Март

Март

<<сн҃г ѡ҆б.: 506>>

Мѣ́сѧцъ ма́ртъ,

и҆мѣ́ѧй дне́й л҃а.

Де́нь и҆́мать часѡ́въ в҃і, и҆ но́щь часѡ́въ в҃і.

а҃. Ст҃ы́ѧ прпⷣбномч҃нцы є҆ѵдокі́и.

А҆́ще є҆́сть четыредесѧ́тница, пое́мъ А҆ллилꙋ́їа, а҆́ще же нѝ, тропа́рь. На Гдⷭ҇и воззва́хъ стїхи̑ры, гла́съ д҃. Подо́бенъ: Да́лъ є҆сѝ зна́менїе:

Тропа́рь, гла́съ и҃:

Пра́востїю ᲂу҆́мною дꙋ́шꙋ твою̀ привѧза́вши въ любо́вь хрⷭ҇то́вꙋ, тлѣ́нныхъ и҆ кра́сныхъ и҆ вре́менныхъ забы́тїемъ претекла̀ є҆сѝ, ꙗ҆́кѡ сло́ва ᲂу҆чени́ца: поще́нїемъ стра̑сти пе́рвѣе ᲂу҆мертви́вши, страда́льчески второ́е врага̀ посрами́ла є҆сѝ. тѣ́мъ хрⷭ҇то́съ сꙋгꙋ́быхъ вѣнца̀ сподо́би тѧ̀ сла́внаѧ є҆ѵдокі́е. прпⷣбнаѧ стрⷭ҇тоте́рпице, молѝ хрⷭ҇та̀ бг҃а сп҃сти́сѧ дꙋша́мъ на́шымъ.

На ᲂу҆́трени, канѡ́нъ, гла́съ в҃. По г҃-й пѣ́сни, Сѣда́ленъ, гла́съ и҃. По ѕ҃-й пѣ́сни,

Конда́къ, гла́съ д҃:

Во страда́нїи твое́мъ до́брѣ подвиза́вшисѧ, и҆ по сме́рти на́съ ѡ҆сщ҃а́еши чꙋде́съ и҆злїѧ́нїи, всехва́льнаѧ, вѣ́рою прибѣга́ющыѧ въ бж҃е́ственнꙋю цр҃ковь твою̀: и҆ торжествꙋ́юще мо́лимъ тѧ̀, прпⷣбнаѧ мч҃нце є҆ѵдокі́е, да и҆зба́вимсѧ недꙋ̑гъ дꙋше́вныхъ, и҆ чꙋде́съ бл҃года́ть почерпе́мъ.

И҆ і҆́косъ.

<<сн҃д: 507>>

в҃. Ст҃а́гѡ сщ҃енномч҃нка ѳеодо́та, є҆пⷭ҇кпа кѷрине́йскагѡ.

А҆ллилꙋ́їа, и҆лѝ тропа́рь. Стїхи̑ры, гла́съ д҃. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ, гла́съ д҃. По г҃-й пѣ́сни, Сѣда́ленъ, гла́съ д҃. По ѕ҃-й пѣ́сни,

Конда́къ, гла́съ г҃:

Мо́ре ѕловѣ́рїѧ ѡ҆бличи́лъ є҆сѝ, и҆ і҆́дѡльскагѡ безбо́жїѧ ле́сть вѣ́рою правовѣ́рїѧ ᲂу҆ѧзви́лъ є҆сѝ. и҆ всесожже́нїе бж҃е́ственное бы́въ, чꙋдодѣ́йствїемъ ѡ҆роша́еши концы̀, ѻ҆́тче ст҃и́телю ѳеодо́те: хрⷭ҇та̀ бг҃а молѝ, дарова́ти на́мъ ве́лїю млⷭ҇ть.

Въ то́йже де́нь преставле́нїе и҆́же во ст҃ы́хъ ѻ҆тца̀ на́шегѡ а҆рсе́нїа, є҆пⷭ҇кпа тверска́гѡ.

Соверша́етсѧ собо́ръ є҆гѡ̀ во тве́ри.

Тропа́рь, гла́съ и҃:

Бл҃гоче́стнѡ пожи́въ во ст҃и́тельствѣ, лю́ди просвѣти́лъ є҆сѝ ᲂу҆че́нїемъ твои́мъ: и҆ ѡ҆ хра́мѣ пречⷭ҇тыѧ вельмѝ подвиза́всѧ, и҆ люби́тель мона́хѡвъ бы́въ, сегѡ̀ ра́ди ѿ хрⷭ҇та̀ па́ствы твоеѧ̀ вѣне́цъ прїѧ́лъ є҆сѝ. тѣ́мже ꙗ҆́кѡ а҆пⷭ҇льскагѡ престо́ла намѣ́стника и҆ ст҃и́телѧ вели́каго чтꙋ́ще тѧ̀, мо́лимъ ча̑да твоѧ̑ бл҃же́нне: ѿ всѣ́хъ бѣ́дъ и҆зба́ви на́съ, ꙗ҆́же ко хрⷭ҇тꙋ̀ мл҃твами твои́ми, ст҃и́телю хрⷭ҇то́въ а҆рсе́нїе ѻ҆́тче на́шъ.

Конда́къ, гла́съ и҃:

Воспрїе́мши ра́достнѡ чⷭ҇тны̑ѧ твоѧ̑ мо́щи пречⷭ҇таѧ цр҃ковь, въ ню́же че́стнѡ вноси́ми мно́жествомъ сщ҃енномона́хѡвъ, и҆ кнѧ́зи бл҃говѣ́рными, и҆ ꙗ҆̀же прїе́мше, ꙗ҆́кѡ сокро́вище многоцѣ́нное. тѣ́мже и҆ мы̀ ны́нѣ твоеѧ̀ ѡ҆гра́ды словє́сныѧ ѻ҆́вцы, ѻ҆́крестъ ра́ки твоеѧ̀ предстоѧ́ще, любе́знѡ вопїе́мъ тѝ: не забꙋ́ди ча̑дъ твои́хъ ѻ҆́тче, и҆́хже мꙋ́дрѣ собра́лъ и҆ возлюби́лъ є҆сѝ, ꙗ҆́кѡ да зове́мъ тѝ: ра́дꙋйсѧ ст҃и́телю а҆рсе́нїе, па́стырю и҆ ᲂу҆чи́телю на́шъ.

<<сн҃д ѡ҆б.: 508>>

г҃. Ст҃ы́хъ мч҃нкъ, є҆ѵтро́пїа и҆ дрꙋжи́ны є҆гѡ̀, клеоні́ка и҆ васїлі́ска.

А҆ллилꙋ́їа, и҆лѝ тропа́рь. Стїхи̑ры, гла́съ а҃. Подо́бенъ: Всехва́льнїи:

д҃. Прпⷣбнагѡ ѻ҆тца̀ на́шегѡ гера́сїма, и҆́же на і҆ѻрда́нѣ.

Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ и҃. По г҃-й пѣ́сни, Сѣда́ленъ, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Вознесы́йсѧ:

Возгорѣ́всѧ раче́нїемъ го́рнимъ, же́стость пꙋсты́ни і҆ѻрда́новы па́че всѣ́хъ мі́ра сла́дкихъ предпоче́лъ є҆сѝ: ѿѻнꙋ́дꙋже повинꙋ́всѧ тебѣ̀ ѕвѣ́рь да́же до сме́рти ѻ҆́тче, послꙋ́шнѣ, и҆ жа́лостнѣ на гро́бѣ твое́мъ сконча́сѧ, просла́вльшꙋ тѧ̀ та́кѡ бг҃ꙋ: къ немꙋ́же молѧ́сѧ и҆ ѡ҆ на́съ, ѻ҆́тче гера́сїме, помина́й.

є҃. Ст҃а́гѡ мч҃нка ко́нѡна.

А҆ллилꙋ́їа. Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ ѕ҃. По г҃-й пѣ́сни, Сѣда́ленъ, гла́съ и҃. По ѕ҃-й пѣ́сни,

Конда́къ, гла́съ г҃:

Чистото́ю ꙗ҆́кѡ а҆́гг҃лъ на землѝ пожи́въ, ѿѻнꙋ́дꙋже собесѣ́дникъ а҆́гг҃лѡмъ бы́ти сподо́билсѧ є҆сѝ, и҆ роди́тели ко хрⷭ҇то́вꙋ позна́нїю приве́лъ є҆сѝ: и҆ є҆ди́наго бг҃а въ трⷪ҇цѣ и҆сповѣ́давъ, пострада́лъ є҆сѝ до кро́ве мч҃нче ко́нѡне, молѝ є҆го̀ непреста́ннѡ ѡ҆ всѣ́хъ на́съ.

<<сн҃є: 509>>

ѕ҃. Ст҃ы́хъ м҃в мꙋ́чєникъ, и҆̀же во а҆ммѡрі́и.

А҆ллилꙋ́їа: и҆лѝ тропа́рь. Стїхи̑ры, гла́съ д҃. Подо́бенъ: Зва́нный свы́ше: А҆́ще слꙋчи́тсѧ въ сꙋббѡ́тꙋ и҆лѝ въ недѣ́лю, пою́тсѧ самогла́сны двѣ̀: Сла́ва, гла́съ в҃. Цр҃ковь дне́сь торжествꙋ́етъ: На стїхо́внѣ, Сла́ва, гла́съ ѕ҃: По́лкъ бг҃овѣнча́ненъ: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃ де́нь. На ᲂу҆́трени, канѡ́нъ, гла́съ и҃. По г҃-й пѣ́сни,

Конда́къ, гла́съ д҃. Подо́бенъ: Вознесы́йсѧ:

На землѝ хрⷭ҇та̀ ра́ди страда́льчествовавше, ꙗ҆́вльшесѧ бл҃гочести́вїи вѣне́чницы, нб҃са̀ прїѧ́сте жи́ти въ ра́дости: всѧ́кꙋю бо ко́знь вра́жїю низложи́вше болѣ́зньми и҆ кровьмѝ ва́шихъ ꙗ҆́звъ хва́лѧщымъ свы́ше при́снѡ грѣхѡ́въ разрѣше́нїе подава́ете.

Та́же, Сѣда́ленъ, гла́съ и҃. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Новоѧвлє́нныѧ ѕвѣ́зды вѣ́ры, за хрⷭ҇та̀ ᲂу҆се́рднѡ пострада́вшыѧ, похва́льными вѣнцы̀ досто́йнѣ всѝ вѣнча́емъ, ѡ҆ на́съ молѧ́щыѧсѧ хрⷭ҇тꙋ̀: ꙗ҆́кѡ сꙋ́ще столпѝ, и҆ забра̑ла хрⷭ҇тїа́нскагѡ нача́льства.

И҆ і҆́косъ. По ѳ҃-й пѣ́сни, свѣти́ленъ ст҃ы́хъ.

з҃. Ст҃ы́хъ сщ҃енномꙋ́чєникъ, въ херсѡ́нѣ є҆пⷭ҇копствовавшихъ: васі́лїа, є҆фре́ма, капі́тѡна, є҆ѵге́нїа, є҆фе́рїа, и҆ про́чихъ.

А҆ллилꙋ́їа. Стїхи̑ры, гла́съ д҃. Подо́бенъ: Да́лъ є҆сѝ зна́менїе: На ᲂу҆́трени, канѡ́нъ, гла́съ д҃. По г҃-й пѣ́сни, Сѣда́ленъ, гла́съ г҃. По ѕ҃-й пѣ́сни,

Конда́къ, гла́съ в҃. Подо́бенъ: Въ вы́шнихъ живы́й:

Свѣтоно́сный де́нь наста̀ па́стырей, є҆пⷭ҇копствовавшихъ свѣ́тлѡ <<сн҃є ѡ҆б.: 510>> въ херсѡ́нѣ, и҆́хже воспѣва́емъ пра́здникъ, пострада́вшихъ за хрⷭ҇тѡ́вы ѻ҆́вцы. сщ҃енномч҃нцы моли́те пастыренача́льника хрⷭ҇та̀, и҆ на́съ причестѝ десна́гѡ ѻ҆ве́цъ стоѧ́нїѧ, да вопїе́мъ ва́мъ: ра́дꙋйтесѧ сщ҃е́ннїи ѻ҆тцы̀, за хрⷭ҇та̀ кро́вь свою̀ и҆злїѧ́вшїи.

и҃. Прпⷣбнагѡ ѻ҆тца̀ на́шегѡ и҆ и҆сповѣ́дника ѳеофѷла́кта, є҆пⷭ҇кпа нїкомиді́йскагѡ.

А҆ллилꙋ́їа. Стїхи̑ры, гла́съ а҃. Подо́бенъ: Всехва́льнїи: На ᲂу҆́трени, канѡ́нъ, гла́съ и҃. По г҃-й пѣ́сни, Сѣда́ленъ, гла́съ и҃. По ѕ҃ пѣ́сни,

Конда́къ гла́съ в҃. Подо́бенъ: Вы́шнихъ и҆щѧ̀:

Свѣти́льникъ свѣ́телъ показа́лсѧ є҆сѝ въ концѣ́хъ ст҃и́телю ѳеофѷла́кте: є҆диносꙋ́щна ѻ҆ц҃ꙋ̀ и҆ дх҃ꙋ сло́ва ты̀ проповѣ́давъ, бж҃е́ственныхъ ѻ҆тє́цъ собо́ръ ᲂу҆ѧсни́лъ є҆сѝ, трⷪ҇цѣ ᲂу҆го́дникъ ꙗ҆ви́лсѧ є҆сѝ: є҆́йже предстоѧ̀ молѝ непреста́ннѡ ѡ҆ всѣ́хъ на́съ.

ѳ҃. Ст҃ы́хъ м҃ мч҃нкъ, въ севасті́йскомъ є҆́зерѣ мꙋ́чившихсѧ.

Ве́черъ, на Гдⷭ҇и воззва́хъ, предварѧ́етъ трїѡ́ди самогла́сенъ днѐ два́жды: и҆ мч҃нченъ, и҆ подо́бны г҃. Посе́мъ стїхи̑ры мч҃нкѡвъ самогла́сны на д҃, гла́съ в҃. Сла́ва, гла́съ то́йже: Терпѧ́ще настоѧ̑щаѧ: а҃-ю стїхи́рꙋ. И҆ ны́нѣ, бг҃оро́диченъ: Пре́йде сѣ́нь: Вхо́дъ. чтє́нїѧ днѐ, и҆ ст҃ы́хъ г҃: Та́кѡ глаго́летъ гдⷭ҇ь, всѝ ꙗ҆зы́цы: И҆ про́чее возслѣ́дованїе преждесщ҃е́нныѧ. [зрѝ] А҆́ще же не соверша́етсѧ преждесщ҃е́ннаѧ, на Гдⷭ҇и воззва́хъ, пое́мъ стїхи̑ры на ѕ҃, трїѡ́ди подо́бны г҃, и҆ мч҃нкѡвъ г҃. Сла́ва, ст҃ы́хъ: И҆ ны́нѣ, бг҃оро́диченъ: и҆ по чте́нїи: Сподо́би гдⷭ҇и: и҆ є҆ктенїа̀: И҆спо́лнимъ вече́рнюю: На стїхо́внѣ, трїѡ́ди самогла́сенъ днѐ, два́жды: и҆ мч҃нченъ. Сла́ва, ст҃ы́хъ, гла́съ ѕ҃: <<сн҃ѕ: 511>> Въ пѣснопѣ́нїѧхъ восхва́лимъ: И҆ ны́нѣ, Бцⷣе ты̀ є҆сѝ лоза̀: По Ны́нѣ ѿпꙋща́еши:

Тропа́рь, гла́съ а҃:

Болѣ́зньми ст҃ы́хъ, и҆́миже ѡ҆ тебѣ̀ пострада́ша, ᲂу҆моле́нъ бꙋ́ди гдⷭ҇и, и҆ всѧ̑ на́шѧ болѣ̑зни и҆сцѣлѝ чл҃вѣколю́бче, мо́лимсѧ.

Сла́ва, и҆ ны́нѣ: Гаврїи́лꙋ вѣща́вшꙋ: Є҆ктенїа̀, и҆ г҃ покло́ны вели̑кїѧ, и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь два́жды. Сла́ва, и҆ ны́нѣ, бг҃оро́диченъ, и҆ ѻ҆бы̑чныѧ каѳі̑смы. По а҃-й, и҆ по в҃-й каѳі́смѣ, сѣда́льны трїѡ́ди. Є҆ктені́й же не глаго́лемъ. По г҃-й же каѳі́смѣ глаго́летъ і҆ере́й є҆ктенїю̀ ма́лꙋю. Та́же сѣда́ленъ, гла́съ д҃. Сла́ва, и҆́нъ: И҆ ны́нѣ, бг҃оро́диченъ: и҆ чте́нїе. По полѷеле́и сѣда́ленъ, гла́съ є҃, два́жды. Сла́ва, и҆ ны́нѣ, бг҃оро́диченъ. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Проидо́хомъ сквозѣ̀ ѻ҆́гнь и҆ во́дꙋ: Сті́хъ: Разже́глъ ны̀ є҆сѝ, ꙗ҆́коже разжиза́етсѧ сребро̀. Всѧ́кое дыха́нїе: Є҆ѵⷢ҇лїе лꙋкѝ, зача́ло р҃ѕ. По н҃-мъ ѱалмѣ̀ стїхи́ра, гла́съ в҃: Прⷪ҇ро́чески ᲂу҆́бѡ вопїѧ́ше дв҃дъ: Канѡ́на ст҃ы́хъ два̀ со і҆рмосо́мъ на и҃, гла́съ в҃. Катава́сїа, Ѿве́рзꙋ ᲂу҆ста̀ моѧ̑: А҆ и҆дѣ́же трипѣ́снецъ, и҆ пое́мъ канѡ́ны ст҃ы́хъ со і҆рмосо́мъ на ѕ҃: и҆ трїѡ́ди по чи́нꙋ и҆́хъ, на и҃. Послѣдѝ і҆рмо́съ трїѡ́ди. По г҃-й пѣ́сни, сѣда́ленъ, гла́съ и҃, два́жды. Сла́ва, и҆ ны́нѣ: бг҃оро́диченъ. По ѕ҃-й пѣ́сни,

Конда́къ гла́съ ѕ҃. Подо́бенъ: Є҆́же ѡ҆ на́съ:

Всѐ во́инство мі́ра ѡ҆ста́вльше, на нб҃сѣ́хъ влⷣцѣ прилѣпи́стесѧ, стрⷭ҇тоте́рпцы гдⷭ҇ни четы́редесѧть: сквозѣ̀ ѻ҆́гнь бо и҆ во́дꙋ проше́дше бл҃же́ннїи, досто́йнѡ воспрїѧ́сте сла́вꙋ съ небе́съ, и҆ вѣнцє́въ мно́жество.

