Июнь
<<тк҃д: 647>>
Мѣ́сѧцъ і҆ꙋ́нїй,
и҆мѣ́ѧй дне́й л҃.
Де́нь и҆́мать часѡ́въ є҃і, а҆ но́щь ѳ҃.
а҃. Ст҃а́гѡ мч҃нка і҆ꙋсті́на фїло́софа, и҆ дрꙋга́гѡ мч҃нка і҆ꙋсті́на, и҆ и҆̀же съ ни́ми.
А҆ллилꙋ́їа, и҆лѝ тропа́рь. На Гдⷭ҇и воззва́хъ, а҆́ще по́стъ пое́мъ стїхи̑ры бцⷣы г҃, гла́съ в҃. Подо́бенъ: Є҆гда̀ ѿ дре́ва: и҆ ст҃а́гѡ г҃, гла́съ и҆ подо́бенъ то́йже. На стїхо́внѣ ѻ҆ктѡ́иха. Тропа́рь гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. На ᲂу҆́трени, канѡ́нъ, гла́съ в҃. По г҃-й пѣ́сни, сѣда́ленъ, гла́съ є҃. По ѕ҃-й пѣ́сни,
Конда́къ, гла́съ в҃.
Премꙋ́дростїю бж҃е́ственныхъ твои́хъ слове́съ і҆ꙋсті́не, цр҃ковь бж҃їѧ всѧ̀ ᲂу҆краси́вшисѧ, житїѧ̀ твоегѡ̀ свѣ́тлостїю мі́ръ ѡ҆свѣща́етъ: и҆злїѧ́нїѧ же ра́ди кро́ве вѣне́цъ прїе́мъ, и҆ со а҆́гг҃лы предстоѧ̀ хрⷭ҇тꙋ̀, молѝ непреста́ннѡ ѡ҆ всѣ́хъ на́съ.
И҆ прпⷣбнагѡ ѻ҆тца̀ на́шегѡ дїонѵ́сїа глꙋши́цкагѡ.
Соверша́етсѧ собо́ръ є҆гѡ̀ во ѻ҆би́тели є҆гѡ̀. Тропа́рь, и҆ конда́къ, і҆аннꙋа́рїа въ і҃-й де́нь.
в҃. И҆́же во ст҃ы́хъ ѻ҆тца̀ на́шегѡ нїки́фора, патрїа́рха кѡнстанті́нѧ гра́да и҆сповѣ́дника.
На Гдⷭ҇и воззва́хъ стїхи̑ры, гла́съ д҃. Подо́бенъ: Ꙗ҆́кѡ до́блѧ: На стїхо́внѣ ѻ҆ктѡ́иха. Тропа́рь, гла́съ д҃. Пра́вило <<тк҃є: 649>> вѣ́ры: септе́мврїа во в҃-й де́нь. На ᲂу҆́трени, на Бг҃ъ гдⷭ҇ь, тропа́рь, два́жды. По каѳі́смахъ сѣда́льны ѻ҆ктѡ́иха. Канѡ́нъ, гла́съ д҃. По г҃- й пѣ́сни, сѣда́ленъ, гла́съ и҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:
Побѣ́ды вѣне́цъ съ нб҃сѐ, нїки́форе пресла́вне, ꙗ҆́кѡ прїе́мъ ѿ бг҃а, сп҃са́й вѣ́рою почита́ющыѧ тѧ̀, ꙗ҆́кѡ сщ҃еннонача́льника хрⷭ҇то́ва, и҆ ᲂу҆чи́телѧ.
И҆ і҆́косъ, и҆ про́логъ. По ѳ҃-й пѣ́сни, свѣти́ленъ, и҆ на стїхо́внѣ ѻ҆ктѡ́иха.
И҆ ст҃а́гѡ великомч҃нка і҆ѡа́нна но́вагѡ, мꙋ́ченагѡ въ бѣлѣ́градѣ.
Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀, и҆ и҆дѣ́же хра́мъ є҆гѡ̀.
Тропа́рь, гла́съ д҃:
Житїѐ на землѝ до́брѣ ѡ҆кормлѧ́ѧ страда́льче, ми́лостынѧми и҆ ча́стыми мл҃твами и҆ слеза́ми, па́ки же ко страда́нїю мꙋ́жески ᲂу҆стреми́всѧ, пе́рсское ѡ҆бличи́лъ є҆сѝ нече́стїе. тѣ́мже цр҃кве бы́лъ є҆сѝ ᲂу҆твержде́нїе, и҆ хрⷭ҇тїа́нъ похвало̀, і҆ѡа́нне приснопа́мѧтне.
Конда́къ, гла́съ д҃. Подо́бенъ: Вознесы́йсѧ:
Морскꙋ́ю пла́ваѧ пꙋчи́нꙋ кꙋ́плею, ѿ восто́ка тща́лсѧ є҆сѝ къ сѣ́верꙋ: но бг҃ꙋ призва́вшꙋ тѧ̀, ꙗ҆́коже матѳе́й мы́тницꙋ, ты́ же кꙋ́плю ѡ҆ста́вль, и҆ томꙋ̀ послѣ́довалъ є҆сѝ кро́вїю мꙋче́нїѧ: вре́менными и҆скꙋпи́въ непроходи̑маѧ, и҆ вѣне́цъ прїѧ́лъ є҆сѝ непобѣди́мый.
г҃. Ст҃а́гѡ мч҃нка лꙋкїллїа́на, и҆ и҆̀же съ ни́мъ.
А҆ллилꙋ́їа, и҆лѝ тропа́рь. А҆́ще по́стъ, стїхи̑ры бцⷣы, гла́съ а҃. Подо́бенъ: Всехва́льнїи: и҆ мч҃нка, гла́съ и҆ подо́бенъ то́йже. На стїхо́внѣ ѻ҆ктѡ́иха. Тропа́рь, гла́съ д҃: <<тк҃є: 649>> Мч҃нкъ тво́й гдⷭ҇и лꙋкїллїа́нъ: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ ст҃а́гѡ, гла́съ а҃. По ѕ҃-й пѣ́сни, мч҃нченъ ѻ҆ктѡ́иха.
д҃. И҆́же во ст҃ы́хъ ѻ҆тца̀ на́шегѡ митрофа́на, патрїа́рха кѡнстанті́нѧ гра́да:
Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ ѕ҃. Подо́бенъ: Всю̀ ѿложи́вше: На стїхо́внѣ ѻ҆ктѡ́иха. Тропа́рь, гла́съ д҃: Пра́вило вѣ́ры: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ, гла́съ ѕ҃, на д҃. По г҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Вѣ́рꙋ хрⷭ҇то́вꙋ ꙗ҆́снѡ ты̀ проповѣ́далъ є҆сѝ, и҆ сїю̀ соблюда́ѧ, во мно́жество вои́стиннꙋ возрасти́лъ є҆сѝ вѣ́рное твоѐ ста́до: тѣ́мже со а҆́гг҃лы митрофа́не, сра́дꙋешисѧ, хрⷭ҇тꙋ̀ молѧ́сѧ непреста́ннѡ ѡ҆ всѣ́хъ на́съ.
Та́же сѣда́ленъ, гла́съ и҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:
Ѿ младе́нства ꙗ҆ви́лсѧ є҆сѝ че́стенъ сосꙋ́дъ, ст҃и́тель бы́въ и҆збра́нъ бг҃ꙋ, є҆мꙋ́же съ весе́лїемъ взыва́лъ є҆сѝ: ра́венъ є҆сѝ хрⷭ҇тѐ ѻ҆ц҃ꙋ̀ и҆ дх҃ꙋ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха.
є҃. Ст҃а́гѡ сщ҃енномч҃нка дѡроѳе́а є҆пⷭ҇кпа тѵ́рскагѡ. И҆ преставле́нїе ст҃а́гѡ бл҃говѣ́рнагѡ вели́кагѡ кн҃зѧ ѳео́дѡра ꙗ҆росла́вича.
А҆ллилꙋ́їа, и҆лѝ тропа́рь. Стїхи̑ры, гла́съ и҃. Подо́бенъ: Мч҃нцы твоѝ: На стїхо́внѣ ѻ҆ктѡ́иха. Тропа́рь: И҆ <<тк҃є ѡ҆б.: 650>> нра́вѡмъ прича́стникъ: септе́мврїа въ г҃- й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ мч҃нка на д҃, гла́съ и҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ є҃:
Добродѣ́тельми сїѧ́ѧ, и҆ бж҃е́ственными ᲂу҆че́нїи па́че со́лнца, и҆ страда́нїи бл҃же́нне ѡ҆блиста́лъ є҆сѝ: просвѣти́лъ є҆сѝ зе́млю дѡроѳе́е, ѿгна́въ мглꙋ̀ многобо́жїѧ, и҆ лю̑тыѧ є҆́рєси. сегѡ̀ ра́ди па́мѧть твою̀ свѣ́тлѡ пра́зднꙋемъ.
На стїхо́внѣ ѻ҆ктѡ́иха.
ѕ҃. Прпⷣбнагѡ ѻ҆тца̀ на́шегѡ висарїѡ́на чꙋдотво́рца. И҆ прпⷣбнагѡ і҆ларїѡ́на но́вагѡ, ѻ҆би́тели далма́тскїѧ.
А҆ллилꙋ́їа, и҆лѝ тропа́рь. Стїхи̑ры висарїѡ́на, гла́съ и҃. Подо́бенъ: Ѽ пресла́внагѡ чꙋдесѐ! І҆ларїѡ́на, гла́съ д҃. Подо́бенъ: Да́лъ є҆сѝ зна́менїе: На стїхо́внѣ ѻ҆ктѡ́иха. Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: и҆ ст҃ы́хъ два̀: є҆ди́нъ, гла́съ в҃: Дрꙋгі́й, гла́съ и҃. По г҃-й пѣ́сни,
Конда́къ, і҆ларїѡ́на, гла́съ в҃. Подо́бенъ: Твє́рдыѧ:
Ѡ҆гра́ды живоно́сныѧ твоеѧ̀ па́жити па́стырски невреди́мо ста́до соблю́лъ є҆сѝ, и҆ ꙗ҆ви́лсѧ є҆сѝ высото́ю дѣ́лъ вели́къ, но́вый і҆ларїѡ́не, по бл҃гоче́стїи мнѡ́ги мꙋ̑ки и҆ скѡ́рби прїе́мъ. тѣ́мъ во всера́достный живо́тъ всели́лсѧ є҆сѝ го́рнѧгѡ сїѡ́на, молѝ за ны̀ прпⷣбне.
И҆ сѣда́ленъ висарїѡ́на, гла́съ а҃. Сла́ва, і҆ларїѡ́на, гла́съ д҃. По ѕ҃-й пѣ́сни,
Конда́къ, гла́съ в҃. Подо́бенъ: Твє́рдыѧ:
Вы́шнихъ си́лъ подража́въ прпⷣбне, ѡ҆́бразомъ пти́цъ житїѐ пожи́лъ <<тк҃ѕ: 651>> є҆сѝ: вре́мєннаѧ въ забы́тїи положи́въ, непреста́ннымъ жела́нїемъ влеко́мь къ нбⷭ҇нымъ добро́тамъ хрⷭ҇та̀ цр҃ѧ̀, до́ндеже тогѡ̀ дости́глъ є҆сѝ висарїѡ́не. молѝ непреста́ннѡ ѡ҆ всѣ́хъ на́съ.
На стїхо́внѣ ѻ҆ктѡ́иха.
з҃. Ст҃а́гѡ сщ҃енномч҃нка ѳеодо́та, є҆пⷭ҇кпа а҆гкѵ́рскагѡ.
А҆ллилꙋ́їа, и҆лѝ тропа́рь. Стїхи̑ры бцⷣы, гла́съ а҃. Подо́бенъ: Нбⷭ҇ныхъ чинѡ́въ: и҆ ст҃а́гѡ, гла́съ и҆ подо́бенъ то́йже. На стїхо́внѣ ѻ҆ктѡ́иха. Тропа́рь: И҆ нра́вѡмъ прича́стникъ: септе́мврїа въ г҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ ѕ҃. По г҃-й пѣ́сни, сѣда́ленъ, гла́съ а҃. На стїхо́внѣ ѻ҆ктѡ́иха.
и҃. Ст҃а́гѡ великомч҃нка ѳео́дѡра стратила́та.
