Мцⷭесло́въ во ве́сь го́дъ съ тропарѝ и҆ кондакѝ, и҆ съ ма́рковыми глава́ми – январь
<<рп҃в: 363>>
Мѣ́сѧцъ і҆аннꙋа́рїй,
и҆мѣ́ѧй дне́й л҃а.
Де́нь и҆́мать часѡ́въ і҃, а҆ но́щь часѡ́въ д҃і.
а҃. Є҆́же по пло́ти ѡ҆брѣ́занїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀ : И҆ па́мѧть и҆́же во ст҃ы́хъ ѻ҆тца̀ на́шегѡ васі́лїа вели́кагѡ, а҆рхїепⷭ҇кпа кеса́рїи каппадокі́йскїѧ.
А҆́ще хра́мъ ст҃а́гѡ васі́лїа, твори́мъ бдѣ́нїе:
На ма́лѣй вече́рни, стїхи̑ры ст҃а́гѡ на д҃, гла́съ г҃, самогла́сны. Сла́ва, гла́съ в҃: И҆ ны́нѣ, пра́здника. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: По Ѻ҆́ч҃е на́шъ, тропа́рь ст҃а́гѡ. Сла́ва, и҆ ны́нѣ, пра́здника. Є҆ктенїа̀. И҆ ѿпꙋ́стъ. На вели́цѣй вече́рни, пое́мъ: Бл҃же́нъ мꙋ́жъ: а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃: пра́здника, д҃: гла́съ и҃: самогла́сны. И҆ ст҃а́гѡ васі́лїа, д҃, гла́съ д҃. Подо́бенъ: Зва́нный свы́ше: Сла́ва, ст҃а́гѡ, гла́съ и҃: Премꙋ́дрости рачи́тель: И҆ ны́нѣ, пра́здника, гла́съ то́йже: Сходѧ́й сп҃съ: Вхо́дъ, прокі́менъ днѐ, и҆ чтє́нїѧ г҃: а҃-е, Бытїѧ̀: Ꙗ҆ви́сѧ гдⷭ҇ь а҆враа́мꙋ: в҃-е, При́тчей: Гдⷭ҇ь созда́ мѧ нача́ло пꙋте́й: г҃-е, При́тчей: Оу҆ста̀ пра́веднагѡ ка́плютъ премꙋ́дрость: На лїті́и стїхи́ра хра́ма: та́же ст҃а́гѡ васі́лїа, гла́съ г҃. Сла́ва, гла́съ ѕ҃: И҆злїѧ́сѧ бл҃года́ть: И҆ ны́нѣ, гла́съ и҃: Сходѧ́й сп҃съ: На стїхо́внѣ стїхи̑ры ст҃а́гѡ, самогла́сны, гла́съ а҃: Припѣ́въ: Оу҆ста̀ моѧ̑ возглаго́лютъ премꙋ́дрость: <<рѻ҃в ѡ҆б.: 344>> в҃-й, Оу҆ста̀ првⷣнагѡ: Сла́ва, гла́съ ѕ҃: Бл҃года́ть чꙋде́съ: И҆ ны́нѣ, пра́здника, гла́съ и҃: Не ᲂу҆стыдѣ́сѧ всебл҃гі́й бг҃ъ:
Тропа́рь ст҃а́гѡ, гла́съ а҃:
Во всю̀ зе́млю и҆зы́де вѣща́нїе твоѐ, ꙗ҆́кѡ прїе́мшꙋю сло́во твоѐ, и҆́мже бг҃олѣ́пнѡ наꙋчи́лъ є҆сѝ, є҆стество̀ сꙋ́щихъ ᲂу҆ѧсни́лъ є҆сѝ, человѣ́чєскїѧ ѻ҆бы́чаи ᲂу҆краси́лъ є҆сѝ, ца́рское сщ҃е́нїе, ѻ҆́тче прпⷣбне: молѝ хрⷭ҇та̀ бг҃а сп҃сти́сѧ дꙋша́мъ на́шымъ.
Сла́ва, и҆ ны́нѣ, пра́здника, гла́съ то́йже:
На прⷭ҇то́лѣ ѻ҆гнезра́чнѣмъ въ вы́шнихъ сѣдѧ́й со ѻ҆ц҃е́мъ безнача́льнымъ, и҆ бж҃е́ственнымъ твои́мъ дх҃омъ, бл҃говоли́лъ є҆сѝ роди́тисѧ на землѝ ѿ ѻ҆трокови́цы, неискꙋсомꙋ́жныѧ твоеѧ̀ мт҃ре, і҆и҃се: сегѡ̀ ра́ди и҆ ѡ҆брѣ́занъ бы́лъ є҆сѝ ꙗ҆́кѡ человѣ́къ ѻ҆смодне́вный. сла́ва всебл҃го́мꙋ твоемꙋ̀ совѣ́тꙋ, сла́ва смотре́нїю твоемꙋ̀: сла́ва снисхожде́нїю твоемꙋ̀, є҆ди́не чл҃вѣколю́бче.
И҆ ѿпꙋ́стъ. На повече́рїи, конда́къ ст҃а́гѡ: Сла́ва, и҆ ны́нѣ, пра́здника. На полꙋ́нощницѣ, по а҃-мъ трист҃о́мъ, тропа́рь пра́здника. По в҃-мъ, конда́къ пра́здника же. Мл҃твы же, Помѧнѝ гдⷭ҇и въ наде́жди воскрⷭ҇нїѧ: не глаго́лемъ. То́чїю, Гдⷭ҇и поми́лꙋй, в҃і: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃а́гѡ: И҆ ны́нѣ, пра́здника. И҆ ѻ҆бы̑чныѧ каѳі̑смы: и҆ сѣда́ленъ ст҃а́гѡ: и҆ чте́мъ во є҆ѵⷢ҇лїи толково́мъ. По полѷеле́и ѱало́мъ и҆збра́нный, и҆ велича́нїе ст҃и́телѧ, и҆ сѣда́ленъ, гла́съ и҃. Подо́бенъ: Премꙋ́дрости: и҆ чте́нїе. Та́же, степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ то́йже: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: Всѧ́кое дыха́нїе: Є҆ѵⷢ҇лїе і҆ѡа́нна, зача́ло л҃ѕ: А҆́зъ є҆́смь: По н҃-мъ ѱалмѣ̀ стїхи́ра васі́лїа, гла́съ ѕ҃: И҆злїѧ́сѧ бл҃года́ть: Канѡ́нъ пра́здника, со і҆рмосо́мъ на ѕ҃, гла́съ в҃. і҆рмо́съ. <<рп҃г: 365>> по два́жды: тропарѝ, на д҃: и҆ ст҃а́гѡ васі́лїа на и҃: гла́съ то́йже. Катава́сїа: Глꙋбины̀ ѿкры́лъ є҆́сть дно̀: Дрꙋгі́й ли́къ: Ше́ствꙋетъ морскꙋ́ю: По г҃-й пѣ́сни,
Конда́къ пра́здника, гла́съ г҃. Подо́бенъ: Дв҃а дне́сь:
Всѣ́хъ гдⷭ҇ь ѡ҆брѣ́занїе терпи́тъ, и҆ человѣ́чєскаѧ прегрѣшє́нїѧ ꙗ҆́кѡ бл҃гъ ѡ҆брѣ́зꙋетъ, дае́тъ сп҃се́нїе дне́сь мі́рꙋ: ра́дꙋетсѧ же въ вы́шнихъ и҆ созда́телевъ і҆ера́рхъ и҆ свѣтоно́сный, бж҃е́ственный таи́нникъ хрⷭ҇то́въ васі́лїй.
Та́же, сѣда́ленъ васі́лїа, гла́съ и҃. Подо́бенъ: Премꙋ́дрости: два́жды. Сла́ва, и҆ ны́нѣ пра́здника. По ѕ҃-й пѣ́сни,
Конда́къ, ст҃а́гѡ, гла́съ д҃. Подо́бенъ: Ꙗ҆ви́лсѧ є҆сѝ:
Ꙗ҆ви́лсѧ є҆сѝ ѡ҆снова́нїе непоколеби́мое цр҃кве, подаѧ̀ всѣ̑мъ некра́домое гдⷭ҇ьство человѣ́кѡмъ, запечатлѣ́ѧ твои́ми велѣ́ньми, нб҃оѧвле́нне васі́лїе прпⷣбне.
И҆ і҆́косъ. и҆ чте́мъ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́вы пра́здника, и҆ васі́лїа: и҆ посе́мъ ѻ҆́ба ли̑ка припѣ́въ пра́здника: Та́же: Недоꙋмѣ́етъ всѧ́къ ѧ҆зы́къ: И҆ припѣ́въ бцⷣы, и҆ і҆рмо́съ: ѽ па́че ᲂу҆ма̀: Свѣти́ленъ васі́лїа, два́жды. Сла́ва, и҆ ны́нѣ, пра́здника. На хвали́техъ стїхи̑ры на ѕ҃, гла́съ є҃: Подо́бенъ: Ра́дꙋйсѧ: Сла́ва, ст҃а́гѡ, гла́съ ѕ҃: И҆злїѧ́сѧ бл҃года́ть во ᲂу҆стна́хъ твои́хъ: И҆ ны́нѣ, пра́здника, гла́съ и҃: Сходѧ́й сп҃съ: Славосло́вїе вели́кое. по трист҃о́мъ тропа́рь васі́лїа. Сла́ва, и҆ ны́нѣ, пра́здника. є҆ктєнїѝ. и҆ ѿпꙋ́стъ. и҆ зна́менаютсѧ бра́тїѧ є҆ле́емъ ѿ канди́ла ст҃а́гѡ. А҆́ще и҆зво́литъ настоѧ́тель, и҆ пое́мъ стїхи́рꙋ самогла́снꙋ. На а҃-мъ часѣ̀, тропа́рь пра́здника. Сла́ва, васі́лїа, И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ прѡ́чаѧ, и҆ соверше́нный ѿпꙋ́стъ и҆ на про́чихъ часѣ́хъ кондакѝ глаго́лемъ пра́здника, и҆ <<рп҃г ѡ҆б.: 366>> ст҃а́гѡ, премѣнѧ́юще. На лїтꙋргі́и, бл҃жє́нна ѿ канѡ́на пра́здника, пѣ́снь г҃: и҆ ст҃а́гѡ, пѣ́снь ѕ҃: По вхо́дѣ тропа́рь пра́здника, и҆ ст҃а́гѡ, Сла́ва, конда́къ ст҃а́гѡ. И҆ ны́нѣ, пра́здника. Прокі́менъ, гла́съ ѕ҃: Сп҃сѝ гдⷭ҇и, лю́ди твоѧ̑: Сті́хъ: Къ тебѣ̀ гдⷭ҇и: и҆ ст҃а́гѡ, гла́съ а҃: Оу҆ста̀ моѧ̑ возглаго́лютъ: А҆по́столъ къ колосса́ємъ. зача́ло сн҃д: Блюди́тесѧ, да никто́же ва́съ: И҆ ст҃а́гѡ, ко є҆вре́ємъ, зача́ло ти҃і: А҆ллилꙋ́їа, гла́съ и҃: Пасы́й і҆и҃лѧ: Сті́хъ: Оу҆ста̀ првⷣнагѡ поꙋча́тсѧ премꙋ́дрости: Є҆ѵⷢ҇лїе лꙋкѝ, зача́ло ѕ҃: Возврати́шасѧ па́стырїе сла́вѧще и҆ хва́лѧще бг҃а: И҆ ст҃а́гѡ, зача́ло к҃д. и҆ про́чее соверша́етсѧ бж҃е́ственнаѧ лїтꙋргі́а вели́кагѡ васі́лїа. За досто́йно, пое́мъ: Ѡ҆ тебѣ̀ ра́дꙋетсѧ: Прича́стенъ: Хвали́те гдⷭ҇а съ нб҃съ: Дрꙋгі́й: Въ па́мѧть вѣ́чнꙋю бꙋ́детъ првⷣникъ:
[[комм.]] А҆́ще слꙋчи́тсѧ ѡ҆брѣ́занїе гдⷭ҇не, и҆ ст҃а́гѡ васі́лїа вели́кагѡ въ недѣ́лю, твори́мъ бдѣ́нїе.
На ма́лѣй вече́рни, стїхи̑ры воскрⷭ҇ны по ѻ҆бы́чаю. На стїхо́внѣ стїхи̑ры воскрⷭ҇ны гла́са, є҆ди́на: та́же стїхѡ́вныѧ стїхи̑ры васі́лїа, вели́кїѧ вече́рни, съ припѣ́вы и҆́хъ. Сла́ва, гла́съ ѕ҃: И҆злїѧ́сѧ бл҃года́ть: И҆ ны́нѣ: Не ᲂу҆стыдѣ́сѧ пребл҃гі́й бг҃ъ: По трист҃о́мъ тропа́рь воскрⷭ҇нъ. Сла́ва, ст҃а́гѡ: И҆ ны́нѣ, пра́здника. и҆ ѿпꙋ́стъ. На вели́цѣй вече́рни: На Гдⷭ҇и воззва́хъ, пое́мъ стїхи̑ры воскрⷭ҇ны г҃: и҆ пра́здника г҃: и҆ ст҃а́гѡ на д҃. Сла́ва, ст҃а́гѡ: Премꙋ́дрости рачи́тель: И҆ ны́нѣ, бг҃оро́диченъ а҃-й гла́са. Вхо́дъ, прокі́менъ днѐ, и҆ чтє́нїѧ г҃. На лїті́и стїхи́ра хра́ма: и҆ ст҃а́гѡ васі́лїа. Сла́ва, ст҃а́гѡ. И҆ ны́нѣ, пра́здника. На стїхо́внѣ стїхи̑ры ѻ҆ктѡ́иха. Сла́ва, ст҃а́гѡ. И҆ ны́нѣ, пра́здника. На бл҃гослове́нїи хлѣ́бѡвъ тропа́рь. ст҃а́гѡ, два́жды: и҆ Бцⷣе дв҃о, є҆ди́ножды. и҆ чте́нїе въ посла́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь <<рп҃д: 367>> воскрⷭ҇нъ два́жды. Сла́ва, ст҃а́гѡ. И҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ, недѣ́лѧ пред̾ бг҃оѧвле́нїемъ. По полѷеле́и тропарѝ: А҆́гг҃льскїй собо́ръ: и҆ ѵ҆пакоѝ гла́са, и҆ сѣда́льны ст҃а́гѡ всѝ по є҆ди́ножды. Сла́ва, сѣда́ленъ и҆́же но полѷеле́и. И҆ ны́нѣ, пра́здника. и҆ чте́нїе въ бг҃осло́вѣ сло́во надгро́бное ѡ҆ вели́комъ васі́лїи. Степє́нна, и҆ прокі́менъ гла́са, и҆ Всѧ́кое дыха́нїе: Є҆ѵⷢ҇лїе воскрⷭ҇но: Воскрⷭ҇нїе хрⷭ҇то́во: и҆ ѱало́мъ н҃. и҆ стїхи́ра воскрⷭ҇на. Канѡ́нъ воскрⷭ҇нъ со і҆рмосо́мъ на д҃: и҆ пра́здника на д҃: и҆ ст҃а́гѡ на ѕ҃. Катава́сїа: Глꙋбины̀ ѿкры́лъ є҆́сть дно̀: и҆ Ше́ствꙋетъ морскꙋ́ю: кі́йждо ли́къ сво́й і҆рмо́съ. По г҃-й пѣ́сни, конда́къ пра́здника: и҆ сѣда́ленъ ст҃а́гѡ два́жды. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ ст҃а́гѡ, и҆ чте́мъ про́логъ. На ѳ҃-й пѣ́сни, пое́мъ Чⷭ҇тнѣ́йшꙋю: припѣ́вы же пра́здника, и҆ ст҃а́гѡ не пое́мъ. Свѣти́ленъ воскрⷭ҇нъ. Сла́ва, ст҃а́гѡ. И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ ст҃а́гѡ со сла́внымъ д҃, со ѻ҆бы́чными припѣ́вы є҆гѡ̀. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое. тропа́рь воскрⷭ҇нъ. є҆ктєнїѝ. и҆ ѿпꙋ́стъ. и҆ ѡ҆глаше́нїе стꙋді́тово. Дае́тсѧ же и҆ є҆ле́й по ѻ҆бы́чаю ѿ канди́ла ст҃а́гѡ. и҆ и҆схожде́нїе въ притво́ръ. и҆ ча́съ а҃. и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ: Сла́ва, пра́здника. И҆ ны́нѣ, бг҃оро́диченъ часѡ́въ. По трист҃о́мъ конда́къ пра́здника. На г҃-мъ часѣ̀, тропа́рь воскрⷭ҇нъ. Сла́ва, ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ конда́къ ст҃а́гѡ, и҆ пра́здника премѣнѧ́юще глаго́лемъ. На лїтꙋргі́и, бл҃жє́нна гла́са на д҃: и҆ пра́здника пѣ́снь г҃-ѧ, на д҃. и҆ ст҃а́гѡ ѕ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника, <<рп҃д ѡ҆б.: 368>> и҆ ст҃а́гѡ. Сла́ва, конда́къ ст҃а́гѡ. И҆ ны́нѣ, пра́здника. Прокі́менъ недѣ́ли, пред̾ просвѣще́нїемъ, гла́съ ѕ҃: Сп҃сѝ гдⷭ҇и, лю́ди твоѧ̑: Сті́хъ: Къ тебѣ̀ гдⷭ҇и, воззовꙋ̀: и҆ ст҃а́гѡ, гла́съ а҃: Оу҆ста̀ моѧ̑ возглаго́лютъ премꙋ́дрость: А҆по́столъ недѣ́ли пред̾ просвѣще́нїемъ, къ тїмоѳе́ю, зача́ло сч҃и: дрꙋгі́й а҆по́столъ къ колосса́ємъ, зача́ло сн҃д. А҆ллилꙋ́їа, гла́съ и҃, недѣ́ли пред̾ просвѣще́нїемъ. Сті́хъ: Бж҃е, ᲂу҆ще́дри ны̀: Сті́хъ: Пасы́й і҆и҃лѧ: Є҆ѵⷢ҇лїе, недѣ́лѧ пред̾ просвѣще́нїемъ, ма́рка а҃: и҆ ѡ҆брѣ́занїѧ, лꙋкѝ, зача́ло ѕ҃. Прича́стенъ: Хвали́те гдⷭ҇а: Дрꙋгі́й: Въ па́мѧть вѣ́чнꙋю: Лїтꙋргі́а же пое́тсѧ васі́лїа вели́кагѡ неизмѣ́ннѡ. За досто́йно, Ѡ҆ тебѣ̀ ра́дꙋетсѧ:
[зрѝ] Сꙋббѡ́та пред̾ бг҃оѧвле́нїемъ.
На лїтꙋргі́и, а҆по́столъ къ тїмоѳе́ю, зача́ло сп҃д: Ча́до тїмоѳе́е, сїѧ̑ пишꙋ̀ тебѣ̀, ᲂу҆пова́ѧ прїитѝ: Є҆ѵⷢ҇лїе матѳе́а, зача́ло є҃: Прїи́де і҆ѡа́ннъ крⷭ҇ти́тель:
[зрѝ] Недѣ́лѧ пред̾ бг҃оѧвле́нїемъ.
Прокі́менъ, гла́съ ѕ҃: Сп҃сѝ гдⷭ҇и лю́ди твоѧ̑: Сті́хъ: Къ тебѣ̀ гдⷭ҇и, воззовꙋ̀, бж҃е мо́й: А҆по́столъ къ тїмоѳе́ю, зача́ло сч҃и: Ча́до тїмоѳе́е, трезви́сѧ ѡ҆ все́мъ: А҆ллилꙋ́їа, гла́съ и҃: Бж҃е, ᲂу҆ще́дри ны̀: Є҆ѵⷢ҇лїе ма́рка, зача́ло а҃: Зача́ло є҆ѵⷢ҇лїа і҆и҃са хрⷭ҇та̀: Прича́стенъ: Хвали́те гдⷭ҇а:
в҃. Предпра́зднство просвѣще́нїѧ: И҆ па́мѧть во ст҃ы́хъ ѻ҆тца̀ на́шегѡ сїлве́стра, па́пы ри́мскагѡ.
На Гдⷭ҇и воззва́хъ, стїхи̑ры предпра́зднства г҃, гла́съ д҃. Подо́бенъ: Ꙗ҆́кѡ до́блѧ: и҆ ст҃а́гѡ г҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, и҆ ны́нѣ, предпра́зднства, гла́съ ѕ҃: Грѧде́тъ ко і҆ѻрда́нꙋ: На стїхо́внѣ, стїхи̑ры предпра́зднства, самогла́сны, гла́съ а҃, съ припѣ́вы и҆́хъ: <<рп҃є: 369>> а҃-й: Сегѡ̀ ра́ди помѧнꙋ́хъ тѧ̀: в҃-й: Ви́дѣша тѧ̀ во́ды бж҃е, ви́дѣша тѧ̀ во́ды, и҆ ᲂу҆боѧ́шасѧ. Сла́ва, и҆ ны́нѣ, гла́съ г҃: Прїиди́те всѝ вѣ́рнїи: [зрѝ] [Глаго́лютсѧ же сі́и припѣ́вы на всѧ́къ де́нь, ве́черъ и҆ ᲂу҆́трѡ, до на́вечерїѧ просвѣще́нїѧ.] Тропа́рь сїлве́стра, гла́съ д҃: Пра́вило вѣ́ры: септе́мврїа во в҃ де́нь.
Сла́ва, и҆ ны́нѣ, предпра́зднства, гла́съ д҃:
Гото́висѧ завꙋлѡ́не, и҆ красꙋ́йсѧ нефѳали́ме, і҆ѻрда́не рѣко̀ ста́ни, под̾имѝ взыгра́ѧ крⷭ҇ти́тисѧ грѧдꙋ́ща влⷣкꙋ, весели́сѧ а҆да́ме съ прама́терїю, не кры́йта себѐ ꙗ҆́коже въ раѝ пре́жде: и҆́бо на́ги ви́дѣвъ вы̀ ꙗ҆ви́сѧ, да ѡ҆блече́тъ въ пе́рвꙋю ѻ҆де́ждꙋ, хрⷭ҇то́съ ꙗ҆ви́сѧ всю̀ тва́рь хотѧ̀ ѡ҆бнови́ти.
На повече́рїи, пое́мъ трипѣ́снецъ, гла́съ в҃: і҆рмо́съ по два́жды: тропарѝ на ѕ҃. и҆ послѣдѝ і҆рмо́съ ѻ҆́ба ли̑ка вкꙋ́пѣ. По трист҃о́мъ конда́къ предпра́зднства. А҆́ще же двоїрмо́сенъ трипѣ́снецъ, и҆ пое́мъ пе́рвагѡ творца̀ і҆рмо́съ два́жды, тропари́ же ѻ҆бои́хъ творцѡ́въ, на ѕ҃: и҆ послѣдѝ і҆рмо́съ втора́гѡ канѡ́на, ѻ҆́ба ли̑ка вкꙋ́пѣ. Си́це пое́мъ канѡ́ны и҆ і҆рмосы̀, и҆ на про́чїихъ повече́рїѧхъ. На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, ст҃а́гѡ. И҆ ны́нѣ, предпра́зднства. и҆ ѻ҆бы̑чныѧ каѳі̑смы, и҆ сѣда́льны предпра́зднства, и҆ чте́нїе. Канѡ́нъ предпра́зднства гла́съ в҃, со і҆рмосо́мъ на и҃. і҆рмосы̀ по два́жды: тропарѝ на ѕ҃: и҆ ст҃а́гѡ на д҃, гла́съ и҃. По г҃-й пѣ́сни,
Конда́къ ст҃а́гѡ, гла́съ д҃. Подо́бенъ: Вознесы́йсѧ:
Во сщ҃е́нницѣхъ сщ҃е́нникъ ꙗ҆ви́лсѧ є҆сѝ цр҃ѧ̀ и҆ бг҃а бг҃оно́се, по́стникѡмъ собесѣ́дникъ бы́въ: ѿѻнꙋ́дꙋже сра́дꙋешисѧ ны́нѣ ликѡ́мъ а҆́гг҃льскимъ, ѻ҆́тче, веселѧ́сѧ въ нбⷭ҇ныхъ, сїлве́стре сла́вне па́стырю, сп҃са́й любо́вно соверша́ющыѧ па́мѧть твою̀.
<<рп҃є ѡ҆б.: 370>>
И҆ сѣда́ленъ, гла́съ и҃. Сла́ва, и҆ ны́нѣ, предпра́зднства. По ѕ҃-й пѣ́сни,
Конда́къ предпра́зднства, гла́съ д҃. Подо́бенъ: Ꙗ҆ви́лсѧ є҆сѝ:
Во стрꙋѧ́хъ дне́сь і҆ѻрда́нскихъ бы́въ гдⷭ҇и, і҆ѡа́ннꙋ вопїе́тъ: не ᲂу҆бо́йсѧ крести́ти мѧ̀: сп҃сти́ бо прїидо́хъ а҆да́ма первозда́ннаго.
И҆ і҆́косъ: и҆ чте́мъ про́логъ. По ѳ҃-й пѣ́сни, свѣти́ленъ предпра́зднства. На хвали́техъ стїхи̑ры на д҃, гла́съ ѕ҃. Подо́бенъ: А҆́гг҃льскїѧ: Сла́ва, гла́съ и҆ подо́бенъ то́йже: Трепе́щетъ рꙋко́ю: И҆ ны́нѣ, Всѧ̀ землѧ̀ та́йнѡ: На стїхо́внѣ стїхи̑ры, гла́съ ѕ҃: самогла́сны, съ припѣ́вы и҆́хъ. Сла́ва, и҆ ны́нѣ, гла́съ и҃: І҆ѡа́нне крⷭ҇ти́телю: На лїтꙋргі́и, бл҃жє́нна предпра́зднства, пѣ́снь г҃ и҆ ѕ҃-ѧ. По вхо́дѣ тропа́рь предпра́зднства, и҆ хра́ма бцⷣы, и҆дѣ́же є҆́сть, и҆лѝ хра́ма ст҃а́гѡ. Та́же тропа́рь ст҃а́гѡ, и҆ конда́къ хра́ма бцⷣы, а҆́ще є҆́сть: и҆лѝ хра́ма ст҃а́гѡ. Сла́ва, конда́къ ст҃а́гѡ. И҆ ны́нѣ, конда́къ предпра́зднства. [зрѝ] Си́це глаго́лемъ тропарѝ и҆ кондакѝ, въ предпра̑зднства бг҃оѧвле́нїй по всѧ̑ дни̑, кромѣ̀ недѣ́ли, и҆ полѷеле́а ст҃а́гѡ. Прокі́менъ, гла́съ а҃: Оу҆ста̀ моѧ̑ возглаго́лютъ премꙋ́дрость: Сті́хъ, Оу҆слы́шите сїѧ̑ всѝ ꙗ҆зы́цы: А҆по́столъ ко є҆вре́ємъ, зача́ло ти҃і: Тако́въ на́мъ подоба́ше: А҆ллилꙋ́їа, гла́съ в҃: Оу҆ста̀ пра́веднагѡ поꙋча́тсѧ премꙋ́дрости: Сті́хъ: Зако́нъ бг҃а є҆гѡ̀: Є҆ѵⷢ҇лїе і҆ѡа́нна, зача́ло н҃: а҆́зъ є҆́смь лоза̀ и҆́стиннаѧ: Прича́стенъ: Въ па́мѧть вѣ́чнꙋю:
И҆ преставле́нїе прпⷣбнагѡ ѻ҆тца̀ на́шегѡ серафі́ма саро́вскагѡ.
Тропа́рь, гла́съ д҃:
Ѿ ю҆́ности хрⷭ҇та̀ возлюби́лъ є҆сѝ бл҃же́нне, и҆ томꙋ̀ є҆ди́номꙋ рабо́тати пла́меннѣ вожделѣ́въ, непреста́нною мл҃твою и҆ трꙋдо́мъ пꙋсты́ни подвиза́лсѧ є҆сѝ, ᲂу҆миле́ннымъ же се́рдцемъ любо́вь <<рн҃ѕ: 311>> хрⷭ҇то́вꙋ стѧжа́въ, и҆збра́нникъ возлю́бленъ бж҃їѧ мт҃ре ꙗ҆ви́лсѧ є҆сѝ. сегѡ̀ ра́ди вопїе́мъ тѝ: сп҃са́й на́съ мл҃твами твои́ми, серафі́ме, прпⷣбне ѻ҆́тче на́шъ.
Конда́къ, гла́съ в҃:
Мі́ра красотꙋ̀ и҆ ꙗ҆̀же въ не́мъ тлѣ̑ннаѧ ѡ҆ста́вивъ, прпⷣбне, въ саро́вскꙋю ѻ҆би́тель всели́лсѧ є҆сѝ: и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко сп҃се́нїю: сегѡ̀ ра́ди и҆ хрⷭ҇то́съ тебѐ, ѻ҆́тче серафі́ме, просла́ви и҆ да́ромъ и҆сцѣле́нїй и҆ чꙋде́съ ѡ҆богатѝ. тѣ́мже вопїе́мъ тѝ: ра́дꙋйсѧ, серафі́ме, прпⷣбне ѻ҆́тче на́шъ.