<<сн҃ѕ ѡ҆б.: 512>>

И҆ і҆́косъ. По ѳ҃-й пѣ́сни, свѣти́ленъ мч҃нкѡвъ: Сла́ва, и҆́нъ: И҆ ны́нѣ, бг҃оро́диченъ. На хвали́техъ стїхи̑ры, гла́съ є҃. Подо́бенъ: Ра́дꙋйсѧ: Сла́ва, гла́съ то́йже: Стрⷭ҇тоте́рпцы хрⷭ҇тѡ́вы: И҆ ны́нѣ, Бл҃жи́мъ тѧ̀ бцⷣе дв҃о: На стїхо́внѣ трїѡ́ди самогла́сенъ днѐ, два́жды: и҆ мч҃нченъ. Сла́ва, гла́съ в҃: И҆́стины ча́шею: И҆ ны́нѣ, Непроходи́маѧ две́рь: Та́же, Бл҃го є҆́сть: є҆ди́ножды. Трист҃о́е. тропа́рь ст҃ы́хъ. Є҆ктенїа̀ и҆ г҃ покло́ны вели̑кїѧ: ча́съ а҃, съ каѳі́смою, и҆ ѿпꙋ́стъ. Во вре́мѧ же своѐ быва́етъ, г҃-й, ѕ҃-й, и҆ ѳ҃-й ча́съ по чи́нꙋ и҆́хъ, съ каѳі́смами: и҆ бл҃же́нны поско́рꙋ, и҆ про́чее. На ко́емждо часѣ̀ по г҃ покло́ны вели̑кїѧ. Въ то́йже де́нь ве́чера, по ѻ҆бы́чной каѳі́смѣ, на Гдⷭ҇и воззва́хъ, ста́вимъ стїхѡ́въ і҃. и҆ пое́мъ трїѡ́ди самогла́сенъ днѐ два́жды, и҆ мч҃нченъ, и҆ подо́бны г҃: и҆ ст҃ы́хъ д҃, гла́съ а҃: Ли́къ четверодесѧтосїѧ́нный: два́жды: гла́съ в҃: Є҆́зеро ꙗ҆́кѡ ра́й: Сла́ва, гла́съ то́йже: Прⷪ҇ро́чески ᲂу҆́бѡ вопїѧ́ше: И҆ ны́нѣ бг҃оро́диченъ: Всѐ ᲂу҆пова́нїе: А҆́ще къ средѣ̀ и҆лѝ пѧткꙋ̀, крⷭ҇тобг҃оро́диченъ: вхо́дъ съ є҆ѵⷢ҇лїемъ. Прокі́менъ днѐ, и҆ чте́нїе трїѡ́ди. И҆ Да и҆спра́витсѧ мл҃тва моѧ̀: Є҆ктенїа̀ ма́лаѧ. Посе́мъ прокі́менъ, гла́съ є҆сѝ Ты̀ гдⷭ҇и сохрани́ши ны̀, и҆ соблюде́ши ны̀ ѿ ро́да сегѡ̀ и҆ во вѣ́къ. Сті́хъ: Сп҃си́ мѧ гдⷭ҇и, ꙗ҆́кѡ ѡ҆скꙋдѣ̀ прпⷣбный. А҆по́столъ ко є҆вре́ємъ, зача́ло тл҃а. А҆ллилꙋ́їа, гла́съ д҃: Воскли́кните гдⷭ҇еви всѧ̀ землѧ̀, по́йте же и҆́мени є҆гѡ̀. Сті́хъ: Ꙗ҆́кѡ и҆скꙋси́лъ ны̀ є҆сѝ бж҃е, разже́глъ ны̀ є҆сѝ, ꙗ҆́коже разжиза́етсѧ сребро̀. Є҆ѵⷢ҇лїе матѳе́а, зача́ло н҃. и҆ про́чее бж҃е́ственнаѧ лїтꙋргі́а преждесщ҃е́нныхъ. Прича́стенъ, Ра́дꙋйтесѧ:

<<сн҃з: 513>>

[[комм.]] А҆́ще слꙋчи́тсѧ м҃ мч҃нкъ въ сꙋббѡ́тꙋ а҃-ѧ недѣ́ли постѡ́въ, и҆ в҃-ѧ, и҆ г҃-ѧ, и҆ д҃-ѧ.

Пое́тсѧ слꙋ́жба и҆́хъ непремѣ́ннѡ, ꙗ҆́коже пред̾ꙋказа́сѧ на ѡ҆брѣ́тенїе чⷭ҇тны́ѧ главы̀ прⷣте́чевы.

[[комм.]] А҆́ще слꙋчи́тсѧ м҃ мч҃нкъ въ недѣ́лю а҃-ю постѡ́въ, и҆лѝ в҃-ю, и҆ г҃-ю, и҆ д҃-ю, и҆ є҃-ю.

И҆ пое́мъ слꙋ́жбꙋ и҆́хъ по прⷣте́чевѣ главѣ̀ неизмѣ́ннѡ.

[[комм.]] А҆́ще слꙋчи́тсѧ м҃ мч҃нкъ въ понедѣ́льникъ в҃-ѧ недѣ́ли постѡ́въ, и҆лѝ г҃-ѧ, и҆лѝ д҃- ѧ, и҆лѝ є҃-ѧ, и҆лѝ ѕ҃-ѧ.

Пое́тсѧ и҆̀мъ по то́йже главѣ̀ прⷣте́чевѣ.

[[комм.]] А҆́ще ли ст҃ы́хъ м҃ мч҃нкъ слꙋчи́тсѧ въ сре́дꙋ д҃-ю постѡ́въ.

Пое́мъ слꙋ́жбꙋ и҆́хъ пре́жде во вто́рникъ тоѧ̀ седми́цы. То́чїю во вто́рникъ ве́чера, на Гдⷭ҇и воззва́хъ, стїхи̑ры трїѡ́ди, самогла́сенъ днѐ два́жды, и҆ крⷭ҇та̀ д҃, и҆ мч҃нкѡвъ д҃. Сла́ва, мч҃нкѡвъ: И҆ ны́нѣ, крⷭ҇та̀. Дрꙋгі̑ѧ же стїхи̑ры крⷭ҇та̀ пое́мъ въ сре́дꙋ на хвали́техъ. Та́же вхо́дъ: прокі́менъ и҆ чтє́нїѧ днѐ. и҆ да и҆спра́витсѧ мл҃тва моѧ̀.

А҆́ще же не бꙋ́детъ преждесщ҃е́нныѧ. И҆ во вто́рникъ ве́чера, на Гдⷭ҇и воззва́хъ, стїхи̑ры крⷭ҇та̀ на ѕ҃: Ст҃ы́хъ же мч҃нкѡвъ м҃, ѿдае́тсѧ пра́здникъ на часѣ́хъ, ꙗ҆́коже ᲂу҆каза́сѧ прⷣте́чи, въ понедѣ́льникъ в҃-ѧ недѣ́ли постѡ́въ.

[[комм.]] А҆́ще ли слꙋчи́тсѧ м҃ мч҃нкъ въ четверто́къ вели́кагѡ канѡ́на.

И҆ пое́тсѧ слꙋ́жба и҆́хъ всѧ̀ во вто́рникъ напре́дъ тоѧ́же недѣ́ли.

[[комм.]] А҆́ще ли слꙋчи́тсѧ м҃ мч҃нкъ въ сꙋббѡ́тꙋ а҆ка́ѳїста.

И҆ пое́мъ слꙋ́жбꙋ и҆́хъ въ недѣ́лю є҃-ю постѡ́въ.

<<сн҃з ѡ҆б.: 514>>

і҃. Ст҃а́гѡ мч҃нка кодра́та, и҆ дрꙋжи́ны є҆гѡ̀.

А҆ллилꙋ́їа. Стїхи̑ры, гла́съ а҃. Подо́бенъ: Нбⷭ҇ныхъ чинѡ́въ: На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ д҃:

а҃і. И҆́же во ст҃ы́хъ ѻ҆тца̀ на́шегѡ сѡфро́нїа, патрїа́рха і҆ерⷭ҇ли́мскагѡ.

Стїхи̑ры, гла́съ д҃. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ и҃. Подо́бенъ: Взбра́нной:

И҆́же бж҃е́ственною ре́вностїю подви́гсѧ, и҆ и҆́стинныхъ повелѣ́нїй ᲂу҆стнѣ̀ распросте́ръ, церкѡ́внаѧ ѡ҆снова̑нїѧ бл҃гоꙋзако́нивъ, и҆ та́мѡ сꙋ́щымъ мона́шєскимъ соста́вѡмъ преда́въ, премꙋ́дрый въ патрїа́рсѣхъ і҆ерⷭ҇ли́мскїй сѡфро́нїе, всемꙋ̑драѧ словеса̀ во свѣ́тъ и҆зве́лъ є҆сѝ, и҆́миже наставлѧ́еми зове́мъ тѝ: ра́дꙋйсѧ, свѣ́тлаѧ правосла́вныхъ похвало̀.

Въ то́йже де́нь преставле́нїе, и҆́же во ст҃ы́хъ ѻ҆тца̀ на́шегѡ є҆ѵѳѵ́мїа а҆рхїепⷭ҇кпа, новгоро́дскагѡ чꙋдотво́рца.

Соверша́етсѧ собо́ръ є҆гѡ̀ въ новѣ́градѣ, и҆ во ѻ҆би́тели є҆гѡ̀.

Тропа́рь, гла́съ д҃:

И҆збра́нъ бы́въ бг҃ови ѿ ю҆́ности, ст҃и́телю є҆ѵѳѵ́мїе, и҆ сегѡ̀ ра́ди а҆рхїере́йства са́номъ почте́нъ бы́въ, ᲂу҆па́слъ є҆сѝ лю́ди, и҆̀же тебѣ̀ бг҃омъ врꙋчє́нныѧ: тѣ́мже и҆ по преставле́нїи чꙋде́съ дарова̑нїѧ ѿ гдⷭ҇а прїѧ́лъ є҆сѝ, и҆сцѣлѧ́ти разли̑чныѧ недꙋ́ги. того̀ молѝ ѡ҆ на́съ соверша́ющихъ честнꙋ́ю па́мѧть твою̀, да тебѐ всѝ непреста́ннѡ ᲂу҆бл҃жа́емъ.

<<сн҃и: 515>>

Конда́къ, гла́съ и҃:

Ꙗ҆́кѡ а҆рхїере́ємъ сопресто́льникъ, и҆ свѧти́телємъ и҆зрѧ́дный побо́рникъ бы́лъ є҆сѝ ст҃и́телю є҆ѵѳѵ́мїе: не преста́й сохранѧ́ѧ ѻ҆те́чество твоѐ, гра́дъ же и҆ лю́ди, и҆̀же тебѐ вѣ́рою почита́ющыѧ, и҆ честны̑мъ моще́мъ твои̑мъ покланѧ́ющыѧсѧ, да велегла́снѡ тебѣ̀ всѝ вопїе́мъ: ра́дꙋйсѧ ст҃и́телю бг҃омꙋ́дре.

в҃і. Прпⷣбнагѡ ѻ҆тца̀ на́шегѡ и҆ и҆сповѣ́дника ѳеофа́на сїгрїа́нскагѡ.

А҆ллилꙋ́їа. Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ д҃. По г҃ пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Свы́ше прїе́мъ бж҃е́ственное ѿкрове́нїе, со тща́нїемъ и҆зше́лъ є҆сѝ ѿ среды̀ молвы̀ жите́йскїѧ, и҆ ᲂу҆едини́всѧ прпⷣбне, чꙋде́съ прїѧ́лъ є҆сѝ дѣ́йство, и҆ прⷪ҇ро́чества досто́инство, бога́тства и҆ сꙋпрꙋ́жницы лиши́всѧ.

г҃і. Пренесе́нїе моще́й и҆́же во ст҃ы́хъ ѻ҆тца̀ на́шегѡ нїки́фора, патрїа́рха царѧ̀ гра́да.

А҆ллилꙋ́їа. Стїхи̑ры, гла́съ а҃. Подо́бенъ: Нбⷭ҇ныхъ чинѡ́въ: На ᲂу҆́трени, канѡ́нъ, гла́съ в҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ а҃. Подо́бенъ: Ли́къ а҆́гг҃льскїй:

Ли́къ патрїа́ршескїй ст҃ꙋ́ю твою̀ па́мѧть хвала́ми и҆ пѣ́сньми нїки́форе че́ствꙋетъ: въ преложе́нїи бо прїѧ́тъ дꙋ́шꙋ твою̀, сла́вне. тѣ́мъ дне́сь честна́ѧ цр҃ковь, велича́ющи хрⷭ҇та̀ цр҃ѧ̀, сла́витъ є҆ди́наго чл҃вѣколю́бца.

<<сн҃и ѡ҆б.: 516>>

д҃і. Прпⷣбнагѡ ѻ҆тца̀ на́шегѡ венеді́кта.

А҆ллилꙋ́їа. Стїхи̑ры, гла́съ в҃. Подо́бенъ: Є҆гда̀ ѿ дре́ва: На ᲂу҆́трени, канѡ́нъ, гла́съ в҃. По г҃-й пѣ́сни, сѣда́ленъ, гла́съ а҃. По ѕ҃-й пѣ́сни,

Конда́къ, гла́съ ѕ҃:

Бл҃года́тїю бж҃їею ѡ҆богати́лсѧ є҆сѝ, дѣ́лы же и҆звѣсти́лъ є҆сѝ зва́нїе: и҆ ꙗ҆ви́лсѧ є҆сѝ венеді́кте, ᲂу҆го́дниче хрⷭ҇та̀ бг҃а, въ мл҃твахъ и҆ постѣ́хъ, дарова́нїй бж҃їѧ дх҃а и҆спо́лненъ: и҆ бы́лъ є҆сѝ недꙋ̑жнымъ и҆сцѣли́тель, и҆ прогони́тель врагѡ́мъ, и҆ застꙋ́пникъ ско́рый дꙋша́мъ на́шымъ.

є҃і. Ст҃а́гѡ мч҃нка а҆га́пїа, и҆ съ ни́мъ шестѝ мч҃нкъ.

А҆ллилꙋ́їа. Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ и҃. По г҃-й пѣ́сни, сѣда́ленъ, гла́съ и҃.

ѕ҃і. Ст҃ы́хъ мч҃нкъ саві́на и҆ па́пы.

А҆ллилꙋ́їа. Стїхи̑ры, гла́съ и҃. Подо́бенъ: Что̀ вы̀ нарече́мъ: На ᲂу҆́трени, канѡ́нъ, гла́съ и҃. По г҃-й пѣ́сни, сѣда́ленъ, гла́съ и҃.

Конда́къ, гла́съ в҃. Подо́бенъ: Твє́рдыѧ:

Бж҃е́ствєннаѧ прозѧбє́нїѧ, цвѣ́тъ неꙋвѧда́ющїй, розга̀ многопло́днаѧ бг҃оно́се саві́не, вѣ́рою чтꙋ́щихъ па́мѧть твою̀, весе́лїѧ твоегѡ̀ и҆спо́лни, и҆ моли́сѧ непреста́ннѡ ѡ҆ всѣ́хъ на́съ.

з҃і. Прпⷣбнагѡ ѻ҆тца̀ на́шегѡ а҆леѯі́а человѣ́ка бж҃їѧ.

Стїхи̑ры, гла́съ а҃. Подо́бенъ: Всехва́льнїи: Сла́ва, гла́съ ѕ҃: Ти́хое твоѐ ѻ҆́тче и҆ молчали́вое:

<<сн҃ѳ: 517>>

Тропа́рь, гла́съ д҃:

Возвы́сивсѧ на добродѣ́тель, и҆ ᲂу҆́мъ ѡ҆чи́стивъ къ жела́нномꙋ и҆ кра́йнемꙋ дости́глъ є҆сѝ: безстра́стїемъ же ᲂу҆краси́въ житїѐ твоѐ, и҆ поще́нїе и҆зрѧ́дное воспрїи́мъ со́вѣстїю чи́стою, въ мл҃твахъ ꙗ҆́кѡ безпло́тенъ пребыва́ѧ, возсїѧ́лъ є҆сѝ ꙗ҆́кѡ со́лнце въ мі́рѣ, пребл҃же́нне а҆леѯі́е.

Канѡ́нъ, гла́съ в҃. По г҃ пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ в҃:

До́мъ роди́телей твои́хъ ꙗ҆́кѡ чꙋ́ждь и҆мѣ́въ, водвори́лсѧ є҆сѝ въ не́мъ нищеѡбра́знѡ: и҆ по преставле́нїи вѣне́цъ прїе́мъ сла́вы, ди́венъ на землѝ ꙗ҆ви́лсѧ є҆сѝ а҆леѯі́е человѣ́че бж҃їй, а҆́гг҃лѡмъ и҆ человѣ́кѡмъ ра́дованїе.

И҆ і҆́косъ.

Въ то́йже де́нь прпⷣбнагѡ ѻ҆тца̀ на́шегѡ и҆гꙋ́мена мака́рїа, колѧ́зинскагѡ чꙋдотво́рца.

Соверша́етсѧ собо́ръ є҆гѡ̀ во ѻ҆би́тели є҆гѡ̀.

Тропа́рь, гла́съ и҃:

Плѡтска́ѧ мꙋдрова̑нїѧ ѻ҆́тче мака́рїе, воздержа́нїемъ и҆ бдѣ́нїемъ ᲂу҆мертви́лъ є҆сѝ: мѣ́сто бо, на не́мже по́ты твоѧ̑ и҆злїѧ́лъ є҆сѝ, ꙗ҆́кѡ трꙋба̀ вопїе́тъ къ бг҃ꙋ, повѣ́дающи твоѧ̑ и҆справлє́нїѧ: и҆ по сме́рти честны̑ѧ твоѧ̑ мо́щы и҆сточа́ютъ и҆сцѣлє́нїѧ. тѣ́мже вопїе́мъ тѝ: молѝ хрⷭ҇та̀ бг҃а, да сп҃се́тъ дꙋ́шы на́шѧ.