На Гдⷭ҇и воззва́хъ, стїхи̑ры на ѕ҃, гла́съ в҃. Подо́бенъ: Є҆гда̀ ѿ дре́ва: И҆́ны стїхи̑ры, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ є҃: Дне́сь возсїѧ̀ па́че денни́цы: На стїхо́внѣ ѻ҆ктѡ́иха. Сла́ва, ст҃а́гѡ, гла́съ и҃: Бж҃їихъ дарѡ́въ: Тропа́рь, гла́съ д҃: Воинствосло́вїемъ и҆́стиннымъ: феврꙋа́рїа во и҃-й де́нь: На ᲂу҆́трени, по каѳі́смахъ, сѣда́льны ѻ҆ктѡ́иха: ѻ҆́ба канѡ́на ѻ҆ктѡ́иха, без̾ мч҃нчнѡвъ: и҆ ст҃а́гѡ на ѕ҃, гла́съ д҃. По г҃-й пѣ́сни, сѣда́ленъ, гла́съ и҃, два́жды. По ѕ҃-й пѣ́сни, конда́къ, гла́съ в҃. Подо́бенъ: Вы́шнихъ и҆щѧ̀: Мꙋ́жествомъ дꙋшѝ: феврꙋа́рїа во и҃-й де́нь. И҆ і҆́косъ. По ѳ҃-й пѣ́сни, свѣти́ленъ, ст҃а́гѡ, два́жды. Сла́ва, и҆ ны́нѣ, пра́здника, и҆лѝ бг҃оро́диченъ. На стїхо́внѣ ѻ҆ктѡ́иха. Сла́ва, ст҃а́гѡ гла́съ и҃. Страда́льческїй соста́вль: На лїтꙋргі́и, бл҃жє́нна пра́здника, и҆лѝ ѻ҆ктѡ́иха: и҆ ст҃а́гѡ пѣ́снь г҃-ѧ. Прокі́менъ, <<тк҃ѕ ѡ҆б.: 652>> гла́съ з҃: Возвесели́тсѧ првⷣникъ: Сті́хъ: Оу҆слы́ши бж҃е гла́съ мо́й: А҆по́столъ къ тїмоѳе́ю, зача́ло сч҃в: Возмога́й ѡ҆ бл҃года́ти: А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Є҆ѵⷢ҇лїе матѳе́а, зача́ло л҃ѕ: Сѐ а҆́зъ посыла́ю ва́съ ꙗ҆́кѡ ѻ҆́вцы: Прича́стенъ: Въ па́мѧть:
ѳ҃. И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа а҆леѯандрі́йскагѡ.
Стїхи̑ры на ѕ҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Бл҃гі́й ра́бе: На стїхо́внѣ ѻ҆ктѡ́иха. Сла́ва, гла́съ ѕ҃: Человѣ́че бж҃їй: Тропа́рь, гла́съ и҃: Правосла́вїѧ наста́вниче: ѻ҆ктѡ́врїа въ а҃і-й де́нь. На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃а́гѡ на ѕ҃, гла́съ д҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,
Конда́къ, гла́съ ѕ҃. Подо́бенъ: Є҆́же ѡ҆ на́съ:
Бе́зднꙋ на́мъ ᲂу҆че́нїй бг҃осло́вїѧ и҆сточи́лъ є҆сѝ ꙗ҆́вѣ, ѿ и҆стѡ́чникъ сп҃совыхъ, є҆́рєси погрꙋжа́ющꙋю бл҃же́нне кѷрі́лле, и҆ ста́до невреди́мо ѿ треволне́нїй сп҃са́ющꙋю: страна́мъ бо всѣ̑мъ наста́вникъ прпⷣбне, ꙗ҆́кѡ бж҃е́ствєннаѧ ꙗ҆влѧ́ѧ.
И҆ і҆́косъ. По ѳ҃-й пѣ́сни свѣти́ленъ, два́жды. Сла́ва, и҆ ны́нѣ, пра́здника, и҆лѝ бг҃оро́диченъ: На стїхо́внѣ ѻ҆ктѡ́иха. Сла́ва, гла́съ ѕ҃: Наслѣ́дниче бж҃їй: На лїтꙋргі́и, бл҃жє́нна пра́здника, и҆лѝ ѻ҆ктѡ́иха: и҆ ст҃а́гѡ пѣ́снь г҃. Прокі́менъ, гла́съ а҃: Оу҆ста̀ моѧ̑ возглаго́лютъ премꙋ́дрость: Сті́хъ: Оу҆слы́шите сїѧ̑ всѝ ꙗ҆зы́цы: А҆по́столъ ко є҆вре́ємъ, зача́ло тл҃д: Помина́йте наста́вники ва́шѧ: А҆ллилꙋ́їа, гла́съ в҃: Оу҆ста̀ првⷣнагѡ поꙋча́тсѧ премꙋ́дрости: Сті́хъ: Зако́нъ бг҃а є҆гѡ̀ въ се́рдцы є҆гѡ̀: Є҆ѵⷢ҇лїе матѳе́а зача́ло а҃і: Вы̀ є҆стѐ свѣ́тъ мі́ра: Прича́стенъ: Въ па́мѧть:
<<тк҃з: 653>>
Въ то́йже де́нь прпⷣбнагѡ ѻ҆тца̀ на́шегѡ кѷрі́лла и҆гꙋ́мена бѣлоезе́рскагѡ.
Соверша́етсѧ собо́ръ є҆гѡ̀ во ѻ҆би́тели є҆гѡ̀, и҆дѣ́же лежа́тъ мо́щи є҆гѡ̀, и҆ во хра́мѣ є҆гѡ̀.
Тропа́рь, гла́съ а҃:
Ꙗ҆́кѡ крі́нъ въ пꙋсты́ни дв҃дски процвѣ́лъ є҆сѝ ѻ҆́тче кѷрі́лле, ѕлостра́стїѧ те́рнїе и҆скоренѧ́ѧ, и҆ собра́лъ є҆сѝ въ не́й ᲂу҆чєни́къ мно́жество, стра́хомъ бж҃їимъ и҆ ᲂу҆че́нїемъ твои́мъ наставлѧ́емыхъ, и҆́хже и҆ до конца̀ ꙗ҆́кѡ чадолюби́вый ѻ҆тє́цъ не ѡ҆ста́вилъ є҆сѝ посѣща́ѧ, да всѝ вопїе́мъ: сла́ва да́вшемꙋ тѝ крѣ́пость, сла́ва вѣнча́вшемꙋ тѧ̀, сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ.
Конда́къ, гла́съ и҃:
Ꙗ҆́кѡ преѡби́дѣвъ тлѣ̑ннаѧ, и҆ до́лꙋ влекꙋ̑щаѧ мꙋдрова̑нїѧ ѻ҆́ч҃е, къ вы́шнемꙋ тече́нїю ра́достнѡ ᲂу҆стреми́лсѧ є҆сѝ, и҆ та́мѡ со ст҃ы́ми прест҃ѣ́й трⷪ҇цѣ предстоѧ̀, молѝ ѿ вра̑гъ сохрани́тисѧ ста́дꙋ твоемꙋ̀: ꙗ҆́кѡ да ст҃о́е твоѐ ᲂу҆спе́нїе пра́зднꙋюще вопїе́мъ: ра́дꙋйсѧ пребл҃же́нне кѷрі́лле ѻ҆́тче на́шъ.
і҃. Ст҃а́гѡ сщ҃енномч҃нка тїмоѳе́а, є҆пⷭ҇кпа прꙋ́сскагѡ.
А҆ллилꙋ́їа, и҆лѝ тропа́рь. Стїхи̑ры бцⷣы, гла́съ д҃. Подо́бенъ: Ꙗ҆́кѡ до́блѧ: И҆ ст҃а́гѡ, гла́съ и҃ подо́бенъ то́йже. На стїхо́внѣ ѻ҆ктѡ́иха. Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ, гла́съ д҃. По г҃-й пѣ́сни, сѣда́ленъ, гла́съ є҃.
а҃і. Ст҃ы́хъ а҆пⷭ҇лъ, варѳоломе́а и҆ варна́вы.
На вели́цѣй вече́рни, пое́мъ: Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры пра́здника г҃, и҆ <<тк҃з ѡ҆б.: 654>> а҆пⷭ҇лѡвъ є҃. А҆́ще же по́стъ, стїхи̑ры а҆пⷭ҇лѡвъ на и҃. Варѳоломе́а є҃, гла́съ д҃. Подо́бенъ: Ꙗ҆́кѡ до́блѧ: И҆ варна́вы г҃, гла́съ то́йже, Подо́бенъ: Да́лъ є҆сѝ зна́менїе: Сла́ва, гла́съ ѕ҃: Варна́во прехва́льне: И҆ ны́нѣ пра́здника, и҆лѝ бг҃оро́диченъ: Кто̀ тебѐ не ᲂу҆бл҃жи́тъ: Вхо́дъ. Прокі́менъ днѐ, и҆ чтє́нїѧ г҃: и҆щѝ сегѡ̀ мѣ́сѧца въ к҃ѳ-й де́нь. На стїхо́внѣ стїхи̑ры а҆пⷭ҇лѡвъ, гла́съ а҃. Подо́бенъ: Всехва́льнїи мч҃нцы: съ припѣ́вы и҆́хъ. Сла́ва, гла́съ и҃: А҆пⷭ҇ле сп҃совъ: И҆ ны́нѣ, пра́здника, и҆лѝ бг҃оро́диченъ: Безневѣ́стнаѧ дв҃о: По трист҃о́мъ, тропа́рь, гла́съ г҃: А҆пⷭ҇ли ст҃і́и: ѻ҆ктѡ́врїа въ л҃а-й де́нь. Сла́ва, и҆ ны́нѣ, пра́здника, и҆лѝ бг҃оро́диченъ: Тѧ̀ хода́тайствовавшꙋю: И҆ ѿпꙋ́стъ. На ᲂу҆́трени, на Бг҃ъ гдⷭ҇ь: А҆́ще є҆́сть пѧтидесѧ́тница, тропа́рь пра́здника два́жды. Сла́ва, а҆пⷭ҇лѡвъ: И҆ ны́нѣ, пра́здника. А҆́ще же нѝ, тропа́рь а҆пⷭ҇лѡвъ два́жды. Сла́ва, и҆ ны́нѣ, бг҃оро́диченъ. По каѳі́смахъ сѣда́ленъ пра́здника. А҆́ще по́стъ, сѣда́льны а҆пⷭ҇лѡвъ съ бг҃оро́дичны и҆́хъ. И҆ чте́нїе. По полѷеле́и сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Во всю̀ зе́млю: Сті́хъ: Нб҃са̀ повѣ́даютъ: Всѧ́кое дыха́нїе: Є҆ѵⷢ҇лїе і҆ѡа́нна, зача́ло ѯ҃з: Ꙗ҆ви́сѧ і҆и҃съ ᲂу҆ч҃нкѡ́мъ свои̑мъ воста́въ ѿ ме́ртвыхъ: По н҃-мъ ѱалмѣ̀ стїхи̑ры, гла́съ а҃: Во всю̀ зе́млю: А҆́ще є҆́сть пѧтидесѧ́тница, Канѡ́нъ пра́здника со і҆рмосо́мъ на ѕ҃. А҆́ще ли по́стъ, канѡ́нъ бцⷣы, со і҆рмосо́мъ на ѕ҃: и҆ а҆пⷭ҇лѡвъ два̀ на и҃. Варѳоломе́а, гла́съ в҃. И҆ варна́вы, гла́съ то́йже. Катава́сїа пра́здника. А҆́ще ли по́стъ: Ѿве́рзꙋ ᲂу҆ста̀ моѧ̑: По г҃-й пѣ́сни,
<<тк҃и: 655>>
Конда́къ варна́вы, гла́съ г҃. Подо́бенъ: Дв҃а дне́сь:
Гдⷭ҇ень бы́лъ є҆сѝ всеи́стинный слꙋжи́тель, а҆пⷭ҇лѡвъ же ꙗ҆ви́лсѧ є҆сѝ седми́десѧтихъ пе́рвый, ѡ҆зари́лъ є҆сѝ и҆ съ па́ѵломъ про́повѣдь твою̀, всѣ̑мъ возвѣща́ѧй хрⷭ҇та̀ сп҃са: сегѡ̀ ра́ди пѣснопѣ́нїи бж҃е́ственнꙋю па́мѧть твою̀ варна́во соверша́емъ.
И҆ і҆́косъ. и҆ сѣда́ленъ варѳоломе́а, гла́съ и҃. Сла́ва, варна́вы, гла́съ то́йже. И҆ ны́нѣ, пра́здника, и҆лѝ бг҃оро́диченъ. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Ꙗ҆ви́лсѧ є҆сѝ вели́кое со́лнце вселе́ннѣй, ᲂу҆че́нїй сїѧ́ньми и҆ чꙋде́съ стра́шныхъ, свѣтоводѧ̀, почита́ющыѧ тѧ̀, варѳоломе́е, гдⷭ҇ень а҆пⷭ҇ле.
