды. и҆ Бꙋ́ди и҆́мѧ гдⷭ҇не, съ пѣ́нїемъ три́жды, и҆ ѱало́мъ л҃г: Бл҃гословлю̀ гдⷭ҇а: Коне́цъ: не лиша́тсѧ всѧ́кагѡ бл҃га. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, и҆ ны́нѣ: Всѧ̑ па́че смы́сла: По каѳі́смахъ сѣда́льны прⷣте́чи: съ бг҃оро́дичны и҆́хъ. И҆ чте́нїе: По полѷеле́и сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. и҆ чте́мъ сло́во торже́ственно. Степє́нна а҃-й а҆нтїфѡ́нъ д҃-гѡ гла́са. Прокі́менъ: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: Всѧ́кое дыха́нїе: Є҆ѵⷢ҇лїе матѳе́а, зача́ло н҃з: Слы́шавъ и҆́рѡдъ четвертовла́стникъ слꙋ́хъ і҆и҃совъ: По н҃-мъ ѱалмѣ̀ стїхи́ра, гла́съ ѕ҃: Плѧса̀ ᲂу҆чени́ца вселꙋка́вагѡ дїа́вола: Канѡ́на два̀: є҆ди́нъ, гла́съ и҃: со і҆рмосо́мъ на и҃: и҆ дрꙋгі́й гла́съ то́йже, на ѕ҃. Катава́сїа: Крⷭ҇тъ начерта́въ: По г҃-й пѣ́сни, сѣда́ленъ гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,

Конда́къ, гла́съ є҃.

Прⷣте́чево сла́вное ᲂу҆сѣкнове́нїе, смотре́нїе бы́сть нѣ́кое бж҃е́ственное: да и҆ сꙋ́щымъ во а҆́дѣ сп҃сово проповѣ́сть прише́ствїе. да рыда́етъ ᲂу҆́бѡ и҆рѡді́а, беззако́нное ᲂу҆бі́йство и҆спроси́вши: не зако́нъ бо бж҃їй, ни живы́й вѣ́къ возлюбѝ, но притво́рный, привре́менный.

И҆ і҆́косъ, и҆ про́логъ. По ѳ҃-й пѣ́сни, свѣти́ленъ прⷣте́чи: Сла́ва, дрꙋгі́й: И҆ ны́нѣ, бг҃оро́диченъ. На хвали́техъ стїхи̑ры на д҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ ѕ҃: Па́ки и҆рѡді́а бѣ́ситсѧ: И҆ ны́нѣ, Бцⷣе ты̀ є҆сѝ лоза̀: Славосло́вїе вели́кое. По трист҃о́мъ тропа́рь прⷣте́чи. Сла́ва, и҆ ны́нѣ: Всѧ̑ па́че смы́сла: Є҆ктєнїѝ, и҆ ѿпꙋ́стъ. и҆ дае́тсѧ ст҃ы́й є҆ле́й бра́тїи ѿ <<тп҃и ѡ҆б.: 776>> канди́ла прⷣте́чева, и҆ ча́съ а҃-й. На а҃-мъ часѣ̀, тропа́рь и҆ конда́къ прⷣте́чи: и҆ коне́чный ѿпꙋ́стъ. На лїтꙋргі́и, бл҃жє́нна ѿ канѡ́на а҃-гѡ пѣ́снь г҃-ѧ: и҆ в҃-гѡ пѣ́снь ѕ҃-ѧ, на и҃. Прокі́менъ, гла́съ з҃: Возвесели́тсѧ првⷣникъ: Сті́хъ: Оу҆слы́ши бж҃е гла́съ мо́й: А҆по́столъ дѣѧ́нїй, зача́ло л҃г: Во дни̑ ѻ҆́ны, ꙗ҆́коже скончава́ше і҆ѡа́ннъ: А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Сті́хъ: Насажде́ни въ домꙋ̀ гдⷭ҇ни: Є҆ѵⷢ҇лїе ма́рка, зача́ло к҃д: Слы́ша и҆́рѡдъ ца́рь слꙋ́хъ і҆и҃совъ: Прича́стенъ: Въ па́мѧть: На трапе́зѣ ᲂу҆тѣше́нїе бра́тїи, кромѣ̀ сы́ра и҆ ꙗ҆и́цъ и҆ ры́бы ꙗ҆ди́мъ два́жды дне́мъ, а҆́ще среда̀ и҆лѝ пѧто́къ.

