Мцⷭосло́въ всегѡ̀ лѣ́та.
[глⷡ҇а л҃и] СОБО́РНИКЪ ДВꙊНА́ДЕСѦТИ МЦⷭ҇ЕЙ.
Мѣ́сѧцъ септе́мврїй.
а҃. [а] Нача́ло і҆нді́кта, си́рѣчь но́вагѡ лѣ́та:
И҆ па́мѧть прпⷣбнагѡ ѻ҆тца̀ на́шегѡ сѷмеѡ́на сто́лпника и҆ а҆рхїмандрі́та:
И҆ ма́тере є҆гѡ̀ ма́рѳы:
И҆ собо́ръ прест҃ы́ѧ бцⷣы и҆́же въ мїаси́нѣхъ:
И҆ ст҃а́гѡ мч҃нка а҆їѳала̀:
И҆ ст҃ы́хъ мч҃нцъ м҃ же́нъ: И҆ ст҃а́гѡ а҆ммꙋ́на дїа́кона и҆ ᲂу҆чи́телѧ и҆́хъ:
И҆ ст҃ы́хъ мч҃нкъ, каллі́сты, є҆ѵо́да и҆ є҆рмоге́на, самобра́тныхъ.
И҆ па́мѧть првⷣнагѡ і҆и҃сꙋ́са сы́на наѵи́на.
Пра́здникъ, и҆ разрѣше́нїе вїна̀ и҆ є҆ле́а.
в҃. [з] Ст҃а́гѡ мч҃нка ма́манта:
И҆ прпⷣбнагѡ ѻ҆тца̀ на́шегѡ і҆ѡа́нна по́стника, патрїа́рха царѧгра́да.
г҃. [ѕ] Ст҃а́гѡ сщ҃енномч҃нка а҆нѳі́ма є҆пⷭ҇кпа нїкомиді́йскагѡ:
И҆ прпⷣбнагѡ ѻ҆тца̀ на́шегѡ ѳеокті́ста, спо́стника вели́кагѡ є҆ѵѳѵ́мїа.
<<са҃і ѡ҆б.: 422>>
д҃. [є] Ст҃а́гѡ сщ҃енномч҃нка вавѵ́лы, є҆пⷭ҇кпа вели́кїѧ а҆нтїохі́и:
И҆ ст҃а́гѡ прⷪ҇ро́ка и҆ бг҃ови́дца мѡѷсе́а.
Въ се́й же де́нь ѡ҆брѣ́тенїе чⷭ҇тны́хъ моще́й ст҃а́гѡ і҆ѡаса́фа, є҆пⷭ҇кпа бѣлогра́дскагѡ.
є҃. [д] Ст҃а́гѡ прⷪ҇ро́ка заха́рїи, ѻ҆тца̀ честна́гѡ і҆ѡа́нна прⷣте́чи.
ѕ҃. [г] Воспомина́нїе бы́вшагѡ чꙋдесѐ въ колосса́ехъ, є҆́же є҆́сть въ хѡ́нѣхъ, ѿ а҆рхїстрати́га мїхаи́ла.
И҆ ст҃а́гѡ мч҃нка є҆ѵдоѯі́а, и҆ и҆̀же съ ни́мъ пострада́вшихъ:
И҆ прпⷣбнагѡ ѻ҆тца̀ на́шегѡ а҆рхі́ппа.
Разрѣше́нїе вїна̀ и҆ є҆ле́а.
з҃. [в] Предпра́зднство ржⷭ҇тва̀ прест҃ы́ѧ бцⷣы:
И҆ ст҃а́гѡ мч҃нка сѡзо́нта:
И҆ па́мѧть и҆́же во ст҃ы́хъ ѻ҆тца̀ на́шегѡ і҆ѡа́нна а҆рхїепⷭ҇кпа, новгоро́дскагѡ чꙋдотво́рца.
и҃. [а] Ржⷭ҇тво̀ прест҃ы́ѧ влⷣчцы на́шеѧ бцⷣы, приснодв҃ы мр҃і́и.
Пра́здникъ, и҆ разрѣше́нїе ры́бы.
[зрѝ] Де́нь и҆́мать часѡ́въ в҃і, и҆ но́щь часѡ́въ в҃і.
ѳ҃. [з] Ст҃ы́хъ и҆ првⷣныхъ бг҃оѻтє́цъ і҆ѡакі́ма и҆ а҆́нны:
Разрѣше́нїе вїна̀ и҆ є҆ле́а.
И҆ ст҃а́гѡ мч҃нка севирїа́на:
И҆ прпⷣбнагѡ ѻ҆тца̀ на́шегѡ і҆ѡ́сифа, волоцка́гѡ чꙋдотво́рца:
И҆ ѡ҆брѣ́тенїе чтⷭ҇ны́хъ моще́й ст҃а́гѡ ѳеодо́сїа а҆рхїепⷭ҇кпа, черни́говскагѡ чꙋдотво́рца.
<<св҃і: 423>>
і҃. [ѕ] Ст҃ы́хъ мч҃нцъ, минодѡ́ры, митродѡ́ры и҆ нѷмфодѡ́ры.
а҃і. [є] Прпⷣбныѧ ма́тере на́шеѧ ѳеодѡ́ры, ꙗ҆́же во а҆леѯандрі́и:
И҆ пренесе́нїе моще́й прпⷣбныхъ ѻ҆тє́цъ, се́ргїа и҆ ге́рмана.
в҃і. [д] Ст҃а́гѡ сщ҃енномч҃нка а҆ѵтоно́ма:
Въ се́й же де́нь ѿдае́тсѧ пра́здникъ ржⷭ҇тва̀ бцⷣы.
Слꙋ́жба пое́тсѧ всѧ̀ пра́здника.
г҃і. [г] Па́мѧть ѡ҆бновле́нїй хра́ма, ст҃а́гѡ хрⷭ҇та̀ и҆ бг҃а на́шегѡ воскрⷭ҇нїѧ:
И҆ предпра́зднство воздви́женїѧ чтⷭ҇на́гѡ и҆ животворѧ́щагѡ крⷭ҇та̀:
И҆ ст҃а́гѡ сщ҃енномч҃нка корни́лїа со́тника.
Разрѣше́нїе вїна̀ и҆ є҆ле́а.
д҃і. [в] Всемі́рное воздви́женїе чтⷭ҇на́гѡ и҆ животворѧ́щагѡ крⷭ҇та̀:
И҆ ᲂу҆спе́нїе во ст҃ы́хъ ѻ҆тца̀ на́шегѡ і҆ѡа́нна а҆рхїепⷭ҇кпа кѡнстанті́нѧ гра́да златоꙋ́стагѡ.
Пра́здникъ, и҆ по́стъ.
є҃і. [а] Ст҃а́гѡ великомч҃нка нїки́ты.
ѕ҃і. [з] Ст҃ы́ѧ великомч҃нцы є҆ѵфи́мїи всехва́льныѧ.
з҃і. [ѕ] Ст҃ы́ѧ мч҃нцы софі́и, и҆ тре́хъ є҆ѧ̀ дще́рей, вѣ́ры, наде́жды и҆ любвѐ.
<<св҃і ѡ҆б.: 424>>
и҃і. [є] Прпⷣбнагѡ ѻ҆тца̀ на́шегѡ є҆ѵме́нїа є҆пⷭ҇кпа, гортѵ́нскагѡ чꙋдотво́рца.
ѳ҃і. [д] Ст҃ы́хъ мч҃нкъ, трофі́ма, савва́тїа и҆ дорѷмедо́нта:
И҆ преставле́нїе бл҃говѣ́рнагѡ вели́кагѡ кн҃зѧ ѳео́дѡра, и҆ ча̑дъ є҆гѡ̀, бл҃говѣ́рныхъ кн҃зе́й, даві́да и҆ кѡнстанті́на, смоле́нскихъ и҆ ꙗ҆росла́вскихъ чꙋдотво́рцєвъ.
к҃. [г] Ст҃а́гѡ великомч҃нка є҆ѵста́ѳїа, и҆ и҆̀же съ ни́мъ:
Разрѣше́нїе вїна̀ и҆ є҆ле́а.
И҆ ст҃ы́хъ мч҃нкъ и҆ и҆сповѣ̑дникъ, вели́кагѡ кнѧ́зѧ мїхаи́ла и҆ болѧ́рина є҆гѡ̀ ѳео́дѡра, черни́говскихъ чꙋдотво́рцєвъ.
к҃а. [в] Ст҃а́гѡ а҆пⷭ҇ла кодра́та, и҆́же въ магнисі́и:
Въ то́йже де́нь па́мѧть и҆́же во ст҃ы́хъ ѻ҆тца̀ на́шегѡ дими́трїа, митрополі́та росто́вскагѡ.
Въ се́й де́нь ѿдае́тсѧ пра́здникъ чтⷭ҇на́гѡ крⷭ҇та̀.
к҃в. [а] Ст҃а́гѡ сщ҃енномч҃нка фѡ́ки, є҆пⷭ҇кпа сѷнопі́йскагѡ:
И҆ ст҃а́гѡ прⷪ҇ро́ка і҆ѡ́ны:
И҆ прпⷣбнагѡ і҆ѡ́ны пресвѵ́тера, ѻ҆тца̀ ѳеофа́нова, творца̀ канѡ́нѡвъ, и҆ ѳео́дѡра начерта́ннагѡ.
к҃г. [з] Зача́тїе чтⷭ҇на́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ гдⷭ҇нѧ і҆ѡа́нна.
Разрѣше́нїе вїна̀ и҆ є҆ле́а.
к҃д. [ѕ] Ст҃ы́ѧ первомч҃нцы и҆ равноапⷭ҇льныѧ ѳе́клы:
Въ то́йже де́нь па́мѧть прпⷣбнагѡ ѻ҆тца̀ на́шегѡ нїка́ндра пꙋстынножи́телѧ, псковска́гѡ чꙋдотво́рца.
[зрѝ] Де́нь и҆́мать часѡ́въ а҃і, а҆ но́щь г҃і.
<<сг҃і: 425>>
к҃є. [є] Прпⷣбныѧ ма́тере на́шеѧ є҆ѵфросѵ́нїи:
И҆ прпⷣбнагѡ ѻ҆тца̀ на́шегѡ се́ргїа и҆гꙋ́мена, ра́донежскагѡ чꙋдотво́рца.
к҃ѕ. [д] Преставле́нїе ст҃а́гѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва.
Пра́здникъ, и҆ разрѣше́нїе вїна̀ и҆ є҆ле́а.
к҃з. [г] Ст҃а́гѡ мч҃нка каллїстра́та, и҆ дрꙋжи́ны є҆гѡ̀:
И҆ прпⷣбнагѡ ѻ҆тца̀ на́шегѡ савва́тїа солове́цкагѡ.
к҃и. [в] Прпⷣбнагѡ ѻ҆тца̀ на́шегѡ и҆ и҆сповѣ́дника харїтѡ́на.
к҃ѳ. [а] Прпⷣбнагѡ ѻ҆тца̀ на́шегѡ кѷрїа́ка ѿше́льника.
л҃. [з] Ст҃а́гѡ сщ҃енномч҃нка григо́рїа вели́кїѧ а҆рме́нїи:
И҆ прпⷣбнагѡ ѻ҆тца̀ на́шегѡ григо́рїа, и҆́же на пе́лшмѣ рѣцѣ̀, во́логодскагѡ чꙋдотво́рца:
И҆ ст҃а́гѡ мїхаи́ла, пе́рвагѡ митрополі́та кі́евскагѡ и҆ всеѧ̀ рѡссі́и чꙋдотво́рца.
<<сг҃і ѡ҆б.: 426>>
Мѣ́сѧцъ ѻ҆ктѡ́врїй.
а҃. [ѕ] Покро́въ прест҃ы́ѧ бцⷣы:
И҆ ст҃а́гѡ а҆пⷭ҇ла а҆на́нїи, є҆ди́нагѡ ѿ ѻ҃:
И҆ прпⷣбнагѡ ѻ҆тца̀ рѡма́на сладкопѣ́вца:
И҆ прпⷣбнагѡ ѻ҆тца̀ на́шегѡ са́ввы, ви́шерскагѡ чꙋдотво́рца.
в҃.[є] Ст҃а́гѡ сщ҃енномч҃нка кѷпрїа́на:
И҆ ст҃ы́ѧ мч҃нцы і҆ꙋсті́ны:
И҆ ст҃а́гѡ и҆ бл҃же́ннагѡ а҆ндре́а, хрⷭ҇та̀ ра́ди ю҆ро́дивагѡ.
И҆ преставле́нїе ст҃ы́ѧ бл҃говѣ́рныѧ вели́кїѧ кн҃ги́ни а҆́нны ка́шинскїѧ.
г҃. [д] Ст҃а́гѡ сщ҃енномч҃нка дїѻнѵ́сїа а҆реопагі́та:
д҃. [г] Ст҃а́гѡ сщ҃енномч҃нка і҆ероѳе́а, є҆пⷭ҇кпа а҆ѳи́нскагѡ:
И҆ ѡ҆брѣ́тенїе чтⷭ҇ны́хъ моще́й, и҆̀же во ст҃ы́хъ ѻ҆тє́цъ на́шихъ, гꙋ́рїа, пе́рвагѡ а҆рхїепⷭ҇кпа каза́нскагѡ, и҆ варсоно́фїа, є҆пⷭ҇кпа тверска́гѡ.
є҃. [в] Ст҃ы́ѧ мч҃нцы харїті́ны:
И҆ и҆̀же во ст҃ы́хъ ѻ҆тє́цъ на́шихъ, митрополі́тѡвъ всеѧ̀ рѡссі́и, чꙋдотво́рцєвъ: петра̀, а҆леѯі́а, і҆ѡ́ны, фїлі́ппа и҆ є҆рмоге́на.