И҆ і҆́косъ. По ѳ҃-й пѣ́сни, свѣти́ленъ а҆пⷭ҇лѡвъ два́жды. Сла́ва, и҆ ны́нѣ, пра́здника, и҆лѝ бг҃оро́диченъ. А҆́ще же є҆́сть пѧтидесѧ́тница: На хвали́техъ стїхи̑ры пра́здника г҃: и҆ а҆пⷭ҇лѡвъ г҃. А҆́ще же нѝ, стїхи̑ры а҆пⷭ҇лѡвъ на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ є҃: Премꙋ́дрость бж҃їѧ: И҆ ны́нѣ, пра́здника, и҆лѝ бг҃оро́диченъ: Бл҃жи́мъ тѧ̀ бцⷣе дв҃о: Славосло́вїе вели́кое. По трист҃о́мъ, тропа́рь а҆пⷭ҇лѡвъ. Сла́ва, и҆ ны́нѣ, пра́здника, и҆лѝ бг҃оро́диченъ. Є҆ктєнїѝ, и҆ ѿпꙋ́стъ, и҆ ча́съ а҃. На лїтꙋргі́и, бл҃жє́нна ѿ канѡ́на варѳоломе́а, пѣ́снь г҃, на д҃: и҆ варна́вы, пѣ́снь ѕ҃-ѧ, на д҃. Прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ: А҆по́столъ дѣѧ́нїй, зача́ло к҃и: Разсѣ́ѧвшїисѧ а҆пⷭ҇ли: А҆ллилꙋ́їа, гла́съ а҃: И҆сповѣ́дѧтъ нб҃са̀: Є҆ѵⷢ҇лїе лꙋкѝ, зача́ло н҃а: Слꙋ́шаѧй ва́съ: Прича́стенъ: Во всю̀ зе́млю:
<<тк҃и ѡ҆б.: 656>>
в҃і. Прпⷣбнагѡ ѻ҆тца̀ на́шегѡ ѻ҆нꙋ́фрїа: И҆ прпⷣбнагѡ ѻ҆тца̀ на́шегѡ петра̀ а҆ѳѡ́нскагѡ.
На Гдⷭ҇и воззва́хъ, стїхи̑ры ѻ҆нꙋ́фрїа, гла́съ и҃. Подо́бенъ: Ѽ пресла́внагѡ чꙋдесѐ! И҆ петра̀, гла́съ и҆ подо́бенъ то́йже. Сла́ва, гла́съ ѕ҃: Прпⷣбнїи ѻ҆тцы̀, во всю̀ зе́млю: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. На стїхо́внѣ ѻ҆ктѡ́иха. Сла́ва, гла́съ ѕ҃: Є҆́же по ѡ҆́бразꙋ соблю́дше: Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃-й де́нь. На ᲂу҆́трени, на Бг҃ъ гдⷭ҇ь, тропа́рь: Бж҃е ѻ҆тє́цъ на́шихъ: и҆ ѻ҆бы̑чныѧ каѳі̑смы, и҆ сѣда́льны ѻ҆ктѡ́иха, и҆ чте́нїе. Канѡ́нъ ѻ҆ктѡ́иха є҆ди́нъ, и҆ ст҃ы́хъ два̀, на и҃. Ѻ҆нꙋ́фрїа, гла́съ д҃. И҆ петра̀, гла́съ в҃-й. По г҃-й пѣ́сни,
Конда́къ петра̀, гла́съ в҃. Подо́бенъ: Вы́шнихъ и҆щѧ̀:
Оу҆дали́въ себѐ человѣ́ческагѡ сожи́тельства, въ пеще́рахъ ка́менныхъ и҆ разсѣ́линахъ пожи́лъ є҆сѝ жела́нїемъ бж҃е́ственнымъ: и҆ любо́вїю, пе́тре, гдⷭ҇а твоегѡ̀, ѿ негѡ́же вѣне́цъ прїѧ́лъ є҆сѝ, молѝ непреста́ннѡ сп҃сти́сѧ на́мъ.
И҆ і҆́косъ, сѣда́ленъ ѻ҆нꙋ́фрїа, гла́съ д҃. Сла́ва, петра̀, гла́съ а҃. По ѕ҃-й пѣ́сни,
Конда́къ ѻ҆нꙋ́фрїа, гла́съ г҃. Подо́бенъ: Дв҃а дне́сь:
Сїѧ́нїемъ дх҃а прест҃а́гѡ бг҃омꙋ́дре просвѣ́щьсѧ, ѡ҆ста́вилъ є҆сѝ ꙗ҆̀же въ житїѝ молвы̑: пꙋсты́ни же дости́гъ прпⷣбне ѻ҆́тче, возвесели́лъ є҆сѝ и҆́же над̾ всѣ́ми бг҃а и҆ зижди́телѧ. сегѡ̀ ра́ди прославлѧ́етъ тѧ̀ хрⷭ҇то́съ бл҃же́нне, вели́кїй дарода́тель.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха, и҆ ѻ҆нꙋ́фрїа. Сла́ва, петра̀: И҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, гла́съ и҃: Мона́хѡвъ мно́жєства: На лїтꙋргі́и, бл҃жє́нна, ѡ҆ канѡ́на петра̀, пѣ́снь г҃: И҆ ѻ҆нꙋ́фрїа, пѣ́снь ѕ҃. Прокі́менъ, гла́съ з҃: Чⷭ҇тна̀ пред̾ <<тк҃ѳ: 657>> гдⷭ҇емъ: Сті́хъ: Что̀ возда́мъ гдⷭ҇еви: А҆по́столъ къ гала́тѡмъ, зача́ло сг҃і: Пло́дъ дх҃о́вный: А҆ллилꙋ́їа, гла́съ ѕ҃: Бл҃же́нъ мꙋ́жъ боѧ́йсѧ гдⷭ҇а: Сті́хъ: Си́льно на землѝ бꙋ́детъ: Є҆ѵⷢ҇лїе матѳе́а, зача́ло м҃г: Всѧ̑ мнѣ̀ прєдана̀ сꙋ́ть: Прича́стенъ: Ра́дꙋйтесѧ пра́веднїи ѡ҆ гдⷭ҇ѣ:
г҃і. Ст҃ы́ѧ мч҃нцы а҆кѷлі́ны: И҆ ст҃а́гѡ трїфѵ́ллїа, є҆пⷭ҇кпа леѵкꙋсі́и кѵ́прскїѧ.
Стїхи̑ры мч҃нцы, гла́съ д҃. Подо́бенъ: Да́лъ є҆сѝ зна́менїе: и҆ трїфѵ́ллїа, гла́съ и҃. Подо́бенъ: Ѽ пресла́внагѡ чꙋдесѐ! На стїхо́внѣ ѻ҆ктѡ́иха. Тропа́рь ст҃ы́ѧ, гла́съ д҃: А҆́гница твоѧ̀ і҆и҃се а҆кѷлі́на: септе́мврїа въ ѕ҃і-й де́нь. Сла́ва, ст҃а́гѡ, гла́съ д҃: Пра́вило вѣ́ры: септе́мврїа во в҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: и҆ ст҃ы́хъ два̀, на и҃: є҆ди́нъ, гла́съ и҃, дрꙋгі́й, гла́съ в҃. По г҃-й пѣ́сни,
Конда́къ, гла́съ и҃. Подо́бенъ: Взбра́нной:
И҆зрѧ́дствомъ житїѧ̀ чистотꙋ̀ дѣ́вства прїе́мъ трїфѵ́ллїе, первопресто́льникъ показа́лсѧ є҆сѝ леѵкꙋсі́и: и҆ ꙗ҆ви́лсѧ є҆сѝ тѣ̑мъ провозвѣсти́тель и҆ бг҃оразꙋ́мїѧ наста́вникъ. сегѡ̀ ра́ди ра́достнѡ взыва́емъ тѝ: ра́дꙋйсѧ ст҃и́телей ᲂу҆краше́нїе.
И҆ сѣда́ленъ ст҃ы́ѧ, гла́съ и҃. Сла́ва, ст҃а́гѡ, гла́съ г҃. По ѕ҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Дѣ́вства твоегѡ̀ добро́тами, пред̾ѡчи́стивши дꙋ́шꙋ твою̀, и҆ на высотꙋ̀ мꙋче́нїемъ востекла̀ є҆сѝ а҆кѷлі́но всечестна́ѧ, любо́вїю жениха̀ твоегѡ̀ хрⷭ҇та̀ ᲂу҆ѧзви́вшисѧ, є҆мꙋ́же со а҆́гг҃лы предстои́ши веселѧ́щисѧ: съ ни́миже не преста́й молѧ́сѧ ѡ҆ всѣ́хъ на́съ.
По ѳ҃-й пѣ́сни, свѣти́ленъ, и҆ на стїхо́внѣ ѻ҆ктѡ́иха.
<<тк҃ѳ ѡ҆б.: 658>>
д҃і. Ст҃а́гѡ прⷪ҇ро́ка є҆лїссе́а: И҆ и҆́же во ст҃ы́хъ ѻ҆тца̀ меѳо́дїа патрїа́рха кѡнстанті́нѧ гра́да.
Стїхи̑ры ст҃ы́хъ на ѕ҃: прⷪ҇ро́ка, гла́съ и҃. Подо́бенъ: Ѽ пресла́внагѡ чꙋдесѐ! и҆ меѳо́дїа, гла́съ и҆ подо́бенъ то́йже: Сла́ва, гла́съ в҃: Прⷪ҇рѡ́къ бж҃е́ственное прише́ствїе: На стїхо́внѣ ѻ҆ктѡ́иха: та́же припѣ́въ: Сщ҃е́нницы твоѝ ѡ҆блекꙋ́тсѧ: и҆ пое́мъ стїхи́рꙋ меѳо́дїа, гла́съ д҃ самогла́снꙋ: Ве́селѡ дне́сь це́рковь: Сла́ва, гла́съ ѕ҃: Прⷪ҇ро́че проповѣ́дателю:
Тропа́рь, гла́съ д҃:
Во пло́ти а҆́гг҃лъ, прⷪ҇ро́кѡвъ ѡ҆снова́нїе, вторы́й прⷣте́ча прише́ствїѧ хрⷭ҇то́ва, и҆лїа̀ сла́вный, свы́ше посла́вый є҆лїссе́еви бл҃года́ть, недꙋ́ги ѿгонѧ́ти, и҆ прокажє́нныѧ ѡ҆чища́ти: тѣ́мже и҆ почита́ющымъ є҆го̀ то́читъ и҆сцѣлє́нїѧ.
Сла́ва, меѳо́дїа, гла́съ то́йже: Пра́вило вѣ́ры: септе́мврїа во в҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ: и҆ ст҃ы́хъ два̀ на и҃. Прⷪ҇ро́ка, гла́съ є҃: и҆ меѳо́дїа, гла́съ д҃. По г҃-й пѣ́сни,
Конда́къ меѳо́дїа, гла́съ в҃. Подо́бенъ: Твє́рдыѧ:
На землѝ подвиза́лсѧ є҆сѝ ꙗ҆́кѡ безпло́тный, и҆ нб҃са̀ наслѣ́довалъ є҆сѝ меѳо́дїе, ꙗ҆́кѡ и҆з̾ѧсни́вый въ концѣ́хъ і҆кѡ́нъ поклоне́нїе: въ трꙋдѣ́хъ бо и҆ болѣ́знехъ вѧ́щше пребы́въ, не преста́лъ є҆сѝ дерзнове́нїемъ ѡ҆блича́ѧ ѿмета́ющыѧсѧ і҆кѡ́ны хрⷭ҇то́вы.
И҆ і҆́косъ, и҆ сѣда́ленъ прⷪ҇ро́ка, гла́съ а҃. Сла́ва, меѳо́дїа, гла́съ д҃. По ѕ҃-й пѣ́сни,
Конда́къ прⷪ҇ро́ка, гла́съ в҃. Подо́бенъ: Вы́шнихъ и҆щѧ̀:
Прⷪ҇ро́къ бж҃їй ꙗ҆ви́лсѧ є҆сѝ, сꙋгꙋ́бꙋю бл҃года́ть прїе́мъ, вои́стиннꙋ досто́йнꙋю тебѐ, є҆лїссе́е бл҃же́нне: и҆лїи́ бо бы́лъ є҆сѝ совсе́льникъ, съ ни́мже хрⷭ҇тꙋ̀ бг҃ꙋ моли́сѧ непреста́ннѡ ѡ҆ всѣ́хъ на́съ.
