Ѡ҆ є҆́же когда̀ глаго́лютсѧ и҆з̾ѡбрази́тєльныѧ, и҆ когда̀ а҆нтїфѡ́ны

Ѡ҆ є҆́же когда̀ глаго́лютсѧ и҆з̾ѡбрази́тєльныѧ, и҆ когда̀ а҆нтїфѡ́ны

[глⷡ҇а к҃а] Ѡ҆ є҆́же когда̀ глаго́лютсѧ и҆з̾ѡбрази́тєльнаѧ, и҆ когда̀ а҆нтїфѡ́ны.

И҆з̾ѡбрази́тєльнаѧ глаго́лютсѧ во дни̑ воскрⷭ҇ныѧ во ве́сь го́дъ, и҆ во влⷣчни и҆ бг҃оро́дичны пра́здники, въ ни́хже нѣ́сть а҆нтїфѡ́нѡвъ. Та́кожде въ предпра́зднствахъ и҆ попра́зднствахъ, и҆ во всю̀ пѧтьдесѧ́тницꙋ. Подо́бнѣ же и҆ ст҃ы́хъ и҆мꙋ́щихъ бдѣ́нїе и҆ полѷеле́й, и҆ вы́ходъ, и҆ славосло́вїе, и҆ є҆мꙋ́же ᲂу҆казꙋ́етъ пѣ́снь во ᲂу҆ста́вѣ на лїтꙋргі́и. [зрѝ] А҆нтїфѡ́ны же глаго́лютсѧ септе́мврїа въ д҃і де́нь: Деке́мврїа въ к҃є де́нь: І҆аннꙋа́рїа въ ѕ҃ де́нь: А҆́ѵгꙋста въ ѕ҃ де́нь: Въ четыредесѧ́тницѣ: Въ недѣ́люнедѣ́люва́їй: Въ пѧтьдесѧ́тницѣ: Въ недѣ́люнедѣ́лю па́схи, и҆ во всю̀ свѣ́тлꙋю седми́цꙋ: Въ четверто́къчетверто́къвознесе́нїѧ гдⷭ҇нѧ: Въ недѣ́люнедѣ́лю и҃-ю: со́бствєнныѧ пра́здникѡвъ. Во все́ же лѣ́то по всѧ̑ дни̑, въ ни́хже не ᲂу҆казꙋ́етъ ст҃а́гѡ на бл҃же́ннахъ пѣ́сни, глаго́лютсѧ а҆нтїфѡ́ны повседнє́вныѧ: Бл҃го є҆́сть: съ про́чими. А҆́ще же и҆ ᲂу҆казꙋ́етъ ко́емꙋ ст҃о́мꙋ, прокі́менъ, а҆пⷭ҇лъ, є҆ѵⷢ҇лїе, и҆ прича́стенъ, кромѣ̀ пѣ́сни, и҆ въ тѣ̀ дни̑ глаго́лютсѧ а҆нтїфѡ́ны же вседнє́вныѧ.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.