[зрѝ][[комм.]] Вѣ́домо же бꙋ́ди, ꙗ҆́кѡ а҆́ще слꙋчи́тсѧ пра́здникъ сі́й въ недѣ́лю, предварѧ́етъ всѧ̀ слꙋ́жба воскрⷭ҇на на вече́рни и҆ на ᲂу҆́трени, и҆ на лїтꙋргі́и.

Зрѝ по́стнагѡ сегѡ̀ ᲂу҆ста́ва на ᲂу҆сѣкнове́нїе чⷭ҇тны́ѧ главы̀ прⷣте́чевы, дре́вними ст҃ы́ми ѻ҆тцы̀ въ се́й де́нь завѣща́ннагѡ. Сꙋ́ть ᲂу҆́бѡ нѣ́цыи предаю́тъ ка́чествꙋ бы́ти тогда̀ снѣ́дей, а҆ не постꙋ̀, ѡ҆ то́мъ бо не возмого́хомъ ничто́же ѡ҆брѣстѝ напи́сано въ разли́чныхъ тѵ́пїцѣхъ: но па́че досто́итъ въ то́й де́нь всѧ́кѡ воздержа́тисѧ посто́мъ, за и҆́стинꙋ пострада́вшагѡ прⷪ҇ро́ка, и҆ проповѣ́давшагѡ во а҆́дѣ гдⷭ҇а. разрѣше́нїю же бы́ти то́чїю на древѧ́ное ма́сло, и҆ прѡ́чаѧ ѿ разли́чныхъ ѻ҆во́щнаго плода̀, и҆ по мѣ́рѣ є҆ди́ной ча́шицѣ вїна̀ въ сла́вꙋ бж҃їю, трꙋда̀ ра́ди бдѣ́ннагѡ. Всѧ́кѡ бо досто́итъ на́мъ въ то́й де́нь сѣ́тованїемъ ᲂу҆ны̑лымъ бы́ти, а҆ не чревоꙋгожде́нїе и҆мѣ́ти воздержа́тельнагѡ ра́ди житїѧ̀ ст҃а́гѡ, и҆ скверноꙋбі́йственнагѡ кровопроли́тїѧ є҆гѡ̀ ѿ и҆́рѡда: поне́же ᲂу҆сѣ́чена бы́сть глава̀ прⷣте́чева на пирꙋ̀ <<тп҃ѳ: 777>> плѧса́нїемъ блꙋ́дныѧ плѧса́вицы, и҆ чревоꙋго́дїемъ, и҆ разли́чныхъ живо́тныхъ закла́нїемъ и҆ кровопроли́тїемъ. на́мъ же ниеди́нагѡ ѿ таковы́хъ живо́тныхъ, и҆з̾ ни́хже кро́вь и҆злива́етсѧ, но нижѐ ры́бъ [кро́вь бо и҆мѣ́ютъ, а҆́ще и҆ въ водѣ̀ жи́тельствꙋютъ, и҆ ѿ тва́рей живо́тныхъ сꙋ́ть] подоба́етъ вкꙋша́ти: да не соѻ́бщницы ꙗ҆ви́мсѧ и҆́рѡдовꙋ чревоꙋго́дїю. ка́кѡ бо крⷭ҇ти́телево честно́е ᲂу҆сѣкнове́нїе почти́ти восхо́щемъ; мѧ́со ли хо́щемъ ꙗ҆́сти, и҆лѝ ѿ и҆ны́хъ разли́чныхъ бра́шенъ многоцѣ́нныхъ; а҆ ѻ҆́нъ живѧ́ше въ пꙋсты́ни безво́днѣй, и҆ безтра́внѣй: ни хлѣ́ба ꙗ҆дѧ́ше, ни трапе́зы и҆мѧ́ше. вїно́ ли пїе́мъ; а҆ ѻ҆́нъ никогда́же пїѧ́ше вїна̀, ни и҆на́гѡ питїѧ̀ мїрска́гѡ: ни въ хра́мѣхъ живѧ́ше, но под̾ ка́менемъ вкопа́всѧ живѧ́ше. сто́лъ и҆ трапе́за, и҆ ѻ҆́дръ є҆мꙋ̀ бѧ́ше землѧ̀, ра́звѣ нꙋ́жды є҆сте́ственныѧ, є҆ди́ною дне́мъ вкꙋша́ше а҆крі́ды и҆ ме́дъ ди́вїй: ча́ша же є҆мꙋ̀ приго́рщи бѧ́ше, а҆ питїѐ и҆з̾ ка́мене текꙋ́щаѧ вода̀. Тѣ́мже бра́тїе ᲂу҆се́рднѡ почти́мъ де́нь се́й мл҃твою и҆ посто́мъ въ цѣломꙋ́дрїи, ѿбѣжи́мъ пїѧ́нственнагѡ сегѡ̀ ѕла́гѡ нра́ва. а҆́ще бо кто̀ невѣ́рствїемъ ѡ҆держи́мь бꙋ́детъ, и҆ ᲂу҆зако́неннагѡ сегѡ̀ многоразсꙋди́тельнагѡ повелѣ́нїѧ не сохрани́тъ, таковы́й ѕлѣ̀ па́гꙋбныѧ напа̑сти постра́ждетъ: пра́вѡ содержа́щихъ же по́двигъ се́й гдⷭ҇и бл҃гословѝ, и҆ ᲂу҆пра́ви мл҃твами ст҃а́гѡ прⷣте́чи.

