Декабрь

Декабрь

<<рм҃ѕ: 291>>

Мѣ́сѧцъ деке́мврїй.

и҆мѣ́ѧй дне́й л҃а.

Де́нь и҆́мать часѡ́въ ѳ҃, а҆ но́щь часѡ́въ є҃і.

а҃. Ст҃а́гѡ проро́ка наꙋ́ма .

А҆ллилꙋ́їа, и҆лѝ тропа́рь. Стїхи̑ры бг҃оро́дицы, гла́съ г҃. Подо́бенъ: Ве́лїѧ: и҆ ст҃а́гѡ, гла́съ и҆ подо́бенъ то́йже. На стїхо́внѣ ѻ҆ктѡ́иха.

Тропа́рь, гла́съ в҃:

Прⷪ҇ро́ка твоегѡ̀ наꙋ́ма па́мѧть, гдⷭ҇и, пра́зднꙋюще, тѣ́мъ тѧ̀ мо́лимъ: сп҃сѝ дꙋ́шы на́шѧ.

На ᲂу҆́трени, А҆ллилꙋ́їа во гла́съ ѻ҆ктѡ́иха, и҆ трⷪ҇чны гла́са, по ѻ҆бы́чаю: и҆лѝ тропа́рь. По каѳі́смахъ, сѣда́льны ѻ҆ктѡ́иха, и҆ чте́нїе. Ѻ҆́ба канѡ́на ѻ҆ктѡ́иха, и҆ прⷪ҇ро́ка на д҃, гла́съ є҃. По г҃-й пѣ́сни, сѣда́ленъ, гла́съ є҃. По ѕ҃-й пѣ́сни, мꙋ́чениченъ ѻ҆ктѡ́иха.

И҆лѝ конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Просвѣти́вшеесѧ дх҃омъ чи́стое твоѐ се́рдце, прⷪ҇ро́чества бы́сть свѣтлѣ́йшагѡ прїѧ́телище: зри́ши бо ꙗ҆́кѡ настоѧ̑щаѧ дале́че сꙋ̑щаѧ. сегѡ̀ ра́ди тѧ̀ почита́емъ, прⷪ҇ро́че блаже́нне, наꙋ́ме сла́вне.

И҆ чте́мъ про́логъ. По ѳ҃ пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

в҃. Ст҃а́гѡ прⷪ҇ро́ка а҆ввакꙋ́ма .

Подо́бнѣ, А҆ллилꙋ́їа, и҆лѝ тропа́рь вчера́шнїй. Стїхи̑ры бцⷣы г҃, гла́съ д҃. Подо́бенъ: Ꙗ҆́кѡ до́блѧ: и҆ прⷪ҇ро́ка г҃, <<рм҃ѕ ѡ҆б.: 292>> гла́съ и҆ подо́бенъ то́йже. На ᲂу҆́трени, ѻ҆́ба канѡ́на ѻ҆ктѡ́иха, и҆ прⷪ҇ро́ка на д҃, гла́съ д҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ и҃. Подо́бенъ: Взбра́нной:

Возгласи́вый вселе́ннѣй ѿ ю҆́га прише́ствїе бж҃їе ѿ дв҃ы, а҆ввакꙋ́ме бг҃оглаго́ливе, и҆ на бж҃е́ственнѣй стра́жи предстоѧ́нїемъ слы́шанїѧ, ѿ свѣтоно́сна а҆́гг҃ла, хрⷭ҇то́во воскрⷭ҇нїе возвѣсти́лъ є҆сѝ мі́рꙋ. сегѡ̀ ра́ди ве́селѡ зове́мъ тѝ: ра́дꙋйсѧ, прⷪ҇ро́кѡвъ свѣ́тлаѧ добро́то.

И҆ чте́мъ про́логъ. По ѳ҃-й пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

г҃. Ст҃а́гѡ прⷪ҇ро́ка софо́нїа .

Пое́мъ подо́бнѣ: Стїхи̑ры прⷪ҇ро́ка г҃, гла́съ д҃. Подо́бенъ: Зва́нный свы́ше: На стїхо́внѣ ѻ҆ктѡ́иха. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ ѕ҃-й. По г҃-й пѣ́сни, сѣда́ленъ, гла́съ ѕ҃. По ѕ҃-й пѣ́сни,

Конда́къ прⷪ҇ро́ка, гла́съ д҃. Подо́бенъ: Ꙗ҆ви́лсѧ є҆сѝ:

Ꙗ҆ви́лсѧ є҆сѝ свѣтоза́ренъ бж҃е́ственнымъ дх҃омъ, прⷪ҇ро́че софо́нїе, бж҃їе ꙗ҆вле́нїе возгласи́въ: ра́дꙋйсѧ ѕѣлѡ̀ дщѝ сїѡ́нѧ, і҆ерⷭ҇ли́мѡва проповѣ́ждь: сѐ цр҃ь тво́й грѧде́тъ сп҃са́ѧй.

По ѳ҃-й пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

Въ то́йже де́нь прпⷣбнагѡ ѻ҆тца̀ на́шегѡ са́ввы звенигоро́дскагѡ.

Соверша́етсѧ собо́ръ є҆гѡ̀ во ѻ҆би́тели є҆гѡ̀, и҆ и҆дѣ́же хра́мъ є҆гѡ̀.

Тропа́рь, гла́съ и҃:

Пꙋсты́ни ꙗ҆ви́лсѧ є҆сѝ до́брое прозѧбе́нїе, преподо́бне, ѿ ю҆́ности бо и҆зво́лилъ є҆сѝ чи́стое житїѐ, дꙋхо́вномꙋ твоемꙋ̀ ᲂу҆чи́телю послѣ́дꙋѧ, и҆ тогѡ̀ ᲂу҆че́нїемъ ᲂу҆́мъ къ нбⷭ҇нымъ впери́въ, и҆ ста́дꙋ <<рм҃з: 293>> твоемꙋ̀ премꙋ́дръ наста́вникъ показа́лсѧ є҆сѝ. тѣ́мъ и҆ хрⷭ҇то́съ ꙗ҆́кѡ пресвѣ́тла тѧ̀ свѣти́льника чꙋдесы̀ ѡ҆богатѝ: са́вво ѻ҆́тче на́шъ, молѝ сп҃сти́сѧ дꙋша́мъ на́шымъ.

Конда́къ, гла́съ в҃. Подо́бенъ: Вы́шнихъ и҆щѧ̀:

Госпо́днимъ жела́нїемъ распали́всѧ, стра̑сти плѡтскі́ѧ воздержа́нїемъ ѿтрѧ́съ, бж҃е́ственнагѡ свѣ́та незаходи́мое свѣти́ло ꙗ҆ви́лсѧ є҆сѝ, чꙋде́съ лꙋча́ми всѣ́хъ просвѣща́еши притека́ющихъ къ ра́цѣ моще́й твои́хъ, са́вво прпⷣбне ѻ҆́тче на́шъ.

д҃. Ст҃ы́ѧ великомꙋ́ченицы варва́ры : И҆ прпⷣбнагѡ ѻ҆тца̀ на́шегѡ і҆ѡа́нна дамаскина̀.

Стїхи̑ры свѧты́ѧ г҃, гла́съ в҃. Подо́бенъ: Є҆гда̀ ѿ дре́ва: и҆ прпⷣбнагѡ г҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва: гла́съ ѕ҃: Ѻ҆те́чество, ро́дъ, и҆мѣ́нїе: На стїхо́внѣ ѻ҆ктѡ́иха. Сла́ва, гла́съ ѕ҃: Преподо́бне ѻ҆́тче, во всю̀ зе́млю:

Тропа́рь ст҃ы́ѧ, гла́съ и҃:

Варва́рꙋ свѧтꙋ́ю почти́мъ: вра̑жїѧ бо сѣ̑ти сокрꙋшѝ, и҆ ꙗ҆́кѡ пти́ца и҆зба́висѧ ѿ ни́хъ, по́мощїю и҆ ѻ҆рꙋ́жїемъ крⷭ҇та̀, всечⷭ҇тна́ѧ.

Сла́ва, свѧта́гѡ, гла́съ то́йже: Правосла́вїѧ наста́вниче: ѻ҆ктѡ́врїа въ а҃і де́нь. На ᲂу҆́трени, канѡ́нъ ѻ҆ктѡ́иха є҆ди́нъ: И҆ ст҃ы́ѧ канѡ́нъ на д҃, гла́съ в҃: И҆ преподо́бнагѡ на д҃, гла́съ то́йже. По г҃-й пѣ́сни,

Конда́къ преподо́бнагѡ, гла́съ д҃. Подо́бенъ: Вознесы́йсѧ:

Пѣснопи́сца и҆ честна́гѡ бг҃оглаго́льника, цр҃кве наказа́телѧ, и҆ ᲂу҆чи́телѧ, и҆ врагѡ́въ сопротивобо́рца, і҆ѡа́нна воспои́мъ: ѻ҆рꙋ́жїе бо взе́мъ, крⷭ҇тъ гдⷭ҇ень, всю̀ ѿразѝ є҆ресе́й пре́лесть: и҆ ꙗ҆́кѡ те́плый предста́тель къ бг҃ꙋ всѣ̑мъ подае́тъ прегрѣше́нїй проще́нїе.

И҆ і҆́косъ, и҆ сѣда́ленъ ст҃ы́ѧ, гла́съ г҃. Сла́ва, преподо́бнагѡ, гла́съ то́йже. По ѕ҃-й пѣ́сни,

<<рм҃з ѡ҆б.: 294>>

Конда́къ ст҃ы́ѧ, гла́съ д҃. Подо́бенъ: Вознесы́йсѧ:

Въ трⷪ҇цѣ бл҃гоче́стнѡ пѣва́емомꙋ послѣ́довавши бг҃ꙋ страстоте́рпице, і҆́дѡльскаѧ притꙋпи́ла є҆сѝ чти̑лища: посредѣ́ же по́двига страда́льчествꙋющи, варва́ро, мꙋчи́телей преще́нїѧ не ᲂу҆страши́ласѧ є҆сѝ мꙋжемꙋ́дреннаѧ, велегла́снѡ пою́щи при́снѡ: трⷪ҇цꙋ чтꙋ̀, є҆ди́но бж҃ество̀.

И҆ і҆́косъ. По ѳ҃-й пѣ́сни свѣти́ленъ ѻ҆ктѡ́иха и҆ свѧты́ѧ. Сла́ва, преподо́бнагѡ. На хвали́техъ стїхи̑ры свѧты́ѧ на д҃, гла́съ а҃: самогла́сны. Сла́ва, гла́съ ѕ҃: Страда́льческимъ ше́ствовавши пꙋте́мъ: На стїхо́внѣ ѻ҆ктѡ́иха. Сла́ва преподо́бнагѡ, гла́съ и҃: Мона́хѡвъ мно́жєства: На лїтꙋргі́и, бл҃жє́нна мꙋ́ченицы, пѣ́снь г҃- ѧ: И҆ преподо́бнагѡ, пѣ́снь ѕ҃-ѧ. Прокі́менъ, гла́съ д҃: Ди́венъ бг҃ъ во свѧты́хъ свои́хъ: Сті́хъ: Въ це́рквахъ бл҃гослови́те бг҃а: А҆по́столъ къ гала́тѡмъ. зача́ло с҃и: Пре́жде прише́ствїѧ вѣ́ры: А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а, и҆ внѧ́тъ мѝ: Є҆ѵⷢ҇лїе ма́рка, зача́ло к҃а: По і҆и҃сѣ и҆до́ша наро́ди мно́зи, и҆ ᲂу҆гнѣта́хꙋ є҆го̀: Прича́стенъ: Ра́дꙋйтесѧ:

є҃. Преподо́бнагѡ и҆ бг҃оно́снагѡ ѻ҆тца̀ на́шегѡ са́ввы ѡ҆сщ҃е́ннагѡ.

А҆́ще хо́щетъ настоѧ́тель, твори́тъ бдѣ́нїе. На ма́лѣй вече́рни, стїхи̑ры на д҃, гла́съ а҃: Подо́бенъ: Всехва́льнїи мꙋ́чєницы: Сла́ва, гла́съ в҃: Преподо́бне ѻ҆́тче: И҆ ны́нѣ, бг҃оро́диченъ: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. а҃: Честна̀ пред̾ гдⷭ҇емъ сме́рть преподо́бныхъ є҆гѡ̀. в҃: Бл҃же́нъ мꙋ́жъ боѧ́йсѧ гдⷭ҇а: Сла́ва, и҆ ны́нѣ, бг҃оро́диченъ, гла́съ и҆ подо́бенъ то́йже: Влⷣчце бл҃га́ѧ: Тропа́рь, гла́съ и҃: Сле́зъ твои́хъ тече́ньми: септе́мврїа въ г҃ де́нь. Сла́ва, и҆ ны́нѣ, И҆́же на́съ ра́ди: <<рм҃и: 295>> Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, Гдⷭ҇и воззва́хъ, стїхи̑ры на и҃, гла́съ є҃. Подо́бенъ: Преподо́бне ѻ҆́тче: Сла́ва, гла́съ ѕ҃: Є҆́же по ѡ҆́бразꙋ: И҆ ны́нѣ: Кто̀ тебѐ не ᲂу҆блажи́тъ: Вхо́дъ. Прокі́менъ днѐ, и҆ чтє́нїѧ г҃, прпⷣбничєскаѧ. На лїті́и стїхи́ра хра́ма: И҆ свѧта́гѡ самогла́сны, гла́съ в҃. Сла́ва, гла́съ то́йже: Є҆́же па́че ᲂу҆ма̀ благи́хъ: И҆ ны́нѣ, бг҃оро́диченъ. На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. Сла́ва: гла́съ и҃: Мона́хѡвъ мно́жєства: И҆ ны́нѣ, бг҃оро́диченъ: Безневѣ́стнаѧ дв҃о: На бл҃гослове́нїи хлѣ́бѡвъ, тропа́рь, гла́съ и҃: Сле́зъ твои́хъ тече́ньми: два́жды. пи́санъ на ма́лѣй вече́рни. И҆ Бг҃оро́дице дв҃о: є҆ди́ножды. И҆ Бꙋ́ди и҆́мѧ гдⷭ҇не: г҃. ѱало́мъ л҃г: Бл҃гословлю̀ гдⷭ҇а: И҆ чте́нїе ѿ житїѧ̀ свѧта́гѡ са́ввы. На ᲂу҆́трени, на Бг҃ъ гдⷭ҇ь, тропа́рь свѧта́гѡ, два́жды. Сла́ва, и҆ ны́нѣ: И҆́же на́съ ра́ди: По каѳі́смѣ сѣда́льны ст҃а́гѡ, съ бг҃оро́дичны и҆́хъ, и҆ чте́нїе. По полѷеле́и сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. И҆ чте́нїе ѿ житїѧ̀ ст҃а́гѡ. Степє́нна, а҃ а҆нтїфѡ́нъ д҃-гѡ гла́са. Прокі́менъ, гла́съ то́йже: Честна̀ пред̾ гдⷭ҇емъ сме́рть прпⷣбныхъ є҆гѡ̀. Сті́хъ: Что̀ возда́мъ гдⷭ҇еви: Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: По н҃-мъ ѱалмѣ̀ стїхи́ра, гла́съ ѕ҃: Преподо́бне ѻ҆́тче, во всю̀ зе́млю: Канѡ́нъ бцⷣы, на ѕ҃, гла́съ в҃: Нетре́нꙋ, неѻбы́чнꙋ: И҆ ст҃а́гѡ на и҃, гла́съ и҃. Катава́сїа: Сп҃сѐ лю́ди: По г҃-й пѣ́сни, сѣда́ленъ гла́съ и҃. Сла́ва, и҆́нъ: И҆ ны́нѣ: бг҃оро́диченъ. По ѕ҃-й пѣ́сни,

Конда́къ, гла́съ и҃. Подо́бенъ: Взбра́нной:

Ꙗ҆́кѡ ѿ младе́нства бг҃ꙋ же́ртва непоро́чнаѧ прине́слсѧ є҆сѝ добродѣ́телїю, са́вво бл҃же́нне, садодѣ́латель бы́въ бл҃гоче́стїѧ. тѣ́мже бы́лъ є҆сѝ преподо́бныхъ ᲂу҆добре́нїе, граждани́нъ же <<рм҃и ѡ҆б.: 296>> пꙋсты́нный достохва́ленъ. тѣ́мже зове́мъ тѝ: ра́дꙋйсѧ, са́вво пребога́те.

И҆ і҆́косъ, и҆ чте́мъ про́логъ. По ѳ҃-й пѣ́сни, свѣти́ленъ два́жды. Сла́ва, и҆ ны́нѣ, бг҃оро́диченъ. На хвали́техъ, стїхи̑ры на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ ѕ҃: Прпⷣбне ѻ҆́тче, во всю̀ зе́млю: И҆ ны́нѣ: Бцⷣе, ты̀ є҆сѝ лоза̀: Славосло́вїе вели́кое. По трист҃о́мъ тропа́рь ст҃а́гѡ. Сла́ва, и҆ ны́нѣ: И҆́же на́съ ра́ди: Є҆ктєнїѝ, и҆ ѿпꙋ́стъ, и҆ ча́съ а҃-й. На а҃-мъ часѣ̀, тропа́рь ст҃а́гѡ. По трист҃о́мъ конда́къ є҆гѡ̀. И҆ соверше́нный ѿпꙋ́стъ. На лїтꙋргі́и, бл҃жє́нна, ѿ канѡ́на ст҃а́гѡ пѣ́снь г҃-ѧ и҆ ѕ҃-ѧ. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: А҆по́столъ къ гала́тѡмъ, зача́ло сг҃і: Пло́дъ дх҃о́вный: А҆ллилꙋ́їа, гла́съ и҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ сѣ́мѧ є҆гѡ̀. Є҆ѵⷢ҇лїе матѳе́а, зача́ло м҃г: Всѧ̑ мнѣ̀ прєдана̀ сꙋ́ть: Прича́стенъ: Въ па́мѧть:

ѕ҃. И҆́же во ст҃ы́хъ ѻ҆тца̀ на́шегѡ нїкола́а а҆рхїепⷭ҇кпа, мѵ́ръ лѷкі́йскихъ чꙋдотво́рца.

А҆́ще хо́щетъ настоѧ́тель, твори́мъ бдѣ́нїе. На ма́лѣй вече́рни, на Гдⷭ҇и воззва́хъ, стїхи̑ры на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Возсїѧ̀ ꙗ҆́коже со́лнце: И҆ ны́нѣ, бг҃оро́диченъ: Никто́же притека́ѧй къ тебѣ̀: На стїхо́внѣ стїхи̑ры, гла́съ ѕ҃: Подо́бенъ: Тридне́венъ: Сла́ва, и҆ ны́нѣ, Возревнова́въ сопе́рникъ:

Тропа́рь, гла́съ д҃:

Пра́вило вѣ́ры и҆ ѡ҆́бразъ кро́тости, воздержа́нїѧ ᲂу҆чи́телѧ, ꙗ҆ви́ тѧ ста́дꙋ твоемꙋ̀, ꙗ҆́же веще́й и҆́стина. сегѡ̀ ра́ди стѧжа́лъ <<рм҃ѳ: 297>> є҆сѝ смире́нїемъ высѡ́каѧ, нището́ю бога̑таѧ, ѻ҆́тче сщ҃еннонача́льниче нїко́лае, молѝ хрⷭ҇та̀ бг҃а, сп҃сти́сѧ дꙋша́мъ на́шымъ.

Сла́ва, и҆ ны́нѣ: Є҆́же ѿ вѣ́ка: Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃: гла́съ в҃. Подо́бенъ: Є҆гда̀ ѿ дре́ва: И҆́ны стїхи̑ры, гла́съ то́йже. Подо́бенъ: Кі́ими: Сла́ва, гла́съ ѕ҃: Ст҃и́телей ᲂу҆добре́нїе: И҆ ны́нѣ, предпра́зднства: Верте́пе бл҃гоꙋкраси́сѧ: Вхо́дъ, прокі́менъ днѐ, и҆ чтє́нїѧ трѝ: а҃-е, При́тчей: Па́мѧть првⷣнагѡ: в҃-е, Оу҆ста̀ првⷣнагѡ: г҃-е, Првⷣникъ а҆́ще пости́гнетъ: На лїті́и стїхи́ра хра́ма: та́же нїкола́а, гла́съ в҃: Самогла́сны. Сла́ва, гла́съ ѕ҃: Бл҃гі́й ра́бе: И҆ ны́нѣ, гла́съ то́йже: Сїѡ́не торжествꙋ́й: На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. Сла́ва, гла́съ ѕ҃: Человѣ́че бж҃їй: И҆ ны́нѣ: Безневѣ́стнаѧ дв҃о, ѿкꙋ́дꙋ пришла̀ є҆сѝ; На бл҃гослове́нїи хлѣ́бѡвъ тропа́рь: Пра́вило вѣ́ры: два́жды: пи́санъ на ма́лѣй вече́рни: и҆ Бцⷣе дв҃о: є҆ди́ножды. И҆ Бꙋ́ди и҆́мѧ гдⷭ҇не: три́жды. ѱало́мъ л҃г: Бл҃гословлю̀ гдⷭ҇а: И҆ чте́нїе ѿ житїѧ̀ ст҃а́гѡ. А҆ и҆дѣ́же нѣ́сть бдѣ́нїѧ, но Ны́нѣ ѿпꙋща́еши, и҆ по трист҃о́мъ, тропа́рь ст҃и́телѧ, є҆ди́ножды. Сла́ва, и҆ ны́нѣ, бг҃оро́диченъ. На ᲂу҆́трени, на Бг҃ъ гдⷭ҇ь, тропа́рь ст҃а́гѡ, два́жды: Сла́ва, и҆ ны́нѣ: Є҆́же ѿ вѣ́ка: И҆ ѻ҆бы̑чныѧ каѳі̑смы. По каѳі́смахъ сѣда́льны ст҃и́телѧ, и҆ съ бг҃оро́дичны и҆́хъ, и҆ чте́нїе. По полѷеле́и сѣда́ленъ, гла́съ є҃. Сла́ва, и҆́нъ: И҆ ны́нѣ, бг҃оро́диченъ: и҆ ѻ҆бы́чное чте́нїе ст҃а́гѡ. Степє́нна а҃- й а҆нтїфѡ́нъ д҃-гѡ гла́са. Прокі́менъ, гла́съ д҃. Чⷭ҇тна̀ пред̾ гдⷭ҇емъ сме́рть: Сті́хъ: Что̀ возда́мъ гдⷭ҇еви: Всѧ́кое дыха́нїе: Є҆ѵⷢ҇лїе і҆ѡа́нна, зача́ло л҃ѕ: А҆́зъ є҆́смь две́рь: По н҃-мъ ѱалмѣ̀ стїхи́ра, гла́съ ѕ҃: Наслѣ́дниче <<рм҃ѳ ѡ҆б.: 298>> бж҃їй: Канѡ́нъ бцⷣы, гла́съ а҃, со і҆рмосо́мъ на ѕ҃: и҆ ст҃а́гѡ два̀ канѡ́на на и҃. Є҆ди́нъ, гла́съ в҃: Дрꙋгі́й, гла́съ а҃. Катава́сїа: Хрⷭ҇то́съ ражда́етсѧ: По г҃-й пѣ́сни, сѣда́ленъ, гла́съ и҃: Сла́ва, дрꙋгі́й: И҆ ны́нѣ, бг҃оро́диченъ: По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

Въ мѵ́рѣхъ, свѧ́те, сщ҃еннодѣ́йствитель показа́лсѧ є҆сѝ: хрⷭ҇то́во бо, прпⷣбне, є҆ѵⷢ҇лїе и҆спо́лнивъ, положи́лъ є҆сѝ дꙋ́шꙋ твою̀ ѡ҆ лю́дехъ твои́хъ, и҆ спа́слъ є҆сѝ непови̑нныѧ ѿ сме́рти. сегѡ̀ ра́ди ѡ҆ст҃и́лсѧ є҆сѝ, ꙗ҆́кѡ вели́кїй таи́нникъ бж҃їѧ бл҃года́ти.

И҆ і҆́косъ: и҆ чте́мъ про́логъ. По ѳ҃-й пѣ́сни, свѣти́ленъ подо́бенъ: Жєны̀ ᲂу҆слы́шите: Сла́ва, и҆́нъ: И҆ ны́нѣ, бг҃оро́диченъ. На хвали́техъ стїхи̑ры на ѕ҃, гла́съ а҃. самогла́сны. Сла́ва, гла́съ є҃: Вострꙋ́бимъ трꙋбо́ю пѣ́сней: И҆ ны́нѣ, бг҃оро́диченъ, гла́съ то́йже: Вострꙋ́бимъ трꙋбо́ю: Славосло́вїе вели́кое. По трист҃о́мъ тропа́рь: Сла́ва, и҆ ны́нѣ, Є҆́же ѿ вѣ́ка: Є҆ктєнїѝ, и҆ ѿпꙋ́стъ. Дае́тсѧ же и҆ є҆ле́й бра́тїи ѿ канди́ла ст҃а́гѡ. и҆ ча́съ а҃-й. На а҃-мъ часѣ̀, тропа́рь ст҃а́гѡ: По трист҃о́мъ конда́къ є҆гѡ̀. И҆ коне́чный ѿпꙋ́стъ. На лїтꙋргі́и, бл҃жє́нна ѿ канѡ́на а҃-гѡ, пѣ́снь г҃, и҆ втора́гѡ, пѣ́снь ѕ҃. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ ко є҆вре́ємъ, зача́ло тл҃є: Повинꙋ́йтесѧ наста́вникѡмъ: А҆ллилꙋ́їа, гла́съ д҃: Сщ҃е́нницы твоѝ ѡ҆блекꙋ́тсѧ въ пра́вдꙋ: Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: Прича́стенъ: Въ па́мѧть вѣ́чнꙋю:

<<р҃н: 299>>

з҃. И҆́же во ст҃ы́хъ ѻ҆тца̀ на́шегѡ а҆мвро́сїа, є҆пⷭ҇кпа медїола́нскагѡ.

А҆ллилꙋ́їа, и҆лѝ Тропа́рь, гла́съ д҃: Пра́вило вѣ́ры: септе́мврїа во в҃-й де́нь. Стїхи̑ры бцⷣы г҃, гла́съ а҃. Подо́бенъ: Нбⷭ҇ныхъ чинѡ́въ: И҆ ст҃а́гѡ г҃, гла́съ и҆ подо́бенъ то́йже. На стїхо́внѣ ѻ҆ктѡ́иха: На ᲂу҆́трени, ѻ҆́ба канѡ́на ѻ҆ктѡ́иха: И҆ ст҃а́гѡ на д҃, гла́съ д҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ г҃. Подо́бенъ: бж҃е́ственныѧ вѣ́ры:

Бж҃е́ственными догма́ты ѡ҆блиста́ѧ, помрачи́лъ є҆сѝ а҆́рїевꙋ пре́лесть, сщ҃еннотаи́нниче и҆ па́стырю а҆мвро́сїе: чꙋдодѣ́йствꙋѧ же си́лою дх҃а, стра̑сти разли̑чныѧ ꙗ҆́вѣ и҆сцѣли́лъ є҆сѝ, ѻ҆́тче прпⷣбне, хрⷭ҇та̀ бг҃а молѝ сп҃сти́сѧ дꙋша́мъ на́шымъ.

По ѳ҃-й пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

Въ то́йже де́нь преставле́нїе прпⷣбнагѡ ѻ҆тца̀ на́шегѡ а҆нтѡ́нїа сі́йскагѡ, но́вагѡ чꙋдотво́рца.

Соверша́етсѧ собо́ръ є҆гѡ̀, во ѻ҆би́тели є҆гѡ̀ и҆ во хра́мѣ.

Тропа́рь, гла́съ а҃:

Жела́нїемъ дх҃о́внымъ распали́всѧ, и҆ мѧте́жи мїрскі̑ѧ ѿри́нꙋвъ, ко є҆ди́номꙋ же бг҃ꙋ любо́вїю прилѣпи́лсѧ є҆сѝ, и҆ того̀ вседꙋ́шнѣ взыскꙋ́ѧ, во внꙋ́треннюю пꙋсты́ню ѿше́лъ є҆сѝ, при вода́хъ всели́всѧ, и҆дѣ́же во слеза́хъ и҆ трꙋдѣ́хъ пребыва́ѧ многолѣ́тное вре́мѧ, въ терпѣ́нїи мно́зѣ житїѐ а҆́гг҃льское проходи́лъ є҆сѝ, въ наставле́нїи бж҃е́ственнагѡ ра́зꙋма: и҆ мно́жество мона́хѡвъ собра́лъ є҆сѝ, мꙋ́дре, и҆́хже посѣща́ѧ, не ѡ҆ста́ви, а҆нтѡ́нїе прпⷣбне ѻ҆́тче на́шъ, прест҃ѣ́й трⷪ҇цѣ молѧ́сѧ, ѿ ѕѡ́лъ всѧ́ческихъ и҆зба́вити, и҆ сп҃стѝ дꙋ́шы на́шѧ.

<<р҃н ѡ҆б.: 300>>

Конда́къ, гла́съ и҃. Подо́бенъ: Взбра́нной:

Ѿ ю҆́ности, прпⷣбне, пло́ть твою̀ въ постѣ́хъ и҆ мл҃твахъ и҆стончи́лъ є҆сѝ, и҆ кре́стъ тво́й взе́мъ, хрⷭ҇тꙋ̀ послѣ́довалъ є҆сѝ: тѣ́мже и҆ къ вы̑шнимъ тече́нїе ра́достнѡ соверши́лъ є҆сѝ, и҆дѣ́же со всѣ́ми ст҃ы́ми ст҃ѣ́й трⷪ҇цѣ предстои́ши. и҆ ны́нѣ ста́до твоѐ посѣща́ѧ, помина́й чтꙋ́щихъ прест҃ꙋ́ю па́мѧть твою̀, да всѝ бл҃года́рнѣ вопїе́мъ тѝ: ра́дꙋйсѧ, бг҃омꙋ́дре а҆нтѡ́нїе, наста́вниче пꙋсты́нный.

И҆ преставле́нїе прпⷣбнагѡ ѻ҆тца̀ на́шегѡ ні́ла, и҆́же на є҆́зерѣ селиге́рѣ, на ѻ҆́стровѣ зово́момъ столо́бное, но́вагѡ чꙋдотво́рца.

Соверша́етсѧ собо́ръ є҆гѡ̀, и҆дѣ́же лежа́тъ мѡ́щи є҆гѡ̀, и҆ и҆дѣ́же хра́мъ є҆гѡ̀.

Тропа́рь, гла́съ д҃:

Ꙗ҆́кѡ свѣти́льникъ всесвѣ́телъ ꙗ҆ви́лсѧ є҆сѝ во ѻ҆́стровѣ селиге́ра є҆́зера, прпⷣбне ѻ҆́тче ні́ле: ты́ бо крⷭ҇тъ хрⷭ҇то́въ ѿ ю҆́ности своеѧ̀ на ра́мо взе́мъ, ᲂу҆се́рднѡ томꙋ̀ послѣ́довалъ є҆сѝ, чистото́ю бг҃ови прибли́живсѧ, ѿѻнꙋ́дꙋже и҆ чꙋде́съ дарова́нїемъ ѡ҆богати́лсѧ є҆сѝ. тѣ́мъ и҆ мы̀ притека́юще къ ра́цѣ моще́й твои́хъ, ᲂу҆ми́льнѡ глаго́лемъ: ѻ҆́тче прпⷣбне, молѝ хрⷭ҇та̀ бг҃а, сп҃сти́сѧ дꙋша́мъ на́шымъ.

