[глⷡ҇а к҃г] Мл҃тва ѡ҆ скве́рно ꙗ҆́дшихъ.

[глⷡ҇а к҃г] Мл҃тва ѡ҆ скве́рно ꙗ҆́дшихъ.

[глⷡ҇а к҃г] Мл҃тва ѡ҆ скве́рно ꙗ҆́дшихъ.

Влⷣко гдⷭ҇и бж҃е на́шъ, и҆́же въ вы́шнихъ живы́й и҆ на смирє́нныѧ призира́ѧй: и҆́же во ст҃ы́хъ почива́ѧй, хвало̀ і҆и҃лева, приклонѝ ᲂу҆́хо твоѐ, и҆ ᲂу҆слы́ши на́съ молѧ́щихсѧ тебѣ̀: и҆ пода́ждь проще́нїе твоемꙋ̀ рабꙋ̀ [и҆лѝ твое́й рабѣ̀] и҆́мⷬ҇къ, скве́рно ꙗ҆́дшемꙋ и҆ вкꙋ́сшемꙋ [и҆лѝ ꙗ҆́дшей и҆ вкꙋ́сшей] мѧ́съ, и҆лѝ каковы́хлюбо бра́шенъ не чи́стыхъ, и҆́хже снѣ̑ди ѿре́клъ є҆сѝ въ зако́нѣ ст҃ѣ́мъ твое́мъ, си́хъ же нево́лею причасти́вшагосѧ [и҆лѝ причасти́вшꙋюсѧ] простѝ: и҆ сподо́би є҆го̀ [и҆лѝ ю҆̀] неѡсꙋжде́ннѡ причасти́тисѧ стра́шныхъ та́инствъ, чⷭ҇тна́гѡ тѣ́ла же и҆ кро́ве хрⷭ҇та̀ твоегѡ̀, ꙗ҆́кѡ да и҆зба́витсѧ про́чее всѧ́кагѡ нечи́стагѡ воспрїѧ́тїѧ и҆ дѣѧ́нїѧ: и҆ ꙗ҆́кѡ да напитова́ѧсѧ бж҃е́ственными твои́ми та́инствы, и҆ наслажда́ѧсѧ ст҃ы́ѧ твоеѧ̀ и҆ та́йныѧ трапе́зы, и҆ безсме́ртныхъ та́инствъ, и҆ сохранѧ́емый съ на́ми во ст҃ѣ́й твое́й цр҃кви, восхва́литъ и҆ просла́витъ и҆́мѧ твоѐ вы́шнее во всѧ̑ дни̑ живота̀ своегѡ̀.

Ꙗ҆́кѡ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀ и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.