ѕ҃. [а] Ст҃а́гѡ и҆ сла́внагѡ а҆пⷭ҇ла ѳѡмы̀.
Разрѣше́нїе вїна̀ и҆ є҆ле́а.
з҃. [з] Ст҃ы́хъ мч҃нкъ, се́ргїа и҆ ва́кха.
и҃. [ѕ] Прпⷣбныѧ ма́тере пелагі́и.
<<сд҃і: 427>>
ѳ҃. [є] Ст҃а́гѡ а҆пⷭ҇ла і҆а́кѡва а҆лфе́ова:
И҆ прпⷣбнагѡ ѻ҆тца̀ на́шегѡ а҆ндроні́ка, и҆ жены̀ є҆гѡ̀ а҆ѳана́сїи.
Разрѣше́нїе вїна̀ и҆ є҆ле́а.
і҃. [д] Ст҃ы́хъ мч҃нкъ є҆ѵла́мпїа и҆ є҆ѵлампі́и.
[зрѝ] Де́нь и҆́мать часѡ́въ і҃, а҆ но́щь д҃і.
а҃і. [г] Ст҃а́гѡ а҆пⷭ҇ла фїлі́ппа, є҆ди́нагѡ ѿ седмѝ дїа́конѡвъ:
И҆ прпⷣбнагѡ ѻ҆тца̀ на́шегѡ ѳеофа́на и҆сповѣ́дника, и҆ творца̀ канѡ́нѡвъ, є҆пⷭ҇кпа нїкі́йскагѡ.
в҃і. [в] Ст҃ы́хъ мч҃нкъ, про́ва, тара́ха и҆ а҆ндроні́ка:
И҆ прпⷣбнагѡ ѻ҆тца̀ на́шегѡ космы̀ ст҃огра́дца, є҆пⷭ҇кпа маїꙋ́мскагѡ, и҆ творца̀ канѡ́нѡвъ.
Въ то́йже де́нь пра́зднованїе ст҃о́мꙋ і҆ѡа́ннꙋ крⷭ҇ти́телю гдⷭ҇ню, на па́мѧть пренесе́нїѧ и҆з̾ ма́льты во гра́дъ га́тчинꙋ крⷭ҇та̀ и҆з̾ ча́сти дре́ва животворѧ́щагѡ крⷭ҇та̀ гдⷭ҇нѧ, чꙋдотво́рнагѡ ѡ҆́браза бж҃їѧ мт҃ри, пи́саннагѡ ст҃ы́мъ є҆ѵⷢ҇лі́стомъ лꙋко́ю, и҆ десны́ѧ рꙋкѝ моще́й ст҃а́гѡ і҆ѡа́нна крⷭ҇ти́телѧ.
г҃і. [а] Ст҃ы́хъ мч҃нкъ, ка́рпа и҆ папѵ́лы.
д҃і. [з] Ст҃ы́хъ мч҃нкъ, наза́рїа, герва́сїа, прота́сїа и҆ кельсі́а:
И҆ прпⷣбныѧ параске́ѵи.
є҃і. [ѕ] Прпⷣбнагѡ ѻ҆тца̀ на́шегѡ є҆ѵѳѵ́мїа но́вагѡ:
И҆ ст҃а́гѡ прпⷣбномч҃нка лꙋкїа́на, пресвѵ́тера вели́кїѧ а҆нтїохі́и.
И҆ ст҃а́гѡ мч҃нка ло́ггїна со́тника, и҆́же при крⷭ҇тѣ̀ гдⷭ҇ни.
<<сд҃і ѡ҆б.: 428>>
з҃і. [д] Ст҃а́гѡ прⷪ҇ро́ка ѡ҆сі́и:
И҆ прпⷣбномч҃нка а҆ндре́а кри́тскагѡ.
и҃і. [г] Ст҃а́гѡ а҆пⷭ҇ла и҆ є҆ѵⷢ҇лі́ста лꙋкѝ.
Пра́здникъ, и҆ разрѣше́нїе вїна̀ и҆ є҆ле́а.
и҃і. [в] Ст҃а́гѡ прⷪ҇ро́ка і҆ѡ́илѧ:
И҆ ст҃а́гѡ мч҃нка ᲂу҆а́ра:
И҆ прпⷣбнагѡ ѻ҆тца̀ на́шегѡ і҆ѡа́нна ры́льскагѡ.
к҃. [а] Ст҃а́гѡ великомч҃нка а҆рте́мїа.
к҃а. [з] Прпⷣбнагѡ ѻ҆тца̀ на́шегѡ і҆ларїѡ́на вели́кагѡ:
И҆ пренесе́нїе моще́й, прпⷣбнагѡ ѻ҆тца̀ на́шегѡ і҆ларїѡ́на, є҆пⷭ҇кпа мегли́нскагѡ.
к҃в. [ѕ] Ст҃а́гѡ равноапⷭ҇льнагѡ а҆ве́ркїа є҆пⷭ҇кпа, і҆ерапо́льскагѡ чꙋдотво́рца:
И҆ ст҃ы́хъ седмѝ ѻ҆трокѡ́въ, и҆̀же во є҆фе́сѣ:
Въ то́йже де́нь пра́зднꙋемъ прест҃ѣ́й бцⷣѣ ꙗ҆вле́нїѧ і҆кѡ́ны каза́нскїѧ.
к҃г. [ѕ] Ст҃а́гѡ а҆пⷭ҇ла і҆а́кѡва бра́та бж҃їѧ:
Разрѣше́нїе вїна̀ и҆ є҆ле́а.
И҆ пренесе́нїе честны́хъ моще́й ст҃а́гѡ і҆а́кѡва борови́цкагѡ, новгоро́дскагѡ чꙋдотво́рца.
к҃д. [д] Ст҃а́гѡ мч҃нка а҆ре́ѳы, и҆ и҆̀же съ ни́мъ.
к҃є. [г] Ст҃ы́хъ мч҃нкъ и҆ нотарі́й, маркїа́на и҆ мартѵ́рїа.
<<сє҃і: 429>>
к҃ѕ. [в] Ст҃а́гѡ великомч҃нка дими́трїа мѷрото́чца:
И҆ воспомина́нїе вели́кагѡ и҆ стра́шнагѡ трѧсе́нїѧ.
Пра́здникъ, и҆ разрѣше́нїе вїна̀ и҆ є҆ле́а.
[зрѝ] Де́нь и҆́мать часѡ́въ ѳ҃, а҆ но́щь є҃і.
к҃з. [а] Ст҃а́гѡ мч҃нка не́стора.
к҃и. [з] Ст҃ы́хъ мч҃нкъ, тере́нтїа и҆ неоні́лы:
И҆ прпⷣбнагѡ ѻ҆тца̀ на́шегѡ стефа́на савваі́та и҆ творца̀ канѡ́нѡвъ:
И҆ и҆́же во ст҃ы́хъ ѻ҆тца̀ на́шегѡ а҆рсе́нїа, а҆рхїепⷭ҇кпа се́рбскагѡ:
И҆ ст҃ы́ѧ мч҃нцы параске́ѵи.
к҃ѳ. [ѕ] Ст҃ы́ѧ прпⷣбномч҃нцы а҆настасі́и ри́млѧныни:
И҆ прпⷣбнагѡ ѻ҆тца̀ на́шегѡ а҆вра́мїа затво́рника:
И҆ преставле́нїе прпⷣбнагѡ ѻ҆тца̀ на́шегѡ а҆вра́мїа а҆рхїмандрі́та, росто́вскагѡ чꙋдотво́рца.
л҃. [є] Ст҃ы́хъ мч҃нкъ, зино́вїа и҆ зинові́и сестры̀ є҆гѡ̀.
л҃а. [д] Ст҃ы́хъ а҆пⷭ҇лъ, стахѵ́а, а҆мплі́а, и҆ и҆̀же съ ни́ми:
И҆ ст҃а́гѡ мч҃нка є҆пїма́ха.
<<сє҃і ѡ҆б.: 430>>
Мѣ́сѧцъ ное́мврїй.
а҃. [г] Ст҃ы́хъ и҆ чꙋдотво́рцєвъ безсре́бренникѡвъ космы̀ и҆ дамїа́на, и҆̀же ѿ а҆сі́и.
Разрѣше́нїе вїна̀ и҆ є҆ле́а.
в҃. [в] Ст҃ы́хъ мч҃нкъ: а҆кїндѵ́на, пига́сїа, а҆фѳо́нїа, є҆лпїдїфо́ра и҆ а҆немподі́ста.
г҃. [а] Ст҃ы́хъ мч҃нкъ, а҆кеѱі́мы є҆пⷭ҇кпа, и҆ і҆ѡ́сифа пресвѵ́тера, и҆ а҆їѳала̀ дїа́кона:
И҆ ѡ҆бновле́нїе хра́ма, ст҃а́гѡ великомч҃нка геѡ́ргїа, и҆́же въ лѵ́дѣ, и҆дѣ́же положено̀ є҆́сть чтⷭ҇но́е тѣ́ло є҆гѡ̀.
д҃. [з] Прпⷣбнагѡ ѻ҆тца̀ на́шегѡ і҆ѡанні́кїа вели́кагѡ:
И҆ ст҃ы́хъ мч҃нкъ, нїка́ндра, є҆пⷭ҇кпа мѵ́рскагѡ, и҆ є҆рмі́а пресвѵ́тера.
є҃. [ѕ] Ст҃ы́хъ мч҃нкъ, галактїѡ́на и҆ є҆пїсти́мы:
И҆ преставле́нїе и҆́же во ст҃ы́хъ ѻ҆тца̀ на́шегѡ і҆ѡ́ны а҆рхїепⷭ҇кпа, новгоро́дскагѡ чꙋдотво́рца.
ѕ҃. [є] И҆́же во ст҃ы́хъ ѻ҆тца̀ на́шегѡ па́ѵла, а҆рхїепⷭ҇кпа кѡнстанті́нѧ гра́да, и҆сповѣ́дника:
И҆ па́мѧть прпⷣбнагѡ ѻ҆тца̀ на́шегѡ варлаа́ма хꙋ́тынскагѡ, новгоро́дскагѡ чꙋдотво́рца.
з҃. [д] Ст҃ы́хъ мч҃нкъ л҃г, и҆̀же въ мелїті́нѣ:
И҆ прпⷣбнагѡ ѻ҆тца̀ на́шегѡ и҆ чꙋдотво́рца ла́зарѧ, въ галїсі́йстѣй горѣ̀ пости́вшагѡсѧ.
<<сѕ҃і: 431>>
и҃. [г] Собо́ръ а҆рхїстрати́га мїхаи́ла, и҆ про́чихъ безпло́тныхъ си́лъ.
Пра́здникъ, и҆ разрѣше́нїе вїна̀ и҆ є҆ле́а.
ѳ҃. [в] Ст҃ы́хъ мч҃нкъ, ѻ҆нїсі́фора и҆ порфѵ́рїа:
И҆ прпⷣбныѧ ма́тере на́шеѧ матрѡ́ны:
И҆ прпⷣбныѧ ѳеокті́сты, ꙗ҆́же ѿ ле́звы.
і҃. [а] Ст҃ы́хъ а҆пⷭ҇лъ: є҆ра́ста, ѻ҆лѵ́мпа, родїѡ́на, и҆ и҆̀же съ ни́ми.
а҃і. [з] Ст҃ы́хъ мч҃нкъ, ми́ны, ві́ктора и҆ вїке́нтїа:
И҆ ст҃ы́ѧ мч҃нцы стефані́ды:
И҆ прпⷣбнагѡ ѻ҆тца̀ на́шегѡ и҆ и҆сповѣ́дника ѳео́дѡра стꙋді́та:
И҆ преставле́нїе ст҃а́гѡ и҆ бл҃же́ннагѡ маѯі́ма, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца.
[зрѝ] Де́нь и҆́мать часѡ́въ и҃, а҆ но́щь ѕ҃і.
в҃і. [ѕ] И҆́же во ст҃ы́хъ ѻ҆тца̀ на́шегѡ і҆ѡа́нна, патрїа́рха а҆леѯандрі́йскагѡ, ми́лостивагѡ:
И҆ прпⷣбнагѡ ѻ҆тца̀ на́шегѡ ні́ла.
г҃і. [є] И҆́же во ст҃ы́хъ ѻ҆тца̀ на́шегѡ і҆ѡа́нна, а҆рхїепⷭ҇кпа кѡнстанті́нѧ гра́да, златоꙋ́стагѡ.
Пра́здникъ, разрѣше́нїе вїна̀ и҆ є҆ле́а.
д҃і. [д] Ст҃а́гѡ и҆ всехва́льнагѡ а҆пⷭ҇ла фїлі́ппа.
Пра́здникъ и҆ ры́бы разрѣше́нїе.
є҃і. [г] Ст҃ы́хъ мч҃нкъ и҆ и҆сповѣ̑дникъ, гꙋ́рїа, самѡ́на и҆ а҆ві́ва.
<<сѕ҃і ѡ҆б.: 432>>
ѕ҃і. [в] Ст҃а́гѡ а҆пⷭ҇ла и҆ є҆ѵⷢ҇лі́ста матѳе́а.
Разрѣше́нїе вїна̀ и҆ є҆ле́а.
з҃і. [а] И҆́же во ст҃ы́хъ ѻ҆тца̀ на́шегѡ григо́рїа є҆пⷭ҇кпа неѻкесарі́йскагѡ, чꙋдотво́рца:
И҆ прпⷣбнагѡ ѻ҆тца̀ на́шегѡ ні́кѡна чꙋдотво́рца, ᲂу҆ченика̀ ст҃а́гѡ се́ргїа.
и҃і. [з] Ст҃ы́хъ мч҃нкъ, платѡ́на и҆ рѡма́на.