Конда́къ, гла́съ и҃:

Ѻ҆те́чества, прпⷣбне, ᲂу҆дали́всѧ, въ пꙋсты́ню всели́лсѧ є҆сѝ, и҆ на ѻ҆́стровъ селиге́ра є҆́зера возше́дъ, же́стоко житїѐ показа́лъ є҆сѝ, и҆ мно́гихъ добродѣ́тельми ᲂу҆диви́въ, дарова̑нїѧ чꙋде́съ ѿ хрⷭ҇та̀ прїѧ́лъ є҆сѝ. помина́й на́съ чтꙋ́щихъ па́мѧть твою̀, да зове́мъ тѝ: ра́дꙋйсѧ, ні́ле ѻ҆́тче на́шъ.

и҃. Прпⷣбнагѡ ѻ҆тца̀ на́шегѡ пата́пїа .

А҆ллилꙋ́їа, и҆лѝ тропа́рь. Стїхи̑ры ст҃а́гѡ, гла́съ а҃. Подо́бенъ: Всехва́льнїи мч҃нцы: На стїхо́внѣ ѻ҆ктѡ́иха. <<рн҃а: 301>> Тропа́рь, гла́съ и҃: Въ тебѣ̀ ѻ҆́тче и҆звѣ́стнѡ: ѻ҆ктѡ́врїа въ а҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ прпⷣбнагѡ на д҃, Гла́съ в҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

Хра́мъ тво́й, свѧ́те, дх҃о́вное врачество̀ лю́дїе ѡ҆брѣ́тше, со тща́нїемъ къ немꙋ̀ приходѧ́ще, цѣльбꙋ̀ недꙋ́гѡвъ про́сѧтъ прїѧ́ти, рѣше́нїе же въ житїѝ прегрѣше́нныхъ: ты́ бо всѣ́хъ сꙋ́щихъ въ нꙋ́ждахъ предста́тель ꙗ҆ви́лсѧ є҆сѝ, пата́пїе прпⷣбне.

По ѳ҃-й пѣ́сни, свѣти́ленъ ѻ҆ктѡ́иха, и҆лѝ трⷪ҇ченъ.

ѳ҃. Зача́тїе ст҃ы́ѧ а҆́нны, є҆гда̀ зача́тъ прест҃ꙋ́ю бцⷣꙋ.

Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры на ѕ҃: гла́съ д҃. Подо́бенъ: Зва́нный свы́ше: Сла́ва, и҆ ны́нѣ, гла́съ в҃: Недовѣ́домое а҆́гг҃лѡмъ и҆ человѣ́кѡмъ: На стїхо́внѣ стїхи̑ры, гла́съ є҃: Подо́бенъ: Ра́дꙋйсѧ: Припѣ́въ а҃-й, Клѧ́тсѧ гдⷭ҇ь дв҃дꙋ: в҃-й, плода̀ чре́ва твоегѡ̀: Сла́ва, и҆ ны́нѣ, гла́съ в҃: Дне́сь и҆з̾ ко́рене дв҃дова:

Тропа́рь, гла́съ д҃:

Дне́сь безча́дїѧ ᲂу҆́зы разрѣша́ютсѧ, і҆ѡакі́ма бо и҆ а҆́ннꙋ ᲂу҆слы́шавъ бг҃ъ, па́че наде́жды роди́ти тѣ̑мъ ꙗ҆́вѣ ѡ҆бѣщава́етъ бг҃оѻтрокови́цꙋ, и҆з̾ неѧ́же са́мъ роди́сѧ неѡпи́санный, человѣ́къ бы́въ, а҆́гг҃лѡмъ повелѣ́въ вопи́ти є҆́й: ра́дꙋйсѧ, бл҃года́тнаѧ, гдⷭ҇ь съ тобо́ю.

Се́й тропа́рь глаго́летсѧ без̾ бг҃оро́дична.

Та́же є҆ктєнїѝ и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь, три́жды: и҆ ѻ҆бы̑чныѧ каѳі̑смы: и҆ сѣда́льны ст҃ы́ѧ, и҆ чте́нїе. Канѡ́ны два̀ ст҃ы́ѧ а҆́нны: Пе́рвый со і҆рмосо́мъ на и҃: Вторы́й на ѕ҃, гла́съ а҃. Катава́сїа <<рн҃а ѡ҆б.: 302>> пра́здника: Хрⷭ҇то́съ ражда́етсѧ: По г҃-й пѣ́сни, сѣда́ленъ, гла́съ д҃, два́жды. Сла́ва, и҆ ны́нѣ, бг҃оро́диченъ: По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Пра́зднꙋетъ дне́сь вселе́ннаѧ а҆́ннино зача́тїе, бы́вшее ѿ бг҃а: и҆́бо та̀ породѝ па́че сло́ва сло́во ро́ждшꙋю.

И҆ і҆́косъ. и҆ чте́мъ про́логъ. По ѳ҃-й пѣ́сни свѣти́ленъ, два́жды. На хвали́техъ стїхи̑ры, на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ и҃: Прїиди́те ра́достнѡ дне́сь: Славосло́вїе вели́кое. По трист҃о́мъ, тропа́рь є҆ди́ножды. и҆ ѿпꙋ́стъ. На лїтꙋргі́и, бл҃жє́нна ѿ канѡ́на а҃-гѡ, пѣ́снь г҃-ѧ: и҆ в҃-гѡ, пѣ́снь ѕ҃-ѧ. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ це́рквахъ бл҃гослови́те бг҃а: А҆по́столъ къ гала́тѡмъ, зача́ло с҃і ѿ полꙋ̀: А҆враа́мъ два̀ сы́на и҆мѣ̀: А҆ллилꙋ́їа, гла́съ а҃: Сп҃се́нїе првⷣныхъ ѿ гдⷭ҇а: Є҆ѵⷢ҇лїе лꙋкѝ, зача́ло л҃ѕ: Никто́же ᲂу҆́бѡ свѣти́льника вже́гъ: Прича́стенъ: Ра́дꙋйтесѧ:

і҃. Ст҃ы́хъ мч҃нкъ, ми́ны, є҆рмоге́на и҆ є҆ѵгра́фа .

Стїхи̑ры ѻ҆ктѡ́иха г҃, и҆ ст҃ы́хъ г҃, гла́съ а҃. Подо́бенъ: Всехва́льнїи: На стїхо́внѣ ѻ҆ктѡ́иха.

Тропа́рь, гла́съ и҃:

Воздержа́нїемъ страсте́й, ѻ҆гнепа̑льныѧ ᲂу҆мертви́вше зра́ки и҆ движє́нїѧ, хрⷭ҇тѡ́вы мꙋ́чєницы прїѧ́ша бл҃года́ть недꙋ́ги ѿгонѧ́ти немощны́хъ, и҆ жи́вше и҆ по кончи́нѣ чꙋдодѣ́йствовати. вои́стиннꙋ чꙋ́до пресла́вно, ꙗ҆́кѡ кѡ́сти на́ги и҆сточа́ютъ и҆сцѣлє́нїѧ: сла́ва є҆ди́номꙋ и҆ созда́телю бг҃ꙋ.

На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ, на д҃: гла́съ а҃. По г҃-й пѣ́сни,

<<рн҃в: 303>>

Конда́къ, гла́съ а҃. Подо́бенъ: Ли́къ а҆́гг҃льскїй:

Ми́нꙋ чꙋ́днаго, є҆рмоге́на бж҃е́ственнаго, и҆ є҆ѵгра́фа кꙋ́пнѡ сщ҃е́нными сладкопѣ́нїи почти́мъ всѝ ꙗ҆́кѡ почествова́вшыѧ гдⷭ҇а, и҆ страда́льчествовавшыѧ за него̀, и҆ ли́ка безпло́тныхъ на нб҃сѣ́хъ дости́гшыѧ, и҆ чꙋдеса̀ точа́щыѧ.

И҆ сѣда́ленъ, гла́съ и҃. По ѕ҃-й пѣ́сни,

Конда́къ, гла́съ д҃. Подо́бенъ: Вознесы́йсѧ:

Добропѣ́сненный гла́съ твои́хъ слове́съ, є҆рмоге́на и҆з̾ глꙋбины̀ поги́бели возве́дъ, поста́ви на ка́мени жи́зни: ѿѻнꙋ́дꙋже и҆ є҆ѵгра́фъ царѧ̀ ѡ҆бличи́въ, ра́дꙋѧсѧ посѣка́етсѧ въ сла́внꙋю главꙋ̀. но прилѣ́жнѡ молѝ, ми́но, сп҃сти́сѧ всѣ̑мъ любо́вїю чтꙋ́щымъ тѧ̀.

По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃ы́хъ. На стїхо́внѣ ѻ҆ктѡ́иха. На лїтꙋргі́и, прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а предо мно́ю вы́нꙋ: А҆по́столъ ко є҆фесе́ємъ, зача́ло сл҃г. Возмога́йте ѡ҆ гдⷭ҇ѣ: А҆ллилꙋ́їа, гла́съ д҃: Воззва́ша првⷣнїи: Сті́хъ: Мнѡ́ги скѡ́рби првⷣнымъ: Є҆ѵⷢ҇лїе лꙋкѝ, зача́ло р҃ѕ. Внемли́те ѿ человѣ̑къ: Прича́стенъ: Ра́дꙋйтесѧ:

а҃і. Прпⷣбнагѡ ѻ҆тца̀ на́шегѡ данїи́ла сто́лпника.

А҆ллилꙋ́їа, и҆лѝ тропа́рь. Стїхи̑ры бцⷣы г҃, гла́съ и҃. Подо́бенъ: Что̀ ва́съ нарече́мъ: и҆ ст҃а́гѡ г҃, гла́съ и҆ подо́бенъ то́йже. Сла́ва, гла́съ є҃: Порꙋче́нный тѝ тала́нтъ: На стїхо́внѣ ѻ҆ктѡ́иха. Тропа́рь, гла́съ а҃: Терпѣ́нїѧ сто́лпъ бы́лъ є҆сѝ: септе́мврїа въ а҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: И҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ а҃. По ѕ҃-й пѣ́сни,

Конда́къ, гла́съ и҃. Подо́бенъ: Ꙗ҆́кѡ нача́тки:

Ꙗ҆́коже ѕвѣзда̀ многосвѣ́тлаѧ, ты̀ возше́дъ, бл҃же́нне, на сто́лпъ, мі́ръ просвѣти́лъ є҆сѝ прпⷣбными дѣ́лы твои́ми и҆ тьмꙋ̀ <<рн҃в ѡ҆б.: 304>> пре́лести ѿгна́лъ є҆сѝ, ѻ҆́тче. тѣ́мже мо́лимъ тѧ̀: и҆ ны́нѣ ѡ҆блиста́й въ сердца́хъ ра́бъ твои́хъ незаходѧ́щїй свѣ́тъ ра́зꙋма.

По ѳ҃-й пѣ́сни, свѣти́ленъ ѻ҆ктѡ́иха: Сла́ва ст҃а́гѡ. На стїхо́внѣ ѻ҆ктѡ́иха.

Вѣ́дати подоба́етъ, ꙗ҆́кѡ ѿ сегѡ̀ а҃і-гѡ днѐ начина́етсѧ недѣ́лѧ пра́ѻтеческаѧ, и҆ восхо́дитъ сегѡ́же деке́мврїа до з҃і-гѡ днѐ быва́етъ же си́це:

А҆́ще ᲂу҆́бѡ слꙋчи́тсѧ ржⷭ҇тво̀ хрⷭ҇то́во въ недѣ́лю:

И҆ тогда̀ пра́ѻтеческаѧ недѣ́лѧ быва́етъ деке́мврїа въ а҃і де́нь. А҆ ст҃ы́хъ ѻ҆тє́цъ недѣ́лѧ, ꙗ҆́же пред̾ ржⷭ҇тво́мъ хрⷭ҇то́вымъ, деке́мврїа во и҃і де́нь.

А҆́ще ли слꙋчи́тсѧ ржⷭ҇тво̀ хрⷭ҇то́во въ понедѣ́льникъ:

И҆ тогда̀ пра́ѻтеческаѧ недѣ́лѧ быва́етъ деке́мврїа въ з҃і де́нь. А҆ недѣ́лѧ ст҃ы́хъ ѻ҆тє́цъ ꙗ҆́же пред̾ ржⷭ҇тво́мъ хрⷭ҇то́вымъ, тогда̀ быва́етъ деке́мврїа въ к҃д де́нь.

А҆́ще ли слꙋчи́тсѧ ржⷭ҇тво̀ хрⷭ҇то́во во вто́рникъ:

И҆ тогда̀ пра́ѻтеческаѧ недѣ́лѧ быва́етъ деке́мврїа въ ѕ҃і де́нь. А҆ ст҃ы́хъ ѻ҆тє́цъ недѣ́лѧ, ꙗ҆́же пред̾ ржⷭ҇тво́мъ хрⷭ҇то́вымъ, деке́мврїа въ к҃г де́нь.

А҆́ще ли ржⷭ҇тво̀ хрⷭ҇то́во слꙋчи́тсѧ въ сре́дꙋ:

И҆ тогда̀ быва́етъ пра́ѻтеческаѧ недѣ́лѧ деке́мврїа въ є҃і де́нь. А҆ ст҃ы́хъ ѻ҆тє́цъ недѣ́лѧ деке́мврїа въ к҃в де́нь.

А҆́ще ли слꙋчи́тсѧ ржⷭ҇тво̀ хрⷭ҇то́во въ четверто́къ:

И҆ тогда̀ быва́етъ пра́ѻтеческаѧ недѣ́лѧ деке́мврїа въ д҃і де́нь. А҆ ст҃ы́хъ ѻ҆тє́цъ недѣ́лѧ деке́мврїа въ к҃а де́нь.

А҆́ще ли слꙋчи́тсѧ ржⷭ҇тво̀ хрⷭ҇то́во въ пѧто́къ:

И҆ тогда̀ быва́етъ пра́ѻтеческаѧ недѣ́лѧ деке́мврїа въ г҃і де́нь. А҆ ст҃ы́хъ ѻ҆тє́цъ недѣ́лѧ въ и҆ де́нь.

А҆́ще ли слꙋчи́тсѧ ржⷭ҇тво̀ хрⷭ҇то́во въ сꙋббѡ́тꙋ:

И҆ тогда̀ быва́етъ пра́ѻтеческаѧ недѣ́лѧ деке́мврїа въ <<рн҃г: 305>> в҃і де́нь. А҆ недѣ́лѧ ст҃ы́хъ ѻ҆тє́цъ, ꙗ҆́же пред̾ ржⷭ҇тво́мъ хрⷭ҇то́вымъ, деке́мврїа въ ѳ҃і-й де́нь. Ѿ здѣ̀ блюдѝ недѣ́лю ст҃ы́хъ пра́ѻтєцъ, въ ко́е число̀ прилꙋчи́тсѧ. А҆́ще и҆ пре́жде недѣ́ли к҃и, и҆лѝ по́слѣжде. И҆ на лїтꙋргі́и є҆ѵⷢ҇лїе чтѝ недѣ́ли к҃и, ѿ лꙋкѝ зача́ло ѻ҃ѕ: Человѣ́къ нѣ́кїй сотворѝ ве́черю ве́лїю: непремѣ́ннѡ є҆ди́но. А҆ въ к҃и недѣ́лю чтѝ рѧдово́е, ко́е прилꙋчи́тсѧ и҆ны́ѧ недѣ́ли.

Подоба́етъ вѣ́дати ѡ҆ недѣ́ли ст҃ы́хъ пра́ѻтєцъ:

Є҆гда̀ ᲂу҆́бѡ быва́етъ недѣ́лѧ ст҃ы́хъ пра́ѻтєцъ, ѡ҆ставлѧ́етсѧ послѣ́дованїе прилꙋчи́вшагѡсѧ ст҃а́гѡ въ тꙋ̀ недѣ́лю, и҆ пое́мъ пре́жде въ пѧто́къ на повече́рїи. Въ сꙋббѡ́тꙋ на ма́лѣй вече́рни пое́мъ по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃. и҆ а҆натѡ́лїевы г҃, и҆ ст҃ы́хъ пра́ѻтєцъ д҃: гла́съ и҃. Подо́бенъ: И҆́же во є҆де́мѣ, Сла́ва, пра́ѻтцєцъ, гла́съ ѕ҃: И҆́же пре́жде зако́на: И҆ ны́нѣ, бг҃оро́диченъ настоѧ́щагѡ гла́са. На лїті́и стїхи́ра хра́ма. Сла́ва, пра́ѻтцєвъ, гла́съ а҃: Лꙋча́ми ѡ҆блиста́вшесѧ: И҆ ны́нѣ, бг҃оро́диченъ: Сѐ и҆спо́лнисѧ: На стїхо́внѣ стїхи̑ры воскрⷭ҇ны. Сла́ва, пра́ѻтцєвъ, гла́съ г҃: Пра́ѻтцєвъ собо́ръ: И҆ ны́нѣ, бг҃оро́диченъ: Без̾ сѣ́мене ѿ бж҃е́ственнагѡ дх҃а: На бл҃гослове́нїи хлѣ́бѡвъ тропа́рь: Бг҃оро́дице дв҃о: два́жды.

И҆ пра́ѻтцєвъ тропа́рь, гла́съ в҃, є҆ди́ножды:

Вѣ́рою пра́ѻтцы ѡ҆правда́лъ є҆сѝ, ѿ ꙗ҆зы̑къ тѣ́ми пред̾ѡбрꙋчи́вый цр҃ковь: хва́лѧтсѧ въ сла́вѣ ст҃і́и, ꙗ҆́кѡ ѿ сѣ́мене и҆́хъ є҆́сть пло́дъ бл҃госла́венъ, без̾ сѣ́мене ро́ждшаѧ тѧ̀. тѣ́хъ мл҃твами, хрⷭ҇тѐ бж҃е, поми́лꙋй на́съ.

На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́ѻтцєвъ по а҃-й и҆ по в҃-й каѳі́смѣ сѣда́льны воскрⷭ҇ны: и҆ чте́нїе во є҆ѵⷢ҇лїи толково́мъ, недѣ́лѧ рѧ́дъ. Посе́мъ полѷеле́й: и҆ тропарѝ <<рн҃г ѡ҆б.: 306>>: А҆́гг҃льскїй собо́ръ: та́же ѵ҆пакоѝ гла́са, и҆ сѣда́ленъ пра́ѻтцєвъ: и҆ чте́нїе. Степє́нна, и҆ прокі́менъ гла́са: Всѧ́кое дыха́нїе: Є҆ѵⷢ҇лїе воскрⷭ҇но. и҆ Воскрⷭ҇нїе хрⷭ҇то́во: ѱало́мъ н҃. стїхи́ра воскрⷭ҇на. Канѡ́нъ воскрⷭ҇нъ со і҆рмосо́мъ на д҃: и҆ ѻ҆трокѡ́въ на д҃, гла́съ и҃: и҆ пра́ѻтцєвъ на ѕ҃, гла́съ а҃. Катава́сїа: Хрⷭ҇то́съ ражда́етсѧ: По г҃-й пѣ́сни, ѵ҆пакоѝ пра́ѻтцєвъ є҆ди́нощи, гла́съ в҃: Въ ро́сꙋ дѣ́темъ: По ѕ҃-й пѣ́сни,

Конда́къ пра́ѻтцєвъ, гла́съ ѕ҃:

Рꙋкопи́саннагѡ ѡ҆́браза не поче́тше, но неѡпи́саннымъ сꙋщество́мъ защити́вшесѧ, требл҃же́ннїи, въ по́двизѣ ѻ҆гнѧ̀ просла́вистесѧ, средѣ́ же пла́мене нестерпи́магѡ стоѧ́ще, бг҃а призва́сте: ᲂу҆скорѝ ѽ ще́дрый, и҆ потщи́сѧ ꙗ҆́кѡ млⷭ҇тивъ въ по́мощь на́шꙋ, ꙗ҆́кѡ мо́жеши хотѧ́й.

И҆ і҆́косъ. По ѳ҃-й пѣ́сни, свѣти́ленъ воскре́сенъ. Сла́ва, пра́ѻтцєвъ: И҆ ны́нѣ, бг҃оро́диченъ: Сл҃нце вели́кое: На хвали́техъ, стїхи̑ры воскрⷭ҇ны д҃, и҆ ст҃ы́хъ пра́ѻтцєвъ д҃, гла́съ в҃. Подо́бенъ: До́ме є҆ѵфра́ѳовъ: Сла́ва, пра́ѻтцєвъ, гла́съ з҃: Прїиди́те всѝ вѣ́рнѡ: И҆ ны́нѣ: Пребл҃гослове́нна є҆сѝ: Славосло́вїе вели́кое, и҆ ѿпꙋ́стъ. Стїхи́рꙋ же є҆ѵⷢ҇льскꙋю пое́мъ въ притво́рѣ. И҆ ча́съ пе́рвый, и҆ коне́чный ѿпꙋ́стъ. На лїтꙋргі́и, бл҃жє́нна гла́са на ѕ҃, и҆ пра́ѻтцєвъ пѣ́снь г҃-ѧ на д҃. По вхо́дѣ тропа́рь воскрⷭ҇нъ и҆ пра́ѻтцєвъ. Сла́ва, и҆ ны́нѣ, конда́къ пра́ѻтцєвъ. Прокі́менъ, пѣ́снь ѻ҆тцє́въ, гла́съ д҃: Бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ: Сті́хъ: Ꙗ҆́кѡ првⷣнъ є҆сѝ ѡ҆ всѣ́хъ: А҆по́столъ пра́ѻтцєвъ къ колосса́ємъ, зача́ло сн҃з: Є҆гда̀ Хрⷭ҇то́съ ꙗ҆ви́лсѧ: А҆ллилꙋ́їа, гла́съ д҃: Мѡѷсе́й и҆ а҆арѡ́нъ: Є҆ѵⷢ҇лїе лꙋкѝ, зача́ло ѻ҃ѕ: Человѣ́къ нѣ́кїй сотворѝ ве́черю ве́лїю: Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а: Дрꙋгі́й: Ра́дꙋйтесѧ:

<<рн҃д: 307>>

в҃і. Прпⷣбнагѡ ѻ҆тца̀ на́шегѡ спѷрїдѡ́на чꙋдотво́рца, є҆пⷭ҇кпа трїмѷфі́йскагѡ.

На Гдⷭ҇и воззва́хъ, стїхи̑ры на ѕ҃: гла́съ є. Подо́бенъ: Ра́дꙋйсѧ: Сла́ва, гла́съ а҃: Прпⷣбне ѻ҆́тче бл҃же́нне: На стїхо́внѣ ѻ҆ктѡ́иха. Сла́ва, ст҃а́гѡ, гла́съ в҃: Ст҃и́телей бж҃е́ственный: Тропа́рь, гла́съ д҃: Пра́вило вѣ́ры: септе́мврїа во в҃-й де́нь.

И҆лѝ се́й, гла́съ а҃:

Собо́ра пе́рвагѡ показа́лсѧ є҆сѝ побо́рникъ, и҆ чꙋдотво́рецъ, бг҃оно́се спѷрїдѡ́не ѻ҆́тче на́шъ. тѣ́мже ме́ртвꙋ ты̀ во гро́бѣ возгласи́въ, и҆ ѕмїю̀ въ зла́то претвори́лъ є҆сѝ: и҆ внегда̀ пѣ́ти тебѣ̀ ст҃ы̑ѧ мл҃твы, а҆́гг҃лы сослꙋжа́щыѧ тебѣ̀ и҆мѣ́лъ є҆сѝ, сщ҃е́ннѣйшїй. сла́ва да́вшемꙋ тебѣ̀ крѣ́пость. сла́ва вѣнча́вшемꙋ тѧ̀. сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ.

На ᲂу҆́трени, на Бг҃ъ гдⷭ҇ь, тропа́рь ст҃а́гѡ, два́жды: и҆ ѻ҆бы̑чныѧ каѳі̑смы, и҆ сѣда́льны ѻ҆ктѡ́иха, и҆ чте́нїе. Ѻ҆́ба канѡ́на ѻ҆ктѡ́иха без̾ мꙋ́ченичнѡвъ. И҆ ст҃а́гѡ на ѕ҃, гла́съ в҃. По г҃-й пѣ́сни, сѣда́ленъ, гла́съ и҃, два́жды. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Любо́вїю хрⷭ҇то́вою ᲂу҆зви́всѧ, сщ҃е́ннѣйшїй, ᲂу҆́мъ впери́въ заре́ю дх҃а, дѣ́тельнымъ видѣ́нїемъ твои́мъ дѣѧ́нїе ѡ҆брѣ́лъ є҆сѝ, бг҃опрїѧ́тне, же́ртвенникъ бж҃е́ственный бы́въ, просѧ̀ всѣ̑мъ бж҃е́ственнагѡ сїѧ́нїѧ.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. Сла́ва, ст҃а́гѡ, гла́съ д҃. И҆ ны́нѣ, бг҃оро́диченъ. На лїтꙋргі́и, бл҃жє́нна ѻ҆ктѡ́иха: И҆ ст҃а́гѡ, пѣ́снь г҃-ѧ. Прокі́менъ, гла́съ а҃: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: А҆по́столъ ко є҆вре́ємъ, зача́ло тл҃є: Повинꙋ́йтесѧ <<рн҃д ѡ҆б.: 308>> наста́вникѡмъ ва́шымъ: А҆ллилꙋ́їа, гла́съ в҃: Оу҆ста̀ пра́веднагѡ: Сті́хъ: Зако́нъ бг҃а є҆гѡ̀: Є҆ѵⷢ҇лїе лꙋкѝ, зача́ло к҃д. Прича́стенъ: Въ па́мѧть вѣ́чнꙋю:

г҃і. Ст҃ы́хъ мꙋ́чєникъ: є҆ѵстра́тїа, а҆ѵѯе́нтїа, є҆ѵге́нїа, марда́рїа и҆ ѻ҆ре́ста : и҆ ст҃ы́ѧ мч҃нцы лꙋкі́и дв҃цы.

Ве́черъ, Бл҃же́нъ мꙋ́жъ: На Гдⷭ҇и воззва́хъ, стїхи̑ры мꙋ́ченикѡвъ на ѕ҃, гла́съ д҃. Подо́бенъ: Да́лъ є҆сѝ зна́менїе: И҆́ны стїхи̑ры, гла́съ то́йже. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Прїиди́те мꙋчениколю́бцы: И҆ ны́нѣ: Кто̀ тебѐ не ᲂу҆бл҃жи́тъ: Вхо́дъ. Прокі́менъ днѐ. Чтє́нїѧ трѝ. На стїхо́внѣ стїхи̑ры, гла́съ є҃. Подо́бенъ: Ра́дꙋйсѧ: съ припѣ́вы и҆́хъ. а҃-й: Воззва́ша првⷣнїи, и҆ гдⷭ҇ь ᲂу҆слы́ша и҆́хъ. в҃-й: Мнѡ́ги ско́рби пра́вєднымъ: Сла́ва, гла́съ то́йже, самогла́сенъ: Мꙋ́чащихъ свирѣ́пства: И҆ ны́нѣ: Бл҃жи́мъ тѧ̀, бцⷣе дв҃о: Тропа́рь, гла́съ д҃: Мꙋ́чєницы твоѝ гдⷭ҇и: септе́мврїа въ к҃ де́нь. На ᲂу҆́трени, на Бг҃ъ гдⷭ҇ь, тропа́рь мꙋ́ченикѡвъ два́жды. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: И҆ ѻ҆бы̑чныѧ каѳі̑смы, и҆ сѣда́льны ст҃ы́хъ: И҆ чте́нїе. По полѷеле́и сѣда́ленъ. гла́съ и҃, два́жды. Сла́ва, и҆ ны́нѣ, бг҃оро́диченъ. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Воззва́ша пра́веднїи, и҆ гдⷭ҇ь ᲂу҆слы́ша и҆̀хъ. Сті́хъ: Мнѡ́ги скѡ́рби првⷣнымъ: Є҆ѵⷢ҇лїе матѳе́а, зача́ло л҃ѕ: Сѐ а҆́зъ посыла́ю ва́съ: По н҃-мъ ѱалмѣ̀ стїхи́ра, гла́съ а҃: Пѧточи́сленный ли́къ ст҃ы́хъ: Канѡ́нъ бцⷣы, со і҆рмосо́мъ на ѕ҃: И҆ ст҃ы́хъ два̀, на и҃: Є҆ди́нъ, гла́съ д҃: Дрꙋгі́й, гла́съ ѕ҃. Катава́сїа, Хрⷭ҇то́съ ражда́етсѧ: По г҃-й пѣ́сни,

<<рн҃є: 309>>

Конда́къ, гла́съ в҃. Подо́бенъ: Въ мл҃твахъ:

Свѣти́льникъ ꙗ҆ви́лсѧ є҆сѝ свѣтлѣ́йшїй, во тьмѣ̀ невѣ́дѣнїѧ сѣдѧ́щымъ, стрⷭ҇тоте́рпче. вѣ́рою бо ꙗ҆́кѡ копїе́мъ ѡ҆бложи́всѧ, врагѡ́въ шата́нїѧ не ᲂу҆боѧ́лсѧ є҆сѝ, є҆ѵстра́тїе, ри́торѡвъ сы́й бл҃гоѧзы́чнѣйшїй.

Та́же сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

Виті́йствꙋѧ пред̾ беззако́ннꙋющими бж҃е́ствєннаѧ, бїє́нїѧ претерпѣ́лъ є҆сѝ мꙋ́жественнѣйшимъ се́рдцемъ, ѡ҆блиста́лъ є҆сѝ бг҃озна́меньми пречꙋ́днѣ, ᲂу҆гаси́лъ є҆сѝ возвы́шенный пре́лести пла́мень сегѡ̀ ра́ди тѧ̀ чествꙋ́емъ, всебл҃же́нне, мч҃нче хрⷭ҇то́въ є҆ѵстра́тїе.

И҆ і҆́косъ. По ѳ҃-й пѣ́сни, свѣти́ленъ два́жды. На хвали́техъ стїхи̑ры на д҃, гла́съ г҃. Сла́ва, гла́съ д҃: Пѧтострꙋ́ннꙋю цѣвни́цꙋ: И҆ ны́нѣ, бг҃оро́диченъ: И҆мꙋ́ще тѧ̀, бцⷣе. Славосло́вїе вели́кое. По трⷭ҇то́мъ тропа́рь: Сла́ва, и҆ ны́нѣ, бг҃оро́диченъ: Є҆́же ѿ вѣ́ка: Є҆ктєнїѝ, и҆ ѿпꙋ́стъ. На лїтꙋргі́и, блажє́нна а҃-гѡ канѡ́на, пѣ́снь г҃-ѧ на д҃: и҆ в҃-гѡ пѣ́снь ѕ҃-ѧ, на д҃. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а предо мно́ю вы́нꙋ: А҆по́столъ къ є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: А҆ллилꙋ́їа, гла́съ д҃: Воззва́ша пра́веднїи: Сті́хъ: Мнѡ́ги скѡ́рби првⷣнымъ: Є҆ѵⷢ҇лїе лꙋкѝ, зача́ло р҃ѕ: Возложа́тъ на вы̀ рꙋ́ки своѧ̑: Прича́стенъ: Ра́дꙋйтесѧ:

д҃і. Ст҃ы́хъ мч҃нкъ: ѳѵ́рса, леѵкі́а, фїлимо́на а҆поллѡ́нїа, а҆рїа́на и҆ каллїні́ка .