г҃. Предпра́зднство просвѣще́нїѧ: И҆ ст҃а́гѡ прⷪ҇ро́ка малахі́а : И҆ ст҃а́гѡ мч҃нка горді́а .
Стїхи̑ры прⷪ҇ро́ка г҃, гла́съ и҃: Подо́бенъ: Гдⷭ҇и, а҆́ще и҆ на сꙋди́щи: И҆ мч҃нка г҃, гла́съ то́йже. Подо́бенъ: Ѽ пресла́внагѡ чꙋдесѐ! Сла́ва, и҆ ны́нѣ, гла́съ д҃: Ѽ пресла́внагѡ чꙋдесѐ! На стїхо́внѣ стїхи̑ры предпра́зднства, гла́съ ѕ҃. Подо́бенъ: Тридне́венъ: съ припѣ́вы и҆́хъ. Сла́ва, и҆ ны́нѣ, гла́съ є҃: На і҆ѻрда́нскꙋю рѣкꙋ̀: Тропа́рь мч҃нка, гла́съ д҃: Мч҃нкъ тво́й гдⷭ҇и, горді́й: септе́мврїа во в҃ де́нь. Сла́ва, и҆ ны́нѣ, предпра́зднства. [зрѝ] На повече́рїи, трипѣ́снецъ, ꙗ҆́кѡ предписа́сѧ. По трист҃о́мъ конда́къ предпра́зднства. На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, мч҃нка: И҆ ны́нѣ, предпра́зднства. По каѳі́смахъ сѣда́льны предпра́зднства, и҆ чте́нїе. Канѡ́нъ предпра́зднства, со і҆рмосо́мъ на ѕ҃: і҆рмосы̀ по два́жды, гла́съ д҃: и҆ прⷪ҇ро́ка на д҃, гла́съ и҃: и҆ мч҃нка на д҃, гла́съ то́йже. По г҃-й пѣ́сни,
Конда́къ прⷪ҇ро́ка, гла́съ д҃. Подо́бенъ: Ꙗ҆ви́лсѧ є҆сѝ:
Прⷪ҇ро́чества дарова́нїемъ богатѣ́ѧ, прⷪ҇ро́че, хрⷭ҇то́во предвозвѣсти́лъ <<рп҃ѕ ѡ҆б.: 372>> є҆сѝ прише́ствїе ꙗ҆́вѣ, и҆ мі́рови сп҃се́нїе, є҆гѡ́же сїѧ́нїемъ мі́ръ просвѣти́сѧ.
И҆́нъ конда́къ мч҃нка, гла́съ и҃. Подо́бенъ: Ꙗ҆́кѡ нача́тки:
Твоѧ̑ по́ты, пресла́вне, всю̀ зе́млю напои́ша, и҆ честны́ми кровьмѝ, горді́е, мі́ръ ве́сь возвесели́лъ є҆сѝ: мл҃твами твои́ми бг҃омꙋ́дре, сп҃са́й всѧ̑ вѣ́рою тѧ̀ воспѣва́ющыѧ и҆ ᲂу҆бл҃жа́ющыѧ, вопїю́щыѧ пѣ́снь досто́йнꙋю, всехва́льне, ꙗ҆́кѡ многострада́лецъ.
И҆ сѣда́ленъ прⷪ҇ро́ка, гла́съ и҃. Сла́ва, мч҃нка: И҆ ны́нѣ, предпра́зднства, гла́съ то́йже. По ѕ҃-й пѣ́сни, конда́къ предпра́зднства, и҆ і҆́косъ: и҆ про́логъ. По ѳ҃-й пѣ́сни свѣти́ленъ предпра́зднства, два́жды. На хвали́техъ стїхи̑ры предпра́зднства на д҃, гла́съ ѕ҃. Подо́бенъ: А҆́гг҃льскїѧ: Сла́ва, подо́бенъ то́йже: ѕвѣзда̀ и҆з̾ і҆а́кѡва: И҆ ны́нѣ, Зако́на и҆спо́лнитель: На стїхо́внѣ, стїхи̑ры, гла́съ в҃: Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҃, подо́бенъ то́йже: Ꙗ҆ви́сѧ сла́вы ѻ҆́ч҃ее сїѧ́нїе: На лїтꙋргі́и, бл҃жє́нна, ѿ канѡ́на предпра́зднства, пѣ́снь г҃ и҆ ѕ҃-ѧ. Прокі́менъ, гла́съ з҃: Возвесели́тсѧ првⷣникъ: Сті́хъ: Оу҆слы́ши бж҃е, гла́съ мо́й: А҆по́столъ къ тїмоѳе́ю, зача́ло сч҃в. А҆ллилꙋ́їа: Првⷣникъ ꙗ҆́кѡ фі́нїѯъ: Є҆ѵⷢ҇лїе матѳе́а, зача́ло л҃ѕ: Сѐ а҆́зъ посыла́ю ва́съ: Прича́стенъ: Въ па́мѧть вѣ́чнꙋю:
д҃. Предпра́зднство просвѣще́нїѧ: И҆ собо́ръ ст҃ы́хъ ѻ҃ а҆пⷭ҇лѡвъ : И҆ прпⷣбнагѡ ѻ҆тца̀ на́шегѡ ѳеокті́ста и҆гꙋ́мена, и҆́же въ кꙋкꙋ́мѣ сїкелі́йстѣмъ.
Стїхи̑ры а҆по́столѡвъ г҃, гла́съ д҃: Подо́бенъ: Да́лъ є҆сѝ зна́менїе: И҆ прпⷣбнагѡ г҃, гла́съ в҃. Подо́бенъ: Є҆гда̀ ѿ дре́ва: Сла́ва, и҆ ны́нѣ, предпра́зднства, гла́съ г҃: Ꙗ҆́сенъ ᲂу҆́бѡ мимоше́дшїй пра́здникъ: На стїхо́внѣ <<рп҃з: 373>> стїхи̑ры предпра́зднства, гла́съ и҃. Подо́бенъ: Мч҃нцы твоѝ: Сла́ва, и҆ ны́нѣ, гла́съ ѕ҃: Грѧде́тъ ко і҆ѻрда́нꙋ хрⷭ҇то́съ: Тропа́рь а҆пⷭ҇лѡвъ, гла́съ г҃: А҆по́столи ст҃і́и: ѻ҆ктѡ́врїа л҃а: Сла́ва, и҆ ны́нѣ: Гото́висѧ завꙋлѡ́не: На повече́рїи, канѡ́нъ по предпи́санномꙋ. По трист҃о́мъ, конда́къ предпра́зднства. На ᲂу҆́трени, на Бг҃ъ гдⷭ҇ь, тропа́рь предпра́зднства два́жды. Сла́ва, а҆пⷭ҇лѡвъ. И҆ ны́нѣ, предпра́зднства. По каѳі́смахъ сѣда́льны предпра́зднства, и҆ чте́нїе. Канѡ́ны г҃, предпра́зднства со і҆рмосо́мъ на ѕ҃, гла́съ ѕ҃: и҆ а҆пⷭ҇лѡвъ на д҃, гла́съ д҃, и҆ прпⷣбнагѡ на д҃. По г҃-й пѣ́сни, конда́къ предпра́зднства. Во стрꙋѧ́хъ дне́сь і҆ѻрда́нскихъ: И҆ і҆́косъ. И҆ сѣда́ленъ а҆пⷭ҇лѡвъ, гла́съ г҃. Сла́ва, прпⷣбнагѡ. И҆ ны́нѣ, предпра́зднства. По ѕ҃ пѣ́сни,
Конда́къ а҆пⷭ҇лѡвъ, гла́съ в҃. Подо́бенъ: Вы́шнихъ и҆щѧ̀:
Хрⷭ҇то́выхъ ᲂу҆ч҃нкѡ́въ ли́къ се́дмьдесѧтъ, бж҃е́ственнѡ вѣ́рнїи въ пѣ́снехъ восхва́лимъ: тѣ́ми бо всѝ навыко́хомъ трⷪ҇цꙋ почита́ти нераздѣ́льнꙋю, и҆ пребыва́ютъ свѣти́льницы бж҃е́ственныѧ вѣ́ры.
По ѳ҃-й пѣ́сни, свѣти́ленъ а҆пⷭ҇лѡвъ. Сла́ва, и҆ ны́нѣ, предпра́зднства. На хвали́техъ стїхи̑ры на д҃, гла́съ ѕ҃. Подо́бенъ: А҆́гг҃льскїѧ: Сла́ва, подо́бенъ то́йже: Да и҆спо́лнитсѧ ѻ҆́ч҃ее: И҆ ны́нѣ, Ты̀ і҆и҃лѧ столпо́мъ: На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҆ подо́бенъ то́йже: Дне́сь хрⷭ҇то́съ: На лїтꙋргі́и, бл҃жє́нна ѿ канѡ́на предпра́зднства, пѣ́снь г҃, и҆ а҆пⷭ҇лѡвъ пѣ́снь ѕ҃. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ къ ри́млѧнѡмъ, зача́ло ч҃ѕ: Зако́нъ дх҃а жи́зни: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и. Є҆ѵⷢ҇лїе лꙋкѝ, зача́ло н҃: Ꙗ҆вѝ гдⷭ҇ь и҆ и҆нѣ́хъ се́дмьдесѧтъ: Прича́стенъ: Во всю̀ зе́млю:
<<рп҃з ѡ҆б.: 374>>
є҃. Предпра́зднство просвѣще́нїѧ: И҆ ст҃ы́хъ мч҃нкъ, ѳеопе́мта и҆ ѳеѡ́ны : И҆ прпⷣбныѧ сѷгклитїкі́и.
Стїхи̑ры мч҃нкѡвъ г҃, гла́съ д҃. Подо́бенъ: Ꙗ҆́кѡ до́блѧ: прпⷣбныѧ г҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, предпра́зднства, гла́съ ѕ҃: Гото́висѧ і҆ѻрда́не рѣко̀: На стїхо́внѣ стїхи̑ры предпра́зднства, гла́съ ѕ҃: Подо́бенъ: Тридне́венъ, съ припѣ́вы. Сла́ва, и҆ ны́нѣ, гла́съ ѕ҃: Да возра́дꙋетсѧ пꙋсты́нѧ і҆ѻрда́нова:
Тропа́рь предпра́зднства, гла́съ д҃:
Возвраща́шесѧ и҆ногда̀ і҆ѻрда́нъ рѣка̀ ми́лѡтїю є҆лїссе́овою, возне́сшꙋсѧ и҆лїѝ, и҆ раздѣлѧ́хꙋсѧ во́ды сю́дꙋ и҆ сю́дꙋ, и҆ бы́сть є҆мꙋ̀ сꙋ́хъ пꙋ́ть, и҆́же мо́крый, во ѡ҆́бразъ вои́стиннꙋ кр҃ще́нїѧ, и҆́мже мы̀ текꙋ́щее житїѧ̀ прехо́димъ ше́ствїе: хрⷭ҇то́съ ꙗ҆ви́сѧ во і҆ѻрда́нѣ ѡ҆ст҃и́ти во́ды.
На повече́рїи, канѡ́нъ пое́мъ по предпи́санномꙋ. На ᲂу҆́трени, на Бг҃ъ гдⷭ҇ь, тропа́рь предпра́зднства, три́жды. По каѳі́смахъ сѣда́льны предпра́зднства: и҆ чте́нїе. Канѡ́нъ предпра́зднства, со і҆рмосо́мъ на ѕ҃: и҆ мч҃нкѡвъ на д҃, гла́съ з҃: и҆ прпⷣбныѧ на д҃. гла́съ в҃. По г҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Всѣ́хъ, хрⷭ҇тѐ, бл҃гоꙋтро́бнѣ ѿе́млѧй прегрѣше́нїй мно́жество, млⷭ҇ти ра́ди безмѣ́рныѧ, і҆ѻрда́нскими вода́ми крⷭ҇ти́тисѧ грѧде́ши ꙗ҆́кѡ чл҃вѣ́къ, ѻ҆де́ждею мѧ̀ ѡ҆дѣва́ѧ, сла́вы дре́внїѧ ѡ҆бнаже́нна лю́тѣ.
И҆ сѣда́ленъ мч҃нка, гла́съ а҃: И҆ прпⷣбныѧ, гла́съ є҃. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ предпра́зднства, и҆ і҆́косъ. По ѳ҃-й пѣ́сни, свѣти́ленъ предпра́зднства. Сла́ва, и҆ ны́нѣ, дрꙋгі́й. На хвали́техъ стїхи̑ры на д҃, гла́съ ѕ҃. Подо́бенъ, А҆́гг҃льскїѧ: Сла́ва, гла́съ и҆ подо́бенъ то́йже: Съ тре́петомъ слꙋжа̀ і҆ѡа́ннъ: <<рп҃и: 375>> И҆ ны́нѣ, Воспое́мъ лю́дїе рожде́нномꙋ ѿ дв҃ы: На стїхо́внѣ стїхи̑ры, гла́съ в҃. Подо́бенъ, До́ме є҆ѵфра́ѳовъ: Сла́ва, и҆ ны́нѣ, гла́съ и҃: І҆ѡа́нне крⷭ҇ти́телю: и҆ посе́мъ, Бл҃го є҆́сть: По трист҃о́мъ, тропа́рь предпра́зднства. є҆ктенїа̀, и҆ ѿпꙋ́стъ. и҆ ѿхо́димъ въ кє́ллїи своѧ̑ съ молча́нїемъ.
Послѣ́дованїе часѡ́въ, пѣва́емыхъ въ на́вечерїи просвѣще́нїѧ.
Въ нача́лѣ в҃-гѡ часа̀ зна́менꙋетъ въ кампа́нъ, и҆ собра́вшесѧ во хра́мъ, ѡ҆блачи́тсѧ і҆ере́й въ фелѡ́нь, дїа́конъ же въ стїха́рь: и҆ поставлѧ́етъ параекклисїа́рхъ а҆нало́гїй ᲂу҆кра́шенъ, прѧ́мѡ ца́рскихъ вра́тъ и҆ вжига́етъ свѣщꙋ̀ на свѣ́щницѣ. І҆ере́й же и҆схо́дитъ со є҆ѵⷢ҇лїемъ во хра́мъ, и҆лѝ въ трапе́зꙋ, ца́рскими враты̀, предходѧ́щꙋ є҆мꙋ̀ дїа́конꙋ съ кади́ломъ. И҆ полага́етъ і҆ере́й ст҃о́е є҆ѵⷢ҇лїе на а҆нало́гѣ. И҆ ста́въ пред̾ а҆нало́гомъ, твори́тъ нача́ло по ѻ҆бы́чаю. И҆ по нача́лѣ чте́цъ: Сла́ва тебѣ̀, бж҃е на́шъ, сла́ва тебѣ̀. и҆ Цр҃ю̀ нбⷭ҇ный: и҆ прѡ́чаѧ. И҆ по возгла́сѣ, кади́тъ і҆ере́й ст҃о́е є҆ѵⷢ҇лїе на а҆нало́гѣ ѻ҆́крестъ, и҆ прѡ́чїѧ і҆кѡ́ны, и҆ хра́мъ ве́сь, и҆ настоѧ́телѧ, и҆ бра́тїю. чте́цъ же чте́тъ ѱало́мъ є҃: Глаго́лы моѧ̑ внꙋшѝ гдⷭ҇и: и҆ к҃в, Гдⷭ҇ь пасе́тъ мѧ̀: и҆ к҃ѕ. Гдⷭ҇ь просвѣще́нїе: Сла́ва, и҆ ны́нѣ, а҆ллилꙋ́їа, три́жды. Гдⷭ҇и поми́лꙋй, три́жды. Сла́ва, тропа́рь предпра́зднства: Возвраща́шесѧ и҆ногда̀ і҆ѻрда́нъ рѣка̀: И҆ ны́нѣ: Что́ тѧ нарече́мъ: Та́же тропарѝ сїѧ̑ пое́мъ по два́жды, гла́съ и҃: Дне́сь во́дъ ѡ҆сщ҃а́етсѧ є҆стество̀: И҆ в҃-й ли́къ то́йже тропа́рь без̾ припѣ́ва. И҆ па́ки а҃-й ли́къ припѣ́въ: Сегѡ̀ ра́ди помѧнꙋ́хъ тѧ̀ ѿ землѝ: Та́же тропа́рь, Ꙗ҆́кѡ человѣ́къ: И҆ в҃-й ли́къ в҃-й припѣ́въ: Ви́дѣша тѧ̀ во́ды бж҃е: и҆ пое́тъ то́йже тропа́рь. И҆ па́ки а҃-й ли́къ: Сла́ва, <<рп҃и ѡ҆б.: 376>> Ко гла́сꙋ вопїю́щагѡ: И҆ ны́нѣ, то́йже. Та́же прокі́менъ, гла́съ д҃: И҆ возгремѣ̀ съ нб҃сѐ гдⷭ҇ь: Сті́хъ: Возлюблю́ тѧ гдⷭ҇и, крѣ́посте моѧ̀: Прⷪ҇ро́чества и҆са́їина: Та́кѡ глаго́летъ гдⷭ҇ь: Та́же, дѣѧ̑нїѧ ст҃ы́хъ а҆пⷭ҇лъ, зача́ло л҃г: Во дни̑ ѻ҆́ны, ꙗ҆́коже скончава́ше і҆ѡа́ннъ тече́нїе: Є҆ѵⷢ҇лїе матѳе́а, зача́ло є҃: Прїи́де і҆ѡа́ннъ крⷭ҇ти́тель: Та́же, Стѡпы̀ моѧ̑: И҆ трист҃о́е. По Ѻ҆́ч҃е на́шъ, конда́къ: Во стрꙋѧ́хъ дне́сь: Гдⷭ҇и поми́лꙋй, м҃. И҆ мл҃тва: И҆́же на всѧ́кое вре́мѧ: По Чⷭ҇тнѣ́йшꙋю херꙋві̑мъ: І҆ере́й: Бж҃е ᲂу҆ще́дри ны̀: Та́же, мл҃тва: Хрⷭ҇тѐ свѣ́те: Си́це пое́мъ г҃-й ча́съ, и҆ ѕ҃-й, и҆ ѳ҃-й: въ ни́хже дїа́конъ кади́тъ є҆ѵⷢ҇лїе, и҆ настоѧ́телѧ и҆ ли́ки. На ѳ҃-мъ же часѣ̀ кади́тъ всю̀ це́рковь, ꙗ҆́кѡ на а҃-мъ часѣ̀. Та́же мл҃тва: Влⷣко гдⷭ҇и і҆и҃се хрⷭ҇тѐ: И҆ Бл҃гословѝ дꙋшѐ моѧ̀ гдⷭ҇а: Сла́ва, Хвалѝ дꙋшѐ моѧ̀ гдⷭ҇а: И҆ ны́нѣ: Є҆диноро́дный сн҃е: И҆ во црⷭ҇твїи твое́мъ: Сла́ва, и҆ ны́нѣ: Помѧнѝ на́съ гдⷭ҇и: Ѡ҆сла́би, ѡ҆ста́ви: По Ѻ҆́ч҃е на́шъ, конда́къ: Во стрꙋѧ́хъ дне́сь: Гдⷭ҇и поми́лꙋй м҃. И҆ мл҃тва: Всест҃а́ѧ трⷪ҇це: Та́же, Досто́йно є҆́сть: И҆ ѿпꙋ́стъ. И҆ быва́етъ росхо́дъ до часа̀ вече́рнѧгѡ. Вече́рнѧ же быва́етъ съ лїтꙋргі́ею васі́лїа вели́кагѡ во своѐ вре́мѧ. И҆ про́чее всегѡ̀ чи́на ᲂу҆ка́за, зрѝ деке́мврїа въ к҃д-й де́нь.
[зрѝ] Вѣ́домо же бꙋ́ди: А҆́ще слꙋчи́тсѧ на́вечерїе бг҃оѧвле́нїѧ, въ сꙋббѡ́тꙋ, и҆лѝ недѣ́лю, по́стъ не быва́етъ и҆ тропарѝ ца́рскихъ часѡ́въ со чте́нїѧми въ сꙋббѡ́тꙋ и҆ недѣ́лю не пою́тсѧ: но пое́мъ часы̀ ца̑рскїѧ пре́жде въ пѧто́къ по ѻ҆бы́чаю, ꙗ҆́коже ᲂу҆ка́зано на рѧдꙋ̀. Глаго́лемъ же сѷмво́лъ вѣ́ры, и҆ ѱало́мъ л҃г: Бл҃гословлю̀ гдⷭ҇а: И҆ ѿпꙋ́стъ. И҆ въ то́й де́нь ꙗ҆ди́мъ сы́ръ и҆ ꙗ҆́ица. А҆́ще бꙋ́детъ на́вечерїе въ сꙋббѡ́тꙋ: Прокі́менъ, А҆ллилꙋ́їа, и҆ прича́стенъ <<рп҃ѳ: 377>> днѐ. А҆по́столъ же и҆ є҆ѵⷢ҇лїе пре́жде сꙋббѡ́тѣ пред̾ бг҃оѧвле́нїемъ, и҆ пото́мъ рѧ́дъ. По И҆зрѧ́днѡ, пое́мъ Досто́йно: А҆́ще ли въ недѣ́лю на́вечерїе бг҃оѧвле́нїѧ: Прокі́менъ, а҆по́столъ, А҆ллилꙋ́їа, є҆ѵⷢ҇лїе и҆ прича́стенъ, пре́жде недѣ́ли пред̾ бг҃оѧвле́нїемъ, и҆ пото́мъ рѧ́дъ. По И҆зрѧ́днѡ же, пое́мъ, Досто́йно: По ѿпꙋще́нїи же лїтꙋргі́и ꙗ҆ди́мъ ᲂу҆крꙋ́хи, и҆ пїе́мъ по є҆ди́ной ча́ши вїна̀. Соверше́ннѡ же ꙗ҆ди́мъ по ѿпꙋ́стѣ вече́рни, со є҆ле́емъ. Сы́ра же и҆ ꙗ҆и́цъ и҆ ры́бъ ника́коже дерзне́мъ коснꙋ́тисѧ. А҆́ще ли въ пѧто́къ пре́жде на́вечерїѧ бг҃оѧвле́нїѧ, когда̀ пою́тсѧ часы̀ ца̑рскїѧ, зрѝ ᲂу҆ка́зъ, деке́мврїа въ к҃д-й де́нь.
ѕ҃. Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.
При часѣ̀ є҃ днѐ зна́менꙋетъ въ вели́кое, и҆ пото́мъ во всѧ̑ тѧ̑жкаѧ. И҆ собра́вшымсѧ въ хра́мъ начина́емъ вече́рню: и҆ пое́мъ ѻ҆бы́чный ѱало́мъ. Та́же є҆ктенїа̀ вели́каѧ. А҆́ще бꙋ́детъ въ сꙋббѡ́тꙋ, стїхосло́вимъ, Бл҃же́нъ мꙋ́жъ, каѳі́смꙋ всю̀. А҆́ще же въ недѣ́лю, пое́мъ а҃-й а҆нтїфѡ́нъ. А҆́ще ли во и҆ны̑ѧ дни̑, стїхоло́гїа не быва́етъ: но а҆́бїе пое́мъ, Гдⷭ҇и воззва́хъ, на гла́съ в҃. І҆ере́й же твори́тъ проскомі́дїю. Дїа́конъ кади́тъ цр҃ковь по ѻ҆бы́чаю. И҆ мы̀ пое́мъ. стїхи̑ры пра́здника на и҃, гла́съ в҃. Самогла́сны: Просвѣти́телѧ на́шего: Сла́ва, и҆ ны́нѣ, гла́съ то́йже: Приклони́лъ є҆сѝ главꙋ̀: Та́же вхо́дъ со є҆ѵⷢ҇лїемъ. Свѣ́те ти́хїй: Прокі́менъ днѐ. А҆́ще ли въ сꙋббѡ́тꙋ на вече́рни, прокі́менъ, Гдⷭ҇ь воцр҃и́сѧ: А҆́ще ли на вече́рни, въ пѧто́къ: Прокі́менъ пое́мъ вели́кїй: Бг҃ъ на́шъ на нб҃сѝ и҆ на землѝ: со стїхѝ є҆гѡ̀. И҆ чтє́нїѧ пра́здника, по чи́нꙋ и҆́хъ. Посредѣ̀ чте́нїѧ, тропа́рь со <<рп҃ѳ ѡ҆б.: 378>> стїхѝ и҆́хъ ѻ҆бы́чными. По сконча́нїи же чте́нїѧ, є҆ктенїа̀ ма́лаѧ. И҆ возгла́съ: Ꙗ҆́кѡ ст҃ъ є҆сѝ бж҃е на́шъ: И҆ пое́мъ трист҃о́е. Прокі́менъ, гла́съ г҃. Гдⷭ҇ь просвѣще́нїе моѐ: Сті́хъ: Гдⷭ҇ь защи́титель живота̀ моегѡ̀: А҆по́столъ къ корі́нѳѧнѡмъ, зача́ло рм҃г: Свобо́денъ сы́й ѿ всѣ́хъ: А҆́ще ли нѣ́сть поста̀, начина́емъ є҆го̀ ѿ полꙋ̀: Не хощꙋ̀ ва́съ не вѣ́дѣти: А҆ллилꙋ́їа, гла́съ ѕ҃: Ѿры́гнꙋ се́рдце моѐ сло́во бл҃го: Сті́хъ: Красе́нъ добро́тою па́че сынѡ́въ человѣ́ческихъ. Є҆ѵⷢ҇лїе лꙋкѝ, зача́ло ѳ҃: Въ пѧтоена́десѧте лѣ́то: И҆ по рѧ́дꙋ бж҃е́ственнаѧ лїтꙋргі́а вели́кагѡ васі́лїа: Вмѣ́стѡ досто́йно пое́мъ: Ѡ҆ тебѣ̀ ра́дꙋетсѧ: Прича́стенъ, Хвали́те гдⷭ҇а: И҆ по заамвѡ́нной мл҃твѣ, а҆́бїе и҆схо́димъ всѝ ко сщ҃е́нной кꙋпѣ́ли въ притво́ръ, и҆лѝ на и҆сто́чники, ца́рскими враты̀. И҆гꙋ́менъ, и҆лѝ старѣ́йшїй і҆ере́й, носѧ́й на главѣ̀ чⷭ҇тны́й крⷭ҇тъ, пред̾идꙋ́щымъ є҆мꙋ̀ свѣщено́сцємъ, и҆ дїа́конѡмъ съ кади́лы, и҆ полага́етъ чⷭ҇тны́й крⷭ҇тъ на бл҃гоꙋкраше́нномъ столѣ̀, и҆дѣ́же и҆ водѣ̀ ᲂу҆гото́ваннѣй въ ча́шѣ, и҆ свѣща́мъ ѻ҆́крестъ стоѧ́щымъ, и҆ даю́тсѧ свѣщы̀ бра́тїѧмъ. Кли́рїкѡмъ же пою́щымъ тропа́рь, гла́съ и҃: Гла́съ гдⷭ҇ень на вода́хъ: три́жды. Въ то́же вре́мѧ настоѧ́тель кади́тъ ѻ҆́крестъ стола̀, та́же ѡ҆́бразы, и҆ пра́здника на а҆нало́гїи, и҆ сщ҃е́нникѡвъ, и҆ ли́ки по чи́нꙋ, предходѧ́щꙋ є҆мꙋ̀ дїа́конꙋ со свѣще́ю. Посе́мъ тропа́рь, гла́съ то́йже: Дне́сь во́дъ ѡ҆сщ҃а́етсѧ є҆стество̀: два́жды. И҆ дрꙋгі́й: ꙗ҆́кѡ человѣ́къ на рѣкꙋ̀: два́жды. Сла́ва, и҆ ны́нѣ: Ко гла́сꙋ вопїю́щагѡ: Та́же дїа́конъ: Премꙋ́дрость. и҆ чтꙋ́тсѧ чтє́нїѧ г҃: Прⷪ҇ро́чества и҆са́їина. Та́же прокі́менъ, гла́съ г҃: Гдⷭ҇ь просвѣще́нїе моѐ: Сті́хъ: Гдⷭ҇ь защи́титель живота̀ моегѡ̀: А҆по́столъ къ корі́нѳѧнѡмъ, зача́ло рм҃г ѿ полꙋ̀: Не хощꙋ̀ ва́съ не <<р҃ч: 379>> вѣ́дѣти: А҆ллилꙋ́їа три́жды, гла́съ д҃: Гла́съ гдⷭ҇ень на вода́хъ: Є҆ѵⷢ҇лїе ма́рка, зача́ло в҃: Прїи́де і҆и҃съ ѿ назаре́та галїле́йскагѡ: И҆ глаго́летъ дїа́конъ є҆ктенїю̀ вели́кꙋю: Ми́ромъ гдⷭ҇ꙋ помо́лимсѧ. и҆ про́чее є҆ктенїѝ ѡ҆сщ҃е́нїѧ. Си̑мъ же ѿ дїа́кона глаго́лємымъ, настоѧ́тель глаго́летъ мл҃твꙋ та́йнѡ: Гдⷭ҇и і҆и҃се хрⷭ҇тѐ, є҆диноро́дный сн҃е: без̾ возгла́са, и҆ рече́тъ въ себѣ̀ и҆ А҆ми́нь. И҆ начина́етъ ве́лїимъ гла́сомъ, во ᲂу҆слы́шанїе всѣ́хъ, мл҃твꙋ сїю̀ глаго́лѧ: Ве́лїй є҆сѝ гдⷭ҇и, и҆ чꙋ̑дна дѣла̀ твоѧ̑: всю̀ до конца̀, три́жды. Та́же мл҃твꙋ: Ты́ бо хотѣ́нїемъ ѿ не сꙋ́щихъ: и҆ прѡ́чаѧ. И҆ по сконча́нїи мл҃твъ, а҆́бїе бл҃гословлѧ́ѧ во́дꙋ крⷭ҇тови́днѡ чⷭ҇тны́мъ крⷭ҇то́мъ, погрꙋжа́етъ є҆го̀ пра́вѡ низводѧ̀ въ во́дꙋ и҆ возводѧ̀, держа̀ є҆го̀ ѻ҆бѣ́ма рꙋка́ма, поѧ̀ и҆ настоѧ́щїй тропа́рь, во гла́съ а҃: Во і҆ѻрда́нѣ кр҃ща́ющꙋсѧ тебѣ̀ гдⷭ҇и: И҆ въ дрꙋгі́й та́кожде зна́менꙋетъ крⷭ҇то́мъ во́дꙋ, и҆ въ тре́тїй та́кожде то́йже тропа́рь поѧ̀ са́мъ настоѧ́тель, спою́щымъ є҆мꙋ̀ и҆ про́чымъ сщ҃е́нникѡмъ. Та́же по си́хъ пою́тъ и҆ ли́ки то́йже тропа́рь. Настоѧ́тель же взе́мъ сщ҃е́ннꙋю во́дꙋ на блю́до, и҆ ѡ҆братѧ́сѧ на за́падъ лице́мъ, въ лѣ́вой рꙋцѣ̀ держа̀ чⷭ҇тны́й крⷭ҇тъ, а҆ въ пра́вой васїлкѝ, кропи́тъ крⷭ҇тоѡбра́знѡ на всѧ̑ страны̀. И҆ прихо́дѧтъ пре́жде къ настоѧ́телю сщ҃е́нницы, два̀ два̀, и҆ цѣлꙋ́ютъ чⷭ҇тны́й крⷭ҇тъ, и҆ зна́менꙋетъ и҆́хъ васїлко́мъ по лицꙋ̀ со сщ҃е́нною водо́ю крⷭ҇тоѡбра́знѡ: но томꙋ́ же чи́нꙋ и҆ всѧ̑ бра́тїѧ. Пое́тсѧ же тогда̀ тропа́рь ѿ всѣ́хъ мно́гажды, до́ндеже ѡ҆ст҃ѧ́тсѧ всѧ̑ бра́тїѧ водны́мъ кропле́нїемъ, и҆ причаще́нїемъ. И҆ а҆́бїе вхо́димъ во хра́мъ, и҆ пое́мъ стїхи́рꙋ. Сла́ва, и҆ ны́нѣ, гла́съ ѕ҃: Воспои́мъ вѣ́рнїи: Та́же, Бꙋ́ди и҆́мѧ гдⷭ҇не, три́жды. и҆ ѱало́мъ л҃г: Бл҃гословлю̀ гдⷭ҇а на всѧ́кое <<р҃ч ѡ҆б.: 380>> вре́мѧ: Пото́мъ дае́тсѧ а҆нті́дѡръ ѿ і҆ере́а, и҆ ѿпꙋ́стъ. По ѿпꙋ́стѣ же и҆лѝ є҆́сть лїтꙋргі́а, и҆лѝ нѣ́сть, вжига́емъ свѣ́щникъ посредѣ̀ це́ркве, ста́вше вкꙋ́пѣ кли́рїцы, и҆ пою́тъ тропа́рь пра́здника. Сла́ва, и҆ ны́нѣ конда́къ: и҆ вхо́димъ въ трапе́зꙋ, и҆ ꙗ҆ди́мъ съ древѧнома́слїемъ, и҆спива́емъ же и҆ вїна̀. Сы́ра же и҆ подо́бныхъ є҆мꙋ̀, ры́бъ ника́коже де́рзнемъ ꙗ҆́сти, возбранено́ бо є҆́сть бж҃е́ственными пра́вилы. Си́це быва́етъ слꙋ́жба по́стнꙋ дню̀ сꙋ́щꙋ, въ на́вечерїи просвѣще́нїѧ.