л҃. И҆̀же во ст҃ы́хъ ѻ҆тє́цъ на́шихъ, патрїа́рхѡвъ кѡнстанті́нѧ гра́да, а҆леѯа́ндра, і҆ѡа́нна и҆ па́ѵла но́вагѡ.

На Гдⷭ҇и воззва́хъ, стїхи̑ры прⷣте́чи г҃, гла́съ д҃. Подо́бенъ: Зва́нный свы́ше: и҆ ст҃ы́хъ г҃, гла́съ а҃. Подо́бенъ: Всехва́льнїи мч҃нцы: Сла́ва, прⷣте́чи, гла́съ ѕ҃: Па́ки и҆рѡді́а бѣ́ситсѧ: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. На стїхо́внѣ ѻ҆ктѡ́иха. Сла́ва, прⷣте́чи, гла́съ д҃: Рожде́нїе неподо́бно: Тропа́рь прⷣте́чи. Сла́ва, ст҃ы́хъ, гла́съ д҃: Бж҃е ѻ҆тє́цъ на́шихъ: ное́мврїа въ к҃-й де́нь. На ᲂу҆́трени, на Бг҃ъ гдⷭ҇ь тропа́рь прⷣте́чи, два́жды. Сла́ва, ст҃ы́хъ: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. По ѻ҆бы́чныхъ каѳі́смахъ, сѣда́льны ѻ҆ктѡ́иха: и҆ чте́нїе. Канѡ́нъ ѻ҆ктѡ́иха є҆ди́нъ: и҆ прⷣте́чи на д҃: и҆ ст҃ы́хъ на д҃, гла́съ и҃. По г҃-й пѣ́сни,

Конда́къ ст҃ы́хъ, гла́съ и҃:

Хрⷭ҇то́вою любо́вїю распала́еми сла́внїи, и҆ ꙗ҆ре́мъ є҆гѡ̀ прїе́мшїи крⷭ҇тъ чⷭ҇тны́й, подража́тели тогѡ̀ житїѧ̀ ꙗ҆ви́стесѧ, и҆ бж҃е́ственныѧ сла́вы є҆гѡ̀ прича̑стницы бы́сте, а҆леѯа́ндре бг҃омꙋ́дре со і҆ѡа́нномъ чꙋ́днымъ, и҆ па́ѵломъ сла́внымъ: тѣ́мже прⷭ҇то́лꙋ є҆гѡ̀ предстоѧ́ще, прилѣ́жнѡ моли́тесѧ за дꙋ́шы на́шѧ.

И҆ сѣда́ленъ прⷣте́чи, гла́съ и҃. Сла́ва, ст҃ы́хъ, гла́съ д҃. По ѕ҃-й пѣ́сни,

Конда́къ прⷣте́чи, гла́съ д҃:

И҆́рѡдъ прⷣте́че беззако́нновавъ, женѣ̀ подадѐ главꙋ̀ твою̀ чⷭ҇тнꙋ́ю, є҆́йже покланѧ́ющесѧ весели́мсѧ: и҆рѡді́а же пла́четъ и҆ рыда́етъ, и҆ и҆́рѡдъ и҆ плѧса́вшаѧ.