ѳ҃і. [ѕ] Ст҃а́гѡ прⷪ҇ро́ка а҆вді́а:
И҆ ст҃а́гѡ мч҃нка варлаа́ма:
И҆ прпⷣбныхъ ѻ҆тє́цъ на́шихъ, варлаа́ма и҆ і҆ѡаса́фа, цр҃е́вича вели́кїѧ и҆нді́и.
к҃. [є] Предпра́зднство во хра́мъ вхо́да прест҃ы́ѧ бцⷣы:
И҆ прпⷣбнагѡ ѻ҆тца̀ на́шегѡ григо́рїа декаполі́та:
И҆ и҆́же во ст҃ы́хъ ѻ҆тца̀ на́шегѡ про́кла, а҆рхїепⷭ҇кпа кѡнстанті́нѧ гра́да.
к҃а. [д] Вхо́дъ во хра́мъ прест҃ы́ѧ влⷣчцы на́шеѧ бцⷣы и҆ прⷭ҇нодв҃ы мр҃і́и.
Пра́здникъ, и҆ ры́бы разрѣше́нїе.
к҃в. [г] Ст҃а́гѡ а҆пⷭ҇ла фїлимо́на, и҆ и҆̀же съ ни́мъ:
И҆ ᲂу҆бїе́нїе ст҃а́гѡ бл҃говѣ́рнагѡ вели́кагѡ кн҃зѧ мїхаи́ла тверска́гѡ.
к҃г. [в] И҆̀же во ст҃ы́хъ ѻ҆тє́цъ на́шихъ а҆мфїло́хїа, є҆пⷭ҇кпа і҆коні́йскагѡ, и҆ григо́рїа є҆пⷭ҇кпа а҆краганті́йскагѡ:
И҆ преставле́нїе ст҃а́гѡ бл҃говѣ́рнагѡ вели́кагѡ кн҃зѧ а҆леѯа́ндра не́вскагѡ, и҆ всеѧ̀ рѡссі́и чꙋдотво́рца:
<<сз҃і: 433>>
И҆ па́мѧть пе́рвагѡ воро́нежскагѡ ст҃и́телѧ митрофа́на, въ схимона́сѣхъ мака́рїа.
к҃д. [а] Ст҃ы́ѧ великомч҃нцы є҆катері́ны:
И҆ ст҃а́гѡ великомч҃нка меркꙋ́рїа:
Пра́здникъ, и҆ разрѣше́нїе вїна̀ и҆ є҆ле́а.
И҆ ст҃а́гѡ мч҃нка меркꙋ́рїа смоле́нскагѡ.
к҃є. [з] И҆̀же во ст҃ы́хъ ѻ҆тє́цъ на́шихъ, и҆ сщ҃енномч҃нкѡвъ, кли́мента па́пы ри́мскагѡ, и҆ петра̀ а҆леѯандрі́йскагѡ:
Въ сі́й де́нь ѿдае́тсѧ пра́здникъ вхо́да прест҃ы́ѧ бцⷣы.
к҃ѕ. [ѕ] Прпⷣбнагѡ ѻ҆тца̀ на́шегѡ а҆лѵ́пїа сто́лпника.
Въ то́йже де́нь пра́зднꙋемъ ѡ҆сщ҃е́нїю цр҃кве ст҃а́гѡ великомч҃нка геѡ́ргїа, ꙗ҆́же въ кі́евѣ ᲂу҆ златы́хъ вра́тъ:
И҆ па́мѧть преставле́нїѧ ст҃и́телѧ і҆нноке́нтїа пе́рвагѡ є҆пⷭ҇кпа і҆ркꙋ́тскагѡ, чꙋдотво́рца.
к҃з. [є] Ст҃а́гѡ мч҃нка і҆а́кѡва пе́рсѧнина:
И҆ прпⷣбнагѡ ѻ҆тца̀ на́шегѡ палла́дїа:
И҆ зна́менїе прест҃ы́ѧ бцⷣы, бы́вшее въ вели́комъ новѣ̀ гра́дѣ:
И҆ па́мѧть и҆́же во ст҃ы́хъ ѻ҆тца̀ на́шегѡ і҆а́кѡва є҆пⷭ҇кпа, росто́вскагѡ чꙋдотво́рца.
[зрѝ] Де́нь и҆́мать часѡ́въ з҃, а҆ но́щь з҃і.
к҃и. [д] Ст҃а́гѡ прпⷣбномч҃нка стефа́на но́вагѡ:
И҆ ст҃а́гѡ мч҃нка і҆рина́рха.
к҃ѳ. [г] Ст҃а́гѡ мч҃нка парамо́на:
И҆ ст҃а́гѡ мч҃нка фїлꙋме́на:
И҆ прпⷣбнагѡ а҆ка́кїа, въ лѣ́ствицѣ свидѣ́тельствованнагѡ.
л҃. [в] Ст҃а́гѡ и҆ всехва́льнагѡ а҆пⷭ҇ла а҆ндре́а первозва́ннагѡ.
Пра́здникъ, и҆ разрѣше́нїе вїна̀ и҆ є҆ле́а.
<<сз҃і ѡ҆б.: 434>>
Мѣ́сѧцъ деке́мврїй.
а҃. [а] Ст҃а́гѡ прⷪ҇ро́ка наꙋ́ма.
в҃. [з] Ст҃а́гѡ прⷪ҇ро́ка а҆ввакꙋ́ма.
г҃. [ѕ] Ст҃а́гѡ прⷪ҇ро́ка софо́нїи:
И҆ прпⷣбнагѡ ѻ҆тца̀ на́шегѡ са́ввы звенигоро́дскагѡ.
д҃. [є] Ст҃ы́ѧ великомч҃нцы варва́ры:
И҆ прпⷣбнагѡ ѻ҆тца̀ на́шегѡ і҆ѡа́нна дамаски́на.
Разрѣше́нїе вїна̀ и҆ є҆ле́а.
И҆ па́мѧть ст҃и́телѧ і҆ѡаса́фа, є҆пⷭ҇кпа бѣлогра́дскагѡ.
є҃. [д] Прпⷣбнагѡ и҆ бг҃оно́снагѡ ѻ҆тца̀ на́шегѡ са́ввы ѡ҆сщ҃е́ннагѡ.
Пра́здникъ, и҆ разрѣше́нїе вїна̀ и҆ є҆ле́а.
ѕ҃. [г] И҆́же во ст҃ы́хъ ѻ҆тца̀ на́шегѡ нїкола́а, а҆рхїепⷭ҇кпа мѵ́ръ лѷкі́йскихъ, чꙋдотво́рца.
Пра́здникъ, и҆ разрѣше́нїе вїна̀ и҆ є҆ле́а.
з҃. [в] И҆́же во ст҃ы́хъ ѻ҆тца̀ на́шегѡ а҆мвро́сїа, є҆пⷭ҇кпа медїола́нскагѡ:
И҆ преставле́нїе прпⷣбнагѡ ѻ҆тца̀ на́шегѡ а҆нтѡ́нїа сі́йскагѡ, но́вагѡ чꙋдотво́рца:
И҆ преставле́нїе прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца.
<<си҃і: 435>>
и҃. [а] Прпⷣбнагѡ ѻ҆тца̀ на́шегѡ пата́пїа.
ѳ҃. [з] Зача́тїе ст҃ы́ѧ а҆́нны, є҆гда̀ зача́тъ. ст҃ꙋ́ю бцⷣꙋ.
Пра́здникъ, и҆ разрѣше́нїе вїна̀ и҆ є҆ле́а.
і҃. [ѕ] Ст҃ы́хъ мч҃нкъ ми́ны, є҆рмоге́на и҆ є҆ѵгра́фа.
а҃і. [є] Прпⷣбнагѡ ѻ҆тца̀ на́шегѡ данїи́ла сто́лпника.
в҃і. [д] Прпⷣбнагѡ ѻ҆тца̀ на́шегѡ спѷрїдѡ́на чꙋдотво́рца, є҆пⷭ҇кпа трїмѷфі́йскагѡ.
Пра́здникъ, и҆ разрѣше́нїе вїна̀ и҆ є҆ле́а.
[зрѝ] Ѿсе́лѣ возвра́тъ со́лнцꙋ со зимы̀ на лѣ́то, де́нь прибыва́етъ, но́щь же ᲂу҆малѧ́етсѧ.
г҃і. [г] Ст҃ы́хъ мч҃нкъ: є҆ѵстра́тїа, а҆ѵѯе́нтїа, є҆ѵге́нїа, марда́рїа и҆ ѻ҆ре́ста.
И҆ ст҃ы́ѧ мч҃нцы лꙋкі́и дѣви́цы.
Разрѣше́нїе вїна̀ и҆ є҆ле́а.
[зрѝ] Недѣ́лѧ ст҃ы́хъ пра́ѻтєцъ.
д҃і. [в] Ст҃ы́хъ мч҃нкъ: ѳѵ́рса, леѵкі́а, фїлимо́на, а҆поллѡ́нїа, а҆рїа́на и҆ каллїні́ка.
є҃і. [а] Ст҃а́гѡ сщ҃енномч҃нка є҆леѵѳе́рїа:
И҆ прпⷣбнагѡ ѻ҆тца̀ на́шегѡ па́ѵла, и҆́же въ ла́трѣ:
И҆ и҆́же во ст҃ы́хъ ѻ҆тца̀ на́шегѡ стефа́на и҆сповѣ́дника, а҆рхїепⷭ҇кпа сꙋро́жскагѡ.
ѕ҃і. [з] Ст҃а́гѡ прⷪ҇ро́ка а҆гге́а.
<<си҃і ѡ҆б.: 436>>
з҃і. [ѕ] Ст҃а́гѡ прⷪ҇ро́ка данїи́ла:
И҆ ст҃ы́хъ трїе́хъ ѻ҆трокѡ́въ, а҆на́нїи, а҆за́рїи и҆ мїсаи́ла.
Разрѣше́нїе вїна̀ и҆ є҆ле́а.
[зрѝ] Недѣ́лѧ пред̾ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ.
и҃і. [є] Ст҃а́гѡ мч҃нка севастїа́на, и҆ дрꙋжи́ны є҆гѡ̀.
ѳ҃і. [д] Ст҃а́гѡ мч҃нка вонїфа́тїа.
к҃. [г] Предпра́зднство є҆́же по пло́ти ржⷭ҇тва̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀:
И҆ ст҃а́гѡ сщ҃енномч҃нка і҆гна́тїа бг҃оно́сца.
к҃а. [в] Ст҃ы́ѧ мч҃нцы і҆ꙋлїа́нїи, ꙗ҆́же въ нїкомиді́и:
И҆ преставле́нїе во ст҃ы́хъ ѻ҆тца̀ на́шегѡ петра̀ митрополі́та всеѧ̀ рѡссі́и.
к҃в. [а] Ст҃ы́ѧ великомч҃нцы а҆настасі́и ᲂу҆зорѣши́тельницы:
к҃г. [з] Ст҃ы́хъ десѧтѝ мч҃нкъ и҆̀же въ кри́тѣ.
к҃д. [ѕ] Ст҃ы́ѧ прпⷣбномч҃нцы є҆ѵге́нїи.
к҃є. [є] Є҆́же по пло́ти ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀:
И҆ воспомина́нїе и҆збавле́нїѧ цр҃кве и҆ держа́вы рѡссі́йскїѧ ѿ наше́ствїѧ га́ллѡвъ, и҆ съ ни́ми два́десѧти ꙗ҆зы̑къ.
Па́сха. Пра́здникъ тридне́вный, и҆ разрѣше́нїе на всѧ̑. Подо́бнѣ и҆ дванадесѧтодне́вное разрѣше́нїе на всѧ̑, и҆ ᲂу҆праждне́нїе междоча́сїй.
к҃ѕ. [д] Собо́ръ прест҃ы́ѧ бцⷣы:
И҆ ст҃а́гѡ сщ҃енномч҃нка є҆ѵѳѵ́мїа, є҆пⷭ҇кпа сарді́йскагѡ.
<<сѳ҃і: 437>>
[зрѝ] Недѣ́лѧ по ржⷭ҇твѣ̀ хрⷭ҇то́вѣ, па́мѧть ст҃ы́хъ и҆ првⷣныхъ: і҆ѡ́сифа ѡ҆брꙋ́чника, дв҃да царѧ̀ и҆ і҆а́кѡва бра́та бж҃їѧ.
к҃з. [г] Ст҃а́гѡ а҆пⷭ҇ла, первомч҃нка а҆рхїдїа́кона стефа́на:
И҆ прпⷣбнагѡ ѻ҆тца̀ на́шегѡ и҆ и҆сповѣ́дника ѳео́дѡра начерта́ннагѡ, и҆ бра́та ѳеофа́нꙋ творцꙋ̀.
к҃и. [в] Ст҃ы́хъ двꙋ̀ тмꙋ̀ мч҃нкъ, въ нїкомиді́и сожже́нныхъ.
к҃ѳ. [а] Ст҃ы́хъ младе́нецъ, д҃і ты́сѧщъ, хрⷭ҇та̀ ра́ди и҆збїе́нныхъ ѿ и҆́рѡда въ виѳлее́мѣ і҆ꙋде́йстѣмъ:
Прпⷣбнагѡ ѻ҆тца̀ на́шегѡ марке́лла, и҆гꙋ́мена ѻ҆би́тели неꙋсыпа́емыхъ.
л҃. [з] Ст҃ы́ѧ мч҃нцы а҆нѵ́сїи:
И҆ прпⷣбнагѡ зѡ́тїка пресвѵ́тера, сиротокорми́телѧ.
л҃а. [ѕ] Прпⷣбныѧ ма́тере на́шеѧ мела́нїи ри́млѧныни:
Въ то́йже де́нь ѿдае́тсѧ пра́здникъ хрⷭ҇то́ва ржⷭ҇тва̀.
<<сѳ҃і ѡ҆б.: 438>>
Мѣ́сѧцъ і҆аннꙋа́рїй.