[зрѝ] И҆звѣ́стно же бꙋ́ди всѣ̑мъ ѡ҆ ст҃ѣ́й водѣ̀, ꙗ҆́кѡ нѣ́цыи сꙋ́ть ѿлꙋча́юще себѐ ѿ ст҃ы́ѧ воды̀ вкꙋше́нїѧ ра́ди, не до́брѣ творѧ́тъ: и҆́бо бл҃года́ти ра́ди бж҃їѧ дана̀ бы́сть на ѡ҆сщ҃е́нїе мі́рꙋ, и҆ все́й тва́ри. тѣ́мже во всѧ́кихъ мѣ́стѣхъ и҆ ска́редныхъ, и҆ всю́дꙋ кропи́тсѧ, ꙗ҆̀же и҆ под̾ нога́ми на́шими сꙋ́ть: и҆ гдѣ̀ є҆́сть си́хъ ра́зꙋмъ, є҆́же не пи́ти сеѧ̀; но да ᲂу҆вѣ́си, ꙗ҆́кѡ не вкꙋше́нїѧ ра́ди ꙗ҆́стїѧ нечистота̀ въ на́съ є҆́сть, но ѿ скве́рныхъ дѣ́лъ на́шихъ, ѡ҆чище́ни же ѿ си́хъ, пїе́мъ без̾ сомнѣ́нїѧ сїю̀ ст҃ꙋ́ю во́дꙋ. Ѡ҆ се́й водѣ̀ нбⷭ҇наѧ ѻ҆́на слове́снаѧ ла́стовица, златослове́сный вселе́нскїй ᲂу҆чи́тель і҆ѡа́ннъ, кѡнстанті́нѧ гра́да патрїа́рхъ въ сло́вѣ свое́мъ, ѡ҆ є҆́же сходи́тисѧ хрⷭ҇тїа́нѡмъ во ст҃ꙋ́ю бж҃їю цр҃ковь, и҆ ѡ҆ кр҃ще́нїи: є҆гѡ́же нача́ло: Всѝ вы̀ въ бл҃годꙋ́шїи є҆стѐ дне́сь, а҆́зъ же въ печа́ли є҆ди́нъ болѣ́знꙋю: Свидѣ́тельствꙋетъ глаго́лѧ, но ᲂу҆́бѡ чесѡ̀ ра́ди не де́нь во́ньже роди́сѧ, но де́нь во́ньже крⷭ҇ти́сѧ, ꙗ҆вле́нїе глаго́летсѧ; се́й бо є҆́сть де́нь во́ньже крⷭ҇ти́сѧ, и҆ водно́е ѡ҆ст҃ѝ є҆стество̀. Сегѡ̀ ра́ди и҆ въ полꙋ́нощи на пра́здникъ се́й, всѝ поче́рпше въ до́мы во́дꙋ ѿно́сѧтъ и҆ соблюда́ютъ, и҆ лѣ́то соверше́нно хранѧ́тъ, поне́же дне́сь ѡ҆сщ҃а́ютсѧ во́ды: и҆ зна́менїе быва́етъ <<рч҃а: 381>> ꙗ҆́вственное, не растлѣва́ющꙋсѧ во́дъ ѻ҆́ныхъ є҆стествꙋ̀ долгото́ю вре́мене: но лѣ́то соверше́нно, и҆ два̀ и҆ трѝ мно́жицею, дне́сь че́рпаемаѧ вода̀ цѣла̀ и҆ нова̀ пребыва́етъ: и҆ по толи́цѣмъ вре́мени, ны́нѣ ѡ҆ и҆сто́чника взѧ́той водѣ̀ сравнѧ́етсѧ.
[зрѝ] Подоба́етъ вѣ́дати: Ꙗ҆́кѡ а҆́ще слꙋчи́тсѧ на́вечерїе ст҃а́гѡ бг҃оѧвле́нїѧ въ сꙋббѡ́тꙋ, и҆лѝ недѣ́лю, по́стъ не быва́етъ. Лїтꙋргі́а же быва́етъ златоꙋ́стагѡ во своѐ вре́мѧ по ѻ҆бы́чаю, ꙗ҆́коже и҆ всегда̀. И҆ по ѿпꙋще́нїи лїтꙋргі́и въ трапе́зꙋ не хо́димъ, но въ притво́рѣ цр҃ко́внѣмъ сѣ́дшымъ на́мъ, тра́пезарь дае́тъ по ᲂу҆ло́мкꙋ хлѣ́ба коемꙋ́ждо: и҆лѝ по ма́лꙋ хлѣ́бꙋ пшени́чномꙋ, и҆ ма́лѡ смо́квїй и҆ фі̑нїкъ, и҆ по є҆ди́ной ча́шѣ вїна̀, ꙗ҆́кѡ да не нарече́тсѧ по́стъ: ѡ҆жида́емъ же вече́рнѧгѡ собо́ра. Посе́мъ ѿше́дше въ кє́ллїи своѧ̑, безмо́лвствꙋемъ до вре́мене вече́рнѧгѡ. Вели́кагѡ же васі́лїа лїтꙋргі́а соверша́етсѧ въ са́мый пра́здникъ. Вмѣ́стѡ же досто́йна, пое́мъ і҆рмо́съ ѳ҃-й пѣ́сни пра́здника.
[зрѝ] При часѣ́ же вече́рнѣмъ днѐ: Зна́менꙋетъ въ вели́кое, и҆ пото́мъ во всѧ̑ тѧ̑жкаѧ, и҆ собра́вшымсѧ на́мъ во хра́мъ: И҆ бл҃гослови́вшꙋ і҆ере́ю, пое́мъ вече́рню по ѻ҆бы́чаю: ѱало́мъ, Бл҃гословѝ дꙋшѐ моѧ̀ гдⷭ҇а: И҆ а҆́ще въ сꙋббѡ́тꙋ ве́чера, пое́мъ, Бл҃же́нъ мꙋ́жъ, каѳі́смꙋ всю̀. А҆́ще ли въ недѣ́лю ве́чера, пое́мъ а҃-й а҆нтїфѡ́нъ. На Гдⷭ҇и воззва́хъ, пое́мъ стїхи̑ры пра́здника на и҃, гла́съ в҃: Просвѣти́телѧ на́шего: Сла́ва, и҆ ны́нѣ, гла́съ то́йже: Приклони́лъ є҆сѝ главꙋ̀ прⷣте́чи: Та́же вхо́дъ со є҆ѵⷢ҇лїемъ. Свѣ́те ти́хїй: Прокі́менъ днѐ: и҆ чтє́нїѧ по чи́нꙋ и҆́хъ съ тропарѝ и҆ со стїхѝ и҆ Трист҃о́е же не пое́мъ, зане́же не соверша́етсѧ бж҃е́ственнаѧ лїтꙋргі́а. По чте́нїи <<рч҃а ѡ҆б.: 382>> же паремі́й, є҆ктенїа̀ ма́лаѧ: и҆ по возгла́сѣ, Прокі́менъ, а҆по́столъ, и҆ є҆ѵⷢ҇лїе, ꙗ҆́кѡ предписа́сѧ. Є҆ктенїа̀, Рце́мъ всѝ: И҆ Сподо́би гдⷭ҇и: И҆ И҆спо́лнимъ вече́рнюю мл҃твꙋ: І҆ере́й возгла́съ. И҆ и҆схо́димъ ко крести́льницѣ, и҆дѣ́же ᲂу҆гото́ванъ сто́лъ. И҆ дѣ́йствꙋетъ настоѧ́тель, и҆лѝ і҆ере́й по чи́нꙋ, ꙗ҆́коже ᲂу҆каза́сѧ пре́жде, Пою́ще тропарѝ: Гла́съ гдⷭ҇ень на вода́хъ: И҆ про́чее быва́етъ вослѣ́дованїе ѡ҆сщ҃е́нїѧ воды̀, неизмѣ́ннѡ. По кропле́нїи же ѡ҆сщ҃е́нныѧ воды̀ вхо́димъ во хра́мъ, и҆ пое́мъ стїхи́рꙋ: Сла́ва, и҆ ны́нѣ, гла́съ ѕ҃: Воспои́мъ вѣ́рнїи: и҆ ѿпꙋ́стъ. Пото́мъ тропа́рь пра́здника. Сла́ва, и҆ ны́нѣ, конда́къ: Ꙗ҆ви́лсѧ є҆сѝ дне́сь: И҆ пи́вше сщ҃е́ннꙋю во́дꙋ, вхо́димъ въ трапе́зꙋ, и҆ ꙗ҆ди́мъ соверше́ннѡ, съ древѧнома́слїемъ, и҆ пїе́мъ вїно̀.
При часѣ́ же і҃-мъ но́щи ᲂу҆дарѧ́етъ въ вели́кое, и҆ пото́мъ во всѧ̑ капма́ны.
И҆ собра́вшымсѧ во хра́мъ, бл҃гослови́вшꙋ і҆ере́ю, пое́мъ повече́рїе вели́кое: и҆ Съ на́ми бг҃ъ, съ пѣ́нїемъ, на гла́съ и҃. По а҃-мъ трист҃о́мъ,
Тропа́рь пра́здника, гла́съ а҃:
Во і҆ѻрда́нѣ креща́ющꙋсѧ тебѣ̀ гдⷭ҇и, трⷪ҇ческое ꙗ҆ви́сѧ поклоне́нїе: роди́телевъ бо гла́съ свидѣ́тельствоваше тебѣ̀, возлю́бленнаго тѧ̀ сн҃а и҆менꙋ́ѧ, и҆ дх҃ъ въ ви́дѣ голꙋби́нѣ и҆звѣ́ствоваше словесѐ ᲂу҆твержде́нїе. ꙗ҆вле́йсѧ хрⷭ҇тѐ бж҃е, и҆ мі́ръ просвѣще́й, сла́ва тебѣ̀.
По в҃-мъ трист҃о́мъ, конда́къ пра́здника, Ꙗ҆ви́лсѧ є҆сѝ дне́сь: По Сла́ва въ вы́шнихъ: по ѻ҆бы́чаю и҆схо́димъ въ притво́ръ, пою́щымъ на́мъ стїхи̑ры пра́здника, гла́съ д҃: Ѡ҆дѣва́ѧйсѧ свѣ́томъ ꙗ҆́кѡ ри́зою: Сла́ва, гла́съ и҃: Гдⷭ҇и и҆спо́лнити хотѧ̀: И҆ ны́нѣ, гла́съ то́йже: Дне́сь тва́рь просвѣща́етсѧ: Та́же мл҃твы ѻ҆бы̑чныѧ. И҆ вше́дше во <<рч҃в: 383>> хра́мъ, пое́мъ стїхо́внꙋ пра́здника: стїхи̑ры самогла́сны, гла́съ в҃: На і҆ѻрда́нстѣй рѣцѣ̀: съ припѣ́вы пра́здничными. а҃-й, Мо́ре ви́дѣ, и҆ побѣжѐ: в҃-й, Что́ ти є҆́сть мо́ре, ꙗ҆́кѡ побѣ́гло є҆сѝ; Припѣва́емъ же си́ми стїхѝ, и҆ до ѿда́нїѧ пра́здника. Сла́ва, и҆ ны́нѣ, гла́съ ѕ҃: Є҆́же ѿ дв҃ы со́лнце: Тропа́рь, гла́съ а҃: Во і҆ѻрда́нѣ креща́ющꙋсѧ тебѣ̀ гдⷭ҇и: три́жды. И҆ бл҃гослове́нїе хлѣ́бѡвъ по ѻ҆бы́чаю. Бꙋ́ди и҆́мѧ гдⷭ҇не: ѱало́мъ л҃г: Бл҃гословлю̀ гдⷭ҇а: и҆ предложи́тсѧ чте́нїе пра́здника: и҆ по чте́нїи, и҆ по шестоѱа́лмїи, на Бг҃ъ гдⷭ҇ь тропа́рь пра́здника три́жды, и҆ ѻ҆бы̑чныѧ стїхолѡ́гїи. По а҃-й стїхоло́гїи сѣда́ленъ пра́здника, гла́съ г҃. Подо́бенъ: Красотѣ̀: Ꙗ҆́вльшꙋсѧ тебѣ̀ во і҆ѻрда́нѣ сп҃се: Сла́ва, и҆ ны́нѣ, гла́съ д҃. Подо́бенъ: Ско́рѡ предварѝ: Стрꙋѝ ѡ҆ст҃и́лъ є҆сѝ і҆ѻрда̑нскїѧ: И҆ чте́мъ во є҆ѵⷢ҇лїи толково́мъ, є҆́же ѿ матѳе́а. По в҃-й стїхоло́гїи сѣда́ленъ пра́здника, гла́съ є҃. Подо́бенъ: Собезнача́льное сло́во: і҆ѻрда́нскими стрꙋѧ́ми ѡ҆бло́жсѧ: Сла́ва, и҆ ны́нѣ, гла́съ д҃. Подо́бенъ: Оу҆диви́сѧ і҆ѡ́сифъ: І҆ѻрда́не рѣко̀: И҆ чте́мъ во є҆ѵⷢ҇лїи толково́мъ, є҆́же ѿ матѳе́а: по чте́нїи же даю́тсѧ свѣщы̀ бра́тїѧмъ. По полѷеле́и сѣда́ленъ пра́здника, гла́съ д҃. Подо́бенъ: Оу҆диви́сѧ і҆ѡ́сифъ: Прїиди́те ᲂу҆ви́димъ вѣ́рнїи: Сла́ва, и҆ ны́нѣ, то́йже. И҆ чте́нїе. Степє́нна, а҃ а҆нтїфѡ́нъ д҃-гѡ гла́са. Прокі́менъ пра́здника, гла́съ д҃: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ; Всѧ́кое дыха́нїе: Сті́хъ: Хвали́те бг҃а во ст҃ы́хъ є҆гѡ̀: Є҆ѵⷢ҇лїе ма́рка, зача́ло в҃: Прїи́де і҆и҃съ ѡ҆ назаре́та: По н҃-мъ ѱалмѣ̀, Сла́ва: Всѧ́чєскаѧ дне́сь: И҆ ны́нѣ, то́йже. Та́же, Поми́лꙋй мѧ̀ бж҃е: и҆ стїхи́ра, гла́съ ѕ҃: Бг҃ъ сло́во ꙗ҆ви́сѧ: Канѡ́на два̀, пра́здника: <<рч҃в ѡ҆б.: 384>> кѵ́ръ космы̀, и҆ кѵ́ръ і҆ѡа́нна: і҆рмосы̀ ѻ҆бою̀ канѡ́нѡвъ, по два́жды. Тропарѝ на в҃і: послѣдѝ і҆рмосы̀ ѻ҆бою̀ канѡ́нѡвъ, кі́йждо ли́къ сво́й і҆рмо́съ. По г҃-й пѣ́сни, ѵ҆пакоѝ, гла́съ є҃: Є҆гда̀ ꙗ҆вле́нїемъ твои́мъ: И҆ чте́нїе. По ѕ҃-й пѣ́сни,
Конда́къ пра́здника, гла́съ д҃:
Ꙗ҆ви́лсѧ є҆сѝ дне́сь вселе́ннѣй, и҆ свѣ́тъ тво́й гдⷭ҇и зна́менасѧ на на́съ, въ ра́зꙋмѣ пою́щихъ тѧ̀: прише́лъ є҆сѝ, и҆ ꙗ҆ви́лсѧ є҆сѝ, свѣ́тъ непристꙋ́пный.
На ѳ҃-й пѣ́сни па́ки вжига́ютъ свѣщы̀ бра́тїѧ. Чⷭ҇тнѣ́йшꙋю не пое́мъ, но пое́мъ припѣ́вы пра́здника: ꙗ҆́коже и҆з̾ѧви́сѧ деке́мврїа въ к҃є де́нь. Свѣти́ленъ пра́здника: Ꙗ҆ви́сѧ сп҃съ бл҃года́ть и҆ и҆́стина: три́жды. На хвали́техъ стїхи̑ры пра́здника, самогла́сны, гла́съ а҃, на д҃: Свѣ́тъ ѿ свѣ́та возсїѧ̀: Сла́ва, гла́съ ѕ҃: Вода́ми і҆ѻрда́нскими: И҆ ны́нѣ, гла́съ в҃: Дне́сь хрⷭ҇то́съ на і҆ѻрда́нъ прїи́де: Славосло́вїе вели́кое. По трист҃о́мъ тропа́рь пра́здника. є҆ктєнїѝ и҆ ѿпꙋ́стъ. И҆ дае́тсѧ ст҃ы́й є҆ле́й ѿ канди́ла, пою́щымъ на́мъ стїхи́рꙋ пра́здника, та́же ча́съ а҃-й. На а҃-мъ часѣ̀ тропа́рь пра́здника. По трист҃о́мъ конда́къ пра́здника, и҆ про́чее, и҆ соверше́нный ѿпꙋ́стъ. Въ се́й де́нь лїтꙋргі́а быва́етъ пора́нꙋ, трꙋда̀ ра́ди бдѣ́ннагѡ.
На лїтꙋргі́и а҆нтїфѡ́нъ а҃, ѱало́мъ рг҃і, гла́съ а҃:
Во и҆схо́дѣ і҆и҃левѣ ѿ є҆гѵ́пта, до́мꙋ і҆а́кѡвлѧ, и҆з̾ люде́й ва̑рваръ. Мл҃твами бцⷣы, сп҃се сп҃сѝ на́съ. И҆ дрꙋгі́й ли́къ, Сті́хъ в҃: Бы́сть і҆ꙋде́а ст҃ы́нѧ є҆гѡ̀, і҆и҃ль ѻ҆́бласть є҆гѡ̀. Мл҃твами бцⷣы: Сті́хъ г҃: Мо́ре ви́дѣ и҆ побѣжѐ, і҆ѻрда́нъ возврати́сѧ вспѧ́ть. Мл҃твами бцⷣы: Сті́хъ д҃: Что́ ти є҆́сть мо́ре, ꙗ҆́кѡ побѣ́гло є҆сѝ; и҆ тебѣ̀ і҆ѻрда́не, ꙗ҆́кѡ <<рч҃г: 385>> возврати́лсѧ є҆сѝ вспѧ́ть; Мл҃твами бцⷣы: Сла́ва, и҆ ны́нѣ: Мл҃твами бцⷣы:
А҆нтїфѡ́нъ в҃, ѱало́мъ рд҃і, гла́съ в҃:
Возлюби́хъ, ꙗ҆́кѡ ᲂу҆слы́шитъ гдⷭ҇ь гла́съ моле́нїѧ моегѡ̀. Сп҃си́ ны сн҃е бж҃їй, во і҆ѻрда́нѣ крести́выйсѧ, пою́щыѧ тѝ: а҆ллилꙋ́їа. Сті́хъ в҃: Ꙗ҆́кѡ приклонѝ ᲂу҆́хо своѐ мнѣ̀, и҆ во днѝ моѧ̑ призовꙋ̀. Сп҃си́ ны сн҃е бж҃їй: Сті́хъ г҃: Ѡ҆б̾ѧ́ша мѧ̀ болѣ̑зни смє́ртныѧ, бѣды̑ а҆́дѡвы ѡ҆брѣто́ша мѧ̀: ско́рбь и҆ болѣ́знь ѡ҆брѣто́хъ, и҆ и҆́мѧ гдⷭ҇не призва́хъ. Сп҃си́ ны сн҃е бж҃їй: Сті́хъ д҃: Млⷭ҇тивъ гдⷭ҇ь и҆ првⷣнъ, и҆ бг҃ъ на́шъ ми́лꙋетъ. Сп҃си́ ны сн҃е бж҃їй: Сла́ва, и҆ ны́нѣ: Є҆диноро́дный сн҃е:
А҆нтїфѡ́нъ г҃, ѱало́мъ рз҃і, гла́съ а҃:
И҆сповѣ́дайтесѧ гдⷭ҇еви, ꙗ҆́кѡ бла́гъ, ꙗ҆́кѡ въ вѣ́къ млⷭ҇ть є҆гѡ̀. Тропа́рь, Во і҆ѻрда́нѣ креща́ющꙋсѧ: Сті́хъ в҃: Да рече́тъ ᲂу҆́бѡ до́мъ і҆и҃левъ, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Во і҆ѻрда́нѣ креща́ющꙋсѧ: Сті́хъ г҃: Да рече́тъ ᲂу҆́бѡ до́мъ а҆арѡ́нь: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Во і҆ѻрда́нѣ креща́ющꙋсѧ: Сті́хъ д҃: Да рекꙋ́тъ ᲂу҆́бѡ всѝ боѧ́щїисѧ гдⷭ҇а: ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. Во і҆ѻрда́нѣ креща́ющꙋсѧ: Вхо́дное: Бл҃гослове́нъ грѧды́й во и҆́мѧ гдⷭ҇не, бл҃гослови́хомъ вы̀ и҆з̾ до́мꙋ гдⷭ҇нѧ, бг҃ъ гдⷭ҇ь и҆ ꙗ҆ви́сѧ на́мъ. Тропа́рь: Во і҆ѻрда́нѣ креща́ющꙋсѧ тебѣ̀ гдⷭ҇и: Сла́ва, и҆ ны́нѣ, конда́къ, гла́съ д҃: Ꙗ҆ви́лсѧ є҆сѝ дне́сь вселе́ннѣй: Вмѣ́стѡ трист҃а́гѡ, пое́мъ: Є҆ли́цы во хрⷭ҇та̀ крести́стесѧ: Прокі́менъ, гла́съ д҃: Бл҃гослове́нъ грѧды́й во и҆́мѧ гдⷭ҇не, бг҃ъ гдⷭ҇ь, и҆ ꙗ҆ви́сѧ на́мъ. Сті́хъ: И҆сповѣ́дайтесѧ гдⷭ҇еви, ꙗ҆́кѡ бл҃гъ, ꙗ҆́кѡ въ вѣ́къ млⷭ҇ть є҆гѡ̀. А҆по́столъ къ ті́тꙋ, зача́ло т҃в: Ча́до ті́те, ꙗ҆ви́сѧ бл҃года́ть бж҃їѧ: А҆ллилꙋ́їа, гла́съ д҃: Принеси́те <<рч҃г ѡ҆б.: 386>> гдⷭ҇еви сы́нове бж҃їи: Сті́хъ: Гла́съ гдⷭ҇нь на вода́хъ: Є҆ѵⷢ҇лїе матѳе́а, зача́ло ѕ҃: Прїи́де і҆и҃съ ѿ галїле́и: Прича́стенъ: Ꙗ҆ви́сѧ бл҃года́ть бж҃їѧ сп҃си́тельнаѧ всѣ̑мъ человѣ́кѡмъ. А҆ллилꙋ́їа, три́жды. На трапе́зѣ быва́етъ ᲂу҆тѣше́нїе бра́тїи ве́лїе. Ꙗ҆ди́мъ ры́бꙋ, и҆ сы́ръ, и҆ ꙗ҆́ица, и҆ пїе́мъ вїно̀: Мїрсті́и же мѧ́со, а҆́ще бꙋ́детъ и҆ въ сре́дꙋ, и҆лѝ пѧто́къ. И҆ чте́тсѧ сло́во златоꙋ́стагѡ, є҆мꙋ́же нача́ло: Всѝ вы̀ бл҃годꙋ́шнїи:
з҃. Собо́ръ ст҃а́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна .
Ве́черъ, стїхоло́гїа не быва́етъ бдѣ́нїѧ ра́ди бы́вшагѡ, кромѣ̀ сꙋббѡ́ты. На Гдⷭ҇и воззва́хъ стїхи̑ры пра́здника г҃, гла́съ в҃: Просвѣти́телѧ на́шего: И҆ прⷣте́чи г҃, гла́съ а҃. Подо́бенъ: Всехва́льнїи мч҃нцы: Ви́дѣвъ тѧ̀ грѧдꙋ́ща хрⷭ҇тѐ: Сла́ва, гла́съ ѕ҃: Во пло́ти свѣти́льниче: И҆ ны́нѣ, пра́здника, гла́съ то́йже: Бг҃ъ сло́во ꙗ҆ви́сѧ пло́тїю: Вхо́дъ. Прокі́менъ вели́кїй, гла́съ з҃: Бг҃ъ на́шъ на нб҃сѝ и҆ на землѝ, всѧ̑ є҆ли̑ка восхотѣ̀ сотворѝ. Сті́хъ: Во и҆схо́дѣ і҆и҃левѣ ѿ є҆гѵ́пта: Сті́хъ: Мо́ре ви́дѣ и҆ побѣжѐ: Сті́хъ: Что́ ти є҆́сть мо́ре, ꙗ҆́кѡ побѣ́гло є҆сѝ; И҆ па́ки, Бг҃ъ на́шъ: А҆́ще слꙋчи́тсѧ въ сꙋббѡ́тꙋ ве́чера, глаго́лемъ прокі́менъ: Гдⷭ҇ь воцр҃и́сѧ: Та́же є҆ктенїа̀, и҆ Сподо́би гдⷭ҇и: и҆ И҆спо́лнимъ вече́рнюю мл҃твꙋ: На стїхо́внѣ стїхи̑ры пра́здника, гла́съ д҃. Подо́бенъ: Да́лъ є҆сѝ зна́менїе: съ припѣ́вы и҆́хъ, и҆ до ѿда́нїѧ, ве́черъ и҆ ᲂу҆́тро. Сла́ва, прⷣте́чи, гла́съ д҃: Ꙗ҆́кѡ дх҃а рачи́тель: И҆ ны́нѣ, пра́здника, гла́съ то́йже: Прїиди́те подража́имъ мꙋ́дрыѧ дв҃ы:
Тропа́рь, гла́съ в҃:
Па́мѧть првⷣнагѡ съ похвала́ми, тебѣ́ же довлѣ́етъ свидѣ́тельство <<рч҃д: 387>> гдⷭ҇не предте́че: показа́лъ бо сѧ є҆сѝ вои́стинꙋ и҆ прⷪ҇ро́кѡвъ чⷭ҇тнѣ́йшїй, ꙗ҆́кѡ и҆ въ стрꙋѧ́хъ крⷭ҇ти́ти сподо́билсѧ є҆сѝ проповѣ́даннаго. тѣ́мже за и҆́стинꙋ пострада́въ ра́дꙋѧсѧ, бл҃говѣсти́лъ є҆сѝ и҆ сꙋ́щымъ во а҆́дѣ бг҃а ꙗ҆́вльшагосѧ пло́тїю, взе́млющаго грѣ́хъ мі́ра, и҆ подаю́щаго на́мъ ве́лїю млⷭ҇ть.
Сла́ва, и҆ ны́нѣ, пра́здника. На повече́рїи, по трист҃о́мъ, конда́къ прⷣте́чи, Плотска́гѡ твоегѡ̀ прише́ствїѧ: На полꙋ́нощницѣ, глаго́лемъ каѳі́смꙋ ѻ҆бы́чнꙋю. По а҃-мъ трист҃о́мъ, тропа́рь пра́здника. По в҃- мъ трⷭ҇то́мъ конда́къ прⷣте́чи: Плотска́гѡ твоегѡ̀ прише́ствїѧ: На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, крⷭ҇ти́телѧ. И҆ ны́нѣ, пра́здника. По а҃-й каѳі́смѣ, сѣда́ленъ пра́здника, гла́съ а҃: І҆и҃сꙋ ро́ждшꙋсѧ ѿ дв҃ы мр҃і́и: Сла́ва, и҆ ны́нѣ, то́йже. И҆ чте́нїе. По в҃-й каѳі́смѣ, сѣда́ленъ пра́здника, гла́съ д҃: Во стрꙋѧ́хъ ви́дѣвъ тѧ̀ і҆ѻрда́нскихъ: Сла́ва и҆ ны́нѣ, то́йже: Канѡ́нъ пра́здника а҃-й, со і҆рмосо́мъ на ѕ҃: дрꙋгі́й со і҆рмосо́мъ на д҃: и҆ прⷣте́чи на д҃, гла́съ то́йже. послѣдѝ і҆рмосы̀ ѻ҆бою̀ канѡ́нѡвъ. По г҃-й пѣ́сни, конда́къ пра́здника: Ꙗ҆ви́лсѧ є҆сѝ дне́сь: И҆ і҆́косъ: Та́же сѣда́ленъ, гла́съ и҃: І҆ѻрда́нъ стрꙋѧ́ми слꙋ́житъ: Сла́ва, и҆ ны́нѣ, то́йже. По ѕ҃-й пѣ́сни,
Конда́къ прⷣте́чи, гла́съ ѕ҃:
Плотска́гѡ твоегѡ̀ прише́ствїѧ ᲂу҆боѧ́всѧ і҆ѻрда́нъ, стра́хомъ возвраща́шесѧ, прⷪ҇ро́ческое же слꙋже́нїе и҆сполнѧ́ѧ і҆ѡа́ннъ, тре́петомъ спрѧ́ташесѧ: а҆́гг҃льскїѧ чи́ны ᲂу҆жаса́хꙋсѧ, зрѧ́ще тѧ̀ во стрꙋѧ́хъ пло́тїю креща́ема: и҆ всѝ сꙋ́щїи во тьмѣ̀ ѡ҆зарѧ́хꙋсѧ, воспѣва́юще тѧ̀ ꙗ҆́вльшагосѧ и҆ просвѣти́вшаго всѧ̑.
И҆ і҆́косъ, и҆ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы пра́здника и҆ прⷣте́чи, и҆ <<рч҃д ѡ҆б.: 388>> і҆рмосы̀: и҆ посе́мъ на схо́дѣ пое́мъ ѻ҆́ба ли̑ка вкꙋ́пѣ. Припѣ́въ пра́здника: та́же катава́сїа: Недоꙋмѣ́етъ всѧ́къ ѧ҆зы́къ: Та́же припѣ́въ бцⷣѣ, и҆ посе́мъ і҆рмо́съ: Ѽ па́че ᲂу҆ма̀: и҆ покло́нъ. Свѣти́ленъ прⷣте́чи. Сла́ва, и҆ ны́нѣ, пра́здника. На хвали́техъ стїхи̑ры пра́здника, гла́съ а҃, самогла́сны, на д҃. Сла́ва, прⷣте́чи, гла́съ ѕ҃: А҆́гг҃лъ и҆з̾ непло́дныхъ ложе́снъ: И҆ ны́нѣ, пра́здника, гла́съ в҃: Дне́сь хрⷭ҇то́съ на і҆ѻрда́нъ прїи́де: Славосло́вїе вели́кое. По трист҃о́мъ, тропа́рь прⷣте́чи. Сла́ва, и҆ ны́нѣ, пра́здника. Є҆ктєнїѝ, ѿпꙋ́стъ, и҆ ча́съ а҃. На а҃-мъ часѣ̀, тропа́рь пра́здника. Сла́ва, прⷣте́чи. И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́здника, и҆ про́чее, и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на пра́здника, пѣ́снь г҃, на д҃: и҆ прⷣте́чи, пѣ́снь ѕ҃, на д҃. По вхо́дѣ тропа́рь пра́здника, и҆ прⷣте́чи. Сла́ва, конда́къ прⷣте́чи. И҆ ны́нѣ, пра́здника. Вхо́дъ: Сп҃си́ ны сн҃е бж҃їй, во і҆ѻрда́нѣ крⷭ҇ти́выйсѧ, пою́щыѧ тѝ: А҆ллилꙋ́їа. Си́це пое́мъ и҆ до ѿда́нїѧ. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е, гла́съ мо́й: А҆по́столъ дѣѧ́нїй, зача́ло м҃в: Бы́сть внегда̀ бы́ти а҆поллѡ́сꙋ: А҆ллилꙋ́їа, гла́съ є҃: Свѣ́тъ возсїѧ̀ првⷣникꙋ: Сті́хъ: Весели́тесѧ првⷣнїи ѡ҆ гдⷭ҇ѣ: Є҆ѵⷢ҇лїе і҆ѡа́нна, зача́ло г҃: Ви́дѣ і҆ѡа́ннъ і҆и҃са: Прича́стенъ: Ꙗ҆ви́сѧ бл҃года́ть бж҃їѧ: Дрꙋгі́й: Въ па́мѧть вѣ́чнꙋю:
[зрѝ] Подоба́етъ вѣ́дати: А҆́ще слꙋчи́тсѧ собо́ръ і҆ѡа́нна прⷣте́чи въ недѣ́лю: пое́мъ слꙋ́жбꙋ прⷣте́чи, ꙗ҆́коже собо́рꙋ бцⷣы: пре́жде воскрⷭ҇но, и҆ пра́здника, и҆ прⷣте́чи, ꙗ҆́коже наꙋ́трїи ржⷭ҇тва̀ хрⷭ҇то́ва ᲂу҆каза́сѧ. Ст҃ы́хъ првⷣныхъ бг҃оѻтцє́въ, а҆́ще въ недѣ́лю па́мѧть и҆́хъ бꙋ́детъ. На ᲂу҆́трени, є҆ѵⷢ҇лїе толково́е, недѣ́лѧ по кр҃ще́нїи: та́же недѣ́лѧ рѧ́дъ, а҆́ще <<рч҃є: 389>> не бꙋ́детъ ѿстꙋ́пки. А҆́ще ли же бꙋ́детъ ѿстꙋ́пка: на ᲂу҆́трени є҆ѵⷢ҇лїе чте́тсѧ є҆ди́но: недѣ́лѧ по креще́нїи.
[зрѝ] Подоба́етъ вѣ́дати: А҆́ще слꙋчи́тсѧ попра́зднство креще́нїѧ хрⷭ҇то́ва въ недѣ́лю, и҆щѝ всегѡ̀ послѣ́дованїѧ, ве́черъ, и҆ ᲂу҆́тро, септе́мврїа по д҃і числѣ̀.
[зрѝ] Сꙋббѡ́та по просвѣще́нїи: Прокі́менъ, А҆ллилꙋ́їа, и҆ прича́стенъ пра́здника: А҆по́столъ ко є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: Є҆ѵⷢ҇лїе матѳе́а, зача́ло з҃: Возведе́нъ бы́сть і҆и҃съ:
[зрѝ] Подоба́етъ вѣ́дати: А҆́ще слꙋчи́тсѧ собо́ръ прⷣте́чи въ сꙋббѡ́тꙋ: Прокі́менъ пра́здника, и҆ прⷣте́чи. А҆по́столъ и҆ є҆ѵⷢ҇лїе чте́тсѧ пре́жде сꙋббѡ́тѣ по просвѣще́нїи, пото́мъ прⷣте́чи. Прича́стенъ: Ꙗ҆ви́сѧ бл҃года́ть бж҃їѧ: Дрꙋгі́й: Въ па́мѧть вѣ́чнꙋю: Си́це пое́мъ на лїтꙋргі́и въ сꙋббѡ́тꙋ, и҆ ст҃ы̑мъ и҆мꙋ́щымъ слꙋ́жбꙋ на лїтꙋргі́и.
[зрѝ] Недѣ́лѧ по просвѣще́нїи: На лїтꙋргі́и, прокі́менъ, гла́съ а҃: Бꙋ́ди гдⷭ҇и, млⷭ҇ть твоѧ̀ на на́съ, ꙗ҆́коже ᲂу҆пова́хомъ на тѧ̀. Сті́хъ: Ра́дꙋйтесѧ првⷣнїи ѡ҆ гдⷭ҇ѣ: и҆ пра́здника. А҆́ще же слꙋчи́тсѧ ст҃ы́й и҆мѣ́ѧй на лїтꙋргі́и прокі́менъ, а҆по́столъ, и҆ є҆ѵⷢ҇лїе: тогда̀ пра́здника прокі́менъ и҆ прича́стенъ ѡ҆ставлѧ́етсѧ. А҆по́столъ ко є҆фесе́ємъ, зача́ло ск҃д ѿ полꙋ̀: Бра́тїе, є҆ди́номꙋ комꙋ́ждо на́съ: А҆ллилꙋ́їа, гла́съ є҃: Млⷭ҇ти твоѧ̑ гдⷭ҇и во вѣ́къ: Є҆ѵⷢ҇лїе матѳе́а, зача́ло и҃: Слы́шавъ і҆и҃съ, ꙗ҆́кѡ і҆ѡа́ннъ пре́данъ бы́сть: Прича́стенъ: Ꙗ҆ви́сѧ бл҃года́ть бж҃їѧ: Дрꙋгі́й: Хвали́те гдⷭ҇а:
[зрѝ] Подоба́етъ вѣ́дати: Ꙗ҆́кѡ є҆ѵⷢ҇лїа и҆ а҆по́столы ѿ недѣ́ли мѧсопꙋ́стныѧ, вспѧ́ть и҆счита́ѧ, до недѣ́ли прїидꙋ́щїѧ, ꙗ҆́же є҆́сть пе́рваѧ по просвѣще́нїѧ недѣ́ли. Оу҆вѣ́давъ и҆звѣ́стнѡ, въ ко́е число̀ мѣ́сѧца пред̾ мѧсопꙋ́стною недѣ́лею бꙋ́детъ недѣ́лѧ ѡ҆ мытарѝ и҆ фарїсе́и, и҆ вспѧ́ть <<рч҃є ѡ҆б.: 390>> и҆зче́тъ на мимоше́дшыѧ недѣ̑ли возврати́всѧ, начнѝ рѧ́дъ досѧза́ющь недѣ́ли ѡ҆ мытарѝ и҆ фарїсе́и. А҆́ще же когда̀ преизбꙋ́детъ недѣ́ль си́хъ, ѡ҆ста́вивъ блюдѝ рѧ́дъ ѡ҆ мытарѝ и҆ фарїсе́и.
и҃. Прпⷣбнагѡ ѻ҆тца̀ на́шегѡ геѡ́ргїа хозеві́та: И҆ прпⷣбныѧ ма́тере на́шеѧ домні́ки : И҆ є҆мїлїа́на и҆сповѣ́дника.
На Гдⷭ҇и воззва́хъ, стїхи̑ры прпⷣбнагѡ г҃, гла́съ д҃. Подо́бенъ: Ꙗ҆́кѡ до́блѧ: и҆ прпⷣбныѧ г҃, гла́съ то́йже. Подо́бенъ: Да́лъ є҆сѝ зна́менїе: Сла́ва: и҆ ны́нѣ, пра́здника, гла́съ а҃: Ѡ҆блага́ѧй нб҃о ѻ҆́блаки: На стїхо́внѣ стїхи̑ры, пра́здника, гла́съ ѕ҃. Подо́бенъ: А҆́гг҃льскїѧ: съ припѣ́вы и҆́хъ. Сла́ва, и҆ ны́нѣ, пра́здника, гла́съ в҃: На і҆ѻрда́нстѣй рѣцѣ̀: Тропа́рь пра́здника, и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника три́жды, и҆ ѻ҆бы̑чныѧ каѳі̑смы. По каѳі́смахъ сѣда́льны пра́здника. Канѡ́нъ пра́здника: а҃-й со і҆рмосо́мъ на ѕ҃: і҆рмо́съ по два́жды. Прпⷣбнагѡ на д҃, гла́съ д҃: и҆ прпⷣбныѧ на д҃, гла́съ в҃. По г҃-й пѣ́сни,
Конда́къ прпⷣбнагѡ гла́съ д҃. Подо́бенъ: Ꙗ҆ви́лсѧ є҆сѝ: Ꙗ҆ви́лсѧ є҆сѝ свѣти́ло пресвѣ́тлое геѡ́ргїе, ѡ҆зарѧ́ѧ бж҃е́ственными зарѧ́ми вѣ́рнѡ зовꙋ́щыѧ тѝ: молѝ ѡ҆ на́съ влⷣкꙋ хрⷭ҇та̀ ꙗ҆́вльшагосѧ во стрꙋѧ́хъ, и҆ просвѣ́щшаго земнорѡ́дныѧ.
И҆ сѣда́ленъ, гла́съ є҃. Сла́ва, прпⷣбныѧ, гла́съ д҃. И҆ ны́нѣ, пра́здника, гла́съ то́йже. По ѕ҃ пѣ́сни, конда́къ пра́здника: и҆ і҆́косъ, и҆ про́логъ. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, пра́здника, гла́съ то́йже. самогла́сенъ: Ви́дѣша <<рч҃ѕ: 391>> тѧ̀ во́ды бж҃е: На лїтꙋргі́и, бл҃жє́нна пра́здника, пѣ́снь а҃-ѧ ѻ҆бои́хъ канѡ́нѡвъ на ѕ҃.
ѳ҃. Ст҃а́гѡ мч҃нка полѷе́ѵкта .
Стїхи̑ры пра́здника г҃, гла́съ и҃. Подо́бенъ: Гдⷭ҇и, а҆́ще и҆ на сꙋди́щи: и҆ ст҃а́гѡ г҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, ст҃а́гѡ, гла́съ а҃: А҆́гг҃льскаѧ вѡ́инства дне́сь: И҆ ны́нѣ, пра́здника, гла́съ в҃: Дне́сь нб҃сѐ и҆ землѝ творе́цъ: На стїхо́внѣ стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, и҆ ны́нѣ, гла́съ д҃: Ѡ҆дѣва́ѧйсѧ свѣ́томъ: Тропа́рь ст҃а́гѡ, гла́съ д҃: Мч҃нкъ тво́й гдⷭ҇и: септе́мврїа во в҃ де́нь: Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃а́гѡ: И҆ ны́нѣ пра́здника. По каѳі́смахъ сѣда́льны пра́здника: и҆ чте́нїе. Канѡ́нъ пра́здника, в҃-й, на и҃. і҆рмо́съ по два́жды: и҆ ст҃а́гѡ, на д҃, гла́съ и҃. По г҃-й пѣ́сни,
Конда́къ ст҃а́гѡ, гла́съ д҃. Подо́бенъ: Ꙗ҆ви́лсѧ є҆сѝ:
Сп҃сꙋ прикло́ншꙋ во і҆ѻрда́нѣ главꙋ̀ сокрꙋши́шасѧ ѕмїє́въ главы̑: полѷе́ѵктова же глава̀ ѿсѣ́кшаѧсѧ льсти́ваго посрамѝ.
И҆ і҆́косъ, и҆ сѣда́ленъ, гла́съ є҃. Сла́ва, и҆ ны́нѣ, пра́здника, гла́съ то́йже. По ѕ҃-й пѣ́сни, конда́къ пра́здника, и҆ і҆́косъ, и҆ про́логъ. По ѳ҃-й пѣ́сни, свѣти́ленъ ст҃а́гѡ. Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ, пра́здника, гла́съ то́йже. На лїтꙋргі́и, бл҃же́нна пра́здника, пѣ́снь д҃-ѧ, на ѕ҃.
Въ то́йже де́нь и҆́же во ст҃ы́хъ ѻ҆тца̀ на́шегѡ фїлі́ппа, митрополі́та моско́вскагѡ и҆ всеѧ̀ рѡссі́и.
<<рч҃ѕ: 391>>
Тропа́рь, гла́съ и҃:
Первопресто́льникѡвъ прее́мниче. сто́лпе правосла́вїѧ, и҆́стины побо́рниче, но́вый и҆сповѣ́дниче, ст҃и́телю фїлі́ппе, положи́вый дꙋ́шꙋ за па́ствꙋ твою̀. тѣ́мже ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀, молѝ за і҆мпера́тора правосла́внаго, за гра́дъ же и҆ лю́ди, чтꙋ́щыѧ досто́йнѡ ст҃ꙋ́ю па́мѧть твою̀.
Конда́къ, гла́съ г҃. Подо́бенъ: Дв҃а дне́сь:
Правосла́вїѧ наста́вника, и҆ и҆́стины провозвѣ́стника, златоꙋ́стагѡ ревни́телѧ, рѡссі́йскаго свѣти́льника, фїлі́ппа премꙋ́драго восхва́лимъ, пи́щею слове́съ свои́хъ разꙋ́мнѡ ча̑да своѧ̑ пита́юща: то́й бо ѧ҆зы́комъ хвале́нїе поѧ́ше, ᲂу҆стна́ма же пѣ́нїе вѣща́ше, ꙗ҆́кѡ таи́нникъ бж҃їѧ бл҃года́ти.
і҃. И҆́же во ст҃ы́хъ ѻ҆тца̀ на́шегѡ григо́рїа, є҆пⷭ҇кпа нѷссі́йскагѡ: И҆ прпⷣбнагѡ дометїа́на, є҆пⷭ҇кпа мелїті́йскагѡ: И҆ прпⷣбнагѡ маркїа́на, пресвѵ́тера и҆ і҆коно́ма вели́кїѧ цр҃кве.
На Гдⷭ҇и воззва́хъ: стїхи̑ры григо́рїа г҃, гла́съ є҃. Подо́бенъ: Прпⷣбне ѻ҆́тче: и҆ дометїа́на г҃, гла́съ а҃. Подо́бенъ: Всехва́льнїи мч҃нцы: Сла́ва, гла́съ д҃: Премꙋ́дрости сло́во: И҆ ны́нѣ, пра́здника, гла́съ то́йже: Трепета́ше рꙋка̀ крⷭ҇ти́телева: На стїхо́внѣ стїхи̑ры пра́здника, гла́съ в҃. Подо́бенъ, До́ме є҆ѵфра́ѳовъ: Сла́ва, григо́рїа, гла́съ д҃: Житїѐ бж҃е́ственно и҆спра́вивъ: И҆ ны́нѣ, пра́здника, гла́съ то́йже: Тебѐ въ дꙋ́сѣ и҆ ѻ҆гнѝ: Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃ де́нь. Сла́ва, и҆ ны́нѣ, пра́здника. На ᲂу҆́трени, тропа́рь пра́здника, два́жды. Сла́ва, ст҃ы́хъ: И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чтє́нїѧ. Канѡ́нъ пра́здника а҃, со і҆рмосо́мъ на ѕ҃: і҆рмо́съ по <<рч҃з: 393>> два́жды. и҆ ст҃ы́хъ два̀: григо́рїа, гла́съ є҃, на д҃: и҆ дометїа́на, гла́съ а҃, на д҃. По г҃-й пѣ́сни, конда́къ пра́здника, и҆ і҆́косъ.
Та́же григо́рїа, гла́съ в҃. Подо́бенъ: Въ мл҃твахъ:
Цр҃кве бж҃е́ственный і҆ера́рхъ, и҆ премꙋ́дрости чⷭ҇тны́й тайноглаго́льникъ нѷссі́йскїй, бо́дрый ᲂу҆́мъ григо́рїй, со а҆́гг҃лы ликовствꙋ́ѧ, и҆ наслажда́ѧсѧ бж҃е́ственнымъ свѣ́томъ, моли́сѧ непреста́ннѡ ѡ҆ всѣ́хъ на́съ.
И҆ сѣда́ленъ, гла́съ г҃. Сла́ва, дометїа́на, гла́съ а҃: И҆ ны́нѣ пра́здника, гла́съ то́йже. По ѕ҃-й пѣ́сни,
Конда́къ григо́рїа, гла́съ а҃. Подо́бенъ: Ли́къ а҆́гг҃льскїй:
Ѻ҆́комъ дꙋше́внымъ бо́дрствꙋѧ ст҃и́телю, бо́дръ па́стырь ꙗ҆ви́лсѧ є҆сѝ мі́рꙋ, и҆ жезло́мъ мꙋ́дрости твоеѧ̀, и҆ те́плымъ предста́тельствомъ твои́мъ, всѧ̑ ѿгна́лъ є҆сѝ ѕлосла̑вныѧ ꙗ҆́кѡ во́лки, невре́дно соблю́дъ ста́до, григо́рїе всемꙋ́дре.
И҆ і҆́косъ: и҆ про́логъ. По ѳ҃-й пѣ́сни, свѣти́ленъ григо́рїа. Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, григо́рїа, гла́съ а҃: Пра́выѧ вѣ́ры: И҆ ны́нѣ, пра́здника, гла́съ и҃: Гдⷭ҇и и҆спо́лнити хотѧ̀: На лїтꙋргі́и бл҃жє́нна пра́здника, пѣ́снь є҃-ѧ, на д҃: и҆ ст҃а́гѡ пѣ́снь ѕ҃-ѧ, на д҃. И҆ про́чаѧ слꙋ́жба всѧ̀ ное́мврїа, въ з҃і де́нь.
Прпⷣбнагѡ же маркїа́на слꙋ́жба пое́тсѧ на повече́рїи.
Въ то́йже де́нь прпⷣбнагѡ па́ѵла коме́льскагѡ, и҆́же на ѻ҆бно́рѣ рѣцѣ̀.
Соверша́етсѧ собо́ръ є҆гѡ̀ во ѻ҆би́тели є҆гѡ̀.
Тропа́рь, гла́съ а҃:
Бж҃е́ственною любо́вїю ѿ ю҆́ности распала́емь па́ѵле прпⷣбне, всѧ̑ ꙗ҆̀же въ мі́рѣ кра̑снаѧ возненави́дѣвъ, хрⷭ҇та̀ є҆ди́наго возлюби́лъ є҆сѝ: и҆ сегѡ̀ ра́ди во внꙋ́треннюю пꙋсты́ню всели́лсѧ є҆сѝ, со <<рч҃з ѡ҆б.: 394>> ѕвѣрьмѝ жи́ти ве́сь хрⷭ҇тꙋ̀: ѿѻнꙋ́дꙋже и҆ всеви́дѧщее ѻ҆́ко, твоѧ̑ трꙋды̀ ви́дѣвъ, да́ромъ чꙋде́съ и҆ по преставле́нїи ѡ҆богати́ тѧ. тѣ́мже вопїе́мъ тѝ: молѝ непреста́ннѡ ѡ҆ всѣ́хъ на́съ, чⷭ҇тнꙋ́ю па́мѧть твою̀ при́снѡ въ пѣ́снехъ почита́ющихъ.
Конда́къ, гла́съ и҃. Подо́бенъ: Взбра́нной:
Всѐ твоѐ ᲂу҆́мное жела́нїе къ бг҃ꙋ впери́въ, и҆ томꙋ̀ невозвра́тнѡ ѿ дꙋшѝ послѣ́довалъ є҆сѝ, въ пꙋсты́ню всели́всѧ, и҆ та́мѡ а҆́гг҃льски пожи́въ, мнѡ́гимъ пꙋ́ть бы́лъ є҆сѝ ко сп҃се́нїю: сегѡ̀ ра́ди и҆ хрⷭ҇то́съ тѧ̀ просла́ви, и҆ да́ромъ чꙋде́съ ѡ҆богатѝ. тѣ́мже всѝ вопїе́мъ тѝ: ра́дꙋйсѧ па́ѵле прпⷣбне, пꙋсты́нный жи́телю.
а҃і. Прпⷣбнагѡ ѻ҆тца̀ на́шегѡ ѳеодо́сїа, ѻ҆́бщихъ жи́тїй нача́льника.
Ве́черъ, пое́мъ, Бл҃же́нъ мꙋ́жъ: а҃ а҆нтїфѡ́нъ. На Гдⷭ҇и воззва́хъ, стїхи̑ры на ѕ҃: гла́съ є҃. Подо́бенъ: Прпⷣбне ѻ҆́тче: Сла́ва, гла́съ в҃: Прпⷣбне ѻ҆́тче, ꙗ҆́кѡ гра́дъ: И҆ ны́нѣ, пра́здника, гла́съ в҃: Приклони́лъ є҆сѝ: Вхо́дъ, прокі́менъ днѐ: чтє́нїѧ г҃, прпⷣбничєскаѧ. На стїхо́внѣ стїхи̑ры пра́здника, гла́съ д҃. Подо́бенъ: Да́лъ є҆сѝ зна́менїе: съ припѣ́вы и҆́хъ. Сла́ва, гла́съ и҃: Мона́хѡвъ мно́жєства: И҆ ны́нѣ, пра́здника, гла́съ то́йже: А҆́гг҃льскаѧ вѡ́инства: По трист҃о́мъ тропа́рь, гла́съ и҃: Сле́зъ твои́хъ тече́ньми: септе́мврїа въ г҃ де́нь. Сла́ва, и҆ ны́нѣ, пра́здника, и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, ст҃а́гѡ: И҆ ны́нѣ, пра́здника: и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. По полѷеле́и сѣда́ленъ ст҃а́гѡ, гла́съ г҃, два́жды. Сла́ва, и҆ ны́нѣ, пра́здника: и҆ чте́нїе. Степе́нна, а҃ и҆ а҆нтїфѡ́нъ д҃-гѡ гла́са. Прокі́менъ, гла́съ д҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: Всѧ́кое дыха́нїе: <<рч҃и: 395>> Є҆ѵⷢ҇лїе лꙋкѝ, зача́ло к҃д. ѱало́мъ н҃. стїхи́ра, гла́съ ѕ҃. Прпⷣбне ѻ҆́тче, во всю̀ зе́млю: Канѡ́нъ пра́здника в҃-й, со і҆рмосо́мъ на и҃: и҆ ст҃а́гѡ на ѕ҃. гла́съ в҃. Катава́сїа пра́здника: Глꙋбины̀ ѿкры́лъ є҆́сть дно̀: По г҃-й пѣ́сни, конда́къ и҆ і҆́косъ пра́здника: и҆ сѣда́ленъ ст҃а́гѡ, гла́съ и҃, два́жды. Сла́ва, и҆ ны́нѣ, пра́здника: и҆ чте́нїе. По ѕ҃-й пѣ́сни,
Конда́къ ст҃а́гѡ, гла́съ и҃. Подо́бенъ: Взбра́нной:
Насажде́нъ во дво́рѣхъ гдⷭ҇а твоегѡ̀, прпⷣбными твои́ми добродѣ́тельми краснѡ̀ процвѣ́лъ є҆сѝ, и҆ ᲂу҆мно́жилъ є҆сѝ ча̑да твоѧ̑ въ пꙋсты́ни, сле́зъ твои́хъ тꙋ́чами напаѧ́ємаѧ, стадонача́льниче бж҃їй бж҃е́ственныхъ дворѡ́въ. тѣ́мже зове́мъ: ра́дꙋйсѧ ѻ҆́тче ѳеодо́сїе.