<<т҃л: 659>>
И҆ і҆́косъ: и҆ про́логъ. По ѳ҃-й пѣ́сни, свѣти́ленъ ѻ҆ктѡ́иха, и҆ прⷪ҇ро́ка. Сла́ва, меѳо́дїа. На стїхо́внѣ ѻ҆ктѡ́иха. Сла́ва, меѳо́дїа, гла́съ ѕ҃: Ѕвѣзда̀ возсїѧ̀: На лїтꙋргі́и, прокі́менъ, гла́съ д҃. Ты̀ і҆ере́й во вѣ́къ: Сті́хъ: Речѐ гдⷭ҇ь гдⷭ҇еви моемꙋ̀: А҆по́столъ собо́рнагѡ посла́нїѧ і҆а́кѡвлѧ, зача́ло н҃з: Ѡ҆́бразъ прїими́те: А҆ллилꙋ́їа, гла́съ д҃: Мѡѷсе́й и҆ а҆арѡ́нъ: Є҆ѵⷢ҇лїе лꙋкѝ, зача́ло д҃і: Дивлѧ́хꙋсѧ наро́ди ѡ҆ словесѣ́хъ: Прича́стенъ: Въ па́мѧть вѣ́чнꙋю:
є҃і. Ст҃а́гѡ прⷪ҇ро́ка а҆мѡ́са:
А҆ллилꙋ́їа, и҆лѝ тропа́рь. Стїхи̑ры бцⷣы, гла́съ в҃. Подо́бенъ: Є҆гда̀ ѿ дре́ва: и҆ ст҃а́гѡ, гла́съ и҆ подо́бенъ то́йже. На стїхо́внѣ ѻ҆ктѡ́иха, тропа́рь, гла́съ в҃: Прⷪ҇ро́ка твоегѡ̀ а҆мѡ́са: септе́мврїа въ д҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ прⷪ҇ро́ка на д҃, гла́съ з҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Ѡ҆чи́стивъ дх҃омъ прⷪ҇ро́че твоѐ свѣтоза́рное се́рдце сла́вный а҆мѡ́се, прⷪ҇ро́чествїѧ да́ръ свы́ше прїе́мъ, возопи́лъ є҆сѝ велегла́снѡ во страна́хъ: сѐ бг҃ъ на́шъ, и҆ не преложи́тсѧ и҆́нъ къ немꙋ̀.
Въ то́йже де́нь во ст҃ы́хъ ѻ҆тца̀ на́шегѡ і҆ѡ́ны, митрополі́та моско́вскагѡ и҆ всеѧ̀ рѡссі́и.
Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀, и҆ и҆дѣ́же хра́мъ є҆гѡ̀: повсю́дꙋ же полѷеле́й.
Тропа́рь, гла́съ д҃:
Ѿ ю҆́ности твоеѧ̀ ве́сь са́мъ себѐ гдⷭ҇еви возложи́въ, въ мл҃твахъ, и҆ трꙋдѣ́хъ, и҆ въ постѣ́хъ ѡ҆́бразъ бы́въ добродѣ́тели: ѿѻнꙋ́дꙋже ви́дѣвъ бг҃ъ твоѐ бл҃го́е произволе́нїе, а҆рхїере́а тѧ̀ и҆ па́стырѧ це́ркви свое́й ᲂу҆строѧ́етъ. тѣ́мже и҆ по преставле́нїи, честно́е <<т҃л ѡ҆б.: 660>> тѣ́ло твоѐ цѣ́ло и҆ нетлѣ́нно соблюде́сѧ, і҆ѡ́но ст҃и́телю, молѝ хрⷭ҇та̀ бг҃а, да сп҃се́тъ дꙋ́шы на́шѧ.
Конда́къ, гла́съ и҃. Подо́бенъ: Взбра́нной:
Ꙗ҆́кѡ ѿ младе́нства гдⷭ҇еви порабо́тивъ себѐ мꙋ́дре, посто́мъ и҆ бдѣ́нїемъ тѣ́ло твоѐ ᲂу҆дрꙋча́ѧ. тѣ́мже сосꙋ́дъ чи́стъ, и҆ до́мъ дх҃ꙋ прест҃о́мꙋ ꙗ҆ви́лсѧ є҆сѝ: сегѡ̀ ра́ди и҆ це́ркви свое́й тебѐ а҆рхїере́а и҆ па́стырѧ ᲂу҆строѧ́етъ, ю҆́же до́брѣ ᲂу҆па́съ ко гдⷭ҇ꙋ ѿхо́диши, є҆го́же возлюби́лъ є҆сѝ. тѣ́мъ мо́лимъ тѧ̀: помина́й на́съ, вѣ́рою чтꙋ́щихъ ст҃ꙋ́ю па́мѧть твою̀, да всѝ зове́мъ тѝ: ра́дꙋйсѧ ѻ҆́тче і҆ѡ́но, ст҃и́телю всечестны́й.
ѕ҃і. Ст҃а́гѡ и҆ чꙋдотво́рца тѵ́хѡна а҆маѳꙋ́нтскагѡ:
А҆ллилꙋ́їа, и҆лѝ тропа́рь. Стїхи̑ры бцⷣы, гла́съ и҃. Подо́бенъ: Что̀ вы̀ нарече́мъ: И҆ ст҃а́гѡ, гла́съ и҆ подо́бенъ то́йже. На стїхо́внѣ ѻ҆ктѡ́иха: Тропа́рь, гла́съ а҃: Пꙋсты́нный жи́тель: септе́мврїа въ к҃ѳ-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃. По ѕ҃-й пѣ́сни,
Конда́къ, гла́съ г҃. Подо́бенъ: Дв҃а дне́сь:
Въ по́стничествѣ свѧ́те бг҃олюбе́зномъ пребы́въ, ᲂу҆тѣ́шителевꙋ си́лꙋ съ высоты̀ прїѧ́лъ є҆сѝ, і҆́дѡлъ низложи́ти пре́лєсти, лю́ди же сп҃стѝ, де́мѡны ѿгна́ти, недꙋ́ги и҆сцѣлѧ́ти: сегѡ̀ ра́ди почита́емъ тѧ̀ ꙗ҆́кѡ бж҃їѧ дрꙋ́га, тѵ́хѡне бл҃же́нне.
з҃і. Ст҃ы́хъ мч҃нкъ, манꙋ́ила, саве́ла и҆ і҆сма́ила.
Стїхи̑ры, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ и҃, самогла́сенъ: Чи́стѡ возлю́бльше тѧ̀: На стїхо́внѣ ѻ҆ктѡ́иха: Тропа́рь, гла́съ д҃: Мч҃нцы твоѝ гдⷭ҇и: <<тл҃а: 661>> септе́мврїа въ к҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃ы́хъ на д҃, гла́съ и҃. По г҃-й пѣ́сни, сѣда́ленъ, гла́съ а҃. По ѕ҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Вѣ́рою хрⷭ҇то́вою ᲂу҆ѧ́звлени всебл҃же́ннїи, и҆ сегѡ̀ вѣ́рнѡ и҆спи́вше ча́шꙋ, пє́рсскаѧ слꙋжє́нїѧ и҆ де́рзость на зе́млю низложи́сте, трⷪ҇цы равночи́сленнїи, мл҃твы творѧ́ще ѡ҆ всѣ́хъ на́съ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. На лїтꙋргі́и, прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ це́рквахъ бл҃гослови́те бг҃а гдⷭ҇а: А҆по́столъ ко є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: А҆ллилꙋ́їа, гла́съ д҃: Воззва́ша првⷣнїи: Є҆ѵⷢ҇лїе лꙋкѝ, зача́ло р҃ѕ: Внемли́те ѿ человѣ̑къ: Прича́стенъ: Ра́дꙋйтесѧ:
и҃і. Ст҃а́гѡ мч҃нка лео́нтїа:
Стїхи̑ры, гла́съ и҃. Подо́бенъ: Что̀ вы̀ нарече́мъ: Сла́ва, гла́съ а҃. Стрⷭ҇тоте́рпче лео́нтїе: На стїхо́внѣ ѻ҆ктѡ́иха: Сла́ва, гла́съ д҃: Да весели́тсѧ нб҃о дне́сь свѣ́тлѡ: Тропа́рь, гла́съ д҃: Мч҃нкъ тво́й гдⷭ҇и: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ д҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ г҃. Подо́бенъ: Дв҃а дне́сь:
Мꙋчи́телей посрами́лъ є҆сѝ лꙋка̑ваѧ кова̑рства, и҆ є҆́ллинѡвъ ѡ҆бличи́лъ є҆сѝ безбо́жное слꙋже́нїе, возсїѧ́лъ є҆сѝ бг҃оразꙋ́мїе всѣ̑мъ человѣ́кѡмъ, ᲂу҆че́ньми бл҃гоче́стїѧ бг҃омꙋ́дре мч҃нче. сегѡ̀ ра́ди твою̀ па́мѧть почита́емъ любо́вїю премꙋ́дре лео́нтїе.
И҆ і҆́косъ, и҆ про́логъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На лїтꙋргі́и, прокі́менъ, гла́съ <<тл҃а ѡ҆б.: 662>> з҃: Возвесели́тсѧ првⷣникъ: Сті́хъ: Оу҆слы́ши бж҃е гла́съ мо́й: А҆по́столъ дѣѧ́нїй, зача́ло к҃ѳ: Возложѝ и҆́рѡдъ ца́рь рꙋ́цѣ: А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ: Є҆ѵⷢ҇лїе і҆ѡа́нна, зача́ло н҃в: Сѝ заповѣ́даю ва́мъ: Прича́стенъ: Въ па́мѧть вѣ́чнꙋю:
ѳ҃і. Ст҃а́гѡ а҆пⷭ҇ла і҆ꙋ́ды бра́та гдⷭ҇нѧ.
На вели́цѣй вече́рни, пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры а҆пⷭ҇ла на и҃, гла́съ а҃. Подо́бенъ: Всехва́льнїи мч҃нцы: Сла́ва, гла́съ и҃: И҆́же бж҃е́ственнагѡ дх҃а: И҆ ны́нѣ: Цр҃ь нбⷭ҇ный: Вхо́дъ. Прокі́менъ днѐ, и҆ чтє́нїѧ трѝ: а҃-е, Собо́рнагѡ посла́нїѧ і҆ꙋ́дина: І҆ꙋ́да і҆и҃сꙋ хрⷭ҇тꙋ̀ ра́бъ: в҃-е, Го́ре и҆̀мъ: г҃-е, Вы́ же возлю́бленнїи: На стїхо́внѣ стїхи̑ры, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ в҃: Ре́вности бж҃е́ственныѧ: И҆ ны́нѣ, бг҃оро́диченъ: Ѽ чꙋдесѐ но́вагѡ: По трист҃о́мъ,
Тропа́рь, гла́съ а҃:
Хрⷭ҇то́ва тѧ̀ сро́дника, ѽ і҆ꙋ́до, вѣ́дꙋще, и҆ мч҃нка тве́рда, сщ҃е́ннѡ восхвалѧ́емъ, пре́лесть попра́вша, и҆ вѣ́рꙋ соблю́дша: тѣ́мже дне́сь всест҃ꙋ́ю твою̀ па́мѧть пра́зднꙋюще, грѣхѡ́въ разрѣше́нїе мл҃твами твои́ми прїе́млемъ.
Сла́ва, и҆ ны́нѣ, бг҃оро́диченъ: Гаврїи́лꙋ вѣща́вшꙋ: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь а҆пⷭ҇ла два́жды. Сла́ва, и҆ ны́нѣ, бг҃оро́диченъ: По каѳі́смахъ сѣда́льны а҆пⷭ҇ла, съ бг҃оро́дичны и҆́хъ, и҆ чте́нїе. По полѷеле́и сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ: Нбⷭ҇наѧ пою́тъ тѧ̀: Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Во всю̀ зе́млю. Сті́хъ: Нб҃са̀ повѣ́даютъ: Всѧ́кое дыха́нїе: Є҆ѵⷢ҇лїе і҆ѡа́нна, зача́ло ѯ҃з: Ꙗ҆ви́сѧ <<тл҃в: 663>> і҆и҃съ ᲂу҆ч҃нкѡ́мъ свои̑мъ: По н҃-мъ ѱалмѣ̀ стїхи́ра, гла́съ а҃: Во всю̀ зе́млю: Канѡ́нъ бцⷣы со і҆рмосо́мъ на ѕ҃: и҆ а҆пⷭ҇ла на и҃, гла́съ є҃. Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Па́ѵлꙋ ꙗ҆́вльсѧ собесѣ́дникъ а҆пⷭ҇ле, съ си́мъ на́мъ про́повѣдь возвѣсти́лъ є҆сѝ бж҃е́ственныѧ бл҃года́ти, тайноглаго́льниче і҆ꙋ́до бл҃же́нне. сегѡ̀ ра́ди вопїе́мъ тѝ: не преста́й молѧ́сѧ ѡ҆ всѣ́хъ на́съ.