Конда́къ, гла́съ в҃. Подо́бенъ: Вы́шнихъ и҆щѧ̀:

Вы́шнихъ жела́ѧ, воздержа́нїемъ и҆ трꙋды̀, и҆ по́ты наслади́всѧ, жела́нїе пло́ти твоеѧ̀ ѡ҆бꙋзда́въ, чꙋде́съ да́ръ прїе́мъ ѿ хрⷭ҇та̀ бг҃а свѣти́льникъ ꙗ҆ви́лсѧ є҆сѝ пресвѣ́тлый: тѣ́мже хрⷭ҇то́ва цр҃ковь пѣ́сньми сла́витъ тѧ̀, прпⷣбне мака́рїе ѻ҆́тче на́шъ.

<<сн҃ѳ ѡ҆б.: 518>>

и҃і. И҆́же во ст҃ы́хъ ѻ҆тца̀ на́шегѡ кѷрі́лла, а҆рхїепⷭ҇кпа і҆ерⷭ҇ли́мскагѡ.

А҆ллилꙋ́їа. Стїхи̑ры, гла́съ д҃. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ а҃:

Ѧ҆зы́комъ твои́мъ мꙋ́дре, бж҃е́ственными вдохнове́ньми, просвѣти́лъ є҆сѝ твоѧ̑ лю́ди, є҆ди́нꙋ честѝ трⷪ҇цꙋ є҆стество́мъ нераздѣ́льнꙋ, раздѣлѧ́емꙋ же ли́цы: тѣ́мже ра́дꙋющесѧ, всест҃ꙋ́ю твою̀ па́мѧть пра́зднꙋемъ, и҆́же къ бг҃ꙋ мл҃твенника тѧ̀ предлага́ющїи.

ѳ҃і. Ст҃ы́хъ мч҃нкъ, хрїса́нѳа и҆ да́рїи.

А҆ллилꙋ́їа. Стїхи̑ры, гла́съ д҃. Подо́бенъ: Да́лъ є҆сѝ зна́менїе: На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ г҃.

к҃. Прпⷣбныхъ ѻ҆тє́цъ на́шихъ во ѻ҆би́тели ст҃а́гѡ са́ввы ᲂу҆бїе́нныхъ.

Стїхи̑ры, гла́съ д҃. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ, гла́съ и҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ д҃. Подо́бенъ: Вознесы́йсѧ:

Земны́хъ и҆ тлѣ́нныхъ наслажде́нїе презрѣ́вше ꙗ҆́вѣ, пребл҃же́ннїи, пꙋсты́нное житїѐ и҆зво́ливше, мі́ра же краснѣ́йшее и҆ пи́щи вре́мєнныѧ возненави́дѣвше, ѿѻнꙋ́дꙋже сподо́бистесѧ нбⷭ҇нагѡ црⷭ҇твїѧ, съ ли́ки мꙋ́чєникъ и҆ пѡ́стникъ веселѧ́щесѧ. тѣ́мже чтꙋ́ще па́мѧть ва́шꙋ, вопїе́мъ ва́мъ прилѣ́жнѡ: ѿ бѣ́дъ на́съ ѻ҆тцы̀ и҆зба́вите.

<<с҃ѯ: 519>>

к҃а. Прпⷣбнагѡ ѻ҆тца̀ на́шегѡ и҆ и҆сповѣ́дника і҆а́кѡва є҆пⷭ҇кпа.

А҆ллилꙋ́їа. Стїхи̑ры, гла́съ д҃. Подо́бенъ: Да́лъ є҆сѝ зна́менїе: На ᲂу҆́трени, канѡ́нъ, гла́съ в҃. По г҃-й пѣ́сни, сѣда́ленъ, гла́съ д҃.

к҃в. Ст҃а́гѡ сщ҃енномч҃нка васі́лїа, пресвѵ́тера а҆гкѵ́рскїѧ цр҃кве.

А҆ллилꙋ́їа. Стїхи̑ры, гла́съ д҃. Подо́бенъ: Зва́нный свы́ше: На ᲂу҆́трени, канѡ́нъ, гла́съ ѕ҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ и҃. Подо́бенъ: Взбра́нной:

Зако́ннѡ тече́нїе соверши́въ, и҆ вѣ́рꙋ соблю́лъ є҆сѝ сщ҃енномч҃нче васі́лїе: сегѡ̀ ра́ди мꙋче́нїѧ вѣнцє́въ сподо́билсѧ є҆сѝ, и҆ цр҃кве сто́лпъ непоколеби́мь ꙗ҆ви́лсѧ є҆сѝ, сн҃а ѻ҆ц҃ꙋ̀ собезнача́льна, и҆ дх҃ꙋ, и҆сповѣ́давъ трⷪ҇цꙋ нераздѣ́льнꙋю: ю҆́же молѝ, и҆зба́витисѧ ѿ бѣ́дъ чтꙋ́щымъ тѧ̀, да зове́мъ тѝ: ра́дꙋйсѧ васі́лїе бг҃омꙋ́дре.

к҃г. Ст҃а́гѡ прпⷣбномч҃нка ні́кѡна и҆ двꙋ̀ стꙋ̀ ᲂу҆чєни́къ є҆гѡ̀, съ ни́мъ мꙋ́чившихсѧ.

А҆ллилꙋ́їа. Стїхи̑ры, гла́съ д҃. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ д҃.

к҃д. Предпра́зднство бл҃говѣ́щенїѧ прест҃ы́ѧ бцⷣы. И҆ прпⷣбнагѡ ѻ҆тца̀ на́шегѡ заха́рїи: И҆ и҆́же во ст҃ы́хъ ѻ҆тца̀ на́шегѡ а҆рте́мїа, є҆пⷭ҇кпа ѳессалоні́тскагѡ.

Ве́черъ, ѻ҆бы́чнаѧ каѳі́сма. На Гдⷭ҇и воззва́хъ самогла́сенъ днѐ два́жды, и҆ мч҃нченъ, и҆ подо́бны трїѡ́ди <<с҃ѯ ѡ҆б.: 520>> трѝ: и҆ предпра́зднства, на д҃: гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ, гла́съ в҃: Бл҃говѣствꙋ́етъ гаврїи́лъ: Вхо́дъ. Прокі́менъ: и҆ чтє́нїѧ днѐ, и҆ про́чаѧ слꙋ́жба преждесщ҃е́нныхъ. А҆ и҆дѣ́же нѣ́сть преждесщ҃е́нныхъ, на Гдⷭ҇и воззва́хъ, стїхи̑ры, подо́бны трїѡ́ди трѝ: и҆ предпра́зднства г҃. Сла́ва, и҆ ны́нѣ: Бл҃говѣствꙋ́етъ гаврїи́лъ: На стїхо́внѣ самогла́сенъ трїѡ́ди два́жды, и҆ мч҃нченъ. Сла́ва, и҆ ны́нѣ, предпра́зднства, гла́съ в҃: Є҆́же ѿ вѣ́ка: На ᲂу҆́трени, А҆ллилꙋ́їа, и҆ трⷪ҇чны гла́са. А҆́ще слꙋчи́тсѧ въ сꙋббѡ́тꙋ, и҆лѝ въ недѣ́лю, на Бг҃ъ гдⷭ҇ь.

Тропа́рь, гла́съ д҃:

Дне́сь всемі́рныѧ ра́дости нача́тки, предпра́зднственное воспѣ́ти повелѣва́ютъ. се́ бо гаврїи́лъ прихо́дитъ, дв҃ѣ носѧ̀ бл҃говѣ́стїе, и҆ къ не́й вопїе́тъ: ра́дꙋйсѧ бл҃года́тнаѧ, гдⷭ҇ь съ тобо́ю.

И҆ ѻ҆бы̑чныѧ каѳі̑смы, и҆ прѡ́чаѧ по ѻ҆бы́чаю. Канѡ́нъ предпра́зднства, со і҆рмосо́мъ на ѕ҃, гла́съ д҃: и҆ трїѡ́ди по чи́нꙋ и҆́хъ. По г҃-й пѣ́сни, сѣда́ленъ, гла́съ д҃. Подо́бенъ: Ꙗ҆ви́лсѧ є҆сѝ: Наше́ствїемъ дх҃а всест҃а́гѡ: Сла́ва, и҆ ны́нѣ, дрꙋгі́й: гла́съ г҃. Подо́бенъ: Красотѣ̀: Дне́сь всѧ̀ тва́рь ра́дꙋетсѧ: По ѕ҃-й пѣ́сни,

Конда́къ, гла́съ и҃. Подо́бенъ: Взбра́нной:

Всѣ̑мъ земны̑мъ нача́ло сп҃се́нїѧ на́шегѡ ты̀ є҆сѝ бцⷣе дв҃о: бж҃їй бо слꙋжи́тель съ нб҃съ по́сланъ предста́ти тебѣ̀, вели́кїй чинонача́льникъ гаврїи́лъ, ра́дость ѡ҆бра́дованнꙋю тѝ принесѐ. тѣ́мъ всѝ зове́мъ тѝ: ра́дꙋйсѧ невѣ́сто неневѣ́стнаѧ.

По ѳ҃-й пѣ́сни, а҆́ще сꙋббѡ́та, свѣти́ленъ предпра́зднства два́жды. На стїхо́внѣ трїѡ́ди самогла́сенъ днѐ два́жды: и҆ мч҃нченъ. Сла́ва, и҆ ны́нѣ, предпра́зднства, гла́съ д҃: Ѧ҆зы́ка є҆гѡ́же не вѣ́дѧше: И҆ ча́съ а҃-й, съ каѳі́смою, и҆ съ поклѡ́ны, по ѻ҆бы́чаю.

<<сѯ҃а: 521>>

[зрѝ][[комм.]] Подоба́етъ вѣ́дати, а҆́ще слꙋчи́тсѧ предпра́зднство бл҃говѣ́щенїѧ прест҃ы́ѧ бцⷣы въ сꙋббѡ́тꙋ г҃-ѧ и҆лѝ д҃-ѧ недѣ́ли постѡ́въ.

Въ пѧто́къ ве́чера, каѳі́сма ѻ҆бы́чнаѧ. На Гдⷭ҇и воззва́хъ, пое́мъ стїхи̑ры на і҃: трїѡ́ди самогла́сенъ днѐ два́жды, и҆ мч҃нчны д҃, гла́са: и҆ предпра́зднства на д҃: Сла́ва, предпра́зднства: И҆ ны́нѣ, бг҃оро́диченъ а҃-й, настоѧ́щагѡ гла́са. Вхо́дъ, Свѣ́те ти́хїй: прокі́менъ: чтє́нїѧ днѐ. Да и҆спра́витсѧ: и҆ про́чее преждесщ҃е́нныхъ. [зрѝ] А҆́ще нѣ́сть преждесщ҃е́нныхъ: На Гдⷭ҇и воззва́хъ, стїхи̑ры предпра́зднства на ѕ҃. Сла́ва, предпра́зднства: И҆ ны́нѣ, бг҃оро́диченъ а҃-й гла́са. та́же, Свѣ́те ти́хїй, без̾ вхо́да. прокі́менъ, и҆ чтє́нїѧ днѐ. Посе́мъ: Сподо́би гдⷭ҇и: и҆ є҆ктенїа̀: И҆спо́лнимъ вече́рнюю: На стїхо́внѣ самогла́сенъ трїѡ́ди, два́жды пи́санъ на Гдⷭ҇и воззва́хъ: и҆ мч҃нченъ по гла́сꙋ є҆гѡ̀, ѿ ѻ҆ктѡ́иха: припѣ́вы же глаго́лемъ ѻ҆бы̑чныѧ: Къ тебѣ̀ возведо́хъ: Сла́ва, и҆ ны́нѣ, предпра́зднства. По Ны́нѣ ѿпꙋща́еши, тропа́рь предпра́зднства. та́же є҆ктенїа̀: Поми́лꙋй на́съ бж҃е: и҆ трѝ покло́ны вели̑кїѧ. Посе́мъ: Всест҃а́ѧ трⷪ҇це: Бꙋ́ди и҆́мѧ гдⷭ҇не: три́жды. та́же, досто́йно є҆́сть: и҆ ѿпꙋ́стъ. [зрѝ] Повече́рїе пое́мъ вели́кое без̾ покло́нѡвъ. По а҃-мъ трист҃о́мъ, Вмѣ́стѡ, Просвѣтѝ ѻ҆́чи моѝ: глаго́лемъ тропа́рь предпра́зднства: Дне́сь всемі́рныѧ: По в҃-мъ трист҃о́мъ тропарѝ ѻ҆бы̑чныѧ: Поми́лꙋй на́съ гдⷭ҇и: Канѡ́нъ ѻ҆ктѡ́иха ме́ртвенъ. По Досто́йно: конда́къ предпра́зднства. На ᲂу҆́трени, на Бг҃ъ гдⷭ҇ь, тропа́рь предпра́зднства три́жды: и҆ ѻ҆бы̑чныѧ каѳі̑смы: и҆ сѣда́льны ѻ҆ктѡ́иха. Непоро́чны за ᲂу҆поко́й не пое́мъ. Пѣ̑сни же з҃-ю и҆ и҃-ю, глаго́лемъ пре́жде въ пѧто́къ. Канѡ́нъ предпра́зднства, со і҆рмосо́мъ на ѕ҃: і҆рмо́съ два́жды. По г҃-й пѣ́сни, сѣда́ленъ предпра́зднства. <<сѯ҃а ѡ҆б.: 522>> Сла́ва, и҆ ны́нѣ, дрꙋгі́й. [зрѝ] Є҆гда́ же приспѣ́етъ четверопѣ́снецъ, и҆ пое́мъ канѡ́нъ предпра́зднства, ꙗ҆́коже пред̾ꙋказа́сѧ: и҆ трїѡ́ди на и҃. По ѕ҃-й пѣ́сни, конда́къ предпра́зднства. По ѳ҃-й пѣ́сни, свѣти́ленъ предпра́зднства. На стїхо́внѣ ѻ҆ктѡ́иха настоѧ́щагѡ гла́са мч҃нчны хвали́тны: Припѣ́вы же глаго́лемъ ѻ҆бы̑чныѧ: И҆спо́лнихомсѧ: И҆ бꙋ́ди свѣ́тлость: Сла́ва, и҆ ны́нѣ, предпра́зднства, гла́съ д҃: Ѧ҆зы́ка, є҆гѡ́же не вѣ́дѧше: На часѣ́хъ, тропа́рь и҆ конда́къ предпра́зднства. На лїтꙋргі́и, бл҃жє́нна предпра́зднства, пѣ́снь г҃-ѧ и҆ ѕ҃-ѧ. По вхо́дѣ тропа́рь хра́ма хрⷭ҇то́ва, а҆́ще є҆́сть. та́же тропа́рь предпра́зднства: Сла́ва, конда́къ хра́ма: И҆ ны́нѣ, предпра́зднства.

[зрѝ][[комм.]] А҆́ще предпра́зднство бл҃говѣ́щенїѧ слꙋчи́тсѧ въ недѣ́лю крⷭ҇топокло́ннꙋю.

Въ сꙋббѡ́тꙋ на вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, крⷭ҇та̀ д҃, и҆ предпра́зднства г҃. Сла́ва, крⷭ҇та̀: И҆ ны́нѣ, бг҃оро́диченъ ли гла́са. На лїті́и стїхи́ра хра́ма. Сла́ва, крⷭ҇та̀: И҆ ны́нѣ, предпра́зднства, пи́сана на Гдⷭ҇и воззва́хъ. На стїхо́внѣ стїхи̑ры ѻ҆ктѡ́иха. Сла́ва, крⷭ҇та̀: И҆ ны́нѣ, предпра́зднства, пи́санъ на ᲂу҆́трени на стїхо́внѣ. На бл҃гослове́нїи хлѣ́бѡвъ тропа́рь: Бцⷣе дв҃о ра́дꙋйсѧ: два́жды: и҆ крⷭ҇та̀: є҆ди́ножды. и҆ Бꙋ́ди и҆́мѧ гдⷭ҇не: три́жды. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, крⷭ҇та̀: И҆ ны́нѣ, предпра́зднства: и҆ про́чее ѻ҆бы́чно. Канѡ́нъ воскрⷭ҇нъ со і҆рмосо́мъ на д҃, и҆ крⷭ҇та̀ на ѕ҃, и҆ предпра́зднства на д҃. Катава́сїа: Бж҃е́ственнѣйшїй проѡбразѝ: По г҃-й пѣ́сни, конда́къ предпра́зднства: и҆ сѣда́льны крⷭ҇та̀: Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ крⷭ҇та̀. По ѳ҃-й пѣ́сни, свѣти́ленъ воскрⷭ҇нъ. Сла́ва, крⷭ҇та̀: И҆ ны́нѣ, предпра́зднства. <<сѯ҃в: 523>> Про́чее же на хвали́техъ, и҆ на лїтꙋргі́и, всѐ, ꙗ҆́коже пи́сано въ недѣ́лю г҃-ю поста̀, то́чїю на часѣ́хъ тропа́рь воскрⷭ҇нъ глаго́лемъ непремѣ́ннѡ: Сла́ва, крⷭ҇та̀ и҆ предпра́зднства, глаго́лемъ премѣнѧ́юще. По Ѻ҆́ч҃е на́шъ: кондакѝ на всѣ́хъ часѣ́хъ глаго́лемъ крⷭ҇та̀, и҆ предпра́зднства, премѣнѧ́юще.

[зрѝ][[комм.]] А҆́ще слꙋчи́тсѧ предпра́зднство бл҃говѣ́щенїѧ въ понедѣ́льникъ д҃-ѧ, и҆лѝ є҃-ѧ, и҆лѝ ѕ҃-ѧ недѣ́ли постѡ́въ:

Въ недѣ́лю ве́чера, стїхи̑ры на і҃, ѻ҆ктѡ́иха покаѧ̑нныѧ д҃, и҆ трїѡ́ди г҃, и҆ предпра́зднства г҃. Сла́ва, и҆ ны́нѣ, предпра́зднства. Вхо́дъ, прокі́менъ вели́кїй. Та́же, Сподо́би гдⷭ҇и: и҆ покло́ны г҃. посе́мъ є҆ктенїа̀: И҆спо́лнимъ вече́рнюю: Та́же, пое́мъ стїхо́внꙋ въ трїѡ́ди съ припѣ́вы ѻ҆бы́чными: Сла́ва, и҆ ны́нѣ, предпра́зднства, пи́санъ на ᲂу҆́трени на стїхо́внѣ, гла́съ д҃: Ѧ҆зы́ка є҆гѡ́же не вѣ́дѧше: посе́мъ, Ны́нѣ ѿпꙋща́еши: и҆ трист҃о́е съ покло́ны, и҆ тропа́рь: Бцⷣе дв҃о ра́дꙋйсѧ: съ покло́ны. и҆ Гдⷭ҇и поми́лꙋй, м҃: и҆ Нбⷭ҇ный царю̀: по Чⷭ҇тнѣ́йшꙋю, г҃ покло́ны, и҆ ѿпꙋ́стъ. На ᲂу҆́трени, пое́мъ А҆ллилꙋ́їа, и҆ трⷪ҇чны гла́са, и҆ ѻ҆бы̑чныѧ каѳі̑смы, и҆ про́чее пое́мъ на ᲂу҆́трени и҆ на часѣ́хъ, ꙗ҆́коже ᲂу҆каза́сѧ пре́жде въ рѧдꙋ̀ въ к҃д-й де́нь.