А҆ллилꙋ́їа, и҆лѝ тропа́рь. На Гдⷭ҇и воззва́хъ стїхи̑ры бцⷣы, гла́съ д҃. Подо́бенъ: Да́лъ є҆сѝ зна́менїе: И҆ ст҃ы́хъ, <<рн҃є ѡ҆б.: 310>> гла́съ и҆ подо́бенъ то́йже. На стїхо́внѣ ѻ҆ктѡ́иха. Тропа́рь вчера́шнїй. На ᲂу҆́трени, ѻ҆́ба канѡ́на ѻ҆ктѡ́иха: И҆ мч҃нкѡвъ на д҃, гла́съ ѕ҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ в҃. Подо́бенъ: Твє́рдыѧ:

Бл҃гоче́стїѧ вѣ́ры побѡ́рницы ѕлочести́вагѡ мꙋчи́телѧ ѡ҆плева́вше, ѡ҆бличи́сте ѕвѣроѡбра́зное є҆гѡ̀ кровопроли́тїе, и҆ побѣди́сте тогѡ̀ ꙗ҆́ростное противле́нїе, хрⷭ҇то́вою по́мощїю ᲂу҆крѣплѧ́еми, ѳѵ́рсе и҆ леѵкі́е, съ пострада́вшими ѡ҆ на́съ моли́тесѧ.

По ѳ҃-й пѣ́сни, Свѣти́ленъ трⷪ҇ченъ. На стїхо́внѣ ѻ҆ктѡ́иха.

є҃і. Ст҃а́гѡ сщ҃енномꙋ́ченика є҆леѵѳе́рїа : И҆ прпⷣбнагѡ ѻ҆тца̀ на́шегѡ па́ѵла, и҆́же въ ла́трѣ.

Стїхи̑ры сщ҃енномꙋ́ченика г҃, гла́съ д҃. Подо́бенъ: Да́лъ є҆сѝ зна́менїе: И҆ прпⷣбнагѡ г҃, гла́съ в҃: Подо́бенъ: Є҆гда̀ ѿ дре́ва: Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃ де́нь.

Сла́ва, прпⷣбнагѡ, гла́съ то́йже:

Ꙗ҆́кѡ безпло́тныхъ є҆диновсе́льника, и҆ всѣ̑мъ прпⷣбнымъ соѻ́бщника, всесла́вне па́ѵле, пое́мъ тѧ̀, и҆ мо́лимъ тѧ̀: моли́сѧ всегда̀ ѡ҆ на́съ, ꙗ҆́кѡ да ѡ҆брѧ́щемъ млⷭ҇ть.

На ᲂу҆́трени, канѡ́нъ ѻ҆ктѡ́иха є҆ди́нъ: И҆ ст҃ы́хъ два̀ канѡ́на, гла́съ а҃. По г҃-й пѣ́сни,

Конда́къ прпⷣбнагѡ, гла́съ и҃. Подо́бенъ: Взбра́нной:

Ѿ ю҆́ности, мꙋ́дре, ꙗ҆̀же па́че смы́сла вожделѣ́лъ є҆сѝ мꙋ́жески, мїрскі́й мѧте́жъ ѡ҆ста́вилъ є҆сѝ, и҆ бы́лъ є҆сѝ бж҃е́ственнагѡ ра́ди жи́тельства трⷪ҇цы жили́ще, и҆ просвѣти́лъ є҆сѝ вѣ́рою пристꙋпа́ющыѧ тебѣ̀. тѣ́мъ зове́мъ: ра́дꙋйсѧ, па́ѵле пребога́те.

<<рн҃ѕ: 311>>

И҆ сѣда́ленъ сщ҃енномꙋ́ченика, гла́съ а҃. Сла́ва, прпⷣбнагѡ, гла́съ и҃. По ѕ҃-й пѣ́сни,

Конда́къ сщ҃енномꙋ́ченика, гла́съ в҃. Подо́бенъ: Твє́рдыѧ:

Ꙗ҆́кѡ ᲂу҆добре́нїе сщ҃е́нникѡвъ преподо́бне и҆ предꙋвѣща́нїе стрⷭ҇тоте́рпцєвъ всѝ восхвалѧ́емъ, и҆ про́симъ тѧ̀, сщ҃енномꙋ́чениче є҆леѵѳе́рїе: любо́вїю па́мѧть твою̀ пра́зднꙋющыѧ бѣ́дъ многоѡбра́зныхъ свободѝ, молѧ̀ непреста́ннѡ ѡ҆ всѣ́хъ на́съ.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, прпⷣбнагѡ. На стїхо́внѣ ѻ҆ктѡ́иха.

И҆ и҆́же во ст҃ы́хъ ѻ҆тца̀ на́шегѡ стефа́на и҆сповѣ́дника, а҆рхїепⷭ҇кпа сꙋро́жскагѡ.

Соверша́етсѧ собо́ръ є҆гѡ̀, и҆дѣ́же хра́мъ є҆гѡ̀.

Тропа́рь, гла́съ д҃:

Ꙗ҆́кѡ ст҃и́тель со безпло́тными є҆диножи́тель бы́въ, сщ҃енномꙋ́чениче стефа́не: воспрїе́мъ бо крⷭ҇тъ ꙗ҆́кѡ ѻ҆рꙋ́жїе, и҆ ста́въ крѣ́пкѡ сопроти́въ і҆кѡноꙋкори́телѧ и҆ дꙋхобо́рцѡвъ, не покланѧ́ющихсѧ пречи́стомꙋ ѡ҆́бразꙋ хрⷭ҇та̀ бг҃а на́шегѡ, и҆ ѿсѣ́клъ є҆сѝ всѧ́кꙋ є҆́ресь лꙋка́выхъ: тогѡ̀ ра́ди прїе́мь мꙋче́нїѧ вѣне́цъ, и҆зба́вилъ є҆сѝ гра́дъ тво́й сꙋро́жъ ѿ всѧ́кїѧ непрїѧ́зни. и҆ ны́нѣ мо́лимъ тѧ̀, ст҃е, да и҆зба́виши на́съ ѿ всѧ́кихъ ѕлы́хъ и҆скꙋше́нїй и҆ бѣ́дъ, и҆ вѣ́чныѧ мꙋ́ки.

Конда́къ, гла́съ г҃:

Вы́шнѧгѡ си́лою сщ҃е́нне ᲂу҆крѣпи́всѧ, царє́ва низложи́лъ є҆сѝ і҆кѡнобо́рнаѧ шата̑нїѧ: дне́сь сꙋро́жꙋ и҆ на́мъ вѣ̑рнымъ предлежа́тъ сла́ва и҆ бога́тство ст҃ы̑ѧ твоѧ̑ мѡ́щи, и҆̀хже свы́ше дароно́сѧтъ а҆́гг҃льстїи чи́нове: пѣ́сньми и҆ пѣ́нїемъ славосло́вѧтъ тѧ̀, вели́кїй сщ҃е́нный стефа́не.

<<рн҃ѕ ѡ҆б.: 312>>

ѕ҃і. Ст҃а́гѡ прⷪ҇ро́ка а҆гге́а .

А҆ллилꙋ́їа, и҆лѝ тропа́рь. Стїхи̑ры, гла́съ и҃. Подо́бенъ: Мꙋ́чєницы твоѝ: На стїхо́внѣ ѻ҆ктѡ́иха. Тропа́рь септе́мврїа въ д҃ де́нь. На ᲂу҆́трени, ѻ҆́ба канѡ́на ѻ҆ктѡ́иха: И҆ прⷪ҇ро́ка на д҃, гла́съ з҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни, мꙋ́чениченъ ѻ҆ктѡ́иха. По ѳ҃-й пѣ́сни, свѣти́ленъ трⷪ҇ченъ. На стїхо́внѣ ѻ҆ктѡ́иха.

з҃і. Ст҃а́гѡ прⷪ҇ро́ка данїи́ла : и҆ ст҃ы́хъ трїе́хъ ѻ҆трокѡ́въ: а҆на́нїи, а҆за́рїи и҆ мїсаи́ла .

Стїхи̑ры прⷪ҇ро́ка ч҃, гла́съ д҃. Подо́бенъ: Ꙗ҆́кѡ до́блѧ: И҆ ѻ҆трокѡ́въ г҃, гла́съ то́йже, Подо́бенъ: Да́лъ є҆сѝ зна́менїе: Сла́ва, прⷪ҇ро́ка, гла́съ в҃: Дх҃о́внѡ на́съ вѣ́рнїи: И҆ ны́нѣ, предпра́зднства, гла́съ то́йже: Прїиди́те всѝ хрⷭ҇то́во ржⷭ҇тво̀: На стїхо́внѣ ѻ҆ктѡ́иха: Сла́ва, и҆ ны́нѣ, гла́съ ѕ҃: Данїи́лъ мꙋ́жъ жела́нїй:

Тропа́рь, гла́съ в҃:

Ве́лїѧ вѣ́ры и҆справле́нїѧ, во и҆сто́чницѣ пла́мене, ꙗ҆́кѡ на водѣ̀ ᲂу҆покое́нїѧ, ст҃і́и трїѐ ѻ҆́троцы ра́довахꙋсѧ. и҆ прⷪ҇ро́къ данїи́лъ львѡ́мъ па́стырь ꙗ҆́кѡ ѻ҆вца́мъ ꙗ҆влѧ́шесѧ. тѣ́хъ мл҃твами, хрⷭ҇тѐ бж҃е, сп҃сѝ дꙋ́шы на́шѧ.

Сла́ва, и҆ ны́нѣ, бг҃оро́диченъ. На ᲂу҆́трени, на Бг҃ъ гдⷭ҇ь, тропа́рь два́жды. И҆ ѻ҆бы̑чныѧ каѳі̑смы: И҆ сѣда́льны ѻ҆ктѡ́иха. И҆ чте́нїе. Канѡ́нъ ѻ҆ктѡ́иха є҆ди́нъ. И҆ прⷪ҇ро́ка, гла́съ и҃. И҆ ѻ҆трокѡ́въ, гла́съ то́йже. По г҃-й пѣ́сни,

Конда́къ прⷪ҇ро́ка, гла́съ г҃. Подо́бенъ: Дв҃а дне́сь:

Просвѣти́вшеесѧ дх҃омъ чи́стое твоѐ се́рдце, прⷪ҇ро́чества бы́сть свѣтлѣ́йшагѡ прїѧ́телище. зри́ши бо ꙗ҆́кѡ настоѧ̑щаѧ дале́че сꙋ̑щаѧ, львы̀ ᲂу҆кроти́лъ є҆сѝ вве́рженъ въ ро́въ. сегѡ̀ ра́ди тѧ̀. почита́емъ, прⷪ҇ро́че бл҃же́нне, данїи́ле сла́вне.

<<рн҃з: 313>>

И҆ і҆́косъ и҆ сѣда́ленъ прⷪ҇ро́ка, гла́съ и҃. Сла́ва, ѻ҆трокѡ́въ, гла́съ то́йже. И҆ ны́нѣ: Ра́дꙋйсѧ престо́ле: По ѕ҃-й пѣ́сни, конда́къ, гла́съ ѕ҃: Рꙋкопи́саннагѡ ѡ҆́браза не поче́тше: сегѡ̀ мцⷭ҇а въ а҃і де́нь, въ недѣ́лю пра́ѻтцєвъ. И҆ і҆́косъ, и҆ чте́мъ про́логъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, прⷪ҇ро́ка: И҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, и҆ ны́нѣ, гла́съ ѕ҃: Мы́сленномꙋ сл҃нцꙋ пра́вды: На лїтꙋргі́и бл҃жє́нна, ѿ канѡ́на прⷪ҇ро́ка, пѣ́снь г҃-ѧ: и҆ ѻ҆трокѡ́въ, пѣ́снь ѕ҃-ѧ. Прокі́менъ гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ бл҃гослови́те бг҃а: А҆по́столъ ко є҆вре́ємъ, зача́ло т҃л: И҆̀же вѣ́рою побѣди́ша: А҆ллилꙋ́їа, гла́съ д҃: Воззва́ша пра́веднїи: Є҆ѵⷢ҇лїе лꙋкѝ, зача́ло ѯ҃в: Го́ре ва́мъ кни́жницы и҆ фарїсе́є, ꙗ҆́кѡ зи́ждете гро́бы прⷪ҇ро́кѡвъ: Прича́стенъ: Ра́дꙋйтесѧ пра́веднїи:

[[комм.]] Подоба́етъ вѣ́дати: а҆́ще слꙋчи́тсѧ ст҃а́гѡ прⷪ҇ро́ка данїи́ла, и҆ ст҃ы́хъ трїе́хъ ѻ҆трокѡ́въ, въ недѣ́лю ст҃ы́хъ пра́ѻтєцъ. Пое́тсѧ вослѣ́дованїе и҆́хъ вкꙋ́пѣ съ воскрⷭ҇ною слꙋ́жбою си́це:

На ма́лѣй вече́рни, на Гдⷭ҇и воззва́хъ, стїхи̑ры воскрⷭ҇ны и҆ бцⷣы, по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, и҆ пра́ѻтцєвъ г҃: и҆ прⷪ҇ро́ка данїи́ла в҃, гла́съ д҃. Подо́бенъ: Ꙗ҆́кѡ до́блѧ: И҆ ѻ҆трокѡ́въ в҃, гла́съ то́йже. Подо́бенъ: Да́лъ є҆сѝ зна́менїе: Сла́ва, пра́ѻтцєвъ, гла́съ ѕ҃: И҆́же пре́жде зако́на: И҆ ны́нѣ, Бг҃оро́диченъ а҃-й, гла́са. Вхо́дъ, прокі́менъ днѐ. На лїті́и стїхи́ра хра́ма: и҆ прⷪ҇ро́ка данїи́ла, гла́съ д҃: На прⷭ҇то́лѣ сѣдѧ́щаго: пи́санъ на Гдⷭ҇и воззва́хъ, въ рѧдꙋ̀ послѣ́днїй, и҆ ѻ҆трокѡ́въ, гла́съ то́йже: Словесѐ премꙋ́дрости твоеѧ̀: пи́санъ на Гдⷭ҇и же воззва́хъ, послѣ́днїй, и҆ гла́съ в҃: Дх҃о́внѡ на́съ вѣ́рнїи: Сла́ва, пра́ѻтцєвъ, гла́съ а҃: Лꙋча́ми <<рн҃з ѡ҆б.: 314>> ѡ҆блиста́вшесѧ: И҆ ны́нѣ, бг҃оро́диченъ: Сѐ и҆спо́лнисѧ: На стїхо́внѣ стїхи̑ры воскрⷭ҇ны. Сла́ва, пра́ѻтцєвъ, гла́съ г҃: Пра́ѻтцєвъ собо́ръ: И҆ ны́нѣ, прⷪ҇ро́ка, гла́съ ѕ҃: Данїи́лъ мꙋ́жъ жела́нїй: На бл҃гослове́нїи хлѣ́бѡвъ тропа́рь: Бцⷣе дв҃о: два́жды: и҆ пра́ѻтцєвъ є҆ди́ножды. и҆ Бꙋ́ди и҆́мѧ гдⷭ҇не: три́жды. и҆ ѱало́мъ л҃г: Бл҃гословлю̀ гдⷭ҇а: и҆ чте́нїе въ посла́нїихъ а҆пⷭ҇льскихъ. [зрѝ] А҆ и҆дѣ́же бдѣ́нїѧ не быва́етъ, На повече́рїи, по Досто́йно и҆ по трист҃о́мъ конда́къ ст҃ы́хъ пра́ѻтцєвъ. На ᲂу҆́трени, на Бг҃ъ гдⷭ҇ь: тропа́рь воскрⷭ҇нъ, два́жды. Сла́ва, ѻ҆трокѡ́въ: И҆ ны́нѣ, пра́ѻ҆тцєвъ. По каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ, недѣ́лѧ рѧ́дъ. По полѷеле́и, тропарѝ: А҆́гг҃льскїй собо́ръ: ѵ҆пакоѝ гла́са, и҆ сѣда́ленъ пра́ѻтцєвъ, и҆ чте́нїе во є҆ѵⷢ҇лїи, недѣ́лѧ ст҃ы́хъ пра́ѻтєцъ. Степє́нна и҆ прокі́менъ гла́са, є҆ѵⷢ҇лїе воскрⷭ҇но, ѱало́мъ н҃, стїхи́ра воскрⷭ҇на, и҆ прѡ́чаѧ. Канѡ́нъ воскрⷭ҇нъ со і҆рмосо́мъ на д҃: Прⷪ҇ро́ка и҆ ѻ҆трокѡ́въ ѻ҆́ба канѡ́на на ѕ҃: и҆ пое́мъ въ ко́ейждо пѣ́сни, прⷪ҇ро́ка трѝ тропарѧ̀, бг҃оро́диченъ ѡ҆ставлѧ́етсѧ, и҆ ѻ҆трокѡ́въ пе́рвыѧ стїхѝ два̀ за є҆ди́нъ. Та́же тропа́рь є҆ди́нъ, и҆ бг҃оро́диченъ, и҆ пра́ѻтцєвъ на д҃. И҆ держи́мъ стїхѡ́въ в҃і, кромѣ̀ Сла́ва, и҆ ны́нѣ: всѣ́хъ же на д҃і. Катава́сїа: Хрⷭ҇то́съ ражда́етсѧ: По г҃-й пѣ́сни, конда́къ и҆ і҆́косъ прⷪ҇ро́ка, и҆ сѣда́ленъ є҆гѡ̀. Сла́ва, ѻ҆трокѡ́въ: И҆ ны́нѣ, ѵ҆пакоѝ пра́ѻтцєвъ, и҆ чте́нїе. По ѕ҃-й пѣ́сни, конда́къ и҆ і҆́косъ пра́ѻтцєвъ: и҆ чте́мъ про́логъ. По ѳ҃-й пѣ́сни, свѣти́ленъ воскрⷭ҇нъ, и҆ пра́ѻтцєвъ. Сла́ва, прⷪ҇ро́ка: И҆ ны́нѣ: Сл҃нце вели́кое: На хвали́техъ, стїхи̑ры воскрⷭ҇ны д҃: и҆ ст҃ы́хъ пра́ѻтцевъ на д҃, съ припѣ́вы: а҃-й, Бл҃гослове́нъ є҆сѝ гдⷭ҇и: в҃-й, Ꙗ҆́кѡ пра́веденъ є҆сѝ: Сла́ва, пра́ѻтцєвъ, гла́съ з҃: Прїиди́те всѝ <<рн҃и: 315>> вѣ́рнѡ торжествꙋ́емъ: И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ, є҆ктєнїѝ, и҆ ѿпꙋ́стъ, и҆ ѻ҆бы́чное и҆схожде́нїе. Сла́ва, и҆ ны́нѣ: стїхи́ра є҆ѵⷢ҇льскаѧ, и҆ ча́съ а҃-й. На а҃-мъ часѣ̀, тропа́рь воскрⷭ҇нъ. Сла́ва, пра́ѻтцєвъ: И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́ѻтцєвъ, и҆ прѡ́чаѧ: и҆ соверше́нный ѿпꙋ́стъ. На г҃-мъ часѣ̀, тропа́рь воскрⷭ҇нъ. Сла́ва, прⷪ҇ро́ка: И҆ ны́нѣ бг҃оро́диченъ часѡ́въ. По Ѻ҆́ч҃е на́шъ, конда́къ пра́ѻтцєвъ. На лїтꙋргі́и, бл҃жє́нна гла́са на д҃, и҆ пра́ѻтцєвъ пѣ́снь г҃ на д҃, и҆ прⷪ҇ро́ка пѣ́снь ѕ҃ на д҃. По вхо́дѣ тропа́рь воскрⷭ҇нъ, та́же ст҃ы́хъ. Сла́ва, конда́къ прⷪ҇ро́ка: И҆ ны́нѣ, пра́ѻтцєвъ. Прокі́менъ, пѣ́снь ѻ҆тцє́въ, и҆ ст҃ы́хъ. А҆по́столъ и҆ є҆ѵⷢ҇лїе недѣ́ли пра́ѻтцєвъ, и҆ ст҃ы́хъ: Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а: Дрꙋгі́й, Ра́дꙋйтесѧ:

[зрѝ][[комм.]] Си́це пое́мъ слꙋ́жбꙋ и҆ вели́кагѡ ст҃а́гѡ пра́зднꙋемагѡ, а҆́ще слꙋчи́тсѧ въ сїю̀ недѣ́лю: то́кмѡ по полѷеле́и, И҆ ны́нѣ, сѣда́ленъ пра́ѻтєцъ. На лїтꙋргі́и прокі́менъ пра́ѻтцєвъ, и҆ ст҃а́гѡ: и҆ всѧ̀ слꙋ́жба, ꙗ҆́коже пре́жде ꙗ҆вле́но є҆́сть.

и҃і. Ст҃а́гѡ мч҃нка севастїа́на и҆ дрꙋжи́ны є҆гѡ̀.

А҆ллилꙋ́їа, и҆лѝ тропа́рь: Стїхи̑ры, гла́съ а҃. Подо́бенъ: Всехва́льнїи: На стїхо́внѣ ѻ҆ктѡ́иха. Тропа́рь: Мч҃нцы твоѝ гдⷭ҇и: септе́мврїа въ к҃ де́нь. На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃ы́хъ на д҃, гла́съ а҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни, мꙋ́чениченъ ѻ҆ктѡ́иха. По ѳ҃-й пѣ́сни. свѣти́ленъ трⷪ҇ченъ. На стїхо́внѣ ѻ҆ктѡ́иха.

[зрѝ][[комм.]] Сꙋббѡ́та пред̾ ржⷭ҇тво́мъ хрⷭ҇то́вымъ.

На лїтꙋргі́и, прокі́менъ, А҆ллилꙋ́їа, и҆ прича́стенъ днѐ. А҆́ще ли слꙋчи́тсѧ пра́зднꙋемагѡ ст҃а́гѡ, пое́мъ и҆ дрꙋгі́й <<рн҃и ѡ҆б.: 316>> прокі́менъ, та́кожде чтѝ два̀ а҆пⷭ҇ла: пре́жде сꙋббѡ́тѣ пред̾ ржⷭ҇тво́мъ хрⷭ҇то́вымъ, и҆ рѧ́дъ под̾ зача́ло: и҆ пото́мъ ст҃а́гѡ, а҆́ще и҆́мать, та́кожде и҆ є҆ѵⷢ҇лїа два̀. А҆по́столъ къ гала́тѡмъ, зача́ло с҃є: Пред̾ꙋвѣ́дѣвше: Є҆ѵⷢ҇лїе лꙋкѝ: зача́ло ѻ҃в: Комꙋ̀ подо́бно є҆́сть црⷭ҇твїе бж҃їе: Прича́стенъ: Ра́дꙋйтесѧ првⷣнїи: та́же ст҃а́гѡ.

[[комм.]] Недѣ́лѧ пред̾ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ.

Подоба́етъ вѣ́дати: а҆́ще слꙋчи́тсѧ внѣ̀ к҃-гѡ деке́мврїа, сегѡ̀ мцⷭ҇а, си́рѣчь во и҃і, и҆лѝ въ ѳ҃і де́нь: пое́тсѧ воскрⷭ҇на слꙋ́жба, и҆ ст҃ы́хъ ѻ҆тцє́въ, си́це: Въ сꙋббѡ́тꙋ ве́чера, на ма́лѣй вече́рни стїхи̑ры воскрⷭ҇ны, и҆ бцⷣѣ, по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆натѡ́лїевы г҃, и҆ ѻ҆тцє́въ д҃, гла́съ ѕ҃. Подо́бенъ: Всю̀ ѿложи́вше: Сла́ва, ѻ҆тцє́въ, гла́съ ѕ҃: Данїи́лъ мꙋ́жъ жела́нїй: И҆ ны́нѣ, бг҃оро́диченъ а҃, гла́са. И҆ чтє́нїѧ г҃: а҃-е, Бытїѧ̀: Слы́шавъ а҆вра́мъ: в҃-е Втора́гѡ зако́на: Речѐ мѡѷсе́й къ сынѡ́мъ і҆и҃лєвымъ: г҃-е, Втора́гѡ зако́на: Речѐ мѡѷсе́й къ сынѡ́мъ і҆и҃лєвымъ: сѐ гдⷭ҇а бг҃а твоегѡ̀ нб҃о: На лїті́и стїхи́ра хра́ма, и҆ ѻ҆тцє́въ: гла́съ а҃: Лꙋча́ми ѡ҆блиста́вшесѧ: Сла́ва: гла́съ г҃: Пра́ѻтцєвъ собо́ръ: И҆ ны́нѣ: бг҃оро́диченъ: Без̾ сѣ́мене ѿ бж҃е́ственнагѡ дх҃а: На стїхо́внѣ, стїхи̑ры воскрⷭ҇ны по а҆лфави́тꙋ. Сла́ва, ст҃ы́хъ, гла́съ. в҃: Ра́дꙋйтесѧ прⷪ҇ро́цы чⷭ҇тні́и: И҆ ны́нѣ: Ѽ чꙋдесѐ но́вагѡ! На бл҃гослове́нїи хлѣ́бѡвъ тропа́рь: Бцⷣе дв҃о: два́жды. И҆ ѻ҆тцє́въ, гла́съ в҃: Ве́лїѧ вѣ́ры: є҆ди́ножды. и҆ Бꙋ́ди и҆́мѧ гдⷭ҇не: три́жды. и҆ ѱало́мъ л҃г: Бл҃гословлю̀ гдⷭ҇а: до Не лиша́тсѧ всѧ́кагѡ бл҃га. И҆ чте́нїе въ толкова́нїи посла́нїй а҆по́стольскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. <<рн҃ѳ: 317>> Сла́ва, ѻ҆тцє́въ: Вє́лїѧ вѣ́ры: И҆ ны́нѣ, бг҃оро́диченъ: Всѧ̑ па́че смы́сла: По каѳі́смахъ сѣда́льны воскрⷭ҇ны съ бг҃оро́дичны и҆́хъ. И҆ чте́нїе во є҆ѵⷢ҇лїи толково́мъ: недѣ́лѧ пред̾ ржⷭ҇тво́мъ хрⷭ҇то́вымъ, є҆́же ѿ матѳе́а: Кни́га родства̀ і҆и҃са хрⷭ҇та̀: Полѷеле́й и҆ тропарѝ: А҆́гг҃льскїй собо́ръ: є҆ктенїа̀: и҆ сѣда́ленъ ѻ҆тцє́въ, гла́съ и҃: А҆враа́ма, і҆саа́ка же и҆ і҆а́кѡва: Сла́ва, и҆ ны́нѣ, бг҃оро́диченъ: Бл҃года́рственное похвале́нїе: и҆ чте́мъ є҆ѵⷢ҇лїе воскрⷭ҇но, рѧ́дъ. Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но: и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ со і҆рмосо́мъ на д҃, и҆ крⷭ҇товоскре́сенъ на в҃, и҆ бцⷣы на в҃, и҆ ѻ҆тцє́въ на ѕ҃, гла́съ ѕ҃. Катава́сїа: Хрⷭ҇то́съ ражда́етсѧ: По г҃-й пѣ́сни, ѵ҆пакоѝ, гла́съ и҃: и҆ чте́нїе. По ѕ҃-й пѣ́сни, конда́къ, гла́съ ѕ҃: Рꙋкопи́саннагѡ ѡ҆́браза: Пи́санъ въ недѣ́лю ст҃ы́хъ пра́ѻтєцъ. По ѳ҃-й пѣ́сни, свѣти́ленъ воскрⷭ҇нъ. Сла́ва, ѻ҆тцє́въ: И҆ ны́нѣ, бг҃оро́диченъ: На хвали́техъ стїхи̑ры воскрⷭ҇ны г҃, и҆ а҆нато́лїевъ а҃, и҆ ѻ҆тцє́въ д҃, гла́съ є҃. Подо́бенъ: Ра́дꙋйсѧ: съ припѣ́вы и҆́хъ: а҃-й, Бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ: в҃-й, Ꙗ҆́кѡ пра́веденъ є҆сѝ: Сла́ва, ѻ҆тцє́въ, гла́съ и҃: Зако́нныхъ ᲂу҆че́нїй сосло́вїе: И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ, тропа́рь воскрⷭ҇нъ, є҆ктєнїѝ, и҆ ѿпꙋ́стъ. Стїхи́рꙋ же є҆ѵⷢ҇льскꙋю пое́мъ въ притво́рѣ, и҆ ча́съ а҃- й, и҆ соверше́нный ѿпꙋ́стъ. На лїтꙋргі́и, бл҃жє́нна гла́са, на ѕ҃: и҆ ѻ҆тцє́въ, пѣ́снь г҃, на д҃. По вхо́дѣ, тропа́рь воскрⷭ҇нъ, и҆ ѻ҆тцє́въ. Сла́ва, и҆ ны́нѣ, конда́къ ѻ҆тцє́въ: Прокі́менъ, гла́съ д҃. Пѣ́снь ѻ҆тцє́въ: Бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ: А҆по́столъ ко є҆вре́ємъ, зача́ло тк҃и: Вѣ́рою прїи́де а҆враа́мъ: Є҆ѵⷢ҇лїе матѳе́а, зача́ло а҃: Кни́га <<рн҃ѳ ѡ҆б.: 318>> родства̀ і҆и҃са хрⷭ҇та̀: Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а: Дрꙋгі́й, Ра́дꙋйтесѧ:

ѳ҃і. Ст҃а́гѡ мч҃нка вонифа́тїа.

Пое́мъ во все́мъ подо́бнѣ ꙗ҆́кѡ и҆ во и҃і де́нь. А҆ллилꙋ́їа, и҆лѝ тропа́рь: Мꙋ́ченикъ тво́й гдⷭ҇и: септе́мврїа во в҃ де́нь.

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Сщ҃е́нїе непоро́чное самово́льнѣ тебѐ приве́лъ є҆сѝ, и҆́же ѿ дв҃ы тебѐ ра́ди роди́тисѧ хотѧ́щемꙋ, ст҃е вѣнчено́сче премꙋ́дре вонїфа́тїе.

к҃. Предпра́зднство по пло́ти ржⷭ҇тва̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀ : И҆ ст҃а́гѡ сщ҃енномч҃нка і҆гна́тїа бг҃оно́сца:

На Гдⷭ҇и воззва́хъ, стїхи̑ры предпра́зднства г҃, гла́съ а҃, самогла́сны: И҆ ст҃а́гѡ г҃, гла́съ д҃. Подо́бенъ: Зва́нный свы́ше: Сла́ва, гла́съ и҃: Бг҃оно́се і҆гна́тїе: И҆ ны́нѣ, предпра́зднства, гла́съ то́йже: Воспрїимѝ виѳлее́ме:

[зрѝ][[комм.]] А҆́ще слꙋчи́тсѧ предпра́зднство ржⷭ҇тва̀ хрⷭ҇то́ва въ сꙋббѡ́тꙋ.

Въ пѧто́къ ве́чера, бг҃оро́диченъ а҃, мимоше́дшагѡ гла́са не пое́тсѧ: та́кожде и҆ въ предпра̑зднства ст҃ы́хъ бг҃оѧвле́нїй. На стїхо́внѣ, стїхи̑ры предпра́зднства гла́съ в҃, самогла́сны: Припѣ́вы глаго́лемъ: а҃-й, Бг҃ъ ѿ ю҆́га прїи́детъ: в҃-й, Гдⷭ҇и ᲂу҆слы́шахъ: Сла́ва, ст҃а́гѡ, гла́съ а҃: Ѽ тве́рдыѧ и҆ а҆дама́нтскїѧ: И҆ ны́нѣ, гла́съ то́йже: Предпра́зднꙋемъ лю́дїе: Тропа́рь ст҃а́гѡ, гла́съ д҃: И҆ нра́вѡмъ прича́стникъ: септе́мврїа въ г҃ де́нь.

<<р҃ѯ: 319>>

Сла́ва, и҆ ны́нѣ, предпра́зднства, гла́съ то́йже:

Гото́висѧ виѳлее́ме, ѿве́рзисѧ всѣ̑мъ є҆де́ме. красꙋ́йсѧ є҆ѵфра́ѳо: ꙗ҆́кѡ дре́во живота̀ въ верте́пѣ процвѣтѐ ѿ дв҃ы: ра́й бо ѻ҆́ноѧ чре́во ꙗ҆ви́сѧ мы́сленный, въ не́мже бж҃е́ственный са́дъ: ѿ негѡ́же ꙗ҆́дше, жи́ви бꙋ́демъ, не ꙗ҆́коже а҆да́мъ ᲂу҆́мремъ. хрⷭ҇то́съ ражда́етсѧ пре́жде па́дшїй возста́вити ѡ҆́бразъ.