Та́же сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,
Конда́къ, гла́съ в҃. Подо́бенъ: Твє́рдыѧ:
Тве́рдымъ ᲂу҆мо́мъ и҆збра́нъ ᲂу҆ч҃нкъ ты̀ ꙗ҆ви́лсѧ є҆сѝ, и҆ сто́лпъ неѡбори́мь це́ркве хрⷭ҇то́вы, ꙗ҆зы́кѡмъ проповѣ́далъ є҆сѝ сло́во хрⷭ҇то́во, вѣ́ровати, глаго́лѧ, во є҆ди́но бж҃ество̀: ѿ негѡ́же просла́вивсѧ, прїѧ́лъ є҆сѝ да́ръ и҆сцѣле́нїй, цѣли́ти недꙋ́ги притека́ющымъ къ тебѣ̀, а҆пⷭ҇ле і҆ꙋ́до всехва́льне.
И҆ і҆́косъ, и҆ про́логъ. По ѳ҃-й пѣ́сни, свѣти́ленъ а҆пⷭ҇ла, два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры а҆пⷭ҇ла на д҃, гла́съ є҃, подо́бенъ: Прпⷣбне ѻ҆́тче: Сла́ва, гла́съ в҃: Ѡ҆ста́вивъ земна̑ѧ: И҆ ны́нѣ, бг҃оро́диченъ: Сп҃сѝ ѿ бѣ́дъ: Славосло́вїе вели́кое. По трист҃о́мъ тропа́рь а҆пⷭ҇ла. Сла́ва, и҆ ны́нѣ, бг҃оро́диченъ. Є҆ктєнїѝ, и҆ ѿпꙋ́стъ, и҆ ча́съ а҃-й. На лїтꙋргі́и, бл҃жє́нна, ѿ канѡ́на а҆пⷭ҇ла, пѣ́снь г҃-ѧ и҆ ѕ҃-ѧ, на и҃. Прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ: А҆по́столъ і҆ꙋ́дина посла́нїѧ, зача́ло ѻ҃з: І҆ꙋ́да і҆и҃сꙋ хрⷭ҇тꙋ̀ ра́бъ: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀: Є҆ѵⷢ҇лїе і҆ѡа́нна, зача́ло м҃и: Глаго́лы, ꙗ҆̀же а҆́зъ глаго́лю ва́мъ: Прича́стенъ: Во всю̀ зе́млю:
<<тл҃в ѡ҆б.: 664>>
[зрѝ][[комм.]] Подоба́етъ вѣ́дати, а҆́ще слꙋчи́тсѧ ст҃а́гѡ а҆пⷭ҇ла і҆ꙋ́ды во ѿда́нїе пра́здника пѧтьдесѧ́тницы, пое́мъ слꙋ́жбꙋ є҆гѡ̀ ꙗ҆́коже ᲂу҆каза́сѧ на ѡ҆брѣ́тенїе главы̀ прⷣте́чевы, ма́їа въ к҃є-й де́нь.
к҃. Ст҃а́гѡ сщ҃енномч҃нка меѳо́дїа, є҆пⷭ҇кпа пата́рскагѡ.
А҆ллилꙋ́їа, и҆лѝ тропа́рь. Стїхи̑ры, гла́съ д҃. Подо́бенъ: Да́лъ є҆сѝ зна́менїе: На стїхо́внѣ ѻ҆ктѡ́иха.
Тропа́рь, гла́съ а҃:
Кро́вь твоѧ̀ мꙋ́дре та́йнѡ вопїе́тъ ѿ землѝ, ꙗ҆́коже а҆́велева, къ бг҃ꙋ бг҃омꙋ́дре ст҃и́телю меѳо́дїе, ꙗ҆́снѡ проповѣ́давый бж҃їе вочл҃вѣ́ченїе: тѣ́мже и҆ посрами́лъ є҆сѝ ѻ҆рїге́новꙋ ле́сть, и҆ преста́вилсѧ є҆сѝ въ нбⷭ҇ный черто́гъ. молѝ хрⷭ҇та̀ бг҃а, да сп҃се́тъ дꙋ́шы на́шѧ.
На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ з҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ д҃. Подо́бенъ: Вознесы́йсѧ:
Сщ҃еннотаи́нникъ ст҃ы́ѧ трⷪ҇цы, и҆ ꙗ҆̀же па́че ᲂу҆ма̀ повелѣ́нїй бж҃е́ственныхъ проповѣ́дникъ, и҆ правосла̑внымъ ᲂу҆твержде́нїе бы́лъ є҆сѝ меѳо́дїе, ѕлосла̑вныѧ ѡ҆бличи́лъ є҆сѝ смы́слы правовѣ́рїѧ ра́ди, кро́вїю твое́ю сщ҃енномч҃нкъ ꙗ҆́вльсѧ: и҆ хрⷭ҇тꙋ̀ со а҆́гг҃лы предстоѧ̀, молѝ сп҃сти́сѧ на́мъ.
к҃а. Ст҃а́гѡ мч҃нка і҆ꙋлїа́на тарсі́йскагѡ.
Стїхи̑ры, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Непоро́чныѧ вѣ́ры: На стїхо́внѣ ѻ҆ктѡ́иха. Сла́ва, гла́съ ѕ҃: Прїиди́те мч҃нколю́бцы: Тропа́рь, гла́съ д҃: Мч҃нкъ тво́й гдⷭ҇и: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ а҃. По ѕ҃-й пѣ́сни,
<<тл҃г: 665>>
Конда́къ, гла́съ в҃. Подо́бенъ: Въ мл҃твахъ:
Бл҃гоче́стїѧ непобѣди́маго во́ина, и҆ и҆́стины согла́сника и҆ ѻ҆рꙋ́жника, всѝ досто́йнѡ восхва́лимъ і҆ꙋлїа́на дне́сь, и҆ къ немꙋ̀ возопїи́мъ: молѝ хрⷭ҇та̀ бг҃а ѡ҆ всѣ́хъ на́съ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха: Сла́ва, ст҃а́гѡ. На стїхо́внѣ ѻ҆ктѡ́иха. На лїтꙋргі́и, прокі́менъ, гла́съ д҃: Ст҃ы̑мъ и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а: А҆по́столъ къ є҆фесе́ємъ, зача́ло сл҃г: Возмога́йте ѡ҆ гдⷭ҇ѣ: А҆ллилꙋ́їа, гла́съ д҃: Воззва́ша првⷣнїи: Сті́хъ: Мнѡ́ги скѡ́рби пра́вєднымъ: Є҆ѵⷢ҇лїе лꙋкѝ, зача́ло р҃ѕ: Внемли́те ѿ человѣ̑къ: Прича́стенъ: Въ па́мѧть вѣ́чнꙋю:
к҃в. Ст҃а́гѡ сщ҃енномч҃нка є҆ѵсе́вїа, є҆пⷭ҇кпа самоса́тскагѡ.
А҆ллилꙋ́їа, и҆лѝ тропа́рь. Стїхи̑ры, гла́съ и҃, подо́бенъ: Что̀ вы̀ нарече́мъ: На стїхо́внѣ ѻ҆ктѡ́иха. Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:
Бл҃гоче́стнѡ во ст҃и́тельствѣ пожи́въ, и҆ мꙋче́нїѧ пꙋ́ть проше́дъ, і҆́дѡльскїѧ ᲂу҆гаси́лъ є҆сѝ жє́ртвы ст҃и́телю є҆ѵсе́вїе: но ꙗ҆́кѡ и҆мѣ́ѧй дерзнове́нїе ко хрⷭ҇тꙋ̀ бг҃ꙋ, молѝ сп҃сти́сѧ дꙋша́мъ на́шымъ.
к҃г. Ст҃ы́ѧ мч҃нцы а҆грѷппі́ны:
Стїхи̑ры, гла́съ д҃, подо́бенъ: Да́лъ є҆сѝ зна́менїе. На стїхо́внѣ ѻ҆ктѡ́иха. Тропа́рь, гла́съ д҃: А҆́гница твоѧ̀ і҆и҃се: септе́мврїа въ ѕ҃і-й де́нь. На ᲂу҆́трени, ѻ҆́ба <<тл҃г ѡ҆б.: 666>> канѡ́на ѻ҆ктѡ́иха: и҆ ст҃ы́ѧ на д҃, гла́съ д҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ д҃. Подо́бенъ: Ꙗ҆ви́лсѧ є҆сѝ:
Свѣ́тлыхъ пѡ́двигъ твои́хъ свѣтоно́сный наста̀ де́нь, во́ньже почита́ющи си́хъ бж҃е́ственнаѧ цр҃ковь, всѧ̑ созыва́етъ ве́селѡ вопи́ти тебѣ̀: ра́дꙋйсѧ дв҃о и҆ мч҃нце, а҆грѷппі́но всечестна́ѧ.
Въ то́йже де́нь пра́зднꙋемъ, срѣ́тенїе пречⷭ҇тыѧ бцⷣы, чꙋдотво́рныѧ і҆кѡ́ны влади́мїрскїѧ.
Тропа́рь и҆ конда́къ, пи́санъ ма́їа въ к҃а-й де́нь.
к҃д. Ржⷭ҇тво̀ чⷭ҇тна́гѡ сла́внагѡ прⷪ҇ро́ка, прⷣте́чи и҆ крⷭ҇ти́телѧ і҆ѡа́нна.
На ма́лѣй вече́рни, стїхи̑ры на д҃, гла́съ д҃. Подо́бенъ: Зва́нный свы́ше: Сла́ва, гла́съ и҃, самогла́сенъ: Подоба́етъ і҆ѡа́ннꙋ: И҆ ны́нѣ, Влⷣчце прїимѝ: На стїхо́внѣ стїхи̑ры, гла́съ в҃, подо́бенъ: До́ме є҆ѵфра́ѳовъ: съ припѣ́вы и҆́хъ: а҃-й, Бл҃гослове́нъ гдⷭ҇ь бг҃ъ і҆и҃левъ: в҃-й, И҆ ты̀ ѻ҆троча̀ прⷪ҇ро́къ: Сла́ва, и҆ ны́нѣ, гла́съ и҃: Ви́ждь є҆лїсаве́тъ:
Тропа́рь, гла́съ д҃:
Прⷪ҇ро́че и҆ прⷣте́че прише́ствїѧ хрⷭ҇то́ва, досто́йнѡ восхвали́ти тѧ̀ недоꙋмѣ́емъ мы̀, любо́вїю чтꙋ́щїи тѧ̀: непло́дство бо ро́ждшїѧ, и҆ ѻ҆́тчее безгла́сїе разрѣши́сѧ сла́внымъ и҆ честны́мъ твои́мъ ржⷭ҇тво́мъ, и҆ воплоще́нїе сн҃а бж҃їѧ мі́рови проповѣ́дꙋетсѧ.