И҆ і҆́косъ, и҆ чте́мъ про́логъ. По ѳ҃-й пѣ́сни, свѣти́ленъ ст҃а́гѡ, два́жды. Сла́ва, и҆ ны́нѣ, пра́здника. На хвали́техъ стїхи̑ры на д҃, гла́съ є҃. Подо́бенъ: Ра́дꙋйсѧ: Сла́ва, гла́съ в҃: Добродѣ́телей лѣ́ствица: И҆ ны́нѣ, пра́здника, гла́съ то́йже: Дне́сь хрⷭ҇то́съ славосло́вїе вели́кое. По трист҃о́мъ, тропа́рь ст҃а́гѡ. Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й. На а҃-мъ часѣ̀, тропа́рь пра́здника. Сла́ва, ст҃а́гѡ: И҆ ны́нѣ, бг҃оро́диченъ, часѡ́въ. По трист҃о́мъ конда́къ пра́здника, и҆ ст҃а́гѡ, глаго́лемъ премѣнѧ́юще и҆ прѡ́чаѧ: и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на пра́здника, пѣ́снь ѕ҃-ѧ, на д҃: и҆ ст҃а́гѡ пѣ́снь ѕ҃-ѧ же, на д҃. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: А҆по́столъ къ корі́нѳѧнѡмъ, зача́ло рѻ҃ѕ: Бг҃ъ рекі́й и҆з̾ тьмы̀ свѣ́тꙋ возсїѧ́ти: А҆ллилꙋ́їа гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀: Є҆ѵⷢ҇лїе матѳе́а, зача́ло м҃г: <<рч҃и ѡ҆б.: 396>> Всѧ̑ мнѣ̀ прєдана̀ сꙋ́ть ѻ҆ц҃е́мъ мои́мъ: Прича́стенъ, Въ па́мѧть:
[[комм.]] Подоба́етъ вѣ́дати ѡ҆ се́мъ, ка́кѡ восхо́дитъ недѣ́лѧ ѡ҆ мытарѝ и҆ фарїсе́и.
Начина́етсѧ ᲂу҆́бѡ мытарѧ̀ и҆ фарїсе́а і҆аннꙋа́рїа въ а҃і число̀, въ попра́зднствѣ бг҃оѧвле́нїѧ, на па́мѧть прпⷣбнагѡ ѻ҆тца̀ на́шегѡ ѳеодо́сїа, нисхо́дитъ же феврꙋа́рїа по є҃і число̀. [зрѝ] Вѣ́домо же бꙋ́ди, ꙗ҆́кѡ а҆́ще прилꙋчи́тсѧ недѣ́лѧ, ꙗ҆́же ѡ҆ мытарѝ и҆ фарїсе́и, і҆аннꙋа́рїа въ а҃і число̀: и҆ прпⷣбнагѡ ѳеодо́сїа пое́тсѧ слꙋ́жба, є҆гда̀ є҆кклисїа́рхъ разсꙋ́дитъ во и҆ны́й де́нь. Въ сꙋббѡ́тꙋ ве́чера, на ма́лѣй вече́рни, стїхи̑ры воскрⷭ҇ны, и҆ бцⷣы, по ѻ҆бы́чаю. На вели́цѣй вече́рни, пое́мъ, Бл҃же́нъ мꙋ́жъ: каѳі́смꙋ всю̀. На Гдⷭ҇и воззва́хъ, стїхи̑ры воскрⷭ҇ны г҃: и҆ а҆нато́лїевъ а҃: и҆ пра́здника г҃, тогѡ̀ днѐ: и҆ трїѡ́ди самогла́сны двѣ̀, повторѧ́юще а҃-ю. Сла́ва, трїѡ́ди: И҆ ны́нѣ, бг҃оро́диченъ а҃-й гла́са. Вхо́дъ. Прокі́менъ днѐ. На лїті́и, стїхи̑ры пра́здника, тогѡ̀ днѐ стїхѡ́вныѧ вечє́рнїѧ и҆ ᲂу҆́трєннїѧ. Сла́ва, и҆ ны́нѣ, трїѡ́ди, гла́съ г҃. На стїхо́внѣ стїхи̑ры воскрⷭ҇ны, по а҆лфави́тꙋ. Сла́ва, пра́здника: И҆ ны́нѣ, трїѡ́ди. На бл҃гослове́нїи хлѣ́бѡвъ тропа́рь: Бцⷣе дв҃о, два́жды: и҆ пра́здника є҆ди́ножды, и҆ чте́нїе. [А҆́ще же нѣ́сть бдѣ́нїѧ, по Ны́нѣ ѿпꙋща́еши, Тропа́рь воскрⷭ҇нъ. Сла́ва, и҆ ны́нѣ, пра́здника. На повече́рїи по Досто́йно, и҆ по Ѻ҆́ч҃е на́шъ: конда́къ пра́здника. Сла́ва, и҆ ны́нѣ, трїѡ́ди.] На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ, недѣ́лѧ по креще́нїи. По непоро́чнахъ тропарѝ: А҆́гг҃льскїй собо́ръ: и҆ ѵ҆пакоѝ гла́са. и҆ чте́нїе, <<рч҃ѳ: 397>> недѣ́лѧ ѡ҆ мытарѝ и҆ фарїсе́и. Степє́нна, и҆ прокі́менъ гла́са, Є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: ѱало́мъ н҃. Сла́ва, гла́съ и҃: Покаѧ́нїѧ ѿве́рзи мѝ двє́ри: И҆ ны́нѣ, бг҃оро́диченъ: На сп҃се́нїѧ стєзѝ: Та́же, Поми́лꙋй мѧ̀ бж҃е: и҆ Мно́жєства содѣ́ѧнныхъ мно́ю лю́тыхъ: И҆ мл҃тва ѻ҆бы́чнаѧ: Сп҃сѝ бж҃е лю́ди твоѧ̑: Канѡ́нъ воскрⷭ҇нъ со і҆рмосо́мъ на д҃, и҆ пра́здника на д҃: И҆ трїѡ́ди на ѕ҃. Катава́сїа пра́здника. По г҃-й пѣ́сни, конда́къ, и҆ і҆́косъ пра́здника, и҆ сѣда́ленъ: Сла́ва, и҆ ны́нѣ, трїѡ́ди По ѕ҃- й пѣ́сни, конда́къ и҆ і҆́косъ трїѡ́ди. На ѳ҃-й пѣ́сни, пое́мъ. Чⷭ҇тнѣ́йшꙋю. Свѣти́ленъ воскрⷭ҇нъ. Сла́ва, пра́здника: И҆ ны́нѣ, трїѡ́ди. На хвали́техъ стїхи̑ры воскрⷭ҇ны г҃: и҆ пра́здника г҃, и҆ трїѡ́ди гла́са г҃-гѡ, съ припѣ́вы: Воскрⷭ҇нѝ гдⷭ҇и бж҃е мо́й: Мытарѧ̀ и҆ фарїсе́а: в҃, И҆сповѣ́мсѧ тебѣ̀ гдⷭ҇и: Фарїсе́а велехва́льный гла́съ: Сла́ва. Ѿ дѣ́лъ похвале́ньми: И҆ ны́нѣ, Пребл҃гослове́нна є҆сѝ: и҆ славосло́вїе вели́кое. По трист҃о́мъ, тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ. и҆ ѻ҆бы́чнаѧ лїті́а въ притво́рѣ, въ не́йже пое́мъ: Сла́ва, и҆ ны́нѣ, стїхи́рꙋ є҆ѵⷢ҇льскꙋю, и҆ ча́съ а҃-й. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ пра́здника, и҆ соверше́нный ѿпꙋ́стъ. та́кожде и҆ на про́чихъ часѣ́хъ глаго́лемъ тропа́рь воскрⷭ҇нъ и҆ пра́здника: кондаки́ же премѣнѧ́емъ. На лїтꙋргі́и, бл҃жє́нна гла́са, на д҃: и҆ Пра́здника пѣ́снь рѧдова́ѧ на д҃: и҆ трїѡ́ди пѣ́снь ѕ҃-ѧ на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ пра́здника: И҆ ны́нѣ, трїѡ́ди. Прокі́менъ недѣ́ли по просвѣще́нїи, та́же пра́здника. А҆по́столъ и҆ є҆ѵⷢ҇лїе, недѣ́ли по просвѣще́нїи, та́же ѡ҆ мытарѝ и҆ фарїсе́и: Прича́стенъ: Хвали́те гдⷭ҇а съ нб҃съ: Дрꙋгі́й, пра́здника.
<<рч҃ѳ ѡ҆б.: 398>>
Въ то́йже де́нь па́мѧть прпⷣбнагѡ ѻ҆тца̀ на́шегѡ мїхаи́ла кло́пскагѡ, новгоро́дскагѡ чꙋдотво́рца.
Соверша́етсѧ собо́ръ є҆гѡ̀, во ѻ҆би́тели є҆гѡ̀ и҆ во хра́мѣхъ.
Тропа́рь, гла́съ и҃:
И҆́же на землѝ хрⷭ҇та̀ ра́ди во́лею въ бꙋ́йство преложи́всѧ, мі́ра сегѡ̀ красоты̀ ѿню́дъ возненави́дѣлъ є҆сѝ, и҆ плотска̑ѧ и҆гра̑нїѧ ᲂу҆вѧди́въ посто́мъ и҆ жа́ждею, и҆ на землѝ лега́нїемъ, ѿ зно́ѧ же и҆ стꙋ́дени, ѿ дождѧ̀ и҆ снѣ́га, и҆ ѿ про́чїѧ воздꙋ́шныѧ тѧ́гости никогда́же ᲂу҆клони́лсѧ є҆сѝ. дꙋ́шꙋ же ѡ҆чи́стилъ є҆сѝ добродѣ́тельми ꙗ҆́кѡ зла́то въ горни́лѣ, ѻ҆́тче прпⷣбне бг҃оно́сне мїхаи́ле, и҆ ны́нѣ на нб҃сѣ́хъ предстои́ши прⷭ҇то́лꙋ прест҃ы́ѧ трⷪ҇цы. но ꙗ҆́кѡ и҆мѣ́ѧ дерзнове́нїе мно́гое, молѝ хрⷭ҇та̀ бг҃а, сп҃сти́сѧ дꙋша́мъ на́шымъ.
Конда́къ, гла́съ и҃. Подо́бенъ: Взбра́нной:
Дх҃а ст҃а́гѡ си́лою ᲂу҆подо́билсѧ є҆сѝ бг҃оглагѡ́ливымъ дрє́внимъ прⷪ҇ро́кѡмъ, сказа́въ безвѣ̑стнаѧ и҆ та̑йнаѧ, и҆ є҆́же го́дѣ сꙋдьба́мъ бж҃їимъ въ сбытїѐ: и҆ и҆́на мнѡ́га чꙋдеса̀ ѡ҆ хрⷭ҇тѣ̀ сотвори́въ, и҆ лю́ди ᲂу҆диви́въ, торжествова́ти ᲂу҆стро́илъ є҆сѝ, вопїю́щыѧ: сла́ва бг҃ꙋ прославлѧ́ющемꙋ ст҃ы̑ѧ своѧ̑.
в҃і. Ст҃ы́ѧ мч҃нцы татїа́ны .
Стїхи̑ры пра́здника г҃, гла́съ и҃. Подо́бенъ: Гдⷭ҇и а҆́ще и҆ на сꙋди́щи: И҆ ст҃ы́ѧ, гла́съ в҃. Подо́бенъ: Є҆гда̀ ѿ дре́ва: Сла́ва, и҆ ны́нѣ, пра́здника, гла́съ є҃: Зрѧ́щи тѧ̀ є҆стество̀: На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ, гла́съ то́йже: Воспои́мъ вѣ́рнїи: Тропа́рь пра́здника. На ᲂу҆́трени, по каѳі́смахъ сѣда́льны пра́здника. Канѡ́нъ пра́здника а҃-й, со і҆рмосо́мъ на и҃: и҆ ст҃ы́ѧ на д҃, гла́съ то́йже. По г҃-й пѣ́сни,
<<с҃: 399>>
Конда́къ ст҃ы́ѧ, гла́съ д҃. Подо́бенъ: Ꙗ҆ви́лсѧ є҆сѝ:
Свѣ́тлѡ во страда́нїи твое́мъ возсїѧ́ла є҆сѝ стрⷭ҇тоте́рпице, ѿ крове́й твои́хъ преиспещре́на, и҆ ꙗ҆́кѡ кра́снаѧ голꙋби́ца, къ нб҃сѝ возлетѣ́ла є҆сѝ татїа́но: тѣ́мже молѝ при́снѡ за чтꙋ́щыѧ тѧ̀.
И҆ сѣда́ленъ гла́съ д҃. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ: Ѽ па́че ᲂу҆ма̀: На лїтꙋргі́и, бл҃жє́нна пра́здника, пѣ́снь з҃, на ѕ҃.
Въ то́йже де́нь ст҃а́гѡ ѻ҆тца̀ са́ввы, а҆рхїепⷭ҇кпа се́рбскагѡ.
Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀, и҆лѝ и҆дѣ́же хра́мъ є҆гѡ̀. Тропа́рь, гла́съ и҃: Правосла́вїѧ наста́вниче: ѻ҆ктѡ́врїа въ а҃і-й де́нь.
И҆́нъ тропа́рь, гла́съ г҃:
Пꙋтѝ вводѧ́щагѡ въ жи́знь наста́вникъ, и҆ первопресто́льникъ, и҆ ᲂу҆чи́тель бы́лъ є҆сѝ: пе́рвѣе бо прише́дъ ст҃и́телю са́вво, ѻ҆те́чество твоѐ просвѣти́лъ є҆сѝ, и҆ породи́въ то́е дх҃омъ ст҃ы́мъ, ꙗ҆́кѡ древа̀ ма̑слиннаѧ, въ мы́сленнѣмъ раѝ насади́лъ є҆сѝ всеѡсщ҃є́ннаѧ твоѧ̑ ча̑да. тѣ́мъ ꙗ҆́кѡ а҆пⷭ҇лѡмъ и҆ ст҃и́телємъ сопресто́льна чтꙋ́ще, тѧ̀ мо́лимъ: молѝ хрⷭ҇та̀ бг҃а дарова́ти на́мъ ве́лїю млⷭ҇ть.
Конда́къ, гла́съ и҃. Подо́бенъ: Взбра́нной:
Ꙗ҆́кѡ первост҃и́телѧ вели́каго, и҆ а҆пⷭ҇лѡвъ соѻ́бщника, цр҃ковь прославлѧ́етъ тѧ̀ люде́й твои́хъ, прпⷣбне. но ꙗ҆́кѡ и҆мѣ́ѧ дерзнове́нїе ко хрⷭ҇тꙋ̀ бг҃ꙋ, мл҃твами твои́ми ѿ всѧ́кихъ на́съ бѣ́дъ сп҃са́й, да зове́мъ тѝ: ра́дꙋйсѧ ѻ҆́тче са́вво бг҃омꙋ́дре.
<<с҃ ѡ҆б.: 400>>
г҃і. Ст҃ы́хъ мч҃нкъ, є҆рмѵ́ла и҆ страто́нїка : Въ сі́й де́нь пое́тсѧ слꙋ́жба ст҃ы́хъ ѻ҆тє́цъ, въ сїна́и и҆ раі́ѳѣ и҆збїе́нныхъ.
Стїхи̑ры мч҃нка г҃, гла́съ д҃. Подо́бенъ: Да́лъ є҆сѝ зна́менїе: И҆ прпⷣбныхъ г҃, гла́съ и҃. Подо́бенъ: Что̀ вы̀ нарече́мъ: Сла́ва, гла́съ и҃: Прпⷣбнїи ѻ҆тцы̀: И҆ ны́нѣ, пра́здника, гла́съ то́йже: Гдⷭ҇и и҆спо́лнити хотѧ̀: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, прпⷣбныхъ, гла́съ и҃. Равноа́гг҃льно житїѐ: И҆ ны́нѣ, пра́здника, гла́съ то́йже: А҆́гг҃льскаѧ вѡ́инства: Тропа́рь мч҃нкѡвъ, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. Сла́ва, ѻ҆тцє́въ, гла́съ то́йже: Бж҃е ѻ҆тє́цъ на́шихъ: ное́мврїа въ к҃-й де́нь. И҆ ны́нѣ, пра́здника. На ᲂу҆́трени, на Бг҃ъ гдⷭ҇ь тропа́рь пра́здника, и҆ мч҃нкѡвъ. Сла́ва, ѻ҆тцє́въ: И҆ ны́нѣ, пра́здника. и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе. Канѡ́нъ пра́здника в҃-й, со і҆рмосо́мъ на ѕ҃: и҆ мч҃нкѡвъ на д҃, гла́съ и҃: и҆ прпⷣбныхъ на д҃, гла́съ д҃. По г҃-й пѣ́сни,
Конда́къ ѻ҆тцє́въ, гла́съ в҃. Подо́бенъ: Вы́шнихъ и҆щѧ̀:
Ѿ мїрскі́ѧ молвы̀ и҆збѣго́сте, и҆ къ ти́хомꙋ приста́нищꙋ преста́вистесѧ, мч҃нчества кровьмѝ, и҆ по́стничества трꙋда́ми вѣнча́еми. тѣ́мже и҆ показа́стесѧ мч҃нкѡвъ и҆ прпⷣбныхъ є҆диновсе́льницы.
И҆ і҆́косъ: и҆ сѣда́ленъ мч҃нкѡвъ, гла́съ а҃. Сла́ва, ѻ҆тцє́въ, гла́съ д҃: И҆ ны́нѣ, пра́здника, гла́съ то́йже. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ ст҃ы́хъ ѻ҆тцє́въ. Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва ст҃ы́хъ, гла́съ и҃: Бл҃же́ни є҆стѐ прпⷣбнїи: И҆ ны́нѣ, пра́здника, гла́съ то́йже: Дне́сь <<с҃а: 401>> тва́рь просвѣща́етсѧ: На лїтꙋргі́и, бл҃жє́нна пра́здника, пѣ́снь и҃-ѧ, на д҃: и҆ ѻ҆тцє́въ пѣ́снь ѕ҃-ѧ, на д҃. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ, Что̀ возда́мъ гдⷭ҇еви: А҆по́столъ къ ри́млѧнѡмъ, зача́ло ч҃ѳ: Вѣ́мы, ꙗ҆́кѡ лю́бѧщымъ бг҃а: А҆ллилꙋ́їа, гла́съ д҃: Воззва́ша пра́веднїи: Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: Прича́стенъ, Ра́дꙋйтесѧ.
д҃і. Прпⷣбныхъ ѻ҆тє́цъ на́шихъ, въ сїна́и и҆ раі́ѳѣ и҆збїе́нныхъ.
Возслѣ́дованїе ст҃ы́хъ пое́тсѧ въ г҃і-й де́нь.
И҆ па́мѧть преставле́нїѧ ст҃ы́ѧ равноапⷭ҇льныѧ ні́ны, просвѣти́тельницы грꙋ́зїи.
Въ сі́й же де́нь ѿдае́тсѧ пра́здникъ ст҃ы́хъ бг҃оѧвле́нїй: и҆ быва́етъ слꙋ́жба всѧ̀ непремѣ́ннѡ просвѣще́нїѧ, ве́черъ и҆ ᲂу҆́тро, кромѣ̀ вхо́да и҆ паремі́й, и҆ полѷеле́а, и҆ на лїтꙋргі́и а҆нтїфѡ́нѡвъ.
[[комм.]] Подоба́етъ вѣ́дати, а҆́ще слꙋчи́тсѧ ѿда́нїе бг҃оѧвле́нїѧ въ недѣ́лю, пре́жде мытарѧ̀ и҆ фарїсе́а:
Въ сꙋббѡ́тꙋ на ма́лѣй вече́рни, на Гдⷭ҇и воззва́хъ, стїхи̑ры воскрⷭ҇ны. Сла́ва, и҆ ны́нѣ, пра́здника. На стїхо́внѣ стїхи́ра воскрⷭ҇на є҆ди́на, и҆ пра́здника стїхо́вна со стїхѝ свои́ми вели́кїѧ вече́рни. Сла́ва, и҆ ны́нѣ, пра́здника. Дне́сь хрⷭ҇то́съ: пи́санъ на хвали́техъ. На вели́цѣй вече́рни, по ѻ҆бы́чной стїхоло́гїи, На Гдⷭ҇и воззва́хъ, стїхи̑ры воскрⷭ҇ны, г҃, и҆ а҆нато́лїевъ а҃: и҆ пра́здника ѕ҃: поє́мыѧ на са́мый пра́здникъ. Сла́ва, пра́здника: И҆ ны́нѣ, бг҃оро́диченъ а҃-й, гла́са. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны: Сла́ва: и҆ ны́нѣ, пра́здника. На бл҃гослове́нїи хлѣ́бѡвъ тропа́рь, <<с҃а ѡ҆б.: 402>> Бцⷣе дв҃о: два́жды. и҆ пра́здника, є҆ди́ножды. и҆ чте́нїе въ посла́нїихъ а҆пⷭ҇льскихъ. А҆́ще же нѣ́сть бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ: Сла́ва, и҆ ны́нѣ, пра́здника. На повече́рїи, по Досто́йно, и҆ по Ѻ҆́ч҃е на́шъ, конда́къ пра́здника. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды: Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. и҆ чте́нїе. Непоро́чны, и҆ тропарѝ: А҆́гг҃льскїй собо́ръ: Ѵ҆пакоѝ гла́са. Степє́нна и҆ прѡ́чаѧ гла́са. Прокі́менъ, Всѧ́кое дыха́нїе: Є҆ѵⷢ҇лїе воскрⷭ҇но. и҆ про́чее воскрⷭ҇но, и҆ до канѡ́на. Канѡ́нъ воскрⷭ҇нъ, со і҆рмосо́мъ на д҃: бцⷣѣ, на два̀: и҆ пра́здника ѻ҆́ба канѡ́на, на и҃. Катава́сїа пра́здника. По г҃-й пѣ́сни, конда́къ пра́здника и҆ і҆́косъ: и҆ ѵ҆пакоѝ пра́здника. и҆ чте́нїе пра́здника. По ѕ҃-й пѣ́сни, конда́къ и҆ і҆́косъ воскрⷭ҇нъ, и҆ чте́мъ про́логъ. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника со сла́внымъ д҃, съ припѣ́вы и҆́хъ. Сла́ва, стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ то́чїю. и҆ є҆ктєнїѝ, и҆ ѿпꙋ́стъ. и҆ ѡ҆глаше́нїе. и҆ и҆схожде́нїе ѻ҆бы́чное въ притво́ръ. и҆ ча́съ а҃-й, и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ воскрⷭ҇нъ, глаго́лемъ премѣнѧ́юще. На лїтꙋргі́и, бл҃жє́нна гла́са, на ѕ҃: и҆ пра́здника пѣ́снь ѳ҃-ѧ, ѻ҆бои́хъ канѡ́нѡвъ на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ. И҆ ны́нѣ, пра́здника. Прокі́менъ, а҆по́столъ, и҆ є҆ѵⷢ҇лїе недѣ́ли рѧ́дъ. А҆ллилꙋ́їа, и҆ прича́стенъ пра́здника, и҆ днѐ.
<<с҃в: 403>>
[[комм.]] Зри́мъ же и҆ сегѡ̀ ᲂу҆каза́нїѧ: А҆́ще приспѣ́етъ въ д҃і-й де́нь і҆аннꙋа́рїа, недѣ́лѧ ѡ҆ мытарѝ и҆ фарїсе́и, на ѿда́нїе бг҃оѧвле́нїѧ: Пое́мъ воскрⷭ҇но, и҆ трїѡ́ди и҆ пра́здника.
Въ сꙋббѡ́тꙋ ве́чера, на ма́лѣй вече́рни, стїхи̑ры воскрⷭ҇ны, на д҃. Сла́ва, и҆ ны́нѣ, бг҃оро́диченъ а҃-й гла́са, ма́лыѧ вече́рни. На стїхо́внѣ, стїхи́ра є҆ди́на воскрⷭ҇на, и҆ пра́здника, стїхо́вна вели́кїѧ вече́рни, со стїхѝ є҆ѧ̀. Сла́ва, и҆ ны́нѣ, пра́здника: Дне́сь хрⷭ҇то́съ: пи́санъ на хвали́техъ. По трист҃о́мъ тропа́рь воскрⷭ҇нъ. Сла́ва, и҆ ны́нѣ, пра́здника. є҆ктенїа̀ ма́лаѧ. и҆ ѿпꙋ́стъ. На вели́цѣй вече́рни, Бл҃же́нъ мꙋ́жъ, каѳі́смꙋ всю̀. На Гдⷭ҇и воззва́хъ, стїхи̑ры воскрⷭ҇ны гла́са, г҃: и҆ трїѡ́ди г҃, со сла́внымъ: и҆ пра́здника д҃, поє́мыѧ на са́мый пра́здникъ. Сла́ва, пра́здника: И҆ ны́нѣ, бг҃оро́диченъ а҃-й, гла́са. Вхо́дъ. прокі́менъ днѐ. На лїті́и стїхи̑ры пра́здника: и҆ трїѡ́ди самогла́сенъ: Фарїсе́а велехва́льный гла́съ: Сла́ва, мытарѧ̀ и҆ фарїсе́а: И҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, трїѡ́ди: И҆ ны́нѣ, пра́здника. На бл҃гослове́нїи хлѣ́бѡвъ тропа́рь, Бцⷣе дв҃о, два́жды: и҆ пра́здника, є҆ди́ножды. и҆ чте́нїе. А҆́ще же нѣ́сть бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ. Сла́ва, и҆ ны́нѣ, пра́здника. На повече́рїи, по Досто́йно, по Ѻ҆́ч҃е на́шъ, конда́къ пра́здника. Сла́ва, и҆ ны́нѣ, трїѡ́ди. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ: и҆ непоро́чны. ѵ҆пакоѝ гла́са, и҆ чте́нїе. степє́нна, и҆ прокі́менъ гла́са, и҆ є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во: ѱало́мъ н҃. Сла́ва, Покаѧ́нїѧ: И҆ ны́нѣ, На сп҃се́нїѧ стєзѝ: Та́же, Поми́лꙋй мѧ̀ бж҃е: и҆ Мно́жєства содѣ́ѧнныхъ: Канѡ́нъ воскрⷭ҇нъ, <<с҃в ѡ҆б.: 404>> со і҆рмосо́мъ на д҃: и҆ трїѡ́ди на д҃: и҆ пра́здника ѻ҆́ба канѡ́на на ѕ҃. Катава́сїа пра́здника. По г҃-й пѣ́сни, конда́къ и҆ і҆́косъ, и҆ сѣда́ленъ трїѡ́ди. Сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ пра́здника. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, трїѡ́ди: И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника со сла́внымъ д҃, съ припѣ́вы и҆́хъ. Сла́ва, самогла́сенъ трїѡ́ди: И҆ ны́нѣ, Пребл҃гослове́нна є҆сѝ бцⷣе дв҃о: Славосло́вїе вели́кое. По трист҃о́мъ тропа́рь воскрⷭ҇нъ то́чїю. Є҆ктєнїѝ, и҆ ѿпꙋ́стъ и҆ и҆схожде́нїе въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ. и҆ ча́съ а҃-й, и҆ соверше́нный ѿпꙋ́стъ. На а҃-мъ часѣ̀ тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По трист҃о́мъ конда́къ трїѡ́ди. та́кожде и҆ на г҃-мъ, и҆ на ѕ҃-мъ, и҆ на ѳ҃-мъ часѣ́хъ глаго́лемъ тропарѝ. Кондаки́ же пра́здника, и҆ трїѡ́ди, премѣнѧ́юще глаго́лемъ. На лїтꙋргі́и, бл҃жє́нна гла́са, на д҃: и҆ трїѡ́ди пѣ́снь г҃-ѧ, на д҃: и҆ пра́здника пѣ́снь ѳ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ трїѡ́ди: И҆ ны́нѣ, пра́здника. Прокі́менъ гла́са, и҆ пра́здника: А҆по́столъ, и҆ є҆ѵⷢ҇лїе днѐ. Прича́стенъ, Хвали́те гдⷭ҇а съ нб҃съ: Дрꙋгі́й, пра́здника.
є҃і. Прпⷣбныхъ ѻ҆тє́цъ на́шихъ, па́ѵла ѳиве́йскагѡ. и҆ і҆ѡа́нна кꙋ́щника.