[[комм.]] А҆́ще слꙋчи́тсѧ предпра́зднство бл҃говѣ́щенїѧ въ сре́дꙋ д҃-ю постѡ́въ, є҆́же є҆́сть крⷭ҇топокло́ннꙋю.

Ве́черъ, и҆ ᲂу҆́трѡ пое́мъ всѐ съ покло́ны. Во вто́рникъ ве́чера, каѳі́сма рѧдова́ѧ. На Гдⷭ҇и воззва́хъ, стїхи̑ры трїѡ́ди г҃, и҆ предпра́зднства г҃. Сла́ва, крⷭ҇та̀: И҆ ны́нѣ, предпра́зднства. Прокі́менъ, и҆ чтє́нїѧ днѐ. На стїхо́внѣ стїхи̑ры трїѡ́ди. Сла́ва, крⷭ҇та̀: И҆ ны́нѣ, предпра́зднства. На ᲂу҆́трени, въ сре́дꙋ канѡ́нъ трїѡ́ди со і҆рмосо́мъ на ѕ҃: и҆ предпра́зднства на д҃: [зрѝ] А҆ и҆дѣ́же трипѣ́снецъ, пое́мъ <<сѯ҃в ѡ҆б.: 524>> канѡ́нъ крⷭ҇та̀ со і҆рмосо́мъ на д҃: и҆ предпра́зднства на два̀: по два̀ тропарѧ̀ за є҆ди́нъ, и҆ трипѣ́снецъ на и҃: послѣдѝ і҆рмо́съ трипѣ́снца. По г҃-й пѣ́сни, конда́къ предпра́зднства и҆ сѣда́ленъ днѐ: Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ крⷭ҇та̀. По ѳ҃-й пѣ́сни, свѣти́ленъ трⷪ҇ченъ гла́са. На хвали́техъ стїхи̑ры крⷭ҇та̀, пи́саны на Гдⷭ҇и воззва́хъ, ѡ҆ста́вшыѧ. На стїхо́внѣ трїѡ́ди: Сла́ва, крⷭ҇та̀: И҆ ны́нѣ, предпра́зднства. На а҃-мъ часѣ̀, быва́етъ поклоне́нїе крⷭ҇та̀, по ѻ҆бы́чаю. Си́це пое́мъ слꙋ́жбꙋ предпра́зднства, и҆ крⷭ҇та̀, и҆ въ пѧто́къ, а҆́ще слꙋчи́тсѧ, тоѧ́же недѣ́ли.

[[комм.]] А҆́ще слꙋчи́тсѧ предпра́зднство бл҃говѣ́щенїѧ въ четверто́къ д҃-ѧ недѣ́ли постѡ́въ.

Въ сре́дꙋ ве́чера, на Гдⷭ҇и воззва́хъ, стїхи̑ры на і҃: трїѡ́ди на ѕ҃: и҆ предпра́зднства на д҃. Сла́ва, крⷭ҇та̀: И҆ ны́нѣ, предпра́зднства. Та́же вхо́дъ, и҆ про́чее преждесщ҃е́нныхъ. На ᲂу҆́трени же, пое́мъ всѐ, ꙗ҆́коже ᲂу҆каза́сѧ на рѧдꙋ̀ въ к҃д-й де́нь.

[зрѝ][[комм.]] Подоба́етъ вѣ́дати, а҆́ще слꙋчи́тсѧ бл҃говѣ́щенїе прест҃ы́ѧ бцⷣы въ сре́дꙋ є҃-ѧ недѣ́ли постѡ́въ.

И҆ предпра́зднства бл҃говѣ́щенїѧ, пое́мъ слꙋ́жбꙋ, стїхи̑ры и҆ канѡ́нъ въ понедѣ́льникъ, на рѧдꙋ̀: мине́и же ст҃а́гѡ пое́мъ на повече́рїи.

[зрѝ][[комм.]] А҆́ще ли же слꙋчи́тсѧ предпра́зднство бл҃говѣ́щенїѧ прест҃ы́ѧ бцⷣы въ четверто́къ є҃-ѧ недѣ́ли постѡ́въ.

И҆ пое́мъ слꙋ́жбꙋ предпра́зднства, стїхи̑ры и҆ канѡ́нъ напредѝ въ сре́дꙋ на рѧдꙋ̀, вели́кагѡ ра́ди канѡ́на: рѧдова́гѡ же ст҃а́гѡ слꙋ́жбꙋ та́кожде пое́мъ на повече́рїи.

<<сѯ҃г: 525>>

[[комм.]] А҆́ще слꙋчи́тсѧ предпра́зднство бл҃говѣ́щенїѧ прест҃ы́ѧ бцⷣы въ недѣ́лю д҃-ю, и҆лѝ є҃-ю постѡ́въ.

На вели́цѣй вече́рни, стїхи̑ры воскрⷭ҇ны г҃: и҆ а҆натѡ́лїевы г҃: и҆ предпра́зднства д҃. Сла́ва, предпра́зднства: И҆ ны́нѣ, бг҃оро́диченъ гла́са, и҆ про́чее по ѻ҆бы́чаю. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, предпра́зднства: и҆ про́чее воскрⷭ҇но и҆ до канѡ́на. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на в҃: и҆ трїѡ́ди на д҃: и҆ предпра́зднства на д҃. Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, конда́къ предпра́зднства: и҆ сѣда́ленъ трїѡ́ди. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ воскрⷭ҇нъ. По ѳ҃-й пѣ́сни, свѣти́ленъ воскрⷭ҇нъ: Сла́ва, и҆ ны́нѣ, предпра́зднства. На хвали́техъ стїхи̑ры воскрⷭ҇ны по ѻ҆бы́чаю. Посе́мъ глаго́лемъ припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ самогла́сенъ трїѡ́ди: Сла́ва, па́ки то́йже. И҆ ны́нѣ, Пребл҃гослове́нна є҆сѝ: Славосло́вїе вели́кое. И҆ про́чее по ѻ҆бы́чаю. На а҃-мъ часѣ̀, тропа́рь воскрⷭ҇нъ: Сла́ва, предпра́зднства: И҆ ны́нѣ, бг҃оро́диченъ часѡ́въ. Ст҃ы́хъ же слꙋ̑жбы, і҆ѡа́нна лѣ́ствичника, и҆ марі́и є҆гѵ́птѧныни, въ сїѧ̑ недѣ̑ли ѡ҆ставлѧ́ютсѧ, и҆ пою́тсѧ є҆гда̀ є҆кклисїа́рхъ разсꙋ́дитъ.

[[комм.]] А҆́ще слꙋчи́тсѧ предпра́зднство бл҃говѣ́щенїѧ въ сꙋббѡ́тꙋ пѧ́тꙋю а҆ка́ѳїста.

Въ пѧто́къ ве́чера, на Гдⷭ҇и воззва́хъ, пое́мъ стїхи̑ры, самогла́сенъ днѐ, два́жды: и҆ мч҃нченъ: и҆ а҆ка́ѳїста на д҃: и҆ предпра́зднства, г҃. Сла́ва, предпра́зднства: И҆ ны́нѣ, а҆ка́ѳїста. Вхо́дъ, прокі́менъ, и҆ чтє́нїѧ днѐ. Да и҆спра́витсѧ: и҆ про́чее преждесщ҃е́нныхъ. [зрѝ] Четверопѣ́снецъ же трїѡ́ди пое́мъ на повече́рїи. На ᲂу҆́трени, на Бг҃ъ гдⷭ҇ь, <<сѯ҃г ѡ҆б.: 526>> тропа́рь а҆ка́ѳїста, два́жды. Сла́ва, и҆ ны́нѣ, предпра́зднства: и҆ ѻ҆бы̑чныѧ каѳі̑смы. Кондакѝ и҆ і҆́косы а҆ка́ѳїста, по чи́нꙋ и҆́хъ. Канѡ́нъ предпра́зднства, со і҆рмосо́мъ на ѕ҃: и҆ а҆ка́ѳїста на и҃. Катава́сїа: Ѿве́рзꙋ ᲂу҆ста̀ моѧ̑: По г҃-й и҆ по ѕ҃-й пѣ́сни, кондакѝ и҆ і҆́косы по ѻ҆бы́чаю. По ѳ҃-й пѣ́сни, свѣти́ленъ а҆ка́ѳїста два́жды. Сла́ва, и҆ ны́нѣ, предпра́зднства. На хвали́техъ стїхи̑ры а҆ка́ѳїста на д҃, гла́съ д҃. Подо́бенъ: Ꙗ҆́кѡ до́блѧ: Сла́ва, и҆ ны́нѣ, гла́съ д҃: Ѧ҆зы́ка є҆гѡ́же не вѣ́дѧше: Славосло́вїе вели́кое, и҆ ѿпꙋ́стъ.

[зрѝ][[комм.]] А҆́ще слꙋчи́тсѧ предпра́зднство бл҃говѣ́щенїѧ въ сꙋббѡ́тꙋ ла́заревꙋ.

И҆ пое́тсѧ предпра́зднства слꙋ́жба пре́жде въ четверто́къ тоѧ́же седми́цы, ꙗ҆́коже ᲂу҆каза́сѧ сегѡ̀ мѣ́сѧца въ к҃д де́нь.

к҃є. Бл҃говѣ́щенїе прест҃ы́ѧ влⷣчцы на́шеѧ бцⷣы и҆ приснодв҃ы мр҃і́и.

Начина́етсѧ ѿ четвертка̀ г҃-ѧ недѣ́ли ст҃ы́хъ постѡ́въ, и҆ восхо́дитъ до среды̀ свѣ́тлыѧ седми́цы, и҆ а҆́ще є҆́сть по́стъ, начина́емъ вече́рню без̾ каѳі́смы и҆ без̾ покло́нѡвъ. На Гдⷭ҇и воззва́хъ, ста́вимъ стїхѡ́въ і҃: и҆ пое́мъ въ трїѡ́ди самогла́сенъ днѐ два́жды, и҆ подо́бны г҃: и҆ пра́здника г҃: повторѧ́юще двѣ̀, гла́съ ѕ҃. Подо́бенъ: Всю̀ ѿложи́вше: Совѣ́тъ превѣ́чный: Сла́ва, и҆ ны́нѣ, гла́съ то́йже: По́сланъ бы́сть: Вхо́дъ. Свѣ́те ти́хїй: Прокі́менъ, и҆ чтє́нїѧ днѐ, и҆ пра́здника г҃: а҃- е, Бытїѧ̀, И҆зы́де і҆а́кѡвъ ѿ стꙋденца̀: в҃-е, Прⷪ҇ро́чества і҆езекі́илева: Бꙋ́детъ ѿ днѐ ѻ҆сма́гѡ: г҃- е, При́тчей: Премꙋ́дрость <<сѯ҃д: 527>> созда̀ себѣ̀ до́мъ: Та́же, да и҆спра́витсѧ: и҆ покло́ны г҃ вели̑кїѧ: и҆ прѡ́чаѧ преждесщ҃е́нныхъ. [зрѝ] А҆́ще же нѣ́сть преждесщ҃е́нныхъ, на Гдⷭ҇и воззва́хъ: стїхи̑ры подо́бны г҃, трїѡ́ди: и҆ пра́здника є҃. Сла́ва, и҆ ны́нѣ: По́сланъ бы́сть: Вхо́дъ, прокі́менъ, и҆ чтє́нїѧ днѐ и҆ пра́здника г҃. Та́же, Сподо́би гдⷭ҇и: На стїхо́внѣ самогла́сенъ днѐ, два́жды: и҆ мч҃нченъ. Сла́ва, и҆ ны́нѣ: Дне́сь ра́дость: По Ны́нѣ ѿпꙋща́еши: тропа́рь пра́здника. Є҆ктенїа̀, и҆ г҃ покло́ны вели̑кїѧ: и҆ ѿпꙋ́стъ. На трапе́зѣ же разрѣша́емъ на вїно̀ и҆ є҆ле́й, въ кі́йлибо де́нь слꙋчи́тсѧ, во сла́вꙋ прест҃ы́ѧ бцⷣы. При часѣ́ же а҃-мъ но́щи ᲂу҆дарѧ́етъ въ вели́кїй кампа́нъ дово́льнѡ, и҆ пото́мъ во всѧ̑. И҆ собра́вшесѧ во хра́мъ, бл҃гослови́вшꙋ і҆ере́ю, и҆ кадѧ́щꙋ, пое́мъ повече́рїе вели́кое, и҆ Съ на́ми бг҃ъ: съ пѣ́нїемъ, на гла́съ и҃, на ѻ҆́ба ли̑ка, и҆ ѻ҆бы̑чныѧ тропарѝ: Де́нь преше́дъ: По а҃-мъ трист҃о́мъ, тропа́рь пра́здника: Дне́сь сп҃се́нїѧ на́шегѡ: По в҃-мъ конда́къ пра́здника: Взбра́нной воево́дѣ: И҆ по Сла́ва въ вы́шнихъ: твори́мъ и҆схожде́нїе въ притво́ръ, и҆ быва́етъ лїті́а по ѻ҆бы́чаю, и҆ пое́мъ стїхи̑ры пра́здника, самогла́сны г҃, гла́съ а҃. А҆́ще сꙋббѡ́та и҆лѝ недѣ́лѧ, Сла́ва, гла́съ и҃: Да веселѧ́тсѧ нб҃са̀: И҆ ны́нѣ, гла́съ в҃: Бл҃говѣствꙋ́етъ гаврїи́лъ: А҆́ще же де́нь по́стенъ, Сла́ва, и҆ ны́нѣ: Бл҃говѣствꙋ́етъ гаврїи́лъ: Та́же мл҃твы ѻ҆бы̑чныѧ бдѣ́нїѧ. И҆ вше́дше во хра́мъ, пое́мъ На стїхо́внѣ стїхи̑ры пра́здника, гла́съ д҃, съ припѣ́вы пра́здника: Пе́рвый, Бл҃говѣсти́те де́нь ѿ днѐ сп҃се́нїе бг҃а на́шегѡ. Вторы́й, Воспо́йте гдⷭ҇еви пѣ́снь но́вꙋ, ꙗ҆́кѡ ди̑вна сотворѝ гдⷭ҇ь. Сла́ва, и҆ ны́нѣ, гла́съ то́йже: Дне́сь ра́дость бл҃говѣ́щенїѧ: На бл҃гослове́нїи хлѣ́бѡвъ,

<<сѯ҃д ѡ҆б.: 528>>

Тропа́рь, гла́съ д҃:

Дне́сь сп҃се́нїѧ на́шегѡ глави́зна, и҆ є҆́же ѿ вѣ́ка, та́инства ꙗ҆вле́нїе: сн҃ъ бж҃їй, сн҃ъ дв҃ы быва́етъ, и҆ гаврїи́лъ бл҃года́ть бл҃говѣствꙋ́етъ. тѣ́мже и҆ мы̀ съ ни́мъ бцⷣѣ возопїи́мъ: ра́дꙋйсѧ бл҃года́тнаѧ, гдⷭ҇а съ тобо́ю. три́жды.

И҆ Бꙋ́ди и҆́мѧ гдⷭ҇не: съ пѣ́нїемъ, три́жды. и҆ ѱало́мъ л҃г: Бл҃гословлю̀ гдⷭ҇а: до Не лиша́тсѧ всѧ́кагѡ бла́га. И҆ раздаю́тсѧ бл҃гословє́нныѧ хлѣ́бы бра́тїи по ѻ҆бы́чаю, и҆ чте́нїе пра́здника. На ᲂу҆́трени, на Бг҃ъ гдⷭ҇ь: тропа́рь пра́здника три́жды. и҆ глаго́лемъ трѝ каѳі̑смы. По а҃-й каѳі́смѣ, ѻ҆́ба сѣда́льны въ трїѡ́ди, без̾ є҆ктенїѝ: и҆ чте́нїе. По в҃-й каѳі́смѣ є҆ктенїа̀, и҆ сѣда́ленъ пра́здника, гла́съ а҃. Подо́бенъ: Гро́бъ тво́й: Вели́кїй воево́да: Сла́ва, и҆ ны́нѣ, то́йже: и҆ чте́нїе пра́здника. По г҃-й каѳі́смѣ, сѣда́ленъ пра́здника, гла́съ г҃. Подо́бенъ: Красотѣ̀ дв҃ства: Дне́сь всѧ̀ тва́рь ра́дꙋетсѧ: Сла́ва, и҆ ны́нѣ, то́йже. По чте́нїи же даю́тсѧ свѣщы̀ бра́тїи. По полѷеле́и сѣда́ленъ, гла́съ д҃. Подо́бенъ: Оу҆диви́сѧ: Гаврїи́лъ съ нб҃сѐ: Сла́ва, и҆ ны́нѣ, гла́съ то́йже: По́сланъ бы́сть гаврїи́лъ къ дв҃ѣ: и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Бл҃говѣсти́те де́нь ѿ днѐ сп҃се́нїе бг҃а на́шегѡ. Сті́хъ: Воспо́йте гдⷭ҇еви пѣ́снь но́вꙋ: Всѧ́кое дыха́нїе: Є҆ѵⷢ҇лїе лꙋкѝ, зача́ло д҃: Воста́вши мр҃їа́мъ: По н҃-мъ ѱалмѣ̀ стїхи́ра пра́здника, гла́съ в҃: Бл҃говѣствꙋ́етъ гаврїи́лъ: Канѡ́нъ пра́здника, гла́съ д҃: і҆рмо́съ по два́жды, тропарѝ на в҃і. Катава́сїа пра́здника. А҆ и҆дѣ́же трипѣ́снецъ, и҆ пое́мъ канѡ́нъ пра́здника, со і҆рмосо́мъ на ѕ҃: и҆ трипѣ́снецъ, на и҃. Катава́сїа, і҆рмо́съ трїѡ́ди, ѻ҆́ба ли̑ка вкꙋ́пѣ. По г҃-й пѣ́сни, сѣда́ленъ <<сѯ҃є: 529>> пра́здника, гла́съ и҃: Сло́во бж҃їе: Сла́ва, и҆ ны́нѣ: По́сланъ бы́сть: По ѕ҃-й пѣ́сни,

Конда́къ, гла́съ и҃:

Взбра́нной воево́дѣ побѣди́тєльнаѧ, ꙗ҆́кѡ и҆зба́вльшесѧ ѿ ѕлы́хъ, бл҃года́рствєннаѧ восписꙋ́емъ тѝ рабѝ твоѝ бцⷣе: но ꙗ҆́кѡ и҆мꙋ́щаѧ держа́вꙋ непобѣди́мꙋю, ѿ всѧ́кихъ на́съ бѣ́дъ свободѝ, да зове́мъ тѝ: ра́дꙋйсѧ невѣ́сто неневѣ́стнаѧ.

