И҆з̾ѧвле́нїе вкра́тцѣ, ка́кѡ пѣ́ти пра́зднꙋемымъ и҆ не пра́зднꙋемымъ ст҃ы̑мъ
<<в҃: 3>>
И҆з̾ѧвле́нїе вкра́тцѣ,
ка́кѡ пѣ́ти пра́зднꙋемымъ и҆ не пра́зднꙋемымъ ст҃ы̑мъ въ недѣ́лю и҆ въ седми̑чныѧ дни̑, та́кожде и҆ въ предпра́зднствахъ и҆ попра́зднствахъ влⷣчнихъ и҆ бг҃оро́дичныхъ пра́здникѡвъ.
Ѡ҆ ст҃ѣ́мъ и҆мꙋ́щемъ бдѣ́нїе,
а҆́ще прилꙋчи́тсѧ въ недѣ́лю.
На ма́лѣй вече́рни стїхи̑ры ѻ҆ктѡ́иха д҃: сла́ва ст҃а́гѡ, и҆ ны́нѣ бг҃оро́диченъ гла́са, ма́лыѧ вече́рни. На стїхо́внѣ сті́хъ воскрⷭ҇нъ є҆ди́нъ, та́же стїхо́вна, и҆ сла́ва ст҃а́гѡ вели́кїѧ вече́рни: и҆ ны́нѣ, бг҃оро́диченъ: Тропа́рь воскрⷭ҇нъ. сла́ва ст҃а́гѡ, и҆ ны́нѣ, бг҃оро́диченъ воскрⷭ҇нъ.
На вели́цѣй вече́рни стїхи̑ры ѻ҆ктѡ́иха д҃, и҆ ст҃а́гѡ ѕ҃: сла́ва ст҃а́гѡ, и҆ ны́нѣ, бг҃оро́диченъ а҃-й гла́са: чтє́нїѧ ст҃а́гѡ г҃. На лїті́и стїхи́ра хра́ма, и҆ ст҃а́гѡ стїхи̑ры и҆ сла́ва хвали́тныѧ, и҆ ны́нѣ, бг҃оро́диченъ воскрⷭ҇нъ. На стїхо́внѣ стїхи̑ры воскрⷭ҇ны, сла́ва, ст҃а́гѡ, и҆ ны́нѣ, бг҃оро́диченъ воскрⷭ҇нъ. На бл҃гослове́нїи хлѣ́бѡвъ тропа́рь, Бцⷣе дв҃о: два́жды, и҆ ст҃а́гѡ є҆ди́ножды.
На ᲂу҆́трени на Бг҃ъ гдⷭ҇ь: тропа́рь воскрⷭ҇нъ два́жды: сла́ва, ст҃а́гѡ, и҆ ны́нѣ, бг҃оро́диченъ воскрⷭ҇нъ. По каѳі́смахъ сѣда́льны воскрⷭ҇ны, по полѷеле́и ѵ҆пакоѝ гла́са, и҆ сѣда́льны всѝ ст҃а́гѡ. Канѡ́нъ воскрⷭ҇нъ со і҆рмосо́мъ на д҃: бцⷣы на два̀: и҆ ст҃а́гѡ на и҃. По г҃-й пѣ́сни конда́къ и҆ і҆́косъ, и҆ сѣда́ленъ ст҃а́гѡ: два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни конда́къ и҆ і҆́косъ воскрⷭ҇нъ. свѣти́ленъ воскрⷭ҇нъ, сла́ва ст҃а́гѡ, и҆ ны́нѣ, бг҃оро́диченъ воскрⷭ҇нъ. На хвали́техъ стїхи̑ры воскрⷭ҇ны д҃, и҆ ст҃а́гѡ со сла́внымъ д҃, съ припѣ́вы є҆гѡ̀: сла́ва, стїхи́ра є҆ѵⷢ҇льскаѧ, и҆ ны́нѣ, Пребл҃гослове́нна є҆сѝ:
На часѣ́хъ тропа́рь воскрⷭ҇нъ, сла́ва, ст҃а́гѡ: и҆ кондаки́ же ст҃а́гѡ и҆ воскрⷭ҇нъ премѣнѧ́юще глаго́лемъ.
На лїтꙋргі́и бл҃жє́нна гла́са на ѕ҃, и҆ ст҃а́гѡ пѣ́снь г҃ на д҃. По вхо́дѣ тропа́рь воскрⷭ҇нъ, и҆ хра́ма бцⷣы, а҆́ще є҆́сть, и҆ ст҃а́гѡ, конда́къ воскрⷭ҇нъ, сла́ва ст҃а́гѡ, и҆ ны́нѣ хра́ма бцⷣы, а҆́ще же нѝ, Предста́тельство хрⷭ҇тїа́нъ: Тропарѧ́ же и҆ кондака̀ хра́мꙋ ст҃а́гѡ не глаго́лемъ. Прокі́менъ, а҆пⷭ҇лъ, а҆ллилꙋ́їа, є҆ѵⷢ҇лїе, прича́стенъ воскрⷭ҇нъ, и҆ ст҃а́гѡ.