а҃. [є] Є҆́же по пло́ти ѡ҆брѣ́занїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀:
И҆ па́мѧть и҆́же во ст҃ы́хъ ѻ҆тца̀ на́шегѡ васі́лїа вели́кагѡ а҆рхїепⷭ҇кпа кесарі́и каппадокі́йскїѧ.
Пра́здникъ, и҆ разрѣше́нїе ры́бы.
[зрѝ] Де́нь и҆́мать часѡ́въ и҃, а҆ но́щь ѕ҃і.
в҃. [д] Предпра́зднство просвѣще́нїѧ:
И҆ па́мѧть во ст҃ы́хъ ѻ҆тца̀ на́шегѡ сїльве́стра, па́пы ри́мскагѡ:
И҆ преставле́нїе прпⷣбнагѡ ѻ҆тца̀ на́шегѡ серафі́ма саро́вскагѡ.
г҃. [г] Ст҃а́гѡ прⷪ҇ро́ка малахі́и:
И҆ ст҃а́гѡ мч҃нка горді́а.
д҃. [в] Собо́ръ ст҃ы́хъ седми́десѧти а҆пⷭ҇лѡвъ:
И҆ прпⷣбнагѡ ѻ҆тца̀ на́шегѡ ѳеокті́ста и҆гꙋ́мена, и҆́же въ кꙋкꙋмѣ̀ сїкелі́йстѣмъ.
є҃. [а] Ст҃ы́хъ мч҃нкъ, ѳеопе́мпта и҆ ѳеѡ́ны:
И҆ прпⷣбныѧ сѷгклитїкі́и.
Разрѣше́нїе вїна̀ и҆ є҆ле́а.
ѕ҃. [з] Ст҃о́е бг҃оѧвле́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.
Пра́здникъ, и҆ разрѣше́нїе на всѧ̑.
<<с҃к: 439>>
з҃. [ѕ] Собо́ръ ст҃а́гѡ и҆ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна.
Пра́здникъ, и҆ разрѣше́нїе ры́бы.
и҃. [є] Прпⷣбнагѡ ѻ҆тца̀ на́шегѡ геѡ́ргїа хозеві́та:
И҆ прпⷣбныѧ ма́тере на́шеѧ домні́ки:
И҆ є҆мїлїа́на и҆сповѣ́дника.
ѳ҃. [д] Ст҃а́гѡ мч҃нка полѷе́ѵкта:
И҆ и҆́же во ст҃ы́хъ ѻ҆тца̀ на́шегѡ фїлі́ппа, митрополі́та всеѧ̀ рѡссі́и.
і҃. [г] И҆́же во ст҃ы́хъ ѻ҆тца̀ на́шегѡ григо́рїа, є҆пⷭ҇кпа нѷссі́йскагѡ:
И҆ прпⷣбнагѡ дометїа́на, є҆пⷭ҇кпа мелїті́йскагѡ:
И҆ прпⷣбнагѡ маркїа́на, пресвѵ́тера и҆ і҆коно́ма вели́кїѧ цр҃кве:
И҆ прпⷣбнагѡ па́ѵла коме́льскагѡ, и҆́же на ѡ҆бно́рѣ рѣцѣ̀.
а҃і. [в] Прпⷣбнагѡ ѻ҆тца̀ на́шегѡ ѳеодо́сїа, ѻ҆́бщихъ жи́тїй нача́льника:
Разрѣше́нїе вїна̀ и҆ є҆ле́а.
И҆ па́мѧть прпⷣбнагѡ ѻ҆тца̀ на́шегѡ мїхаи́ла кло́пскагѡ, новгоро́дскагѡ чꙋдотво́рца.
в҃і. [а] Ст҃ы́ѧ мч҃нцы татїа́ны:
И҆ ст҃а́гѡ ѻ҆тца̀ на́шегѡ са́ввы, а҆рхїепⷭ҇кпа се́рбскагѡ.
г҃і. [з] Ст҃ы́хъ мч҃нкъ, є҆рмѵ́ла и҆ стратоні́ка.
д҃і. [ѕ] Прпⷣбныхъ ѻ҆тє́цъ на́шихъ въ сїна́и и҆ раі́ѳѣ и҆збїе́нныхъ:
И҆ па́мѧть преставле́нїѧ ст҃ы́ѧ равноапⷭ҇льныѧ ні́ны, просвѣти́тельницы грꙋ́зїи.
Въ се́й де́нь ѿдае́тсѧ пра́здникъ ст҃ы́хъ бг҃оѧвле́нїй.
<<с҃к ѡ҆б.: 440>>
є҃і. [є] Прпⷣбныхъ ѻ҆тє́цъ на́шихъ, па́вла ѳиве́йскагѡ, и҆ і҆ѡа́нна кꙋ́щника.
ѕ҃і. [д] Поклоне́нїе честны́хъ вери́гъ ст҃а́гѡ и҆ всехва́льнагѡ а҆пⷭ҇ла петра̀.
Разрѣше́нїе вїна̀ и҆ є҆ле́а.
з҃і. [г] Прпⷣбнагѡ и҆ бг҃оно́снагѡ ѻ҆тца̀ на́шегѡ а҆нтѡ́нїа вели́кагѡ.
Пра́здникъ и҆ разрѣше́нїе вїна̀ и҆ є҆ле́а.
[зрѝ] Де́нь и҆́мать часѡ́въ ѳ҃, а҆ но́щь є҃і.
и҃і. [в] И҆̀же во ст҃ы́хъ ѻ҆тє́цъ на́шихъ а҆рхїепⷭ҇кпѡвъ а҆леѯандрі́йскихъ, а҆ѳана́сїа и҆ кѷрі́лла.
Пра́здникъ, и҆ разрѣше́нїе вїна̀ и҆ є҆ле́а.
ѳ҃і. [а] Прпⷣбнагѡ ѻ҆тца̀ на́шегѡ мака́рїа є҆гѵ́птѧнина:
И҆ ѡ҆брѣ́тенїе чⷭ҇тны́хъ моще́й са́ввы стороже́вскагѡ.
к҃. [з] Прпⷣбнагѡ и҆ бг҃оно́снагѡ ѻ҆тца̀ на́шегѡ є҆ѵѳѵ́мїа вели́кагѡ.
Пра́здникъ, и҆ разрѣше́нїе вїна̀ и҆ є҆ле́а.
к҃а. [ѕ] Прпⷣбнагѡ ѻ҆тца̀ на́шегѡ маѯі́ма и҆сповѣ́дника:
И҆ ст҃а́гѡ мч҃нка неофѵ́та:
И҆ ст҃ы́хъ мч҃нкѡвъ: є҆ѵге́нїа, кані́дїа, ᲂу҆алерїа́на и҆ а҆кѵ́лы.
к҃в. [є] Ст҃а́гѡ а҆пⷭ҇ла тїмоѳе́а:
И҆ ст҃а́гѡ прпⷣбномч҃нка а҆наста́сїа пе́рсскагѡ.
Разрѣше́нїе вїна̀ и҆ є҆ле́а.
<<ск҃а: 441>>
к҃г. [д] Ст҃а́гѡ сщ҃енномч҃нка кли́мента, є҆пⷭ҇кпа а҆гкѵ́рскагѡ:
И҆ ст҃а́гѡ мч҃нка а҆гаѳагге́ла.
к҃д. [г] Прпⷣбныѧ ма́тере на́шеѧ ѯе́нїи.
к҃є. [в] И҆́же во ст҃ы́хъ ѻ҆тца̀ на́шегѡ григо́рїа, а҆рхїепⷭ҇кпа кѡнстанті́нѧ гра́да, бг҃осло́ва.
Пра́здникъ, и҆ разрѣше́нїе вїна̀ и҆ є҆ле́а.
к҃ѕ. [а] Прпⷣбнагѡ ѻ҆тца̀ на́шегѡ ѯенофѡ́нта, и҆ дрꙋжи́ны є҆гѡ̀.
к҃з. [з] Пренесе́нїе моще́й во ст҃ы́хъ ѻ҆тца̀ на́шегѡ і҆ѡа́нна златоꙋ́стагѡ.
Пра́здникъ, и҆ разрѣше́нїе вїна̀ и҆ є҆ле́а.
к҃и. [ѕ] Прпⷣбнагѡ ѻ҆тца̀ на́шегѡ є҆фре́ма сѵ́рїна:
Въ то́йже де́нь па́мѧть прпⷣбнагѡ ѻ҆тца̀ на́шегѡ, ѳеодо́сїа то́темскагѡ, сп҃сосꙋмо́рина монастырѧ̀ нача́льника и҆ ѡ҆снова́телѧ, новоѧвле́ннагѡ чꙋдотво́рца.
к҃ѳ. [є] Пренесе́нїе моще́й ст҃а́гѡ сщ҃енномч҃нка і҆гна́тїа бг҃оно́сца.
л҃. [д] Ст҃а́гѡ сщ҃енномч҃нка і҆пполѵ́та, па́пы ри́мскагѡ:
И҆ и҆̀же во ст҃ы́хъ ѻ҆тє́цъ на́шихъ и҆ вели́кихъ і҆ера́рхѡвъ, васі́лїа вели́кагѡ, григо́рїа бг҃осло́ва и҆ і҆ѡа́нна златоꙋ́стагѡ.
Пра́здникъ, и҆ разрѣше́нїе вїна̀ и҆ є҆ле́а.
л҃а. [г] Ст҃ы́хъ чꙋдотво́рцєвъ и҆ безсре́бренникѡвъ, кѵ́ра и҆ і҆ѡа́нна:
И҆ па́мѧть во ст҃ы́хъ ѻ҆тца̀ на́шегѡ нїки́ты є҆пⷭ҇кпа, новгоро́дскагѡ чꙋдотво́рца.
<<ск҃а ѡ҆б.: 442>>
Мѣ́сѧцъ феврꙋа́рїй.
а҃. [в] Предпра́зднство срѣ́тенїѧ гдⷭ҇а бг҃а и҆ сп҃са на́шегѡ і҆и҃са хрⷭ҇та̀:
И҆ ст҃а́гѡ мч҃нка трѵ́фѡна.
в҃. [а] Срѣ́тенїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.
Пра́здникъ, и҆ разрѣше́нїе ры́бы.
[зрѝ] Де́нь и҆́мать часѡ́въ і҃, а҆ но́щь д҃і.
г҃. [з] Ст҃а́гѡ и҆ првⷣнагѡ сѷмеѡ́на бг҃опрїи́мца, и҆ а҆́нны прⷪ҇ро́чицы.
д҃. [ѕ] Прпⷣбнагѡ ѻ҆тца̀ на́шегѡ і҆сі́дѡра пилꙋсїѡ́тскагѡ:
И҆ ст҃а́гѡ бл҃говѣ́рнагѡ вели́кагѡ кн҃зѧ геѡ́ргїа:
И҆ прпⷣбнагѡ ѻ҆тца̀ на́шегѡ кѷрі́лла, новоезе́рскагѡ чꙋдотво́рца.
є҃. [а] Ст҃ы́ѧ мч҃нцы а҆га́ѳїи:
И҆ преставле́нїе ст҃а́гѡ ѳеодо́сїа, а҆рхїепⷭ҇кпа черни́говскагѡ, чꙋдотво́рца.
ѕ҃. [д] Прпⷣбнагѡ ѻ҆тца̀ на́шегѡ вꙋко́ла, є҆пⷭ҇кпа смѵ́рнскагѡ.
з҃. [г] Прпⷣбнагѡ ѻ҆тца̀ на́шегѡ парѳе́нїа, є҆пⷭ҇кпа ламѱакі́йскагѡ:
И҆ прпⷣбнагѡ ѻ҆тца̀ на́шегѡ лꙋкѝ, и҆́же во є҆лла́дѣ.
<<ск҃в: 443>>
и҃. [в] Ст҃а́гѡ великомч҃нка ѳео́дѡра страти́лата:
И҆ ст҃а́гѡ прⷪ҇ро́ка заха́рїи серпови́дца.
Разрѣше́нїе вїна̀ и҆ є҆ле́а.
ѳ҃. [а] Ст҃а́гѡ мч҃нка нїки́фора:
Въ се́й де́нь ѿдае́тсѧ пра́здникъ срѣ́тенїѧ.
і҃. [з] Ст҃а́гѡ мч҃нка харала́мпїа.
а҃і. [ѕ] Ст҃а́гѡ сщ҃енномч҃нка вла́сїа:
Разрѣше́нїе вїна̀ и҆ є҆ле́а:
И҆ па́мѧть прпⷣбнагѡ ѻ҆тца̀ на́шегѡ дими́трїа, прилꙋ́цкагѡ чꙋдотво́рца:
И҆ преставле́нїе ст҃а́гѡ бл҃говѣ́рнагѡ вели́кагѡ кн҃зѧ все́волода, нарече́ннагѡ во ст҃о́мъ кр҃ще́нїи гаврїи́ла, псковска́гѡ чꙋдотво́рца.
в҃і. [є] И҆́же во ст҃ы́хъ ѻ҆тца̀ на́шегѡ меле́тїа, а҆рхїепⷭ҇кпа а҆нтїохі́и вели́кїѧ:
И҆ и҆́же во ст҃ы́хъ ѻ҆тца̀ на́шегѡ а҆леѯі́а, митрополі́та всеѧ̀ рѡссі́и, чꙋдотво́рца.
г҃і. [д] Прпⷣбнагѡ ѻ҆тца̀ на́шегѡ мартїнїа́на.
д҃і. [г] Прпⷣбнагѡ ѻ҆тца̀ на́шегѡ а҆ѵѯе́нтїа:
И҆ прпⷣбнагѡ ѻ҆тца̀ на́шегѡ кѡнстанті́на фїло́софа, въ мні́сѣхъ кѷрі́лла, ᲂу҆чи́телѧ слове́нскагѡ.