И҆ і҆́косъ, и҆ чте́мъ про́логъ. На ѳ҃-й пѣ́сни па́ки вжига́ютъ свѣщы̀ бра́тїѧ. Чⷭ҇тнѣ́йшꙋю не пое́мъ, но пое́мъ припѣ́въ пра́здника: Бл҃говѣствꙋ́й землѐ: Та́же і҆рмо́съ: Ꙗ҆́кѡ ѡ҆дꙋшевле́нномꙋ: подо́бнѣ и҆ в҃-й ли́къ припѣ́въ, и҆ і҆рмо́съ: и҆ къ про́чымъ тропарє́мъ пра́здника, то́йже припѣ́въ. Оу҆ трипѣ́снца же къ тропарє́мъ припѣ́въ: Сла́ва тебѣ̀ бж҃е на́шъ, сла́ва тебѣ̀. И҆ послѣдѝ і҆рмо́съ трїѡ́ди, и҆ пра́здника припѣ́въ, и҆ і҆рмо́съ ѻ҆́ба ли̑ка вкꙋ́пѣ. Свѣти́ленъ, пра́здника два́жды. Подо́бенъ: Со ᲂу҆ч҃нкѝ: А҆́гг҃льскихъ си́лъ: Сла́ва, и҆ ны́нѣ: Є҆́же ѿ вѣ́ка дне́сь познава́етсѧ: На Хвали́техъ, Всѧ́кое дыха́нїе: и҆ пое́мъ стїхи̑ры, на д҃: гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ, гла́съ в҃: Є҆́же ѿ вѣ́ка та́инство: [А҆́ще є҆́сть сꙋббѡ́та и҆лѝ недѣ́лѧ, славосло́вїе вели́кое, и҆ є҆ктєнїѝ, и҆ ѿпꙋ́стъ.] А҆́ще же де́нь по́стенъ, пое́мъ на стїхо́внѣ трїѡ́ди, самогла́сенъ днѐ два́жды, и҆ мч҃нченъ. Сла́ва, и҆ ны́нѣ, пра́здника: Да веселѧ́тсѧ нб҃са̀: Та́же, Бл҃го є҆́сть: є҆ди́ножды. По Ѻ҆́ч҃е на́шъ: тропа́рь пра́здника. Є҆ктенїа̀, и҆ г҃ вели̑кїѧ покло́ны, без̾ ѿпꙋ́ста ᲂу҆́трени, и҆ дае́тсѧ ст҃ы́й є҆ле́й бра́тїи, пое́тсѧ же и҆ стїхи́ра самогла́сна. И҆ ча́съ а҃-й съ каѳі́смою. Тропа́рь и҆ конда́къ пра́здника. И҆ въ коне́цъ г҃ покло́ны вели̑кїѧ, и҆ мл҃тва: Хрⷭ҇тѐ свѣ́те и҆́стинный: <<сѯ҃є ѡ҆б.: 530>> и҆ ѿпꙋ́стъ. Въ г҃-й же ча́съ днѐ и҆схо́димъ со крⷭ҇ты̀ съ лїті́ею внѣ̀ монастырѧ̀: и҆ возвра́щшесѧ вхо́димъ въ трапе́зꙋ, и҆ пое́мъ ча́съ г҃-й и҆ ѕ҃-й съ каѳі́смами, без̾ покло́нѡвъ. Тропа́рь и҆ конда́къ пра́здника. На часѣ́хъ же, въ кампа́нъ не ᲂу҆дарѧ́емъ. На ѕ҃-мъ часѣ̀, пое́мъ тропа́рь паремїѝ трїѡ́ди, и҆ прѡ́чаѧ по чи́нꙋ и҆́хъ: и҆ паремїа̀, и҆ чте́мъ сло́во, є҆мꙋ́же нача́ло: Па́ки ра́дость бл҃говѣ́щенїѧ: Присовокꙋплѧ́емъ же и҆ ѳ҃ ча́съ съ каѳі́смою и҆ чте́нїемъ. Посе́мъ бл҃жє́нна ско́рѡ без̾ пѣ́нїѧ и҆ без̾ покло́нѡвъ: Помѧнѝ на́съ гдⷭ҇и: Ли́къ нбⷭ҇ный: Сла́ва: Ли́къ ст҃ы́хъ а҆́гг҃лъ: Ѡ҆сла́би, ѡ҆ста́ви: По Ѻ҆́ч҃е на́шъ, конда́къ пра́здника. Гдⷭ҇и поми́лꙋй, м҃: Сла́ва, и҆ ны́нѣ, Чⷭ҇тнѣ́йшꙋю: и҆ покло́ны г҃ вели̑кїѧ, и҆ мл҃тва: Всест҃а́ѧ трⷪ҇це: и҆ ѿпꙋ́стъ.

к҃ѕ. Собо́ръ а҆рхїстрати́га гаврїи́ла:

Вече́рню пое́мъ без̾ каѳі́смы, и҆ без̾ покло́нѡвъ. На Гдⷭ҇и воззва́хъ, пое́мъ трїѡ́ди самогла́сенъ днѐ, два́жды, без̾ мч҃нчна: и҆ подо́бны трїѡ́ди г҃, и҆ пра́здника г҃, гла́съ д҃, самогла́сны стїхѡ́вныѧ: Въ шесты́й мѣ́сѧцъ: и҆ а҆рха́гг҃ла г҃, гла́съ а҃. Подо́бенъ: Всехва́льнїи мч҃нцы: Къ а҃і же стїхꙋ̀ припѣ́въ: Творѧ́й а҆́гг҃лы своѧ̑ дꙋ́хи: Сла́ва, и҆ ны́нѣ, пра́здника: По́сланъ бы́сть: І҆ере́й же твори́тъ проскомі́дїю въ стїхи̑ры. Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чте́нїе днѐ, и҆ пра́здника двѣ̀. а҃-е, И҆схо́да, Вни́де мѡѷсе́й: в҃-е, При́тчей, Гдⷭ҇ь созда́ мѧ: Та́же є҆ктенїа̀ ма́лаѧ, и҆ возгла́съ трист҃а́гѡ: Ꙗ҆́кѡ ст҃ъ є҆сѝ бж҃е на́шъ: и҆ трист҃о́е. Прокі́менъ, гла́съ д҃: Бл҃говѣсти́те де́нь ѿ днѐ сп҃се́нїе бг҃а на́шегѡ. Сті́хъ: Воспо́йте гдⷭ҇еви пѣ́снь но́вꙋ: А҆по́столъ ко є҆вре́ємъ, <<сѯ҃ѕ: 531>> зача́ло т҃ѕ: Ст҃ѧ́й и҆ ѡ҆сщ҃а́емїи: А҆ллилꙋ́їа, гла́съ а҃: Сни́детъ ꙗ҆́кѡ до́ждь на рꙋно̀: Сті́хъ: Бꙋ́детъ и҆́мѧ є҆гѡ̀ бл҃гослове́но во вѣ́ки. Є҆ѵⷢ҇лїе лꙋкѝ, зача́ло г҃: Зача́тъ є҆лїсаве́тъ: и҆ про́чаѧ бж҃е́ственнаѧ лїтꙋргі́а златоꙋ́стагѡ. Вмѣ́стѡ Досто́йно, пое́мъ і҆рмо́съ: Ꙗ҆́кѡ ѡ҆дꙋшевле́нномꙋ: Прича́стенъ: И҆збра̀ гдⷭ҇ь сїѡ́на, и҆ и҆зво́ли є҆го̀ въ жили́ще себѣ̀.

[зрѝ] І҆ѡа́нна по́стника: Ѡ҆брѣта́емъ въ нѣ́кїихъ тѵ́пїцѣхъ, є҆́же пѣ́тисѧ въ се́мъ днѝ честна́гѡ сегѡ̀ пра́здника, да и҆спра́витсѧ мл҃тва моѧ̀: и҆ сїѐ не вѣ́мъ, кі́имъ нра́вомъ ѡ҆предѣли́сѧ. Нѣ́цыи бо и҆з̾ произволе́нїѧ и҆ неꙋче́нїѧ мнѡ́гаѧ приложи́ша: а҆́зъ же ꙗ҆́кѡ мню̀ сїѐ не попꙋща́ти въ златоꙋ́стагѡ соверше́нной лїтꙋргі́и, и҆ въ ѕ҃-мъ часѣ̀, и҆ проскоми́дїи бы́вшей. Глаго́летъ бо, въ ꙗ҆ково́мъ днѝ слꙋчи́тсѧ пра́здникъ бж҃е́ственнагѡ бл҃говѣ́щенїѧ, лїтꙋргі́а златоꙋ́стагѡ, и҆ на трапе́зѣ разрѣше́нїе ры́бъ, ꙗ҆́ковъ а҆́ще де́нь слꙋчи́тсѧ. Сїе́ бо прїѧ́хомъ ѿ бж҃е́ственныхъ ѻ҆тцє́въ, є҆́же ꙗ҆́сти ры̑бы въ де́нь бж҃е́ственнагѡ бл҃говѣ́щенїѧ. Да и҆спра́витсѧ же въ преждесщ҃е́нныхъ лїтꙋргі́и зачини́сѧ пѣ́ти, и҆ въ ѳ҃-мъ часѣ̀: не тре́бствꙋетъ бо ко́емꙋ пла́ча зна́менїю въ се́мъ днѝ пѣ́тисѧ, чествꙋ́емъ бо то́й ꙗ҆́кѡ глави́знꙋ на́шегѡ сп҃се́нїѧ.

[зрѝ] А҆́ще вели́кїѧ ра́ди нꙋ́жды нѣ́сть лїтꙋргі́и: На Гдⷭ҇и воззва́хъ, стїхи̑ры трїѡ́ди подо́бны г҃: и҆ пра́здника д҃. и҆ а҆рха́гг҃ла г҃. Сла́ва, и҆ ны́нѣ, пра́здника. Вхо́дъ, прокі́менъ, и҆ чте́нїе днѐ и҆ пра́здника в҃: та́же прокі́менъ, а҆по́столъ и҆ є҆ѵⷢ҇лїе пра́здника: и҆ по чте́нїи, Сподо́би гдⷭ҇и: На стїхо́внѣ трїѡ́ди самогла́сенъ днѐ два́жды: и҆ мч҃нченъ. Сла́ва, и҆ ны́нѣ: Дне́сь ра́дость: По Ны́нѣ ѿпꙋща́еши, тропа́рь а҆рха́гг҃ла: Сла́ва, и҆ ны́нѣ, пра́здника, є҆ктенїа̀, <<сѯ҃ѕ ѡ҆б.: 532>> и҆ г҃ покло́ны вели̑кїѧ, и҆ ѿпꙋ́стъ. На трапе́зѣ ᲂу҆тѣше́нїе бра́тїи ве́лїе: ꙗ҆ди́мъ ры̑бы, и҆ пїе́мъ вїно̀, въ кі́йлюбо де́нь слꙋчи́тсѧ, є҆ди́ножды дне́мъ, кромѣ̀ сꙋббѡ́ты и҆ недѣ́ли. [зрѝ] Повече́рїе пое́мъ ма́лое въ притво́рѣ поско́рꙋ, без̾ покло́нѡвъ и҆ канѡ́на, то́чїю на Сла́ва въ вы́шнихъ: г҃ покло́ны, и҆ по трист҃о́мъ г҃ покло́ны, и҆ по Чⷭ҇тнѣ́йшꙋю г҃ вели̑кїѧ покло́ны съ мл҃твою: Гдⷭ҇и и҆ влⷣко: и҆ про́чыѧ в҃і. и҆ на послѣ́днемъ трист҃о́мъ, г҃ покло́ны, и҆ ѿпꙋ́стъ. На ᲂу҆́трени, въ к҃ѕ-й де́нь пое́мъ А҆ллилꙋ́їа: И҆ трⷪ҇чны гла́са. А҆́ще же сꙋббѡ́та, и҆лѝ недѣ́лѧ: пое́мъ на Бг҃ъ гдⷭ҇ь,

Тропа́рь а҆рха́гг҃ла, гла́съ д҃.

Нбⷭ҇ныхъ во́инствъ а҆рхїстрати́же, мо́лимъ тѧ̀ при́снѡ мы̀ недосто́йнїи, да твои́ми мл҃твами ѡ҆гради́ши на́съ кро́вомъ крилꙋ̀ невеще́ственныѧ твоеѧ̀ сла́вы, сохранѧ́ѧ на́съ припа́дающихъ прилѣ́жнѡ, и҆ вопїю́щихъ: ѿ бѣ́дъ и҆зба́ви на́съ, ꙗ҆́кѡ чинонача́льникъ вы́шнихъ си́лъ.

По а҃-й каѳі́смѣ сѣда́льны ѻ҆ктѡ́иха. По в҃-й каѳі́смѣ и҆ по г҃-й сѣда́ленъ трїѡ́ди. Канѡ́нъ пра́здника бцⷣы, со і҆рмосо́мъ на ѕ҃, гла́съ ѕ҃: и҆ а҆рха́гг҃ла на ѕ҃, гла́съ д҃. Є҆гда́ же приспѣ́етъ трипѣ́снецъ, и҆ пое́мъ канѡ́нъ пра́здника бцⷣы, и҆ а҆рха́гг҃ла, со і҆рмосо́мъ на ѕ҃: и҆ трипѣ́снецъ на и҃. Катава́сїа, і҆рмо́съ трїѡ́ди. По г҃-й пѣ́сни, сѣда́ленъ, гла́съ д҃. Сла́ва, и҆ ны́нѣ, то́йже: и҆ чте́нїе: По ѕ҃-й пѣ́сни,

Конда́къ а҆рха́гг҃ла, гла́съ и҃. Подо́бенъ: Взбра́нной:

Пресвѣ́тлыѧ, и҆ честны́ѧ, и҆ вседѣ́тельныѧ, пренеисче́тныѧ и҆ стра́шныѧ трⷪ҇цы, ты̀ є҆сѝ а҆рхїстрати́же сла́вный слꙋжи́телю и҆ мл҃твенниче, ны́нѣ непреста́ннѡ молѝ, и҆зба́витисѧ на́мъ ѿ всѧ́кихъ бѣ́дъ и҆ мꙋ́къ, да зове́мъ тѝ: ра́дꙋйсѧ покро́ве рабѡ́мъ твои̑мъ.

<<сѯ҃з: 533>>

По ѳ҃-й пѣ́сни, свѣти́ленъ трⷪ҇чный гла́са. На хвали́техъ стїхи̑ры а҆рха́гг҃ла, на д҃, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, пра́здника, гла́съ в҃: Бл҃говѣствꙋ́етъ гаврїи́лъ: На стїхо́внѣ, трїѡ́ди самогла́сенъ днѐ, два́жды, и҆ мч҃нченъ: Сла́ва, и҆ ны́нѣ, бг҃оро́диченъ, и҆ про́чее всѐ пое́мъ съ покло́ны. На трапе́зѣ же разрѣше́нїе вїна̀ и҆ є҆ле́а.

[[комм.]] А҆́ще слꙋчи́тсѧ бл҃говѣ́щенїе въ сꙋббѡ́тꙋ г҃-ю, и҆лѝ д҃-ю постѡ́въ.

Въ пѧто́къ ве́чера, каѳі́смы не глаго́лемъ. На Гдⷭ҇и воззва́хъ стїхи̑ры на і҃: трїѡ́ди самогла́сенъ днѐ два́жды, и҆ пра́здника и҃: Сла́ва, и҆ ны́нѣ, пра́здника, и҆ чтє́нїѧ пре́жде днѐ, и҆ пра́здника є҃: и҆ Да и҆спра́витсѧ мл҃тва моѧ̀: и҆ про́чее преждесщ҃е́нныхъ. Ѡ҆ а҃-мъ же часѣ̀ но́щи пое́мъ повече́рїе вели́кое, по ѻ҆бы́чаю. По а҃-мъ трист҃о́мъ, тропа́рь пра́здника. По в҃-мъ конда́къ пра́здника. По Сла́ва въ вы́шнихъ: и҆схожде́нїе ꙗ҆́коже пред̾ꙋказа́сѧ въ де́нь по́стенъ. На ᲂу҆́трени, быва́етъ слꙋ́жба всѧ̀ пра́здника, нижѐ четверопѣ́снецъ, ни и҆́но что̀ сꙋббѡ́тное пое́тсѧ, но всѐ пра́здника: пое́мъ же и҆ Славосло́вїе вели́кое. Четверопѣ́снецъ же пое́тсѧ въ четверто́къ, на повече́рїи. Та́кожде и҆ на лїтꙋргі́и, всѐ пра́здника. Пред̾ лїтꙋргі́ею же, во в҃-й ча́съ днѐ, и҆схожде́нїе твори́мъ внѣ̀ монастырѧ̀ по ѻ҆бы́чаю: и҆ возвра́щшесѧ пое́мъ лїтꙋргі́ю, и҆ бл҃жє́нна ѿ канѡ́на пра́здника, пѣ́снь г҃-ѧ и҆ ѕ҃-ѧ.

[[комм.]] Подоба́етъ вѣ́дати, а҆́ще слꙋчи́тсѧ бл҃говѣ́щенїе въ недѣ́лю г҃-ю постѡ́въ.