Ѡ҆ ст҃ѣ́мъ и҆мꙋ́щемъ полѷеле́й,
а҆́ще прилꙋчи́тсѧ въ недѣ́лю.
На вече́рни и҆ на ᲂу҆́трени и҆ на лїтꙋргі́и пое́мъ ꙗ҆́коже и҆ ст҃о́мꙋ и҆мꙋ́щемꙋ бдѣ́нїе: то́чїю на бл҃гослове́нїи хлѣ́бѡвъ, бцⷣе дв҃о: три́жды, Канѡ́нъ воскрⷭ҇нъ со і҆рмосо́мъ на д҃: крⷭ҇товоскрⷭ҇нъ на в҃, и҆ бцⷣы на в҃, и҆ ст҃а́гѡ на ѕ҃: а҆́ще ли два̀ канѡ́на, на и҃: а҆ крⷭ҇товоскрⷭ҇нъ ѡ҆ставлѧ́етсѧ. На лїтꙋргі́и прилага́емъ тропа́рь и҆ конда́къ, и҆ хра́ма ст҃а́гѡ.
<<в҃ ѡ҆б.: 4>>
Ѡ҆ ст҃ѣ́мъ пое́момъ на ѕ҃,
а҆́ще прилꙋчи́тсѧ въ недѣ́лю.
На вели́цѣй вече́рни стїхи̑ры ѻ҆ктѡ́иха ѕ҃, и҆ ст҃а́гѡ д҃: сла́ва ст҃а́гѡ, и҆ ны́нѣ, бг҃оро́дична гла́са. стїхо́вна воскрⷭ҇на: сла́ва, ст҃а́гѡ, и҆ ны́нѣ, бг҃оро́диченъ воскрⷭ҇нъ.
На ᲂу҆́трени тропа́рь воскрⷭ҇нъ два́жды. сла́ва, ст҃а́гѡ, и҆ ны́нѣ, бг҃оро́диченъ пе́рвый, по гла́сꙋ тропарѧ̀ ст҃а́гѡ, и҆ про́чее воскрⷭ҇но. Канѡ́нъ воскрⷭ҇нъ со і҆рмосо́мъ на д҃: крⷭ҇товоскрⷭ҇нъ на два̀, и҆ бцⷣы на два̀, и҆ ст҃а́гѡ на ѕ҃. По г҃-й пѣ́сни конда́къ и҆ і҆́косъ, и҆ сѣда́ленъ ст҃а́гѡ два́жды, сла́ва, и҆ ны́нѣ, бг҃оро́диченъ. По ѕ҃-й пѣ́сни конда́къ и҆ і҆́косъ воскрⷭ҇нъ. свѣти́ленъ воскрⷭ҇нъ, сла́ва ст҃а́гѡ: и҆ ны́нѣ бг҃оро́диченъ воскрⷭ҇нъ. На хвали́техъ стїхи̑ры воскрⷭ҇ны д҃: и҆ ст҃а́гѡ д҃, а҆́ще и҆́мать: сла́ва, стїхи́ра є҆ѵⷢ҇льскаѧ, и҆ ны́нѣ, Пребл҃гослове́нна є҆сѝ:
На часѣ́хъ тропа́рь воскрⷭ҇нъ, сла́ва, ст҃а́гѡ, конда́къ воскрⷭ҇нъ.
На лїтꙋргі́и слꙋ́жба, ꙗ҆́коже и҆ полѷеле́йнагѡ ст҃а́гѡ.
Ѡ҆ непра́зднꙋемомъ ст҃о́мъ, и҆лѝ двꙋ̀
прилꙋча́ющихсѧ въ недѣ́лю.
На вели́цѣй вече́рни стїхи̑ры ѻ҆ктѡ́иха з҃, и҆ ст҃а́гѡ г҃: а҆́ще ли два̀ ст҃ы́хъ, ѻ҆ктѡ́иха: д҃, и҆ ст҃ы̑мъ по трѝ: сла́ва, ст҃а́гѡ, а҆́ще є҆́сть, и҆ ны́нѣ, бг҃оро́диченъ пе́рвый, гла́са. На стїхо́внѣ, стїхи̑ры воскрⷭ҇ны: сла́ва, ст҃а́гѡ, а҆́ще є҆́сть, и҆ ны́нѣ, бг҃оро́диченъ.