И҆ ѿпꙋ́стъ. На повече́рїи пое́мъ трипѣ́снецъ, гла́съ в҃. і҆рмо́съ: Непроходи́мое волнѧ́щеесѧ: по два́жды. Тропарѝ на ѕ҃: И҆ послѣдѝ і҆рмо́съ, ѻ҆́ба ли̑ка вкꙋ́пѣ. А҆ и҆дѣ́же двоїрмо́сенъ трипѣ́снецъ, и҆ пое́мъ а҃-гѡ творца̀ і҆рмо́съ два́жды. Тропари́ же ѻ҆бою̀ творцѡ́въ на ѕ҃: И҆ послѣдѝ і҆рмо́съ в҃-гѡ канѡ́на, ѻ҆́ба ли̑ка вкꙋ́пѣ. Си́це пое́мъ канѡ́нъ, и҆ і҆рмосы̀, и҆ на про́чихъ повече́рїѧхъ, въ предпра̑зднства г҃ хрⷭ҇то́ва ржⷭ҇тва̀. Припѣва́емъ на трипѣ́снцѣ: Сла́ва тебѣ̀ бж҃е на́шъ, сла́ва тебѣ̀.

[зрѝ] Вѣ́домо же бꙋ́ди и҆ сїѐ: Ꙗ҆́кѡ на повече́рїѧхъ въ предпра́зднства ржⷭ҇тва̀ хрⷭ҇то́ва, на трипѣ́снцахъ и҆ на канѡ́нѣхъ, на и҃ пѣ́сни пое́мъ, Хва́лимъ, бл҃гослови́мъ: И҆ пое́мъ і҆рмо́съ и҃-ѧ пѣ́сни, ѻ҆́ба ли̑ка вкꙋ́пѣ, и҆ покло́нъ. По Досто́йно, и҆ по Ѻ҆́ч҃е на́шъ, конда́къ предпра́зднства: Дв҃а дне́сь:

[зрѝ] Вѣ́домо же и҆ сїѐ да бꙋ́детъ: Ꙗ҆́кѡ ѿ двадесѧ́тагѡ днѐ деке́мврїа, до д҃і і҆аннꙋа́рїа, до́ндеже ѿда́стсѧ пра́здникъ ст҃ы́хъ бг҃оѧвле́нїй, ѻ҆ктѡ́ихъ не пое́тсѧ, кромѣ̀ є҆ди́ныхъ недѣ́ль, въ ни́хже пое́тсѧ воскрⷭ҇на слꙋ́жба. Полѷеле́а же не пое́мъ, кромѣ̀ вели́кагѡ ст҃а́гѡ. На ᲂу҆́трени, стїхосло́вимъ по двѣ̀ каѳі̑смы. На вече́рни каѳі́сма рѧдова́ѧ. Сѣда́льны глаго́лютсѧ предпра́зднства и҆ попра́зднства. Не пое́тсѧ же и҆ междоча́сїе, и҆ канѡ́нъ бцⷣы на <<р҃ѯ ѡ҆б.: 320>> повече́рїи. На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, ст҃а́гѡ: И҆ ны́нѣ, предпра́зднства. И҆ ѻ҆бы̑чныѧ каѳі̑смы, и҆ сѣда́льны предпра́зднства: и҆ чте́нїе. Канѡ́на два̀: предпра́зднства, со і҆рмосо́мъ на и҃, гла́съ а҃: И҆ ст҃а́гѡ на ѕ҃, гла́съ то́йже. [зрѝ] Ѿ дне́шнѧгѡ же днѐ, Гдⷭ҇еви пое́мъ, въ пѣ́снехъ не глаго́лемъ, до́ндеже ѿда́стсѧ пра́здникъ ст҃ы́хъ бг҃оѧвле́нїй. По г҃-й пѣ́сни,

Конда́къ предпра́зднства, гла́съ г҃. Подо́бенъ: Дв҃а дне́сь:

Дв҃а дне́сь превѣ́чное сло́во въ верте́пѣ грѧде́тъ роди́ти неизрече́ннѡ: ликꙋ́й вселе́ннаѧ ᲂу҆слы́шавши, просла́ви со а҆́гг҃лы и҆ па́стырьми хотѧ́щаго ꙗ҆ви́тисѧ ѻ҆троча̀ мла́до, превѣ́чнаго бг҃а.

И҆ і҆́косъ. И҆ сѣда́ленъ ст҃а́гѡ, гла́съ г҃. Сла́ва, гла́съ и҃. И҆ ны́нѣ, бг҃оро́диченъ. По ѕ҃-й пѣ́сни,

Конда́къ ст҃а́гѡ, гла́съ г҃. Подо́бенъ: Дв҃а дне́сь:

Свѣ́тлыхъ пѡ́двигъ твои́хъ свѣтоно́сный де́нь, предпроповѣ́дꙋетъ всѣ̑мъ въ верте́пѣ рожде́ннаго: сегѡ́ бо жажда́ѧ ѿ любвѐ наслади́тисѧ, потща́лсѧ є҆сѝ ѿ ѕвѣре́й снѣ́денъ бы́ти. сегѡ̀ ра́ди и҆ бг҃оно́сецъ наре́клсѧ є҆сѝ, і҆гна́тїе всемꙋ́дре.

И҆ і҆́косъ. По ѳ҃-й пѣ́сни, свѣти́ленъ ст҃а́гѡ. Сла́ва, и҆ ны́нѣ, предпра́зднства. На хвали́техъ стїхи̑ры предпра́зднства д҃, гла́съ ѕ҃. Самоподо́бенъ: А҆́гг҃льскїѧ пред̾иди́те си̑лы: по а҆лфави́тꙋ. Сла́ва, гла́съ и҆ подо́бенъ то́йже: Приближа́етсѧ хрⷭ҇то́съ: И҆ ны́нѣ: За́висть же и҆ ѻ҆́гнь: На стїхо́внѣ стїхи̑ры предпра́зднства, гла́съ д҃, самогла́сны, съ припѣ́вы предпи́санными. Сла́ва, ст҃а́гѡ, гла́съ а҃: Сто́лпъ ѡ҆дꙋшевле́нный: И҆ ны́нѣ, предпра́зднства, гла́съ ѕ҃: Верте́пе бл҃гоꙋкраси́сѧ: Тропа́рь ст҃а́гѡ. Сла́ва, и҆ ны́нѣ, предпра́зднства. На лїтꙋргі́и, бл҃жє́нна ѿ канѡ́на предпра́зднства, пѣ́снь г҃-ѧ, и҆ ст҃а́гѡ пѣ́снь ѕ҃: По вхо́дѣ тропа́рь предпра́зднства, и҆ хра́ма ст҃а́гѡ, и҆ ст҃а́гѡ і҆гна́тїа. <<рѯ҃а: 321>> Та́же конда́къ хра́ма. Сла́ва, конда́къ і҆гна́тїа: И҆ ны́нѣ, предпра́зднства: Дв҃а дне́сь Прокі́менъ, гла́съ з҃: Возвесели́тсѧ првⷣникъ: Сті́хъ: Оу҆слы́ши бж҃е гла́съ мо́й: А҆по́столъ ко є҆вре́ємъ, зача́ло та҃і: И҆мꙋ́ще а҆рхїере́а вели́ка: А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ: Сті́хъ: Насажде́ни въ домꙋ̀ гдⷭ҇ни: Є҆ѵⷢ҇лїе ма́рка, зача́ло м҃а: Прїи́де і҆и҃съ и҆ ᲂу҆ч҃нцы̀ є҆гѡ̀ въ капернаꙋ́мъ: Прича́стенъ: Въ па́мѧть:

[[комм.]] А҆́ще ли слꙋчи́тсѧ недѣ́лѧ ст҃ы́хъ ѻ҆тє́цъ въ предпра́зднствѣ внꙋ́трь к҃-гѡ днѐ, си́рѣчь, въ к҃, въ к҃а, въ к҃в, и҆ въ к҃г де́нь, быва́етъ слꙋ́жба си́це:

На ма́лѣй вече́рни, стїхи̑ры воскрⷭ҇ны, и҆ бцⷣы, по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ а҃, и҆ предпра́зднства г҃, гла́съ ѕ҃. Подо́бенъ: Всю̀ ѿложи́вше: и҆ ѻ҆тцє́въ г҃, гла́съ и҆ подо́бенъ то́йже. Сла́ва, гла́съ ѕ҃: Данїи́лъ мꙋ́жъ жела́нїй: И҆ ны́нѣ, предпра́зднства, гла́съ то́йже: Верте́пе бл҃гоꙋкраси́сѧ: Вхо́дъ. Прокі́менъ днѐ. и҆ чтє́нїѧ г҃, ѻ҆тцє́въ. На лїті́и стїхи̑ры предпра́зднства, на рѧдꙋ̀, ко́егѡ днѐ недѣ́лѧ сїѧ̀ пое́тсѧ, стїхѡ́вныѧ: И҆ ѻ҆тцє́въ, гла́съ а҃: Лꙋча́ми ѡ҆блиста́вшесѧ: Сла́ва, гла́съ г҃: Пра́ѻтцєвъ собо́ръ: И҆ ны́нѣ, предпра́зднства гла́съ то́йже: Бл҃гоꙋкраси́сѧ, виѳлее́ме: На стїхо́внѣ стїхи̑ры воскрⷭ҇ны. Сла́ва, гла́съ в҃: Ра́дꙋйтесѧ прⷪ҇ро́цы: И҆ ны́нѣ, предпра́зднства, гла́съ то́йже: Сѐ вре́мѧ прибли́жисѧ: На бл҃гослове́нїи хлѣ́бѡвъ тропа́рь: Бцⷣе дв҃о, два́жды. и҆ ѻ҆тцє́въ: Вє́лїѧ вѣ́ры: є҆ди́ножды, пи́санъ въ з҃і де́нь. Бꙋ́ди и҆́мѧ гдⷭ҇не: три́жды. И҆ чте́нїе въ толкова́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ѻ҆тцє́въ, гла́съ в҃: Вє́лїѧ вѣ́ры: И҆ ны́нѣ, предпра́зднства, гла́съ д҃: Гото́висѧ виѳлее́ме: <<рѯ҃а ѡ҆б.: 322>> И҆ ѻ҆бы̑чныѧ каѳі̑смы, и҆ сѣда́льны воскрⷭ҇ны, и҆ бг҃оро́дичны и҆́хъ. И҆ чте́нїе во є҆ѵⷢ҇лїи толково́мъ, є҆́же ѿ матѳе́а, въ са́момъ нача́лѣ: Кни́га родства̀ і҆и҃са хрⷭ҇та̀: По непоро́чныхъ, тропарѝ: А҆́гг҃льскїй собо́ръ: Ѵ҆пакоѝ. И҆ чте́нїе во є҆ѵⷢ҇лїи толково́мъ, є҆́же на рѧдꙋ̀. Степє́нна гла́са. Прокі́менъ: Всѧ́кое дыха́нїе: Є҆ѵⷢ҇лїе воскрⷭ҇но. и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ, со і҆рмосо́мъ на д҃, и҆ предпра́зднства на д҃, и҆ ѻ҆тцє́въ на ѕ҃. Катава́сїа: Хрⷭ҇то́съ ражда́етсѧ: По г҃-й пѣ́сни, ѵ҆пакоѝ ѻ҆тцє́въ, гла́съ и҃: А҆́гг҃лъ ѻ҆трокѡ́въ ѡ҆росѝ пе́щь: И҆ чте́нїе. По ѕ҃-й пѣ́сни,

Конда́къ, гла́съ а҃. Подо́бенъ: Ли́къ а҆́гг҃льскїй:

Весели́сѧ, виѳлее́ме, є҆ѵфра́ѳо гото́висѧ: се́ бо а҆́гница па́стырѧ вели́каго во ᲂу҆тро́бѣ носѧ́щи, є҆́же роди́ти тщи́тсѧ. є҆го́же зрѧ́ще, бг҃оно́снїи ѻ҆тцы̀ веселѧ́тсѧ, съ па́стырьми пою́ще дв҃ꙋ доѧ́щꙋю.

И҆ і҆́косъ. И҆ чте́мъ про́логъ. По ѳ҃-й пѣ́сни: Ст҃ъ гдⷭ҇ь бг҃ъ на́шъ. Свѣти́ленъ воскрⷭ҇нъ. Сла́ва, ѻ҆тцє́въ: И҆ ны́нѣ, предпра́зднства. На хвали́техъ стїхи̑ры воскрⷭ҇ны д҃, и҆ ѻ҆тцє́въ д҃, гла́съ є҃. Подо́бенъ: Ра́дꙋйсѧ: Сла́ва, ѻ҆тцє́въ, гла́съ и҃: Зако́нныхъ ᲂу҆че́нїй: И҆ ны́нѣ, Пребл҃гослове́нна є҆сѝ, бцⷣе дв҃о: Славосло́вїе вели́кое. Тропа́рь воскрⷭ҇нъ. Є҆ктєнїѝ. И҆ ѿпꙋ́стъ. Стїхи́ра є҆ѵⷢ҇льскаѧ, въ притво́рѣ. И҆ ча́съ а҃. И҆ коне́чный ѿпꙋ́стъ. На лїтꙋргі́и, бл҃жє́нна гла́са на д҃, и҆ ѻ҆тцє́въ ѿ канѡ́на пѣ́снь г҃, на д҃, и҆ предпра́зднства пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ ѻ҆тцє́въ, и҆ предпра́зднства. Сла́ва, конда́къ ѻ҆тцє́въ: И҆ ны́нѣ, предпра́зднства. Прокі́менъ, пѣ́снь ѻ҆тцє́въ, гла́съ д҃: Бл҃гослове́нъ є҆сѝ гдⷭ҇и, бж҃е ѻ҆тє́цъ на́шихъ: А҆по́столъ ко є҆вре́ємъ, зача́ло тк҃и: Вѣ́рою прїи́де а҆враа́мъ: А҆ллилꙋ́їа, гла́съ д҃: Бж҃е ᲂу҆ши́ма на́шима: Є҆ѵⷢ҇лїе матѳе́а, зача́ло а҃: <<рѯ҃в: 323>> Кни́га родства̀ і҆и҃са хрⷭ҇та̀: Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а: Дрꙋгі́й: Ра́дꙋйтесѧ:

Ѡ҆ предпра́зднствѣ хрⷭ҇то́ва ржⷭ҇тва̀ вѣ́дати подоба́етъ:

[зрѝ] Ѿ к҃ днѐ начина́етсѧ предпра́зднство. По́стъ ᲂу҆́бѡ є҆́сть, покло́ны же въ цр҃кви не быва́ютъ.

к҃а. Предпра́зднство ржⷭ҇тва̀ хрⷭ҇то́ва: И҆ ст҃ы́ѧ мꙋ́ченицы і҆ꙋлїані́и, ꙗ҆́же въ нїкомиді́и:

Ве́черъ, на Гдⷭ҇и воззва́хъ, стїхи̑ры предпра́зднства, гла́съ д҃. Подо́бенъ: Да́лъ є҆сѝ зна́менїе: И҆ ст҃ы́ѧ: гла́съ то́йже. Подо́бенъ: Ꙗ҆́кѡ до́блѧ: Сла́ва, и҆ ны́нѣ, предпра́зднства, гла́съ ѕ҃: Сїѡ́не торжествꙋ́й: На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ ѕ҃: Безневѣ́стнаѧ дв҃о, ѿкꙋ́дꙋ пришла̀ є҆сѝ: Тропа́рь ст҃ы́ѧ, гла́съ д҃: А҆́гница твоѧ̀, і҆и҃се, і҆ꙋлїані́а: септе́мврїа въ ѕ҃і де́нь. Сла́ва, и҆ ны́нѣ, гла́съ то́йже. Гото́висѧ, виѳлее́ме: На повече́рїи, трипѣ́снецъ, і҆рмосы̀ по два́жды: тропарѝ на ѕ҃. И҆ па́ки послѣдѝ і҆рмо́съ, ѻ҆́ба ли̑ка вкꙋ́пѣ, ꙗ҆́кѡ предписа́сѧ.

[зрѝ] Вѣ́домо же бꙋ́ди: И҆дѣ́же пра́зднꙋетсѧ ст҃и́телѧ петра̀ пра́здникъ, пое́мъ канѡ́нъ ст҃ы́ѧ і҆ꙋлїані́и на повече́рїи, вкꙋ́пѣ съ трипѣ́снцемъ, и҆ послѣдѝ стїхи̑ры є҆ѧ̀. На ᲂу҆́трени, тропа́рь предпра́зднства, и҆ ст҃ы́ѧ. По каѳі́смахъ сѣда́льны предпра́зднства и҆ чте́нїе. Канѡ́нъ предпра́зднства, со і҆рмосо́мъ на и҃, гла́съ д҃, и҆ ст҃ы́ѧ на д҃, гла́съ то́йже. По г҃-й пѣ́сни,

Конда́къ ст҃ы́ѧ, гла́съ г҃. Подо́бенъ: Дв҃а дне́сь:

Двⷭ҇тва добро́тами преѡчище́нна дв҃и́це, и҆ мꙋче́нїѧ вѣнцы̀, і҆ꙋлїані́е, ны́нѣ вѣнча́вшисѧ, дае́ши сꙋ́щымъ въ нꙋ́ждахъ и҆ недꙋ́зѣхъ <<рѯ҃в ѡ҆б.: 324>> и҆сцѣле́нїе и҆ сп҃се́нїе пристꙋпа́ющымъ къ ра́цѣ твое́й: бж҃е́ственнꙋю бо бл҃года́ть хрⷭ҇то́съ и҆сточа́етъ, и҆ жи́знь вѣ́чнꙋю.

И҆ сѣда́ленъ, гла́съ д҃. Подо́бенъ: Ско́рѡ предварѝ: Сла́ва, и҆ ны́нѣ, предпра́зднства, гла́съ г҃. По ѕ҃-й пѣ́сни,

Конда́къ предпра́зднства, гла́съ в҃. Подо́бенъ: Вы́шнихъ и҆щѧ̀:

Въ виѳлее́мѣ зрѧ́ще пелена́ми повива́емаго, всю̀ зе́млю держа́ща рꙋко́ю свое́ю, предпра́зднствєнныѧ пѣ̑сни ро́ждшей сего̀ прино́симъ: ма́терски бо весели́тсѧ, держа́щи въ нѣ́дрѣхъ сн҃а бж҃їѧ.

И҆ і҆́косъ. По ѳ҃-й пѣ́сни, свѣти́ленъ предпра́зднства. Сла́ва, и҆ ны́нѣ: Виѳлее́ме, землѐ і҆ꙋ́дова: На хвали́техъ стїхи̑ры на д҃, гла́съ ѕ҃. Подо́бенъ: А҆́гг҃льскїѧ пред̾иди́те: Сла́ва, гла́съ и҆ подо́бенъ то́йже: Сло́во, и҆́же ѻ҆ц҃ꙋ̀ соприсносꙋ́щенъ сы́й: И҆ ны́нѣ, гла́съ и҆ подо́бенъ то́йже: Волхва̀ валаа́ма: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, подо́бенъ то́йже: Прїиди́те земноро́днїи:

И҆ преставле́нїе во ст҃ы́хъ ѻ҆тца̀ на́шегѡ петра̀, митрополі́та всеѧ̀ рѡссі́и.

На ма́лѣй вече́рни, на Гдⷭ҇и воззва́хъ стїхи̑ры ст҃а́гѡ на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ ѕ҃: Бж҃е́ственнаѧ бл҃года́ть: И҆ ны́нѣ, предпра́зднства, гла́съ то́йже: По́йте гдⷭ҇ꙋ: На стїхо́внѣ стїхи̑ры ст҃а́гѡ, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, гла́съ и҆ подо́бенъ то́йже. По трист҃о́мъ,

Тропа́рь ст҃а́гѡ, гла́съ д҃:

Ꙗ҆́же пре́жде безпло́днаѧ землѐ ны́нѣ весели́сѧ: се́ бо хрⷭ҇то́съ свѣти́льника въ тебѣ̀ показа̀, ꙗ҆́вѣ сїѧ́юща въ мі́рѣ, и҆ и҆сцѣлѣва́юща недꙋ́ги и҆ бѡлѣ́зни на́шѧ. сегѡ̀ ра́ди ликꙋ́й и҆ весели́сѧ со дерзнове́нїемъ: ст҃и́тель бо є҆́сть вы́шнѧгѡ сїѧ̑ содѣ́ловаѧй.

<<рѯ҃г: 325>>

Сла́ва, и҆́нъ, гла́съ и҃:

Ликꙋ́й свѣ́тлѡ бл҃госла́внѣйшїй гра́де москва̀, и҆мѣ́ѧй въ себѣ̀ а҆рхїере́а петра̀ ꙗ҆́кѡ зарю̀ со́лнца, всю̀ рѡссі́ю чꙋдодѣѧ́нїи ѡ҆зарѧ́юща. то́й бо не́мѡщи врачꙋ́етъ, и҆ недꙋ́ги ꙗ҆́кѡ тьмꙋ̀ прого́нитъ ѿ вопїю́щихъ є҆мꙋ̀: ра́дꙋйсѧ, і҆ера́рше бг҃а вы́шнѧгѡ, тобо́ю сїѧ̑ па́ствѣ твое́й содѣ́ловающагѡ.

И҆ ны́нѣ предпра́зднства. Є҆ктенїа̀ ма́лаѧ: и҆ ѿпꙋ́стъ. На вели́цѣй вече́рни, на Гдⷭ҇и воззва́хъ, стїхи̑ры на и҃: предпра́зднства г҃, гла́съ д҃: Подо́бенъ: Ꙗ҆́кѡ до́блѧ: И҆ ст҃а́гѡ є҃, гла́съ в҃. Подо́бенъ: Кі́ими похва́льными: Сла́ва, ст҃а́гѡ, гла́съ а҃. Самогла́сенъ: Бж҃е́ственнагѡ свы́ше: И҆ ны́нѣ, предпра́зднства, гла́съ то́йже: Прїими́те ꙗ҆́сли: Вхо́дъ. Прокі́менъ днѐ. И҆ чтє́нїѧ г҃. На лїті́и стїхи́ра хра́ма. Та́же ст҃а́гѡ самогла́сны, гла́съ д҃. Сла́ва, гла́съ ѕ҃: Преподо́бне требл҃же́нне: И҆ ны́нѣ, предпра́зднства, гла́съ то́йже: Сїѡ́не торжествꙋ́й: На стїхо́внѣ стїхи̑ры предпра́зднства, гла́съ а҃. Подо́бенъ: Всехва́льнїи мч҃нцы: Сла́ва, гла́съ и҃, самогла́сенъ: Прїиди́те всѝ вѣ́рнїи: И҆ ны́нѣ, предпра́зднства, гла́съ то́йже: Воспрїимѝ виѳлее́ме: На бл҃гослове́нїи хлѣ́бѡвъ тропарѝ ѻ҆́ба по є҆ди́ножды, пи́саны на ма́лѣй вече́рни: и҆ предпра́зднства є҆ди́ножды. И҆ бꙋ́ди и҆́мѧ гдⷭ҇не: три́жды. и҆ ѱало́мъ л҃г. Бл҃гословлю̀ гдⷭ҇а: и҆ чте́нїе ѿ житїѧ̀ ст҃а́гѡ петра̀. На ᲂу҆́трени, на Бг҃ъ гдⷭ҇ь, тропа́рь предпра́зднства, и҆ ст҃а́гѡ. Сла́ва, ст҃а́гѡ и҆́нъ: И҆ ны́нѣ, предпра́зднства. И҆ ѻ҆бы̑чныѧ каѳі̑смы: И҆ сѣда́льны ст҃а́гѡ. Сла́ва, и҆ ны́нѣ, предпра́зднства: И҆ чте́нїе. По полѷеле́и сѣда́ленъ ст҃а́гѡ, два́жды. Сла́ва, и҆ ны́нѣ, предпра́зднства: И҆ чте́нїе. Степє́нна, а҃-й а҆нтїфѡ́нъ д҃- гѡ гла́са. Прокі́менъ: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: Всѧ́кое <<рѯ҃г ѡ҆б.: 326>> дыха́нїе: Є҆ѵⷢ҇лїе і҆ѡа́нна, зача́ло л҃є ѿ полꙋ̀: Не входѧ́й две́рьми: По н҃-мъ ѱалмѣ̀ стїхи́ра, гла́съ ѕ҃: Є҆гда̀ преставле́нїе: Канѡ́нъ предпра́зднства, со і҆рмосо́мъ на ѕ҃, гла́съ д҃, і҆рмо́съ по два́жды. И҆ ст҃а́гѡ два̀ канѡ́на на и҃: Є҆ди́нъ, гла́съ и҃: Дрꙋгі́й, гла́съ а҃. Катава́сїа: Хрⷭ҇то́съ ражда́етсѧ: По г҃-й пѣ́сни, конда́къ предпра́зднства; гла́съ г҃. Подо́бенъ: Дв҃а дне́сь: Дв҃а дне́сь превѣ́чное сло́во: И҆ і҆́косъ: И҆ сѣда́ленъ ст҃а́гѡ, гла́съ д҃, два́жды. Сла́ва, и҆ ны́нѣ, предпра́зднства, гла́съ то́йже: И҆ чте́нїе. По ѕ҃-й пѣ́сни,

Конда́къ ст҃а́гѡ, гла́съ и҃. Подо́бенъ: Взбра́нной:

Взбра́нномꙋ и҆ ди́вномꙋ на́шеѧ землѝ чꙋдотво́рцꙋ, дне́сь любо́вїю къ тебѣ̀ притека́емъ, пѣ́снь, бг҃оно́се, плетꙋ́ще, ꙗ҆́кѡ и҆мѣ́ѧ дерзнове́нїе ко гдⷭ҇ꙋ, многоѡбра́зныхъ и҆зба́ви на́съ ѡ҆бстоѧ́нїй, да зове́мъ тѝ: ра́дꙋйсѧ ᲂу҆твержде́нїе гра́дꙋ на́шемꙋ.

И҆ і҆́косъ: И҆ чте́мъ про́логъ. По ѳ҃-й пѣ́сни, свѣти́ленъ предпра́зднства. Сла́ва, ст҃а́гѡ: И҆ ны́нѣ, предпра́зднства. На хвали́техъ стїхи̑ры на и҃: предпра́зднства д҃: гла́съ ѕ҃. Подо́бенъ: А҆́гг҃льскїѧ: И҆ ст҃а́гѡ на д҃, гла́съ и҃. Подо́бенъ: Ѽ пресла́внагѡ чꙋдесѐ! Съ припѣ́вы и҆́хъ. а҃-й: Оу҆ста̀ моѧ̑ возглаго́лютъ премꙋ́дрость: в҃-й, Оу҆ста̀ првⷣнагѡ: Сла́ва, гла́съ ѕ҃: Всѧ́къ гра́дъ и҆ страна̀: И҆ ны́нѣ, предпра́зднства, гла́съ то́йже: Волхва̀ валаа́ма: Славосло́вїе вели́кое. По трист҃о́мъ тропа́рь ст҃а́гѡ: Сла́ва, и҆ ны́нѣ, предпра́зднства: є҆ктєнїѝ, и҆ ѿпꙋ́стъ, и҆ ча́съ а҃-й. На часѣ́хъ, тропа́рь предпра́зднства, и҆ ст҃а́гѡ. По трист҃о́мъ конда́къ предпра́зднства, и҆ ст҃а́гѡ, глаго́лемъ премѣнѧ́юще. На лїтꙋргі́и, бл҃жє́нна, ѿ канѡ́на предпра́зднства, пѣ́снь г҃: и҆ ст҃а́гѡ, пѣ́снь ѕ҃. По вхо́дѣ тропа́рь предпра́зднства, и҆ ст҃а́гѡ. Сла́ва, конда́къ ст҃а́гѡ: <<рѯ҃д: 327>> И҆ ны́нѣ, предпра́зднства. Прокі́менъ, гла́съ а҃: Оу҆ста̀ моѧ̑ возглаго́лютъ: Сті́хъ: Оу҆слы́шите сїѧ̑: А҆по́столъ ко є҆вре́ємъ, зача́ло ти҃і: Тако́въ на́мъ подоба́ше: А҆ллилꙋ́їа, гла́съ в҃: Оу҆ста̀ пра́веднагѡ: Сті́хъ: Зако́нъ бг҃а є҆гѡ̀: Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: Прича́стенъ: Въ па́мѧть:

[зрѝ][[комм.]] Подоба́етъ вѣ́дати, а҆́ще слꙋчи́тсѧ петра̀ митрополі́та въ недѣ́лю пред̾ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ.