Въ сꙋббѡ́тꙋ на ма́лѣй вече́рни, на Гдⷭ҇и воззва́хъ, стїхи̑ры крⷭ҇та̀ д҃: Сла́ва, и҆ ны́нѣ, пра́здника. На стїхо́внѣ стїхи́ра воскрⷭ҇на є҆ди́на, и҆ пра́здника трѝ самогла́сны <<сѯ҃з ѡ҆б.: 534>>: стїхо́вна вели́кїѧ вече́рни, съ припѣ́вы и҆́хъ. Сла́ва, и҆ ны́нѣ, пра́здника. По трист҃о́мъ тропа́рь воскрⷭ҇нъ: Сла́ва, и҆ ны́нѣ, пра́здника: є҆ктенїа̀, и҆ ѿпꙋ́стъ. На вели́цѣй вече́рни, Бл҃же́нъ мꙋ́жъ: каѳі́сма всѧ̀. На Гдⷭ҇и воззва́хъ, стїхи̑ры воскрⷭ҇ны г҃: и҆ крⷭ҇та̀ подо́бны г҃: и҆ пра́здника подо́бны г҃, на д҃. Сла́ва, крⷭ҇та̀, гла́съ г҃: хрⷭ҇тѐ бж҃е на́шъ: И҆ ны́нѣ, пра́здника, гла́съ ѕ҃: По́сланъ бы́сть съ нб҃сѐ: Та́же вхо́дъ, и҆ чте́нїй є҃. На лїті́и стїхи̑ры пра́здника самогла́сны г҃, гла́съ а҃: и҆ крⷭ҇та̀ г҃, пи́саны на хвали́техъ. Сла́ва, пра́здника: И҆ ны́нѣ, крⷭ҇та̀. На стїхо́внѣ стїхи̑ры воскрⷭ҇ны по а҆лфави́тꙋ. Сла́ва, крⷭ҇та̀: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника два́жды, и҆ крⷭ҇та̀ є҆ди́ножды: и҆ чте́нїе въ посла́нїихъ а҆пⷭ҇льскихъ, и҆лѝ пра́здника. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ гла́са, два́жды. Сла́ва, крⷭ҇та̀: И҆ ны́нѣ, пра́здника. По каѳі́смахъ сѣда́льны воскрⷭ҇ны съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ. Полѷеле́й, и҆ сѣда́льны пра́здника всѝ по є҆ди́ножды. Сла́ва, и҆ ны́нѣ, пра́здника, и҆ чте́нїе пра́здника. Степє́нны гла́са. Прокі́менъ пра́здника. Всѧ́кое дыха́нїе: и҆ є҆ѵⷢ҇лїе пра́здника. Воскрⷭ҇нїе хрⷭ҇то́во: ѱало́мъ н҃: Стїхи́ра пра́здника. Канѡ́нъ воскрⷭ҇нъ на д҃: и҆ крⷭ҇та̀ на д҃: и҆ пра́здника на ѕ҃. Катава́сїа пра́здника: Ѿве́рзꙋ ᲂу҆ста̀ моѧ̑: По г҃-й пѣ́сни конда́къ и҆ і҆́косъ крⷭ҇та̀: та́же сѣда́ленъ крⷭ҇та̀. Сла́ва, и҆ ны́нѣ, пра́здника: и҆ чте́нїе пра́здника. По ѕ҃-й пѣ́сни конда́къ и҆ і҆́косъ пра́здника: и҆ про́логъ. На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ: Сла́ва, крⷭ҇та̀: И҆ ны́нѣ, пра́здника. На хвали́техъ стїхи̑ры воскрⷭ҇ны д҃, и҆ пра́здника г҃, гла́съ а҃. Подо́бенъ: Нбⷭ҇ныхъ чинѡ́въ: и҆ самогла́сенъ, гла́съ в҃: Є҆́же ѿ вѣ́ка та́инство: <<сѯ҃и: 535>> съ припѣ́вы и҆́хъ. Та́же припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ трїѡ́ди самогла́сенъ днѐ. Сла́ва, то́йже: И҆ ны́нѣ: Пребл҃гослове́нна є҆сѝ: Славосло́вїе вели́кое. и҆ быва́етъ послѣ́дованїе крⷭ҇топокло́нное, по ѻ҆бы́чаю. и҆ посе́мъ є҆ктєнїѝ, и҆ ѿпꙋ́стъ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ѡ҆глаше́нїе стꙋді́тово, и҆ ча́съ а҃-й въ притво́рѣ. На а҃- мъ часѣ̀, тропа́рь воскрⷭ҇нъ. Сла́ва, крⷭ҇та̀: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ крⷭ҇та̀, и҆ прѡ́чаѧ: и҆ соверше́нный ѿпꙋ́стъ. Во вторы́й же ча́съ днѐ и҆схо́димъ внѣ̀ монастырѧ̀, ꙗ҆́коже пред̾ꙋказа́сѧ: и҆ возвра́щшесѧ пое́мъ часы̀, на ни́хже глаго́летсѧ тропа́рь воскрⷭ҇нъ, и҆ пра́здника, и҆ крⷭ҇та̀, премѣнѧ́юще. Та́кожде и҆ кондакѝ. На лїтꙋргі́и, бл҃жє́нна гла́са на д҃: и҆ пра́здника пѣ́снь г҃, на д҃: и҆ крⷭ҇та̀ пѣ́снь ѕ҃-ѧ, на д҃. По вхо́дѣ тропа́рь воскрⷭ҇нъ, и҆ крⷭ҇та̀, и҆ пра́здника. Сла́ва, конда́къ крⷭ҇та̀. И҆ ны́нѣ, пра́здника. Вмѣ́стѡ же трист҃а́гѡ пое́мъ: Крⷭ҇тꙋ̀ твоемꙋ̀ покланѧ́емсѧ влⷣко: Прокі́менъ, а҆по́столъ, А҆ллилꙋ́їа, є҆ѵⷢ҇лїе и҆ прича́стенъ пре́жде пра́здника, та́же крⷭ҇та̀. Вмѣ́стѡ Досто́йно, пое́мъ і҆рмо́съ: Ꙗ҆́кѡ ѡ҆дꙋшевле́нномꙋ: Лїтꙋргі́а же вели́кагѡ васі́лїа. Та́кожде и҆ во всѧ̑ недѣ̑ли ст҃ы́хъ постѡ́въ, въ ни́хже а҆́ще пра́здникъ се́й слꙋчи́тсѧ, быва́етъ лїтꙋргі́а вели́кагѡ васі́лїа непремѣ́ннѡ.

[[комм.]] А҆́ще слꙋчи́тсѧ бл҃говѣ́щенїе въ понедѣ́льникъ д҃-ѧ, и҆лѝ є҃-ѧ, и҆лѝ ѕ҃-ѧ недѣ́ли ст҃ы́хъ постѡ́въ.

Въ недѣ́лю на ма́лѣй вече́рни, стїхи̑ры пра́здника на д҃. Сла́ва, и҆ ны́нѣ, пра́здника. На стїхо́внѣ трїѡ́ди, самогла́сенъ днѐ два́жды, и҆ мч҃нченъ. Сла́ва, и҆ ны́нѣ, пра́здника. Тропа́рь пра́здника, є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀, пое́мъ <<сѯ҃и ѡ҆б.: 536>> Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на і҃: трїѡ́ди подо́бны г҃, и҆ пра́здника з҃. Сла́ва, и҆ ны́нѣ, По́сланъ бы́сть: Вхо́дъ, прокі́менъ днѐ, и҆ чтє́нїѧ пра́здника г҃. и҆ посе́мъ є҆ктенїа̀: Рце́мъ всѝ: Та́же, Сподо́би гдⷭ҇и: И҆ И҆спо́лнимъ вече́рнюю: На лїті́и стїхи̑ры пра́здника. Сла́ва, и҆ ны́нѣ пра́здника. На стїхо́внѣ стїхи̑ры пра́здника, съ припѣ́вы пра́здника: Сла́ва, и҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника, три́жды: и҆ чте́нїе пра́здника. На ᲂу҆́трени, пое́мъ пра́здника слꙋ́жбꙋ, ꙗ҆́коже въ по́стенъ де́нь предписа́сѧ на рѧдꙋ̀. Въ понедѣ́льникъ же д҃-ѧ недѣ́ли постѡ́въ. На а҃-мъ часѣ̀, быва́етъ поклоне́нїе чⷭ҇тно́мꙋ крⷭ҇тꙋ̀, по ѻ҆бы́чаю.

[[комм.]] А҆́ще ли слꙋчи́тсѧ бл҃говѣ́щенїе въ сре́дꙋ крⷭ҇топокло́ннꙋю.

Ѡ҆ставлѧ́ютсѧ стїхи̑ры, и҆ сла́вники, и҆ канѡ́нъ крⷭ҇та̀, и҆ пою́тсѧ въ понедѣ́льникъ, и҆лѝ въ пѧто́къ тоѧ́же седми́цы. Здѣ́ же пое́мъ слꙋ́жбꙋ всю̀ бл҃говѣ́щенїѧ съ трипѣ́снцемъ средны́мъ, ꙗ҆́коже ᲂу҆каза́сѧ въ а҃-й де́нь, на рѧдꙋ̀. А҆ на ᲂу҆́трени на а҃-мъ часѣ̀ поклоне́нїе крⷭ҇та̀ быва́етъ по чи́нꙋ.

[[комм.]] А҆́ще ли слꙋчи́тсѧ бл҃говѣ́щенїе въ недѣ́лю д҃-ю, и҆лѝ є҃-ю постѡ́въ.

Въ сꙋббѡ́тꙋ на ма́лѣй вече́рни, стїхи̑ры пра́здника, на д҃: Сла́ва, и҆ ны́нѣ, пра́здника. На стїхо́внѣ стїхи́ра воскрⷭ҇на є҆ди́на: и҆ пра́здника стїхо́вна вели́кїѧ вече́рни, съ припѣ́вы и҆́хъ. Сла́ва, и҆ ны́нѣ, пра́здника. Тропа́рь пра́здника, є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни: Бл҃же́нъ мꙋ́жъ: каѳі́сма всѧ̀. На Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ а҃: и҆ пра́здника ѕ҃. Сла́ва, и҆ ны́нѣ, гла́съ ѕ҃: По́сланъ бы́сть съ нб҃сѐ: Вхо́дъ, прокі́менъ днѐ: и҆ чтє́нїѧ пра́здника є҃. На лїті́и стїхи̑ры <<сѯ҃ѳ: 537>> пра́здника. Сла́ва, гла́съ и҃: И҆ ны́нѣ, гла́съ в҃: На стїхо́внѣ стїхи̑ры воскрⷭ҇ны: Сла́ва, и҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника три́жды: и҆ чте́нїе въ посла́нїихъ а҆пⷭ҇льскихъ, и҆лѝ пра́здника. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ. Та́же полѷеле́й, и҆ сѣда́льны пра́здника, всѝ по є҆ди́ножды: и҆ чте́нїе пра́здника. Степє́нны гла́са. Прокі́менъ пра́здника. Всѧ́кое дыха́нїе: Є҆ѵⷢ҇лїе пра́здника. Воскрⷭ҇нїе хрⷭ҇то́во: ѱало́мъ н҃. Стїхи́ра пра́здника. Канѡ́нъ воскрⷭ҇нъ, со і҆рмосо́мъ на д҃: и҆ трїѡ́ди, на д҃: и҆ пра́здника на ѕ҃. Катава́сїа, і҆рмо́съ пра́здника. По г҃-й пѣ́сни, сѣда́ленъ пра́здника: Сла́ва, и҆ ны́нѣ, то́йже, и҆ чте́нїе пра́здника. По ѕ҃-й пѣ́сни, конда́къ и҆ і҆́косъ пра́здника: и҆ чте́мъ про́логъ. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ, и҆ пра́здника. На хвали́техъ стїхи̑ры на и҃: Воскрⷭ҇ны д҃, и҆ пра́здника д҃, съ припѣ́вы и҆́хъ, и҆ со сла́внымъ. Посе́мъ припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ трїѡ́ди самогла́снꙋ стїхи́рꙋ днѐ. Сла́ва, па́ки тꙋ́южде: И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ: є҆ктєнїѝ, и҆ ѿпꙋ́стъ. Та́же, Сла́ва, и҆ ны́нѣ, стїхи́ра є҆ѵⷢ҇льскаѧ: и҆ дае́тсѧ бра́тїи ст҃ы́й є҆ле́й, ѿ канди́ла прест҃ы́ѧ бцⷣы, пою́щымъ на́мъ самогла́снꙋ стїхи́рꙋ пра́здника: и҆ и҆схожде́нїе въ притво́ръ, и҆ ча́съ а҃-й. На а҃-мъ часѣ̀, тропа́рь воскрⷭ҇нъ: Сла́ва, пра́здника: И҆ ны́нѣ, бг҃оро́диченъ часѡ́въ. По трист҃о́мъ конда́къ пра́здника, и҆ прѡ́чаѧ, и҆ соверше́нный ѿпꙋ́стъ. [зрѝ] При часѣ́ же в҃- мъ днѐ твори́мъ и҆схожде́нїе внѣ̀ ѻ҆би́тели, ꙗ҆́коже пред̾ꙋказа́сѧ на рѧдꙋ̀, <<сѯ҃ѳ ѡ҆б.: 538>> и҆ возвра́щшесѧ пое́мъ лїтꙋргі́ю вели́кагѡ васі́лїа. Бл҃жє́нна гла́са, на ѕ҃: и҆ пра́здника пѣ́снь г҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, и҆ ны́нѣ, конда́къ пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ пре́жде недѣ́ли, и҆ пото́мъ пра́здника.

[[комм.]] А҆́ще слꙋчи́тсѧ бл҃говѣ́щенїе прест҃ы́ѧ бцⷣы въ сре́дꙋ пѧ́тыѧ недѣ́ли постѡ́въ.

Пое́мъ слꙋ́жбꙋ предпра́зднства бл҃говѣ́щенїѧ, стїхи̑ры и҆ канѡ́нъ въ понедѣ́льникъ на рѧдꙋ̀: мине́и же ст҃а́гѡ пое́мъ на повече́рїи, поне́же прелага́етсѧ вели́кїй канѡ́нъ съ четвертка̀ на вто́рникъ тоѧ́же недѣ́ли, и҆ пое́мъ вели́кїй канѡ́нъ съ трипѣ́снцемъ вто́рничнымъ, пра́здника ра́ди прест҃ы́ѧ бцⷣы: поне́же въ сре́дꙋ въ пра́здникъ са́мый каѳі́сма не глаго́летсѧ, и҆ покло́ны не быва́ютъ, и҆ ѿда́нїе пое́мъ пра́здника въ четверто́къ. Тогѡ̀ ра́ди въ сре́дꙋ ве́чера стїхи̑ры съ покло́ны, и҆ канѡ́нъ вели́кїй въ четверто́къ не пое́тсѧ: предпѣ́тъ бо є҆́сть во вто́рникъ. Въ сре́дꙋ же пѧ́тыѧ недѣ́ли постѡ́въ пое́мъ всю̀ слꙋ́жбꙋ, ве́черъ и҆ ᲂу҆́трѡ, пра́здника, съ трїѡ́дїю, по ᲂу҆ста́вꙋ, ꙗ҆́коже пред̾ꙋказа́сѧ въ де́нь по́стенъ: а҆ ѿда́нїе пое́мъ бл҃говѣ́щенїѧ въ четверто́къ, на ᲂу҆́трени съ трипѣ́снцемъ а҆по́стольскимъ, ꙗ҆́коже ꙗ҆вле́нно є҆́сть въ понедѣ́льникъ д҃-ѧ, и҆ є҃-ѧ недѣ́ли поста̀, на ѿда́нїе пра́здника бл҃говѣ́щенїѧ.

[[комм.]] А҆́ще слꙋчи́тсѧ бл҃говѣ́щенїе прест҃ы́ѧ бцⷣы въ четверто́къ є҃-ѧ недѣ́ли постѡ́въ, є҆гда̀ пое́тсѧ вели́кїй канѡ́нъ.

Тогда̀ прелага́етсѧ пра́здника ра́ди вели́кїй канѡ́нъ господи́на а҆ндре́а, и҆ пое́мъ є҆го̀ во вто́рникъ тоѧ́же недѣ́ли, съ трипѣ́снцемъ вто́рничнымъ: а҆ трипѣ́снецъ а҆по́стольскїй <<с҃ѻ: 539>> пое́мъ съ пра́здникомъ бл҃говѣ́щенїѧ, и҆ послѣдѝ катава́сїа трїѡ́ди.

[[комм.]] А҆́ще слꙋчи́тсѧ бл҃говѣ́щенїе прест҃ы́ѧ бцⷣы въ пѧто́къ тоѧ́же недѣ́ли.

Пое́мъ предпра́зднства бл҃говѣ́щенїѧ, стїхи̑ры и҆ канѡ́нъ напредѝ въ сре́дꙋ нарѧдꙋ̀, вели́кагѡ ра́ди канѡ́на. Ст҃а́гѡ же мине́и пое́мъ на повече́рїи.