На ᲂу҆́трени на Бг҃ъ гдⷭ҇ь, тропа́рь воскрⷭ҇нъ два́жды, сла́ва, ст҃а́гѡ: а҆́ще ли два̀ ст҃ы́хъ, тропа́рь воскрⷭ҇нъ є҆ди́ножды, и҆ ст҃а́гѡ: сла́ва, в҃-гѡ ст҃а́гѡ, и҆ ны́нѣ, бг҃оро́диченъ а҃-й и҆ про́чее воскрⷭ҇но. Канѡ́нъ воскрⷭ҇нъ со і҆рмосо́мъ на д҃, крⷭ҇товоскрⷭ҇нъ на трѝ, и҆ бцⷣы на трѝ, и҆ ст҃а́гѡ на д҃. А҆́ще два̀ ст҃ы́хъ, канѡ́нъ воскрⷭ҇нъ со і҆рмосо́мъ на д҃, бцⷣы на в҃, и҆ ст҃ы́хъ на и҃. По г҃-й пѣ́сни конда́къ и҆ і҆́косъ, и҆ сѣда́ленъ ст҃а́гѡ є҆ди́ножды, сла́ва, и҆ ны́нѣ, бг҃оро́диченъ. По ѕ҃- й пѣ́сни конда́къ и҆ і҆́косъ воскрⷭ҇нъ, свѣти́ленъ воскрⷭ҇нъ, сла́ва ст҃а́гѡ, а҆́ще и҆́мать, и҆ ны́нѣ, бг҃оро́диченъ воскрⷭ҇нъ.
На часѣ́хъ тропа́рь воскрⷭ҇нъ, сла́ва, ст҃а́гѡ: а҆́ще два̀ ст҃ы́хъ, тропарѝ и҆́хъ премѣнѧ́емъ. конда́къ воскрⷭ҇нъ.
На лїтꙋргі́и тропарѝ и҆ кондакѝ воскрⷭ҇ны и҆ храмѡ́въ, и҆ ст҃а́гѡ, и҆лѝ ст҃ы́хъ, и҆ про́чаѧ слꙋ́жба днѐ, и҆ ст҃а́гѡ, а҆́ще є҆́сть.
А҆́ще прилꙋчи́тсѧ предпра́зднство,
и҆лѝ попра́зднство въ недѣ́лю, а҆ ст҃о́мꙋ пое́тсѧ на д҃, и҆лѝ на ѕ҃, и҆лѝ є҆мꙋ́же и҆ полѷеле́й.
На вели́цѣй вече́рни, на Гдⷭ҇и воззва́хъ, стїхи̑ры ѻ҆ктѡ́иха д҃, пра́здника трѝ, и҆ ст҃а́гѡ г҃. А҆́ще ли ст҃ы́й пое́тсѧ на ѕ҃, и҆лѝ є҆мꙋ́же и҆ полѷеле́й, стїхи̑ры ѻ҆ктѡ́иха г҃, пра́здника трѝ: и҆ ст҃а́гѡ д҃: сла́ва, ст҃а́гѡ, а҆́ще є҆́сть, а҆́ще же нѝ, пра́здника. На лїті́и, а҆́ще предпра́зднство, стїхи́ра хра́ма и҆ стїхо́вна пра́здника: а҆́ще попра́зднство, стїхи́ра пра́здника, и҆ ст҃а́гѡ а҆́ще полѷеле́й: сла́ва, ст҃а́гѡ, а҆́ще и҆́мать, а҆́ще же нѝ, сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны, сла́ва, ст҃а́гѡ, а҆́ще є҆́сть, и҆ ны́нѣ, пра́здника. На бл҃гослове́нїи хлѣ́бѡвъ, Бцⷣе дв҃о: два́жды, и҆ пра́здника є҆ди́ножды.
На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды, сла́ва, ст҃а́гѡ, и҆ ны́нѣ, пра́здника: А҆́ще и҆́мать ст҃ы́й полѷеле́й, пое́мъ є҆мꙋ̀, и҆ по не́мъ ѵ҆пакоѝ гла́са, и҆ <<д҃: 7>> сѣда́льны ст҃а́гѡ всѣ̀. Канѡ́нъ воскрⷭ҇нъ со і҆рмосо́мъ на д҃, бцⷣы на два̀, пра́здника на д҃, и҆ ст҃а́гѡ на д҃. А҆́ще полѷеле́й, канѡ́нъ воскрⷭ҇нъ на д҃, пра́здника на д҃, и҆ ст҃а́гѡ на ѕ҃. По г҃-й пѣ́сни конда́къ пра́здника, и҆ ст҃а́гѡ, а҆́ще и҆́мать, и҆ і҆́косъ и҆ сѣда́ленъ ст҃а́гѡ: сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ воскрⷭ҇нъ. Свѣти́ленъ воскрⷭ҇нъ, сла́ва, ст҃а́гѡ, а҆́ще и҆́мать, а҆́ще ли нѝ, сла́ва, и҆ ны́нѣ, пра́здника. На хвали́техъ стїхи̑ры ѻ҆ктѡ́иха д҃, и҆ ст҃а́гѡ д҃, а҆́ще є҆́сть, а҆́ще ли нѝ, ѻ҆ктѡ́иха д҃, и҆ пра́здника д҃.