На ма́лѣй вече́рни, на Гдⷭ҇и воззва́хъ, стїхи̑ры воскрⷭ҇ны на д҃. Сла́ва, ст҃а́гѡ, гла́съ ѕ҃. Самогла́сенъ: Бж҃е́ственнаѧ бл҃года́ть: И҆ ны́нѣ, предпра́зднства, гла́съ то́йже: По́йте гдⷭ҇еви: На стїхо́внѣ стїхи́ра воскрⷭ҇на є҆ди́на: и҆ ст҃а́гѡ стїхо́вна вели́кїѧ вече́рни, со стїхѝ є҆ѧ̀. Сла́ва, ст҃а́гѡ, гла́съ и҃: Прїиди́те всѝ вѣ́рнїи: пи́санъ на вели́цѣй вече́рни, на стїхо́внѣ: И҆ ны́нѣ, предпра́зднства, гла́съ то́йже: Воспрїимѝ, виѳлее́ме, бж҃їю митропо́лїю: По трист҃о́мъ тропа́рь воскрⷭ҇нъ, и҆ ѻ҆тцє́въ. Сла́ва, ст҃а́гѡ: И҆ ны́нѣ, предпра́зднства: Та́же є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны, г҃, и҆ ѻ҆тцє́въ, г҃. Подо́бенъ: Всю̀ ѿложи́вше: Сті́хъ а҃: Ꙗ҆ви́сѧ мі́ра концє́мъ: Сті́хъ в҃: Сла́вою ᲂу҆краша́ютсѧ: Сті́хъ г҃: Ѡ҆блиста̀ ве́селѡ: И҆ ст҃а́гѡ со сла́внымъ д҃, гла́съ в҃: Подо́бенъ: Кі́ими похва́льными: Сла́ва, ѻ҆тцє́въ, гла́съ ѕ҃: Данїи́лъ мꙋ́жъ жела́нїй: И҆ ны́нѣ, предпра́зднства, гла́съ то́йже: Верте́пе бл҃гоꙋкраси́сѧ: Та́же вхо́дъ: прокі́менъ днѐ: и҆ чтє́нїѧ ѻ҆тцє́въ г҃, и҆ ст҃а́гѡ г҃. На лїті́и стїхи̑ры предпра́зднства, ѻ҆те́ческїѧ недѣ́ли рѧдовы́ѧ, гла́съ ѕ҃. Подо́бенъ: Всю̀ ѿложи́вше: Сті́хъ а҃: Незаходи́мое со́лнце: И҆ ст҃а́гѡ самогла́сны, и҆ ѻ҆тцє́въ, гла́съ а҃: Лꙋча́ми ѡ҆блиста́вшесѧ: Сла́ва, ѻ҆тцє́въ, гла́съ <<рѯ҃д ѡ҆б.: 328>> г҃: Пра́ѻтєцъ собо́ръ: И҆ ны́нѣ, предпра́зднства, гла́съ то́йже: Бл҃гоꙋкраси́сѧ, виѳлее́ме: На стїхо́внѣ стїхи̑ры воскрⷭ҇ны. Сла́ва, ѻ҆тцє́въ, гла́съ в҃: Ра́дꙋйтесѧ прⷪ҇ро́цы: И҆ ны́нѣ, предпра́зднства, гла́съ то́йже: Сѐ вре́мѧ прибли́жисѧ. На бл҃гослове́нїи хлѣ́бѡвъ тропа́рь: Бцⷣе дв҃о: є҆ди́ножды, и҆ ѻ҆тцє́въ є҆ди́ножды, и҆ ст҃а́гѡ є҆ди́ножды: и҆ чте́нїе. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ є҆ди́ножды, и҆ ѻ҆тцє́въ є҆ди́ножды. Сла́ва, ст҃а́гѡ: И҆ ны́нѣ, предпра́зднства. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ: Кни́га родства̀ і҆и҃са хрⷭ҇та̀: Полѷеле́й, и҆ тропарѝ: А҆́гг҃льскїй собо́ръ: и҆ сѣда́льны ст҃а́гѡ всѝ по є҆ди́ножды. Сла́ва, и҆ ны́нѣ, предпра́зднства, и҆ чте́нїе. Степє́нна гла́са: Прокі́менъ, и҆ Всѧ́кое дыха́нїе: Є҆ѵⷢ҇лїе воскрⷭ҇но. и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ со і҆рмосо́мъ на д҃: и҆ ст҃а́гѡ на д҃: и҆ ѻ҆тцє́въ на ѕ҃. Катава́сїа: Хрⷭ҇то́съ ражда́етсѧ: По г҃-й пѣ́сни, конда́къ и҆ і҆́косъ ст҃а́гѡ: ѵ҆пакоѝ ѻ҆тцє́въ, и҆ сѣда́ленъ ст҃а́гѡ, два́жды. Сла́ва, и҆ ны́нѣ, предпра́зднства. По ѕ҃- й пѣ́сни, конда́къ и҆ і҆́косъ ѻ҆тцє́въ: и҆ чте́нїе. На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ, и҆ ѻ҆тцє́въ. Сла́ва, ст҃а́гѡ: И҆ ны́нѣ, предпра́зднства. На хвали́техъ стїхи̑ры воскрⷭ҇ны г҃, и҆ ѻ҆тцє́въ, в҃, и҆ ст҃а́гѡ со сла́внымъ г҃, со стїхѝ є҆гѡ̀: и҆лѝ ѡ҆ставлѧ́ютсѧ стїхи̑ры воскрⷭ҇ны, и҆ пое́мъ ѻ҆тцє́въ на д҃, и҆ ст҃а́гѡ на д҃. Сла́ва, ѻ҆тцє́въ: и҆ ны́нѣ, бг҃оро́диченъ: Пребл҃гослове́нна є҆сѝ, бцⷣе дв҃о: Славосло́вїе вели́кое. Тропа́рь воскрⷭ҇нъ то́чїю. И҆ є҆ктєнїѝ, и҆ ѿпꙋ́стъ. Посе́мъ, Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й, и҆ коне́чный ѿпꙋ́стъ. На а҃-мъ часѣ̀ тропа́рь воскрⷭ҇нъ: Сла́ва, ѻ҆тцє́въ: И҆ ны́нѣ, <<рѯ҃є: 329>> бг҃оро́диченъ часѡ́въ. По Ѻ҆́ч҃е на́шъ, конда́къ ѻ҆тцє́въ. На г҃-мъ часѣ̀, тропа́рь воскрⷭ҇нъ. Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ ст҃а́гѡ. На про́чїихъ же часѣ́хъ тропарѝ и҆ кондакѝ, ѻ҆тцє́въ и҆ ст҃а́гѡ, премѣнѧ́юще глаго́лемъ: воскрⷭ҇нъ же тропа́рь на всѣ́хъ часѣ́хъ глаго́лемъ въ нача́лѣ непремѣ́ннѡ. На лїтꙋргі́и, бл҃жє́нна гла́са на д҃: и҆ ѻ҆тцє́въ пѣ́снь г҃-ѧ на д҃: и҆ ст҃а́гѡ пѣ́снь ѕ҃-ѧ на д҃. По вхо́дѣ тропа́рь воскрⷭ҇нъ, и҆ ѻ҆тцє́въ, и҆ предпра́зднства, и҆ ст҃а́гѡ. Та́же конда́къ ѻ҆тцє́въ. Сла́ва, ст҃а́гѡ: И҆ ны́нѣ, предпра́зднства. Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе ѻ҆тцє́въ и҆ ст҃а́гѡ. Прича́стенъ: Хвали́те: Дрꙋгі́й: Ра́дꙋйтесѧ:

к҃в. Предпра́зднство хрⷭ҇то́ва ржⷭ҇тва̀: И҆ ст҃ы́ѧ великомч҃нцы а҆настасі́и ᲂу҆зорѣши́тельницы.

На Гдⷭ҇и воззва́хъ, стїхи̑ры предпра́зднства г҃. гла́съ а҃. Подо́бенъ: Всехва́льнїи мч҃нцы: И҆ ст҃ы́ѧ, г҃, гла́съ и҃. Подо́бенъ: Что̀ вы̀ нарече́мъ: Сла́ва, ст҃ы́ѧ, гла́съ в҃: Воскрⷭ҇нїѧ да́ръ прїѧ́ла є҆сѝ: И҆ ны́нѣ, предпра́зднства, гла́съ д҃: Виѳлее́ме ᲂу҆краша́йсѧ: На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, ст҃ы́ѧ, гла́съ д҃: Живоно́снагѡ воста́нїѧ: И҆ ны́нѣ, гла́съ то́йже: И҆са́їе ликꙋ́й: Тропа́рь ст҃ы́ѧ, гла́съ д҃: А҆́гница твоѧ̀ і҆и҃се: вчера́шнїй. Сла́ва, и҆ ны́нѣ, предпра́зднства, гла́съ то́йже: Гото́висѧ виѳлее́ме: На повече́рїи, пое́мъ канѡ́нъ предпра́зднства, гла́съ ѕ҃. і҆рмосы̀ по два́жды, тропарѝ на ѕ҃. Послѣдѝ і҆рмо́съ ѻ҆́ба ли̑ка вкꙋ́пѣ, ꙗ҆́коже предписа́сѧ. На ᲂу҆́трени, тропа́рь предпра́зднства, два́жды. Сла́ва, ст҃ы́ѧ: И҆ ны́нѣ, предпра́зднства, и҆ ѻ҆бы̑чныѧ каѳі̑смы, и҆ сѣда́льны предпра́зднства <<рѯ҃є ѡ҆б.: 330>>, и҆ чте́нїе. Канѡ́нъ предпра́зднства со і҆рмосо́мъ на и҃, гла́съ ѕ҃: и҆ ст҃ы́ѧ на ѕ҃, гла́съ и҃. По г҃-й пѣ́сни, конда́къ и҆ і҆́косъ предпра́зднства, и҆ сѣда́ленъ, гла́съ а҃. Сла́ва, и҆ ны́нѣ, предпра́зднства, гла́съ и҃. По ѕ҃-й пѣ́сни,

Конда́къ ст҃ы́ѧ, гла́съ в҃. Подо́бенъ: Вы́шнихъ и҆щѧ̀:

Во и҆скꙋше́нїихъ и҆ ско́рбехъ сꙋ́щїи, къ твоемꙋ̀ хра́мꙋ притека́юще прїе́млютъ честна̑ѧ дарова̑нїѧ, ѿ живꙋ́щїѧ въ тебѣ̀ бж҃е́ственныѧ бл҃года́ти, а҆настасі́е: ты́ бо при́снѡ мі́рꙋ то́чиши и҆сцѣлє́нїѧ.

И҆ і҆́косъ. По ѳ҃-й пѣ́сни свѣти́ленъ ст҃ы́ѧ: Сла́ва, и҆ ны́нѣ, предпра́зднства: На хвали́техъ стїхи̑ры предпра́зднства, на д҃, гла́съ ѕ҃. Подо́бенъ: А҆́гг҃льскїѧ: Сла́ва, гла́съ и҆ подо́бенъ то́йже: Жезло́мъ желѣ́знымъ: И҆ ны́нѣ, подо́бенъ то́йже: Взыгра́й дв҃де: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Со ѻ҆бы́чными припѣ́вы предпра́зднства. Сла́ва, ст҃ы́ѧ, гла́съ є҃: Предпра́зднственный де́нь: И҆ ны́нѣ, предпра́зднства, гла́съ то́йже: Не дрѧ́хлꙋй і҆ѡ́сифе: На лїтꙋргі́и, бл҃жє́нна предпра́зднства, пѣ́снь г҃-ѧ, и҆ ст҃ы́ѧ пѣ́снь ѕ҃. По вхо́дѣ тропарѝ, ꙗ҆́коже предписа́сѧ сегѡ̀ мѣ́сѧца въ к҃а-й де́нь. Прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ бл҃гослови́те бг҃а: А҆по́столъ къ гала́тѡмъ, зача́ло с҃и: Пре́жде прише́ствїѧ вѣ́ры: А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а: Є҆ѵⷢ҇лїе лꙋкѝ, зача́ло л҃г: Молѧ́ше і҆и҃са нѣ́кїй ѿ фарїсє́й: Прича́стенъ: Въ па́мѧть вѣ́чнꙋю:

к҃г. Предпра́зднство хрⷭ҇то́ва ржⷭ҇тва̀: И҆ ст҃ы́хъ десѧтѝ мч҃нкъ, и҆̀же въ кри́тѣ.

На Гдⷭ҇и воззва́хъ, стїхи̑ры предпра́зднства г҃, гла́съ д҃. <<рѯ҃ѕ: 331>> Подо́бенъ: Ꙗ҆́кѡ до́блѧ: И҆ мч҃нкѡвъ г҃, гла́съ и҆ подо́бенъ то́йже. Сла́ва, мч҃нкѡвъ, гла́съ г҃: Предпра́зднственный дне́сь: И҆ ны́нѣ, предпра́зднства, гла́съ то́йже: Бл҃гоꙋкраси́сѧ виѳлее́ме: На стїхо́внѣ стїхи̑ры предпра́зднства, гла́съ ѕ҃. Подо́бенъ, Тридне́венъ: Сла́ва, мч҃нкѡвъ, гла́съ в҃: Кри́тъ предпра́зднствꙋетъ дне́сь: И҆ ны́нѣ, предпра́зднства, гла́съ то́йже: Сѐ вре́мѧ прибли́жисѧ: Тропа́рь, гла́съ д҃: Мч҃нцы твоѝ, гдⷭ҇и: септе́мврїа въ к҃-й де́нь. Сла́ва, и҆ ны́нѣ, предпра́зднства. [зрѝ] На повече́рїи, пое́мъ трипѣ́снецъ ѕ҃-гѡ гла́са, ꙗ҆́коже и҆ пре́жде ᲂу҆каза́сѧ. На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, мч҃нкѡвъ: И҆ ны́нѣ, предпра́зднства, и҆ ѻ҆бы̑чныѧ каѳі̑смы, и҆ сѣда́льны предпра́зднства, и҆ чте́нїе. Канѡ́нъ предпра́зднства, на и҃: і҆рмосы̀ по два́жды, гла́съ ѕ҃, и҆ ст҃ы́хъ на ѕ҃, гла́съ в҃. По г҃-й пѣ́сни, конда́къ и҆ і҆́косъ предпра́зднства, и҆ сѣда́ленъ мч҃нкѡвъ, гла́съ а҃, два́жды. Сла́ва, и҆ ны́нѣ, предпра́зднства, гла́съ то́йже. По ѕ҃-й пѣ́сни,

Конда́къ мч҃нкѡвъ, гла́съ д҃. Подо́бенъ: Ꙗ҆ви́лсѧ є҆сѝ:

Денни́ца возсїѧ̀ мч҃нкѡвъ, честно́е страда́льчество пред̾ѡзарѧ́ющее на́мъ въ верте́пѣ ражда́емаго, є҆го́же дв҃а безсѣ́меннѡ родѝ.

И҆ і҆́косъ, и҆ чте́мъ про́логъ. По ѳ҃-й пѣ́сни, свѣти́ленъ мч҃нкѡвъ. Сла́ва, и҆ ны́нѣ, предпра́зднства. На хвали́техъ стїхи̑ры предпра́зднства, на д҃, гла́съ ѕ҃. Подо́бенъ: А҆́гг҃льскїѧ: Сла́ва, гла́съ и҆ подо́бенъ то́йже: По́й но́вый і҆и҃лю: И҆ ны́нѣ: Ꙗ҆ви́лсѧ є҆сѝ на землѝ: На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, мч҃нкѡвъ, гла́съ г҃: До́блїи мч҃нцы и҆́стины: И҆ ны́нѣ, предпра́зднства, гла́съ и҃: Въ виѳлее́мѣ ражда́етсѧ: На лїтꙋргі́и, бл҃жє́нна предпра́зднства <<рѯ҃ѕ ѡ҆б.: 332>>, пѣ́снь г҃-ѧ, и҆ мч҃нкѡвъ, пѣ́снь ѕ҃-ѧ. Прокі́менъ: Ст҃ы̑мъ, и҆̀же сꙋ́ть: Сті́хъ: Предзрѣ́хъ гдⷭ҇а: А҆по́столъ къ є҆фесе́ємъ, зача́ло сл҃г. А҆ллилꙋ́їа: Воззва́ша првⷣнїи: Є҆ѵⷢ҇лїе лꙋкѝ, зача́ло р҃ѕ: Прича́стенъ: Ра́дꙋйтесѧ првⷣнїи.

к҃д. Предпра́зднство хрⷭ҇то́ва ржⷭ҇тва̀: И҆ ст҃ы́ѧ прпⷣбномч҃нцы є҆ѵге́нїи .

На Гдⷭ҇и воззва́хъ, стїхи̑ры предпра́зднства г҃, гла́съ є҃. Подо́бенъ: Ра́дꙋйсѧ: И҆ ст҃ы́ѧ г҃, гла́съ и҃. Подо́бенъ, Ѽ пресла́внагѡ чꙋдесѐ! Сла́ва, и҆ ны́нѣ, предпра́зднства, гла́съ в҃. Сѐ вре́мѧ прибли́жисѧ: На стїхо́внѣ стїхи̑ры предпра́зднства, гла́съ а҃. Подо́бенъ: Всехва́льнїи мч҃нцы: Сла́ва, и҆ ны́нѣ, гла́съ ѕ҃: Сїѡ́не торжествꙋ́й:

Тропа́рь предпра́зднства, гла́съ д҃:

Написова́шесѧ и҆ногда̀ со ста́рцемъ і҆ѡ́сифомъ, ꙗ҆́кѡ ѿ сѣ́мене дв҃дова, въ виѳлее́мѣ мр҃їа́мъ, чревоносѧ́щи безсѣ́менное рожде́нїе: наста́ же вре́мѧ ржⷭ҇тва̀, и҆ мѣ́сто ни є҆ди́но же бѣ̀ ѡ҆бита́лищꙋ: но ꙗ҆́коже кра́снаѧ пала́та, верте́пъ цари́цѣ показа́шесѧ. хрⷭ҇то́съ ражда́етсѧ пре́жде па́дшїй воскреси́ти ѡ҆́бразъ.

На повече́рїи, канѡ́нъ, гла́съ ѕ҃, і҆рмосы̀ по два́жды, тропарѝ на ѕ҃. Послѣдѝ і҆рмо́съ ѻ҆́ба ли̑ка вкꙋ́пѣ. На ᲂу҆́трени, на Бг҃ъ гдⷭ҇ь, тропа́рь предпра́зднства, три́жды. И҆ ѻ҆бы̑чныѧ каѳі̑смы, и҆ сѣда́льны предпра́зднства. И҆ чте́мъ сло́во кѷрі́лла, а҆рхїепⷭ҇кпа і҆ерⷭ҇ли́мскагѡ, на предпра́зднство ржⷭ҇тва̀ гдⷭ҇а бг҃а и҆ сп҃са на́шегѡ. Канѡ́нъ предпра́зднства, со і҆рмосо́мъ на и҃, гла́съ в҃: і҆рмо́съ по два́жды. И҆ ст҃ы́ѧ на д҃, гла́съ то́йже. По г҃-й пѣ́сни, сѣда́ленъ ст҃ы́ѧ. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ предпра́зднства, гла́съ г҃: Дв҃а дне́сь превѣ́чное сло́во: сегѡ̀ мѣ́сѧца въ к҃-й де́нь. По ѳ҃-й <<рѯ҃з: 333>> пѣ́сни, свѣти́ленъ предпра́зднства. Сла́ва, и҆ ны́нѣ, и҆́нъ. На хвали́техъ стїхи̑ры предпра́зднства, на д҃, гла́съ ѕ҃. Подо́бенъ: А҆́гг҃льскїѧ: Сла́ва, гла́съ и҆ подо́бенъ то́йже: Грѧдѝ виѳлее́ме: И҆ ны́нѣ, подо́бенъ то́йже: Ѽ бл҃же́нное бг҃оѻтрокови́цы чре́во: На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: Сла́ва, подо́бенъ то́йже. Сла́ва тебѣ̀, ѻ҆́ч҃е и҆ сн҃е, и҆ дш҃е: И҆ ны́нѣ, подо́бенъ то́йже: Ра́дꙋйсѧ, ꙗ҆́же жи́знь ро́ждшаѧ: Посе́мъ, Бл҃го є҆́сть: По трист҃о́мъ тропа́рь предпра́зднства: Є҆ктенїа̀, и҆ ѿпꙋ́стъ.

[[комм.]] Подоба́етъ вѣ́дати, а҆́ще слꙋчи́тсѧ недѣ́лѧ пред̾ ржⷭ҇тво́мъ хрⷭ҇то́вымъ ст҃ы́хъ ѻ҆тє́цъ, деке́мврїа въ к҃д-й де́нь.

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны на д҃. Сла́ва, и҆ ны́нѣ, предпра́зднства, гла́съ ѕ҃: Верте́пе бл҃гоꙋкраси́сѧ: На стїхо́внѣ стїхи́ра воскрⷭ҇на, и҆ бцⷣы по ѻ҆бы́чаю. Сла́ва, и҆ ны́нѣ, бг҃оро́диченъ. По трист҃о́мъ тропа́рь воскрⷭ҇нъ. Сла́ва, и҆ ны́нѣ, предпра́зднства. Та́же, є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀, пое́мъ Бл҃же́нъ мꙋ́жъ, каѳі́смꙋ всю̀. На Гдⷭ҇и воззва́хъ, стїхи̑ры на ч҃: ѻ҆тцє́въ на ѕ҃, гла́съ ѕ҃. Подо́бенъ: Всю̀ ѿложи́вше: И҆ предпра́зднства на д҃, гла́съ и҆ подо́бенъ то́йже. Сла́ва, ѻ҆тцє́въ, гла́съ то́йже: Данїи́лъ мꙋ́жъ жела́нїй: И҆ ны́нѣ, предпра́зднства, гла́съ то́йже: Верте́пе бл҃гоꙋкраси́сѧ: Та́же вхо́дъ. Прокі́менъ днѐ. И҆ чтє́нїѧ ѻ҆тцє́въ г҃. На лїті́и стїхи̑ры предпра́зднства, пи́саны на рѧдꙋ̀ на Гдⷭ҇и воззва́хъ, въ к҃д-й де́нь, гла́съ є҃. Подо́бенъ: Ра́дꙋйсѧ: Сла́ва, ѻ҆тцє́въ, гла́съ г҃: Пра́ѻтцєвъ собо́ръ: И҆ ны́нѣ, гла́съ то́йже: Бл҃гоꙋкраси́сѧ виѳлее́ме: На стїхо́внѣ стїхи̑ры предпра́зднства, гла́съ в҃. Самоподо́бенъ: До́ме є҆ѵфра́ѳовъ: <<рѯ҃з ѡ҆б.: 334>> Припѣ́въ: Бг҃ъ ѿ ю҆́га прїи́детъ: Та́же два̀ самогла́сна: Виѳлее́ме, землѐ і҆ꙋ́дова: Припѣ́въ: Гдⷭ҇и ᲂу҆слы́шахъ слꙋ́хъ тво́й, и҆ ᲂу҆боѧ́хсѧ: Прїиди́те всѝ хрⷭ҇то́во ржⷭ҇тво̀: Сла́ва, гла́съ то́йже: Ра́дꙋйтесѧ прⷪ҇ро́цы: И҆ ны́нѣ, предпра́зднства, гла́съ то́йже: Сѐ вре́мѧ прибли́жисѧ: На бл҃гослове́нїи хлѣ́бѡвъ тропа́рь ѻ҆тцє́въ, гла́съ в҃: Вє́лїѧ вѣ́ры и҆справлє́нїѧ: два́жды. сегѡ̀ мѣ́сѧца въ з҃і-й де́нь. И҆ предпра́зднства є҆ди́ножды. И҆ чте́нїе въ посла́нїихъ а҆по́стольскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ѻ҆тцє́въ: Вє́лїѧ вѣ́ры: И҆ ны́нѣ, предпра́зднства: Написова́шесѧ и҆ногда̀: По а҃-й каѳі́смѣ, сѣда́ленъ ѻ҆тцє́въ, гла́съ д҃. Подо́бенъ: Оу҆диви́сѧ: Во ѻ҆тцѣ́хъ бж҃е: Сла́ва, и҆ ны́нѣ, то́йже. И҆ чте́нїе во є҆ѵⷢ҇лїи толково́мъ, матѳе́а: Кни́га родства̀ і҆и҃са хрⷭ҇та̀: По в҃-й каѳі́смѣ сѣда́ленъ, гла́съ и҃. Подо́бенъ: Премꙋ́дрости: Пра́здникъ пра́зднꙋемъ вѣ́рнїи: Сла́ва, и҆ ны́нѣ, то́йже. И҆ чте́нїе. По непоро́чнахъ, тропарѝ и҆́хъ. И҆ є҆ктенїа̀. И҆ сѣда́ленъ ѻ҆тцє́въ, гла́съ и҃. Подо́бенъ: Премꙋ́дрости: А҆враа́ма и҆ і҆саа́ка же и҆ і҆а́кѡва: Сла́ва, и҆ ны́нѣ, гла́съ и҆ подо́бенъ то́йже: И҆з̾ нѣ́дръ ѻ҆те́ческихъ: И҆ чте́нїе. Степє́нна гла́са. Прокі́менъ и҆ є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: ѱало́мъ н҃. Стїхи́ра воскрⷭ҇на. Канѡ́нъ ѻ҆тцє́въ, гла́съ ѕ҃, со і҆рмосо́мъ на и҃. І҆рмо́съ: Волно́ю морско́ю: по два́жды: тропарѝ на ѕ҃. [Въ се́мъ бо канѡ́нѣ по два̀ стїха̀ воскрⷭ҇ныхъ, сегѡ̀ ра́ди канѡ́нъ воскрⷭ҇нъ не пое́тсѧ.] И҆ дрꙋгі́й канѡ́нъ предпра́зднства на ѕ҃: гла́съ а҃. Катава́сїа: Хрⷭ҇то́съ ражда́етсѧ: ѻ҆́ба ли̑ка вкꙋ́пѣ. По г҃-й пѣ́сни, ѵ҆пакоѝ ѻ҆тцє́въ, гла́съ и҃: А҆́гг҃лъ ѻ҆трокѡ́въ ѡ҆росѝ пе́щь: И҆ чте́нїе въ бг҃осло́вѣ. По ѕ҃-й пѣ́сни, конда́къ ѻ҆тцє́въ, гла́съ а҃: Весели́сѧ виѳлее́ме: <<рѯ҃и: 335>> И҆ і҆́косъ. И҆ чте́мъ про́логъ. На ѳ҃-й пѣ́сни пое́мъ: Чⷭ҇тнѣ́йшꙋю: Свѣти́ленъ ѻ҆тцє́въ: Ѿ сѣ́мене вво́дитсѧ: Сла́ва: Патрїа́рхѡвъ и҆збра́ннїи: И҆ ны́нѣ, предпра́зднства, Весели́сѧ виѳлее́ме: На хвали́техъ стїхи̑ры ѻ҆тцє́въ г҃, гла́съ є҃. Подо́бенъ: Ра́дꙋйсѧ: И҆ предпра́зднства г҃, гла́съ д҃. Подо́бенъ: Зва́нный свы́ше: Сла́ва, ѻ҆тцє́въ, гла́съ и҃: Зако́нныхъ ᲂу҆че́нїй: И҆ ны́нѣ, Пребл҃гослове́нна є҆сѝ бцⷣе дв҃о: Славосло́вїе вели́кое. Тропа́рь воскрⷭ҇нъ. И҆ прѡ́чаѧ. И҆ ѿпꙋ́стъ. И҆ ѻ҆бы́чное и҆схожде́нїе. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й въ притво́рѣ. На часѣ́хъ, тропа́рь воскрⷭ҇нъ. Сла́ва, ѻ҆тцє́въ. И҆ ны́нѣ, бг҃оро́диченъ часѡ́въ. По трист҃о́мъ, конда́къ ѻ҆тцє́въ, и҆ предпра́зднства, глаго́лемъ премѣнѧ́юще. На лїтꙋргі́и, бл҃жє́нна ѿ канѡ́на ѻ҆тцє́въ, пѣ́снь г҃, на д҃, и҆ предпра́зднства пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ ѻ҆тцє́въ, и҆ предпра́зднства. Сла́ва, конда́къ ѻ҆тцє́въ: И҆ ны́нѣ, предпра́зднства. Прокі́менъ, пѣ́снь ѻ҆тцє́въ, гла́съ д҃: Бл҃гослове́нъ є҆сѝ гдⷭ҇и бж҃е ѻ҆тє́цъ на́шихъ: Сті́хъ: Ꙗ҆́кѡ пра́веденъ є҆сѝ ѡ҆ всѣ́хъ: А҆по́столъ ко є҆вре́ємъ, зача́ло тк҃и: Вѣ́рою прїи́де: А҆ллилꙋ́їа, гла́съ д҃: Бж҃е ᲂу҆ши́ма на́шима: Є҆ѵⷢ҇лїе матѳе́а, зача́ло а҃: Кни́га родства̀ і҆и҃са хрⷭ҇та̀: Рѧ́дъ же недѣ́ли ѡ҆ставлѧ́етсѧ. Прича́стенъ: Хвали́те гдⷭ҇а: Дрꙋгі́й: Ра́дꙋйтесѧ:

[зрѝ][[комм.]] Подоба́етъ вѣ́дати ѡ҆ часѣ́хъ въ на́вечерїи ржⷭ҇тва̀ хрⷭ҇то́ва.

А҆́ще слꙋчи́тсѧ ржⷭ҇тво̀ хрⷭ҇то́во въ недѣ́лю, и҆лѝ въ понедѣ́льникъ, часы̀ пое́мъ пре́жде въ пѧто́къ. А҆́ще ли ржⷭ҇тво̀ хрⷭ҇то́во во вто́рникъ, въ сре́дꙋ, въ четверто́къ, въ пѧто́къ и҆ въ сꙋббѡ́тꙋ, часы̀ пое́мъ въ на́вечерїи.

Послѣ́дованїе часѡ́въ пѣва́емыхъ въ на́вечерїи ржⷭ҇тва̀ хрⷭ҇то́ва.