И҆ і҆́косъ. На стїхо́внѣ ѻ҆ктѡ́иха. Сла́ва, прⷣте́чи, гла́съ и҃: Прⷣте́че сп҃совъ:

И҆ пренесе́нїе моще́й ст҃а́гѡ бл҃говѣ́рнагѡ вели́кагѡ кн҃зѧ а҆леѯа́ндра не́вскагѡ, и҆з̾ влади́мїра въ ца́рствꙋющїй гра́дъ ст҃а́гѡ петра̀.

Тропа́рь, гла́съ д҃:

Позна́й свою̀ бра́тїю рѡссі́йскїй і҆ѡ́сифе, не въ є҆гѵ́птѣ, но на нб҃сѝ ца́рствꙋющїй, бл҃говѣ́рный кнѧ́же а҆леѯа́ндре, и҆ прїимѝ <<т҃ч: 779>> молє́нїѧ и҆́хъ, ᲂу҆множа́ѧ жи̑та лю́демъ плодоно́сїемъ землѝ твоеѧ̀, гра́ды влады́чествїѧ твоегѡ̀ ѡ҆гражда́ѧ моле́нїемъ, и҆ наслѣ́дникѡмъ твои̑мъ, бл҃говѣ̑рнымъ і҆мпера́торамъ на́шымъ, на сопроти̑вныѧ спобо́рствꙋѧ.

Конда́къ, гла́съ д҃:

Ꙗ҆́коже сро́дники твоѝ, бори́съ и҆ глѣ́бъ, ꙗ҆ви́шасѧ тебѣ̀ съ нб҃сѐ въ по́мощь, подвиза́ющемꙋсѧ на ве́йлгера свѣ́йскаго и҆ во́євъ є҆гѡ̀: та́кѡ и҆ ты̀ ны́нѣ бл҃же́нне а҆леѯа́ндре, прїидѝ въ по́мощь твои̑мъ сро́дникѡмъ, и҆ поборѝ борю́щыѧ ны̀.

Въ то́йже де́нь преставле́нїе прпⷣбнагѡ а҆леѯа́ндра сви́рскагѡ.

Соверша́етсѧ собо́ръ є҆гѡ̀ во ѻ҆би́тели є҆гѡ̀.

Тропа́рь, гла́съ д҃:

Ѿ ю҆́ности бг҃омꙋ́дре жела́нїемъ дх҃о́внымъ въ пꙋсты́ню всели́всѧ, є҆ди́нагѡ хрⷭ҇та̀ возжела́лъ є҆сѝ ᲂу҆се́рднѡ стопа́мъ въ слѣ́дъ ходи́ти. тѣ́мже и҆ а҆́гг҃льстїи чи́ни зрѧ́ще тѧ̀ ᲂу҆диви́шасѧ, ка́кѡ съ пло́тїю къ неви̑димымъ ко́знемъ подвиза́всѧ премꙋ́дре, побѣди́лъ є҆сѝ полкѝ страсте́й воздержа́нїемъ: и҆ ꙗ҆ви́лсѧ є҆сѝ равноа́гг҃ленъ на землѝ, а҆леѯа́ндре прпⷣбне, молѝ хрⷭ҇та̀ бг҃а, да сп҃се́тъ дꙋ́шы на́шѧ.

Конда́къ, гла́съ и҃:

Ꙗ҆́кѡ многосвѣ́тлаѧ ѕвѣзда̀, дне́сь въ страна́хъ рѡссі́йскихъ возсїѧ́лъ є҆сѝ ѻ҆́тче, всели́всѧ въ пꙋсты́ню, хрⷭ҇тѡ́вымъ стопа́мъ послѣ́довати ᲂу҆се́рднѡ возжелѣ́лъ є҆сѝ, и҆ тогѡ̀ ст҃о́е и҆́го на ра́мо твоѐ взе́мъ честны́й крⷭ҇тъ, ᲂу҆мертви́лъ є҆сѝ трꙋды̀ пѡ́двигъ твои́хъ, тѣлє́снаѧ взыгра̑нїѧ. тѣ́мже вопїе́мъ тѝ: сп҃сѝ ста́до твоѐ, є҆́же собра́лъ є҆сѝ мꙋ́дре, да зове́мъ тѝ: ра́дꙋйсѧ прпⷣбне а҆леѯа́ндре ѻ҆́тче на́шъ.