На часѣ́хъ тропа́рь воскрⷭ҇нъ пре́жде, сла́ва, пра́здника, и҆ ст҃а́гѡ премѣнѧ́емъ, конда́къ пра́здника и҆ воскрⷭ҇нъ премѣнѧ́емъ же, а҆́ще полѷеле́й и҆ ст҃а́гѡ.
На лїтꙋргі́и бл҃же́нна гла́са на ѕ҃, и҆ пра́здника на д҃: а҆́ще ст҃ы́й и҆́мать пѣ́снь, тогда̀ бл҃жє́нна гла́са на д҃: пра́здника на д҃, и҆ ст҃а́гѡ на д҃. Тропарѝ и҆ кондакѝ воскрⷭ҇ны и҆ пра́здника, и҆ хра́ма и҆ ст҃а́гѡ, прокі́менъ гла́са и҆ пра́здника. А҆пⷭ҇лъ и҆ є҆ѵⷢ҇лїе днѐ. Прича́стенъ, Хвали́те: и҆ пра́здника. А҆́ще ли и҆́мать ст҃ы́й а҆пⷭ҇лъ и҆ є҆ѵⷢ҇лїе, тогда̀ пое́мъ прокі́менъ гла́са, и҆ ст҃а́гѡ. А҆пⷭ҇лъ и҆ є҆ѵⷢ҇лїе и҆ прича́стенъ днѐ и҆ ст҃а́гѡ.
[зрѝ] А҆ и҆дѣ́же всено́щнагѡ бдѣ́нїѧ не быва́етъ. На вели́цѣй вече́рни, по Ны́нѣ ѿпꙋща́еши, тропа́рь воскрⷭ҇нъ: сла́ва ст҃а́гѡ, и҆ ны́нѣ: бг҃оро́диченъ воскрⷭ҇нъ, и҆лѝ пра́здника. а҆́ще ли два̀ ст҃ы́хъ съ тропарѝ, и҆ дрꙋга́гѡ ст҃а́гѡ тропа́рь не глаго́летсѧ. На повече́рїи конда́къ воскрⷭ҇нъ: а҆́ще и҆́мать ст҃ы́й полѷеле́й, конда́къ ст҃а́гѡ: а҆́ще предпра́зднство, и҆лѝ попра́зднство, сла́ва и҆ ны́нѣ, пра́здника.
Ѡ҆ ст҃ѣ́мъ и҆мꙋ́щемъ бдѣ́нїе,
а҆́ще прилꙋчи́тсѧ въ седми̑чныѧ дни̑ кромѣ̀ недѣ́ли.
На ма́лѣй вече́рни стїхи̑ры на д҃, и҆ сла́ва ст҃а́гѡ, и҆ ны́нѣ бг҃оро́диченъ. На стїхо́внѣ стїхи̑ры, и҆ сла́ва, и҆ ны́нѣ, бг҃оро́диченъ. тропа́рь ст҃а́гѡ, сла́ва, и҆ ны́нѣ, бг҃оро́диченъ воскрⷭ҇нъ.
На вели́цѣй вече́рни стїхи̑ры на и҃, сла́ва и҆ ны́нѣ, бг҃оро́диченъ а҃-й по гла́сꙋ сла́вника. А҆́ще сꙋббѡ́та, и҆ ны́нѣ, бг҃оро́диченъ настоѧ́щагѡ гла́са, чтє́нїѧ г҃. На лїті́и стїхи́ра хра́ма, и҆ ст҃а́гѡ стїхи̑ры, и҆ сла́ва, и҆ ны́нѣ, бг҃оро́диченъ воскрⷭ҇нъ. На стїхо́внѣ стїхи̑ры и҆ сла́ва, и҆ ны́нѣ, бг҃оро́диченъ воскрⷭ҇нъ. На бл҃гослове́нїи хлѣ́бѡвъ тропа́рь ст҃а́гѡ, два́жды, и҆ Бцⷣе дв҃о: є҆ди́ножды.
