Ѡ҆ ст҃ѣ́мъ вели́цѣмъ и҆мꙋ́щемъ бдѣ́нїе, и҆лѝ полѷеле́й въ сꙋббѡ́тꙋ
[глⷡ҇а є҃і] Ѡ҆ ст҃ѣ́мъ и҆мꙋ́щемъ полѷеле́й,
а҆́ще слꙋчи́тсѧ въ сꙋббѡ́тꙋ.
Въ пѧто́къпѧто́къ ве́чера, пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры ст҃а́гѡ, на ѕ҃: Сла́ва, самогла́сенъ ст҃а́гѡ, И҆ ны́нѣ, бг҃оро́диченъа҃-й настоѧ́щагѡ гла́са.
[зрѝ] А҆́ще ли и҆́мать ст҃ы́й вели́кїй бдѣ́нїе, и҆ восхо́щетъ настоѧ́тель
Пое́мъ на ма́лѣй вече́рни стїхи̑ры ст҃а́гѡ на д҃, подо́бны: Сла́ва, самогла́сенъ ст҃а́гѡ: И҆ ны́нѣ, бг҃оро́диченъѻ҆бы́чный, по гла́сꙋ ст҃а́гѡ. На стїхо́внѣстїхо́внѣ стїхи̑рыст҃а́гѡ: Сла́ва, ст҃а́гѡ, а҆́ще и҆́матьи҆́мать: а҆́ще ли нѝ, Сла́ва, и҆ ны́нѣ, бг҃оро́диченъ. По трист҃о́мъ тропа́рь ст҃а́гѡ: Сла́ва, и҆ ны́нѣ, бг҃оро́диченъ, по гла́сꙋ. Є҆ктенїа̀ма́лаѧ, ꙗ҆́коже предписа́сѧ въ воскре́сной вече́рни: и҆ ѿпꙋ́стъ.
На вели́цѣй вече́рни, по предначина́тельномъ ѱалмѣ̀, пое́мъ Бл҃же́нъ мꙋ́жъ, а҃ а҆нтїфѡ́нъ. На Гдⷭ҇и воззва́хъ, стїхи̑ры ст҃а́гѡ, на и҃: Сла́ва, ст҃а́гѡ: И҆ ны́нѣ, бг҃оро́диченъа҃-й, настоѧ́щагѡ гла́са. А҆́ще предпра́зднство: и҆лѝ попра́зднство, на Гдⷭ҇и воззва́хъ, стїхи̑ры пра́здника, г҃: и҆ ст҃а́гѡ, є҃. Сла́ва, ст҃а́гѡ: И҆ ны́нѣ, бг҃оро́диченънастоѧ́щагѡ гла́са. Вхо́дъ. Прокі́менъ днѐ: И҆ чтє́нїѧ ст҃а́гѡ, г҃. На лїті́и стїхи́ра хра́ма, и҆ ст҃а́гѡ: Сла́ва, ст҃а́гѡ: И҆ ны́нѣ бг҃оро́диченъ, по гла́сꙋ ст҃а́гѡ, и҆лѝ пра́здника. На стїхо́внѣстїхо́внѣ стїхи̑рыст҃а́гѡ: Сла́ва, ст҃а́гѡ: И҆ ны́нѣ, бг҃оро́диченъ, во гла́съ ст҃а́гѡ, и҆лѝ пра́здника. На бл҃гослове́нїи хлѣ́бѡвъ тропа́рьст҃а́гѡ, два́жды: и҆ Бцⷣе дв҃о, є҆ди́ножды. Бꙋ́ди и҆́мѧ гдⷭ҇не: три́жды, съ пѣ́нїемъ, ѱало́мъ, л҃г: Бл҃гословлю̀ гдⷭ҇а на всѧ́кое вре́мѧ: до Не лиша́тсѧ всѧ́кагѡ бла́га. И҆ чте́мъ ѿ житїѧ̀ ст҃а́гѡ.