<<т҃ч ѡ҆б.: 780>>

л҃а. Положе́нїе чⷭ҇тна́гѡ по́ѧса прест҃ы́ѧ бцⷣы.

Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры на ѕ҃, гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ, гла́съ в҃: Ꙗ҆́кѡ вѣнце́мъ пресвѣ́тлымъ: На стїхо́внѣ, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, гла́съ в҃: Смы́слъ ѡ҆чи́стивше и҆ ᲂу҆́мъ:

Тропа́рь, гла́съ и҃:

Бцⷣе приснодв҃о, человѣ́кѡвъ покро́ве, ри́зꙋ и҆ по́ѧсъ пречⷭ҇тагѡ твоегѡ̀ тѣлесѐ, держа́вное гра́дꙋ твоемꙋ̀ ѡ҆бложе́нїе дарова́ла є҆сѝ, безсѣ́меннымъ ржⷭ҇тво́мъ твои́мъ, нетлѣ́нна пребыва́ющи, ѡ҆ тебѣ́ бо и҆ є҆стество̀ ѡ҆бновлѧ́етсѧ и҆ вре́мѧ. тѣ́мже мо́лимъ тѧ̀: ми́ръ гра́дꙋ твоемꙋ̀ дарова́ти, и҆ дꙋша́мъ на́шымъ ве́лїю млⷭ҇ть.

На ᲂу҆́трени, на Бг҃ъ гдⷭ҇ь, тропа́рь бцⷣы, три́жды. По каѳі́смахъ сѣда́льны бцⷣы, и҆ чте́нїе. Канѡ́ны два̀, пе́рвый со і҆рмосо́мъ на и҃. і҆рмо́съ по два́жды: дрꙋгі́й на д҃. Катава́сїа: Крⷭ҇тъ начерта́въ: По г҃-й пѣ́сни,

Конда́къ, гла́съ в҃. Подо́бенъ: Въ мл҃твахъ:

Бг҃опрїѧ́тное твоѐ чре́во бцⷣе, ѡ҆б̾е́мшїй по́ѧсъ тво́й чⷭ҇тны́й, держа́ва гра́дꙋ твоемꙋ̀ неѡбори́ма, и҆ сокро́вище є҆́сть бл҃ги́хъ неѡскꙋ́дно, є҆ди́на ро́ждшаѧ приснодв҃о.

И҆ сѣда́ленъ, гла́съ д҃. Сла́ва, и҆ ны́нѣ, гла́съ то́йже. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:

Чⷭ҇тна́гѡ по́ѧса твоегѡ̀ положе́нїе пра́зднꙋетъ дне́сь тво́й препѣ́таѧ хра́мъ, и҆ прилѣ́жнѡ взыва́етъ тѝ: ра́дꙋйсѧ дв҃о хрїстїа́нъ похвало̀.

И҆ і҆́косъ. По ѳ҃-й пѣ́сни, свѣти́ленъ: По́ѧсъ чⷭ҇тны́й тво́й: два́жды. На хвали́техъ, стїхи̑ры на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ: Смы́слъ ѡ҆чи́стивше <<тч҃а: 781>> и҆ ᲂу҆́мъ: Славосло́вїе вели́кое. По трист҃о́мъ, тропа́рь. Є҆ктєнїѝ, и҆ ѿпꙋ́стъ, и҆ ча́съ а҃-й, и҆ коне́чный ѿпꙋ́стъ. На лїтꙋргі́и, бл҃жє́нна ѿ канѡ́нѡвъ, пѣ́снь г҃-ѧ, и҆ ѕ҃-ѧ. Прокі́менъ, гла́съ г҃, пѣ́снь бцⷣы: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе: А҆по́столъ ко є҆вре́ємъ, зача́ло т҃к: И҆мѣ́ѧше пе́рваѧ: А҆ллилꙋ́їа: Воскрⷭ҇нѝ гдⷭ҇и въ поко́й тво́й: Є҆ѵⷢ҇лїе лꙋкѝ, зача́ло н҃д: Вни́де і҆и҃съ въ ве́сь нѣ́кꙋю: Прича́стенъ: Ча́шꙋ сп҃се́нїѧ:

Коне́цъ съ бг҃омъ двана́десѧти мѣ́сѧцєвъ тѵ́пїка.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.