На ᲂу҆́трени тропа́рь два́жды, сла́ва, и҆ ны́нѣ, бг҃оро́диченъ воскрⷭ҇нъ. А҆́ще сꙋббѡ́та, бг҃оро́диченъ настоѧ́щагѡ гла́са. По каѳі́смахъ и҆ по полѷеле́и сѣда́льны по два́жды, сла́ва, и҆ ны́нѣ, бг҃оро́диченъ, степє́нна, а҃-й а҆нтїфѡ́нъ д҃-гѡ гла́са. Прокі́менъ и҆ є҆ѵⷢ҇лїе и҆ стїхи́ра ст҃а́гѡ. Канѡ́нъ бцⷣы со і҆рмосо́мъ на ѕ҃. А҆́ще сꙋббѡ́та, канѡ́нъ хра́ма хрⷭ҇то́ва, и҆лѝ бцⷣы на ѕ҃. А҆́ще же хра́мъ ст҃а́гѡ, и҆лѝ ст҃ы́ѧ, пое́мъ канѡ́нъ бцⷣы преше́дшїѧ недѣ́ли ᲂу҆́треннїй со і҆рмосо́мъ на ѕ҃, и҆ ст҃а́гѡ на и҃. По г҃-й пѣ́сни сѣда́ленъ два́жды, сла́ва и҆ ны́нѣ, бг҃оро́диченъ. По ѕ҃-й пѣ́сни конда́къ и҆ і҆́косъ, свѣти́ленъ два́жды: сла́ва, и҆ ны́нѣ, бг҃оро́диченъ. На хвали́техъ стїхи̑ры на д҃, и҆ сла́ва, и҆ ны́нѣ, бг҃оро́диченъ. По славосло́вїи тропа́рь, сла́ва, и҆ ны́нѣ, бг҃оро́диченъ воскрⷭ҇нъ: а҆́ще сꙋббѡ́та, бг҃оро́диченъ настоѧ́щаго гла́са.
На часѣ́хъ тропа́рь и҆ конда́къ ст҃а́гѡ.
На лїтꙋргі́и бл҃жє́нна ѿ канѡ́на пѣ́снь г҃-ѧ, и҆ ѕ҃-ѧ, на и҃. тропарѝ и҆ кондакѝ хра́ма хрⷭ҇то́ва и҆ бцⷣы, и҆ ст҃а́гѡ. А҆́ще нѣ́сть хра́ма хрⷭ҇то́ва и҆ бцⷣы, тропа́рь ст҃а́гѡ, <<д҃ ѡ҆б.: 8>> сла́ва конда́къ є҆гѡ̀, и҆ ны́нѣ. Предста́тельство хрⷭ҇тїа́нъ: прокі́менъ, а҆пⷭ҇лъ, а҆ллилꙋ́їа, є҆ѵⷢ҇лїе и҆ прича́стенъ ст҃а́гѡ.
Ѡ҆ ст҃ѣ́мъ и҆мꙋ́щемъ полѷеле́й,
а҆́ще прилꙋчи́тсѧ въ седми̑чныѧ дни̑.
На вече́рни, На ᲂу҆́трени, и҆ на лїтꙋргі́и: пое́мъ слꙋ́жбꙋ є҆гѡ̀, ꙗ҆́коже и҆ бдѣ́нномꙋ ст҃о́мꙋ: то́чїю на Гдⷭ҇и воззва́хъ, стїхи̑ры на ѕ҃, и҆лѝ на и҃. по Ны́нѣ ѿпꙋща́еши, тропа́рь, сла́ва, и҆ ны́нѣ, бг҃оро́диченъ воскрⷭ҇нъ.
На лїті́и присовокꙋплѧ́емъ тропа́рь и҆ конда́къ храмѡ́въ ст҃ы́хъ: прокі́менъ, а҆пⷭ҇лъ, є҆ѵⷢ҇лїе, и҆ прича́стенъ днѐ, и҆ ст҃а́гѡ.
[зрѝ] А҆́ще сꙋббѡ́та: прокі́менъ, а҆пⷭ҇лъ, є҆ѵⷢ҇лїе и҆ прича́стенъ, пре́жде ст҃а́гѡ, пото́мъ днѐ, кромѣ̀ пѧтидесѧ́тницы.
Ѡ҆ ст҃ѣ́мъ и҆мꙋ́щемъ славосло́вїе,
а҆́ще прилꙋчи́тсѧ въ седми̑чныѧ дни̑.
На вече́рни каѳі́сма рѧдова́ѧ, стїхи̑ры на ѕ҃, и҆ ны́нѣ бг҃оро́диченъ воскрⷭ҇нъ по гла́сꙋ сла́вника. А҆́ще сꙋббѡ́та: бг҃оро́диченъ настоѧ́щагѡ гла́са. На стїхо́внѣ стїхи̑ры, и҆ сла́ва, ст҃а́гѡ, и҆ ны́нѣ бг҃оро́диченъ ѿ ме́ншихъ: По тропарѣ̀ бг҃оро́диченъ воскрⷭ҇нъ.