Стїхи̑ры на ѕ҃: па́ѵла г҃, гла́съ а҃. Подо́бенъ, Нбⷭ҇ныхъ чинѡ́въ: І҆ѡа́нна, г҃, гла́съ в҃. Подо́бенъ, Є҆гда̀ ѿ дре́ва: Сла́ва, і҆ѡа́нна, гла́съ то́йже: Ѿве́ргсѧ мі́ра: И҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, па́ѵла гла́съ ѕ҃: Прпⷣбне ѻ҆́тче, во всю̀ зе́млю: И҆ ны́нѣ, бг҃оро́диченъ. <<с҃г: 405>> Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃ де́нь. На ᲂу҆́трени, на Бг҃ъ гдⷭ҇ь, тропа́рь ст҃ы́хъ, два́жды. Сла́ва и҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. [зрѝ] Ѿ сегѡ̀ днѐ начина́емъ па́ки стїхосло́вити по трѝ каѳі̑смы: и҆ сѣда́льны ѻ҆ктѡ́иха. А҆ на вече́рни, Ко гдⷭ҇ꙋ внегда̀ скорбѣ́ти мѝ: и҆ чте́нїе. Глаго́лемъ же ѿ дне́сь и҆ пѣ́сни: Гдⷭ҇еви пое́мъ: Канѡ́нъ ѻ҆ктѡ́иха є҆ди́нъ, со і҆рмосо́мъ на ѕ҃: и҆ ст҃ы́хъ два̀, на и҃: Па́ѵла, гла́съ и҃. І҆ѡа́нна, гла́съ в҃. По г҃-й пѣ́сни,
Конда́къ па́ѵла, гла́съ г҃. Подо́бенъ: Дв҃а дне́сь:
Ꙗ҆́кѡ свѣти́ло незаходѧ́щее мы́сленнагѡ сл҃нца, соше́дшесѧ дне́сь восхва́лимъ въ пѣ́снехъ: возсїѧ́лъ бо є҆сѝ сꙋ́щымъ во тьмѣ̀ неразꙋ́мїѧ, всѧ̑ возводѧ̀ къ бж҃е́ственнѣй высотѣ̀, ѳиве́євъ ᲂу҆краше́нїе, па́ѵле преподо́бне, ѻ҆тцє́въ и҆ по́стникѡвъ тве́рдое ѻ҆снова́нїе.
И҆ сѣда́ленъ, гла́съ а҃. Сла́ва, і҆ѡа́нна, гла́съ г҃: И҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ г҃. Подо́бенъ: Вы́шнихъ и҆щѧ̀:
Возлюби́въ премꙋ́дре нищетꙋ̀ неѡкра́домꙋ, роди́телей твои́хъ бога́тство возненави́дѣлъ є҆сѝ, и҆ є҆ѵⷢ҇лїе въ рꙋка́хъ твои́хъ держа̀, послѣ́довалъ є҆сѝ хрⷭ҇тꙋ̀ бг҃ꙋ і҆ѡа́нне, молѧ́сѧ непреста́ннѡ ѡ҆ всѣ́хъ на́съ.
И҆ і҆́косъ. По ѳ҃-й пѣ́сни свѣти́ленъ і҆ѡа́нна, Сла́ва, и҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, па́ѵла, гла́съ и҃: Мона́хѡвъ мно́жєства: И҆ ны́нѣ, бг҃оро́диченъ. На лїтꙋргі́и, бл҃жє́нна ѿ канѡ́на па́ѵла, пѣ́снь г҃: и҆ і҆ѡа́нна, пѣ́снь ѕ҃. Прокі́менъ, гла́съ и҃: Восхва́лѧтсѧ прпⷣбнїи во сла́вѣ: Сті́хъ: Воспо́йте гдⷭ҇еви пѣ́снь но́вꙋ: А҆по́столъ къ гала́тѡмъ, зача́ло сг҃і: Пло́дъ дх҃о́вный: А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: <<с҃г ѡ҆б.: 406>> Си́льно на землѝ бꙋ́детъ сѣ́мѧ є҆гѡ̀. Є҆ѵⷢ҇лїе матѳе́а, зача́ло м҃г: Всѧ̑ мнѣ̀ предана̀ сꙋ́ть: Прича́стенъ: Въ па́мѧть вѣ́чнꙋю:
[зрѝ] Подоба́етъ вѣ́дати: Ѿ сегѡ̀ числа̀, Катава́сїа: Сꙋ́шꙋ глꙋбороди́тельнꙋю: и҆ до ѿда́нїѧ пра́здника срѣ́тенїѧ. Ѿ дне́сь же начина́емъ междоча́сїе пѣ́ти въ це́ркви, и҆ канѡ́нъ моле́бный бцⷣѣ, пое́мый на повече́рїи.
ѕ҃і. Поклоне́нїе чⷭ҇тны́хъ вери́гъ ст҃а́гѡ и҆ всехва́льнагѡ а҆пⷭ҇ла петра̀.
На Гдⷭ҇и воззва́хъ, стїхи̑ры на ѕ҃: гла́съ г҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Дне́сь на́мъ: На стїхо́внѣ ѻ҆ктѡ́иха. Сла́ва гла́съ ѕ҃: Па́ки на́съ те́плый: И҆ ны́нѣ, бг҃оро́диченъ и҆лѝ крⷭ҇тобг҃оро́диченъ.
Тропа́рь, гла́съ д҃:
Ри́ма не ѡ҆ста́вль къ на́мъ прише́лъ є҆сѝ, честны́ми вери́гами, ꙗ҆̀же носи́лъ є҆сѝ, а҆по́столѡвъ первопресто́льнѣ. и҆̀мже вѣ́рою покланѧ́ющесѧ, мо́лимсѧ: твои́ми къ бг҃ꙋ мл҃твами, да́рꙋй на́мъ ве́лїю млⷭ҇ть.
Сла́ва и҆ ны́нѣ, бг҃оро́диченъ. На ᲂу҆́трени, ѻ҆́ба канѡ́на ѻ҆ктѡ́иха, и҆ а҆пⷭ҇ла на ѕ҃, гла́съ д҃. По г҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Ка́мень хрⷭ҇то́съ, ка́менѧ вѣ́ры, прославлѧ́етъ свѣ́тлѡ ᲂу҆ченикѡ́въ первопресто́льника: созыва́етъ бо всѧ̑ пра́здновати пе́тре, чꙋдесѝ твоеѧ̀ чⷭ҇тны́ѧ вери́ги и҆ подае́тъ согрѣше́нїй проще́нїе.
Та́же сѣда́ленъ, гла́съ д҃, два́жды. По ѕ҃-й пѣ́сни,
Конда́къ, гла́съ в҃. Подо́бенъ: Въ моли́твахъ:
Верхо́внаго и҆ пе́рваго а҆по́столѡвъ, и҆́стины бж҃е́ственнаго ᲂу҆ченика̀, петра̀ вели́каго восхва́лимъ, и҆ тогѡ̀ вѣ́рою цѣлꙋ́емъ вери̑ги, прегрѣше́нїй разрѣше́нїе прїе́млюще.
<<с҃д: 407>>
И҆ і҆́косъ. По ѳ҃-й пѣ́сни, свѣти́ленъ а҆по́стола. На стїхо́внѣ ѻ҆ктѡ́иха. Сла́ва, гла́съ д҃: Трикра́тнымъ вопроше́нїемъ: На лїтꙋргі́и, бл҃жє́нна ѿ канѡ́на а҆по́стола, пѣ́снь г҃-ѧ и҆ ѕ҃-ѧ. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ дѣѧ́нїй, зача́ло к҃ѳ: Возложѝ и҆́рѡдъ ца́рь рꙋ́цѣ: А҆ллилꙋ́їа, гла́съ а҃: И҆сповѣ́дѧтъ нб҃са̀: Є҆ѵⷢ҇лїе і҆ѡа́нна, зача́ло ѯ҃з. Прича́стенъ: Во всю̀ зе́млю:
з҃і. Прпⷣбнагѡ и҆ бг҃оно́снагѡ ѻ҆тца̀ на́шегѡ а҆нтѡ́нїа вели́кагѡ.
А҆́ще восхо́щетъ настоѧ́тель, твори́мъ бдѣ́нїе: На ма́лѣй вече́рни, стїхи̑ры на д҃, гла́съ в҃. Подо́бенъ: Є҆гда̀ ѿ дре́ва: Сла́ва, гла́съ г҃: Прпⷣбне а҆нтѡ́нїе: И҆ ны́нѣ, бг҃оро́диченъ: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ бг҃оро́диченъ. Тропа́рь ст҃а́гѡ. Сла́ва, и҆ ны́нѣ бг҃оро́диченъ: Є҆́же ѿ вѣ́ка: И҆ ѿпꙋ́стъ. На вели́цѣй вече́рни, на Гдⷭ҇и воззва́хъ, стїхи̑ры на и҃: гла́съ д҃. Подо́бенъ: Зва́нный свы́ше: Сла́ва, гла́съ ѕ҃: Є҆́же по ѻ҆́бразꙋ: И҆ ны́нѣ: Кто̀ тебѐ не ᲂу҆блажи́тъ: Вхо́дъ, прокі́менъ днѐ, и҆ чтє́нїѧ трѝ, прпⷣбничєскаѧ. На лїті́и стїхи́ра хра́ма: и҆ ст҃а́гѡ самогла́сны трѝ, гла́съ в҃. Сла́ва, гла́съ є҃: Прпⷣбне ѻ҆́тче, гла́съ є҆ѵⷢ҇лїа: И҆ ны́нѣ: Бл҃жи́мъ тѧ̀ бцⷣе: На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. Сла́ва, гла́съ и҃: Мона́хѡвъ мно́жества: И҆ ны́нѣ, Безневѣ́стнаѧ дв҃о: На бл҃гослове́нїи хлѣ́бѡвъ,
Тропа́рь, гла́съ д҃:
Ревни́телѧ и҆лїю̀ нра́вы подража́ѧ, крⷭ҇ти́телю пра́выми стезѧ́ми послѣ́дꙋѧ, ѻ҆́тче а҆нтѡ́нїе, пꙋсты́ни бы́лъ є҆сѝ жи́тель, и҆ вселе́ннꙋю <<с҃д ѡ҆б.: 408>> ᲂу҆тверди́лъ є҆сѝ мл҃твами твои́ми. тѣ́мже молѝ хрⷭ҇та̀ бг҃а, спасти́сѧ дꙋша́мъ на́шымъ. Два́жды.
И҆ Бцⷣе дв҃о, є҆ди́ножды. и҆ бл҃гослове́нїе хлѣ́бѡвъ: и҆ чте́нїе. На ᲂу҆́трени, на Бг҃ъ гдⷭ҇ь, тропа́рь два́жды. Сла́ва, и҆ ны́нѣ: Є҆́же ѿ вѣ́ка: и҆ ѻ҆бы̑чныѧ каѳі̑смы. По каѳі́смахъ сѣда́льны ст҃а́гѡ: и҆ чте́нїе. Та́же полѷеле́й. и҆ сѣда́ленъ, гла́съ и҃: и҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇ви: Всѧ́кое дыха́нїе: Є҆ѵⷢ҇лїе матѳе́а, зача́ло м҃г: Всѧ̑ мнѣ̀ предана̀ сꙋ́ть: Ѱало́мъ н҃, стїхи́ра, гла́съ ѕ҃: Прпⷣбне ѻ҆́тче, во всю̀ зе́млю: Канѡ́нъ бцⷣы, со і҆рмосо́мъ на ѕ҃, гла́съ в҃: Нетре́нꙋ, неѻбы́чнꙋ: и҆ ст҃а́гѡ на и҃, гла́съ и҃. Катава́сїа: Сꙋ́шꙋ глꙋбороди́тельнꙋю зе́млю: По г҃-й пѣ́сни, сѣда́ленъ ст҃а́гѡ, гла́съ и҃, два́жды. Сла́ва, и҆ ны́нѣ бг҃оро́диченъ. По ѕ҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Житє́йскїѧ молвы̀ ѿри́нꙋвъ, безмо́лвнѡ житїѐ сконча́лъ є҆сѝ, крⷭ҇ти́телѧ подража́ѧй всѧ́кимъ ѡ҆́бразомъ прпⷣбнѣйшїй: съ ни́мъ ᲂу҆́бѡ тѧ̀ почита́емъ, ѻ҆тцє́въ нача́льниче а҆нтѡ́нїе.
И҆ і҆́косъ. По ѳ҃-й пѣ́сни, свѣти́ленъ два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры на д҃, гла́съ и҃. Подо́бенъ: Ѽ пресла́внагѡ чꙋдесѐ: Сла́ва, гла́съ то́йже, самогла́сенъ: На нб҃о текꙋ́щꙋю: И҆ ны́нѣ: Влⷣчце прїимѝ: Славосло́вїе вели́кое. По трⷭ҇то́мъ, тропа́рь ст҃а́гѡ: Сла́ва, и҆ ны́нѣ, бг҃оро́диченъ: Є҆́же ѿ вѣ́ка: Є҆ктєнїѝ, и҆ ѿпꙋ́стъ: и҆ дае́тсѧ є҆ле́й ѿ канди́ла ст҃а́гѡ: и҆ ча́съ а҃: и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на ст҃а́гѡ, пѣ́снь г҃-ѧ и҆ ѕ҃-ѧ. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇ви: А҆по́столъ ко є҆вре́ємъ, зача́ло тл҃є: Повинꙋ́йтесѧ наста́вникѡмъ ва́шымъ: А҆ллилꙋ́їа, гла́съ ѕ҃: <<с҃є: 409>> Бл҃же́нъ мꙋ́жъ, боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: Прича́стенъ: Въ па́мѧть вѣ́чнꙋю:
и҃і. И҆̀же во ст҃ы́хъ ѻ҆тє́цъ на́шихъ и҆ а҆рхїепⷭ҇кпѡвъ а҆леѯандрі́йскихъ, а҆ѳана́сїа и҆ кѷрі́лла .
Ве́черъ, ѻ҆бы́чнаѧ каѳі́сма. На гдⷭ҇и воззва́хъ, стїхи̑ры на ѕ҃, а҆ѳана́сїа, гла́съ д҃. Подо́бенъ: Ꙗ҆́кѡ до́блѧ: И҆ кѷрі́лла, гла́съ и҆ подо́бенъ то́йже. Сла́ва, гла́съ ѕ҃: Хрⷭ҇то́ва і҆ера́рха воспое́мъ: И҆ ны́нѣ, бг҃оро́диченъ и҆лѝ крⷭ҇тобг҃оро́диченъ. На стїхо́внѣ ѻ҆ктѡ́иха. Сла́ва, а҆ѳана́сїа, гла́съ г҃: Па́ки на́мъ златоте́чный ні́лъ: И҆ ны́нѣ, бг҃оро́диченъ. Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃ де́нь.
И҆лѝ се́й, гла́съ г҃:
Дѣ́лы возсїѧ́вше правосла́вїѧ, всѐ погаси́вше ѕлосла́вїе, побѣди́телїе побѣдоно́сцы бы́сте, благоче́стїемъ всѧ̑ ѡ҆богати́вше, це́рковь вельмѝ ᲂу҆краси́вше: досто́йнѡ ѡ҆брѣто́стѣ хрⷭ҇та̀ бг҃а, да́рꙋюща на́мъ ве́лїю млⷭ҇ть.
На ᲂу҆́трени, на Бг҃ъ гдⷭ҇ь, тропа́рь ст҃ы́хъ, два́жды: и҆ ѻ҆бы̑чныѧ каѳі̑смы: и҆ чте́нїе. Канѡ́нъ ѻ҆ктѡ́иха є҆ди́нъ, на ѕ҃: и҆ ст҃ы́хъ два̀, на и҆ а҆ѳана́сїа, гла́съ и҃: кѷрі́лла, гла́съ д҃. По г҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Сщ҃еннонача́льницы велича́йшїи благоче́стїѧ, и҆ до́блїи побо́рницы це́ркве хрⷭ҇то́вы, всѧ̑ соблюди́те пою́щыѧ: спасѝ ще́дре вѣ́рою чтꙋ́щыѧ тѧ̀.
И҆ сѣда́ленъ а҆ѳана́сїа, гла́съ, г҃. Сла́ва, кѷрі́лла, гла́съ то́йже. По ѕ҃-й пѣ́сни,
<<с҃є ѡ҆б.: 410>>
Конда́къ. гла́съ в҃. Подо́бенъ: Крове́й твои́хъ:
Правосла́вїѧ насади́въ ᲂу҆чє́нїѧ, ѕлосла́вїѧ те́рнїе и҆зсѣ́клъ є҆сѝ, ᲂу҆мно́живъ сѣ́мѧ вѣ́ры ѡ҆дожде́нїемъ дх҃а прпⷣбне: тѣ́мже тѧ̀ пое́мъ а҆ѳана́сїе.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃ы́хъ. И҆ ны́нѣ, бг҃оро́диченъ. На стїхо́внѣ ѻ҆ктѡ́иха, та́же припѣ́въ: Сщ҃е́нницы твоѝ ѡ҆блекꙋ́тсѧ: И҆ стїхи́ра, гла́съ г҃: Ве́лїю похвалꙋ̀: Сла́ва, гла́съ то́йже: Вели́ка и҆́стины трꙋба̀: И҆ ны́нѣ бг҃оро́диченъ. На лїтꙋргі́и, бл҃жє́нна а҆ѳана́сїа, пѣ́снь г҃, на д҃. и҆ кѷрі́лла, пѣ́снь ѕ҃-ѧ, на д҃. Прокі́менъ, гла́съ и҃: Восхва́лѧтсѧ прпⷣбнїи во сла́вѣ: Сті́хъ: Воспо́йте гдⷭ҇еви пѣ́снь но́вꙋ: А҆по́столъ къ є҆вре́ємъ, зача́ло тл҃д: Помина́йте наста́вники ва́шѧ: А҆ллилꙋ́їа, гла́съ в҃: Сщ҃е́нницы твоѝ ѡ҆блекꙋ́тсѧ въ пра́вдꙋ: Є҆ѵⷢ҇лїе матѳе́а, зача́ло а҃і: Вы̀ є҆стѐ свѣ́тъ мі́ра: Прича́стенъ: Ра́дꙋйтесѧ:
ѳ҃і. Прпⷣбнагѡ ѻ҆тца̀ на́шегѡ мака́рїа є҆гѵ́птѧнина.
На Гдⷭ҇и воззва́хъ, стїхи̑ры на ѕ҃, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ и҃: Весели́сѧ є҆гѵ́пте: На стїхо́внѣ ѻ҆ктѡ́иха. Сла́ва, гла́съ ѕ҃: Прпⷣбне ѻ҆́тче, во всю̀ зе́млю: И҆ ны́нѣ, бг҃оро́диченъ. Тропа́рь, гла́съ а҃: Пꙋсты́нный жи́тель: септе́мврїа въ к҃ѳ де́нь. Сла́ва и҆ ны́нѣ, бг҃оро́диченъ и҆лѝ крⷭ҇тобг҃оро́диченъ. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на ѕ҃, гла́съ д҃. По г҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Въ домꙋ̀ гдⷭ҇ь воздержа́нїѧ, вои́стиннꙋ тѧ̀ положѝ ꙗ҆́коже ѕвѣздꙋ̀ непреле́стнꙋю, свѣтоводѧ́щꙋ концы̀, ѻ҆́тче ѻ҆тцє́въ, мака́рїе прпⷣбне.
<<с҃ѕ: 411>>
Та́же сѣда́ленъ, гла́съ а҃, два́жды. По ѕ҃-й пѣ́сни,
Конда́къ, гла́съ а҃. Подо́бенъ: Ли́къ а҆́гг҃льскїй:
Бл҃же́ннꙋю жи́знь сконча́въ въ житїѝ съ мꙋ́ченическими ли́ки, въ землѝ кро́ткихъ досто́йнѡ водворѧ́ешисѧ, бг҃оно́сне мака́рїе, и҆ пꙋсты́ню, ꙗ҆́коже гра́дъ насели́въ, бл҃года́ть прїѧ́лъ є҆сѝ ѿ бг҃а чꙋде́съ: тѣ́мже тѧ̀ почита́емъ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. Сла́ва, гла́съ д҃: Просїѧ́ша дѡ́браѧ дѣла̀ твоѧ̑: На лїтꙋргі́и, бл҃жє́нна ѻ҆ктѡ́иха на д҃: и҆ ст҃а́гѡ пѣ́снь ѕ҃-ѧ на д҃: и҆ всѧ̀ слꙋ́жба сегѡ̀ мцⷭ҇а въ є҃і де́нь.
И҆ ѡ҆брѣ́тенїе чⷭ҇тны́хъ моще́й прпⷣбнагѡ са́ввы стороже́вскагѡ.
Тропа́рь, гла́съ и҃:
Ѿ ю҆́ности бж҃е́ственною распалѧ́емь ре́вностїю, возлюби́лъ є҆сѝ чи́стое житїѐ: презрѣ́въ мі́ра сегѡ̀ кра̑снаѧ и҆ сꙋ́єтнаѧ, послѣ́довалъ є҆сѝ твоемꙋ̀ бг҃омꙋ́дромꙋ ᲂу҆чи́телю, пребл҃же́нномꙋ се́ргїю, въ трꙋдѣ̀ и҆ бдѣ́нїи, въ постѣ̀ и҆ по́двизѣ: на сторо́жи ꙗ҆́вльсѧ безмо́лвїѧ ра́ди и҆ стра́жи дꙋхо́вныѧ, не дре́мленнымъ на бж҃е́ственнѣй стра́жи предстоѧ́нїемъ стѧжа́лъ є҆сѝ ᲂу҆́мъ, зрѧ́й къ бг҃ꙋ и҆ де́мѡнскїѧ кѡ́зни и҆ ѡ҆бстоѧ̑нїѧ прозира́ѧй: ѡ҆заре́нїе прест҃а́гѡ дх҃а въ себѐ воспрїе́мъ, ꙗ҆́кѡ ѕвѣзда̀ пресвѣ́тлаѧ возсїѧ́лъ є҆сѝ вѣ̑рнымъ. тѣ́мже и҆ премꙋ́дръ и҆ свѣтоза́ренъ предстоѧ́тель, и҆ па́стырь ста́дꙋ твоемꙋ̀ ꙗ҆ви́лсѧ є҆сѝ: свѣ́томъ твои́мъ просвѣща́й и҆ всѣ́хъ, приходѧ́щихъ къ тебѣ̀ вѣ́рою, ѻ҆́тче на́шъ са́вво, и҆ молѝ хрⷭ҇та̀ бг҃а, да спасе́тъ дꙋ́шы на́шѧ.
Конда́къ, гла́съ и҃:
Безмо́лвїѧ ра́ди и҆ пло́ти распина́нїѧ всели́выйсѧ на горѣ̀ сторо́жи, ꙗ҆ви́лсѧ є҆сѝ прпⷣбне са́вво, сто́лпъ вѣ́ры непоколеби́мый, ѿ прест҃а́гѡ дх҃а ѡ҆сїѧ́нный, ѻ҆би́тель пречⷭ҇тна́ѧ трⷪ҇цы, и҆ непреста́нными <<с҃ѕ: 411>> моли́твами, сле́зными воздыха́нїи и҆ по́двигами, бл҃года́ти бж҃е́ственныѧ соприча́стникъ: тѣ́мже и҆ хрⷭ҇то́съ въ нетлѣ́нїи моще́й твои́хъ просла́ви тѧ̀, и҆ да́ромъ чꙋде́съ ᲂу҆краси́ тѧ. мы́ же ра́достнѡ тѝ вопїе́мъ: ра́дꙋйсѧ са́вво, вели́кїй чꙋдотво́рче.
к҃. Прпⷣбнагѡ и҆ бг҃оно́снагѡ ѻ҆тца̀ на́шегѡ є҆ѵѳѵ́мїа вели́кагѡ.
А҆́ще хо́щетъ настоѧ́тель, твори́мъ бдѣ́нїе. На ма́лѣй вече́рни, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ в҃: Прпⷣбне ѻ҆́тче: И҆ ны́нѣ, бг҃оро́диченъ. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, бг҃оро́диченъ.
Тропа́рь, гла́съ д҃:
Весели́сѧ пꙋсты́нѧ неражда́ющаѧ, бл҃годꙋ́шствꙋй неболѧ́щаѧ: ꙗ҆́кѡ ᲂу҆мно́жи тебѣ̀ ча́да мꙋ́жъ жела́нїй дх҃о́вныхъ, бл҃гоче́стїемъ насади́въ, воздержа́нїемъ воспита́въ, въ добродѣ́телей соверше́нство: тогѡ̀ мл҃твами хрⷭ҇тѐ бж҃е, ᲂу҆мирѝ живо́тъ на́шъ.
Сла́ва, и҆ ны́нѣ: Є҆́же ѿ вѣ́ка: И҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀ пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ а҃. Подо́бенъ: Всехва́льнїи мч҃нцы: И҆́ны стїхи̑ры, гла́съ д҃. Подо́бенъ: Зва́нный свы́ше: Сла́ва, гла́съ г҃: Ѡ҆сщ҃е́нъ бы́въ бг҃ꙋ: И҆ ны́нѣ: Ка́кѡ не диви́мсѧ: Вхо́дъ, прокі́менъ днѐ: и҆ чтє́нїѧ г҃, прпⷣбничєскаѧ. На лїті́и стїхи́ра хра́ма: и҆ ст҃а́гѡ, самогла́сны трѝ, гла́съ в҃. Сла́ва, гла́съ д҃: Просїѧ́ша дѡ́браѧ: И҆ ны́нѣ: При́зри на молє́нїѧ: На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. Сла́ва, гла́съ є҃: Прпⷣбне ѻ҆́тче, не да́лъ є҆сѝ <<с҃з: 413>> сна̀: И҆ ны́нѣ: Бл҃жи́мъ тѧ̀ бцⷣе: На бл҃гослове́нїи хлѣ́бѡвъ, Тропа́рь, гла́съ д҃: Весели́сѧ пꙋсты́нѧ неражда́ющаѧ: два́жды. Пи́санъ на ма́лѣй вече́рни: и҆ Бцⷣе дв҃о: є҆ди́ножды. и҆ чте́мъ ѡ҆ житїѧ̀ ст҃а́гѡ. На ᲂу҆́трени, на Бг҃ъ гдⷭ҇ь, тропа́рь ст҃а́гѡ два́жды. Сла́ва, и҆ ны́нѣ, Є҆́же ѿ вѣ́ка: и҆ ѻ҆бы̑чныѧ каѳі̑смы, и҆ сѣда́льны прпⷣбнагѡ, и҆ чте́нїе. Полѷеле́й, и҆ сѣда́ленъ є҆гѡ̀ два́жды. Сла́ва, и҆ ны́нѣ, бг҃оро́диченъ, и҆ чте́нїе ѿ житїѧ̀ ст҃а́гѡ. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: Є҆ѵⷢ҇лїе матѳе́а, зача́ло м҃г. Всѧ̑ мнѣ̀ предана̑ сꙋ́ть: ѱало́мъ н҃. Стїхи́ра, гла́съ ѕ҃: прпⷣбне ѻ҆́тче: Канѡ́нъ бцⷣы д҃- гѡ гла́са со і҆рмосо́мъ на ѕ҃, и҆ ст҃а́гѡ два̀ канѡ́на: є҆ди́нъ, гла́съ д҃, дрꙋгі́й, гла́съ и҃. Катава́сїа, Сꙋ́шꙋ глꙋбороди́тельнꙋю: По г҃-й пѣ́сни, сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ и҃. Подо́бенъ: Ꙗ҆́кѡ нача́тки:
Въ честнѣ́мъ ржⷭ҇твѣ̀ твое́мъ ра́дость тва́рь ѡ҆брѣ́те, и҆ въ бж҃е́ственнѣй па́мѧти твое́й прпⷣбне, бл҃годꙋ́шїе прїѧ́тъ мно́гихъ твои́хъ чꙋде́съ: ѿ ни́хже пода́ждь бога́тнѡ въ дꙋ́шы на́шѧ, и҆ ѡ҆чи́сти грѣхѡ́въ сквє́рны, ꙗ҆́кѡ да пое́мъ: а҆ллилꙋ́їа.
И҆ і҆́косъ. По ѳ҃-й пѣ́сни, свѣти́ленъ ст҃а́гѡ, два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры на д҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ то́йже: Мона́хѡвъ мно́жєства: И҆ ны́нѣ, Влⷣчце прїимѝ: Славосло́вїе вели́кое. По трист҃о́мъ тропа́рь ст҃а́гѡ. Сла́ва, и҆ ны́нѣ, Є҆́же ѿ вѣ́ка: Є҆ктєнїѝ, и҆ ѿпꙋ́стъ. и҆ дае́тсѧ є҆ле́й ѿ канди́ла ст҃а́гѡ. и҆ ча́съ а҃-й. На а҃-мъ часѣ̀ тропа́рь ст҃а́гѡ. По трист҃о́мъ, конда́къ є҆гѡ̀, и҆ соверше́нный ѿпꙋ́стъ. На лїтꙋргі́и, бл҃жє́нна ѿ <<с҃з ѡ҆б.: 414>> канѡ́на ст҃а́гѡ, пѣ́снь г҃-ѧ и҆ ѕ҃-ѧ. И҆ про́чаѧ всѧ̑ слꙋ́жба сегѡ̀ мѣ́сѧца въ з҃і-й де́нь.
