[глⷡ҇а к҃з] Мл҃тва во є҆́же бл҃гослови́ти ста́до.

[глⷡ҇а к҃з] Мл҃тва во є҆́же бл҃гослови́ти ста́до.

[глⷡ҇а к҃з]Мл҃тва во є҆́же бл҃гослови́ти ста́до.

Влⷣко гдⷭ҇и бж҃е на́шъ, вла́сть и҆мѣ́ѧй всѧ́кїѧ тва́ри, тебѣ̀ мо́лимсѧ, и҆ тебѐ про́симъ, ꙗ҆́коже бл҃гослови́лъ и҆ ᲂу҆мно́жилъ є҆сѝ стада̀ патрїа́рха і҆а́кѡва, бл҃гословѝ и҆ ста́до скотѡ́въ си́хъ раба̀ твоегѡ̀, [и҆лѝ рабы̀ твоеѧ̀] и҆́мⷬ҇къ, и҆ ᲂу҆мно́жи, и҆ ᲂу҆крѣпѝ, и҆ сотворѝ є҆̀ въ ты́сѧщы, и҆ и҆зба́ви є҆̀ ѿ наси́лїѧ дїа́волѧ, и҆ ѿ и҆ноплемє́нникъ, и҆ ѿ всѧ́кагѡ навѣ́та врагѡ́въ, и҆ воздꙋ́ха сме́ртнагѡ, и҆ гꙋби́тельнагѡ недꙋ́га: ѡ҆градѝ є҆̀ ст҃ы́ми а҆́гг҃лы твои́ми, всѧ́кꙋю не́мощь, всѧ́кꙋю за́висть, и҆ и҆скꙋше́нїе, чарѡвства́ же и҆ волшє́бства, ѿ дѣ́йства находѧ́щыѧ дїа́вольскагѡ ѿгонѧ́ѧ ѿ негѡ̀: ꙗ҆́кѡ твоѐ є҆́сть црⷭ҇тво, и҆ си́ла, и҆ сла́ва, ѻ҆ц҃а̀ и҆ сн҃а, и҆ ст҃а́гѡ дх҃а, ны́нѣ и҆ при́снѡ, и҆ во вѣ́ки вѣкѡ́въ, а҆ми́нь.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.