На ᲂу҆́трени тропа́рь два́жды: сла́ва и҆ ны́нѣ бг҃оро́диченъ воскрⷭ҇нъ. полѷеле́а и҆ є҆ѵⷢ҇лїа нѣ́сть, ѻ҆́ба канѡ́на ѻ҆ктѡ́иха без̾ мч҃нчнѡвъ: ст҃о́мꙋ на ѕ҃. и҆ катава́сїа по ᲂу҆ста́вꙋ, и҆ про́чаѧ всѧ̀ слꙋ́жба ᲂу҆́трени, и҆ на лїтꙋргі́и ꙗ҆́коже полѷеле́йномꙋ ст҃о́мꙋ.
Ѡ҆ ст҃ѣ́мъ пое́момъ на ѕ҃,
въ седми̑чныѧ дни̑.
На Гдⷭ҇и воззва́хъ, стїхи̑ры на ѕ҃, и҆ сла́ва, и҆ ны́нѣ, бг҃оро́диченъ. На стїхо́внѣ ѻ҆ктѡ́иха: сла́ва, ст҃а́гѡ, и҆ ны́нѣ, бг҃оро́диченъ: тропа́рь ст҃а́гѡ, сла́ва, и҆ ны́нѣ, бг҃оро́диченъ.
На ᲂу҆́трени на Бг҃ъ гдⷭ҇ь, тропа́рь ст҃а́гѡ два́жды: сла́ва, и҆ ны́нѣ, бг҃оро́диченъ. Канѡ́ны ѻ҆ктѡ́иха ѻ҆́ба без̾ мч҃нчнѡвъ, и҆ ст҃а́гѡ на ѕ҃. По г҃-й пѣ́сни сѣда́ленъ ст҃а́гѡ два́жды: сла́ва, и҆ ны́нѣ, бг҃оро́диченъ. По ѕ҃-й пѣ́сни конда́къ и҆ і҆́косъ. свѣти́ленъ ѻ҆ктѡ́иха: сла́ва, ст҃а́гѡ, и҆ ны́нѣ бг҃оро́диченъ. На хвали́техъ стїхи̑ры ст҃а́гѡ на д҃ и҆ сла́ва, а҆́ще и҆́мать, и҆ ны́нѣ, бг҃оро́диченъ. На стїхо́внѣ ѻ҆ктѡ́иха: сла́ва, ст҃а́гѡ, и҆ ны́нѣ, бг҃оро́диченъ.
На лїтꙋргі́и бл҃жє́нна ѻ҆ктѡ́иха д҃, и҆ ст҃а́гѡ д҃, и҆ прѡ́чаѧ днѐ и҆ ст҃а́гѡ. А҆́ще среда̀ и҆ пѧто́къ, глаго́лемъ вмѣ́стѡ бг҃оро́дичнѡвъ крⷭ҇тобг҃оро́дичны.
Ѡ҆ непра́зднꙋемомъ ст҃о́мъ, и҆лѝ двꙋ̀,
пое́мыхъ въ седми̑чныѧ дни̑.
На Гдⷭ҇и воззва́хъ, стїхи̑ры ѻ҆ктѡ́иха г҃, и҆ ст҃а́гѡ г҃: а҆́ще два̀ ст҃ы́хъ, ѻ҆бои́мъ на ѕ҃, сла́ва ст҃а́гѡ, а҆́ще є҆́сть: а҆́ще же нѝ, сла́ва, и҆ ны́нѣ, бг҃оро́диченъ. На стїхо́внѣ <<є҃: 9>> ѻ҆ктѡ́иха, сла́ва, ст҃а́гѡ, а҆́ще є҆́сть, а҆́ще же нѝ, сла́ва, и҆ ны́нѣ, бг҃оро́диченъ: Тропа́рь ст҃а́гѡ: а҆́ще два̀ ст҃ы́хъ, сла́ва, тропа́рь дрꙋга́гѡ, и҆ ны́нѣ, бг҃оро́диченъ.
На Бг҃ъ гдⷭ҇ь, тропа́рь ст҃а́гѡ два́жды: сла́ва: и҆ ны́нѣ, бг҃оро́диченъ. а҆́ще два̀ ст҃ы́хъ, сла́ва, тропа́рь дрꙋга́гѡ ст҃а́гѡ, и҆ ны́нѣ, бг҃оро́диченъ. Канѡ́ны ѻ҆́ба ѻ҆ктѡ́иха: и҆ ст҃а́гѡ на д҃: а҆́ще два̀ ст҃ы́хъ, канѡ́нъ ѻ҆ктѡ́иха є҆ди́нъ на ше́сть, и҆ ст҃ы́хъ на и҃. По г҃-й пѣ́сни сѣда́ленъ ст҃а́гѡ є҆ди́ножды, сла́ва, и҆ ны́нѣ, бг҃оро́диченъ. По ѕ҃- й пѣ́сни конда́къ и҆ і҆́косъ. а҆́ще два̀ ст҃ы́хъ, по г҃- й пѣ́сни конда́къ в҃-гѡ ст҃а́гѡ, и҆ сѣда́ленъ а҃-гѡ ст҃а́гѡ є҆ди́ножды, сла́ва, в҃-гѡ ст҃а́гѡ, и҆ ны́нѣ, бг҃оро́диченъ. По ѕ҃-й пѣ́сни конда́къ пе́рвагѡ ст҃а́гѡ. свѣти́ленъ ѻ҆ктѡ́иха, сла́ва, ст҃а́гѡ: а҆́ще два̀ ст҃ы́хъ. Свѣти́ленъ ѻ҆ктѡ́иха, и҆ ст҃а́гѡ: сла́ва, в҃-гѡ ст҃а́гѡ. На стїхо́внѣ ѻ҆ктѡ́иха, сла́ва, ст҃а́гѡ, а҆́ще и҆́мать.