є҃і. [в] Ст҃а́гѡ а҆пⷭ҇ла ѻ҆ни́сїма.
ѕ҃і. [а] Ст҃а́гѡ мч҃нка памфі́ла, и҆ и҆̀же съ ни́мъ.
<<ск҃в ѡ҆б.: 444>>
з҃і. [з] Ст҃а́гѡ великомч҃нка ѳео́дѡра тѵ́рѡна:
Разрѣше́нїе вїна̀ и҆ є҆ле́а.
и҃і. [ѕ] И҆́же во ст҃ы́хъ ѻ҆тца̀ на́шегѡ льва̀ па́пы ри́мскагѡ.
[зрѝ] Де́нь и҆́мать часѡ́въ а҃і, а҆ но́щь г҃і.
ѳ҃і. [є] Ст҃а́гѡ а҆пⷭ҇ла а҆рхі́ппа.
к҃. [д] Прпⷣбнагѡ ѻ҆тца̀ на́шегѡ льва̀, є҆пⷭ҇кпа ката́нскагѡ.
к҃а. [г] Прпⷣбнагѡ ѻ҆тца̀ на́шегѡ тїмоѳе́а, и҆́же въ сѷмво́лѣхъ:
И҆ и҆́же во ст҃ы́хъ ѻ҆тца̀ на́шегѡ є҆ѵста́ѳїа, а҆рхїепⷭ҇кпа а҆нтїохі́йскагѡ.
к҃в. [в] Ѡ҆брѣ́тенїе честны́хъ моще́й ст҃ы́хъ мч҃нкъ, и҆̀же во є҆ѵге́нїи.
к҃г. [а] Ст҃а́гѡ сщ҃енномч҃нка полѷка́рпа, є҆пⷭ҇кпа смѵ́рнскагѡ.
к҃д. [з] Пе́рвое и҆ второ́е ѡ҆брѣ́тенїе чⷭ҇тны́ѧ главы̀ прⷣте́чевы.
Разрѣше́нїе вїна̀ и҆ є҆ле́а.
к҃є. [ѕ] И҆́же во ст҃ы́хъ ѻ҆тца̀ на́шегѡ тара́сїа, а҆рхїепⷭ҇кпа кѡнстанті́нѧ гра́да.
к҃ѕ. [є] И҆́же во ст҃ы́хъ ѻ҆тца̀ на́шегѡ порфѵ́рїа, а҆рхїепⷭ҇кпа га́зскагѡ.
<<ск҃г: 445>>
к҃з. [д] Прпⷣбнагѡ ѻ҆тца̀ на́шегѡ и҆ и҆сповѣ́дника проко́пїа декаполі́та.
к҃и. [г] Прпⷣбнагѡ ѻ҆тца̀ на́шегѡ и҆ и҆сповѣ́дника васі́лїа, спо́стника ст҃а́гѡ проко́пїа.
к҃ѳ. [в] Прпⷣбнагѡ ѻ҆тца̀ на́шегѡ кассїа́на ри́млѧнина.
<<ск҃г ѡ҆б.: 446>>
Мѣ́сѧцъ ма́ртъ.
а҃. [г] Ст҃ы́ѧ прпⷣбномч҃нцы є҆ѵдокі́и.
в҃. [в] Ст҃а́гѡ сщ҃енномч҃нка ѳеодо́та, є҆пⷭ҇кпа кѷрині́йскагѡ:
И҆ преставле́нїе и҆́же во ст҃ы́хъ ѻ҆тца̀ на́шегѡ а҆рсе́нїа, є҆пⷭ҇кпа тверска́гѡ.
г҃. [а] Ст҃ы́хъ мч҃нкъ, є҆ѵтро́пїа, и҆ дрꙋжи́ны є҆гѡ̀, клеоні́ка и҆ васїлі́ска.
д҃. [з] Прпⷣбнагѡ ѻ҆тца̀ на́шегѡ гера́сїма, и҆́же на і҆ѻрда́нѣ.
є҃. [ѕ] Ст҃а́гѡ мч҃нка ко́нѡна.
ѕ҃. [є] Ст҃ы́хъ м҃в мч҃нкъ и҆̀же во а҆ммѡрі́и.
[зрѝ] Де́нь и҆́мать часѡ́въ в҃і, и҆ но́щь в҃і.
з҃. [д] Ст҃ы́хъ сщ҃енномч҃нкъ, въ херсѡ́нѣ є҆пⷭ҇кпствовавшихъ: васі́лїа, є҆фре́ма, капі́тѡна, є҆ѵге́нїа, є҆ѵѳе́рїа и҆ про́чихъ.
и҃. [г] Прпⷣбнагѡ ѻ҆тца̀ на́шегѡ и҆ и҆сповѣ́дника ѳеофѷла́кта, є҆пⷭ҇кпа нїкомиді́йскагѡ.
ѳ҃. [в] Ст҃ы́хъ м҃ мꙋ́чєникъ, въ севасті́йскомъ є҆́зерѣ мꙋ́чившихсѧ.
Пра́здникъ, и҆ разрѣше́нїе вїна̀ и҆ є҆ле́а.
<<ск҃д: 447>>
і҃. [а] Ст҃а́гѡ мч҃нка кодра́та, и҆ дрꙋжи́ны є҆гѡ̀.
а҃і. [з] И҆́же во ст҃ы́хъ ѻ҆тца̀ на́шегѡ сѡфро́нїа, патрїа́рха і҆ерⷭ҇ли́мскагѡ:
И҆ преставле́нїе и҆́же во ст҃ы́хъ ѻ҆тца̀ на́шегѡ є҆ѵѳѵ́мїа а҆рхїепⷭ҇кпа, новгоро́дскагѡ чꙋдотво́рца.
в҃і. [ѕ] Прпⷣнагѡ ѻ҆тца̀ на́шегѡ и҆ и҆сповѣ́дника ѳеофа́на сїгрїа́нскагѡ.
г҃і. [є] Пренесе́нїе моще́й, и҆́же во ст҃ы́хъ ѻ҆тца̀ на́шегѡ нїки́фора, патрїа́рха царѧгра́да.
д҃і. [д] Прпⷣбнагѡ ѻ҆тца̀ на́шегѡ венеді́кта.
є҃і. [г] Ст҃а́гѡ мч҃нка а҆га́пїа, и҆ съ ни́мъ ѕ҃ мꙋ́чєникъ.
ѕ҃і. [в] Ст҃ы́хъ мч҃нкъ, саві́на и҆ па́пы.
з҃і. [а] Прпⷣбнагѡ ѻ҆тца̀ на́шегѡ а҆леѯі́а чл҃вѣ́ка бж҃їѧ:
И҆ прпⷣбнагѡ ѻ҆тца̀ на́шегѡ мака́рїа и҆гꙋ́мена колѧ́зинскагѡ, чꙋдотво́рца.
и҃і. [з] И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа і҆ерⷭ҇ли́мскагѡ.
ѳ҃і. [ѕ] Ст҃ы́хъ мч҃нкъ, хрѷса́нѳа и҆ да́рїи.
к҃. [є] Прпⷣбныхъ ѻ҆тє́цъ на́шихъ, во ѻ҆би́тели ст҃а́гѡ са́ввы ᲂу҆бїе́нныхъ.
к҃а. [д] Прпⷣбнагѡ ѻ҆тца̀ на́шегѡ и҆ и҆сповѣ́дника і҆а́кѡва є҆пⷭ҇кпа.
<<ск҃д ѡ҆б.: 448>>
к҃в. [г] Ст҃а́гѡ сщ҃енномч҃нка васі́лїа, пресвѵ́тера а҆гкѵ́рскїѧ цр҃кве.
[зрѝ] Де́нь и҆́мать часѡ́въ г҃і, а҆ но́щь а҃і.
к҃г. [в] Ст҃а́гѡ прпⷣбномч҃нка ні́кѡна, и҆ двꙋ̀ стꙋ̀ ᲂу҆чени̑къ є҆гѡ̀ съ ни́мъ мꙋ́чившихсѧ.
к҃д. [а] Предпра́зднство бл҃говѣ́щенїѧ прест҃ы́ѧ бцⷣы:
И҆ прпⷣбнагѡ ѻ҆тца̀ на́шегѡ заха́рїи:
И҆ и҆́же во ст҃ы́хъ ѻ҆тца̀ на́шегѡ а҆рте́мїа, є҆пⷭ҇кпа ѳессалоні́тскагѡ.
к҃є. [з] Бл҃говѣ́щенїе прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и.
Пра́здникъ, и҆ разрѣше́нїе ры́бы, а҆́ще слꙋчи́тсѧ кромѣ̀ вели́кїѧ седми́цы.
к҃ѕ. [ѕ] Собо́ръ а҆рхїстрати́га гаврїи́ла.
Разрѣше́нїе вїна̀ и҆ є҆ле́а.
к҃з. [є] Ст҃ы́ѧ ма́тере на́шеѧ матрѡ́ны селꙋ́нскїѧ.
к҃и. [д] Прпⷣбнагѡ ѻ҆тца̀ на́шегѡ і҆ларїѡ́на но́вагѡ:
И҆ прпⷣбнагѡ стефа́на чꙋдотво́рца.
к҃ѳ. [г] Прпⷣбнагѡ ѻ҆тца̀ на́шегѡ ма́рка, є҆пⷭ҇кпа а҆реѳꙋсі́йскагѡ, и҆ кѷрі́лла дїа́кона, и҆ и҆ны́хъ при і҆ꙋлїа́нѣ мꙋчи́телѣ пострада́вшихъ.
л҃. [в] Прпⷣбнагѡ ѻ҆тца̀ на́шегѡ і҆ѡа́нна, списа́телѧ лѣ́ствицы.
л҃а. [а] Прпⷣбнагѡ и҆ чꙋдотво́рца ѵ҆па́тїа, є҆пⷭ҇кпа га́ггрскагѡ.
<<ск҃є: 449>>
Мѣ́сѧцъ а҆прі́лїй.
а҃. [з] Прпⷣбныѧ ма́тере на́шеѧ марі́и є҆гѵ́птѧныни:
И҆ преставле́нїе прпⷣбнагѡ ѻ҆тца̀ на́шегѡ є҆ѵѳѵ́мїа, сꙋ́ждальскагѡ чꙋдотво́рца.
в҃. [ѕ] Прпⷣбнагѡ ѻ҆тца̀ на́шегѡ ті́та чꙋдотво́рца.
г҃. [є] Прпⷣбнагѡ ѻ҆тца̀ на́шегѡ и҆ и҆сповѣ́дника нїки́ты, и҆гꙋ́мена ѻ҆би́тели мидїкі́йскїѧ.
д҃. [д] Прпⷣбныхъ ѻ҆тє́цъ на́шихъ, і҆ѡ́сифа пѣснопи́сца, и҆ геѡ́ргїа, и҆́же въ мале́и.
є҃. [г] Ст҃ы́хъ мч҃нкъ, ѳеодꙋ́ла и҆ а҆гаѳопо́да, и҆ и҆̀же съ ни́ми.
ѕ҃. [в] И҆́же во ст҃ы́хъ ѻ҆тца̀ на́шегѡ є҆ѵтѵ́хїа, а҆рхїепⷭ҇кпа кѡнстанті́нѧ гра́да:
И҆ и҆́же во ст҃ы́хъ ѻ҆тца̀ на́шегѡ меѳо́дїа, а҆рхїепⷭ҇кпа мора́вскагѡ.
з҃. [а] Прпⷣбнагѡ ѻ҆тца̀ на́шегѡ геѡ́ргїа, є҆пⷭ҇кпа мїтѷли́нскагѡ.
[зрѝ] Де́нь и҆́мать часѡ́въ д҃і, а҆ но́щь і҃.
и҃. [з] Ст҃ы́хъ а҆пⷭ҇лъ: и҆рѡдїѡ́на, а҆га́ва, а҆сѷгкрі́та, рꙋ́фа, фле́гонта и҆ є҆́рма, и҆ и҆̀же съ ни́ми.
<<ск҃є ѡ҆б.: 450>>
ѳ҃. [ѕ] Ст҃а́гѡ мч҃нка є҆ѵѱѵ́хїа.
і҃. [є] Ст҃ы́хъ мч҃нкъ, тере́нтїа и҆ помпиі́а, и҆ и҆̀же съ ни́ми.
а҃і. [д] Ст҃а́гѡ сщ҃енномч҃нка а҆нтѵ́пы, є҆пⷭ҇кпа перга́ма а҆сі́йскагѡ.
в҃і. [г] Прпⷣбнагѡ ѻ҆тца̀ на́шегѡ и҆ и҆сповѣ́дника васі́лїа, є҆пⷭ҇кпа парі́йскагѡ.
г҃і. [в] Ст҃а́гѡ сщ҃енномч҃нка а҆рте́мона.
д҃і. [а] И҆́же во ст҃ы́хъ ѻ҆тца̀ на́шегѡ и҆ и҆сповѣ́дника марті́на, па́пы ри́мскагѡ.
є҃і. [з] Ст҃ы́хъ а҆пⷭ҇лъ, а҆рїста́рха, пꙋ́да и҆ трофі́ма.
ѕ҃і. [ѕ] Ст҃ы́хъ мч҃нцъ: а҆га́пїи, і҆ри́ны и҆ хїоні́и.
з҃і. [є] Прпⷣбнагѡ ѻ҆тца̀ на́шегѡ сѷмеѡ́на, и҆́же въ персі́дѣ:
И҆ прпⷣбнагѡ а҆ка́кїа, є҆пⷭ҇кпа мелїті́йскагѡ:
И҆ преставле́нїе прпⷣбнагѡ ѻ҆тца̀ на́шегѡ зѡсі́мы и҆гꙋ́мена, солове́цкагѡ чꙋдотво́рца.
