[глⷡ҇а и҃] Мл҃тва на раздробле́нїе а҆́ртоса въ сꙋббѡ́тꙋ свѣ́тлыѧ недѣ́ли.
[глⷡ҇а и҃] Мл҃тва на раздробле́нїе а҆́ртоса въ сꙋббѡ́тꙋ свѣ́тлыѧ недѣ́ли.
По бж҃е́ственной лїтꙋргі́и, принесе́нꙋ бы́вшꙋ а҆́ртосꙋ ѻ҆бы́чнѡ въ трапе́зꙋ, и҆ ѿпѣ́вше три́жды, хрⷭ҇то́съ воскр҃се: съ поклоне́нїемъ, проче́тшꙋ, Ѻ҆́ч҃е на́шъ: и҆ трапе́зꙋ бл҃гослови́вшꙋ ѻ҆бы́чнѡ, дїа́конъ глаго́летъ: Гдⷭ҇ꙋ помо́лимсѧ. и҆ бра́тїѧ: Гдⷭ҇и поми́лꙋй.
І҆ере́й глаго́летъ мл҃твꙋ сїю̀ над̾ а҆́ртосомъ:
Гдⷭ҇и і҆и҃се хрⷭ҇тѐ, бж҃е на́шъ, хлѣ́бе а҆́гг҃льскїй, хлѣ́бе живота̀ вѣ́чнагѡ, соше́дый съ нб҃сѐ, напита́вый на́съ во всесвѣ̑тлыѧ сїѧ̑ дни̑ пи́щею дꙋхо́вною твои́хъ бж҃е́ственныхъ бл҃годѣѧ́нїй, тридне́внагѡ ра́ди и҆ сп҃си́тельнагѡ воскрⷭ҇нїѧ: при́зри и҆ ны́нѣ, смире́ннѡ мо́лимъ тѧ̀, на мольбы̑ и҆ бл҃годарє́нїѧ на̑ша, и҆ ꙗ҆́коже бл҃гослови́лъ є҆сѝ пѧ́ть хлѣ́бѡвъ въ пꙋсты́нѣ, и҆ ны́нѣ бл҃гословѝ хлѣ́бъ се́й, ꙗ҆́кѡ да всѝ вкꙋша́ющїи ѿ негѡ̀, тѣле́снагѡ и҆ дꙋше́внагѡ бл҃гослове́нїѧ и҆ здра́вїѧ сподо́бѧтсѧ бл҃года́тїю и҆ щедро́тами твоегѡ̀ чл҃вѣколю́бїѧ. ты́ бо є҆сѝ ѡ҆сщ҃е́нїе на́ше, и҆ тебѣ̀ сла́вꙋ возсыла́емъ со безнача́льнымъ твои́мъ ѻ҆ц҃е́мъ, и҆ всест҃ы́мъ, и҆ бл҃ги́мъ, и҆ животворѧ́щимъ твои́мъ дх҃омъ, ны́нѣ и҆ при́снѡ, и҆ во вѣ́ки вѣкѡ́въ.
Бра́тїѧ: А҆ми́нь.
Раздроби́въ же а҆́ртосъ ѻ҆бы́чнѡ, раздае́тъ всѣ̑мъ пре́жде ѡ҆бѣ́да. Мо́жетъ же раздроби́ть є҆го̀ и҆ на лїтꙋргі́и по заамвѡ́нной моли́твѣ, и҆ раздава́ть вѣ́рꙋющымъ вмѣ́стѡ а҆нті́дѡра.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.