[зрѝ] На лїтꙋргі́и слꙋ́жба днѐ, и҆ ст҃а́гѡ а҆́ще є҆́сть. А҆́ще среда̀ и҆ пѧто́къ, вмѣ́стѡ бг҃оро́дичнѡвъ глаго́лемъ крⷭ҇тобг҃оро́дичны.
[зрѝ] А҆́ще сꙋббѡ́та, на Гдⷭ҇и воззва́хъ, стїхи̑ры ст҃а́гѡ, и҆лѝ ст҃ы́хъ на ѕ҃, и҆ ны́нѣ, бг҃оро́диченъ воскрⷭ҇нъ, настоѧ́щагѡ гла́са. По тропарѣ̀ сла́ва, и҆ ны́нѣ, бг҃оро́диченъ воскрⷭ҇нъ, настоѧ́щагѡ гла́са.
На ᲂу҆́трени, на Бг҃ъ гдⷭ҇ь, по тропарѣ̀ бг҃оро́диченъ воскрⷭ҇нъ, по гла́сꙋ тропарѧ̀ канѡ́нъ мине́и со і҆рмосо́мъ на ѕ҃: и҆ хра́ма ст҃а́гѡ на д҃, и҆ ѡ҆ктѡ́иха мч҃ниченъ на д҃. А҆́ще два̀, ст҃ы́хъ: вмѣ́стѡ хра́ма глаго́лемъ канѡ́нъ дрꙋга́гѡ ст҃а́гѡ, а҆́ще хра́мъ хрⷭ҇то́въ и҆лѝ бцⷣы: канѡ́нъ хра́ма со і҆рмосо́мъ на ѕ҃: и҆ ст҃а́гѡ на д҃, и҆ ѻ҆ктѡ́иха на д҃. А҆́ще ли ст҃ы́й на ѕ҃: хра́ма со і҆рмосо́мъ на д҃, и҆ ст҃а́гѡ на ѕ҃, и҆ ѻ҆ктѡ́иха на д҃. свѣти́ленъ ст҃а́гѡ, сла́ва ѻ҆ктѡ́иха, и҆ ны́нѣ, бг҃оро́диченъ. На хвали́техъ стїхи̑ры ст҃а́гѡ, а҆́ще є҆́сть: по тропарѣ̀ бг҃оро́диченъ ᲂу҆́трени по гла́сꙋ тропарѧ̀.
На лїтꙋргі́и слꙋ́жба ст҃а́гѡ, а҆́ще є҆́сть: та́же днѐ.
Ѡ҆ ст҃ѣ́мъ и҆мꙋ́щемъ бдѣ́нїе, и҆лѝ полѷеле́й,
въ предпра́зднствахъ и҆лѝ попра́зднствахъ кромѣ̀ недѣ́ли.
На ма́лѣй вече́рни стїхи̑ры ст҃а́гѡ на д҃: и҆ сла́ва, и҆ ны́нѣ, пра́здника, стїхо́вна ст҃а́гѡ, и҆ сла́ва, и҆ ны́нѣ, пра́здника, тропа́рь ст҃а́гѡ, сла́ва, и҆ ны́нѣ, пра́здника.
На вели́цѣй вече́рни на Гдⷭ҇и воззва́хъ, стїхи̑ры пра́здника г҃, и҆ ст҃а́гѡ є҃: сла́ва, ст҃а́гѡ, и҆ ны́нѣ пра́здника. чтє́нїѧ ст҃а́гѡ трѝ. На лїті́и стїхи́ра хра́ма, и҆лѝ пра́здника, и҆ ст҃а́гѡ. сла́ва, ст҃а́гѡ, и҆ ны́нѣ, пра́здника. На стїхо́внѣ стїхи̑ры, и҆ сла́ва, ст҃а́гѡ и҆ ны́нѣ, пра́здника. На бл҃гослове́нїи хлѣ́бѡвъ тропа́рь ст҃а́гѡ два́жды, и҆ Бцⷣе дв҃о: є҆ди́ножды.
