Светильны дневные
Свѣти́льны дневні́и во всю̀ седми́цꙋ
Въ понедѣ́льникъ ᲂу҆́бѡ: Предста́тельствы безпло́тныхъ твои́хъ, и҆ сп҃си́ мѧ.
Во вто́рникъ: Мл҃твами гдⷭ҇и, прⷣте́чи твоегѡ̀, и҆ сп҃си́ мѧ.
Въ сре́дꙋ и҆ пѧто́къ: Си́лою гдⷭ҇и, крⷭ҇та̀ твоегѡ̀, и҆ сп҃си́ мѧ.
Въ четверто́къ: Мл҃твами гдⷭ҇и, а҆пⷭ҇лъ твои́хъ, и҆ ст҃и́телѧ нїкола́а, и҆ сп҃си́ мѧ.
Въ сꙋббѡ́тꙋ глаго́летъ сїѐ два́жды.
Въ пе́рвомъ ᲂу҆́бѡ: Мл҃твами гдⷭ҇и, свѧты́хъ твои́хъ, и҆ сп҃си́ мѧ.
Во второ́мъ же: Мл҃твами гдⷭ҇и, бцⷣы, и҆ сп҃си́ мѧ.
Свѣти́льны подо́бнѣ по гла́сꙋ, три́жды.
Свѣти́ленъ,гла́съ а҃:
Свѣ́тъ возсїѧ́й гдⷭ҇и, дꙋ́шꙋ мою̀ ѡ҆чи́сти ѿ всѧ́кагѡ грѣха̀, предста́тельствы безпло́тныхъ твои́хъ, и҆ сп҃си́ мѧ.
Гла́съ в҃: Свѣ́тъ тво́й присносꙋ́щный низпослѝ хрⷭ҇тѐ бж҃е, и҆ просвѣтѝ ѻ҆́чи та̑йныѧ се́рдца моегѡ̀, предста́тельствы безпло́тныхъ твои́хъ, и҆ сп҃си́ мѧ.
Гла́съ г҃: Низпослѝ свѣ́тъ тво́й хрⷭ҇тѐ бж҃е, и҆ просвѣтѝ се́рдце моѐ, предста́тельствы безпло́тныхъ твои́хъ, и҆ сп҃си́ мѧ.
Гла́съ д҃: Свѣ́тъ возсїѧ́й мі́рꙋ твоемꙋ̀, во тьмѣ̀ дꙋ́шꙋ мою̀ сꙋ́щꙋю ѿ всѧ́кагѡ грѣха̀ ѡ҆чи́сти, предста́тельствы безпло́тныхъ твои́хъ, и҆ сп҃си́ мѧ.
Гла́съ є҃: Свѣтода́вче гдⷭ҇и, низпослѝ свѣ́тъ тво́й, и҆ просвѣтѝ се́рдце моѐ, предста́тельствы безпло́тныхъ твои́хъ, и҆ сп҃си́ мѧ.
Гла́съ ѕ҃: Предста́тельствы гдⷭ҇и, безпло́тныхъ твои́хъ, низпослѝ дꙋша́мъ на́шымъ свѣ́тъ тво́й присносꙋ́щный.
Гла́съ з҃: Воздви́гни мѧ̀ гдⷭ҇и, къ твоемꙋ̀ пѣснопѣ́нїю, и҆ наꙋчи́ мѧ твори́ти во́лю твою̀ ст҃ы́й, предста́тельствы безпло́тныхъ твои́хъ, и҆ сп҃си́ мѧ.
Гла́съ и҃: Свѣ́тъ сы́й хрⷭ҇тѐ, просвѣти́ мѧ тобо́ю, предста́тельствы безпло́тныхъ твои́хъ, и҆ сп҃си́ мѧ.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.