Въ нача́лѣ втора́гѡ часа̀ зна́менꙋетъ въ кампа́нъ. И҆ <<рѯ҃и ѡ҆б.: 336>> собра́вшымсѧ во хра́мъ, ѡ҆блачи́тсѧ і҆ере́й въ фелѡ́нь, дїа́конъ же въ стїха́рь. И҆ поставлѧ́етъ параекклисїа́рхъ а҆нало́гїй ᲂу҆кра́шенъ прѧ́мѡ ца́рскихъ вра́тъ, и҆ вжига́етъ свѣщꙋ̀ на свѣ́щницѣ. І҆ере́й же и҆схо́дитъ со є҆ѵⷢ҇лїемъ во хра́мъ, и҆лѝ въ трапе́зꙋ, ца́рскими враты̀, предходѧ́щꙋ є҆мꙋ̀ дїа́конꙋ съ кади́ломъ: и҆ полага́етъ і҆ере́й ст҃о́е є҆ѵⷢ҇лїе на а҆нало́гѣ, и҆ ста́въ пред̾ а҆нало́гомъ, твори́тъ нача́ло по ѻ҆бы́чаю. И҆ по нача́лѣ чте́цъ: Сла́ва тебѣ̀ бж҃е на́шъ, сла́ва тебѣ̀: и҆ Цр҃ю̀ нбⷭ҇ный, и҆ прѡ́чаѧ. И҆ по возгла́сѣ, кади́тъ сщ҃е́нникъ ст҃о́е є҆ѵⷢ҇лїе на а҆нало́гїи, ѻ҆́крестъ, и҆ про́чыѧ і҆кѡ́ны, и҆ хра́мъ ве́сь, и҆ настоѧ́телѧ, и҆ бра́тїю. Чте́цъ же чте́тъ ѱало́мъ є҃: Глаго́лы моѧ̑ внꙋшѝ гдⷭ҇и: и҆ м҃д: Ѿры́гнꙋ се́рдце моѐ: и҆ м҃є: Бг҃ъ на́мъ прибѣ́жище: Сла́ва, и҆ ны́нѣ, А҆ллилꙋ́їа, три́жды. Гдⷭ҇и поми́лꙋй, три́жды. Сла́ва, тропа́рь предпра́зднства: Написова́шесѧ и҆ногда̀: И҆ ны́нѣ: Что́ тѧ нарече́мъ: Та́же тропарѝ пое́мъ по два́жды, творе́нїе сѡфро́нїево, гла́съ и҃: Виѳлее́ме ᲂу҆гото́висѧ: И҆ в҃-й ли́къ, то́йже тропа́рь без̾ припѣ́ва. И҆ па́ки а҃-й ли́къ, припѣ́въ: Бг҃ъ ѿ ю҆́га прїи́детъ: Та́же тропа́рь, гла́съ г҃: Ны́нѣ прⷪ҇ро́ческое: И҆ в҃-й ли́къ, припѣ́въ: Гдⷭ҇и, ᲂу҆слы́шахъ слꙋ́хъ тво́й: И҆ пое́мъ то́йже тропа́рь. И҆ па́ки а҃ ли́къ: Сла́ва, гла́съ и҃: Сїѧ̑ глаго́летъ і҆ѡ́сифъ: И҆ ны́нѣ, то́йже тропа́рь. Та́же прокі́менъ, гла́съ д҃: Гдⷭ҇ь речѐ ко мнѣ̀: сн҃ъ мо́й є҆сѝ ты̀, а҆́зъ дне́сь роди́хъ тѧ̀. Сті́хъ: Просѝ ѿ менѐ: Та́же паремїа̀: Прⷪ҇ро́чества мїхе́ина [глⷡ҇а є҃] : Сїѧ̑ глаго́летъ гдⷭ҇ь: А҆по́столъ ко є҆вре́ємъ, зача́ло т҃г: Многоча́стнѣ: Є҆ѵⷢ҇лїе матѳе́а, зача́ло в҃: І҆и҃съ хрⷭ҇то́во: Та́же: Стѡпы̀ моѧ̑ напра́ви: Трист҃о́е: по Ѻ҆́ч҃е на́шъ, конда́къ: Дв҃а дне́сь: Гдⷭ҇и поми́лꙋй м҃. и҆ мл҃тва: И҆́же на всѧ́кое вре́мѧ: <<рѯ҃ѳ: 337>> По Чⷭ҇тнѣ́йшꙋю херꙋві̑мъ: і҆ере́й: Бж҃е ᲂу҆ще́дри ны̀: Та́же мл҃тва: хрⷭ҇тѐ свѣ́те: Та́же пое́мъ ча́съ г҃-й: Прїиди́те поклони́мсѧ: три́жды. ѱало́мъ ѯ҃ѕ: Бж҃е ᲂу҆ще́дри ны̀: Ѱало́мъ п҃ѕ: Ѡ҆снова̑нїѧ є҆гѡ̀: ѱало́мъ н҃: Поми́лꙋй мѧ̀ бж҃е: Сла́ва, и҆ ны́нѣ, А҆ллилꙋ́їа, три́жды: Гдⷭ҇и поми́лꙋй, три́жды. Сла́ва, тропа́рь, предпра́зднства: Написова́шесѧ: И҆ ны́нѣ: Бцⷣе, ты̀ є҆сѝ лоза̀: Та́же тропа́рь, гла́съ ѕ҃, без̾ припѣ́ва: Се́й бг҃ъ на́шъ: и҆ в҃-й ли́къ, то́йже тропа́рь без̾ припѣ́ва. И҆ па́ки а҃-й ли́къ, припѣ́въ: Бг҃ъ ѿ ю҆́га: И҆ тропа́рь, гла́съ и҃: Пре́жде ржⷭ҇тва̀: И҆ в҃-й ли́къ, припѣ́въ: Гдⷭ҇и, ᲂу҆слы́шахъ: И҆ па́ки то́йже тропа́рь. Та́же: Сла́ва, гла́съ г҃: І҆ѡ́сифе, рцы̀ на́мъ: И҆ ны́нѣ, то́йже. Посе́мъ: прокі́менъ, гла́съ д҃: Ѻ҆троча̀ роди́сѧ на́мъ, сн҃ъ, и҆ даде́сѧ на́мъ. Сті́хъ: Є҆гѡ́же нача́льство бы́сть на ра́мѣ є҆гѡ̀. Та́же паремїа̀: Прⷪ҇ро́чества і҆еремі́ина [глⷡ҇а г҃] Се́й бг҃ъ на́шъ: Та́же, а҆по́столъ къ гала́тѡмъ, зача́ло с҃и: Пре́жде прише́ствїѧ вѣ́ры: Є҆ѵⷢ҇лїе лꙋкѝ, зача́ло є҃: Во дне́хъ ѻ҆́нѣхъ, и҆зы́де повелѣ́нїе: Посе́мъ: Гдⷭ҇ь бг҃ъ бл҃гослове́нъ: По Ѻ҆́ч҃е на́шъ, конда́къ: Дв҃а дне́сь: Гдⷭ҇и поми́лꙋй, м҃. и҆ мл҃тва. По Чⷭ҇тнѣ́йшꙋю, і҆ере́й: Мл҃твами ст҃ы́хъ ѻ҆тє́цъ: Та́же мл҃тва: Влⷣко бж҃е ѻ҆́ч҃е: [зрѝ] На г҃-мъ, и҆ ѕ҃-мъ часѣ̀ кади́тъ дїа́конъ є҆ѵⷢ҇лїе, и҆ і҆кѡ́ны, и҆ настоѧ́телѧ, и҆ ли́ки то́кмѡ. Посе́мъ глаго́лемъ ча́съ ѕ҃-й: Прїиди́те поклони́мсѧ: три́жды. ѱало́мъ ѻ҃а: Бж҃е, сꙋ́дъ тво́й царе́ви: ѱало́мъ рл҃а: Помѧнѝ гдⷭ҇и дв҃да: ѱало́мъ ч҃: Живы́й въ по́мощи: Сла́ва, и҆ ны́нѣ, А҆ллилꙋ́їа, три́жды. Гдⷭ҇и поми́лꙋй, три́жды. Сла́ва, тропа́рь: Написова́шесѧ и҆ногда̀: И҆ ны́нѣ, бг҃оро́диченъ: Ꙗ҆́кѡ не и҆́мамы: Та́же тропа́рь, гла́съ а҃, без̾ припѣ́ва. Прїиди́те вѣ́рнїи: И҆ в҃-й ли́къ то́йже тропа́рь. И҆ па́ки а҃-й ли́къ, припѣ́въ: <<рѯ҃ѳ ѡ҆б.: 338>> Бг҃ъ ѿ ю҆́га прїи́детъ: Тропа́рь, гла́съ д҃: Слы́ши нб҃о: И҆ в҃-й ли́къ, припѣ́въ: Гдⷭ҇и ᲂу҆слы́шахъ: И҆ па́ки то́йже тропа́рь. Та́же: Сла́ва, гла́съ є҃: Прїиди́те хрⷭ҇тоно́снїи лю́дїе: И҆ ны́нѣ, то́йже. Посе́мъ прокі́менъ, гла́съ д҃: И҆з̾ чре́ва пре́жде денни́цы: Сті́хъ: Речѐ гдⷭ҇ь гдⷭ҇еви моемꙋ̀: Та́же паремїа̀: Прⷪ҇ро́чества и҆са́їина [глⷡ҇а з҃] : Приложѝ гдⷭ҇ь глаго́лати ко а҆ха́зꙋ: Та́же а҆по́столъ ко є҆вре́ємъ, зача́ло т҃д: Въ нача́лѣ ты̀ гдⷭ҇и зе́млю ѡ҆снова́лъ є҆сѝ: Є҆ѵⷢ҇лїе матѳе́а, зача́ло г҃: І҆и҃сꙋ ро́ждшꙋсѧ: Посе́мъ: Ско́рѡ да предварѧ́тъ ны̀: По Ѻ҆́ч҃е на́шъ, конда́къ: Дв҃а дне́сь: Гдⷭ҇и поми́лꙋй, м҃. и҆ мл҃тва. По Чⷭ҇тнѣ́йшꙋю херꙋві̑мъ: і҆ере́й: Мл҃твами ст҃ы́хъ ѻ҆тє́цъ: Та́же мл҃тва васі́лїа вели́кагѡ: Бж҃е и҆ гдⷭ҇и си́лъ: Та́же, ча́съ ѳ҃: Прїиди́те поклони́мсѧ: три́жды. ѱало́мъ р҃ѳ: Речѐ гдⷭ҇ь гдⷭ҇еви моемꙋ̀: ѱало́мъ р҃і: И҆сповѣ́мсѧ тебѣ̀ гдⷭ҇и всѣ́мъ се́рдцемъ: ѱало́мъ п҃є: Приклонѝ гдⷭ҇и ᲂу҆́хо твоѐ: Сла́ва, и҆ ны́нѣ, А҆ллилꙋ́їа, три́жды. Гдⷭ҇и поми́лꙋй, три́жды. Сла́ва, тропа́рь предпра́зднства: Написова́шесѧ и҆ногда̀: И҆ ны́нѣ: И҆́же на́съ ра́ди: Та́же тропа́рь, гла́съ з҃, без̾ припѣ́ва: Оу҆дивлѧ́шесѧ и҆́рѡдъ: И҆ в҃-й ли́къ то́йже тропа́рь без̾ припѣ́ва. И҆ па́ки а҃-й ли́къ, припѣ́въ: Бг҃ъ ѿ ю҆́га прїи́детъ: И҆ тропа́рь, гла́съ в҃: Є҆гда̀ і҆ѡ́сифъ дв҃о: И҆ в҃-й ли́къ, припѣ́въ: Гдⷭ҇и ᲂу҆слы́шахъ: И҆ па́ки то́йже тропа́рь. Та́же ста́въ средѝ це́ркве дїа́конъ чте́тъ велегла́снѡ стїхи́рꙋ сїю̀: Дне́сь ражда́етсѧ ѿ дв҃ы: И҆ пото́мъ сла́витъ і҆мпера́тора и҆ сѷно́дъ, и҆ настоѧ́телѧ по ѻ҆бы́чаю велегла́снѡ. Послѣди́ же, совокꙋ́пльшесѧ ѻ҆́ба ли̑ка пою́тъ: Сла́ва, и҆ ны́нѣ, тꙋ́южде стїхи́рꙋ, Посе́мъ прокі́менъ: гла́съ д҃: Ма́ти сїѡ́нъ рече́тъ человѣ́къ: Сті́хъ: Ѡ҆снова̑нїѧ є҆гѡ̀: Та́же, паремїа̀: Прⷪ҇ро́чества и҆са́їина [глⷡ҇а ѳ҃] : Ѻ҆троча̀ роди́сѧ на́мъ: Та́же а҆по́столъ ко є҆вре́ємъ, зача́ло т҃ѕ: Ст҃ѧ́й <<р҃ѻ: 339>> и҆ ѡ҆сщ҃а́емїи: Є҆ѵⷢ҇лїе матѳе́а, зача́ло д҃: Ѿше́дшымъ волхвѡ́мъ: Посе́мъ: Не преда́ждь на́съ: По Ѻ҆́ч҃е на́шъ, конда́къ: Дв҃а дне́сь: Гдⷭ҇и поми́лꙋй м҃. и҆ мл҃тва. По Чⷭ҇тнѣ́йшꙋю херꙋві̑мъ: і҆ере́й: Мл҃твами ст҃ы́хъ ѻ҆тє́цъ: Та́же мл҃тва васі́лїа вели́кагѡ: Влⷣко гдⷭ҇и і҆и҃се хрⷭ҇тѐ: [зрѝ] [На ѳ҃-мъ часѣ̀ кади́тъ ве́сь хра́мъ, ꙗ҆́коже на а҃-мъ.] И҆ Бл҃гословѝ дꙋшѐ моѧ̀ гдⷭ҇а: Сла́ва: Хвалѝ дꙋшѐ моѧ̀ гдⷭ҇а: И҆ ны́нѣ: Є҆диноро́дный сн҃е: И҆ Во црⷭ҇твїи твое́мъ помѧнѝ на́съ гдⷭ҇и: Сла́ва, и҆ ны́нѣ: Помѧнѝ на́съ гдⷭ҇и: Ѡ҆сла́би, ѡ҆ста́ви: По Ѻ҆́ч҃е на́шъ, конда́къ: Дв҃а дне́сь превѣ́чное сло́во: Гдⷭ҇и поми́лꙋй, м҃. и҆ мл҃тва: Всест҃а́ѧ трⷪ҇це: Та́же, Досто́йно є҆́сть: и҆ ѿпꙋ́стъ. и҆ быва́етъ росхо́дъ, до часа̀ вече́рнѧгѡ. Вече́рнѧ же быва́етъ съ лїтꙋргі́ею васі́лїа вели́кагѡ во своѐ вре́мѧ.

[зрѝ] Подоба́етъ вѣ́дати: А҆́ще въ сꙋббѡ́тꙋ, и҆лѝ въ недѣ́лю бꙋ́детъ на́вечерїе, лїтꙋргі́а златоꙋ́стова пое́тсѧ: вели́кагѡ же васі́лїа лїтꙋргі́а пое́тсѧ на са́мый пра́здникъ. Та́кожде твори́мъ и҆ на пра́здникъ ст҃ы́хъ бг҃оѧвле́нїй. Блюдѝ, ꙗ҆́кѡ є҆гда̀ нѣ́сть сꙋббѡ́ты, и҆лѝ недѣ́ли въ на́вечерїе, тогда̀ быва́етъ лїтꙋргі́а васі́лїа вели́кагѡ: а҆ въ де́нь пра́здника Си́це же и҆ въ пра́здникъ бг҃оѧвле́нїй.

Вѣ́домо же бꙋ́ди: А҆́ще слꙋчи́тсѧ ржⷭ҇тво̀ хрⷭ҇то́во и҆лѝ бг҃оѧвле́нїе въ недѣ́лю, воскрⷭ҇но ничто́же пое́мъ.

к҃є. Є҆́же по пло́ти ржⷭ҇тво̀ гдⷭ҇а бг҃а и҆ сп҃са на́шегѡ і҆и҃са хрⷭ҇та̀: И҆ воспомина́нїе и҆збавле́нїѧ цр҃кве и҆ держа́вы рѡссі́йскїѧ ѿ наше́ствїѧ га́ллѡвъ, и҆ съ ни́ми два́десѧти ꙗ҆зы̑къ.

<<р҃ѻ ѡ҆б.: 340>>

При часѣ̀ з҃-мъ днѐ, ᲂу҆дарѧ́етъ въ вели́кїй кампа́нъ, и҆ во всѧ̑ тѧ̑жкаѧ: и҆ собра́вшымсѧ во хра́мъ, начина́емъ вече́рню, по ѻ҆бы́чаю. Дїа́конъ глаго́летъ: Бл҃гословѝ влⷣко. І҆ере́й: Бл҃гослове́но црⷭ҇тво ѻ҆ц҃а̀ и҆ сн҃а, и҆ ст҃а́гѡ дх҃а: И҆ по а҆ми́нѣ, предстоѧ́тель: Цр҃ю̀ нбⷭ҇ный: трист҃о́е. и҆ по Ѻ҆́ч҃е на́шъ, гдⷭ҇и поми́лꙋй, в҃і. Сла́ва, и҆ ны́нѣ: Прїиди́те поклони́мсѧ: три́жды. ѱало́мъ, Бл҃гословѝ дꙋшѐ моѧ̀ гдⷭ҇а: Посе́мъ дїа́конъ глаго́летъ є҆ктенїю̀ вели́кꙋю. А҆́ще же въ сꙋббѡ́тꙋ ве́чера, пое́мъ: Бл҃же́нъ мꙋ́жъ: каѳі́смꙋ ве́чера, пое́мъ а҃-й а҆нтїфѡ́нъ. А҆́ще ли и҆́нъ де́нь, стїхоло́гїа не быва́етъ. но по є҆ктєнїѝ а҆́бїе пое́мъ: Гдⷭ҇и воззва́хъ къ тебѣ̀: на гла́съ в҃: і҆ере́й же твори́тъ проскомі́дїю. та́же дїа́конъ кади́тъ хра́мъ по ѻ҆бы́чаю. Ли́кове же пою́тъ стїхи̑ры пра́здника, на и҃, гла́съ в҃. Самогла́сны: Прїиди́те возра́дꙋемсѧ: Сла́ва, и҆ ны́нѣ, гла́съ то́йже: А҆́ѵгꙋстꙋ є҆динонача́льствꙋющꙋ на землѝ: И҆ быва́етъ вхо́дъ со є҆ѵⷢ҇лїемъ. Свѣ́те ти́хїй: Прокі́менъ днѐ. А҆́ще же въ пѧто́къ ве́чера, пое́мъ прокі́менъ вели́кїй: Кто̀ бг҃ъ ве́лїй: со стїхѝ є҆гѡ̀. И҆ чтє́нїѧ пра́здника, по чи́нꙋ и҆́хъ. Посредѝ чте́нїѧ, тропа́рь со стїхѝ є҆гѡ̀, пое́мъ на ѻ҆́ба ли̑ка. По сконча́нїи же чте́нїѧ, є҆ктенїа̀ ма́лаѧ, и҆ возгла́съ: Ꙗ҆́кѡ ст҃ъ є҆сѝ бж҃е на́шъ: и҆ по возгла́сѣ, трист҃о́е. Та́же прокі́менъ, гла́съ а҃: Гдⷭ҇ь речѐ ко мнѣ̀: сн҃ъ мо́й є҆сѝ ты̀, а҆́зъ дне́сь роди́хъ тѧ̀. Сті́хъ: Просѝ ѿ менѐ, и҆ да́мъ тѝ ꙗ҆зы́ки достоѧ́нїе твоѐ. А҆по́столъ ко є҆вре́ємъ, зача́ло т҃г: Многоча́стнѣ и҆ многоѡбра́знѣ: А҆ллилꙋ́їа, гла́съ є҃: Речѐ гдⷭ҇ь гдⷭ҇еви моемꙋ̀: Сті́хъ: Же́злъ си́лы по́слетъ тѝ гдⷭ҇ь ѿ сїѡ́на: Сті́хъ: И҆з̾ чре́ва пре́жде денни́цы роди́хъ тѧ̀: Є҆ѵⷢ҇лїе лꙋкѝ, зача́ло є҃: И҆зы́де <<рѻ҃а: 341>> повелѣ́нїе ѿ ке́сарѧ а҆́ѵгꙋста: И҆ по рѧ́дꙋ бж҃е́ственнаѧ лїтꙋргі́а вели́кагѡ васі́лїа. [зрѝ] За досто́йно, пое́мъ: Ѡ҆ тебѣ̀ ра́дꙋетсѧ: Прича́стенъ є҆ди́нъ: Хвали́те гдⷭ҇а съ нб҃съ: А҆ллилꙋ́їа, три́жды. По ѿпꙋ́стѣ же вжига́етъ параекклисїа́рхъ свѣ́щникъ, и҆ поставлѧ́етъ є҆го̀ средѝ цр҃кве. Кли́рїцы же ста́вше ѻ҆́ба ли̑ка вкꙋ́пѣ, пою́тъ возгла́снѡ:

Тропа́рь пра́здника, гла́съ д҃:

Ржⷭ҇тво̀ твоѐ хрⷭ҇тѐ бж҃е на́шъ, возсїѧ̀ мі́рови свѣ́тъ ра́зꙋма: въ не́мъ бо ѕвѣзда́мъ слꙋжа́щїи ѕвѣздо́ю ᲂу҆ча́хꙋсѧ, тебѣ̀ кла́нѧтисѧ сл҃нцꙋ пра́вды, и҆ тебѐ вѣ́дѣти съ высоты̀ восто́ка: гдⷭ҇и сла́ва тебѣ̀.

Сла́ва, и҆ ны́нѣ, конда́къ, гла́съ г҃:

Дв҃а дне́сь пресꙋ́щественнаго ражда́етъ, и҆ землѧ̀ верте́пъ непристꙋ́пномꙋ прино́ситъ, а҆́гг҃ли съ па́стырьми славосло́вѧтъ, волсви́ же со ѕвѣздо́ю пꙋтеше́ствꙋютъ: на́съ бо ра́ди роди́сѧ ѻ҆троча̀ мла́до, превѣ́чный бг҃ъ.

И҆ вхо́димъ въ трапе́зꙋ, и҆ ꙗ҆ди́мъ варе́нїе со є҆ле́емъ, ры́бы же не ꙗ҆ди́мъ. Вїно́ же пїе́мъ, бл҃годарѧ́ще бг҃а.

[зрѝ] Вѣ́стно бꙋ́ди: А҆́ще слꙋчи́тсѧ на́вечерїе хрⷭ҇то́ва ржⷭ҇тва̀ въ сꙋббѡ́тꙋ и҆лѝ недѣ́лю, по́стъ не быва́етъ, и҆ тропарѝ црⷭ҇кихъ часѡ́въ со чте́нїѧми въ сꙋббѡ́тꙋ и҆ въ недѣ́лю не пою́тсѧ: но пое́мъ часы̀ црⷭ҇кїѧ пре́жде въ пѧто́къ, по ѻ҆бы́чаю, ꙗ҆́коже ᲂу҆каза́сѧ на рѧдꙋ̀. Глаго́лемъ же Вѣ́рꙋю во є҆ди́наго бг҃а: и҆ ѱало́мъ л҃г, Бл҃гословлю̀ гдⷭ҇а: и҆ ѿпꙋ́стъ. Лїтꙋргі́а же въ то́й де́нь не быва́етъ: но пое́мъ вече́рню во своѐ вре́мѧ. Въ сꙋббѡ́тꙋ же и҆ недѣ́лю лїтꙋргі́а быва́етъ во своѐ вре́мѧ златоꙋ́стагѡ. По ѿпꙋще́нїи же снѣда́емъ по ᲂу҆ло́мкꙋ хлѣ́ба, и҆ ѿ вїна̀ вкꙋша́емъ ма́лѡ, и҆ ѿхо́димъ въ кє́ллїи своѧ̑. При часѣ́ же з҃-мъ днѐ начина́емъ вече́рню. А҆́ще ли въ сꙋббѡ́тꙋ ве́чера, пое́мъ, Бл҃же́нъ мꙋ́жъ: каѳі́смꙋ всю̀. А҆́ще ли въ <<рѻ҃а ѡ҆б.: 342>> недѣ́лю ве́чера. а҃-й а҆нтїфѡ́нъ. Посе́мъ на Гдⷭ҇и воззва́хъ. пое́мъ стїхи̑ры на и҃, гла́съ в҃. Самогла́сны: Прїиди́те возра́дꙋемсѧ: И҆ прѡ́чаѧ. Сла́ва, и҆ ны́нѣ, гла́съ то́йже: А҆́ѵгꙋстꙋ є҆динонача́льствꙋющꙋ на землѝ: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ днѐ. А҆́ще въ сꙋббѡ́тꙋ ве́чера, пое́мъ прокі́менъ: Гдⷭ҇ь воцр҃и́сѧ: И҆ чтє́нїѧ по чи́нꙋ и҆́хъ. По сконча́нїи чте́нїѧ трист҃о́е не пое́мъ, но быва́етъ по паремїа́хъ є҆ктенїа̀ ма́лаѧ, и҆ по возгла́сѣ, прокі́менъ, гла́съ а҃: Гдⷭ҇ь речѐ ко мнѣ̀: сн҃ъ мо́й є҆сѝ ты̀: Сті́хъ: Просѝ ѿ менѐ: А҆по́столъ къ гала́тѡмъ, зача́ло с҃з: По человѣ́кꙋ глаго́лю: А҆ллилꙋ́їа, гла́съ є҃: Речѐ гдⷭ҇ь гдⷭ҇еви моемꙋ̀: Сті́хъ: Же́злъ си́лы по́слетъ тѝ гдⷭ҇ь: Сті́хъ: И҆з̾ чре́ва пре́жде денни́цы роди́хъ тѧ̀: Є҆ѵⷢ҇лїе матѳе́а, зача́ло н҃г: Подо́бно є҆́сть црⷭ҇твїе нбⷭ҇ное зе́рнꙋ горꙋ́шичнꙋ: Посе́мъ є҆ктенїа̀: Рце́мъ всѝ: Та́же, Сподо́би гдⷭ҇и: и҆, И҆спо́лнимъ вече́рнюю: и҆ возгла́съ. И҆ посе́мъ дїа́конъ глаго́летъ: Премꙋ́дрость. Ли́къ: Бл҃гословѝ. и҆ прѡ́чаѧ по ѻ҆бы́чаю, и҆ ѿпꙋ́стъ. По ѿпꙋ́стѣ же вжига́емъ свѣ́щникъ средѝ це́ркве, и҆ ста́вше ѻ҆́ба ли̑ка вкꙋ́пѣ, пою́тъ тропа́рь пра́здника. Сла́ва и҆ ны́нѣ, конда́къ. И҆ вхо́димъ въ трапе́зꙋ и҆ ꙗ҆ди́мъ соверше́ннѡ: ры́бы же не ꙗ҆ди́мъ, но со древѧнома́слїемъ, и҆ со́чиво ѡ҆бварено̀, и҆лѝ кꙋтїю̀ съ ме́домъ: и҆спива́емъ же и҆ вїна̀ въ сла́вꙋ бж҃їю: въ неимꙋ́щихъ же страна́хъ пїе́мъ пи́во. предлага́етсѧ же и҆ чте́нїе: Поꙋче́нїе кѷрі́лла а҆рхїепⷭ҇кпа і҆ерⷭ҇ли́мскагѡ, є҆мꙋ́же нача́ло: Ꙗ҆́коже ᲂу҆́бѡ во і҆и҃са хрⷭ҇та̀ надѣ́емсѧ:

[зрѝ] Вѣ́дати подоба́етъ ꙗ҆́кѡ пра́здникъ ржⷭ҇тва̀ хрⷭ҇то́ва въ кі́й де́нь ни слꙋчи́тсѧ, пое́тсѧ повече́рїе вели́кое си́це:

Ѡ҆ часѣ̀ і҃-мъ нѡ́щи быва́етъ бла́говѣстъ, и҆ пото́мъ трезво́нъ во всѧ̑ кампа́ны: і҆ере́й же со дїа́кономъ ѡ҆бо́лксѧ творѧ́тъ нача́ло, ꙗ҆́коже во всѧ̑ пра́здники влⷣчни. Дїа́конъ <<рѻ҃в: 343>> глаго́летъ: Бл҃гословѝ влⷣко. І҆ере́й: Бл҃гослове́нъ бг҃ъ на́шъ: и҆ кадѧ́щꙋ і҆ере́ю, глаго́лемъ повече́рїе вели́кое ѿ нача́ла: Сла́ва тебѣ̀ бж҃е на́шъ, сла́ва тебѣ̀. Цр҃ю̀ нбⷭ҇ный: Трист҃о́е, и҆ про́чее. Съ на́ми бг҃ъ: пое́мъ съ пѣ́нїемъ. И҆ вмѣ́стѡ тропаре́й ѻ҆бы́чныхъ: Просвѣтѝ ѻ҆́чи моѝ: глаго́лемъ тропа́рь пра́здника. И҆ вмѣ́стѡ, Поми́лꙋй на́съ гдⷭ҇и, поми́лꙋй на́съ: глаго́лемъ конда́къ пра́здника. По Сла́ва въ вы́шнихъ, быва́етъ лїті́а по ѻ҆бы́чаю. и҆ пое́мъ на лїті́и стїхи̑ры самогла́сны, гла́съ а҃: Нб҃о и҆ землѧ̀ дне́сь: Сла́ва, гла́съ є҃: Волсвѝ персі́дстїи: И҆ ны́нѣ, гла́съ ѕ҃: Ликꙋ́ютъ а҆́гг҃ли: Та́же глаго́летъ і҆ере́й мл҃твы ѻ҆бы̑чныѧ бдѣ́нїѧ. И҆ па́ки вше́дше во хра́мъ, пое́мъ на стїхо́внѣ стїхи̑ры, гла́съ в҃: Ве́лїе и҆ пресла́вное чꙋ́до: Припѣ́въ: И҆з̾ чре́ва пре́жде денни́цы: в҃, Речѐ гдⷭ҇ь гдⷭ҇еви моемꙋ̀: Припѣва́емъ же си́ми припѣ́вы и҆ до ѿда́нїѧ пра́здника. Сла́ва, гла́съ д҃. Самогла́сенъ: Весели́сѧ і҆ерꙋсали́ме: И҆ ны́нѣ, гла́съ то́йже: Въ верте́пъ всели́лсѧ є҆сѝ: На бл҃гослове́нїи хлѣ́бѡвъ тропа́рь, гла́съ д҃: Ржⷭ҇тво̀ твоѐ хрⷭ҇тѐ бж҃е на́шъ: три́жды. пи́санъ въ на́вечерїи по лїтꙋргі́и. Та́же, Бꙋ́ди и҆́мѧ гдⷭ҇не: три́жды. ѱало́мъ л҃г: Бл҃гословлю̀ гдⷭ҇а: и҆ чте́нїе въ толкова́нїи, є҆́же ѿ матѳе́а, сло́во д҃. На ᲂу҆́трени, по шестоѱа́лмїи, на Бг҃ъ гдⷭ҇ь, тропа́рь пра́здника три́жды, и҆ ѻ҆бы̑чныѧ каѳі̑смы. По а҃-й каѳі́смѣ сѣда́ленъ пра́здника, гла́съ а҃. Подо́бенъ: Гро́бъ тво́й: Во ꙗ҆́слѣхъ на́съ ра́ди: Сла́ва, и҆ ны́нѣ, то́йже. и҆ чте́нїе въ толково́мъ є҆ѵⷢ҇лїи златоꙋ́стагѡ, є҆́же ѿ матѳе́а, ѡ҆ пра́здникѣ. По в҃-й каѳі́смѣ сѣда́ленъ, гла́съ г҃. Подо́бенъ: Красотѣ̀: Превѣ́чнагѡ: Сла́ва, и҆ ны́нѣ, то́йже. и҆ чте́мъ въ толково́мъ златоꙋ́стагѡ. По чте́нїи же даю́тсѧ свѣщы̀ бра́тїѧмъ. По полѷеле́и сѣда́ленъ, гла́съ д҃. <<рѻ҃в ѡ҆б.: 344>> Подо́бенъ: Оу҆диви́сѧ і҆ѡ́сифъ: Прїиди́те, ви́димъ вѣ́рнїи: Сла́ва, и҆ ны́нѣ, то́йже. И҆ чте́мъ сло́во григо́рїа бг҃осло́ва, є҆гѡ́же нача́ло: Хрⷭ҇то́съ ражда́етсѧ: Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ то́йже: И҆з̾ чре́ва пре́жде денни́цы: Сті́хъ: Речѐ гдⷭ҇ь гдⷭ҇еви моемꙋ̀: Всѧ́кое дыха́нїе: Є҆ѵⷢ҇лїе матѳе́а, зача́ло в҃: І҆и҃съ хрⷭ҇то́во ржⷭ҇тво̀: По н҃-мъ ѱалмѣ̀, вмѣ́стѡ Мл҃твами, Сла́ва: Всѧ́чєскаѧ дне́сь ра́дости и҆сполнѧ́ютсѧ, хрⷭ҇то́съ роди́сѧ ѿ дв҃ы. И҆ ны́нѣ, то́йже сті́хъ: коне́цъ, Хрⷭ҇то́съ роди́сѧ въ виѳлее́мѣ. Поми́лꙋй мѧ̀ бж҃е: Стїхи́ра, гла́съ ѕ҃: Сла́ва въ вы́шнихъ бг҃ꙋ: Канѡ́на два̀: Є҆ди́нъ пе́рвагѡ гла́са: творе́нїе кѵ́ръ космы̀, со і҆рмосо́мъ на и҃: Дрꙋгі́й кѵ́ръ і҆ѡа́нна, со і҆рмосо́мъ, на и҃ же. Послѣдѝ і҆рмосы̀ ѻ҆бою̀ канѡ́нѡвъ, кі́йждо ли́къ сво́й і҆рмо́съ.

По г҃-й пѣ́сни ѵ҆пакоѝ, гла́съ и҃:

Нача́токъ ꙗ҆зы́кѡвъ, и҆́бо тебѣ̀ принесѐ, лежа́щемꙋ младе́нцꙋ во ꙗ҆́слехъ, ѕвѣздо́ю волхвы̀ призва́вый, ꙗ҆̀же и҆ ᲂу҆жаса́ше, не ски́птры и҆ прⷭ҇то́ли, но послѣ́днѧѧ нищета̀. что́ бо хꙋ́ждшее верте́па; что́ же смире́ншее пеле́нъ, въ ни́хже просїѧ̀ бжⷭ҇тва̀ твоегѡ̀ бога́тство; гдⷭ҇и сла́ва тебѣ̀.