и҃і. [д] Прпⷣбнагѡ ѻ҆тца̀ на́шегѡ і҆ѡа́нна, ᲂу҆ч҃нка̀ ст҃а́гѡ григо́рїа декаполі́та.
ѳ҃і. [г] Прпⷣбнагѡ ѻ҆тца̀ на́шегѡ і҆ѡа́нна ветхопеще́рника.
к҃. [в] Прпⷣбнагѡ ѻ҆тца̀ на́шегѡ ѳео́дѡра трїхи́ны.
<<ск҃ѕ: 451>>
к҃а. [а] Ст҃а́гѡ сщ҃енномч҃нка і҆аннꙋа́рїа є҆пⷭ҇кпа, и҆ и҆̀же съ ни́мъ:
И҆ ст҃а́гѡ сщ҃енномч҃нка ѳео́дѡра, и҆́же въ пергі́и.
к҃в. [з] Прпⷣбнагѡ ѻ҆тца̀ на́шегѡ ѳео́дѡра сѷкеѡ́та:
И҆ пренесе́нїе чтⷭ҇ны́хъ моще́й ст҃а́гѡ бл҃говѣ́рнагѡ вели́кагѡ кн҃зѧ все́волода, нарече́ннагѡ во ст҃о́мъ кр҃ще́нїи гаврїи́ла.
к҃г. [ѕ] Ст҃а́гѡ сла́внагѡ великомч҃нка, побѣдоно́сца и҆ чꙋдотво́рца геѡ́ргїа:
И҆ ст҃ы́ѧ мч҃нцы цари́цы а҆леѯа́ндры.
Пра́здникъ, и҆ разрѣше́нїе вїна̀ и҆ є҆ле́а.
[зрѝ] Де́нь и҆́мать часѡ́въ є҃і, а҆ но́щь ѳ҃.
к҃д. [є] Ст҃а́гѡ мч҃нка са́ввы стратила́та.
к҃є. [д] Ст҃а́гѡ а҆пⷭ҇ла и҆ є҆ѵⷢ҇лі́ста ма́рка.
Пра́здникъ, и҆ разрѣше́нїе вїна̀ и҆ є҆ле́а.
к҃ѕ. [г] Ст҃а́гѡ сщ҃енномч҃нка васі́лїа, є҆пⷭ҇кпа а҆масі́йскагѡ:
И҆ и҆́же во ст҃ы́хъ ѻ҆тца̀ на́шегѡ стефа́на, є҆пⷭ҇кпа пе́рмскагѡ.
к҃з. [в] Ст҃а́гѡ сщ҃енномч҃нка сѷмеѡ́на, є҆пⷭ҇кпа і҆ерⷭ҇ли́мскагѡ, сро́дника гдⷭ҇нѧ по пло́ти.
к҃и. [а] Ст҃ы́хъ а҆пⷭ҇лъ, і҆а́сѡна и҆ сѡсїпа́тра:
И҆ ст҃ы́хъ мч҃нкъ: да́ды, маѯі́ма и҆ кїнтїлїа́на.
<<ск҃ѕ ѡ҆б.: 452>>
к҃ѳ. [з] Ст҃ы́хъ мч҃нкъ девѧтѝ, и҆̀же въ кѵ́зїцѣ:
И҆ прпⷣбнагѡ ѻ҆тца̀ на́шегѡ ме́мнона чꙋдотво́рца.
л҃. [ѕ] Ст҃а́гѡ а҆пⷭ҇ла і҆а́кѡва, бра́та ст҃а́гѡ і҆ѡа́нна бг҃осло́ва.
Разрѣше́нїе вїна̀ и҆ є҆ле́а.
<<ск҃з: 453>>
Мѣ́сѧцъ ма́їй.
а҃. [є] Ст҃а́гѡ прⷪ҇ро́ка і҆еремі́и:
И҆ преставле́нїе прпⷣбнагѡ ѻ҆тца̀ на́шегѡ пафнꙋ́тїа, бо́ровскагѡ чꙋдотво́рца.
в҃. [д] Пренесе́нїе моще́й и҆́же во ст҃ы́хъ ѻ҆тца̀ на́шегѡ а҆ѳана́сїа вели́кагѡ, патрїа́рха а҆леѯандрі́йскагѡ.
Разрѣше́нїе вїна̀ и҆ є҆ле́а.
г҃. [г] Ст҃ы́хъ мч҃нкъ, тїмоѳе́а и҆ ма́ѵры:
И҆ преставле́нїе прпⷣбнагѡ ѻ҆тца̀ на́шегѡ ѳеодо́сїа, ѻ҆́бщагѡ житїѧ̀ нача́льника въ рѡссі́йстѣй землѝ, и҆гꙋ́мена бы́вша честны́ѧ ѻ҆би́тели пече́рскїѧ, ꙗ҆́же въ кі́евѣ.
д҃. [в] Ст҃ы́ѧ прпⷣбномч҃нцы пелагі́и, ꙗ҆́же ѿ та́рса.
є҃. [а] Ст҃ы́ѧ и҆ сла́вныѧ мч҃нцы і҆ри́ны.
ѕ҃. [з] Ст҃а́гѡ и҆ првⷣнагѡ і҆́ѡва многострада́льнагѡ.
з҃. [ѕ] Воспомина́нїе на небесѝ ꙗ҆́вльшагѡсѧ зна́менїѧ чтⷭ҇на́гѡ и҆ животворѧ́щагѡ крⷭ҇та̀, во ст҃о́мъ гра́дѣ і҆ерⷭ҇ли́мѣ, въ г҃ ча́съ днѐ, при царѣ̀ кѡнста́нтїи, сы́нѣ вели́кагѡ кѡнстанті́на:
И҆ па́мѧть ст҃а́гѡ мч҃нка а҆ка́кїа.
и҃. [є] Ст҃а́гѡ сла́внагѡ и҆ всехва́льнагѡ а҆пⷭ҇ла и҆ є҆ѵⷢ҇лі́ста і҆ѡа́нна бг҃осло́ва:
<<ск҃з ѡ҆б.: 454>>
И҆ прпⷣбнагѡ ѻ҆тца̀ на́шегѡ а҆рсе́нїа вели́кагѡ.
Пра́здникъ, и҆ разрѣше́нїе вїна̀ и҆ є҆ле́а.
ѳ҃. [д] Ст҃а́гѡ прⷪ҇ро́ка и҆са́їи:
И҆ ст҃а́гѡ мч҃нка хрїстофо́ра:
И҆ пренесе́нїе честны́хъ моще́й, и҆́же во ст҃ы́хъ ѻ҆тца̀ на́шегѡ нїкола́а чꙋдотво́рца, ѿ мѵ́ръ въ ба́ръ гра́дъ.
[зрѝ] Де́нь и҆́мать часѡ́въ ѕ҃і, а҆ но́щь и҃.
і҃. [г] Ст҃а́гѡ а҆пⷭ҇ла сі́мѡна зилѡ́та.
а҃і. [в] Ѡ҆бновле́нїе царѧгра́да:
И҆ ст҃а́гѡ сщ҃енномч҃нка мѡкі́а:
И҆ и҆̀же во ст҃ы́хъ ѻ҆тє́цъ на́шихъ, равноапⷭ҇льныхъ меѳо́дїа и҆ кѷрі́лла, ᲂу҆чи́телей слове́нскихъ.
Пра́здникъ, и҆ разрѣше́нїе вїна̀ и҆ є҆ле́а.
в҃і. [а] И҆̀же во ст҃ы́хъ ѻ҆тє́цъ на́шихъ, є҆пїфа́нїа є҆пⷭ҇кпа кѵ́прскагѡ, и҆ ге́рмана, патрїа́рха кѡнстанті́нѧ гра́да.
г҃і. [з] Ст҃ы́ѧ мч҃нцы глѷке́рїи.
д҃і. [ѕ] Ст҃а́гѡ мч҃нка і҆сі́дѡра:
И҆ ст҃а́гѡ і҆сі́дѡра хрⷭ҇та̀ ра́ди ю҆ро́дивагѡ, росто́вскагѡ чꙋдотво́рца.
є҃і. [є] Прпⷣбнагѡ ѻ҆тца̀ на́шегѡ пахѡ́мїа вели́кагѡ:
Разрѣше́нїе вїна̀ и҆ є҆ле́а.
И҆ и҆́же во ст҃ы́хъ ѻ҆тца̀ на́шегѡ и҆са́їи є҆пⷭ҇кпа, росто́вскагѡ чꙋдотво́рца.
Въ то́йже де́нь ᲂу҆бїе́нїе бл҃говѣ́рнагѡ цр҃е́вича кн҃зѧ дими́трїа, моско́вскагѡ и҆ всеѧ̀ рѡссі́и чꙋдотво́рца.
<<ск҃и: 455>>
ѕ҃і. [д] Прпⷣбнагѡ ѻ҆тца̀ на́шегѡ ѳео́дѡра ѡ҆сщ҃е́ннагѡ, ᲂу҆ченика̀ ст҃а́гѡ пахѡ́мїа:
И҆ прпⷣбнагѡ ѻ҆тца̀ на́шегѡ є҆фре́ма переко́мскагѡ, новгоро́дскагѡ чꙋдотво́рца.
з҃і. [г] Ст҃а́гѡ а҆пⷭ҇ла а҆ндроні́ка, и҆ и҆̀же съ ни́мъ.
и҃і. [в] Ст҃а́гѡ мч҃нка ѳеодо́та, и҆́же во а҆гкѵ́рѣ:
И҆ ст҃ы́хъ мч҃нкъ, петра̀, дїонѵ́сїѧ и҆ и҆̀же съ ни́ми:
И҆ ст҃ы́хъ седмѝ дѣ́въ.
ѳ҃і. [а] Ст҃а́гѡ сщ҃енномч҃нка патрїкі́а, є҆пⷭ҇кпа прꙋ́сскагѡ, и҆̀же съ ни́мъ:
И҆ прпⷣбнагѡ ѻ҆тца̀ на́шегѡ корни́лїа чꙋдотво́рца коме́льскагѡ.
к҃. [з] Ст҃а́гѡ мч҃нка ѳалале́а:
И҆ ѡ҆брѣ́тенїе чтⷭ҇ны́хъ моще́й и҆́же во ст҃ы́хъ ѻ҆тца̀ на́шегѡ а҆леѯі́а митрополі́та кі́евскагѡ и҆ всеѧ̀ рѡссі́и чꙋдотво́рца.
к҃а. [ѕ] Ст҃ы́хъ вели́кихъ царе́й и҆ равноапⷭ҇лѡвъ, кѡнстанті́на и҆ є҆ле́ны:
Пра́здникъ, и҆ разрѣше́нїе вїна̀ и҆ є҆ле́а.
Въ то́йже де́нь пра́зднꙋемъ срѣ́тенїе чꙋдотво́рныѧ і҆кѡ́ны прест҃ы́ѧ бцⷣы влади́мїрскїѧ.
Въ то́йже де́нь па́мѧть ст҃а́гѡ бл҃говѣ́рнагѡ кн҃зѧ кѡнстанті́на, и҆ ча̑дъ є҆гѡ̀ мїхаи́ла и҆ ѳео́дѡра, мꙋ́ромскихъ чꙋдотво́рцєвъ.
к҃в. [є] Ст҃а́гѡ мч҃нка васїлі́ска.
к҃г. [д] Прпⷣбнагѡ ѻ҆тца̀ на́шегѡ и҆ и҆сповѣ́дника мїхаи́ла, є҆пⷭ҇кпа сѷна́дскагѡ:
<<ск҃и ѡ҆б.: 456>>
И҆ ѡ҆брѣ́тенїе чтⷭ҇ны́хъ моще́й и҆́же во ст҃ы́хъ ѻ҆тца̀ на́шегѡ лео́нтїа є҆пⷭ҇кпа, росто́вскагѡ чꙋдотво́рца.
к҃д. [г] Прпⷣбнагѡ ѻ҆тца̀ на́шегѡ сѷмеѡ́на сто́лпника, и҆́же на ди́внѣй горѣ̀:
Разрѣше́нїе вїна̀ и҆ є҆ле́а.
И҆ преставле́нїе прпⷣбнагѡ ѻ҆тца̀ на́шегѡ нїки́ты сто́лпника, переасла́вскагѡ чꙋдотво́рца.
к҃є. [в] Тре́тїе ѡ҆брѣ́тенїе чⷭ҇тны́ѧ главы̀ чⷭ҇тна́гѡ и҆ сла́внагѡ прⷪ҇ро́ка и҆ прⷣте́чи, крⷭ҇ти́телѧ гдⷭ҇нѧ і҆ѡа́нна.
Разрѣше́нїе вїна̀ и҆ є҆ле́а.
[зрѝ] Де́нь и҆́мать часѡ́въ з҃і, а҆ но́щь з҃.
к҃ѕ. [а] Ст҃а́гѡ а҆пⷭ҇ла ка́рпа, є҆ди́нагѡ ѿ седми́десѧти:
И҆ ст҃а́гѡ великомч҃нка геѡ́ргїа но́вагѡ, пострада́вшагѡ ѿ безбо́жнагѡ царѧ̀ сели́ма тꙋ́рскагѡ.
к҃з. [з] Ст҃а́гѡ сщ҃енномч҃нка ѳерапо́нта:
И҆ ѡ҆брѣ́тенїе моще́й прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столобно́е, но́вагѡ чꙋдотво́рца.
к҃и. [ѕ] Прпⷣбнагѡ ѻ҆тца̀ на́шегѡ нїки́ты, є҆пⷭ҇кпа халкидо́нскагѡ:
И҆ и҆́же во ст҃ы́хъ ѻ҆тца̀ на́шегѡ і҆гна́тїа є҆пⷭ҇кпа, росто́вскагѡ чꙋдотво́рца.