к҃а. Прпⷣбнагѡ ѻ҆тца̀ на́шегѡ маѯі́ма и҆сповѣ́дника: И҆ ст҃а́гѡ мч҃нка неофѵ́та .
Стїхи̑ры на ѕ҃: Маѯі́ма, гла́съ д҃. Подо́бенъ: Ꙗ҆́кѡ до́блѧ: и҆ мч҃нка, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, прпⷣбнагѡ, гла́съ ѕ҃: Прпⷣбне ѻ҆́тче, во всю̀ зе́млю: На стїхо́внѣ ѻ҆ктѡ́иха. Сла́ва, гла́съ и҃. Мона́хѡвъ мно́жєства: И҆ ны́нѣ, бг҃оро́диченъ. Тропа́рь, гла́съ и҃: Правосла́вїѧ наста́вниче: ѻ҆ктѡ́врїа въ а҃і-й де́нь: Дрꙋгі́й: Мч҃нкъ тво́й гдⷭ҇и: септе́мврїа въ в҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: и҆ ст҃ы́хъ два̀ канѡ́на, на и҃, гла́съ и҃. По г҃-й пѣ́сни,
Конда́къ, гла́съ и҃. Подо́бенъ: Взбра́нной:
Трⷪ҇цы рачи́телѧ и҆ вели́каго маѯі́ма, наꙋча́юща ꙗ҆́снѡ вѣ́рѣ бж҃е́ственнѣй, є҆́же сла́вити хрⷭ҇та̀ во двꙋ̀ є҆стества́хъ, во́лѧхъ же и҆ дѣ́йствахъ сꙋ́ща, въ пѣ́снехъ досто́йныхъ вѣ́рнїи почти́мъ взыва́юще: ра́дꙋйсѧ проповѣ́дниче вѣ́ры.
Та́же сѣда́ленъ маѯі́ма, гла́съ є҃. Сла́ва, мч҃нка, гла́съ д҃: И҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ ѕ҃. Подо́бенъ: Є҆́же ѡ҆ на́съ:
Свѣ́тъ трисїѧ́нный все́льшїйсѧ въ дꙋ́шꙋ твою̀, сосꙋ́дъ и҆збра́нъ показа́ тѧ всебл҃же́нне: ꙗ҆влѧ́юща бж҃е́ствєннаѧ концє́мъ, неꙋдобопости́жныхъ разꙋмѣ́нїй ты̀ сказꙋ́ѧй бл҃же́нне, и҆ трⷪ҇цꙋ всѣ̑мъ маѯі́ме воспроповѣ́дꙋѧй ꙗ҆́снѡ, пресꙋ́щнꙋю, безнача́льнꙋю.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. И҆ ны́нѣ, бг҃оро́диченъ. На стїхо́внѣ ѻ҆ктѡ́иха: и҆ про́чаѧ слꙋ́жба по ѻ҆бы́чаю. На лїтꙋргі́и, Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀, ᲂу҆дивѝ <<с҃и: 415>> гдⷭ҇ь всѧ̑ хотѣ̑нїѧ своѧ̑ въ ни́хъ. Сті́хъ: Предзрѣ́хъ гдⷭ҇а предо мно́ю вы́нꙋ, ꙗ҆́кѡ ѡ҆деснꙋ́ю менѐ є҆́сть, да не подви́жꙋсѧ. А҆по́столъ къ є҆вре́ємъ, зача́ло т҃л: Ст҃і́и всѝ и҆̀же вѣ́рою: А҆ллилꙋ́їа, гла́съ д҃: Воззва́ша првⷣнїи, и҆ гдⷭ҇ь ᲂу҆слы́ша и҆̀хъ. Є҆ѵⷢ҇лїе лꙋкѝ, зача́ло ѯ҃д: Всѧ́къ и҆́же а҆́ще и҆сповѣ́сть мѧ̀: Прича́стенъ: Ра́дꙋйтесѧ:
Въ то́йже де́нь ст҃ы́хъ мч҃нкѡвъ є҆ѵге́нїа, канді́да, ᲂу҆алерїа́на и҆ а҆кѵ́лы :
Слꙋ́жба и҆́хъ пое́тсѧ на повече́рїи.
к҃в. Ст҃а́гѡ а҆пⷭ҇ла тїмоѳе́а . И҆ ст҃а́гѡ прпⷣбномч҃нка а҆наста́сїа пе́рсскагѡ.
Стїхи̑ры а҆пⷭ҇ла, гла́съ а҃. Подо́бенъ: Всехва́льнїи мч҃нцы: И҆ прпⷣбнагѡ, гла́съ и҆ подо́бенъ то́йже. Сла́ва, а҆пⷭ҇ла, гла́съ и҃: Бг҃омъ предѡпредѣле́нъ: На стїхо́внѣ ѻ҆ктѡ́иха. Та́же глаго́лемъ припѣ́въ: Во всю̀ зе́млю и҆зы́де вѣща́нїе и҆́хъ: И҆ пое́мъ стїхи́рꙋ самогла́снꙋ а҆пⷭ҇ла, гла́съ а҃: Свѣти́льника вѣ́рныхъ: Сла́ва, прпⷣбнагѡ, гла́съ в҃: Возвели́чилъ є҆сѝ хрⷭ҇тѐ: И҆ ны́нѣ, бг҃оро́диченъ. Тропа́рь а҆пⷭ҇ла, гла́съ д҃: ѻ҆ктѡ́врїа въ г҃-й де́нь: Бл҃гости наꙋчи́всѧ: Дрꙋгі́й, Мч҃нкъ тво́й гдⷭ҇и: септе́мврїа во в҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: и҆ ст҃ы́хъ два̀ канѡ́на на и҃, гла́съ а҃. По г҃-й пѣ́сни, сѣда́ленъ а҆пⷭ҇ла, гла́съ д҃. Сла́ва, мч҃нка, гла́съ то́йже: По ѕ҃-й пѣ́сни,
Конда́къ, гла́съ а҃. Подо́бенъ: Ли́къ а҆́гг҃льскїй:
Бж҃е́ственнаго ᲂу҆ченика̀, и҆ спꙋтеше́ственника па́ѵлова тїмоѳе́а вѣ́рнїи воспои́мъ всѝ пѣ́сньми: съ си́мъ почита́юще мꙋ́драго а҆наста́сїа, возсїѧ́вшаго ѿ персі́ды ꙗ҆́кѡ ѕвѣздꙋ̀, и҆ ѿгонѧ́щаго дꙋшє́вныѧ на́шѧ стра̑сти, и҆ недꙋ́ги тѣлє́сныѧ.
<<с҃и ѡ҆б.: 416>>
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ: И҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, гла́съ є҃: Прпⷣбне ѻ҆́тче. И҆ ны́нѣ, бг҃оро́диченъ. На лїтꙋргі́и, бл҃жє́нна ѻ҆ктѡ́иха, на д҃: и҆ а҆пⷭ҇ла пѣ́снь г҃-ѧ, на д҃: Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ къ тїмоѳе́ю, зача́ло с҃ч ѿ полꙋ̀: Ча́до тїмоѳе́е, бл҃годарю̀ бг҃а: А҆ллилꙋ́їа: И҆сповѣ́дѧтъ нб҃са̀: Є҆ѵⷢ҇лїе лꙋкѝ, зача́ло н҃: Ꙗ҆вѝ гдⷭ҇ь и҆ и҆нѣ́хъ се́дмьдесѧтъ: Прича́стенъ: Во всю̀ зе́млю:
к҃г. Ст҃а́гѡ сщ҃енномч҃нка кли́мента, є҆пⷭ҇кпа а҆гкѵ́рскагѡ: И҆ ст҃а́гѡ мч҃нка а҆гаѳагге́ла .
Стїхи̑ры, на ѕ҃, гла́съ а҃. Подо́бенъ: Нбⷭ҇ныхъ чинѡ́въ: И҆́ны стїхи̑ры, гла́съ в҃. Подо́бенъ: Є҆гда̀ ѿ дре́ва: Сла́ва, гла́съ и҃: Време́нъ четвери́щнѡ ѡ҆бхо́дъ: На стїхо́внѣ ѻ҆ктѡ́иха. Сла́ва, гла́съ а҃: Чꙋ́днаго во сщ҃е́нницѣхъ:
Тропа́рь, гла́съ д҃:
Лоза̀ преподо́бства, и҆ сте́бль страда́льчества, цвѣ́тъ сщ҃е́ннѣйшїй, и҆ пло́дъ бг҃ода́нный вѣ̑рнымъ всесщ҃е́нне присноцвѣтꙋ́щъ дарова́лсѧ є҆сѝ: но ꙗ҆́кѡ мч҃нкѡвъ сострада́лецъ, и҆ сщ҃еннонача́льникѡвъ сопресто́льникъ, молѝ хрⷭ҇та̀ бг҃а, сп҃сти́сѧ дꙋша́мъ на́шымъ.
На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ ѕ҃: По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Лозы̀ бы́лъ є҆сѝ честна́ѧ розга̀ хрⷭ҇то́ва, многострада́льне кли́менте всехва́льне, ꙗ҆́вльсѧ: со стра́ждꙋщими же взыва́лъ є҆сѝ: ты̀ мч҃нкѡвъ хрⷭ҇тѐ, свѣ́тлое ра́дованїе.
<<с҃ѳ: 417>>
По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ: И҆ ны́нѣ, бг҃оро́диченъ. На стїхо́внѣ ѻ҆ктѡ́иха. На лїтꙋргі́и, слꙋ́жба всѧ̀ септе́мврїа въ г҃-й де́нь.
к҃д. Прпⷣбныѧ ма́тере на́шеѧ ѯе́нїи .
Стїхи̑ры ѻ҆ктѡ́иха г҃, и҆ ст҃ы́ѧ г҃, гла́съ а҃. Подо́бенъ: Нбⷭ҇ныхъ чинѡ́въ: Тропа́рь, гла́съ и҃. септе́мврїа въ а҃і-й де́нь: Въ тебѣ̀ ма́ти и҆звѣ́стнѡ сп҃се́сѧ: На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́ѧ на д҃, гла́съ и҃. По г҃-й пѣ́сни, сѣда́ленъ, гла́съ и҃. Сла́ва, и҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ в҃. Подо́бенъ: Крове́й твои́хъ:
Твою̀ страннонра́внꙋю ѯе́нїе, па́мѧть соверша́юще, любо́вїю почита́ющїи тѧ̀, пое́мъ хрⷭ҇та̀ во всѣ́хъ тебѣ̀ подаю́щаго крѣ́пость и҆сцѣле́нїй: є҆мꙋ́же всегда̀ моли́сѧ ѡ҆ всѣ́хъ на́съ.
к҃є. И҆́же во ст҃ы́хъ ѻ҆тца̀ на́шегѡ григо́рїа, а҆рхїепⷭ҇кпа кѡнстанті́нѧ гра́да, бг҃осло́ва.
А҆́ще хо́щетъ настоѧ́тель, твори́мъ бдѣ́нїе.
На ма́лѣй вече́рни, стїхи̑ры, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: І҆ера́рхѡвъ нача́льника: И҆ ны́нѣ, бг҃оро́диченъ. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, гла́съ то́йже: Трⷪ҇цꙋ чⷭ҇тнꙋ́ю: И҆ ны́нѣ, бг҃оро́диченъ.
Тропа́рь, гла́съ а҃:
Па́стырскаѧ свирѣ́ль бг҃осло́вїѧ твоегѡ̀, ри́торѡвъ побѣдѝ трꙋбы̑: ꙗ҆́коже бо глꙋбины̑ дх҃а и҆зыска́вшꙋ, и҆ добрѡ́ты вѣща́нїѧ приложи́шасѧ тебѣ̀: но молѝ хрⷭ҇та̀ бг҃а ѻ҆́тче григо́рїе, сп҃сти́сѧ дꙋша́мъ на́шымъ.
<<с҃ѳ ѡ҆б.: 418>>
Сла́ва, и҆ ны́нѣ, бг҃оро́диченъ, а҃-й, въ то́йже гла́съ. На вели́цѣй вече́рни, пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры, на и҃, гла́съ а҃. Подо́бенъ: Всехва́льнїи мч҃нцы: И҆́ны стїхи̑ры, гла́съ в҃. Подо́бенъ: Кі́ими: Сла́ва, гла́съ и҃: Бо́дрый ѧ҆зы́къ тво́й: И҆ ны́нѣ, Цр҃ь нбⷭ҇ный: Вхо́дъ, прокі́менъ днѐ, и҆ чтє́нїѧ г҃, ст҃и́тєльскаѧ. На лїті́и стїхи́ра хра́ма: та́же стїхи̑ры, гла́съ д҃, самогла́сны. Сла́ва, гла́съ то́йже: Бж҃е́ственными дѣѧ́ньми: И҆ ны́нѣ, бг҃оро́диченъ. На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы. Сла́ва, гла́съ и҃: Сердца̀ вѣ́рныхъ: И҆ ны́нѣ, Безневѣ́стнаѧ дв҃а: А҆́ще бдѣ́нїе, тропа́рь ст҃а́гѡ два́жды, и҆ Бцⷣе дв҃о: є҆ди́ножды. А҆́ще нѣ́сть бдѣ́нїѧ, по трист҃о́мъ тропа́рь, гла́съ а҃. Па́стырскаѧ свирѣ́ль: пи́санъ на ма́лѣй вече́рни. Сла́ва, и҆ ны́нѣ: Гаврїи́лꙋ вѣща́вшꙋ: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь ст҃а́гѡ, два́жды. Сла́ва, и҆ ны́нѣ: Гаврїи́лꙋ вѣща́вшꙋ: и҆ ѻ҆бы̑чныѧ каѳі̑смы. По каѳі́смахъ сѣда́льны, и҆ чте́нїе ст҃а́гѡ. По полѷеле́и сѣда́ленъ, гла́съ и҃: Ѡ҆блича́ѧ ле́сть ѕлочести́выхъ: два́жды. Сла́ва, и҆ ны́нѣ, бг҃оро́диченъ. и҆ чте́мъ ѿ житїѧ̀ ст҃а́гѡ. Степє́нна, а҃- й а҆нтїфѡ́нъ д҃-гѡ гла́са. Прокі́менъ, гла́съ д҃: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: Всѧ́кое дыха́нїе: Є҆ѵⷢ҇лїе і҆ѡа́нна, зача́ло л҃є, ѿ полꙋ̀: Не входѧ́й две́рьми во дво́ръ: ѱало́мъ н҃. Стїхи́ра ст҃а́гѡ, гла́съ ѕ҃: Прпⷣбне, требл҃же́нне: Канѡ́нъ бцⷣы со і҆рмосо́мъ на ѕ҃, гла́съ и҃: и҆ ст҃а́гѡ два̀ канѡ́на на и҃, гла́съ а҃. Катава́сїа: Сꙋ́шꙋ глꙋбороди́тельнꙋю: По г҃-й пѣ́сни, сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,
<<с҃і: 419>>
Конда́къ, гла́съ г҃. Подо́бенъ: Дв҃а дне́сь:
Бг҃осло́внымъ ѧ҆зы́комъ твои́мъ сплетє́нїѧ ри́тѡрскаѧ разрꙋши́вый сла́вне, правосла́вїѧ ѻ҆де́ждею свы́ше и҆стка́нною цр҃ковь ᲂу҆краси́лъ є҆сѝ: ю҆́же и҆ носѧ́щи съ на́ми зове́тъ твои́ми ча́ды: ра́дꙋйсѧ ѻ҆́тче, бг҃осло́вїѧ ᲂу҆́ме кра́йнѣйшїй.
И҆ і҆́косъ, и҆ про́логъ. По ѳ҃-й пѣ́сни, свѣти́ленъ ст҃а́гѡ. Сла́ва, и҆́нъ. И҆ ны́нѣ, бг҃оро́диченъ. На хвали́техъ стїхи̑ры ст҃а́гѡ на д҃, гла́съ д҃. Подо́бенъ: Зва́нный свы́ше: Сла́ва, гла́съ а҃: Цѣвни́цꙋ дх҃а: И҆ ны́нѣ, бг҃оро́диченъ. Славосло́вїе вели́кое. По трист҃о́мъ тропа́рь, ст҃а́гѡ. Сла́ва, и҆ ны́нѣ: Гаврїи́лꙋ вѣща́вшꙋ: Є҆ктєнїѝ. И҆ ѿпꙋ́стъ. и҆ дае́тсѧ є҆ле́й бра́тїи ѿ канди́ла ст҃а́гѡ, и҆ ча́съ а҃. На а҃-мъ часѣ̀, тропа́рь ст҃а́гѡ. По трист҃о́мъ конда́къ є҆гѡ̀, и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на ст҃а́гѡ, пѣ́снь г҃-ѧ и҆ ѕ҃-ѧ. Прокі́менъ, гла́съ а҃: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: А҆по́столъ къ корі́нѳѧнѡмъ, зача́ло рн҃а: Комꙋ́ждо дае́тсѧ ꙗ҆вле́нїе: А҆ллилꙋ́їа, гла́съ в҃: Внемли́те лю́дїе моѝ: Є҆ѵⷢ҇лїе і҆ѡа́нна, зача́ло л҃ѕ: а҆́зъ є҆́смь две́рь: Прича́стенъ: Въ па́мѧть вѣ́чнꙋю: На трапе́зѣ ᲂу҆тѣше́нїе бра́тїи, и҆ чте́мъ житїѐ ст҃а́гѡ.
к҃ѕ. Прпⷣбнагѡ ѻ҆тца̀ на́шегѡ ѯенофѡ́нта и҆ дрꙋжи́ны є҆гѡ̀.
Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ в҃. Подо́бенъ: Є҆гда̀ ѿ дре́ва: Тропа́рь, гла́съ д҃: Бж҃е ѻ҆тє́цъ на́шихъ ное́мврїа въ к҃-й де́нь. Сла́ва, и҆ ны́нѣ, бг҃оро́диченъ. На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃ы́хъ на д҃, гла́съ в҃. По г҃-й пѣ́сни,
<<с҃і ѡ҆б.: 420>>
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Въ за́повѣдехъ бо́дрствовалъ є҆сѝ влⷣчнихъ, ни́щымъ расточи́вый твоѐ бога́тство бл҃же́нне, ти́хѡ съ сопрꙋ́жницею, и҆ ча́ды твои́ми: тѣ́мже наслѣ́дꙋете бж҃е́ственное наслажде́нїе.
И҆ сѣда́ленъ, гла́съ и҃. Сла́ва, и҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Жите́йскагѡ мо́рѧ и҆збѣ́гше, ѯенофѡ́нтъ пра́ведный съ сопрꙋ́жницею честно́ю, на нб҃сѣ́хъ свеселѧ́тсѧ съ ча́ды, хрⷭ҇та̀ велича́юще.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ.
к҃з. Пренесе́нїе моще́й во ст҃ы́хъ ѻ҆тца̀ на́шегѡ і҆ѡа́нна златоꙋ́стагѡ.
Ве́черъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры, на и҃, гла́съ д҃. Подо́бенъ: Ꙗ҆́кѡ до́блѧ: Златокова́ннꙋю трꙋбꙋ̀: И҆́ны стїхи̑ры, гла́съ то́йже. Подо́бенъ: Зва́нный свы́ше: Сщ҃е́ннѣйшее соста́вимъ: Сла́ва, гла́съ то́йже, самогла́сенъ: Не подоба́ше тебѣ̀: И҆ ны́нѣ: И҆́же тебѐ ра́ди: Вхо́дъ. прокі́менъ днѐ. и҆ чтє́нїѧ г҃, ст҃и́тєльскаѧ: пи́саны ное́мврїа въ г҃і-й де́нь. На стїхо́внѣ стїхи̑ры ст҃а́гѡ, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. Сла́ва, гла́съ ѕ҃: Прпⷣбне, требл҃же́нне: И҆ ны́нѣ, Бцⷣе, ты̀ є҆сѝ лоза̀:
Тропа́рь, гла́съ и҃:
Оу҆́стъ твои́хъ ꙗ҆́коже свѣ́тлость ѻ҆гнѧ̀ возсїѧ́вши бл҃года́ть, вселе́ннꙋю просвѣтѝ. не сребролю́бїѧ мі́рови сокрѡ́вища сниска̀, высотꙋ̀ на́мъ смиреномꙋ́дрїѧ показа̀: но твои́ми словесы̀ наказꙋ́ѧ, ѻ҆́тче і҆ѡа́нне златоꙋ́сте, молѝ сло́ва хрⷭ҇та̀ бг҃а, сп҃сти́сѧ дꙋша́мъ на́шымъ.
<<са҃і: 421>>
Сла́ва, и҆ ны́нѣ: И҆́же на́съ ра́ди: И҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь ст҃а́гѡ, два́жды. Сла́ва, и҆ ны́нѣ, бг҃оро́диченъ, и҆ ѻ҆бы̑чныѧ каѳі̑смы, и҆ сѣда́льны ст҃а́гѡ, и҆ чте́нїе. Полѷеле́й, и҆ сѣда́ленъ ст҃а́гѡ, два́жды. Сла́ва, и҆ ны́нѣ, бг҃оро́диченъ. Степє́нна, а҃-й а҆нтїфѡ́нъ д҃-гѡ гла́са. Прокі́менъ: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: Всѧ́кое дыха́нїе: Є҆ѵⷢ҇лїе і҆ѡа́нна, зача́ло л҃є: Не входѧ́й две́рьми: ѱало́мъ н҃. Стїхи́ра, гла́съ ѕ҃: Трꙋба̀ златогла́снаѧ: Канѡ́нъ бцⷣы со і҆рмосо́мъ на ѕ҃, гла́съ и҃: и҆ ст҃а́гѡ два̀ канѡ́на на и҃: є҆ди́нъ, гла́съ ѕ҃, дрꙋгі́й, гла́съ г҃. Катава́сїа, Сꙋ́шꙋ глꙋбороди́тельнꙋю зе́млю: По г҃-й пѣ́сни, сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ: По ѕ҃- й пѣ́сни,
Конда́къ, гла́съ а҃. Подо́бенъ: Ли́къ а҆́гг҃льскїй:
Возвесели́сѧ та́инственнѡ чⷭ҇тна́ѧ цр҃ковь, возвраще́нїемъ чⷭ҇тны́хъ твои́хъ моще́й, и҆ сїѧ̑ сокры́вши ꙗ҆́кѡ зла́то многоцѣ́нное, пою́щымъ тѧ̀ неѡскꙋ́днѡ подава́етъ мл҃твами твои́ми и҆сцѣле́нїй бл҃года́ть, і҆ѡа́нне златоꙋ́сте.
И҆ і҆́косъ. и҆ про́логъ. По ѳ҃-й пѣ́сни, свѣти́ленъ два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры на д҃, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ то́йже, самогла́сенъ: Ѻ҆́тче златоꙋ́сте: И҆ ны́нѣ: Ѿ всѧ́кихъ бѣ́дъ рабы̑ твоѧ̑: Славосло́вїе вели́кое. По трⷭ҇то́мъ тропа́рь. ст҃а́гѡ. Сла́ва, и҆ ны́нѣ, бг҃оро́диченъ пе́рвый, въ то́йже гла́съ. є҆ктєнїѝ, и҆ ѿпꙋ́стъ. и҆ дае́тсѧ ст҃ы́й є҆ле́й бра́тїи ѿ канди́ла ст҃а́гѡ. На лїтꙋргі́и слꙋ́жба всѧ̀ ное́мврїа въ г҃і де́нь.
<<са҃і ѡ҆б.: 422>>
к҃и. Прпⷣбнагѡ ѻ҆тца̀ на́шегѡ є҆фре́ма сѵ́рїна.
На Гдⷭ҇и воззва́хъ, стїхи̑ры на ѕ҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ ѕ҃: Смы́сленнѡ мѧте́жныхъ: На стїхо́внѣ ѻ҆ктѡ́иха. Сла́ва, гла́съ д҃: Прⷪ҇ро́чески ѡ҆мака́ѧ посте́лю: Тропа́рь, гла́съ и҃: Сле́зъ твои́хъ: септе́мврїа въ г҃ де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на ѕ҃, гла́съ ѕ҃. По г҃-й пѣ́сни, сѣда́ленъ, гла́съ є҃, два́жды. По ѕ҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Ча́съ при́снѡ прови́дѧ сꙋда̀, рыда́лъ є҆сѝ го́рькѡ є҆фре́ме, ꙗ҆́кѡ любобезмо́лвный: дѣ́лателенъ же бы́лъ є҆сѝ въ дѣ́лѣхъ ᲂу҆чи́тель прпⷣбне. тѣ́мже ѻ҆́тче всемі́рный, лѣни̑выѧ воздвиза́еши къ покаѧ́нїю.
И҆ і҆́косъ. и҆ про́логъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. Сла́ва ст҃а́гѡ, гла́съ в҃: ꙗ҆́кѡ фі́нїѯъ дв҃дски. На лїтꙋргі́и, бл҃жє́нна ѻ҆ктѡ́иха, на д҃: и҆ ст҃а́гѡ, пѣ́снь г҃-ѧ, на д҃. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ: и҆ про́чаѧ слꙋ́жба, сегѡ̀ мцⷭ҇а въ є҃і де́нь.
Къ то́йже де́нь па́мѧть прпⷣбнагѡ ѻ҆тца̀ на́шегѡ ѳеодо́сїа то́темскагѡ, сп҃сосꙋмо́рина монастырѧ̀ нача́льника и҆ ѡ҆снова́телѧ, новоѧвле́ннагѡ чꙋдотво́рца.
Тропа́рь, гла́съ а҃:
Ѿ ю҆́ности прпⷣбне ѳеодо́сїе, жела́нїе своѐ ко хрⷭ҇тꙋ̀ бг҃ꙋ впери́въ, є҆гѡ́же ра́ди гра́дъ и҆ ѻ҆те́чество ѡ҆ста́вль, и҆ сла́вꙋ сꙋ́етнꙋю ꙗ҆́кѡ пра́хъ вмѣни́въ, послѣ́довалъ є҆сѝ прпⷣбномꙋ дими́трїю, и҆ ѻ҆би́тели є҆гѡ̀ сожи́тель бы́лъ є҆сѝ. пресели́всѧ ко гра́дꙋ то́тмѣ, и҆ въ междорѣ́чїе всели́всѧ, посто́мъ и҆ бдѣ́нїемъ и҆ власѧны́мъ ѡ҆дѣѧ́нїемъ, и҆ вери́гами тѣ́ло своѐ ᲂу҆дрꙋчи́лъ є҆сѝ: сегѡ̀ ра́ди бг҃ъ, ви́дѣвъ твоѧ̑ трꙋды̀, и҆ по преставле́нїи чꙋдесы̀ ѡ҆богати́ <<св҃і: 423>> тѧ. бѣ́сы и҆згонѧ́еши, и҆ слѣпы̑ѧ просвѣща́еши, ѿ всѧ́кихъ недꙋ̑гъ и҆ бѣ́дъ и҆збавлѧ́еши приходѧ́щихъ къ тебѣ̀ съ вѣ́рою, и҆ вопїю́щихъ: сла́ва да́вшемꙋ тѝ крѣ́пость, сла́ва вѣнча́вшемꙋ тѧ̀, сла́ва даю́щемꙋ тобо́ю всѣ̑мъ и҆сцѣле́нїе.
Конда́къ, гла́съ и҃. Подо́бенъ: Возбра́нной:
Воздержа́нїемъ пло́ть и҆знꙋри́лъ є҆сѝ, и҆ непреста́нными мл҃твами ꙗ҆́кѡ а҆́гг҃лъ возвы́силсѧ є҆сѝ, стрꙋѧ́ми же сле́зными бѣсѡ́вскїѧ полкѝ погрꙋзи́лъ є҆сѝ. и҆ ны́нѣ во свѣ́тѣ невече́рнѣмъ ликꙋ́еши ᲂу҆ хрⷭ҇та̀ бг҃а, и҆ приходѧ́щымъ ко ст҃о́мꙋ твоемꙋ̀ гро́бꙋ неѡскꙋ́днѡ и҆сцѣле́нїе подае́ши, вѣ́рою вопїю́щымъ тебѣ̀: ра́дꙋйсѧ ѻ҆́тче ѳеодо́сїе бг҃омꙋ́дре.
к҃ѳ. Перенесе́нїе моще́й ст҃а́гѡ сщ҃енномч҃нка і҆гна́тїа бг҃оно́сца.
