Ѿпꙋсти́тельнїи всеѧ̀ седми́цы

Ѿпꙋсти́тельнїи всеѧ̀ седми́цы

<<с҃ѳ ѡ҆б.: 418>>

[глⷡ҇а л҃ѕ] ѾПꙊСТИ́ТЕЛЬНІИ ВСЕѦ̀ СЕДМИ́ЦЫ.

Въ недѣ́лю ве́чера:

Тропа́рь, гла́съ д҃:

Нбⷭ҇ныхъ во́инствъ а҆рхїстрати́зи, мо́лимъ ва́съ при́снѡ мы̀ недосто́йнїи, да ва́шими мл҃твами ѡ҆градитѐ на́съ кро́вомъ кри́лъ невеще́ственныѧ ва́шеѧ сла́вы, сохранѧ́юще на́съ припа́дающихъ прилѣ́жнѡ, и҆ вопїю́щихъ: ѿ бѣ́дъ и҆зба́вите на́съ, ꙗ҆́кѡ чинонача́льницы вы́шнихъ си́лъ.

Бг҃оро́диченъ, гла́съ то́йже: Воспита́вшейсѧ во хра́мѣ: Ли́стъ с҃ѕ.

Въ понедѣ́льникъ ве́чера:

Тропа́рь, гла́съ в҃:

Па́мѧть првⷣнагѡ съ похвала́ми, тебѣ́ же довлѣ́етъ свидѣ́тельство гдⷭ҇не прⷣте́че: показа́лъ бо сѧ є҆сѝ вои́стиннꙋ и҆ прⷪ҇ро́кѡвъ честнѣ́йшїй, ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. тѣ́мже за и҆́стинꙋ пострада́въ ра́дꙋѧсѧ, бл҃говѣсти́лъ є҆сѝ и҆ сꙋ́щымъ во а҆́дѣ бг҃а ꙗ҆́вльшагосѧ пло́тїю, взе́млющаго грѣ́хъ мі́ра, и҆ подаю́щаго на́мъ ве́лїю млⷭ҇ть.

Бг҃оро́диченъ, гла́съ то́йже:

Бж҃е́ственнагѡ бы́хомъ ѻ҆́бщницы: Ли́стъ с҃є.

Во вто́рникъ ве́чера:

Тропа́рь, гла́съ а҃: Сп҃сѝ гдⷭ҇и лю́ди твоѧ̑:

Крⷭ҇тобг҃оро́диченъ:

Твоѐ предста́тельство и҆мꙋ́ще пречⷭ҇таѧ, и҆ твои́ми мл҃твами лю́тыхъ и҆збавлѧ́еми, крⷭ҇то́мъ сн҃а твоегѡ̀ вездѣ̀ соблюда́еми, по до́лгꙋ тѧ̀ всѝ бл҃гоче́стнѡ велича́емъ.

<<с҃і: 419>>

Въ сре́дꙋ ве́чера:

Тропа́рь, гла́съ г҃:

А҆пⷭ҇ли ст҃і́и, моли́те млⷭ҇тиваго бг҃а, да прегрѣше́нїй ѡ҆ставле́нїе пода́стъ дꙋша́мъ на́шымъ.

И҆́нъ, гла́съ д҃:

Пра́вило вѣ́ры, и҆ ѡ҆́бразъ кро́тости, воздержа́нїѧ ᲂу҆чи́телѧ, ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина: сегѡ̀ ра́ди стѧжа́лъ є҆сѝ смире́нїемъ высѡ́каѧ, нището́ю бога̑таѧ. ѻ҆́тче сщ҃еннонача́льниче нїко́лае молѝ хрⷭ҇та̀ бг҃а сп҃сти́сѧ дꙋша́мъ на́шымъ.

Бг҃оро́диченъ: Сло́во ѻ҆́ч҃ее, хрⷭ҇та̀ бг҃а на́шего: Ли́стъ с҃ѕ, на ѡ҆боро́тѣ.

Въ четверто́къ ве́чера:

Тропа́рь: Сп҃сѝ гдⷭ҇и лю́ди твоѧ̑:

Крⷭ҇тобг҃оро́диченъ: Твоѐ предста́тельство и҆мꙋ́ще:

Въ пѧто́къ:

А҆пⷭ҇ли, мч҃нцы и҆ прⷪ҇ро́цы: Ли́стъ с҃є, на ѡ҆боро́тѣ.

Помѧнѝ гдⷭ҇и, ꙗ҆́кѡ бл҃гъ рабы̑ твоѧ̑:

Мт҃и ст҃а́ѧ неизрече́ннагѡ свѣ́та: Ли́стъ с҃є.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.