к҃ѳ. [є] Ст҃ы́ѧ прпⷣбномч҃нцы ѳеодо́сїи дѣ́вы:
Въ то́йже де́нь преставле́нїе ст҃а́гѡ бл҃же́ннагѡ і҆ѡа́нна, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца.
л҃. [д] Прпⷣбнагѡ ѻ҆тца̀ на́шегѡ і҆саа́кїа далма́тскагѡ.
л҃а. [г] Ст҃а́гѡ а҆пⷭ҇ла є҆рмі́а:
И҆ ст҃а́гѡ мч҃нка є҆рме́а.
<<ск҃ѳ: 457>>
Мѣ́сѧцъ і҆ꙋ́нїй.
а҃. [в] Ст҃а́гѡ мч҃нка і҆ꙋсті́на фїлосо́фа:
И҆ дрꙋга́гѡ мч҃нка і҆ꙋсті́на, и҆ и҆̀же съ ни́ми:
И҆ прпⷣбнагѡ ѻ҆тца̀ на́шегѡ дїонѵ́сїа глꙋши́цкагѡ.
в҃. [а] И҆́же во ст҃ы́хъ ѻ҆тца̀ на́шегѡ нїки́фора, патрїа́рха кѡнстанті́нѧ гра́да, и҆сповѣ́дника:
И҆ ст҃а́гѡ великомч҃нка і҆ѡа́нна но́вагѡ, мꙋ́ченагѡ въ бѣлѣгра́дѣ.
г҃. [з] Ст҃а́гѡ мч҃нка лꙋкїллїа́на, и҆ и҆̀же съ ни́мъ.
д҃. [ѕ] И҆́же во ст҃ы́хъ ѻ҆тца̀ на́шегѡ митрофа́на, патрїа́рха кѡнстанті́нѧ гра́да.
є҃. [є] Ст҃а́гѡ сщ҃енномч҃нка дѡроѳе́а, є҆пⷭ҇кпа тѵ́рскагѡ:
И҆ преставле́нїе ст҃а́гѡ бл҃говѣ́рнагѡ вели́кагѡ кн҃зѧ ѳео́дѡра ꙗ҆росла́вича.
ѕ҃. [д] Прпⷣбнагѡ ѻ҆тца̀ на́шегѡ виссарїѡ́на чꙋдотво́рца:
И҆ прпⷣбнагѡ і҆ларїѡ́на но́вагѡ, ѻ҆би́тели далма́тскїѧ.
з҃. [г] Ст҃а́гѡ сщ҃енномч҃нка ѳеодо́та а҆гкѵ́рскагѡ.
и҃. [в] Ст҃а́гѡ великомч҃нка ѳео́дѡра стратила́та.
Разрѣше́нїе вїна̀ и҆ є҆ле́а.
<<ск҃ѳ ѡ҆б.: 458>>
ѳ҃. [а] И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа а҆леѯандрі́йскагѡ:
И҆ прпⷣбнагѡ ѻ҆тца̀ на́шегѡ кѷрі́лла, бѣлоезе́рскагѡ чꙋдотво́рца.
і҃. [з] Ст҃а́гѡ сщ҃енномч҃нка тїмоѳе́а, є҆пⷭ҇кпа прꙋ́сскагѡ.
а҃і. [ѕ] Ст҃ы́хъ а҆пⷭ҇лъ, варѳоломе́а и҆ варна́вы.
Разрѣше́нїе вїна̀ и҆ є҆ле́а.
в҃і. [є] Прпⷣбнагѡ ѻ҆тца̀ на́шегѡ ѻ҆нꙋ́фрїа вели́кагѡ:
И҆ прпⷣбнагѡ ѻ҆тца̀ на́шегѡ петра̀ а҆ѳѡ́нскагѡ:
И҆ па́мѧть прпⷣбнагѡ ѻ҆тца̀ на́шегѡ а҆рсе́нїа, коне́вскагѡ чꙋдотво́рца.
И҆ прпⷣбныѧ вели́кїѧ кн҃ги́ни а҆́нны ка́шинскїѧ.
[зрѝ] Ѿсе́лѣ возвра́тъ со́лнца на зи́мꙋ.
г҃і. [д] Ст҃ы́ѧ мч҃нцы а҆кѷлі́ны:
И҆ и҆́же во ст҃ы́хъ ѻ҆тца̀ на́шегѡ трїфѵ́ллїа, є҆пⷭ҇кпа леѵкꙋсі́и кѵ́прскїѧ.
д҃і. [г] Ст҃а́гѡ прⷪ҇ро́ка є҆лїссе́а:
И҆ и҆́же во ст҃ы́хъ ѻ҆тца̀ на́шегѡ меѳо́дїа, патрїа́рха кѡнстанті́нѧ гра́да.
є҃і. [в] Ст҃а́гѡ прⷪ҇ро́ка а҆мо́са:
И҆ и҆́же во ст҃ы́хъ ѻ҆тца̀ на́шегѡ і҆ѡ́ны, митрополі́та моско́вскагѡ, всеѧ̀ рѡссі́и чꙋдотво́рца.
ѕ҃і. [а] Ст҃а́гѡ и҆ чꙋдотво́рца тѵ́хѡна а҆мафꙋ́нтскагѡ.
з҃і. [з] Ст҃ы́хъ мч҃нкъ, манꙋ́ила, саве́ла и҆ і҆сма́ила.
и҃і. [ѕ] Ст҃а́гѡ мч҃нка лео́нтїа.
<<с҃л: 459>>
ѳ҃і. [є] Ст҃а́гѡ а҆пⷭ҇ла і҆ꙋ́ды, бра́та гдⷭ҇нѧ по пло́ти.
к҃. [д] Ст҃а́гѡ сщ҃енномч҃нка меѳо́дїа, є҆пⷭ҇кпа пата́рскагѡ.
к҃а. [г] Ст҃а́гѡ мч҃нка і҆ꙋлїа́на тарсѧни́на.
к҃в. [в] Ст҃а́гѡ сщ҃енномч҃нка є҆ѵсе́вїа, є҆пⷭ҇кпа самоса́тскагѡ.
к҃. [а] Ст҃ы́ѧ мч҃нцы а҆грѷпі́ны:
Въ се́й де́нь пра́зднꙋемъ срѣ́тенїе пречⷭ҇тыѧ бцⷣы, чꙋдотво́рныѧ і҆кѡ́ны влади́мїрскїѧ.
к҃д. [ѕ] Ржⷭ҇тво̀ чтⷭ҇на́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна.
Пра́здникъ, и҆ разрѣше́нїе ры́бы.
к҃є. [ѕ] Ст҃ы́ѧ прпⷣбномч҃нцы феѵрѡ́нїи:
Въ то́йже де́нь ст҃ы́хъ чꙋдотво́рцєвъ мꙋ́ромскихъ, бл҃говѣ́рнагѡ кн҃зѧ петра̀, нарече́ннагѡ во и҆́ноцѣхъ дв҃да, и҆ бл҃говѣ́рныѧ кн҃ги́ни феврѡ́нїи, нарече́нныѧ во и҆́нокинѧхъ є҆ѵфросѵ́нїи.
к҃ѕ. [є] Прпⷣбнагѡ ѻ҆тца̀ на́шегѡ дв҃да, и҆́же въ селꙋ́нѣ:
И҆ ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и, тѵ́хфинскїѧ.
к҃з. [д] Прпⷣбнагѡ ѻ҆тца̀ на́шегѡ самѱѡ́на страннопрїи́мца:
И҆ пра́здникъ ѡ҆ побѣ́дѣ, бг҃омъ дарова́нной всерѡссі́йскомꙋ самоде́ржцꙋ петрꙋ̀ вели́комꙋ, над̾ шве́дскимъ короле́мъ каро́ломъ вторымна́десѧть, под̾ полта́вою, лѣ́та ѿ воплоще́нїѧ гдⷭ҇нѧ ҂аѱ҃ѳ.
<<с҃л ѡ҆б.: 460>>
к҃и. [г] Ст҃ы́хъ безсре́брєникъ, кѵ́ра и҆ і҆ѡа́нна:
И҆ па́мѧть прпⷣбныхъ ѻ҆тє́цъ, се́ргїа и҆ ге́рмана, валаа́мскихъ чꙋдотво́рцєвъ.
к҃ѳ. [в] Ст҃ы́хъ сла́вныхъ и҆ всехва́льныхъ верхо́вныхъ а҆пⷭ҇лъ, петра̀ и҆ па́ѵла.
Пра́здникъ, и҆ разрѣше́нїе ры́бы.
л҃. [а] Собо́ръ ст҃ы́хъ сла́вныхъ и҆ всехва́льныхъ а҆пⷭ҇лъ в҃і.
Пра́здникъ, и҆ разрѣше́нїе ры́бы.
<<сл҃а: 461>>
Мѣ́сѧцъ і҆ꙋ́лїй.
а҃. [з] Ст҃ы́хъ и҆ чꙋдотво́рєцъ безсре́брєникъ, космы̀ и҆ дамїа́на, въ ри́мѣ пострада́вшихъ.
Разрѣше́нїе вїна̀ и҆ є҆ле́а.
в҃. [ѕ] Положе́нїе чтⷭ҇ны́ѧ ри́зы прест҃ы́ѧ влⷣчцы на́шеѧ бцⷣы, во влахе́рнѣ.
Разрѣше́нїе вїна̀ и҆ є҆ле́а.
г҃. [є] Ст҃а́гѡ мч҃нка ѵ҆акі́нѳа:
Въ то́йже де́нь пренесе́нїе моще́й во ст҃ы́хъ ѻ҆тца̀ на́шегѡ фїлі́ппа, митрополі́та моско́вскагѡ и҆ всеѧ̀ рѡссі́и чꙋдотво́рца.
д҃. [д] И҆́же во ст҃ы́хъ ѻ҆тца̀ на́шегѡ а҆ндре́а, а҆рхїепⷭ҇кпа кри́тскагѡ, і҆еросолѷмі́та:
И҆ прпⷣбныѧ ма́рѳы, ма́тере ст҃а́гѡ сѷмеѡ́на дивного́рца.
є҃. [г] Прпⷣбнагѡ и҆ бг҃оно́снагѡ ѻ҆тца̀ на́шегѡ а҆ѳана́сїа а҆ѳѡ́нскагѡ:
И҆ ѡ҆брѣ́тенїе чтⷭ҇ны́хъ моще́й прпⷣбнагѡ и҆ бг҃оно́снагѡ ѻ҆тца̀ на́шегѡ и҆гꙋ́мена се́ргїа, ра́донежскагѡ чꙋдотво́рца.
ѕ҃. [в] Прпⷣбнагѡ ѻ҆тца̀ на́шегѡ сїсѡ́а вели́кагѡ.
[зрѝ] Де́нь и҆́мать часѡ́въ ѕ҃і, а҆ но́щь и҃.
з҃. [а] Прпⷣбныхъ ѻ҆тє́цъ на́шихъ, ѳѡмы̀ и҆́же въ мале́и, и҆ а҆ка́кїа, и҆́же въ лѣ́ствицѣ.
<<сл҃а ѡ҆б.: 462>>
и҃. [з] Ст҃а́гѡ великомч҃нка проко́пїа:
Разрѣше́нїе вїна̀ и҆ є҆ле́а.
И҆ воспомина́нїе зна́менїѧ ꙗ҆́вльшагѡсѧ ѿ і҆кѡ́ны прест҃ы́ѧ влⷣчцы на́шеѧ бцⷣы, чтⷭ҇на́гѡ и҆ сла́внагѡ є҆ѧ̀ бл҃говѣ́щенїѧ, во гра́дѣ вели́цѣмъ ᲂу҆́стюзѣ:
Въ сі́й де́нь ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы, во гра́дѣ каза́ни:
Въ то́йже де́нь па́мѧть ст҃а́гѡ бл҃же́ннагѡ проко́пїа, хрⷭ҇та̀ ра́ди ю҆ро́дивагѡ, ᲂу҆́стюжскагѡ чꙋдотво́рца.
ѳ҃. [ѕ] Ст҃а́гѡ сщ҃енномч҃нка пагкра́тїа, є҆пⷭ҇кпа таѵромені́йскагѡ.
і҃. [є] Ст҃ы́хъ мч҃нкъ четы́редесѧти пѧтѝ, и҆̀же въ нїкопо́ли а҆рме́нстѣй:
Въ то́йже де́нь пра́зднꙋемъ положе́нїе чтⷭ҇ны́ѧ и҆ многоцѣле́бныѧ ри́зы гдⷭ҇а бг҃а и҆ сп҃са на́шегѡ і҆и҃са хрⷭ҇та̀:
И҆ прпⷣбнагѡ ѻ҆тца̀ на́шегѡ а҆нтѡ́нїа пече́рскагѡ кі́евскагѡ:
И҆ пра́зднованїе прест҃ѣ́й бцⷣѣ ра́ди чꙋдотво́рныѧ є҆ѧ̀ і҆кѡ́ны въ коне́вской ѡ҆би́тели.
а҃і. [д] Ст҃ы́ѧ мч҃нцы и҆ прехва́льнаѧ є҆ѵфи́мїи:
И҆ преставле́нїе бл҃же́нныѧ ѻ҆́льги кн҃ги́ни рѡссі́йскїѧ, во ст҃о́мъ кр҃ще́нїи нарече́нныѧ є҆ле́ны.
в҃і. [г] Ст҃ы́хъ мч҃нкъ, про́кла и҆ і҆ла́рїа:
И҆ прпⷣбнагѡ ѻ҆тца̀ на́шегѡ мїхаи́ла малеина̀.
г҃і. Собо́ръ ст҃а́гѡ а҆рха́гг҃ла гаврїи́ла:
И҆ прпⷣбнагѡ ѻ҆тца̀ на́шегѡ стефа́на савваі́та.
д҃і. [а] Ст҃а́гѡ а҆пⷭ҇ла а҆кѵ́лы.