Сла́ва, и҆ ны́нѣ, бг҃оро́диченъ: Є҆́же ѿ вѣ́ка: Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀, пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ д҃, самогла́сны: Разрѣша́етъ заха́рїино молча́нїе: Сла́ва, гла́съ ѕ҃: Дне́сь свѣ́та свѣти́льникъ: И҆ ны́нѣ: гла́съ то́йже: Є҆лїсаве́тъ зача́тъ прⷣте́чꙋ: Вхо́дъ, прокі́менъ днѐ, чтє́нїѧ г҃: а҃-е, Бытїѧ̀: <<тл҃д: 667>> Речѐ бг҃ъ а҆враа́мꙋ, са́ра жена̀ твоѧ̀: в҃-е, Сꙋде́й: Во дни̑ ѻ҆́ны, бы́сть мꙋ́жъ ѿ колѣ́на да́нова: г҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь: ᲂу҆тѣша́йте, ᲂу҆тѣша́йте лю́ди моѧ̑: На лїті́и стїхи̑ры самогла́сны, гла́съ а҃: И҆ска́пайте го́ры сла́дость: Сла́ва, гла́съ є҃: Прⷪ҇ро́кѡвъ предѣ́лъ: И҆ ны́нѣ: Хра́мъ и҆ две́рь: На стїхо́внѣ стїхи̑ры, гла́съ в҃, самогла́сны: И҆́же ѿ прⷪ҇ро́ка прⷪ҇ро́ка: съ припѣ́вы. Сла́ва, гла́съ и҃: И҆са́їи ны́нѣ прⷪ҇ро́ка гла́съ: И҆ ны́нѣ, гла́съ то́йже: Ви́ждь є҆лїсаве́тъ: На бл҃гослове́нїи хлѣ́бѡвъ тропа́рь, гла́съ д҃, два́жды: пи́санъ на ма́лѣй вече́рни: и҆ Бцⷣе дв҃о: є҆ди́ножды: и҆ Бꙋ́ди и҆́мѧ гдⷭ҇не: три́жды, съ пѣ́нїемъ: и҆ ѱало́мъ л҃г: Бл҃гословлю̀ гдⷭ҇а: и҆ чте́нїе. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, и҆ ны́нѣ: Є҆́же ѿ вѣ́ка: И҆ ѻ҆бы̑чныѧ каѳі̑смы: и҆ сѣда́льны прⷣте́чи съ бг҃оро́дичны и҆́хъ, и҆ чте́нїе. По полѷеле́и сѣда́ленъ, гла́съ и҃: Да ра́дꙋетсѧ ѻ҆те́цъ: два́жды. Сла́ва, и҆ ны́нѣ бг҃оро́диченъ. И҆ чте́мъ сло́во похва́льное прⷣте́чи. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: И҆ ты̀ ѻ҆троча̀ прⷪ҇ро́къ: Сті́хъ: Бл҃гослове́нъ гдⷭ҇ь бг҃ъ і҆и҃левъ: Всѧ́кое дыха́нїе: Сті́хъ: Хвали́те бг҃а во ст҃ы́хъ є҆гѡ̀: Є҆ѵⷢ҇лїе лꙋкѝ, зача́ло г҃: Зача́тъ є҆лїсаве́тъ жена̀ заха́рїина: Коне́цъ: До днѐ ꙗ҆вле́нїѧ своегѡ̀ ко і҆и҃лю. По н҃-мъ ѱалмѣ̀ стїхи́ра, гла́съ в҃: И҆з̾ чре́ва мт҃рнѧ ѡ҆свѧ́щьсѧ: пи́сана на стїхо́внѣ. Канѡ́нъ прⷣте́чи, творе́нїе і҆ѡа́нна, гла́съ д҃, со і҆рмосо́мъ на и҃: і҆рмо́съ по два́жды: и҆ дрꙋгі́й канѡ́нъ, творе́нїе а҆ндре́ево, на ѕ҃, гла́съ то́йже: Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, сѣда́ленъ, гла́съ и҃: Сла́ва, гла́съ д҃: И҆ ны́нѣ, бг҃оро́диченъ. И҆ чте́нїе. По ѕ҃-й пѣ́сни,
<<тл҃д ѡ҆б.: 668>>
Конда́къ, гла́съ г҃. Подо́бенъ: Дв҃а дне́сь:
Пре́жде непло́ды, дне́сь хрⷭ҇то́ва прⷣте́чꙋ ражда́етъ, и҆ то́й є҆́сть и҆сполне́нїе всѧ́кагѡ проро́чества: є҆го́же бо прⷪ҇ро́цы проповѣ́даша, на сего̀ во і҆ѻрда́нѣ рꙋ́кꙋ положи́въ, ꙗ҆ви́сѧ бж҃їѧ сло́ва прⷪ҇ро́къ, проповѣ́дникъ, вкꙋ́пѣ и҆ прⷣте́ча.
И҆ і҆́косъ, и҆ чте́мъ про́логъ: По ѳ҃-й пѣ́сни, свѣти́ленъ прⷣте́чи, два́жды. Сла́ва, и҆ ны́нѣ, бг҃оро́диченъ. На хвали́техъ, стїхи̑ры на д҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ ѕ҃: Ѕвѣзда̀ ѕвѣ́здъ прⷣте́ча; И҆ ны́нѣ: Бцⷣе ты̀ є҆сѝ лоза̀: Славосло́вїе вели́кое. По трист҃о́мъ тропа́рь прⷣте́чи: Сла́ва, и҆ ны́нѣ: Є҆́же ѿ вѣ́ка: Є҆ктєнїѝ, и҆ ѿпꙋ́стъ. Посе́мъ дае́тсѧ є҆ле́й бра́тїи ѿ канди́ла ст҃а́гѡ, пою́щымъ на́мъ стїхи́рꙋ самогла́снꙋ, по ѻ҆бы́чаю, и҆ ча́съ а҃-й. На а҃-мъ часѣ̀, тропа́рь прⷣте́чи. По трист҃о́мъ, конда́къ є҆гѡ̀, и҆ коне́чный ѿпꙋ́стъ. На лїтꙋргі́и, бл҃жє́нна прⷣте́чи, а҃-гѡ канѡ́на пѣ́снь г҃-ѧ на д҃: и҆ в҃-гѡ, пѣ́снь ѕ҃-ѧ на д҃: По вхо́дѣ тропа́рь хра́ма хрⷭ҇то́ва, и҆ бцⷣы, а҆́ще є҆́сть, та́же тропа́рь прⷣте́чи: Посе́мъ конда́къ хра́ма хрⷭ҇то́ва. Сла́ва, прⷣте́чи. И҆ ны́нѣ, хра́ма бцⷣы. А҆́ще нѣ́сть хра́ма бцⷣы, И҆ ны́нѣ, конда́къ хра́ма хрⷭ҇то́ва. А҆́ще нѣ́сть хра́ма хрⷭ҇то́ва, глаго́лемъ тропа́рь пре́жде прⷣте́чи. Сла́ва, конда́къ є҆гѡ̀. И҆ ны́нѣ: Предста́тельство хрⷭ҇тїа́нъ: Прокі́менъ, а҆по́столъ, и҆ є҆ѵⷢ҇лїе чте́мъ прⷣте́чи є҆ди́нъ, та́кожде и҆ прича́стный. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ къ ри́млѧнѡмъ, зача́ло рв҃і: Ны́нѣ ближа́йшее на́мъ сп҃се́нїе: А҆ллилꙋ́їа, гла́съ а҃: Бл҃гослове́нъ гдⷭ҇ь бг҃ъ і҆и҃левъ: Сті́хъ: И҆ ты̀ ѻ҆троча̀ прⷪ҇ро́къ: Є҆ѵⷢ҇лїе лꙋкѝ, зача́ло а҃: Поне́же ᲂу҆́бѡ мно́зи нача́ша <<тл҃є: 669>> чини́ти: Коне́цъ, въ зача́лѣ д҃: До днѐ ꙗ҆вле́нїѧ своегѡ̀ ко і҆и҃лю. Прича́стенъ: Въ па́мѧть вѣ́чнꙋю:
к҃є. Ст҃ы́ѧ прпⷣбномч҃нцы феѵрѡ́нїи:
На Гдⷭ҇и воззва́хъ, стїхи̑ры прⷣте́чи г҃, гла́съ д҃, самогла́сны: и҆ ст҃ы́ѧ г҃, гла́съ то́йже. Подо́бенъ: Да́лъ є҆сѝ зна́менїе: Сла́ва, и҆ ны́нѣ, гла́съ и҃: Ви́ждь є҆лїсаве́тъ: На стїхо́внѣ ѻ҆ктѡ́иха. Сла́ва, гла́съ ѕ҃: Є҆лїсаве́тъ зача́тъ прⷣте́чꙋ: Тропа́рь прⷣте́чи. Сла́ва, ст҃ы́ѧ, гла́съ то́йже: А҆́гница твоѧ̀ і҆и҃се: септе́мврїа въ ѕ҃і-й де́нь. И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, ст҃ы́ѧ: и҆ ѻ҆бы̑чныѧ каѳі̑смы: и҆ сѣда́льны ѻ҆ктѡ́иха: и҆ чте́нїе. Канѡ́нъ ѻ҆ктѡ́иха є҆ди́нъ: и҆ прⷣте́чи на д҃, гла́съ и҃: и҆ ст҃ы́ѧ на д҃, гла́съ то́йже. По г҃-й пѣ́сни,
Конда́къ ст҃ы́ѧ, гла́съ ѕ҃. Подо́бенъ: Предста́тельство:
Женишѐ мо́й сладча́йшїй хрⷭ҇тѐ, взыва́ше феѵрѡ́нїа, нетрꙋ́днѡ мѝ тещѝ во слѣ́дъ тебѐ: и҆́бо сла́дость любвѐ твоеѧ̀ дꙋ́шꙋ мою̀ наде́ждею вперѝ, и҆ красота̀ ми́лости твоеѧ̀ се́рдце моѐ ᲂу҆сладѝ, и҆спи́ти ча́шꙋ страда́нїй по тебѣ̀: да досто́йнꙋ мѧ̀ въ черто́зѣ съ мꙋ́дрыми дѣ́вами ликовствова́ти ѡ҆ тебѣ̀ сопричте́ши. тѣ́мже преподо́бнаѧ стрⷭ҇тоте́рпице, почита́юще по́двиги трꙋдѡ́въ твои́хъ, мо́лимъ тѧ̀, молѝ не затвори́тисѧ и҆ на́мъ черто́га две́ремъ.
И҆ сѣда́ленъ прⷣте́чи, гла́съ и҃. Сла́ва, ст҃ы́ѧ, гла́съ то́йже. По ѕ҃-й пѣ́сни, конда́къ и҆ і҆́косъ прⷣте́чи: и҆ про́логъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, прⷣте́чи. На стїхо́внѣ ѻ҆ктѡ́иха. Сла́ва прⷣте́чи, гла́съ в҃: И҆́же ѿ прⷪ҇ро́ка прⷪ҇ро́ка: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. На лїтꙋргі́и, прокі́менъ, гла́съ д҃: Ди́венъ бг҃ъ во ст҃ы́хъ свои́хъ: Сті́хъ: Въ цр҃квахъ бл҃гослови́те <<тл҃є ѡ҆б.: 670>> бг҃а: А҆по́столъ къ корі́нѳѧнѡмъ, зача́ло рн҃а: Поспѣ́шствꙋюще мо́лимъ: А҆ллилꙋ́їа, гла́съ а҃: Терпѧ̀ потерпѣ́хъ гдⷭ҇а: Є҆ѵⷢ҇лїе лꙋкѝ, зача́ло л҃г: Молѧ́ше і҆и҃са нѣ́кїй ѿ фарїсє́й: Прича́стенъ: Въ па́мѧть вѣ́чнꙋю:
Въ то́йже де́нь ст҃ы́хъ чꙋдотво́рцєвъ мꙋ́ромскихъ, кн҃зѧ петра̀, во и҆́ноцѣхъ даві́да, и҆ кн҃ги́ни феѵрѡ́нїи, во и҆́нокинѧхъ є҆ѵфросѵ́нїи.
Соверша́етсѧ собо́ръ и҆́хъ, и҆дѣ́же лежа́тъ мо́щи и҆́хъ, и҆ и҆дѣ́же хра́мъ и҆́хъ.
Тропа́рь, гла́съ и҃:
Ꙗ҆́кѡ бл҃гочести́вагѡ ко́рене пречестна́ѧ ѻ҆́трасль бы́лъ є҆сѝ, до́брѣ во бл҃гоче́стїи пожи́въ, бл҃же́нне пе́тре: та́кѡ и҆ съ сꙋпрꙋ́жницею твое́ю премꙋ́дрою феѵрѡ́нїею въ мі́рѣ бг҃ꙋ ᲂу҆годи́вше, и҆ прпⷣбныхъ житїю̀ сподо́бистесѧ: съ ни́миже моли́тесѧ гдⷭ҇еви, сохрани́ти без̾ вре́да ѻ҆те́чество ва́ше, да ва́съ непреста́ннѡ почита́емъ.
Конда́къ, гла́съ и҃. Подо́бенъ: Взбра́нной:
Мі́ра сегѡ̀ кнѧже́нїе и҆ сла́вꙋ вре́меннꙋ помышлѧ́ѧ, сегѡ̀ ра́ди бл҃гоче́стнѡ въ мі́рѣ пожи́лъ є҆сѝ пе́тре, кꙋ́пнѡ и҆ съ сꙋпрꙋ́жницею твое́ю премꙋ́дрою феѵрѡ́нїею, ми́лостынею и҆ мл҃твами бг҃ꙋ ᲂу҆годи́вше. тѣ́мже и҆ по сме́рти неразлꙋ́чнѡ во гро́бѣ лежа́ще, и҆сцѣле́нїе неви́димѡ подава́ете. и҆ ны́нѣ хрⷭ҇тꙋ̀ моли́тесѧ, сохрани́ти гра́дъ же и҆ лю́ди, и҆̀же ва́съ сла́вѧщихъ.