На ᲂу҆́трени тропа́рь пра́здника два́жды, сла́ва, ст҃а́гѡ, и҆ ны́нѣ, пра́здника. По каѳі́смахъ и҆ по полѷеле́и сѣда́льны ст҃а́гѡ по два́жды: сла́ва, и҆ ны́нѣ, пра́здника. Прокі́менъ, є҆ѵⷢ҇лїе и҆ стїхи́ра ст҃а́гѡ. канѡ́нъ пра́здника со і҆рмосо́мъ на ѕ҃, и҆ ст҃а́гѡ на и҃. По г҃-й пѣ́сни, конда́къ и҆ і҆́косъ пра́здника: та́же сѣда́ленъ ст҃а́гѡ, два́жды, сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ ст҃а́гѡ, свѣти́ленъ ст҃а́гѡ два́жды, сла́ва, и҆ ны́нѣ. пра́здника. На хвали́техъ стїхи̑ры ст҃а́гѡ на д҃: и҆лѝ пра́здника г҃, и҆ ст҃а́гѡ г҃, сла́ва, ст҃а́гѡ, и҆ ны́нѣ, пра́здника.
На часѣ́хъ тропа́рь пра́здника, сла́ва, ст҃а́гѡ, кондакѝ пра́здника и҆ ст҃а́гѡ премѣнѧ́юще глаго́лемъ.
<<є҃ ѡ҆б.: 10>>
На лїтꙋргі́и бл҃жє́нна пра́здника на д҃: и҆ ст҃а́гѡ на д҃. Прокі́менъ, и҆ прича́стенъ пра́здника и҆ ст҃а́гѡ: а҆пⷭ҇лъ, а҆ллилꙋ́їа, и҆ є҆ѵⷢ҇лїе днѐ, и҆ ст҃а́гѡ.
Ѡ҆ ст҃ѣ́мъ, є҆мꙋ́же пое́тсѧ на д҃, и҆лѝ на ѕ҃,
въ предпра́зднствахъ, и҆ попра́зднствахъ кромѣ̀ недѣ́ли.
На вече́рни на Гдⷭ҇и воззва́хъ, стїхи̑ры пра́здника трѝ, и҆ ст҃а́гѡ трѝ: а҆́ще два̀ ст҃ы́хъ, ѻ҆бои́мъ на ѕ҃: сла́ва, ст҃а́гѡ, и҆ ны́нѣ, пра́здника. На стїхо́внѣ стїхи̑ры пра́здника: сла́ва, ст҃а́гѡ, и҆ ны́нѣ, пра́здника, тропа́рь ст҃а́гѡ, сла́ва, и҆ ны́нѣ, пра́здника.
На ᲂу҆́трени тропа́рь пра́здника два́жды: сла́ва, ст҃а́гѡ, а҆́ще два̀ ст҃ы́хъ: тропа́рь пра́здника є҆ди́ножды, и҆ ст҃а́гѡ: сла́ва, в҃-гѡ ст҃а́гѡ: и҆ ны́нѣ, пра́здника. По каѳі́смахъ сѣда́льны пра́здника, канѡ́нъ пра́здника со і҆рмосо́мъ на и҃, и҆ ст҃а́гѡ на д҃. а҆́ще ст҃ы́й на ѕ҃: канѡ́нъ пра́здни на со і҆рмосо́мъ на ѕ҃: и҆ ст҃а́гѡ на ѕ҃: а҆́ще два̀ ст҃ы́хъ на и҃. По г҃-й пѣ́сни конда́къ ст҃а́гѡ, и҆лѝ ст҃ы́хъ, и҆ сѣда́ленъ є҆ди́ножды: сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. А҆́ще ли ст҃ы́й на ѕ҃: въ попра́зднствахъ, по г҃-й пѣ́сни конда́къ и҆ і҆́косъ пра́здника: и҆ сѣда́ленъ ст҃а́гѡ два́жды, сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ ст҃а́гѡ, свѣти́ленъ ст҃а́гѡ два́жды, сла́ва, и҆ ны́нѣ, пра́здника. На стїхо́внѣ стїхи̑ры пра́здника, сла́ва, ст҃а́гѡ, а҆́ще є҆́сть, и҆ ны́нѣ, пра́здника.
На часѣ́хъ тропа́рь пра́здника и҆ ст҃а́гѡ, конда́къ пра́здника є҆ди́нъ на всѣ́хъ часѣ́хъ.
На лїтꙋргі́и бл҃жє́нна пра́здника на д҃, и҆ ст҃а́гѡ на д҃. прокі́менъ и҆ прича́стенъ пра́здника, и҆ ст҃а́гѡ, а҆́ще є҆́сть: а҆пⷭ҇лъ и҆ є҆ѵⷢ҇лїе днѐ, и҆ ст҃а́гѡ, а҆́ще є҆́сть.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.