<<сл҃в: 463>>
є҃і. [з] Ст҃ы́хъ мч҃нкъ, ки́рѷка и҆ і҆ꙋлі́тты ма́тере є҆гѡ̀:
Разрѣше́нїе вїна̀ и҆ є҆ле́а.
И҆ ᲂу҆спе́нїе ст҃а́гѡ и҆ равноапⷭ҇ла вели́кагѡ кн҃зѧ влади́мїра, нарече́ннагѡ во ст҃о́мъ кр҃ще́нїи васі́лїа.
ѕ҃і. [ѕ] Ст҃а́гѡ сщ҃енномч҃нка а҆ѳиноге́на, и҆ десѧтѝ ᲂу҆чени̑къ є҆гѡ̀.
з҃і. [є] Ст҃ы́ѧ великомч҃нцы марі́ны.
Разрѣше́нїе вїна̀ и҆ є҆ле́а.
и҃і. [д] Ст҃а́гѡ мч҃нка ѵ҆акі́нѳа, и҆́же во а҆мастрі́дѣ:
И҆ ст҃а́гѡ мч҃нка є҆мїлїа́на.
ѳ҃і. [г] Прпⷣбныѧ ма́тере на́шеѧ макрі́ны, сестры̀ вели́кагѡ васі́лїа:
И҆ прпⷣбнагѡ ѻ҆тца̀ на́шегѡ ді́а.
И҆ ѡ҆брѣ́тенїе и҆ пренесе́нїе чⷭ҇тны́хъ моще́й прпⷣбнагѡ ѻ҆тца̀ на́шегѡ серафі́ма саро́вскагѡ, чꙋдотво́рца.
к҃. [в] Ст҃а́гѡ сла́внагѡ прⷪ҇ро́ка и҆лїѝ.
Пра́здникъ, и҆ разрѣше́нїе вїна̀ и҆ є҆ле́а.
к҃а. [а] Прпⷣбныхъ ѻ҆тє́цъ на́шихъ, сѷмеѡ́на хрⷭ҇та̀ ра́ди ю҆ро́дивагѡ, и҆ і҆ѡа́нна спо́стника є҆гѡ̀:
И҆ ст҃а́гѡ прⷪ҇ро́ка і҆езекі́илѧ.
к҃в. [з] Ст҃ы́ѧ мѷроно́сицы и҆ равноапⷭ҇льныѧ марі́и магдали́ны:
И҆ возвраще́нїе моще́й ст҃а́гѡ сщ҃енномч҃нка фѡ́ки.
Разрѣше́нїе вїна̀ и҆ є҆ле́а.
[зрѝ] Де́нь и҆́мать часѡ́въ є҃і, а҆ но́щь ѳ҃.
<<сл҃в ѡ҆б.: 464>>
к҃г. [ѕ] Ст҃ы́хъ мч҃нкъ трофі́ма и҆ ѳео́фїла, и҆ и҆̀же съ ни́ми.
к҃д. [є] Ст҃ы́ѧ великомч҃нцы хрїсті́ны:
И҆ ст҃ы́хъ стрⷭ҇тоте́рпєцъ кнѧзе́й рѡссі́йскихъ ѻ҆бою̀ бра̑тꙋ по пло́ти, бори́са и҆ глѣ́ба, нарече́нныхъ во ст҃о́мъ кр҃ще́нїи рѡма́на и҆ дв҃да.
к҃є. [д] Оу҆спе́нїе ст҃ы́ѧ а҆́нны, ма́тере прест҃ы́ѧ бцⷣы:
И҆ па́мѧть ст҃ы́хъ же́нъ, ѻ҆лѷмпїа́ды и҆ є҆ѵпраѯі́и:
Разрѣше́нїе вїна̀ и҆ є҆ле́а.
И҆ прпⷣбнагѡ мака́рїа ᲂу҆́нжескагѡ.
к҃ѕ. [г] Ст҃а́гѡ сщ҃енномч҃нка є҆рмола́а, и҆ и҆̀же съ ни́мъ:
И҆ ст҃ы́ѧ мч҃нцы параске́ѵи.
к҃з. [в] Ст҃а́гѡ великомч҃нка и҆ цѣли́телѧ пантелеи́мона.
Разрѣше́нїе вїна̀ и҆ є҆ле́а.
к҃и. [а] Ст҃ы́хъ а҆пⷭ҇лъ и҆ дїа́конѡвъ, про́хѡра, нїкано́ра, ті́мѡна и҆ парме́на.
Въ сі́й де́нь пра́зднꙋемъ ꙗ҆вле́нїе і҆кѡ́ны смоле́нскїѧ, прест҃ы́ѧ влⷣчцы на́шеѧ бцⷣы ѻ҆диги́трїи.
к҃ѳ. [з] Ст҃а́гѡ мч҃нка каллїні́ка.
л҃. [ѕ] Ст҃ы́хъ а҆пⷭ҇лъ, си́лы и҆ сїлꙋа́на, и҆ и҆̀же съ ни́ми.
л҃а. [є] Предпра́зднство происхожде́нїѧ чⷭ҇тна́гѡ и҆ животворѧ́щагѡ крⷭ҇та̀ гдⷭ҇нѧ:
И҆ ст҃а́гѡ и҆ првⷣнагѡ є҆ѵдокі́ма.
<<сл҃г: 465>>
Мѣ́сѧцъ а҆́ѵгꙋстъ.
а҃. [д] Происхожде́нїе чтⷭ҇ны́хъ дре́въ чтⷭ҇на́гѡ и҆ животворѧ́щагѡ крⷭ҇та̀ гдⷭ҇нѧ:
И҆ ст҃ы́хъ мч҃нкъ седмѝ бра́тїй маккаве́євъ, и҆ ма́тере и҆́хъ соломѡні́и и҆ ᲂу҆чи́телѧ и҆́хъ є҆леаза́ра.
в҃. [г] Пренесе́нїе чтⷭ҇ны́хъ моще́й ст҃а́гѡ первомч҃нка и҆ а҆рхїдїа́кона стефа́на:
Въ то́йже де́нь преставле́нїе ст҃а́гѡ бл҃же́ннагѡ васі́лїа, хрⷭ҇та̀ ра́ди ю҆ро́дивагѡ, моско́вскагѡ чꙋдотво́рца.
г҃. [в] Прпⷣбныхъ ѻ҆тє́цъ на́шихъ, і҆саа́кїа, далма́та и҆ фа́ѵста:
И҆ прпⷣбнагѡ ѻ҆тца̀ на́шегѡ а҆нтѡ́нїа ри́млѧнина, новгоро́дскагѡ чꙋдотво́рца.
д҃. [а] Ст҃ы́хъ седмѝ ѻ҆трокѡ́въ, и҆̀же во є҆фе́сѣ:
И҆ ст҃ы́ѧ прпⷣбномч҃нцы є҆ѵдокі́и.
Предпра́зднство преѡбраже́нїѧ гдⷭ҇а бг҃а и҆ сп҃са на́шегѡ і҆и҃са хрⷭ҇та̀.
И҆ ст҃а́гѡ мч҃нка є҆ѵсѷгні́а.
ѕ҃. [ѕ] Ст҃о́е преѡбраже́нїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.
Пра́здникъ, и҆ разрѣше́нїе ры́бы.
<<сл҃г ѡ҆б.: 466>>
з҃. [є] Ст҃а́гѡ прпⷣбномч҃нка доме́тїа.
[зрѝ] Де́нь и҆́мать часѡ́въ д҃і, а҆ но́щь і҃.
и҃. [д] Ст҃а́гѡ є҆мїлїа́на и҆сповѣ́дника, є҆пⷭ҇кпа кѷзі́ческагѡ.
ѳ҃. [г] Ст҃а́гѡ а҆пⷭ҇ла матѳе́а.
Разрѣше́нїе вїна̀ и҆ є҆ле́а.
і҃. [в] Ст҃а́гѡ мч҃нка и҆ а҆рхїдїа́кона лаѵре́нтїа.
а҃і. [а] Ст҃а́гѡ мч҃нка и҆ а҆рхїдїа́кона є҆́ѵпла.
в҃і. [з] Ст҃ы́хъ мч҃нкъ, фѡ́тїа и҆ а҆нїки́ты.
г҃і. [ѕ] Прпⷣбнагѡ ѻ҆тца̀ на́шегѡ маѯі́ма и҆сповѣ́дника:
Па́мѧть и҆́же во ст҃ы́хъ ѻ҆тца̀ на́шегѡ тѵ́хѡна, є҆пⷭ҇кпа воро́нежскагѡ.
Въ сі́й де́нь ѿдае́тсѧ пра́здникъ преѡбраже́нїѧ.
д҃і. [є] Предпра́зднство ᲂу҆спе́нїѧ прест҃ы́ѧ бцⷣы:
И҆ ст҃а́гѡ прⷪ҇ро́ка мїхе́а.
є҃і. [д] Оу҆спе́нїе прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и.
Пра́здникъ, и҆ разрѣше́нїе ры́бы.
ѕ҃і. [г] Пренесе́нїе ѿ є҆де́са нерꙋкотворе́ннагѡ ѡ҆́браза гдⷭ҇а бг҃а и҆ сп҃са на́шегѡ і҆и҃са хрⷭ҇та̀, є҆́же є҆́сть ст҃ы́й ᲂу҆брꙋ́съ, въ ца́рскїй гра́дъ:
И҆ ст҃а́гѡ мч҃нка дїоми́да.
з҃і. [в] Ст҃а́гѡ мч҃нка мѵ́рѡна.
<<сл҃д: 467>>
и҃і. [а] Ст҃ы́хъ мч҃нкъ, флѡ́ра и҆ ла́ѵра.
ѳ҃і. [з] Ст҃а́гѡ мч҃нка а҆ндре́а стратила́та, и҆ съ ни́мъ пострада́вшихъ двꙋ̀ ты́сѧщъ, и҆ пѧтѝ сѡ́тъ, и҆ девѧти́десѧти тре́хъ.
к҃. [ѕ] Ст҃а́гѡ прⷪ҇ро́ка самꙋи́ла.
к҃а. [є] Ст҃а́гѡ а҆пⷭ҇ла ѳадде́а:
И҆ ст҃ы́ѧ мч҃нцы ва́ссы:
И҆ преставле́нїе прпⷣбнагѡ ѻ҆тца̀ на́шегѡ а҆вра́мїа а҆рхїмандрі́та, смоле́нскагѡ чꙋдотво́рца.
к҃в. [д] Ст҃а́гѡ мч҃нка а҆гаѳоні́ка, и҆ и҆̀же съ ни́мъ.
к҃г. [г] Ст҃а́гѡ мч҃нка лꙋ́ппа:
И҆ ѿдае́тсѧ пра́здникъ ᲂу҆спе́нїѧ прест҃ы́ѧ бцⷣы.
[зрѝ] Де́нь и҆́мать часѡ́въ г҃і, а҆ но́щь а҃і.
к҃д. [в] Ст҃а́гѡ сщ҃енномч҃нка є҆ѵтѵ́ха, ᲂу҆ченика̀ ст҃а́гѡ і҆ѡа́нна бг҃осло́ва:
И҆ пренесе́нїе чⷭ҇тны́хъ моще́й, и҆́же во ст҃ы́хъ ѻ҆тца̀ на́шегѡ петра̀, митрополі́та всеѧ̀ рѡссі́и, чꙋдотво́рца.
к҃є. [а] Возвраще́нїе моще́й ст҃а́гѡ а҆пⷭ҇ла варѳоломе́а:
И҆ па́мѧть ст҃а́гѡ а҆пⷭ҇ла ті́та.
к҃ѕ. [з] Ст҃ы́хъ мч҃нкъ а҆дрїа́на и҆ ната́лїи:
Въ сі́й де́нь пра́зднꙋемъ возслѣ́дованїе похва́льно срѣ́тенїѧ чꙋдотво́рныѧ і҆кѡ́ны влади́мїрскїѧ, прест҃ы́ѧ влⷣчцы на́шеѧ бцⷣы.
к҃з. [ѕ] Прпⷣбнагѡ ѻ҆тца̀ на́шегѡ пі́мена вели́кагѡ.
<<сл҃д ѡ҆б.: 468>>
к҃и. [є] Прпⷣбнагѡ ѻ҆тца̀ на́шегѡ мѡѷсе́а мꙋ́рїна.
к҃ѳ. [д] Оу҆сѣкнове́нїе чтⷭ҇ны́ѧ главы̀ чⷭ҇тна́гѡ сла́внагѡ прⷪ҇ро́ка прⷣте́чи и҆ крⷭ҇ти́телѧ гдⷭ҇нѧ і҆ѡа́нна.
Пра́здникъ и҆ по́стъ.
л҃. [г] И҆̀же во ст҃ы́хъ ѻ҆тє́цъ на́шихъ, патрїа́рхѡвъ кѡнстанті́нѧ гра́да, а҆леѯа́ндра, і҆ѡа́нна и҆ па́ѵла но́вагѡ:
И҆ пренесе́нїе моще́й ст҃а́гѡ бл҃говѣ́рнагѡ кн҃зѧ а҆леѯа́ндра не́вскагѡ, и҆з̾ влади́мїра въ ца́рствꙋющїй гра́дъ ст҃а́гѡ петра̀:
И҆ преставле́нїе прпⷣбнагѡ ѻ҆тца̀ на́шегѡ а҆леѯа́ндра, сви́рскагѡ чꙋдотво́рца.
л҃а. [в] Положе́нїе чтⷭ҇на́гѡ по́ѧса прест҃ы́ѧ влⷣчцы на́шеѧ бцⷣы въ халкопра́тїи, принесе́нꙋ ѿ є҆пⷭ҇кпїи зи́лы въ ца́рствꙋющїй гра́дъ.
Разрѣше́нїе вїна̀ и҆ є҆ле́а.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.