к҃ѕ. Прпⷣбнагѡ ѻ҆тца̀ на́шегѡ даві́да, и҆́же въ селꙋ́нѣ.
Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ ѕ҃: Прпⷣбне ѻ҆́тче, во всю̀ зе́млю: На стїхо́внѣ ѻ҆ктѡ́иха. Сла́ва, гла́съ и҃: Мона́хѡвъ мно́жєства: Тропа́рь, гла́съ и҃: Въ тебѣ̀ ѻ҆́тче и҆звѣ́стнѡ: <<тл҃ѕ: 671>> ѻ҆ктѡ́врїа въ а҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха, и҆ ст҃а́гѡ, на д҃, гла́съ є҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,
Конда́къ, гла́съ а҃. Подо́бенъ: Ли́къ а҆́гг҃льскїй:
Са́дъ присноцвѣтꙋ́щъ добродѣ́телей плоды̀ приносѧ́й, ꙗ҆ви́лсѧ є҆сѝ на садо́внѣ дре́вѣ, ꙗ҆́кѡ бл҃гопѣ́сниваѧ пти́ца: ра́й же па́че, жи́зни дре́во гдⷭ҇а въ се́рдцы твое́мъ прїе́мъ, ꙗ҆́кѡ воздѣ́лавъ бг҃омꙋ́дре, и҆́мже пита́еши на́съ бл҃года́тїю: при́снѡ молѝ ѡ҆ на́съ дв҃де всебл҃же́нне.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, прпⷣбнагѡ. И҆ ны́нѣ, бг҃оро́диченъ. На стїхо́внѣ ѻ҆ктѡ́иха. Сла́ва, прпⷣбнагѡ, гла́съ є҃: Прпⷣбне ѻ҆́тче: И҆ ны́нѣ, бг҃оро́диченъ.
И҆ ꙗ҆вле́нїе і҆кѡ́ны прест҃ы́ѧ влⷣчцы на́шеѧ бцⷣы, и҆ приснодв҃ы мр҃і́и, тѵ́хвинскїѧ.
Тропа́рь, гла́съ д҃:
Дне́сь ꙗ҆́кѡ со́лнце пресвѣ́тлое возсїѧ̀ на́мъ на воздꙋ́сѣ, всечестна́ѧ і҆кѡ́на твоѧ̀ влⷣчце, лꙋча́ми ми́лости мі́ръ просвѣща́ющи, ю҆́же вели́каѧ рѡссі́а, ꙗ҆́кѡ нѣ́кїй да́ръ бж҃е́ственный, свы́ше бл҃гоговѣ́йнѣ воспрїе́мши, прославлѧ́етъ тѧ̀ бг҃ома́ти всѣ́хъ влⷣчцꙋ, и҆ ѿ тебѐ ро́ждшагосѧ хрⷭ҇та̀ бг҃а на́шего велича́етъ ра́достнѡ. є҆мꙋ́же моли́сѧ гпⷭ҇жѐ цр҃и́це бцⷣе, да сохрани́тъ всѧ̑ гра́ды и҆ страны̑ хрїстїа̑нскїѧ невреди́мы ѿ всѣ́хъ навѣ̑тъ вра́жїихъ, и҆ сп҃се́тъ вѣ́рою покланѧ́ющихсѧ є҆гѡ̀ бж҃е́ственномꙋ и҆ твоемꙋ̀ пречⷭ҇томꙋ ѡ҆́бразꙋ, дв҃о неискꙋсобра́чнаѧ.
Конда́къ, гла́съ и҃:
Притеце́мъ лю́дїе къ дв҃ѣй бцⷣѣ цр҃и́цѣ, бл҃годарѧ́ще хрⷭ҇та̀ бг҃а, и҆ къ тоѧ̀ чꙋдотво́рнѣй і҆кѡ́нѣ ᲂу҆ми́льнѡ взира́юще припаде́мъ, и҆ возопїе́мъ є҆́й: ѽ влⷣчце мр҃і́е! присѣти́вши странꙋ̀ сїю̀ твоегѡ̀ чⷭ҇тна́гѡ ѡ҆́браза ꙗ҆вле́нїемъ чꙋде́снѡ, сп҃са́й въ ми́рѣ и҆ бл҃говре́менствѣ <<тл҃ѕ ѡ҆б.: 672>> вѣ́рнагѡ і҆мпера́тора на́шего, и҆ всѧ̑ хрⷭ҇тїа́ны, наслѣ́дники показꙋ́ющи нбⷭ҇ныѧ жи́зни. тебѣ́ бо вѣ́рнѡ зове́мъ: ра́дꙋйсѧ дв҃о, мі́ра сп҃се́нїе.
к҃з. Прпⷣбнагѡ ѻ҆тца̀ на́шегѡ самѱѡ́на страннопрїи́мца.
Стїхи̑ры, гла́съ а҃. Подо́бенъ: Всехва́льнїи мч҃нцы: Тропа́рь, гла́съ и҃: Въ терпѣ́нїи твое́мъ: ное́мврїа въ в҃і-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ в҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,
Конда́къ, гла́съ и҃. Подо́бенъ: Ꙗ҆́кѡ нача́тки:
Ꙗ҆́кѡ врача̀ всеизрѧ́дна и҆ мл҃твенника бл҃гопрїѧ́тна, къ ра́цѣ твое́й бж҃е́ственнѣй притека́юще, самѱѡ́не бг҃омꙋ́дре прпⷣбне, соше́дшесѧ любо́вїю, ѱалмы̀ и҆ пѣ́сньми ра́дꙋющесѧ хрⷭ҇та̀ прославлѧ́емъ, таковꙋ́ю тебѣ̀ бл҃года́ть подава́юща и҆сцѣле́нїй.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На лїтꙋргі́и, прокі́менъ: Чⷭ҇тна̀ пред̾ гдⷭ҇емъ: А҆по́столъ къ гала́тѡмъ, зача́ло сг҃і: Пло́дъ дх҃о́вный є҆́сть: Є҆ѵⷢ҇лїе лꙋкѝ, зача́ло ѯ҃з: Не бо́йсѧ ма́лое ста́до: Прича́стенъ: Въ па́мѧть вѣ́чнꙋю:
И҆ пра́здникъ ѡ҆ побѣ́дѣ бг҃омъ дарова́нной всерѡссі́йскомꙋ самоде́ржцꙋ петрꙋ̀ вели́комꙋ над̾ шве́дскимъ короле́мъ каро́ломъ вторымна́десѧть под̾ полта́вою, лѣ́та ѿ воплоще́нїѧ гдⷭ҇нѧ ҂аѱ҃ѳ.
Тропа́рь, гла́съ и҃:
Препросла́вленъ є҆сѝ гдⷭ҇и бж҃е на́шъ, дарова́вый крѣ́пость на врагѝ бл҃говѣ́рномꙋ царю̀ на́шемꙋ петрꙋ̀, ꙗ҆́коже дв҃дꙋ на прего́рдаго голїа́ѳа, ѡ҆сѣни́лъ є҆сѝ над̾ главо́ю є҆гѡ̀ въ де́нь бра́ни, препоѧ́салъ <<тл҃з: 673>> є҆сѝ немѡщны́ѧ си́лою свы́ше, и҆ тѣ́ми всю̀ де́рзость вра́жїю низложи́лъ є҆сѝ: многомлⷭ҇тиве, сла́ва тебѣ̀.
Конда́къ, гла́съ в҃:
Въ вы́шнихъ живы́й, и҆ на смирє́нныѧ призира́ѧй, и҆́же не да́лъ є҆сѝ ве́прю ѿ дꙋбра́вы ѡ҆зоба́ти, и҆ ᲂу҆едине́нномꙋ ди́вомꙋ поѧ́сти вїногра́да твоегѡ̀, ᲂу҆твердѝ бж҃е, є҆́же содѣ́лалъ є҆сѝ въ на́съ. при́зри съ нб҃сѐ и҆ ви́ждь, и҆ посѣтѝ вїногра́дъ се́й, и҆ совершѝ є҆го̀, є҆го́же насадѝ десни́ца твоѧ̀.
к҃и. Пренесе́нїе моще́й ст҃ы́хъ и҆ чꙋдотво́рцєвъ безсре́брєникъ, кѵ́ра и҆ і҆ѡа́нна.
На Гдⷭ҇и воззва́хъ стїхи̑ры на ѕ҃, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ и҃: Дво́ица мч҃нкъ дне́сь: На стїхо́внѣ ѻ҆ктѡ́иха. Сла́ва, гла́съ в҃: Прїиди́те вѣ́рныхъ сосло́вїе: Тропа́рь, гла́съ є҃: Чꙋдеса̀ ст҃ы́хъ твои́хъ: і҆аннꙋа́рїа въ л҃а-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ на ѕ҃, гла́съ и҃. По г҃-й пѣ́сни, сѣда́ленъ, гла́съ д҃, два́жды. По ѕ҃-й пѣ́сни,
Конда́къ, гла́съ г҃. Подо́бенъ: Дв҃а дне́сь:
Ѿ бж҃е́ственныѧ бл҃года́ти да́ръ чꙋде́съ воспрїе́мше ст҃і́и, чꙋдодѣ́йствꙋете въ мі́рѣ непреста́ннѡ, всѧ̑ на́шѧ стра̑сти рꙋкодѣ́йствїемъ и҆зсѣца́юще неви́димѡ, кѵ́ре бг҃омꙋ́дре со і҆ѡа́нномъ сла́внымъ: вы́ бо сꙋ́щнѣ бж҃е́ственнїи вра́чеве є҆стѐ.
И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃ы́хъ. На стїхо́внѣ ѻ҆ктѡ́иха. Сла́ва, гла́съ д҃: Достохва́льными пѣ́сньми: На лїтꙋргі́и, бл҃жє́нна ѻ҆ктѡ́иха, и҆ ст҃ы́хъ пѣ́снь г҃. Прокі́менъ, гла́съ д҃: Ст҃ы̑мъ, и҆̀же сꙋ́ть на землѝ є҆гѡ̀: Сті́хъ: Предзрѣ́хъ гдⷭ҇а: А҆по́столъ къ корі́нѳѧнѡмъ, зача́ло рн҃г: Вы̀ є҆стѐ тѣ́ло хрⷭ҇то́во, и҆ <<тл҃з ѡ҆б.: 674>> ᲂу҆́ди ѿ ча́сти: А҆ллилꙋ́їа, гла́съ д҃: Воззва́ша пра́веднїи: Сті́хъ: Мнѡ́ги скѡ́рби пра́вєднымъ: Є҆ѵⷢ҇лїе матѳе́а, зача́ло л҃д ѿ полꙋ̀: Призва̀ і҆и҃съ ѻ҆бана́десѧте ᲂу҆ч҃нкѝ своѧ̑: Прича́стенъ: Ра́дꙋйтесѧ првⷣнїи:
к҃ѳ. Ст҃ы́хъ сла́вныхъ и҆ всехва́льныхъ и҆ первоверхо́вныхъ а҆пⷭ҇лѡвъ петра̀ и҆ па́ѵла.
Твори́мъ бдѣ́нїе. На ма́лѣй вече́рни, На Гдⷭ҇и воззва́хъ, стїхи̑ры на д҃, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ и҃: Досади́тель и҆ гони́тель: И҆ ны́нѣ: Кро́въ тво́й бцⷣе дв҃о: Прокі́менъ днѐ. На стїхо́внѣ стїхи̑ры, гла́съ в҃. Подо́бенъ: Є҆гда̀ ѿ дре́ва: съ припѣ́вы и҆́хъ: а҃-й, Во всю̀ зе́млю и҆зы́де вѣща́нїе и҆́хъ: в҃-й, Нб҃са̀ повѣ́даютъ сла́вꙋ бж҃їю: Сла́ва, гла́съ д҃: Хрⷭ҇то́съ тѧ̀ пе́рваго: И҆ ны́нѣ, И҆зба́ви на́съ ѿ бѣ́дъ:
Тропа́рь, гла́съ д҃:
А҆пⷭ҇лѡвъ первопресто́льницы, и҆ вселе́нныѧ ᲂу҆чи́телїе, влⷣкꙋ всѣ́хъ моли́те, ми́ръ вселе́ннѣй дарова́ти, и҆ дꙋша́мъ на́шымъ ве́лїю млⷭ҇ть.