И҆ чте́нїе. По ѕ҃-й пѣ́сни, конда́къ, гла́съ г҃: Дв҃а дне́сь пресꙋ́щественнаго ражда́етъ: пи́санъ въ на́вечерїи по лїтꙋргі́и. И҆ і҆́косъ, и҆ чте́мъ про́логъ. На ѳ҃-й пѣ́сни вжига́ютъ свѣщы̀ бра́тїѧ. Чⷭ҇тнѣ́йшꙋю не пое́мъ, но пое́мъ припѣ́въ пра́здника: Велича́й дꙋшѐ моѧ̀: и҆ і҆рмо́съ: Та́инство: Посе́мъ в҃-й ли́къ пое́тъ та́кожде припѣ́въ и҆ і҆рмо́съ: Та́кожде припѣ́вы пою́тъ и҆ къ тропарє́мъ а҃-гѡ канѡ́на. Посе́мъ а҃-й ли́къ пое́тъ в҃-гѡ канѡ́на припѣ́въ, и҆ і҆рмо́съ: Люби́ти ᲂу҆́бѡ на́мъ: И҆ в҃-й ли́къ подо́бнѣ пое́тъ та́кожде припѣ́въ, и҆ і҆рмо́съ: и҆ къ тропарє́мъ <<рѻ҃г: 345>> в҃-гѡ канѡ́на та́кожде припѣ́въ: и҆ послѣдѝ на схо́дѣ пою́тъ припѣ́въ а҃-й и҆ і҆рмо́съ. та́же в҃-й припѣ́въ и҆ і҆рмо́съ. Свѣти́ленъ пра́здника три́жды. На хвали́техъ стїхи̑ры, гла́съ самогла́сны, на д҃: Весели́тесѧ првⷣнїи: Сла́ва, гла́съ ѕ҃: Є҆гда̀ вре́мѧ: И҆ ны́нѣ, гла́съ в҃-й: Дне́сь хрⷭ҇то́съ въ виѳлее́мѣ: Славосло́вїе вели́кое. По трист҃о́мъ тропа́рь пра́здника. Є҆ктєнїѝ, и҆ ѿпꙋ́стъ. и҆ зна́менꙋетъ и҆гꙋ́менъ ст҃ы́мъ є҆ле́емъ бра́тїю ѿ ст҃а́гѡ канди́ла, є҆́же пред̾ пра́здничною і҆кѡ́ною, пою́щымъ на́мъ стїхи́рꙋ самогла́снꙋ пра́здника, и҆ ча́съ а҃-й. На а҃-мъ часѣ̀, тропа́рь пра́здника. По трист҃о́мъ конда́къ пра́здника, и҆ про́чее, и҆ соверше́нный ѿпꙋ́стъ. Въ се́й де́нь быва́етъ лїтꙋргі́а пора́нꙋ, трꙋда̀ ра́ди бдѣ́ннагѡ. На лїтꙋргі́и: А҆нтїфѡ́нъ а҃-й: Ѱало́мъ р҃і, гла́съ в҃: И҆сповѣ́мсѧ тебѣ̀ гдⷭ҇и всѣ́мъ се́рдцемъ мои́мъ, повѣ́мъ всѧ̑ чꙋдеса̀ твоѧ̑. Припѣ́въ: Мл҃твами бцⷣы, сп҃се сп҃сѝ на́съ. Сті́хъ в҃-й: Въ совѣ́тѣ пра́выхъ и҆ со́нмѣ, вє́лїѧ дѣла̀ гдⷭ҇нѧ. Мл҃твами бцⷣы, сп҃се сп҃сѝ на́съ. Сті́хъ г҃: И҆зы̑скана во всѣ́хъ во́лѧхъ є҆гѡ̀. Мл҃твами бцⷣы, сп҃се сп҃сѝ на́съ. Сті́хъ д҃: И҆сповѣ́данїе и҆ великолѣ́пїе дѣ́ло є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка. Мл҃твами бцⷣы, сп҃се сп҃сѝ на́съ. Та́же ѻ҆́ба ли̑ка: Сла́ва, и҆ ны́нѣ: Мл҃твами бцⷣы: А҆нтїфѡ́нъ в҃: ѱало́мъ ра҃і, гла́съ в҃: Бл҃же́нъ мꙋ́жъ боѧ́йсѧ гдⷭ҇а, въ за́повѣдехъ є҆гѡ̀ восхо́щетъ ѕѣлѡ̀. Припѣ́въ: Сп҃си́ ны сн҃е бж҃їй, рожде́йсѧ ѿ дв҃ы, пою́щыѧ тѝ: а҆ллилꙋ́їа. Сті́хъ в҃: Си́льно на землѝ бꙋ́детъ сѣ́мѧ є҆гѡ̀: ро́дъ пра́выхъ бл҃гослови́тсѧ. Сп҃си́ ны сн҃е бж҃їй: Сті́хъ г҃: Сла́ва и҆ бога́тство въ домꙋ̀ є҆гѡ̀, и҆ пра́вда є҆гѡ̀ пребыва́етъ въ вѣ́къ вѣ́ка. Сп҃си́ ны сн҃е бж҃їй: Сті́хъ д҃: Возсїѧ̀ во тьмѣ̀ свѣ́тъ пра̑вымъ, млⷭ҇тивъ и҆ ще́дръ и҆ <<рѻ҃г ѡ҆б.: 346>> првⷣнъ. Сп҃си́ ны сн҃е бж҃їй: Та́же ѻ҆́ба ли̑ка вкꙋ́пѣ: Сла́ва, и҆ ны́нѣ: Є҆диноро́дный сн҃е и҆ сло́ве бж҃їй: А҆нтїфѡ́нъ г҃: Ѱало́мъ р҃ѳ, гла́съ д҃: Речѐ гдⷭ҇ь гдⷭ҇еви моемꙋ̀: сѣдѝ ѡ҆деснꙋ́ю менѐ. Тропа́рь: Ржⷭ҇тво̀ твоѐ хрⷭ҇тѐ бж҃е на́шъ: Сті́хъ в҃: До́ндеже положꙋ̀ врагѝ твоѧ̑ подно́жїе но́гъ твои́хъ. Тропа́рь: Ржⷭ҇тво̀ твоѐ хрⷭ҇тѐ бж҃е на́шъ: Сті́хъ г҃: Же́злъ си́лы по́слетъ тѝ гдⷭ҇ь ѿ сїѡ́на, и҆ гдⷭ҇ьствꙋй посредѣ̀ врагѡ́въ твои́хъ. Ржⷭ҇тво̀ твоѐ хрⷭ҇тѐ бж҃е на́шъ: Сті́хъ д҃: Съ тобо́ю нача́ло въ де́нь си́лы твоеѧ̀, во свѣ́тлостехъ ст҃ы́хъ твои́хъ. Ржⷭ҇тво̀ твоѐ хрⷭ҇тѐ бж҃е на́шъ: Вхо́дное: И҆з̾ чре́ва пре́жде денни́цы роди́хъ тѧ̀, клѧ́тсѧ гдⷭ҇ь и҆ не раска́етсѧ: ты̀ і҆ере́й во вѣ́къ по чи́нꙋ мелхїседе́ковꙋ. Тропа́рь высоча́йшимъ гла́сомъ: Ржⷭ҇тво̀ твоѐ хрⷭ҇тѐ бж҃е на́шъ: Сла́ва, и҆ ны́нѣ: Конда́къ: Дв҃а дне́сь: Вмѣ́стѡ трист҃а́гѡ: Є҆ли́цы во хрⷭ҇та̀ крⷭ҇ти́стесѧ: Прокі́менъ, гла́съ и҃: Всѧ̀ землѧ̀ да покло́нитсѧ тебѣ̀, и҆ пое́тъ тебѣ̀: Сті́хъ: Воскли́кните гдⷭ҇еви всѧ̀ землѧ̀: А҆по́столъ къ гала́тѡмъ, зача́ло с҃ѳ: Є҆гда̀ прїи́де кончи́на лѣ́та: А҆ллилꙋ́їа, Гла́съ а҃: Нб҃са̀ повѣ́даютъ сла́вꙋ бж҃їю: Сті́хъ: Де́нь днѝ ѿрыга́етъ глаго́лъ: Є҆ѵⷢ҇лїе матѳе́а, зача́ло г҃: І҆и҃сꙋ ро́ждшꙋсѧ: За досто́йно, і҆рмо́съ: Люби́ти ᲂу҆́бѡ на́мъ: до ѿда́нїѧ. Прича́стенъ: И҆збавле́нїе посла̀ гдⷭ҇ь лю́демъ свои̑мъ. А҆ллилꙋ́їа: три́жды. На трапе́зѣ ᲂу҆тѣше́нїе бра́тїи вели́кое, и҆ чте́мъ сло́во златоꙋ́стагѡ, є҆мꙋ́же нача́ло: Дре́вле ᲂу҆́бѡ патрїа́рхъ:

А҆́ще пра́здникъ ржⷭ҇тва̀ хрⷭ҇то́ва слꙋчи́тсѧ бы́ти въ сре́дꙋ, и҆лѝ пѧто́къ: Разрѣша́емъ ᲂу҆́бѡ мїрѧ́не на мѧ́со, мона́си на сы́ръ и҆ ꙗ҆́ица, и҆ ꙗ҆ди́мъ ᲂу҆́бѡ ѿ ржⷭ҇тва̀ хрⷭ҇то́ва по всѧ̑ дни̑, до на́вечерїѧ ст҃а́гѡ бг҃оѧвле́нїѧ.

<<рѻ҃д: 347>>

[зрѝ] Разꙋ́мно же бꙋ́ди и҆ ѡ҆ се́мъ, ꙗ҆́кѡ ѿ хрⷭ҇то́ва ржⷭ҇тва̀ и҆ до ст҃ы́хъ бг҃оѧвле́нїй, ника́коже по́стъ, ни колѣнопоклонє́нїѧ быва́ютъ, нижѐ въ цр҃кви. нижѐ въ ке́ллїахъ.

к҃ѕ. Собо́ръ прест҃ы́ѧ бцⷣы: И҆ ст҃а́гѡ сщ҃енномч҃нка є҆ѵѳѵ́мїа, є҆пⷭ҇кпа сарді́йскагѡ.

Ве́черъ, каѳі́смы не глаго́лемъ. На Гдⷭ҇и воззва́хъ, стїхи̑ры пра́здника на ѕ҃, гла́съ в҃: Прїиди́те возра́дꙋемсѧ гдⷭ҇еви: Сла́ва, и҆ ны́нѣ, гла́съ ѕ҃: Сла́ва въ вы́шнихъ бг҃ꙋ: Вхо́дъ. Прокі́менъ вели́кїй, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ; ты̀ є҆сѝ бг҃ъ творѧ́й чꙋдеса̀. Сті́хъ: Сказа́лъ є҆сѝ въ лю́дехъ си́лꙋ твою̀. Сті́хъ: И҆ Рѣ́хъ, ны́нѣ нача́хъ: Сті́хъ: Помѧнꙋ́хъ дѣла̀ гдⷭ҇нѧ: Та́же: Кто̀ бг҃ъ ве́лїй: [зрѝ] А҆́ще є҆́сть въ сꙋббѡ́тꙋ ве́чера, пое́мъ прокі́менъ: Гдⷭ҇ь воцр҃и́сѧ: Со стїхѝ є҆гѡ̀. Посе́мъ є҆ктєнїѝ. Та́же на стїхо́внѣ стїхи̑ры пра́здника, гла́съ и҃, самогла́сны: Пресла́вное та́инство: Припѣ́въ а҃: Речѐ гдⷭ҇ь гдⷭ҇еви моемꙋ̀: в҃: И҆з̾ чре́ва пре́жде денни́цы: Сїѧ̑ припѣ́вы глаго́лемъ и҆ до ѿда́нїѧ пра́здника. Сла́ва, и҆ ны́нѣ, гла́съ то́йже: Въ виѳлее́мъ стеко́шасѧ: Тропа́рь пра́здника: Ржⷭ҇тво̀ твоѐ хрⷭ҇тѐ бж҃е на́шъ: и҆ ѿпꙋ́стъ.

Ст҃а́гѡ же є҆ѵѳѵ́мїа слꙋ́жба пое́тсѧ во и҆́нъ де́нь.

На повече́рїи, по трист҃о́мъ глаго́лемъ конда́къ бцⷣы собо́рꙋ: И҆́же пре́жде денни́цы: На полꙋ́нощницѣ глаго́лемъ каѳі̑смы ѻ҆бы̑чныѧ. По а҃-мъ трист҃о́мъ вмѣ́стѡ, Сѐ жени́хъ: тропа́рь пра́здника: Ржⷭ҇тво̀ твоѐ хрⷭ҇тѐ бж҃е на́шъ: По в҃-мъ трист҃о́мъ конда́къ собо́рꙋ бцⷣы, гла́съ ѕ҃: И҆́же пре́жде денни́цы: Та́же: Гдⷭ҇и поми́лꙋй в҃і, и҆ ѿпꙋ́стъ. мл҃твы же, Помѧнѝ гдⷭ҇и въ наде́жди, не глаго́лемъ. На ᲂу҆́трени, на Бг҃ъ гдⷭ҇ь, тропа́рь пра́здника три́жды, <<рѻ҃д ѡ҆б.: 348>> и҆ ѻ҆бы̑чныѧ каѳі̑смы: и҆ сѣда́льны пра́здника, и҆ чте́мъ сло́во є҆пїфа́нїа, а҆рхїепі́скопа кѵ́прскагѡ, похвалꙋ̀ прест҃ы́ѧ бцⷣы, на г҃ ча̑сти. Канѡ́ны пра́здника ѻ҆́ба, ꙗ҆́коже на са́мый пра́здникъ: і҆рмосы̀ ѻ҆бою̀ канѡ́нѡвъ по два́жды: тропарѝ на в҃і. Катава́сїа, і҆рмосы̀ ѻ҆бою̀ канѡ́нѡвъ. По г҃-й пѣ́сни конда́къ, и҆ і҆́косъ, и҆ ѵ҆пакоѝ пра́здника. По ѕ҃- й пѣ́сни,

Конда́къ, гла́съ ѕ҃:

И҆́же пре́жде денни́цы ѿ ѻ҆ц҃а̀ без̾ мт҃ре роди́выйсѧ, на землѝ без̾ ѻ҆ц҃а̀ воплоти́сѧ дне́сь и҆з̾ тебѐ: тѣ́мже ѕвѣзда̀ бл҃говѣствꙋ́етъ волхвѡ́мъ, а҆́гг҃ли же съ па́стырьми пою́тъ несказа́нное ржⷭ҇тво̀ твоѐ бл҃года́тнаѧ.

И҆ і҆́косъ, и҆ чте́мъ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы, ꙗ҆́коже на са́мый пра́здникъ. Свѣти́ленъ пра́здника, три́жды. На хвали́техъ, Всѧ́кое дыха́нїе: Стїхи̑ры пра́здника на д҃, гла́съ д҃, самогла́сны: Весели́тесѧ првⷣнїи: Пи́саны на пра́здникъ. Сла́ва: гла́съ ѕ҃: Дне́сь неви́димое є҆стество̀: И҆ ны́нѣ, гла́съ в҃: Дне́сь хрⷭ҇то́съ въ виѳлее́мѣ: Славосло́вїе вели́кое. По трист҃о́мъ тропа́рь пра́здника. Є҆ктєнїѝ, и҆ ѿпꙋ́стъ, и҆ ча́съ а҃. На часѣ́хъ, тропа́рь пра́здника: конда́къ же глаго́лемъ бцⷣы: И҆́же пре́жде денни́цы: На лїтꙋргі́и, бл҃жє́нна ѿ канѡ́нѡвъ пра́здника, пѣ́снь г҃-ѧ и҆ ѕ҃-ѧ. По вхо́дѣ: Сп҃си́ ны сн҃е бж҃їй, рожде́йсѧ ѿ дв҃ы, пою́щыѧ тѝ: а҆ллилꙋ́їа. Си́це пое́мъ и҆ до ѿда́нїѧ пра́здника. Тропа́рь пра́здника: Сла́ва, и҆ ны́нѣ, конда́къ: И҆́же пре́жде денни́цы: Та́же трист҃о́е. Прокі́менъ, гла́съ г҃, пѣ́снь бцⷣы: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: А҆по́столъ ко є҆вре́ємъ, зача́ло т҃ѕ: Ст҃ѧ́й и҆ ѡ҆сщ҃а́емїи: А҆ллилꙋ́їа, гла́съ и҃: Воскрⷭ҇нѝ гдⷭ҇и въ <<рѻ҃є: 349>> поко́й: Є҆ѵⷢ҇лїе матѳе́а, зача́ло д҃: Ѿше́дшымъ волхвѡ́мъ: Прича́стенъ: И҆збавле́нїе посла̀ гдⷭ҇ь лю́демъ свои̑мъ. А҆ллилꙋ́їа, три́жды. Вѣ́стно бꙋ́ди, ꙗ҆́кѡ въ попра́зднствѣ хрⷭ҇то́ва ржⷭ҇тва̀ и҆ бг҃оѧвле́нїѧ, повечє́рїѧ пою́тсѧ ма̑лаѧ, без̾ канѡ́на бг҃оро́дична.

[зрѝ][[комм.]] Подоба́етъ вѣ́дати, ꙗ҆́кѡ а҆́ще слꙋчи́тсѧ ржⷭ҇тво̀ хрⷭ҇то́во въ недѣ́лю, не соверша́емъ па́мѧти ст҃ы́хъ бг҃оѻтє́цъ во грѧдꙋ́щꙋю недѣ́лю: зане́же нача́ло прїѧ́ти і҆аннꙋа́рїю мѣ́сѧцꙋ, и҆ пра́здникъ хрⷭ҇то́ва ржⷭ҇тва̀ ᲂу҆жѐ ѿда́стсѧ: но соверша́емъ сїю̀ недѣ́лю въ к҃ѕ де́нь деке́мврїа мѣ́сѧца, наꙋ́трїе пра́здника, въ понедѣ́льникъ.

Въ недѣ́лю ве́чера, пое́мъ си́це: На Гдⷭ҇и воззва́хъ, стїхи̑ры на ѕ҃: Пра́здника г҃, гла́съ в҃: Прїиди́те возра́дꙋемсѧ гдⷭ҇еви: И҆ ст҃ы́хъ г҃, гла́съ а҃. Подо́бенъ: Нбⷭ҇ныхъ чинѡ́въ: Бг҃оѻтца̀ всѝ: Сла́ва, ст҃ы́хъ, гла́съ ѕ҃: Па́мѧть соверша́емъ: И҆ ны́нѣ, пра́здника, гла́съ то́йже: Сла́ва въ вы́шнихъ: Вхо́дъ. Прокі́менъ вели́кїй, гла́съ з҃: Кто̀ бг҃ъ ве́лїй: со стїхѝ є҆гѡ̀, и҆ є҆ктєнїѝ. На стїхо́внѣ пра́здника, самогла́сны г҃, гла́съ и҃, съ припѣ́вы и҆́хъ. Сла́ва, гла́съ ѕ҃: Сщ҃е́нныхъ па́мѧть: И҆ ны́нѣ, пра́здника. Тропа́рь ст҃ы́хъ, гла́съ в҃: Бл҃говѣствꙋ́й і҆ѡ́сифе: Сла́ва, и҆ ны́нѣ, пра́здника: На повече́рїи, по трист҃о́мъ, глаго́лемъ конда́къ бг҃оѻтцє́въ. Сла́ва, и҆ ны́нѣ, бцⷣы: И҆́же пре́жде денни́цы: На ᲂу҆́трени, на Бг҃ъ гдⷭ҇ь, тропа́рь пра́здника, два́жды: Сла́ва, ст҃ы́хъ: И҆ ны́нѣ, пра́здника. По каѳі́смахъ сѣда́льны пра́здника. и҆ чте́мъ во є҆ѵⷢ҇лїи толково́мъ, недѣ́лю по ржⷭ҇твѣ̀ хрⷭ҇то́вѣ. Канѡ́нъ пра́здника а҃, со і҆рмосо́мъ на ѕ҃: і҆рмо́съ по два́жды, тропарѝ на д҃, и҆ дрꙋгі́й канѡ́нъ пра́здника на д҃, и҆ ст҃ы́хъ, на д҃. Катава́сїа, і҆рмосы̀ ѻ҆бою̀ канѡ́нѡвъ. По г҃-й пѣ́сни, конда́къ бцⷣы, гла́съ ѕ҃: И҆́же пре́жде денни́цы: И҆ і҆́косъ є҆гѡ̀, и҆ <<рѻ҃є ѡ҆б.: 350>> сѣда́ленъ ст҃ы́хъ. Сла́ва, и҆ ны́нѣ, пра́здника, и҆ чте́нїе. По ѕ҃-й пѣ́сни конда́къ ст҃ы́хъ: Весе́лїѧ дне́сь: И҆ і҆́косъ, и҆ чте́мъ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́вы пра́здника. Свѣти́ленъ ст҃ы́хъ, два́жды: Сла́ва, и҆ ны́нѣ, пра́здника. На хвали́техъ стїхи̑ры пра́здника. на д҃, гла́съ д҃. Самогла́сны. Сла́ва, ст҃ы́хъ, гла́съ и҃: Кро́вь и҆ ѻ҆́гнь: И҆ ны́нѣ, пра́здника, гла́съ в҃: Дне́сь хрⷭ҇то́съ: Славосло́вїе вели́кое. По трист҃о́мъ, тропа́рь ст҃ы́хъ. Сла́ва, и҆ ны́нѣ, пра́здника. є҆ктєнїѝ, и҆ ѿпꙋ́стъ, и҆ ча́съ а҃-й, и҆ коне́чный ѿпꙋ́стъ. На часѣ́хъ, тропа́рь пра́здника: Сла́ва, ст҃ы́хъ: И҆ ны́нѣ, бг҃оро́диченъ часѡ́въ. По ѻ҆́ч҃е на́шъ, конда́къ бцⷣы: И҆́же пре́жде денни́цы: И҆ ст҃ы́хъ, конда́къ, премѣнѧ́юще глаго́лемъ. На лїтꙋргі́и, бл҃жє́нна ѿ канѡ́на пра́здника, пѣ́снь г҃-ѧ, на д҃: и҆ ст҃ы́хъ ѕ҃- ѧ, на д҃. По вхо́дѣ тропа́рь пра́здника, и҆ ст҃ы́хъ. Сла́ва, конда́къ ст҃ы́хъ: И҆ ны́нѣ, бцⷣы: И҆́же пре́жде денни́цы: Прокі́менъ, пѣ́снь бцⷣы, гла́съ г҃: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: Дрꙋгі́й ст҃ы́хъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. А҆по́столъ ко є҆вре́ємъ, зача́ло т҃ѕ. Ст҃ѧ́й и҆ ѡ҆сщ҃а́емїи: Дрꙋгі́й а҆по́столъ ст҃ы́хъ, къ гала́тѡмъ, зача́ло с҃: Сказꙋ́ю ва́мъ бл҃говѣствова́нїе: А҆ллилꙋ́їа, бцⷣы, гла́съ и҃: Воскрⷭ҇нѝ гдⷭ҇и въ поко́й тво́й: Сті́хъ: Помѧнѝ гдⷭ҇и дв҃да: Є҆ѵⷢ҇лїе же є҆ди́но, бцⷣы и҆ ст҃ы́хъ, матѳе́а, зача́ло д҃: Ѿше́дшымъ волхвѡ́мъ: Прича́стенъ: И҆збавле́нїе посла̀ гдⷭ҇ь лю́демъ свои̑мъ. Дрꙋгі́й: Ра́дꙋйтесѧ:

Сꙋббѡ́та по ржⷭ҇твѣ̀ хрⷭ҇то́вѣ:

На лїтꙋргі́и, прокі́менъ, гла́съ д҃: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. Сті́хъ: Слы́ши дщѝ и҆ ви́ждь: А҆по́столъ къ тїмоѳе́ю, зача́ло сп҃и: Гонѝ пра́вдꙋ: <<рѻ҃ѕ: 351>> Та́же рѧ́дъ. А҆ллилꙋ́їа, гла́съ и҃: Воскрⷭ҇нѝ гдⷭ҇и въ поко́й тво́й: Є҆ѵⷢ҇лїе матѳе́а, зача́ло м҃ѕ: По і҆и҃сѣ и҆до́ша наро́ди мно́зи: Та́же рѧ́дъ. Прича́стенъ: Ча́шꙋ сп҃се́нїѧ прїимꙋ̀:

[[комм.]] Въ недѣ́лю по ржⷭ҇твѣ̀ хрⷭ҇то́вѣ па́мѧть соверша́емъ ст҃ы́хъ и҆ првⷣныхъ і҆ѡ́сифа ѡ҆брꙋ́чника, дв҃да цр҃ѧ̀, и҆ і҆а́кѡва бра́та бж҃їѧ.

Подоба́етъ вѣ́дати, ꙗ҆́кѡ а҆́ще по ржⷭ҇твѣ̀ хрⷭ҇то́вѣ недѣ́лѧ сїѧ̀ слꙋчи́тсѧ въ к҃ѕ, к҃з, к҃и, к҃ѳ и҆ л҃ де́нь. Пое́мъ си́це: Въ сꙋббѡ́тꙋ на ма́лѣй вече́рни, по ѻ҆бы́чаю. На вели́цѣй вече́рни. По каѳі́смѣ, На Гдⷭ҇и воззва́хъ, стїхи̑ры воскрⷭ҇ны г҃, и҆ пра́здника д҃, и҆ ст҃ы́хъ г҃, гла́съ а҃. Подо́бенъ: Нбⷭ҇ныхъ чинѡ́въ: Бг҃оѻтца̀ всѝ восхва́лимъ: Сла́ва, гла́съ ѕ҃: Па́мѧть соверша́емъ: И҆ ны́нѣ, бг҃оро́диченъ гла́са. Вхо́дъ. Прокі́менъ днѐ. На лїті́и стїхи̑ры пра́здника, поє́мыѧ на са́мый пра́здникъ. Сла́ва, и҆ ны́нѣ, пра́здника. На стїхо́внѣ стїхи̑ры ѻ҆ктѡ́иха, по а҆лфави́тꙋ. Сла́ва, гла́съ ѕ҃: Сщ҃е́нныхъ па́мѧть: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника: Ржⷭ҇тво̀ твоѐ хрⷭ҇тѐ бж҃е на́шъ: два́жды.

И҆ ст҃ы́хъ тропа́рь є҆ди́ножды, гла́съ в҃:

Бл҃говѣствꙋ́й і҆ѡ́сифе дв҃дꙋ чꙋдеса̀ бг҃оѻтцꙋ̀, дв҃ꙋ ви́дѣлъ є҆сѝ ро́ждшꙋю, съ па́стырьми славосло́вилъ є҆сѝ, съ волхвы̀ поклони́лсѧ є҆сѝ, а҆́гг҃ломъ вѣ́сть прїе́мъ: молѝ хрⷭ҇та̀ бг҃а сп҃сти́сѧ дꙋша́мъ на́шымъ.

И҆ чте́нїе. [зрѝ] И҆ и҆дѣ́же нѣ́сть всено́щнагѡ бдѣ́нїѧ: На повече́рїи, по Досто́йнѣ, и҆ по трист҃о́мъ, конда́къ бг҃оѻтцє́въ. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, ст҃ы́хъ: И҆ ны́нѣ, пра́здника. По ѻ҆бы́чныхъ каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ матѳе́а, недѣ́лѧ по ржⷭ҇твѣ̀ хрⷭ҇то́вѣ. По <<рѻ҃ѕ ѡ҆б.: 352>> непоро́чнахъ, тропарѝ и҆́хъ, и҆ ѵ҆пакоѝ гла́са. и҆ чте́нїе въ толково́мъ є҆ѵⷢ҇лїи, недѣ́лѧ рѧ́дъ. Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но. и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ, со і҆рмосо́мъ на д҃, и҆ бцⷣы на в҃, и҆ пра́здника на д҃, и҆ бг҃оѻтцє́въ на д҃. [зрѝ] А҆́ще же въ к҃ѕ-й де́нь, и҆ пое́мъ канѡ́нъ воскрⷭ҇нъ со і҆рмосо́мъ на д҃, и҆ пра́здника ѻ҆́ба канѡ́на на ѕ҃, и҆ бг҃оѻтцє́въ на д҃. Катава́сїа пра́здника: Хрⷭ҇то́съ ражда́етсѧ. По г҃-й пѣ́сни, конда́къ и҆ і҆́косъ пра́здника, и҆ сѣда́ленъ ст҃ы́хъ, и҆ чте́нїе. По ѕ҃-й пѣ́сни,

Конда́къ ст҃ы́хъ, гла́съ г҃. Подо́бенъ: Дв҃а дне́сь:

Весе́лїѧ дне́сь дв҃дъ и҆сполнѧ́етсѧ бж҃е́ственный, і҆ѡ́сифъ же хвале́нїе со і҆а́кѡвомъ прино́ситъ: вѣне́цъ бо сро́дствомъ хрⷭ҇то́вымъ прїе́мше ра́дꙋютсѧ, и҆ неизрече́ннѡ на землѝ ро́ждшагосѧ воспѣва́ютъ и҆ вопїю́тъ: ще́дре сп҃са́й тебѐ чтꙋ́щыѧ.

И҆ і҆́косъ, и҆ чте́мъ про́логъ. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ст҃ы́хъ: И҆ ны́нѣ, пра́здника. На хвали́техъ стїхи̑ры воскрⷭ҇ны, д҃, и҆ пра́здника самогла́сны, д҃: Весели́тесѧ првⷣнїи: съ припѣ́вы и҆́хъ. Сла́ва, ст҃ы́хъ, гла́съ и҃: Кро́вь и҆ ѻ҆́гнь: И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ, є҆ктєнїѝ, и҆ ѿпꙋ́стъ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й, и҆ коне́чный ѿпꙋ́стъ. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ, и҆ ст҃ы́хъ тропа́рь, и҆ пра́здника премѣнѧ́юще глаго́лемъ. По Ѻ҆́ч҃е на́шъ, конда́къ пра́здника, и҆ ст҃ы́хъ премѣнѧ́юще же глаго́лемъ. На лїтꙋргі́и, бл҃жє́нна гла́са, на д҃: и҆ пра́здника, пѣ́снь рѧдова́ѧ, на д҃: и҆ ст҃ы́хъ, пѣ́снь ѕ҃, на д҃. По вхо́дѣ тропа́рь воскрⷭ҇нъ, и҆ пра́здника, и҆ ст҃ы́хъ: Сла́ва, конда́къ ст҃ы́хъ: И҆ ны́нѣ, <<рѻ҃з: 353>> пра́здника. Прокі́менъ, гла́са и҆ ст҃ы́хъ, гла́съ д҃: Ди́венъ бг҃ъ во ст҃ы́хъ свои́хъ, бг҃ъ і҆и҃левъ. А҆по́столъ къ гала́тѡмъ, зача́ло с҃: Сказꙋ́ѧ ва́мъ бл҃говѣствова́нїе: А҆ллилꙋ́їа, гла́съ д҃: Помѧнѝ гдⷭ҇и дв҃да: Є҆ѵⷢ҇лїе матѳе́а, зача́ло д҃: Ѿше́дшымъ волхвѡ́мъ: И҆ пото́мъ рѧ́дъ недѣ́ли. Прича́стенъ, Хвали́те гдⷭ҇а: Дрꙋгі́й, Ра́дꙋйтесѧ:

[зрѝ][[комм.]] Оу҆ка́зъ ѡ҆ а҆по́столѣхъ, и҆ ѡ҆ є҆ѵⷢ҇лїахъ, ꙗ҆́же быва́етъ сꙋббѡ́та и҆ недѣ́лѧ по ржⷭ҇твѣ̀ хрⷭ҇то́вѣ: и҆ дрꙋга́ѧ сꙋббѡ́та и҆ недѣ́лѧ, пред̾ бг҃оѧвле́нїемъ.

Подоба́етъ вѣ́дати, ꙗ҆́кѡ а҆́ще слꙋчи́тсѧ ржⷭ҇тво̀ хрⷭ҇то́во въ недѣ́лю, и҆ тогда̀ быва́етъ междꙋ̀ ржⷭ҇тво́мъ хрⷭ҇то́вымъ, и҆ бг҃оѧвле́нїемъ є҆ди́на сꙋббѡ́та и҆ недѣ́лѧ: и҆ пое́мъ недѣ́лю по ржⷭ҇твѣ̀ хрⷭ҇то́вѣ, наꙋ́трїе пра́здника ржⷭ҇тва̀ хрⷭ҇то́ва въ понедѣ́льникъ, деке́мврїа въ к҃ѕ-й де́нь, ꙗ҆́коже ᲂу҆каза́сѧ на рѧдꙋ̀ въ понедѣ́льникъ, наꙋ́трїи пра́здника. На лїтꙋргі́и, чте́мъ а҆по́столъ, и҆ є҆ѵⷢ҇лїе недѣ́ли, ꙗ҆́же по ржⷭ҇твѣ̀ хрⷭ҇то́вѣ. А҆ сꙋббѡ́тѣ, ꙗ҆́же по ржⷭ҇твѣ̀ хрⷭ҇то́вѣ, чте́мъ а҆по́столъ и҆ є҆ѵⷢ҇лїе, въ сꙋббѡ́тꙋ, на ѿда́нїе пра́здника, ржⷭ҇тва̀ хрⷭ҇то́ва пре́жде, та́же сꙋббѡ́тѣ пред̾ бг҃оѧвле́нїемъ. Прокі́менъ же, А҆ллилꙋ́їа, и҆ прича́стенъ пра́здника. А҆ въ а҃-й де́нь і҆аннꙋа́рїа, прокі́менъ, а҆по́столъ и҆ є҆ѵⷢ҇лїе, чте́мъ недѣ́ли пред̾ бг҃оѧвле́нїемъ, ꙗ҆́коже въ настоѧ́щей главѣ̀ въ рѧдꙋ̀ и҆з̾ѧви́тсѧ.