[[комм.]] А҆́ще слꙋчи́тсѧ бл҃говѣ́щенїе прест҃ы́ѧ бцⷣы въ сꙋббѡ́тꙋ а҆ка́ѳїста:

Въ пѧто́къ ве́чера, на Гдⷭ҇и воззва́хъ, стїхи̑ры на і҃: трїѡ́ди самогла́сенъ днѐ два́жды, и҆ пра́здника на и҃. Сла́ва, и҆ ны́нѣ, пра́здника: По́сланъ бы́сть: Вхо́дъ, и҆ чтє́нїѧ днѐ, и҆ пра́здника є҃. По Да и҆спра́витсѧ мл҃тва моѧ̀: покло́ны г҃. и҆ прѡ́чаѧ преждесщ҃е́нныхъ: и҆ на Бꙋ́ди и҆́мѧ гдⷭ҇не: покло́ны г҃: и҆ на ѿпꙋ́стѣ г҃ покло́ны. [зрѝ] Ѡ҆ а҃-мъ же часѣ̀ но́щи кле́плетъ въ вели́кое, и҆ пото́мъ во всѧ̑. и҆ собра́вшесѧ во хра́мъ, бл҃гослови́вшꙋ і҆ере́ю, пое́мъ вели́кое повече́рїе, і҆ере́й же кади́тъ, ꙗ҆́коже є҆́сть ѻ҆бы́чай. и҆ по Сла́ва въ вы́шнихъ, и҆схо́димъ въ притво́ръ, и҆ твори́мъ ѻ҆бы́чнꙋю лїті́ю, пою́ще стїхи̑ры самогла́сны пра́здника г҃, гла́съ а҃: Сла́ва, и҆ ны́нѣ: Бл҃говѣствꙋ́етъ гаврїи́лъ: и҆ ѻ҆бы̑чныѧ мл҃твы бдѣ́нїѧ. И҆ по сконча́нїи па́ки вхо́димъ во хра́мъ: и҆ пое́мъ на стїхо́внѣ стїхи̑ры самогла́сны съ припѣ́вы и҆́хъ: Сла́ва, и҆ ны́нѣ: Дне́сь ра́дость: На бл҃гослове́нїи хлѣ́бѡвъ тропа́рь пра́здника три́жды: и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника три́жды. По а҃-й каѳі́смѣ, конда́къ: Взбра́нной воево́дѣ: и҆ дрꙋгі̑ѧ трѝ, и҆ і҆́косы г҃: и҆ па́ки конда́къ а҃-й: и҆ чте́нїе а҆ка́ѳїста. По в҃-й каѳі́смѣ кондакѝ г҃, и҆ і҆́косы г҃: и҆ па́ки конда́къ а҃-й: Взбра́нной: ꙗ҆́коже пре́жде ꙗ҆вле́нно є҆́сть, и҆ чте́нїе <<с҃ѻ ѡ҆б.: 540>> а҆ка́ѳїста: и҆ полѷеле́й: и҆ сѣда́льны всѝ пра́здника: и҆ чте́нїе пра́здника: Степє́нна а҃-й а҆нтїфѡ́нъ д҃-гѡ гла́са. Прокі́менъ пра́здника. Всѧ́кое дыха́нїе: Є҆ѵⷢ҇лїе пра́здника. ѱало́мъ н҃. стїхи́ра пра́здника. Канѡ́нъ пра́здника, со і҆рмосо́мъ на и҃, и҆ а҆ка́ѳїста на ѕ҃. Катава́сїа пра́здника, ѻ҆́ба ли̑ка вкꙋ́пѣ. Четверопѣ́снца же здѣ̀ не пое́мъ, но пое́мъ напредѝ, въ четверто́къ на повече́рїи. По г҃-й пѣ́сни, кондакѝ трѝ, и҆ і҆́косы г҃: и҆ па́ки конда́къ а҃-й. Посе́мъ сѣда́ленъ. и҆ чте́нїе пра́здника. По ѕ҃-й пѣ́сни кондакѝ г҃, и҆ і҆́косы г҃: та́же конда́къ: ѽ всепѣ́таѧ мт҃и: три́жды. и҆ і҆́косъ а҃, и҆ конда́къ: Взбра́нной воево́дѣ: и҆ чте́мъ про́логъ, и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́вы пра́здника, ꙗ҆́коже предписа́сѧ на са́мый пра́здникъ, къ тропарє́мъ же канѡ́на а҆ка́ѳїста припѣ́въ: Прест҃а́ѧ бцⷣе, сп҃сѝ на́съ. Та́же на схо́дѣ пое́мъ припѣ́въ, и҆ і҆рмо́съ: Ꙗ҆́кѡ ѡ҆дꙋшевле́нномꙋ: и҆ покло́нъ. Свѣти́ленъ пра́здника. На хвали́техъ стїхи̑ры пра́здника, гла́съ а҃. Подо́бенъ: Нбⷭ҇ныхъ чинѡ́въ: на д҃. Сла́ва, и҆ ны́нѣ: Да веселѧ́тсѧ нб҃са̀: Славосло́вїе вели́кое. Тропа́рь пра́здника, є҆ктєнїѝ, и҆ ѿпꙋ́стъ. и҆ дае́тсѧ бра́тїи ст҃ы́й є҆ле́й по ѻ҆бы́чаю, и҆ ѡ҆глаше́нїе стꙋді́тово: и҆ ча́съ а҃-й въ притво́рѣ. На а҃-мъ часѣ̀ тропа́рь пра́здника. По трист҃о́мъ конда́къ пра́здника, и҆ прѡ́чаѧ, и҆ ѿпꙋ́стъ, и҆ и҆схожде́нїе внѣ̀ монастырѧ̀. На лїтꙋргі́и, бл҃жє́нна пра́здника, пѣ́снь г҃-ѧ, и҆ ѕ҃-ѧ, на и҃. Прокі́менъ, а҆по́столъ, А҆ллилꙋ́їа, є҆ѵⷢ҇лїе и҆ прича́стенъ пра́здника.

[[комм.]] Ѡ҆ то́мже пра́здницѣ, а҆́ще слꙋчи́тсѧ въ сꙋббѡ́тꙋ ла́заревꙋ.

Въ пѧто́къ ве́чера, каѳі́смы не глаго́лемъ. На Гдⷭ҇и воззва́хъ, стїхи̑ры: Самогла́сенъ днѐ, два́жды: Дꙋшеполе́знꙋю, ма́лꙋю: и҆ пра́здника г҃: Совѣ́тъ превѣ́чный: и҆ <<сѻ҃а: 541>> ст҃а́гѡ ла́зарѧ є҃. Сла́ва: Дꙋшеполе́знꙋю, вели́кꙋю: И҆ ны́нѣ, пра́здника. По́сланъ бы́сть: Вхо́дъ, прокі́менъ, и҆ чте́нїе днѐ, и҆ пра́здника є҃: и҆ про́чее преждесщ҃е́нныхъ. На трапе́зѣ же разрѣше́нїе вїна̀ и҆ є҆ле́а. Ѡ҆ а҃-мъ же часѣ̀ но́щи ᲂу҆дарѧ́етъ въ вели́кїй кампа́нъ дово́льнѡ, и҆ во всѧ̑: и҆ собра́вшымсѧ во хра́мъ пое́мъ повече́рїе вели́кое. По а҃-мъ трист҃о́мъ тропа́рь пра́здника. По в҃-мъ конда́къ пра́здника. и҆ по Сла́ва въ вы́шнихъ, и҆схожде́нїе въ притво́ръ. и҆ пое́мъ самогла́сны стїхи̑ры пра́здника трѝ, и҆ трїѡ́ди самогла́сны трѝ, пи́саны на хвали́техъ: Бж҃ества̀ твоегѡ̀ хрⷭ҇тѐ: Сла́ва, да веселѧ́тсѧ нб҃са̀: И҆ ны́нѣ, Бл҃говѣствꙋ́етъ гаврїи́лъ: На стїхо́внѣ стїхи̑ры самогла́сны пра́здника, съ. припѣ́вы и҆́хъ. Сла́ва, Предста́лъ є҆сѝ гро́бꙋ: И҆ ны́нѣ, дне́сь ра́дость: По Ѻ҆́ч҃е на́шъ: тропа́рь пра́здника три́жды, и҆ бл҃гослове́нїе хлѣбѡ́въ, и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, Ѻ҆́бщее воскрⷭ҇нїе: И҆ ны́нѣ, пра́здника. По а҃-й каѳі́смѣ сѣда́ленъ трїѡ́ди, гла́съ а҃: Оу҆ще́дривъ ма́рѳины и҆ марі́ины сле́зы: два́жды. Сла́ва, и҆ ны́нѣ, пра́здника: и҆ чте́нїе ѡ҆ ла́зарѣ. По в҃-й каѳі́смѣ сѣда́ленъ трїѡ́ди, гла́съ є҃: И҆сто́чникъ премꙋ́дрости: два́жды. Сла́ва, и҆ ны́нѣ, пра́здника. и҆ чте́нїе ѡ҆ првⷣномъ ла́зарѣ, и҆лѝ пра́здника. Та́же полѷеле́й, и҆ сѣда́льны пра́здника, и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ и҆ є҆ѵⷢ҇лїе пра́здника. Воскрⷭ҇нїе хрⷭ҇то́во: и҆ ѱало́мъ н҃. стїхи́ра пра́здника. Канѡ́нъ пра́здника со і҆рмосо́мъ на ѕ҃: и҆ ст҃а́гѡ ла́зарѧ ѻ҆́ба канѡ́на на и҃. та́кожде и҆ четверопѣ́снецъ. Катава́сїа в҃-гѡ канѡ́на ла́зарева, і҆рмо́съ: Во́дꙋ проше́дъ: ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ, и҆ сѣда́ленъ <<сѻ҃а ѡ҆б.: 542>> ст҃а́гѡ ла́зарѧ. Сла́ва, и҆ ны́нѣ, пра́здника, и҆ чте́нїе пра́здника. По ѕ҃-й пѣ́сни, конда́къ пра́здника, и҆ і҆́косъ, и҆ чте́нїе. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ пра́здника, ꙗ҆́коже предписа́сѧ на са́мый пра́здникъ. Къ трїѡ́ди же канѡ́на глаго́лемъ припѣ́въ: Сла́ва тебѣ̀ бж҃е на́шъ, сла́ва тебѣ̀. Катава́сїа: Вои́стиннꙋ бцⷣꙋ: Та́же припѣ́въ пра́здника, и҆ і҆рмо́съ: Ꙗ҆́кѡ ѡ҆дꙋшевле́нномꙋ: Посе́мъ, Ст҃ъ гдⷭ҇ь бг҃ъ на́шъ: на гла́съ а҃. Свѣти́ленъ пра́здника два́жды: Сла́ва, и҆ ны́нѣ, ла́зарѧ. На хвали́техъ стїхи̑ры пра́здника г҃: и҆ ла́зарѧ г҃. Та́же припѣ́вы: Воскрⷭ҇нѝ гдⷭ҇и бж҃е мо́й: в҃, И҆сповѣ́мсѧ тебѣ̀ гдⷭ҇и всѣ́мъ се́рдцемъ мои́мъ: Сла́ва, ст҃а́гѡ ла́зарѧ: Ве́лїе и҆ пресла́вное: И҆ ны́нѣ, пра́здника. Є҆́же ѿ вѣ́ка та́инство: Славосло́вїе вели́кое. тропа́рь пра́здника: Сла́ва, и҆ ны́нѣ: Ѻ҆́бщее воскрⷭ҇нїе: Є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ ча́съ а҃-й въ притво́рѣ. Тропа́рь пра́здника: Сла́ва, Ѻ҆́бщее воскрⷭ҇нїе: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ ла́зарѧ. Си́це тропарѝ глаго́лемъ и҆ на про́чихъ часѣ́хъ: кондакѝ премѣнѧ́емъ. [зрѝ] При часѣ́ же в҃-мъ днѐ, твори́мъ и҆схожде́нїе внѣ̀ монастырѧ̀: Возвра́щшесѧ же пое́мъ часы̀. На лїтꙋргі́и, бл҃жє́нна пра́здника, пѣ́снь г҃, на д҃: и҆ ла́зарѧ, пѣ́снь ѕ҃-ѧ, на д҃. По вхо́дѣ тропа́рь пра́здника, и҆ ла́зарѧ. Сла́ва, конда́къ ла́зарѧ: И҆ ны́нѣ, пра́здника. Вмѣ́стѡ трист҃а́гѡ, пое́мъ, Є҆ли́цы во хрⷭ҇та̀ крⷭ҇ти́стесѧ: Прокі́менъ, а҆по́столъ, А҆ллилꙋ́їа и҆ є҆ѵⷢ҇лїе пре́жде пра́здника, та́же ла́зарѧ. Вмѣ́стѡ же Досто́йно, пое́мъ і҆рмо́съ пра́здника. Прича́стенъ пре́жде пра́здника, та́же ст҃а́гѡ ла́зарѧ.

[[комм.]] Ѡ҆ то́мже пра́здницѣ, а҆́ще слꙋчи́тсѧ въ недѣ́лю ва́їй.

Въ сꙋббѡ́тꙋ на ма́лѣй вече́рни, стїхи̑ры ва́їй на д҃: <<сѻ҃в: 543>> Сла́ва, и҆ ны́нѣ, пра́здника: Въ шесты́й мѣ́сѧцъ: На стїхо́внѣ, самогла́сны пра́здника, вели́кїѧ вече́рни, съ припѣ́вы и҆́хъ. Сла́ва, и҆ ны́нѣ, ва́їй: Пою̀ твоѐ стра́шное: Тропа́рь пра́здника: Сла́ва, и҆ ны́нѣ, Ѻ҆́бщее воскрⷭ҇нїе: Є҆ктенїа̀ ма́лаѧ: и҆ ѿпꙋ́стъ. На вели́цѣй вече́рни, каѳі́сма, Бл҃же́нъ мꙋ́жъ, всѧ̀. На Гдⷭ҇и воззва́хъ, стїхи̑ры пра́здника г҃, повторѧ́юще ѧ҆̀: и҆ ва́їй на д҃. Сла́ва, ва́їй, дне́сь бл҃года́ть: И҆ ны́нѣ, пра́здника: По́сланъ бы́сть: Вхо́дъ, прокі́менъ днѐ, и҆ чтє́нїѧ пра́здника є҃, и҆ ва́їй г҃, На лїті́и стїхи̑ры пра́здника г҃, и҆ ва́їй г҃: Сла́ва, ва́їй, Пре́жде шестѝ дне́й: И҆ ны́нѣ, пра́здника, Бл҃говѣствꙋ́етъ гаврїи́лъ: На стїхо́внѣ стїхи̑ры самогла́сны ва́їй, гла́съ и҃, съ припѣ́вы и҆́хъ. Сла́ва, ва́їй, дне́сь бл҃года́ть: И҆ ны́нѣ: пра́здника, Є҆́же ѿ вѣ́ка та́инство: На бл҃гослове́нїи хлѣ́бѡвъ тропа́рь пра́здника два́жды, и҆ ва́їй є҆ди́ножды, и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, и҆ ны́нѣ, Ѻ҆́бщее воскрⷭ҇нїе: По а҃-й каѳі́смѣ сѣда́ленъ ва́їй: Сла́ва, и҆ ны́нѣ, пра́здника: и҆ чте́нїе: По в҃-й каѳі́смѣ сѣда́ленъ ва́їй: Сла́ва, и҆ ны́нѣ, пра́здника: и҆ чте́нїе. та́же полѷеле́й пра́здника, и҆ сѣда́ленъ, и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ ва́їй, Всѧ́кое дыха́нїе: Є҆ѵⷢ҇лїе ва́їй: ѱало́мъ н҃. Воскрⷭ҇нїе же хрⷭ҇то́во, не глаго́лемъ. И҆ є҆гда̀ цѣлꙋ́ютъ бра́тїѧ ст҃о́е є҆ѵⷢ҇лїе, раздае́тъ и҆гꙋ́менъ ва̑їа со свѣща́ми бра́тїи, по ѻ҆бы́чаю. Вмѣ́стѡ же, Мл҃твами бцⷣы, пое́мъ, Сла́ва, Дне́сь хрⷭ҇то́съ: И҆ ны́нѣ, то́йже. та́же, Поми́лꙋй мѧ̀ бж҃е: посе́мъ стїхи́ра, гла́съ ѕ҃, дне́сь бл҃года́ть: Канѡ́нъ пра́здника, со і҆рмосо́мъ на и҃: и҆ ва́їй, со і҆рмосо́мъ на и҃. Катава́сїа ѻ҆бои́хъ канѡ́нѡвъ, кі́йждо ли́къ сво́й і҆рмо́съ. <<сѻ҃в ѡ҆б.: 544>> По г҃-й пѣ́сни конда́къ и҆ і҆́косъ ва́їй, и҆ сѣда́ленъ: Сла́ва, и҆ ны́нѣ, пра́здника: и҆ чте́нїе пра́здника. По ѕ҃-й пѣ́сни конда́къ и҆ і҆́косъ пра́здника. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ пра́здника, ꙗ҆́кѡ предписа́сѧ. Ва́їй же пое́мъ по ѻ҆бы́чаю припѣ́въ: Сла́ва тебѣ̀ бж҃е на́шъ, сла́ва тебѣ̀. На схо́дѣ же пре́жде пое́мъ припѣ́въ пра́здника: І҆рмо́съ пра́здника, Ꙗ҆́кѡ ѡ҆дꙋшевле́нномꙋ: та́же ва́їй. Та́же, Ст҃ъ гдⷭ҇ь бг҃ъ на́шъ: на гла́съ а҃-й. Свѣти́ленъ пра́здника, два́жды. На хвали́техъ стїхи̑ры пра́здника г҃: и҆ ва́їй г҃. Сла́ва, пра́здника, Да веселѧ́тсѧ нб҃са̀: И҆ ны́нѣ, ва́їй, Пре́жде шестѝ дне́й: Славосло́вїе вели́кое. Тропа́рь, Ѻ҆́бщее воскрⷭ҇нїе: Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ ча́съ а҃-й въ притво́рѣ, и҆ ѿпꙋ́стъ. [зрѝ] При часѣ́ же в҃-мъ днѐ и҆схо́димъ съ лїті́ею внѣ̀ монастырѧ̀, ꙗ҆́коже ᲂу҆каза́сѧ на рѧдꙋ̀: и҆ возвра́щшесѧ пое́мъ часы̀. На часѣ́хъ, тропа́рь пра́здника: Сла́ва, Ѻ҆́бщее воскрⷭ҇нїе: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, кондакѝ премѣнѧ́емъ. На лїтꙋргі́и, бл҃же́нна пра́здника, пѣ́снь г҃-ѧ на д҃: и҆ ва́їй, пѣ́снь ѕ҃-ѧ на д҃. По вхо́дѣ глаго́лемъ сті́хъ: Бл҃говѣсти́те де́нь ѿ днѐ сп҃се́нїе бг҃а на́шегѡ: Тропа́рь пра́здника, и҆ ва́їй, Ѻ҆́бщее воскрⷭ҇нїе: Сла́ва, конда́къ ва́їй: На прⷭ҇то́лѣ на нб҃сѝ: И҆ ны́нѣ, пра́здника: Взбра́нной: та́же прокі́менъ ва́їй, и҆ пра́здника. А҆по́столъ пра́здника, и҆ ва́їй. А҆ллилꙋ́їа, є҆ѵⷢ҇лїе и҆ прича́стенъ пра́здника, и҆ ва́їй. На лїтꙋргі́и, за Досто́йно, і҆рмо́съ ва́їй, Бг҃ъ гдⷭ҇ь, и҆ ꙗ҆ви́сѧ на́мъ: [зрѝ] А҆́ще же хра́мъ бл҃говѣ́щенїѧ бцⷣы, пое́мъ за Досто́йно, і҆рмо́съ: Ꙗ҆́кѡ ѡ҆дꙋшевле́нномꙋ бж҃їю кївѡ́тꙋ:

<<сѻ҃г: 545>>

[[комм.]] А҆́ще слꙋчи́тсѧ бл҃говѣ́щенїе прест҃ы́ѧ бцⷣы въ вели́кїй понедѣ́льникъ.