На ᲂу҆́трениᲂу҆́трени, на Бг҃ъ гдⷭ҇ь, тропа́рьст҃а́гѡ, два́жды: Сла́ва, и҆ ны́нѣ, бг҃оро́диченъ а҃-й, настоѧ́щагѡ гла́са. А҆́ще ли предпра́зднство, и҆лѝ попра́зднство: Тропа́рьпра́здника, два́жды: Сла́ва, ст҃а́гѡ: И҆ ны́нѣ, пра́здника. Та́же, каѳі́сма ѕ҃і: є҆ктенїа̀, и҆ сѣда́ленъ ст҃а́гѡ, два́жды: Сла́ва, и҆ ны́нѣ, бг҃оро́диченъ. И҆ чте́нїе. И҆ посе́мъ каѳі́сма з҃і, непоро́чны. На не́йже і҆ере́й не кади́тъ, но на полѷеле́и кади́тъ. Та́же сѣда́ленъ ст҃а́гѡ, два́жды: Сла́ва, и҆ ны́нѣ, бг҃оро́диченъ. И҆ чте́нїе. Посе́мъ полѷеле́й ст҃а́гѡ: и҆ сѣда́ленъ, два́жды: Сла́ва, и҆ ны́нѣ, бг҃оро́диченъ. И҆ чте́нїе. Степє́нна д҃-гѡ гла́са, а҆нтїфѡ́нъ а҃. Прокі́менъст҃а́гѡ: и҆ Всѧ́кое дыха́нїе: є҆ѵⷢ҇лїе, и҆ ѱало́мъ н҃. По н҃-мъ ѱалмѣ̀, стїхи́ра ст҃а́гѡ. Та́же, Сп҃сѝ бж҃е лю́ди твоѧ̑: Посе́мъ і҆ере́й, Млⷭ҇тїю и҆ щедро́тами: Ли́къ, А҆ми́нь. И҆ пое́мъ канѡ́нъбцⷣы, со і҆рмосо́мъ на ѕ҃: і҆рмо́съ по два́жды: тропарѝ на д҃. А҆́ще ли хра́мъ хрⷭ҇то́въ, и҆лѝ бцⷣы, и҆лѝ а҆́ще предпра́зднство, и҆лѝ попра́зднство, пое́мъ подо́бнѣ канѡ́нъсо і҆рмосо́мъ на ѕ҃: И҆ ст҃а́гѡ на и҃: Катава́сїа, по ᲂу҆ста́вꙋ. По г҃ пѣ́сни конда́къ предпра́зднства, и҆лѝ пра́здника. Та́жесѣда́ленъ ст҃а́гѡ, два́жды: Сла́ва, и҆ ны́нѣ, бг҃оро́диченъ, и҆лѝ пра́здника. По ѕ҃-й пѣ́сни конда́къст҃а́гѡ, и҆ і҆́косъ: И҆ чте́мъ про́логъ. По ѳ҃-й пѣ́сни свѣти́ленъ ст҃а́гѡ, два́жды: Сла́ва, и҆ ны́нѣ, бг҃оро́диченъ, и҆лѝ пра́здника. На хвали́техъ стїхи̑рыст҃а́гѡ, на д҃: А҆́ще ли въ попра́зднство: На хвали́техъ ѕ҃: пра́здника трѝ, ꙗ҆̀же сꙋ́ть на стїхо́внѣ тогѡ̀ днѐ, и҆ ст҃а́гѡ г҃: Сла́ва, ст҃а́гѡ самогла́сенъ: И҆ ны́нѣ, бг҃оро́диченъ, по гла́сꙋ ст҃а́гѡ, и҆лѝ пра́здника. И҆ славосло́вїе вели́кое. Та́же тропа́рьст҃а́гѡ: Сла́ва, и҆ ны́нѣ, бг҃оро́диченъвоскрⷭ҇нъ, гла́са настоѧ́щагѡ, и҆лѝ пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й. На а҃-мъ часѣ̀, тропа́рьст҃а́гѡ. А҆́ще ли предпра́зднство, и҆лѝ попра́зднство, тропа́рь пра́здника: Сла́ва, ст҃а́гѡ: И҆ ны́нѣ, бг҃оро́диченъчасѡ́въ. По Ѻ҆́ч҃е на́шъ, конда́къ ст҃а́гѡ. А҆́ще ли предпра́зднство, и҆лѝ попра́зднство, конда́къпра́здника и҆ ст҃а́гѡ, глаго́лемъ премѣнѧ́юще: И҆ соверше́нный ѿпꙋ́стъ.
На лїтꙋргі́илїтꙋргі́и бл҃жє́на ст҃а́гѡ, пѣ́снь г҃-ѧ, и҆ ѕ҃-ѧ. А҆́ще ли попра́зднство, пѣ́снь пра́здника, рѧдова́ѧ, и҆ ст҃а́гѡ пѣ́снь ѕ҃. По вхо́дѣ тропа́рьхра́ма хрⷭ҇то́ва и҆ бцⷣы: Та́же, ст҃а́гѡ настоѧ́щагѡ, Сла́ва, конда́къ є҆гѡ̀: И҆ ны́нѣ, хра́ма бцⷣы. А҆ и҆дѣ́же нѣ́сть хра́ма бцⷣы, И҆ ны́нѣ, Предста́тельство хрⷭ҇тїа́нъ: А҆ въ предпра́зднства, и҆лѝ попра́зднства ко́егѡ пра́здника: И҆ ны́нѣ, конда́къ глаго́лемъ предпра́зднства, и҆лѝ пра́здника. А҆́ще ли предпра́зднства, и҆лѝ попра́зднства гдⷭ҇скагѡ пра́здника, а҆ хра́мъ хрⷭ҇то́въ, и҆ тропарѧ̀ и҆ кондака̀ хра́ма не глаго́лемъ, но предпра́зднства и҆лѝ пра́здника тропа́рьи҆ конда́къ: Бцⷣы же хра́ма въ предпра́зднства и҆ попра́зднства гдⷭ҇скихъ пра́здникѡвъ, не глаго́летсѧ. Прокі́менъст҃а́гѡ: а҆пⷭ҇лъ, а҆ллилꙋ́їа, є҆ѵⷢ҇лїе, и҆ прича́стенъ ст҃а́гѡ, є҆мꙋ́же бдѣ́нїе. А҆́ще же полѷеле́й, присовокꙋплѧ́емъ и҆ днѐ, прокі́менъ, а҆пⷭ҇лъ, є҆ѵⷢ҇лїе, и҆ прича́стенъ.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.