На Гдⷭ҇и воззва́хъ стїхи̑ры на ѕ҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ и҃: Бг҃оно́се і҆гна́тїе: На стїхо́внѣ ѻ҆ктѡ́иха. Сла́ва, гла́съ а҃: Ѽ тве́рдыѧ и҆ а҆дама́нтскїѧ твоеѧ̀ дꙋшѝ! Тропа́рь, гла́съ, д҃: И҆ нра́вѡмъ прича́стникъ: септе́мврїа въ г҃ де́нь. На ᲂу҆́трени ѻ҆́ба канѡ́на ѻ҆ктѡ́иха: и҆ ст҃а́гѡ на ѕ҃, гла́съ д҃. По г҃ пѣ́сни, сѣда́ленъ, гла́съ г҃, два́жды. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Ѿ восто́ка дне́сь возсїѧ́вый, и҆ тва́рь всю̀ просвѣти́вый ᲂу҆че́ньми, мꙋ́ченичествомъ ᲂу҆краси́сѧ, бг҃оно́сный и҆ бж҃е́ственный і҆гна́тїй.
И҆ і҆́косъ, и҆ про́логъ. По ѳ҃ пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. Сла́ва, ст҃а́гѡ, гла́съ а҃: Сто́лпъ ѡ҆дꙋшевле́нъ: На лїтꙋргі́и, слꙋ́жба деке́мврїа въ к҃ де́нь.
<<св҃і ѡ҆б.: 424>>
л҃. Ст҃а́гѡ сщ҃енномч҃нка і҆пполѵ́та, па́пы ри́мскагѡ.
Вослѣ́дованїе є҆гѡ̀ пое́тсѧ на повече́рїи.
И҆ и҆̀же во ст҃ы́хъ ѻ҆тє́цъ на́шихъ, и҆ вели́кихъ і҆ера́рхѡвъ, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ.
На ма́лѣй вече́рни, стїхи̑ры на д҃, гла́съ д҃. Подо́бенъ, Ꙗ҆́кѡ до́блѧ: На высотꙋ̀ васі́лїе: Сла́ва, гла́съ ѕ҃: Человѣ́цы бж҃їи: И҆ ны́нѣ, Бцⷣе ты̀ є҆сѝ лоза̀: На стїхо́внѣ стїхи̑ры, гла́съ ѕ҃. Подо́бенъ, Тридне́венъ: Бл҃года́ть превозмо́же: Сла́ва, гла́съ ѕ҃: До́брїи рабѝ: И҆ ны́нѣ, Никто́же притека́ѧй къ тебѣ̀:
Тропа́рь, гла́съ д҃:
Ꙗ҆́кѡ а҆пⷭ҇лѡвъ є҆динонра́внїи, и҆ вселе́нныѧ ᲂу҆чи́телїе, влⷣкꙋ всѣ́хъ моли́те, ми́ръ вселе́ннѣй дарова́ти, и҆ дꙋша́мъ на́шымъ ве́лїю ми́лость.
Сла́ва, и҆ ны́нѣ, бг҃оро́диченъ. На вели́цѣй вече́рни, на Гдⷭ҇и воззва́хъ, стїхи̑ры на и҃, гла́съ д҃. Подо́бенъ: Ꙗ҆́кѡ до́блѧ: Бл҃года́ти ѻ҆рга́ны: И҆́ны стїхи̑ры, гла́съ в҃. Подо́бенъ: Кі́ими: Сла́ва, гла́съ ѕ҃: Та̑йныѧ дне́сь дх҃а трꙋбы̀: И҆ ны́нѣ, Кто̀ тебѐ не ᲂу҆блажи́тъ: Вхо́дъ, прокі́менъ днѐ, и҆ чтє́нїѧ г҃: а҃-е, Во дне́хъ ѻ҆́нѣхъ речѐ мѡѷсе́й къ сынѡ́мъ і҆и҃лєвымъ: в҃-е, Во дне́хъ ѻ҆́нѣхъ речѐ мѡѷсе́й къ сынѡ́мъ і҆и҃лєвымъ: г҃-е, Пра́ведныхъ дꙋ́шы въ рꙋцѣ̀ бж҃їей. На лїті́и стїхи̑ры, гла́съ в҃: Прїиди́те трⷪ҇цы нбⷭ҇ныѧ слꙋжи́телїе: Сла́ва, гла́съ ѕ҃: Ст҃и́тєли хрⷭ҇тѡ́вы: И҆ ны́нѣ, гла́съ то́йже: Дѣ́вственнꙋю добро́тꙋ: На стїхо́внѣ стїхи̑ры, гла́съ а҃. Подо́бенъ: Всехва́льнїи: Сла́ва: гла́съ в҃: Дне́сь дꙋ́шы: И҆ ны́нѣ, пра́здника, дне́сь хрⷭ҇то́съ во ст҃и́лище прино́ситсѧ: На <<сг҃і: 425>> бл҃гослове́нїи хлѣ́бѡвъ тропа́рь, гла́съ д҃: Ꙗ҆́кѡ а҆пⷭ҇лѡвъ є҆динонра́внїи: два́жды, пи́санъ на ма́лѣй вече́рни. и҆ Бцⷣе дв҃о, є҆ди́ножды. На ᲂу҆́трени, по каѳі́смахъ сѣда́льны ст҃ы́хъ, и҆ бг҃оро́дичны и҆́хъ. По полѷеле́и сѣда́ленъ, гла́съ д҃. Подо́бенъ, Ꙗ҆ви́лсѧ є҆сѝ: Премꙋ́дрїи ᲂу҆чи́телїе: Сла́ва, Пра́зднꙋетъ дне́сь: И҆ ны́нѣ, бг҃оро́диченъ. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Сщ҃е́нницы твоѝ ѡ҆блекꙋ́тсѧ въ пра́вдꙋ: Сті́хъ: Оу҆ста̀ моѧ̑ возглаго́лютъ премꙋ́дрость: Є҆ѵⷢ҇лїе і҆ѡа́нна, зача́ло л҃ѕ. По н҃-мъ ѱалмѣ̀ стїхи́ра, гла́съ ѕ҃: И҆злїѧ́сѧ бл҃года́ть: Канѡ́нъ бцⷣы, со і҆рмосо́мъ на ѕ҃, гла́съ в҃. и҆ ст҃ы́хъ два̀, на и҃: є҆ди́нъ гла́са в҃-гѡ, дрꙋгі́й н҃-гѡ. Катава́сїа, Сꙋ́шꙋ глꙋбороди́тельнꙋю: По г҃-й пѣ́сни, сѣда́льны, гла́съ и҃. По ѕ҃-й пѣ́сни,
Конда́къ, гла́съ в҃. Подо́бенъ: Твє́рдыѧ:
Сщ҃є́нныѧ и҆ бг҃овѣща̑нныѧ проповѣ́дники, ве́рхъ ᲂу҆чи́телей гдⷭ҇и, прїѧ́лъ є҆сѝ въ наслажде́нїе бл҃ги́хъ твои́хъ и҆ ᲂу҆покое́нїе: трꙋды́ бо ѻ҆́нѣхъ и҆ сме́рть прїѧ́лъ є҆сѝ па́че всѧ́кагѡ всепло́дїѧ, є҆ди́не прославлѧ́ѧй ст҃ы̑ѧ твоѧ̑.
И҆ і҆́косъ. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ: Велича́й дꙋшѐ моѧ̀, чⷭ҇тнѣ́йшꙋю нбⷭ҇ныхъ во́инствъ: Та́же і҆рмо́съ. Посе́мъ то́йже припѣ́въ пое́мъ и҆ къ про́чымъ бг҃орѡ́дичнымъ тропарє́мъ. Къ канѡ́нѡмъ же ст҃ы́хъ припѣ́вы: Велича́й дꙋшѐ моѧ̀, во і҆ера́рсѣхъ свѣти̑ла трѝ вели̑каѧ. и҆ про́чыѧ. По ѳ҃-й пѣ́сни, свѣти́ленъ ст҃ы́хъ. Сла́ва, И҆ ны́нѣ, бг҃оро́диченъ. На хвали́техъ стїхи̑ры на д҃, гла́съ є҃. Подо́бенъ: Ра́дꙋйсѧ: Сла́ва, гла́съ то́йже: И҆ ны́нѣ, бг҃оро́диченъ. Славосло́вїе вели́кое, и҆ ѿпꙋ́стъ. На лїтꙋргі́и, бл҃жє́нна ѿ канѡ́на а҃-гѡ, пѣ́снь г҃-ѧ: и҆ в҃-гѡ, пѣ́снь ѕ҃-ѧ. Прокі́менъ, <<сг҃і ѡ҆б.: 426>> гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ, Нб҃са̀ повѣ́даютъ сла́вꙋ бж҃їю: А҆по́столъ ко є҆вре́ємъ, зача́ло тл҃д: Помина́йте наста́вники ва́шѧ: А҆ллилꙋ́їа, гла́съ д҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и. Є҆ѵⷢ҇лїе матѳе́а, зача́ло а҃і: Вы̀ є҆стѐ свѣ́тъ мі́ра: Прича́стенъ, Ра́дꙋйтесѧ првⷣнїи ѡ҆ гдⷭ҇ѣ:
[[комм.]] Подоба́етъ вѣ́дати, а҆́ще слꙋчи́тсѧ трїе́хъ ст҃и́телей, васі́лїа вели́кагѡ, григо́рїа бг҃осло́ва, и҆ і҆ѡа́нна златоꙋ́стагѡ, въ недѣ́лю мытаре́вꙋ и҆лѝ блꙋ́днагѡ, и҆лѝ мѧсопꙋ́стнꙋю:
На ма́лѣй вече́рни, стїхи̑ры воскрⷭ҇ны д҃. Сла́ва, ст҃и́телей: И҆ ны́нѣ, бг҃оро́диченъ гла́са, ма́лыѧ вече́рни. На стїхо́внѣ стїхи́ра воскрⷭ҇на є҆ди́на: и҆ ст҃и́телей стїхо́вна вели́кїѧ вече́рни, со стїхѝ свои́ми. Сла́ва, ст҃и́телей: И҆ ны́нѣ, бг҃оро́диченъ, въ то́йже гла́съ. По Ны́нѣ ѿпꙋща́еши, и҆ по Ѻ҆́ч҃е на́шъ, тропа́рь воскрⷭ҇нъ. Сла́ва, ст҃ы́хъ: И҆ ны́нѣ, бг҃оро́диченъ. є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃, и҆ трїѡ́ди г҃, и҆ ст҃ы́хъ д҃.
[зрѝ] А҆́ще ли недѣ́лѧ мѧсопꙋ́стнаѧ. Стїхи̑ры воскрⷭ҇ны г҃, и҆ трїѡ́ди д҃, и҆ ст҃ы́хъ г҃. Сла́ва, трїѡ́ди: И҆ ны́нѣ, бг҃оро́диченъ а҃-й гла́са. На лїті́и стїхи́ра хра́ма, та́же трїѡ́ди хвали̑тныѧ. Сла́ва, ст҃ы́хъ: И҆ ны́нѣ, трїѡ́ди. На стїхо́внѣ стїхи̑ры воскрⷭ҇ны. Сла́ва, ст҃ы́хъ: И҆ ны́нѣ, трїѡ́ди. На бл҃гослове́нїи хлѣ́бѡвъ тропа́рь, Бцⷣе дв҃о, два́жды: и҆ ст҃ы́хъ є҆ди́ножды: и҆ чте́нїе. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, ст҃ы́хъ: И҆ ны́нѣ, бг҃оро́диченъ а҃-й, въ то́йже гла́съ. По каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ, и҆ полѷеле́й ст҃ы́хъ.
<<сд҃і: 427>>
[зрѝ] [А҆́ще ли недѣ́лѧ блꙋ́днагѡ, и҆лѝ мѧсопꙋ́стнаѧ. Прилага́емъ и҆ тре́тїй ѱало́мъ: На рѣка́хъ вавѷлѡ́нскихъ: ] та́же сѣда́льны ст҃ы́хъ всѝ по є҆ди́ножды, без̾ бг҃оро́дичнѡвъ. Сла́ва, полѷеле́йный: И҆ ны́нѣ, бг҃оро́диченъ, и҆ чте́нїе ст҃ы́хъ. Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во: и҆ прѡ́чаѧ. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на два̀: и҆ трїѡ́ди на д҃: и҆ ст҃ы́хъ на д҃. Катава́сїа, Сꙋ́шꙋ глꙋбороди́тельнꙋю:
[зрѝ] А҆́ще ли недѣ́лѧ мѧсопꙋ́стнаѧ. Канѡ́нъ воскрⷭ҇нъ на д҃: и҆ трїѡ́ди на ѕ҃: и҆ ст҃ы́хъ на д҃. Катава́сїа трїѡ́ди. По г҃-й пѣ́сни, конда́къ ст҃ы́хъ, и҆ і҆́косъ, и҆ сѣда́льны и҆́хъ: И҆ ны́нѣ трїѡ́ди: и҆ чте́нїе. По ѕ҃-й пѣ́сни, конда́къ и҆ і҆́косъ трїѡ́ди: и҆ чте́мъ про́логъ. На ѳ҃ пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ст҃ы́хъ: И҆ ны́нѣ, трїѡ́ди. На хвали́техъ стїхи̑ры воскрⷭ҇ны д҃: и҆ ст҃ы́хъ со сла́внымъ, д҃, съ припѣ́вы и҆́хъ.
[зрѝ] А҆́ще ли недѣ́лѧ мѧсопꙋ́стнаѧ. Тогда̀ по стїхи́рахъ ст҃и́телей глаго́лемъ сті́хъ: Воскрⷭ҇нѝ гдⷭ҇и бж҃е мо́й: и҆ пое́мъ стїхи́рꙋ самогла́снꙋ трїѡ́ди. Сла́ва, тꙋ́южде: И҆ ны́нѣ, Пребл҃гослове́нна є҆сѝ:
[зрѝ] А҆́ще ли нѣ́сть недѣ́лѧ мѧсопꙋ́стнаѧ. Тогда̀ въ трїѡ́ди стїха̀ не глаго́лемъ, но по стїхи́рахъ ст҃ы́хъ, Сла́ва, трїѡ́ди: И҆ ны́нѣ, Пребл҃гослове́нна є҆сѝ бцⷣе: Славосло́вїе вели́кое. По трист҃о́мъ тропа́рь воскрⷭ҇нъ то́чїю, и҆ є҆ктєнїѝ, и҆ ѿпꙋ́стъ, и҆ и҆схожде́нїе ѻ҆бы́чное въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃. На часѣ́хъ, тропа́рь воскрⷭ҇нъ: Сла́ва, ст҃ы́хъ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, кондакѝ, воскрⷭ҇нъ трїѡ́ди, и҆ ст҃ы́хъ премѣнѧ́юще глаго́лемъ. На лїтꙋргі́и, бл҃жє́нна гла́са, на д҃: и҆ трїѡ́ди пѣ́снь г҃-ѧ, на д҃: и҆ ст҃ы́хъ ѕ҃-ѧ, на д҃. <<сд҃і ѡ҆б.: 428>> По вхо́дѣ тропа́рь воскрⷭ҇нъ, и҆ ст҃ы́хъ: та́же конда́къ воскрⷭ҇нъ. Сла́ва, ст҃ы́хъ: И҆ ны́нѣ, трїѡ́ди. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ днѐ и҆ ст҃ы́хъ.
[[комм.]] А҆́ще ли слꙋчи́тсѧ трїе́хъ ст҃и́телей въ сꙋббѡ́тꙋ мѧсопꙋ́стнꙋю: и҆ пое́мъ слꙋ́жбꙋ и҆́хъ въ пѧто́къ, пре́жде, во все́мъ непремѣ́ннѡ.
[зрѝ] А҆́ще ли слꙋчи́тсѧ трїе́хъ ст҃и́телей въ понедѣ́льникъ и҆лѝ во вто́рникъ, и҆лѝ въ четверто́къ сы́рныѧ недѣ́ли.
Въ недѣ́лю ве́чера, пое́мъ Бл҃же́нъ мꙋ́жъ, а҃-й а҆нтїфѡ́нъ: [въ про́чыѧ же дни̑ сы́рныѧ седми́цы глаго́лемъ каѳі́смꙋ рѧдовꙋ́ю.] На Гдⷭ҇и воззва́хъ, стїхи̑ры ст҃ы́хъ на ѕ҃. Сла́ва, ст҃ы́хъ: И҆ ны́нѣ, бг҃оро́диченъ а҃-й но гла́сꙋ самогла́сна ст҃ы́хъ. Вхо́дъ, прокі́менъ днѐ, и҆ чте́нїе ст҃ы́хъ, и҆ є҆ктєнїѝ. На стїхо́внѣ трїѡ́ди, самогла́сенъ днѐ два́жды, и҆ мч҃нченъ. припѣ́вы же глаго́лемъ ѻ҆бы̑чныѧ: Къ тебѣ̀ возведо́хъ: Сла́ва, ст҃ы́хъ: И҆ ны́нѣ, бг҃оро́диченъ воскре́сенъ. По Ны́нѣ ѿпꙋща́еши, и҆ по трист҃о́мъ, тропа́рь ст҃ы́хъ. Сла́ва, и҆ ны́нѣ, бг҃оро́диченъ: и҆ ѿпꙋ́стъ. На повече́рїи, по Досто́йно, и҆ по трист҃о́мъ, конда́къ ст҃ы́хъ. [зрѝ] А҆́ще же па́мѧть си́хъ трїе́хъ ст҃и́телей слꙋчи́тсѧ въ четверто́къ сы́рныѧ недѣ́ли, тогда̀ въ сре́дꙋ на часѣ́хъ, по Ѡ҆сла́би, ѡ҆ста́ви: и҆ по покло́нѣхъ быва́етъ зво́нъ во всѧ̑, по ѻ҆бы́чаю, и҆ а҆́бїе глаго́лемъ, Прїиди́те поклони́мсѧ: три́жды. и҆ ѱало́мъ ѻ҆бы́чный, и҆ є҆ктенїа̀, и҆ стїхи̑ры по предпи́санномꙋ. По вхо́дѣ прокі́менъ, парємїѝ днѐ, и҆ паремїа̀ трїѡ́ди, и҆ по не́й прокі́менъ, да ᲂу҆пова́етъ і҆и҃ль на гдⷭ҇а. Та́же парємїѝ ст҃ы́хъ: пото́мъ, Сподо́би гдⷭ҇и: На стїхо́внѣ трїѡ́ди самогла́сенъ днѐ, два́жды, и҆ мч҃нченъ. Сла́ва, ст҃ы́хъ: И҆ ны́нѣ, бг҃оро́диченъ. По Ны́нѣ ѿпꙋща́еши, по Ѻ҆́ч҃е на́шъ, тропа́рь ст҃ы́хъ, и҆ є҆ктенїа̀, и҆ трѝ вели̑кїѧ покло́ны. <<сє҃і: 429>> Та́же, Всест҃а́ѧ трⷪ҇це: и҆ Бꙋ́ди и҆́мѧ гдⷭ҇не: три́жды. и҆ ѱало́мъ л҃г. Досто́йно є҆́сть: и҆ ѿпꙋ́стъ. и҆ вхо́димъ въ трапе́зꙋ, и҆ разрѣша́емъ на сы́ръ и҆ ꙗ҆́ица. На ᲂу҆́трени, на Бг҃ъ гдⷭ҇ь, тропа́рь ст҃ы́хъ два́жды. Сла́ва, и҆ ны́нѣ, бг҃оро́диченъ. По а҃-й каѳі́смѣ сѣда́ленъ трїѡ́ди два́жды, пи́санъ по в҃-й каѳі́смѣ: Сла́ва, и҆ ны́нѣ, бг҃оро́диченъ є҆гѡ̀, и҆ чте́нїе днѐ. По в҃-й каѳі́смѣ сѣда́льны ст҃ы́хъ, ѻ҆́ба по є҆ди́ножды. Сла́ва, и҆ ны́нѣ, бг҃оро́диченъ втора́гѡ сѣда́льна, пе́рвагѡ же сѣда́льна бг҃оро́диченъ ѡ҆ставлѧ́етсѧ: и҆ чте́нїе днѐ. Та́же полѷеле́й ст҃ы́хъ, и҆ сѣда́льны и҆́хъ: и҆ бг҃оро́диченъ, и҆ чте́нїе. посе́мъ степє́нна, а҃-й а҆нтїфѡ́нъ д҃-гѡ гла́са. Прокі́менъ, є҆ѵⷢ҇лїе, и҆ стїхи́ра ст҃ы́хъ. Канѡ́нъ бцⷣы со і҆рмосо́мъ на ѕ҃, і҆рмосы̀ по два́жды. и҆ ст҃ы́хъ два̀ канѡ́на, на и҃. Катава́сїа: Сꙋ́шꙋ глꙋбороди́тельнꙋю зе́млю: ѻ҆́ба ли̑ка вкꙋ́пѣ. А҆ и҆дѣ́же трипѣ́снецъ, пое́мъ канѡ́ны ст҃ы́хъ, со і҆рмосо́мъ на ѕ҃, и҆ трипѣ́снецъ на и҃. Катава́сїа трїѡ́ди. По г҃-й пѣ́сни, сѣда́ленъ ст҃ы́хъ, и҆ бг҃оро́диченъ и҆́хъ, и҆ чте́нїе ст҃ы́хъ. По ѕ҃-й пѣ́сни, конда́къ и҆ і҆́косъ ст҃ы́хъ. и҆ чте́мъ про́логъ. По ѳ҃-й пѣ́сни, свѣти́ленъ ст҃ы́хъ, и҆ бг҃оро́диченъ. На хвали́техъ стїхи̑ры ст҃ы́хъ на д҃. и҆ Сла́ва, и҆ ны́нѣ: Та́же чте́цъ глаго́летъ: Сла́ва тебѣ̀ показа́вшемꙋ на́мъ свѣ́тъ. И҆ Сла́ва въ вы́шнихъ бг҃ꙋ: Посе́мъ є҆ктенїа̀: И҆спо́лнимъ ᲂу҆́треннюю мл҃твꙋ на́шꙋ: и҆ пое́мъ на стїхо́внѣ трїѡ́ди, самогла́сенъ днѐ два́жды, и҆ мч҃нченъ. припѣ́вы же глаго́лемъ ѻ҆бы̑чныѧ: И҆спо́лнихомсѧ заꙋ́тра млⷭ҇ти твоеѧ̀ гдⷭ҇и: Сла́ва, ст҃ы́хъ, гла́съ ѕ҃: Ст҃и́тели хрⷭ҇тѡ́вы: И҆ ны́нѣ, бг҃оро́диченъ: Дѣ́вственнꙋю добро́тꙋ: пи́саны на лїті́и. Та́же, Бла́го є҆́сть: и҆ Трист҃о́е. По Ѻ҆́ч҃е на́шъ: тропа́рь ст҃ы́хъ. Сла́ва, и҆ ны́нѣ, бг҃оро́диченъ воскрⷭ҇нъ, посе́мъ <<сє҃і ѡ҆б.: 430>> є҆ктенїа̀: Поми́лꙋй на́съ бж҃е: и҆ возгла́съ. та́же і҆ере́й глаго́летъ: Сы́й бл҃гослове́нъ: Кли́рїцы же, А҆ми́нь. Оу҆твердѝ бж҃е: и҆ ча́съ а҃. На часѣ́хъ, тропа́рь и҆ конда́къ ст҃ы́хъ. На лїтꙋргі́и, бл҃жє́нна ѿ канѡ́нѡвъ: а҃-гѡ, пѣ́снь г҃-ѧ, со і҆рмосо́мъ на д҃: и҆ дрꙋга́гѡ, пѣ́снь ѕ҃-ѧ на д҃. По вхо́дѣ тропа́рь хра́ма хрⷭ҇то́ва, и҆лѝ бцⷣы, и҆ ст҃ы́хъ. Та́же конда́къ хра́ма хрⷭ҇то́ва. Сла́ва, ст҃ы́хъ: И҆ ны́нѣ, хра́ма бцⷣы, Предста́тельство хрⷭ҇тїа́нъ: Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ днѐ и҆ ст҃ы́хъ.
А҆́ще ли слꙋчи́тсѧ трїе́хъ ст҃и́телей въ сре́дꙋ сы́рныѧ недѣ́ли: пое́мъ слꙋ́жбꙋ всю̀ во вто́рникъ тоѧ́же седми́цы. А҆́ще же въ пѧто́къ, и҆ пое́мъ слꙋ́жбꙋ и҆́хъ въ четверто́къ.
л҃а. Ст҃ы́хъ чꙋдотво́рцєвъ и҆ безсре́бренникѡвъ, кѵ́ра и҆ і҆ѡа́нна .
На Гдⷭ҇и воззва́хъ стїхи̑ры ст҃ы́хъ на ѕ҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ и҃: Дво́ица мч҃нкѡвъ: На стїхо́внѣ ѻ҆ктѡ́иха. Сла́ва, гла́съ в҃: Прїиди́те вѣ́рныхъ сосло́вїе: Тропа́рь, гла́съ є҃: Чꙋдеса̀ ст҃ы́хъ твои́хъ мч҃нкъ: ное́мврїа въ є҃і де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ на ѕ҃, гла́съ д҃. По г҃-й пѣ́сни, сѣда́ленъ, гла́съ д҃, два́жды. По ѕ҃-й пѣ́сни,
Конда́къ, гла́съ г҃. Подо́бенъ: Дв҃а дне́сь:
Ѿ бж҃е́ственныѧ бл҃года́ти да́ръ чꙋде́съ прїе́мше ст҃і́и, чꙋдодѣ́йствꙋете непреста́ннѡ, всѧ̑ на́шѧ стра̑сти рꙋкодѣ́йствомъ сѣкꙋ́ще неви́димымъ, кѵ́ре бг҃омꙋ́дре со і҆ѡа́нномъ сла́внымъ: вы́ бо бж҃е́ственнїи вра́чеве є҆стѐ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃ы́хъ. И҆ ны́нѣ, бг҃оро́диченъ. На стїхо́внѣ ѻ҆ктѡ́иха: Сла́ва, ст҃ы́хъ, гла́съ д҃: Достохва́льными пѣ́сньми: На <<сѕ҃і: 431>> лїтꙋргі́и, бл҃жє́нна ѻ҆ктѡ́иха на д҃: и҆ ст҃ы́хъ ѿ канѡ́на пѣ́снь г҃-ѧ, на д҃. Прокі́менъ, гла́съ д҃: Ст҃ы̑мъ и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а предо мно́ю вы́нꙋ: А҆по́столъ къ корі́нѳѧнѡмъ, зача́ло рн҃г: Вы̀ є҆стѐ тѣ́ло хрⷭ҇то́во и҆ ᲂу҆́ди ѿ ча́сти: А҆ллилꙋ́їа, гла́съ в҃: Сѐ что̀ добро̀, и҆лѝ что̀ красно̀: Є҆ѵⷢ҇лїе матѳе́а, зача́ло л҃д ѿ полꙋ̀: Призва̀ і҆и҃съ ѻ҆бана́десѧте: Прича́стенъ: Ра́дꙋйтесѧ првⷣнїи:
И҆ па́мѧть во ст҃ы́хъ ѻ҆ц҃а̀ на́шегѡ нїки́ты є҆пі́скопа, новго́родскагѡ чꙋдотво́рца.
Соверша́етсѧ собо́ръ є҆гѡ̀ и҆дѣ́же лежа́тъ мо́щи є҆гѡ̀, и҆ и҆дѣ́же хра́мъ є҆гѡ̀ є҆́сть.
Тропа́рь, гла́съ д҃:
Наслади́всѧ бг҃омꙋ́дре воздержа́нїѧ, и҆ жела́нїе пло́ти твоеѧ̀ ѡ҆бꙋзда́въ, на престо́лѣ ст҃и́тельства сѣ́лъ є҆сѝ: и҆ ꙗ҆́кѡ ѕвѣзда̀ многосвѣ́тлаѧ просвѣща́ѧ вѣ́рныхъ сердца̀ зарѧ́ми чꙋде́съ твои́хъ, ѻ҆́тче на́шъ ст҃и́телю нїки́то: и҆ ны́нѣ молѝ хрⷭ҇та̀ бг҃а, да сп҃се́тъ дꙋ́шы на́шѧ.
Конда́къ, гла́съ ѕ҃. Подо́бенъ: Є҆́же ѡ҆ на́съ:
А҆рхїере́йства са́номъ почти́всѧ, и҆ чи́стѣ чистѣ́йшемꙋ. предстоѧ̀, прилѣ́жнѡ моле́нїе за лю́ди твоѧ̑ приноси́лъ є҆сѝ: ꙗ҆́кѡ и҆ до́ждь мл҃твою све́лъ є҆сѝ, ѻ҆вогда́ же и҆ гра́да запалє́нїѧ ᲂу҆гаси́лъ є҆сѝ. и҆ ны́нѣ ст҃и́телю нїки́то, молѝ хрⷭ҇та̀ бг҃а, сп҃стѝ і҆мпера́тора правосла́внаго, нїкола́ѧ а҆леѯа́ндровича, и҆ лю́ди твоѧ̑ молѧ́щыѧсѧ, да всѝ вопїе́мъ тѝ: ра́дꙋйсѧ ст҃и́телю ѻ҆́тче преди́вный.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.