Сла́ва, и҆ ны́нѣ: Є҆́же ѿ вѣ́ка ᲂу҆тае́ное: Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀, пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на и҃, гла́съ в҃, самоподо́бны: Кі́ими похва́льными вѣнцы̀: Сла́ва, гла́съ д҃: Трикра́тнымъ: И҆ ны́нѣ: И҆́же тебѐ ра́ди: Вхо́дъ. Прокі́менъ днѐ, и҆ чтє́нїѧ г҃: а҃-е, Собо́рнагѡ посла́нїѧ петро́ва: Бра́тїе: бл҃гослове́нъ бг҃ъ и҆ ѻ҆ц҃ъ гдⷭ҇а на́шегѡ: в҃-е, Тогѡ́же собо́рнагѡ посла́нїѧ: Возлю́бленнїи, препоѧ́савше чре́сла: г҃-е, Тогѡ́же собо́рнагѡ посла́нїѧ: Возлю́бленнїи, молю̀ ꙗ҆́кѡ прише́льцы: <<тл҃и: 675>> На лїті́и стїхи̑ры, гла́съ в҃, самогла́сны. Сла́ва, гла́съ є҃: Премꙋ́дрость бж҃їѧ: И҆ ны́нѣ, бг҃оро́диченъ, Бл҃жи́мъ тѧ̀ бцⷣе: На стїхо́внѣ стїхи̑ры, гла́съ а҃, самогла́сны. Сла́ва, гла́съ ѕ҃: Пра́здникъ ра́достенъ: И҆ ны́нѣ: Творе́цъ и҆ и҆зба́витель: На бл҃гослове́нїи хлѣ́бѡвъ, тропа́рь, гла́съ д҃, два́жды, пи́санъ на ма́лѣй вече́рни, и҆ Бцⷣе дв҃о: є҆ди́ножды. и҆ Бꙋ́ди и҆́мѧ гдⷭ҇не: три́жды съ пѣ́нїемъ. ѱало́мъ л҃г: Бл҃гословлю̀ гдⷭ҇а: и҆ чте́нїе ст҃ы́хъ а҆пⷭ҇лъ. На ᲂу҆́трени, на Бг҃ъ гдⷭ҇ь тропа́рь а҆пⷭ҇лѡвъ, два́жды. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: По каѳі́смахъ сѣда́льны а҆пⷭ҇лѡвъ съ бг҃оро́дичны и҆́хъ. и҆ чте́нїе. По полѷеле́и сѣда́ленъ, гла́съ и҃. Подо́бенъ: Премꙋ́дрости: два́жды. Сла́ва, и҆ ны́нѣ, бг҃оро́диченъ: и҆ чте́нїе. Степє́нна а҃-й а҆нтїфѡ́нъ д҃-гѡ гла́са. Прокі́менъ, гла́съ и҃: Во всю̀ зе́млю и҆зы́де вѣща́нїе и҆́хъ: Сті́хъ: Нб҃са̀ повѣ́даютъ сла́вꙋ бж҃їю: Всѧ́кое дыха́нїе: Сті́хъ: Хвали́те бг҃а: Є҆ѵⷢ҇лїе, і҆ѡа́нна, зача́ло ѯ҃з: Ꙗ҆ви́сѧ і҆и҃съ ᲂу҆ч҃нкѡ́мъ свои̑мъ, воста́въ ѿ ме́ртвыхъ: По н҃-мъ ѱалмѣ̀ стїхи́ра, гла́съ ѕ҃: Бл҃гоче́стїѧ и҆́стинныѧ проповѣ́дники: Канѡ́нъ а҆пⷭ҇ла петра̀, творе́нїе і҆ѡа́нна дамаскина̀, гла́съ д҃, со і҆рмосо́мъ на и҃: і҆рмо́съ по два́жды. Дрꙋгі́й канѡ́нъ а҆пⷭ҇ла па́ѵла, творе́нїе тогѡ́же, гла́съ и҃, без̾ і҆рмосѡ́въ, на ѕ҃. Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, ѵ҆пакоѝ, гла́съ и҃: Ка́ѧ темни́ца не и҆мѣ̀ тебѐ ю҆́зника: По ѕ҃-й пѣ́сни,
Конда́къ, гла́съ в҃:
Твє́рдыѧ и҆ бг҃овѣща̑нныѧ проповѣ́датели, ве́рхъ а҆пⷭ҇лѡвъ твои́хъ гдⷭ҇и, прїѧ́лъ є҆сѝ въ наслажде́нїе бл҃ги́хъ твои́хъ и҆ поко́й: болѣ̑зни бо ѻ҆́нѣхъ и҆ сме́рть прїѧ́лъ є҆сѝ, па́че всѧ́кагѡ всепло́дїѧ, є҆ди́не свѣ́дый сердє́чнаѧ.
<<тл҃и ѡ҆б.: 676>>
И҆ і҆́косъ, и҆ про́логъ. По ѳ҃-й пѣ́сни, свѣти́ленъ а҆пⷭ҇лѡвъ два́жды. Сла́ва, и҆ ны́нѣ, бг҃оро́диченъ. На хвали́техъ, стїхи̑ры на д҃, гла́съ д҃. Подо́бенъ: Зва́нный свы́ше: Сла́ва, гла́съ ѕ҃: Всечестны́й а҆пⷭ҇лѡвъ приспѣ̀ пра́здникъ: И҆ ны́нѣ, Бцⷣе, ты̀ є҆сѝ лоза̀: Славосло́вїе вели́кое. По трист҃о́мъ, тропа́рь а҆пⷭ҇лѡвъ. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: Є҆ктєнїѝ, и҆ ѿпꙋ́стъ. и҆ дае́тсѧ ст҃ы́й є҆ле́й бра́тїи ѿ канди́ла ст҃ы́хъ а҆пⷭ҇лъ, пою́щымъ на́мъ самогла́снꙋ стїхи́рꙋ а҆пⷭ҇лѡвъ, ю҆́же во́литъ є҆кклисїа́рхъ: и҆ прѡ́чаѧ, ꙗ҆́коже пред̾ꙋказа́сѧ, септе́мврїа въ к҃ѕ-й де́нь, и҆ ча́съ а҃-й. На а҃-мъ часѣ̀, тропа́рь а҆пⷭ҇лѡвъ. По трист҃о́мъ, конда́къ и҆́хъ. и҆ коне́чный ѿпꙋ́стъ. На лїтꙋргі́и, бл҃жє́нна ѿ канѡ́на, а҆пⷭ҇ла петра̀, пѣ́снь г҃-ѧ на д҃: и҆ па́ѵла, пѣ́снь ѕ҃-ѧ на д҃. По вхо́дѣ, Оу҆ка́зъ ѡ҆ тропаре́хъ, и҆ кондака́хъ, зрѝ сегѡ̀ мѣ́сѧца въ к҃д-й де́нь. Прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ къ корі́нѳѧнѡмъ, зача́ло рч҃г: Ѡ҆ не́мже а҆́ще дерза́етъ кто̀: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и. Є҆ѵⷢ҇лїе, матѳе́а, зача́ло ѯ҃з: Прише́дъ і҆и҃съ во страны̑ кесарі́и фїлі́пповы: Прича́стенъ: Во всю̀ зе́млю: Рѧдовы́й а҆по́столъ и҆ є҆ѵⷢ҇лїе вычита́емъ пре́жде. На трапе́зѣ, разрѣше́нїе на ры̑бы и҆ вїно̀, а҆́ще и҆ среда̀ и҆лѝ пѧто́къ.
[зрѝ] Подоба́етъ вѣ́дати ꙗ҆́кѡ а҆́ще слꙋчи́тсѧ пра́здникъ ст҃ы́хъ а҆пⷭ҇лъ въ недѣ́лю, предварѧ́ютъ всѧ̑ воскрⷭ҇наѧ.
л҃. Собо́ръ ст҃ы́хъ сла́вныхъ и҆ всехва́льныхъ а҆пⷭ҇лъ в҃і.
На Гдⷭ҇и воззва́хъ, стїхи̑ры на ѕ҃: петра̀ и҆ па́ѵла г҃, гла́съ в҃, самоподо́бны: Кі́ими похва́льными: вчера́шнїи. <<тл҃ѳ: 677>> И҆́ны стїхи̑ры в҃і-хъ а҆пⷭ҇лъ, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃: Всечестны́й а҆пⷭ҇лѡвъ приспѣ̀ пра́здникъ: И҆ ны́нѣ: Кто̀ тебѐ: На стїхо́внѣ стїхи̑ры а҆пⷭ҇лѡвъ петра̀ и҆ па́ѵла, гла́съ д҃. Подо́бенъ: Да́лъ є҆сѝ зна́менїе: Припѣ́въ: Во всю̀ зе́млю: в҃-й, Нб҃са̀ повѣ́даютъ сла́вꙋ бж҃їю: Сла́ва, гла́съ ѕ҃: Пра́здникъ ра́достенъ: пи́санъ вчера̀ на стїхо́внѣ. И҆ ны́нѣ: Бцⷣе, ты̀ є҆сѝ лоза̀ и҆́стиннаѧ: Тропа́рь, гла́съ д҃: А҆пⷭ҇лѡвъ первопресто́льницы: вчера́шнїй. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: Є҆ктенїа̀, и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь а҆пⷭ҇лѡвъ, два́жды. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: и҆ ѻ҆бы̑чныѧ каѳі̑смы, и҆ сѣда́льны а҆пⷭ҇лѡвъ съ бг҃оро́дичны и҆́хъ: и҆ чте́нїе а҆пⷭ҇лѡвъ. Канѡ́нъ пре́жде петра̀ и҆ па́ѵла, гла́съ д҃, со і҆рмосо́мъ на и҃: и҆ дрꙋгі́й канѡ́нъ в҃і-мъ: творе́нїе ѳеофа́ново, на ѕ҃, гла́съ то́йже. Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, сѣда́ленъ, гла́съ д҃. Подо́бенъ: Вознесы́йсѧ: и҆ чте́нїе. По ѕ҃-й пѣ́сни,
Конда́къ, гла́съ в҃. Подо́бенъ: Вы́шнихъ и҆щѧ̀:
Ка́мень хрⷭ҇то́съ, ка́менѧ вѣ́ры прославлѧ́етъ свѣ́тлѡ, ᲂу҆ч҃нкѡ́въ преизрѧ́дна, и҆ съ па́ѵломъ ве́сь дванадесѧточи́сленный собо́ръ дне́сь: и҆́хже па́мѧть соверша́юще вѣ́рнѡ си́хъ просла́вльшаго прославлѧ́емъ.
И҆ і҆́косъ. По ѳ҃-й пѣ́сни, свѣти́ленъ. Подо́бенъ: Оу҆ч҃нкѡ́мъ: Сла́ва, и҆́нъ: И҆ ны́нѣ, бг҃оро́диченъ. На хвали́техъ стїхи̑ры а҆пⷭ҇лѡвъ в҃і-хъ на д҃, гла́съ д҃. Подо́бенъ: Зва́нный свы́ше: Сла́ва, гла́съ и҃: Ю҆́же проидо́сте тва́рь: И҆ ны́нѣ: Влⷣчце прїимѝ мл҃твꙋ ра̑бъ свои́хъ: Славосло́вїе вели́кое. По трист҃о́мъ тропа́рь а҆пⷭ҇лѡвъ. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: Є҆ктєнїѝ, и҆ ѿпꙋ́стъ. На лїтꙋргі́и, <<тл҃ѳ: 677>> бл҃жє́нна ѿ канѡ́на в҃і-хъ а҆пⷭ҇лѡвъ, пѣ́снь г҃-ѧ и҆ ѕ҃-ѧ. Прокі́менъ, гла́съ и҃: Во всю̀ зе́млю: Сті́хъ: Нб҃са̀ повѣ́даютъ сла́вꙋ бж҃їю: А҆по́столъ къ корі́нѳѧнѡмъ, зача́ло рл҃а: Бг҃ъ ны̀ посла́нники послѣ̑днїѧ ꙗ҆вѝ: А҆ллилꙋ́їа, гла́съ а҃: И҆сповѣ́дѧтъ нб҃са̀ чꙋдеса̀ твоѧ̑ гдⷭ҇и. Є҆ѵⷢ҇лїе ма́рка, зача́ло в҃і: Взы́де і҆и҃съ на горꙋ̀: Прича́стенъ: Во всю̀ зе́млю:
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.