Ѡ҆ зна́менїѧхъ влⷣчнихъ и҆ бг҃оро́дичныхъ пра́здникѡвъ и҆ ст҃ы́хъ

<<с҃і ѡ҆б.: 420>>

[глⷡ҇а л҃з] Ѡ҆ ЗНА́МЕНІѦХЪ

влⷣчнихъ, и҆ бг҃оро́дичныхъ пра́здникѡвъ, и҆ ст҃ы́хъ.

Подоба́етъ вѣ́дати, ꙗ҆́кѡ пра́здницы раздѣле́ни сꙋ́ть на вели̑кїѧ, срє́днїѧ же и҆ ма̑лыѧ.

Вели́цыи ᲂу҆́бѡ пра́здницы хрⷭ҇то́вы, и҆ бг҃оро́дичны, и҆ прⷣте́чєва два̀, ржⷭ҇тво̀ и҆ ᲂу҆сѣкнове́нїе, и҆ ѻ҆бои́хъ верхо́вныхъ а҆пⷭ҇лѡвъ, петра̀ и҆ па́ѵла, и҆́мꙋтъ зна́мєнїѧ крⷭ҇тъ ѡ҆крꙋже́нъ : и҆̀мже бдѣ́нїѧ и҆ всѧ̀ слꙋ́жба пра́здника соверша́етсѧ по ᲂу҆ста́вꙋ.

Сре́днїи же пра́здницы ст҃ы́хъ и҆́мꙋтъ двѣма̀ ви́ды: крⷭ҇тъ съ полꙋкрꙋ́жїемъ , и҆̀мже бдѣ́нїе соверша́етсѧ, прилага́етсѧ же и҆ канѡ́нъ бцⷣы на ᲂу҆́трени по ᲂу҆ста́вꙋ. Дрꙋзі́и же крⷭ҇тъ є҆ди́нъ то́чїю , и҆̀мже бдѣ́нїе не соверша́етсѧ. На вече́рни, Бл҃же́нъ мꙋ́жъ а҃ а҆нтїфѡ́нъ. На Гдⷭ҇и воззва́хъ, стїхи̑ры на ѕ҃: ѿ произво́ла же на и҃, и҆ чтє́нїѧ г҃: и҆ на стїхо́внѣ. На ᲂу҆́трени полѷеле́й и҆ є҆ѵⷢ҇лїе. Канѡ́нъ на и҃: и҆ славосло́вїе вели́кое: и҆ про́чаѧ слꙋ́жба по ᲂу҆ста́вꙋ.

Ма́лїи же пра́здницы и҆́мꙋтъ двѣма̀ ви́ды трѝ то́чки несоверше́ннѡ ѡ҆крꙋжены̀. Красе́нъ ᲂу҆́бѡ ви́дъ и҆мꙋ́щымъ на вече́рни каѳі́сма ѻ҆бы́чнаѧ. На гдⷭ҇и воззва́хъ, стїхи̑ры на ѕ҃. На ᲂу҆́трени канѡ́нъ на ѕ҃: и҆ славосло́вїе вели́кое. и҆ про́чаѧ слꙋ́жба по ᲂу҆ста́вꙋ. Че́рнь же ви́дъ и҆мꙋ́щымъ , то́чїю на Гдⷭ҇и воззва́хъ, стїхи̑ры на ѕ҃. На ᲂу҆́трени канѡ́нъ на ѕ҃: На лїтꙋргі́и по чи́нꙋ ᲂу҆ста́ва.

Не и҆мꙋ́щымъ же зна́менїѧ, стїхи̑ры на г҃: Канѡ́нъ же на ᲂу҆́трени на четы́ре.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.