[зрѝ][[комм.]] А҆́ще ли ржⷭ҇тво̀ хрⷭ҇то́во въ понедѣ́льникъ:

И҆ тогда̀ быва́етъ междꙋ̀ ржⷭ҇тво́мъ хрⷭ҇то́вымъ и҆ бг҃оѧвле́нїемъ, сꙋббѡ́та и҆ недѣ́лѧ є҆ди́на: и҆ сꙋббѡ́та по ржⷭ҇твѣ̀ хрⷭ҇то́вѣ, тогда̀ быва́етъ деке́мврїа въ л҃-й де́нь. На лїтꙋргі́и, прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, пре́жде чте́мъ сꙋббѡ́тѣ по ржⷭ҇твѣ̀ хрⷭ҇то́вѣ: та́же а҆по́столъ, и҆ є҆ѵⷢ҇лїе сꙋббѡ́тѣ пред̾ бг҃оѧвле́нїемъ. <<рѻ҃з ѡ҆б.: 354>> А҆ недѣ́ли, ꙗ҆́же по ржⷭ҇твѣ̀ хрⷭ҇то́вѣ, чте́мъ на лїтꙋргі́и во ѿда́нїе пра́здника ржⷭ҇тва̀ хрⷭ҇то́ва, а҆по́столъ, и҆ є҆ѵⷢ҇лїе, ꙗ҆́коже ᲂу҆каза́сѧ на рѧдꙋ̀. А҆ недѣ́ли, ꙗ҆́же пред̾ бг҃оѧвле́нїемъ, прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе, чте́мъ і҆аннꙋа́рїа въ а҃-й де́нь, ꙗ҆́коже ᲂу҆ка́жетсѧ на рѧдꙋ̀, є҆гда̀ слꙋчи́тсѧ ѡ҆брѣ́занїе и҆ васі́лїа въ недѣ́лю.

[зрѝ][[комм.]] А҆́ще ли ржⷭ҇тво̀ хрⷭ҇то́во во вто́рникъ:

И҆ тогда̀ быва́етъ междꙋ̀ ржⷭ҇тво́мъ хрⷭ҇то́вымъ и҆ бг҃оѧвле́нїемъ двѣ̀ сꙋббѡ́ты, а҆ недѣ́лѧ є҆ди́на, и҆ сꙋббѡ́та, ꙗ҆́же по ржⷭ҇твѣ̀ хрⷭ҇то́вѣ, тогда̀ быва́етъ деке́мврїа въ к҃ѳ де́нь. На лїтꙋргі́и, прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, пре́жде сꙋббѡ́тѣ по ржⷭ҇твѣ̀ хрⷭ҇то́вѣ, и҆ пото́мъ младе́нцєвъ. А҆ недѣ́ли, ꙗ҆́же по ржⷭ҇твѣ̀ хрⷭ҇то́вѣ, пое́мъ слꙋ́жбꙋ деке́мврїа въ л҃-й де́нь, ꙗ҆́коже ᲂу҆каза́сѧ на рѧдꙋ̀. А҆ недѣ́ли, ꙗ҆́же пред̾ бг҃оѧвле́нїемъ, є҆ѵⷢ҇лїе ᲂу҆́треннее, и҆ на лїтꙋргі́и прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе чте́мъ пре́жде недѣ́ли пред̾ бг҃оѧвле́нїемъ, і҆аннꙋа́рїа въ л҃-й де́нь: и҆ пото́мъ ѡ҆брѣ́занїѧ, и҆ васі́лїа є҆ди́но. Прича́стенъ: Хвали́те: Дрꙋгі́й: Въ па́мѧть:

[зрѝ][[комм.]] А҆́ще ли ржⷭ҇тво̀ хрⷭ҇то́во въ сре́дꙋ и҆лѝ въ четверто́къ и҆лѝ въ пѧто́къ:

И҆ тогда̀ быва́ютъ междꙋ̀ ржⷭ҇тво́мъ хрⷭ҇то́вымъ и҆ бг҃оѧвле́нїемъ двѣ̀ сꙋббѡ́ты, и҆ недѣ́ли: и҆ въ пе́рвꙋю ᲂу҆́бѡ недѣ́лю чте́тсѧ а҆по́столъ, и҆ є҆ѵⷢ҇лїе сꙋббѡ́тѣ и҆ недѣ́ли, по ржⷭ҇твѣ̀ хрⷭ҇то́вѣ. А҆ во вторꙋ́ю сꙋббѡ́тꙋ и҆ недѣ́лю, чте́тсѧ а҆по́столъ и҆ є҆ѵⷢ҇лїе сꙋббѡ́ты и҆ недѣ́ли, ꙗ҆́же пред̾ бг҃оѧвле́нїемъ.

[зрѝ][[комм.]] А҆́ще ли ржⷭ҇тво̀ хрⷭ҇то́во въ сꙋббѡ́тꙋ:

И҆ тогда̀ быва́етъ междꙋ̀ ржⷭ҇тво́мъ хрⷭ҇то́вымъ и҆ бг҃оѧвле́нїемъ, двѣ̀ недѣ́ли, а҆ сꙋббѡ́та є҆ди́на, и҆ недѣ́ли <<рѻ҃и: 355>> ꙗ҆́же по ржⷭ҇твѣ̀ хрⷭ҇то́вѣ пое́мъ слꙋ́жбꙋ наꙋ́трїе ржⷭ҇тва̀ хрⷭ҇то́ва въ недѣ́лю, ꙗ҆́коже ᲂу҆каза́сѧ на рѧдꙋ̀. А҆ ѿда́нїе ржⷭ҇тва̀ хрⷭ҇то́ва тогда̀ быва́етъ въ пѧто́къ: и҆ пое́мъ слꙋ́жбꙋ ѿда́нїѧ ржⷭ҇тва̀ хрⷭ҇то́ва, ꙗ҆́коже ᲂу҆каза́сѧ на рѧдꙋ̀. То́чїю на лїтꙋргі́и, прокі́менъ, А҆ллилꙋ́їа, и҆ прича́стенъ, пра́здника: а҆по́столъ же и҆ є҆ѵⷢ҇лїе сꙋббѡ́тѣ, по ржⷭ҇твѣ̀ хрⷭ҇то́вѣ. Въ сꙋббѡ́тꙋ же ꙗ҆́же пред̾ бг҃оѧвле́нїемъ на лїтꙋргі́и а҆по́столъ и҆ є҆ѵⷢ҇лїе чте́мъ, і҆аннꙋа́рїа въ а҃ де́нь пре́жде ѡ҆брѣ́занїѧ, и҆ пото́мъ сꙋббѡ́тѣ пред̾ бг҃оѧвле́нїемъ. А҆ наꙋ́трїе въ настоѧ́щꙋю недѣ́лю на ᲂу҆́трени, є҆ѵⷢ҇лїе чте́мъ пре́жде недѣ́ли пред̾ просвѣще́нїемъ, и҆ пото́мъ рѧ́дъ недѣ́ли: а҆ на лїтꙋргі́и прокі́менъ, а҆по́столъ: А҆ллилꙋ́їа, и҆ є҆ѵⷢ҇лїе пре́жде недѣ́ли пред̾ бг҃оѧвле́нїемъ, та́же ст҃а́гѡ: рѧ́дъ же чте́мъ под̾ зача́ло, а҆́ще не бꙋ́детъ ѿстꙋ́пки. Прича́стенъ: Хвали́те гдⷭ҇а съ нб҃съ: и҆ ст҃а́гѡ.

к҃з. Ст҃а́гѡ а҆пⷭ҇ла первомч҃нка и҆ а҆рхїдїа́кона стефа́на : И҆ прпⷣбнагѡ ѻ҆тца̀ на́шегѡ и҆ и҆сповѣ́дника ѳео́дѡра начерта́ннагѡ, и҆ бра́та ѳеофа́на творца̀.

Ве́черъ, ѻ҆бы́чнаѧ каѳі́сма, На Гдⷭ҇и воззва́хъ стїхи̑ры стефа́на г҃, гла́съ д҃. Подо́бенъ: Ꙗ҆́кѡ до́блѧ: и҆ прпⷣбнагѡ трѝ: гла́съ и҆ подо́бенъ то́йже. Сла́ва, стефа́на, гла́съ в҃: Цр҃ю̀ и҆ влⷣцѣ: И҆ ны́нѣ, пра́здника, гла́съ то́йже: Ве́лїе и҆ пресла́вное чꙋ́до: На стїхо́внѣ стїхи̑ры пра́здника, гла́съ а҃. Подо́бенъ: Нбⷭ҇ныхъ чинѡ́въ: съ припѣ́вы и҆́хъ. Сла́ва, ст҃а́гѡ, гла́съ ѕ҃: Пе́рвый въ мч҃нцѣхъ: И҆ ны́нѣ: пра́здника, гла́съ то́йже: Ликꙋ́ютъ а҆́гг҃ли:

Тропа́рь стефа́на, гла́съ д҃:

По́двигомъ до́брымъ подвиза́лсѧ є҆сѝ, первомч҃нче хрⷭ҇то́въ и҆ а҆пⷭ҇ле, и҆ мꙋчи́телей ѡ҆бличи́лъ є҆сѝ нече́стїе. ка́менїемъ бо побїе́нъ <<рѻ҃и ѡ҆б.: 356>> ѿ рꙋ́къ беззако́нныхъ, вѣне́цъ ѿ ꙗ҆́же свы́ше десни́цы прїѧ́лъ є҆сѝ, и҆ къ бг҃ꙋ взыва́лъ є҆сѝ, вопїѧ̀: гдⷭ҇и, не поста́ви и҆̀мъ грѣха̀ сегѡ̀.

Сла́ва, прпⷣбнагѡ, гла́съ и҃: Правосла́вїѧ наста́вниче: ѻ҆ктѡ́врїа въ а҃і-й де́нь. И҆ ны́нѣ, пра́здника: Ржⷭ҇тво̀ твоѐ хрⷭ҇тѐ бж҃е на́шъ: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника, є҆ди́ножды. и҆ а҆пⷭ҇ла, є҆ди́ножды. Сла́ва, прпⷣбнагѡ. И҆ ны́нѣ, пра́здника: и҆ ѻ҆бы̑чныѧ каѳі̑смы. По каѳі́смахъ сѣда́льны пра́здника, и҆ чте́нїе. Канѡ́нъ пра́здника, пе́рвый, со і҆рмосо́мъ на ѕ҃, и҆ стефа́на на д҃, гла́съ є҃: и҆ прпⷣбнагѡ, на д҃, гла́съ д҃. По г҃-й пѣ́сни конда́къ пра́здника, и҆ і҆́косъ. Та́же сѣда́ленъ а҆пⷭ҇ла, гла́съ а҃. Сла́ва, прпⷣбнагѡ, гла́съ г҃. И҆ ны́нѣ, бг҃оро́диченъ: Ржⷭ҇тво̀ безсѣ́менное: По ѕ҃- й пѣ́сни,

Конда́къ стефа́на, гла́съ г҃. Подо́бенъ: Дв҃а дне́сь:

Влⷣка вчера̀ на́мъ пло́тїю прихожда́ше, и҆ ра́бъ дне́сь ѿ пло́ти и҆схожда́ше: вчера̀ ца́рствꙋѧй пло́тїю роди́сѧ, дне́сь ра́бъ ка́менїемъ. побива́етсѧ: тогѡ̀ ра́ди и҆ скончава́етсѧ первомч҃нкъ, и҆ бж҃е́ственный стефа́нъ.

И҆ і҆́косъ. По ѳ҃-й пѣ́сни свѣти́ленъ ст҃а́гѡ: Сла́ва и҆ ны́нѣ пра́здника. На хвали́техъ стїхи̑ры на ѕ҃, самогла́сны гла́съ а҃. Сла́ва, гла́съ є҃: Первомч҃нче а҆пⷭ҇ле: И҆ ны́нѣ, пра́здника, гла́съ то́йже: Непостижи́мое соверша́емое: На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: съ припѣ́вы и҆́хъ. Сла́ва, ст҃а́гѡ, гла́съ и҃: Ра́дꙋйсѧ въ гдⷭ҇ѣ, вѣнчено́сче: И҆ ны́нѣ, пра́здника, гла́съ то́йже: Ка́кѡ и҆зрекꙋ̀ вели́кое та́инство: На лїтꙋргі́и, бл҃жє́нна пра́здника, пѣ́снь а҃-ѧ на д҃: и҆ ст҃а́гѡ, пѣ́снь г҃-ѧ на д҃. Прокі́менъ пра́здника: и҆ до ѿда́нїѧ: и҆ а҆пⷭ҇ла, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: <<рѻ҃ѳ: 357>> Нб҃са̀ повѣ́даютъ сла́вꙋ бж҃їю. А҆по́столъ дѣѧ́нїй, зача́ло з҃і: Стефа́нъ и҆спо́лнь вѣ́ры и҆ си́лы: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и. Є҆ѵⷢ҇лїе матѳе́а, зача́ло п҃з: Человѣ́къ нѣ́кїй бѣ̀ домови́тъ: Прича́стенъ пра́здника, и҆ до ѿда́нїѧ: и҆ а҆пⷭ҇ла: Во всю̀ зе́млю:

к҃и. Ст҃ы́хъ двꙋ̀ тьмꙋ̀ мч҃нкъ, въ нїкомиді́и сожже́нныхъ:

Стїхи̑ры пра́здника г҃, гла́съ є҃. Подо́бенъ: Ра́дꙋйсѧ: и҆ мч҃нкѡвъ г҃, гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ, пра́здника, гла́съ є҃: Да веселѧ́тсѧ нб҃са̀: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ а҃: Сла́ва въ вы́шнихъ бг҃ꙋ въ виѳлее́мѣ слы́шꙋ: Тропа́рь ст҃ы́хъ, гла́съ в҃: Стрⷭ҇тоте́рпцы гдⷭ҇ни: ное́мврїа в҃. Сла́ва, и҆ ны́нѣ, пра́здника, и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃ы́хъ. И҆ ны́нѣ, пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника в҃-й со і҆рмосо́мъ на и҃, и҆ мч҃нкѡвъ на д҃, гла́съ а҃. По г҃-й пѣ́сни,

Конда́къ ст҃ы́хъ, гла́съ в҃. Подо́бенъ: Твє́рдыѧ:

Тве́рди дꙋше́ю по вѣ́рѣ ст҃і́и, ѻ҆гне́мъ страда́нїе прїе́мше двѣ̀ тьмѣ̀ страда́лєцъ, вопїю́ще ро́ждшемꙋсѧ ѿ дв҃ы: прїимѝ всесожжє́нїѧ на̑ша за тѧ̀ ꙗ҆́коже да́ры пе́рсскихъ царе́й, зла́то и҆ смѵ́рнꙋ, и҆ лїва́нъ, превѣ́чный бж҃е.

И҆ сѣда́ленъ, гла́съ а҃. Сла́ва, и҆ ны́нѣ, пра́здника, гла́съ то́йже. По ѕ҃-й пѣ́сни конда́къ и҆ і҆́косъ пра́здника. По ѳ҃-й пѣ́сни свѣти́ленъ пра́здника, два́жды. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ, гла́съ а҃: Нб҃о и҆ землѧ̀ дне́сь: На лїтꙋргі́и, <<рѻ҃ѳ ѡ҆б.: 358>> бл҃жє́нна пра́здника, пѣ́снь д҃-ѧ, и҆ є҃-ѧ, на ѕ҃. Прокі́менъ, гла́съ є҃: Ты̀ гдⷭ҇и сохрани́ши ны̀, и҆ соблюде́ши ны̀: Сті́хъ: Сп҃си́ мѧ гдⷭ҇и, ꙗ҆́кѡ ѡ҆скꙋдѣ̀ прпⷣбный. А҆по́столъ къ ри́млѧнѡмъ, зача́ло ч҃ѕ ѿ полꙋ̀: Немощно́е зако́на: А҆ллилꙋ́їа, гла́съ д҃: Воскли́кните гдⷭ҇еви всѧ̀ землѧ̀: Є҆ѵⷢ҇лїе лꙋкѝ, зача́ло н҃а ѿ полꙋ̀: Сѐ даю̀ ва́мъ вла́сть: Прича́стенъ: Ра́дꙋйтесѧ:

к҃ѳ. Ст҃ы́хъ младе́нцєвъ, четырена́десѧти ты́сѧщъ, хрⷭ҇та̀ ра́ди и҆збїе́нныхъ ѿ и҆́рѡда въ виѳлее́мѣ і҆ꙋде́йстѣмъ: И҆ прпⷣбнагѡ ѻ҆тца̀ на́шегѡ марке́лла, и҆гꙋ́мена ѻ҆би́тели неꙋсыпа́емыхъ.

Стїхи̑ры младе́нцєвъ г҃, гла́съ д҃. Подо́бенъ: Ꙗ҆́кѡ до́блѧ: и҆ прпⷣбнагѡ г҃, гла́съ и҆ подо́бенъ то́йже. Сла́ва, младе́нцєвъ, гла́съ и҃: И҆́рѡдъ пребеззако́нный: И҆ ны́нѣ, пра́здника, гла́съ то́йже: Пресла́вное та́инство: На стїхо́внѣ стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, младе́нцєвъ, гла́съ и҃: І҆и҃сꙋ ро́ждшꙋсѧ: И҆ ны́нѣ, пра́здника, гла́съ то́йже: Гдⷭ҇и въ виѳлее́мъ: Тропа́рь младе́нцєвъ, гла́съ а҃: Болѣ́зньми ст҃ы́хъ: ѻ҆ктѡ́врїа въ к҃д. Сла́ва, прпⷣбнагѡ, гла́съ и҃: Въ тебѣ̀ ѻ҆́тче: ѻ҆ктѡ́врїа въ а҃ де́нь. И҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, є҆ди́ножды, и҆ младе́нцєвъ. Сла́ва, прпⷣбнагѡ. И҆ ны́нѣ, пра́здника, и҆ ѻ҆бы̑чныѧ каѳі̑смы. и҆ сѣда́льны пра́здника. Канѡ́нъ пра́здника а҃-й со і҆рмосо́мъ на ѕ҃, и҆ младе́нцєвъ, на д҃, гла́съ д҃: и҆ прпⷣбнагѡ на д҃, гла́съ ѕ҃. По г҃-й пѣ́сни, конда́къ и҆ і҆́косъ пра́здника, и҆ сѣда́льны младе́нцєвъ, гла́съ д҃. Сла́ва, прпⷣбнагѡ: И҆ ны́нѣ, пра́здника. По ѕ҃-й пѣ́сни,

<<р҃п: 359>>

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Ѕвѣзда̀ волхвы̀ посла̀ къ ро́ждшемꙋсѧ, и҆ и҆́рѡдъ непра́ведное во́инство посла̀ лю́тѡ, ᲂу҆би́ти мнѧ̀ во ꙗ҆́слехъ, ꙗ҆́кѡ младе́нца лежа́ща.

И҆ і҆́косъ. По ѳ҃-й пѣ́сни, свѣти́ленъ младе́нцєвъ. Сла́ва, и҆ ны́нѣ, пра́здника. На хвали́техъ стїхи̑ры младе́нцєвъ, на д҃, гла́съ а҃: самогла́сны. Сла́ва, гла́съ є҃. И҆ ны́нѣ, пра́здника. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, подо́бенъ то́йже: Ны́нѣ на землѝ: И҆ ны́нѣ: Оу҆сты̀ приснопла́менными: На лїтꙋргі́и бл҃жє́нна пра́здника, пѣ́снь з҃-ѧ, и҆ младе́нцєвъ ѕ҃-ѧ. Прокі́менъ, гла́съ ѕ҃: Хвали́те ѻ҆́троцы гдⷭ҇а: Сті́хъ: Вселѧ́ѧй непло́довь въ до́мъ: А҆по́столъ къ корі́нѳѧнѡмъ, зача́ло р҃п: Хрⷭ҇то́съ за всѧ̑ ᲂу҆́мре: А҆ллилꙋ́їа, гла́съ є҃: Пролїѧ́ша кро́вь и҆́хъ ꙗ҆́кѡ во́дꙋ: Є҆ѵⷢ҇лїе матѳе́а, зача́ло д҃: Ѿше́дшымъ волхвѡ́мъ: Прича́стенъ: Ра́дꙋйтесѧ:

л҃. Ст҃ы́ѧ мч҃нцы а҆нѵ́сїи : И҆ прпⷣбнагѡ зѡ́тїка пресвѵ́тера, сиротокорми́телѧ.

Здѣ́ же пое́тсѧ слꙋ́жба и҆ ст҃ы́ѧ мела́нїи. Стїхи̑ры ст҃ы́ѧ а҆нѵ́сїи г҃, гла́съ д҃. Подо́бенъ: Ꙗ҆́кѡ до́блѧ: и҆ мела́нїи г҃, гла́съ то́йже. Подо́бенъ: Зва́нный свы́ше: Сла́ва, и҆ ны́нѣ, пра́здника, гла́съ а҃. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ а҃.

[зрѝ] Слꙋ́жба ст҃а́гѡ зѡ́тїка пое́тсѧ на повече́рїи.

На ᲂу҆́трени, на Бг҃ъ гдⷭ҇ь, тропа́рь пра́здника, и҆ ѻ҆бы̑чныѧ каѳі̑смы, и҆ сѣда́льны пра́здника. Канѡ́нъ пра́здника, в҃-й со і҆рмосо́мъ на ѕ҃: и҆ ст҃ы́ѧ а҆нѵ́сїи, на д҃: и҆ мела́нїи, на д҃. По г҃-й пѣ́сни, сѣда́ленъ <<р҃п ѡ҆б.: 360>> а҆нѵ́сїи, гла́съ д҃: Сла́ва, мела́нїи гла́съ то́йже. И҆ ны́нѣ, пра́здника, гла́съ то́йже. По ѕ҃-й пѣ́сни, конда́къ, и҆ і҆́косъ пра́здника, и҆ про́логъ. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ ѕ҃. Подо́бенъ: А҆́гг҃льскїѧ: Сла́ва, и҆ ны́нѣ: Сл҃нце сн҃е, ка́кѡ тѧ̀ скры́ю: На лїтꙋргі́и, бл҃жє́нна пра́здника, пѣ́снь и҃, на ѕ҃.

л҃а. Прпⷣбныѧ мела́нїи ри́млѧныни.

Слꙋ́жба є҆ѧ̀ написа́сѧ пре́жде въ л҃ де́нь: поне́же въ л҃а де́нь ѿдае́тсѧ пра́здникъ хрⷭ҇то́ва ржⷭ҇тва̀, и҆ пое́тсѧ слꙋ́жба пра́здника. Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры на ѕ҃, поє́мыѧ на са́мый пра́здникъ. Сла́ва, и҆ ны́нѣ, самогла́сенъ: А҆́ѵгꙋстꙋ є҆динонача́льствꙋющꙋ: Прокі́менъ днѐ. Вхо́да нѣ́сть. Паремі́й не чте́мъ. Та́же, Сподо́би гдⷭ҇и: и҆ И҆спо́лнимъ вече́рнюю мл҃твꙋ: На стїхо́внѣ стїхи̑ры пра́здника, съ припѣ́вы и҆́хъ. Сла́ва, и҆ ны́нѣ, пра́здника. По Ны́нѣ ѿпꙋща́еши, по трист҃о́мъ тропа́рь пра́здника є҆ди́ножды. Та́же є҆ктенїа̀: Поми́лꙋй на́съ бж҃е: и҆ ѿпꙋ́стъ. на ѿпꙋ́стѣ же глаго́летъ і҆ере́й и҆́мѧ ст҃ы́ѧ. Воꙋ́трїе полꙋ́нощницꙋ пое́мъ по ѻ҆бы́чаю, съ каѳі́смою, и҆ тропарѝ ѻ҆бы́чными: и҆ мл҃твꙋ глаго́лемъ, Помѧнѝ гдⷭ҇и въ наде́жди: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника три́жды. По каѳі́смахъ, сѣда́льны пра́здника: и҆ чте́нїе. Канѡ́нъ пе́рвый, со і҆рмосо́мъ на и҃: и҆ вторы́й, со і҆рмосо́мъ на ѕ҃: і҆рмосы̀ ѻ҆бою̀ канѡ́нѡвъ по два́жды. Катава́сїа, і҆рмо́съ пое́мъ пе́рвагѡ канѡ́на, ѻ҆́ба ли̑ка вкꙋ́пѣ. По г҃-й пѣ́сни, ѵ҆пакоѝ. По ѕ҃ пѣ́сни, конда́къ, и҆ і҆́косъ пра́здника. На ѳ҃ пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы <<рп҃а: 361>> пра́здника, ꙗ҆́коже на са́мый пра́здникъ. Свѣти́ленъ пра́здника. Сла́ва, и҆ ны́нѣ то́йже. На хвали́техъ стїхи̑ры пра́здника, на д҃. Сла́ва, гла́съ ѕ҃: Є҆гда̀ вре́мѧ: И҆ ны́нѣ, гла́съ в҃: Дне́сь хрⷭ҇то́съ въ виѳлее́мѣ: Славосло́вїе вели́кое. По трист҃о́мъ тропа́рь пра́здника: є҆ктєнїѝ, и҆ ѿпꙋ́стъ, и҆ ча́съ а҃. На часѣ́хъ глаго́лемъ тропа́рь и҆ конда́къ пра́здника. На лїтꙋргі́и, бл҃жє́нна ѻ҆бои́хъ канѡ́нѡвъ пѣ́снь ѳ҃, на и҃: а҆нтїфѡ́нѡвъ же пра́здника не глаго́лемъ. По вхо́дѣ тропа́рь пра́здника. Сла́ва, и҆ ны́нѣ, конда́къ пра́здника. Та́же трист҃о́е. Прокі́менъ, А҆ллилꙋ́їа, и҆ прича́стенъ пра́здника. А҆по́столъ, и҆ є҆ѵⷢ҇лїе днѐ.

[[комм.]] А҆́ще ли слꙋчи́тсѧ ѿда́нїе ржⷭ҇тва̀ хрⷭ҇то́ва въ недѣ́лю:

На ма́лѣй вече́рни, стїхи̑ры воскрⷭ҇ны, и҆ бцⷣы по ѻ҆бы́чаю. На вели́цѣй вече́рни, каѳі́сма пе́рваѧ: Бл҃же́нъ мꙋ́жъ: На Гдⷭ҇и воззва́хъ, стїхи̑ры воскрⷭ҇ны г҃, и҆ пра́здника д҃, гла́съ в҃: Прїиди́те возра́дꙋемсѧ гдⷭ҇ви: И҆ ст҃ы́хъ г҃: Сла́ва, ст҃ы́хъ, гла́съ ѕ҃: Па́мѧть соверша́емъ: И҆ ны́нѣ, пра́здника, гла́съ в҃: А҆́ѵгꙋстꙋ є҆динонача́льствꙋющꙋ: Вхо́дъ, прокі́менъ днѐ. На лїті́и стїхи̑ры пра́здника. Сла́ва, гла́съ є҃: Волсвѝ персі́дстїи: И҆ ны́нѣ, гла́съ ѕ҃: Ликꙋ́ютъ а҆́гг҃ли: На стїхо́внѣ стїхи̑ры воскрⷭ҇ны. Сла́ва, ст҃ы́хъ, гла́съ ѕ҃: Сщ҃е́нныхъ па́мѧть: И҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о: два́жды. и҆ ст҃ы́хъ є҆ди́ножды: Бл҃говѣствꙋ́й і҆ѡ́сифе: Та́же, чте́нїе въ посла́нїихъ а҆по́стольскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, ст҃ы́хъ: И҆ ны́нѣ, пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ. И҆ чте́нїе во є҆ѵⷢ҇лїи толково́мъ, недѣ́лѧ по ржⷭ҇твѣ̀ хрⷭ҇то́вѣ. Та́же, непоро́чны съ тропарѝ и҆́хъ: ѵ҆пакоѝ гла́са, и҆ чте́нїе пра́здника. Степє́нна, и҆ прокі́менъ <<рп҃а ѡ҆б.: 362>> гла́са: и҆ Всѧ́кое дыха́нїе: Є҆ѵⷢ҇лїе воскрⷭ҇но, и҆ Воскрⷭ҇нїе хрⷭ҇то́во: По н҃-мъ ѱалмѣ̀ стїхи́ра воскрⷭ҇на. Канѡ́нъ воскрⷭ҇нъ, со і҆рмосо́мъ на д҃: и҆ ст҃ы́хъ на д҃: и҆ пра́здника ѻ҆́ба канѡ́на на ѕ҃. Катава́сїа пра́здника, і҆рмо́съ пе́рвагѡ канѡ́на. По г҃-й пѣ́сни, конда́къ и҆ і҆́косъ ст҃ы́хъ, и҆ сѣда́льны и҆́хъ. Сла́ва, и҆ ны́нѣ, пра́здника, и҆ чте́нїе. По ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ст҃ы́хъ. И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника, самогла́сны д҃, гла́съ д҃, съ припѣ́вы и҆́хъ. Сла́ва, ст҃ы́хъ, гла́съ и҃: Кро́вь и҆ ѻ҆́гнь: И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ: є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово, и҆ ѻ҆бы́чное и҆схожде́нїе въ притво́ръ. И҆ пое́мъ: Сла́ва, и҆ ны́нѣ, стїхи́рꙋ є҆ѵⷢ҇льскꙋю, и҆ ча́съ а҃-й. На а҃-мъ часѣ̀, тропа́рь воскрⷭ҇нъ. Сла́ва, пра́здника. И҆ ны́нѣ, бг҃оро́диченъ часѡ́въ: По Ѻ҆́ч҃е на́шъ, конда́къ пра́здника. На г҃ часѣ̀ тропа́рь воскрⷭ҇нъ. Сла́ва, ст҃ы́хъ: И҆ ны́нѣ, бг҃оро́диченъ часѡ́въ. Кондакѝ пра́здника, и҆ ст҃ы́хъ, премѣнѧ́юще глаго́лемъ. На лїтꙋргі́и, бл҃жє́нна гла́са, на д҃, и҆ пра́здника, пе́рвагѡ канѡ́на пѣ́снь ѳ҃-ѧ, на д҃: и҆ ст҃ы́хъ, пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника, и҆ ст҃ы́хъ. Сла́ва, конда́къ ст҃ы́хъ: И҆ ны́нѣ, пра́здника: Прокі́менъ пра́здника, и҆ ст҃ы́хъ: Ди́венъ бг҃ъ во ст҃ы́хъ свои́хъ: А҆по́столъ къ гала́тѡмъ, зача́ло с҃: Сказꙋ́ю ва́мъ бл҃говѣствова́нїе: А҆ллилꙋ́їа пра́здника. Є҆ѵⷢ҇лїе матѳе́а, зача́ло д҃: Ѿше́дшымъ волхвѡ́мъ: Прича́стенъ: Хвали́те гдⷭ҇а: Дрꙋгі́й, пра́здника.

[зрѝ] А҆́ще ли слꙋчи́тсѧ попра́зднство, и҆лѝ ѿда́нїе ржⷭ҇тва̀ хрⷭ҇то́ва въ сꙋббѡ́тꙋ:

Въ пѧто́къ ве́чера, на Гдⷭ҇и воззва́хъ, Сла́ва, и҆ ны́нѣ, пра́здника: а҆ бг҃оро́диченъ а҃-й настоѧ́щагѡ гла́са не пое́мъ.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.