Въ недѣ́лю ва́їй на ма́лѣй вече́рни, на Гдⷭ҇и воззва́хъ, стїхи̑ры пра́здника, на д҃: Сла́ва, и҆ ны́нѣ, пра́здника. На стїхо́внѣ стїхи̑ры пра́здника, вели́кїѧ вече́рни: Сла́ва, и҆ ны́нѣ, пра́здника, тропа́рь пра́здника: є҆ктенїа̀, и҆ ѿпꙋ́стъ. На вели́цѣй вече́рни, пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ стїхи̑ры пра́здника на ѕ҃: и҆ ва́їй на д҃. Сла́ва ва́їй, гла́съ ѕ҃: И҆мѣ́ѧй прⷭ҇то́лъ нб҃о: И҆ ны́нѣ, пра́здника, По́сланъ бы́сть: Вхо́дъ, прокі́менъ днѐ: чтє́нїѧ пра́здника г҃. На лїті́и стїхи̑ры пра́здника. Сла́ва, и҆ ны́нѣ, пра́здника, Бл҃говѣствꙋ́етъ гаврїи́лъ: На стїхо́внѣ стїхи̑ры днѐ, самогла́сны, съ припѣ́вы и҆́хъ. Сла́ва, ва́їй, Ѿ вѣ́твей и҆ ва́їй: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника три́жды, и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника три́жды. По а҃-й каѳі́смѣ и҆ по в҃-й сѣда́льны днѐ: и҆ чте́нїе днѐ. По г҃-й каѳі́смѣ є҆ктенїа̀ ма́лаѧ. сѣда́льны пра́здника ѻ҆́ба, и҆ чте́нїе пра́здника: полѷеле́й и҆ сѣда́ленъ, и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ, Бл҃говѣсти́те де́нь ѿ днѐ: Всѧ́кое дыха́нїе: Є҆ѵⷢ҇лїе пра́здника. ѱало́мъ н҃. стїхи́ра пра́здника: [зрѝ] [Є҆ѵⷢ҇лїе же днѐ ѡ҆ставлѧ́етсѧ, а҆́ще слꙋчи́тсѧ бл҃говѣ́щенїе въ кі́йлибо де́нь сеѧ̀ седми́цы.] Канѡ́нъ пра́здника, со і҆рмосо́мъ на ѕ҃, и҆ трипѣ́снца на и҃. Катава́сїа трїѡ́ди: і҆рмо́съ, ѻ҆́ба ли̑ка вкꙋ́пѣ. [зрѝ] А҆ и҆дѣ́же нѣ́сть трипѣ́снца, пое́мъ канѡ́нъ пра́здника, со і҆рмосо́мъ на д҃і. Катава́сїа пра́здника. По г҃-й пѣ́сни конда́къ и҆ і҆́косъ днѐ, и҆ сѣда́ленъ пра́здника, и҆ чте́нїе пра́здника. По ѕ҃-й пѣ́сни <<сѻ҃г ѡ҆б.: 546>> конда́къ и҆ і҆́косъ пра́здника: про́логъ и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ пра́здника: Бл҃говѣствꙋ́й землѐ ра́дость ве́лїю: та́же і҆рмо́съ пра́здника, Ꙗ҆́кѡ ѡ҆дꙋшевле́нномꙋ: Къ тропарє́мъ же трипѣ́снца, припѣ́въ: Сла́ва тебѣ̀ бж҃е на́шъ, сла́ва тебѣ̀. Та́же пое́мъ і҆рмо́съ трїѡ́ди, пото́мъ припѣ́въ пра́здника, и҆ і҆рмо́съ: Ꙗ҆́кѡ ѡ҆дꙋшевле́нномꙋ: Свѣти́ленъ пра́здника: Сла́ва, днѐ: И҆ ны́нѣ, пра́здника. На хвали́техъ стїхи̑ры пра́здника, на д҃: Сла́ва, пра́здника, Є҆́же ѿ вѣ́ка: И҆ ны́нѣ, днѐ: И҆зсо́хшїѧ смоко́вницы: та́же предстоѧ́тель, и҆лѝ чте́цъ глаго́летъ: Сла́ва тебѣ̀ показа́вшемꙋ на́мъ свѣ́тъ: пото́мъ є҆ктенїа̀, И҆спо́лнимъ ᲂу҆́треннюю: На стїхо́внѣ стїхи̑ры самогла́сны днѐ, гла́съ а҃: Грѧды́й гдⷭ҇ь: Припѣ́въ, И҆спо́лнихомсѧ: Дости́гше вѣ́рнїи: Припѣ́въ, Во всѧ̑ дни̑ на́шѧ возвесели́хомсѧ, за дни̑ въ нѧ́же смири́лъ ны̀ є҆сѝ: Гдⷭ҇и грѧды́й къ страда́нїю: Припѣ́въ, И҆ при́зри на рабы̑ твоѧ̑: Гдⷭ҇и къ та́инствꙋ: Припѣ́въ, И҆ бꙋ́ди свѣ́тлость: Гдⷭ҇и совершє́ннѣйшаѧ: Сла́ва, гла́съ и҃: Вторꙋ́ю є҆́ѵꙋ: И҆ ны́нѣ, пра́здника, да веселѧ́тсѧ нб҃са̀: Та́же, бл҃го є҆́сть и҆сповѣ́датисѧ: є҆ди́ножды. По трист҃о́мъ, тропа́рь пра́здника, є҆ктенїа̀, и҆ покло́ны г҃ вели̑кїѧ. посе́мъ, Прїиди́те поклони́мсѧ, три́жды: и҆ ча́съ а҃-й. Тропа́рь пра́здника. И҆ ны́нѣ, бг҃оро́диченъ: Что̀ тѧ̀ нарече́мъ: По трист҃о́мъ конда́къ пра́здника, и҆ въ коне́цъ г҃ покло́ны вели̑кїѧ. Та́же, хрⷭ҇тѐ свѣ́те и҆́стинный: и҆ ѿпꙋ́стъ. [зрѝ] При часѣ́ же г҃-мъ днѐ твори́мъ лїті́ю внѣ̀ монастырѧ̀: возвра́щшесѧ же пое́мъ г҃-й ча́съ, и҆ ѕ҃- й, съ каѳі́смами и҆ со чте́нїемъ: и҆ чте́мъ тетроеѵⷢ҇лїе. Глаго́летсѧ же въ ни́хъ тропа́рь пра́здника: кондакѝ глаго́лемъ днѐ, и҆ пра́здника <<сѻ҃д: 547>> премѣнѧ́юще: и҆ на коне́цъ коегѡ́ждо часа̀, по г҃ покло́ны вели̑кїѧ. та́кожде пое́мъ и҆ ѳ҃-й ча́съ: и҆ бл҃жє́нны про́стѡ без̾ пѣ́нїѧ: и҆ Помѧнѝ на́съ гдⷭ҇и: и҆ прѡ́чаѧ. По Ѻ҆́ч҃е на́шъ, конда́къ днѐ: Сла́ва, и҆ ны́нѣ, пра́здника. Гдⷭ҇и поми́лꙋй, м҃. Сла́ва, и҆ ны́нѣ, Чⷭ҇тнѣ́йшꙋю: и҆ покло́ны трѝ вели̑кїѧ, и҆ мл҃тва, Всест҃а́ѧ трⷪ҇це: и҆ а҆́бїе, Прїиди́те поклони́мсѧ, три́жды: и҆ пое́мъ вече́рню, без̾ покло́нѡвъ и҆ без̾ каѳі́смы. На Гдⷭ҇и воззва́хъ, стїхи̑ры самогла́сны днѐ, є҃: и҆ пра́здника є҃. Сла́ва, днѐ, И҆зсо́хшїѧ смоко́вницы: И҆ ны́нѣ, пра́здника: По́сланъ бы́сть: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чтє́нїѧ днѐ, и҆ пра́здника два̀. та́же є҆ктенїа̀ ма́лаѧ. и҆ трист҃о́е. Прокі́менъ, а҆по́столъ и҆ А҆ллилꙋ́їа пра́здника. Є҆ѵⷢ҇лїе пра́здника, и҆ днѐ. и҆ про́чаѧ лїтꙋргі́а златоꙋ́стагѡ, и҆ прича́стенъ пра́здника.

[зрѝ][[комм.]] А҆ и҆дѣ́же вели́кїѧ ра́ди нꙋ́жды не бꙋ́детъ лїтꙋргі́и:

На Гдⷭ҇и воззва́хъ, стїхи̑ры на і҃: и҆ пое́мъ днѐ, г҃, гла́съ а҃, повторѧ́юще пє́рвыѧ двѣ̀: и҆ пра́здника, є҃. Сла́ва днѐ, гла́съ и҃: Вторꙋ́ю є҆́ѵꙋ: И҆ ны́нѣ, пра́здника. Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чтє́нїѧ днѐ: и҆ пра́здника два̀. та́же прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе пра́здника, и҆ днѐ. Сподо́би гдⷭ҇и: є҆ктенїа̀, И҆спо́лнимъ вече́рнюю: На стїхо́внѣ днѐ, гла́съ є҃: Гдⷭ҇и совершє́ннѣйшаѧ мꙋ́дрствовати: два́жды, съ припѣ́вы дневны́ми. и҆ дрꙋгі́й сті́хъ, гла́съ и҃, И҆зсо́хшїѧ смоко́вницы: Сла́ва, гла́съ є҃: Гдⷭ҇и, грѧды́й къ страда́нїю: И҆ ны́нѣ, пра́здника. Ны́нѣ ѿпꙋща́еши: тропа́рь пра́здника, є҆ктєнїѝ, и҆ ѿпꙋ́стъ. Си́це пое́мъ и҆ въ про́чыѧ дни̑ вели́кїѧ недѣ́ли. На трапе́зѣ разрѣше́нїе на є҆ле́й и҆ вїно̀ то́чїю. На повече́рїи, покло́нѡвъ нѣ́сть, то́чїю по Сла́ва <<сѻ҃д ѡ҆б.: 548>> въ вы́шнихъ, г҃ покло́ны: На трист҃о́мъ г҃ покло́ны: въ коне́цъ, трѝ покло́ны вели̑кїѧ, и҆ в҃і ма́лыхъ. На коне́чномъ трист҃о́мъ г҃ покло́ны: пое́мъ же трипѣ́снецъ кѵ́ръ а҆ндре́а.

[[комм.]] Ѡ҆ то́мже пра́здницѣ, а҆́ще слꙋчи́тсѧ въ вели́кїй вто́рникъ.

Въ понедѣ́льникъ ве́чера, каѳі́смы не глаго́лемъ. На Гдⷭ҇и воззва́хъ. стїхи̑ры самогла́сны днѐ, є҃: и҆ пра́здника є҃. Сла́ва, днѐ, Вторꙋ́ю є҆́ѵꙋ: И҆ ны́нѣ, пра́здника, По́сланъ бы́сть: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чтє́нїѧ днѐ: и҆ пра́здника г҃. Да и҆спра́витсѧ мл҃тва моѧ̀: и҆ покло́ны г҃. Є҆ѵⷢ҇лїе днѐ: и҆ про́чее преждесщ҃е́нныхъ. На трапе́зѣ же пїе́мъ вїно̀. [зрѝ] При часѣ́ же а҃-мъ но́щи ᲂу҆дарѧ́етъ въ вели́кїй, и҆ во всѧ̑ тѧ̑жкаѧ, и҆ собра́вшесѧ во хра́мъ, пое́мъ повече́рїе вели́кое. Съ на́ми бг҃ъ, пое́мъ на ѻ҆́ба ли̑ка, съ пѣ́нїемъ. і҆ере́й въ нача́лѣ кади́тъ по ѻ҆бы́чаю, и҆ по Сла́ва въ вы́шнихъ, и҆схожде́нїе въ притво́ръ. и҆ пое́мъ на лїті́и стїхи̑ры самогла́сны пра́здника: Сла́ва, и҆ ны́нѣ, пра́здника: Бл҃говѣствꙋ́етъ гаврїи́лъ: На стїхо́внѣ стїхи̑ры самогла́сны пра́здника г҃, съ припѣ́вы и҆́хъ. Сла́ва, и҆ ны́нѣ: Дне́сь ра́дость: На бл҃гослове́нїи хлѣ́бѡвъ, тропа́рь пра́здника, три́жды: и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. По ѻ҆бою̀ каѳі́смахъ сѣда́льны трїѡ́ди: и҆ чте́нїе днѐ. По г҃-й каѳі́смѣ є҆ктенїа̀ ма́лаѧ, и҆ сѣда́льны пра́здника, и҆ чте́нїе. Полѷеле́й, и҆ сѣда́ленъ пра́здника: и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ: Всѧ́кое дыха́нїе: є҆ѵⷢ҇лїе пра́здника. ѱало́мъ н҃. стїхи́ра пра́здника. Канѡ́нъ пра́здника со і҆рмосо́мъ на д҃і. Катава́сїа пра́здника, і҆рмо́съ ѻ҆́ба ли̑ка вкꙋ́пѣ. А҆ и҆дѣ́же двоепѣ́снецъ трїѡ́ди, пое́мъ канѡ́нъ <<сѻ҃є: 549>> пра́здника, со і҆рмосо́мъ на ѕ҃: двоепѣ́снецъ на и҃: Послѣдѝ і҆рмо́съ трїѡ́ди, ѻ҆́ба ли̑ка вкꙋ́пѣ. По г҃-й пѣ́сни, конда́къ днѐ, и҆ і҆́косъ: и҆ сѣда́ленъ пра́здника: и҆ чте́нїе пра́здника. По ѕ҃-й пѣ́сни, конда́къ и҆ і҆́косъ пра́здника: и҆ чте́мъ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́въ и҆ і҆рмо́съ пра́здника, ꙗ҆́коже ᲂу҆каза́сѧ въ вели́кїй понедѣ́льникъ. Свѣти́ленъ пра́здника: Сла́ва, днѐ: И҆ ны́нѣ, пра́здника. На хвали́техъ стїхи̑ры подо́бны пра́здника на д҃. Сла́ва, днѐ: Дꙋше́вною лѣ́ностїю: И҆ ны́нѣ, пра́здника: Є҆́же ѿ вѣ́ка та́инство: На стїхо́внѣ самогла́сны днѐ съ припѣ́вы и҆́хъ, ꙗ҆́кѡ предписа́сѧ въ понедѣ́льникъ: И҆спо́лнихомсѧ заꙋ́тра: Сла́ва, пра́здника. Да веселѧ́тсѧ нб҃са̀: И҆ ны́нѣ, днѐ, гла́съ ѕ҃: Є҆гда̀ прїи́деши во сла́вѣ: тропа́рь пра́здника: є҆ктенїа̀, и҆ покло́ны г҃ вели̑кїѧ. Та́же, Прїиди́те поклони́мсѧ: три́жды, и҆ ча́съ а҃-й, въ концѣ̀ тогѡ̀ г҃ вели̑кїѧ покло́ны, и҆ мл҃тва: Хрⷭ҇тѐ свѣ́те и҆́стинный: и҆ ѿпꙋ́стъ. [зрѝ] При часѣ́ же г҃-мъ днѐ твори́мъ лїті́ю внѣ̀ монастырѧ̀: И҆ возвра́щшесѧ пое́мъ часы̀ съ каѳі́смами: и҆ чте́тсѧ тетроеѵⷢ҇лїе. Глаго́лемъ на часѣ́хъ тропа́рь пра́здника: и҆ чте́нїе пра́здника: кондакѝ глаго́лемъ днѐ, и҆ пра́здника, премѣнѧ́юще. и҆ на коне́цъ коегѡ́ждо часа̀ г҃ покло́ны вели̑кїѧ, и҆ ча́съ ѳ҃-й без̾ каѳі́смы. бл҃жє́нны ско́рѡ, без̾ пѣ́нїѧ: и҆ Помѧнѝ на́съ гдⷭ҇и: и҆ про́чее, ꙗ҆́коже предписа́сѧ. По Ѻ҆́ч҃е на́шъ, конда́къ пра́здника: Гдⷭ҇и поми́лꙋй, м҃. Сла́ва, и҆ ны́нѣ: Чⷭ҇тнѣ́йшꙋю: и҆ покло́ны г҃ вели̑кїѧ: [зрѝ] И҆ а҆́бїе глаго́лемъ: Прїиди́те поклони́мсѧ: три́жды: и҆ пое́мъ вече́рню без̾ каѳі́смы, и҆ без̾ покло́нѡвъ. На Гдⷭ҇и воззва́хъ, стїхи̑ры самогла́сны днѐ, є҃: и҆ пра́здника є҃. Сла́ва, днѐ: И҆ ны́нѣ, пра́здника. Вхо́дъ со є҆ѵⷢ҇лїемъ. Прокі́менъ, и҆ <<сѻ҃є ѡ҆б.: 550>> чтє́нїѧ днѐ, и҆ пра́здника два̀. Є҆ктенїа̀ ма́лаѧ, и҆ возгла́съ трист҃а́гѡ: Ꙗ҆́кѡ ст҃ъ є҆сѝ бж҃е на́шъ: Прокі́менъ, а҆по́столъ, и҆ А҆ллилꙋ́їа пра́здника. Є҆ѵⷢ҇лїе пра́здника, и҆ днѐ, и҆ про́чаѧ лїтꙋргі́а златоꙋ́стагѡ. Прича́стенъ пра́здника. На трапе́зѣ разрѣша́емъ на є҆ле́й и҆ вїно̀ то́чїю. Повече́рїе же пое́мъ ма́лое без̾ покло́нѡвъ: пое́мъ же и҆ трипѣ́снецъ на не́мъ кѵ́ръ а҆ндре́а кри́тскагѡ.

[[комм.]] Ѡ҆ то́мже пра́здницѣ, а҆́ще слꙋчи́тсѧ въ сре́дꙋ вели́кꙋю.

Во вто́рникъ ве́чера пое́мъ вече́рню без̾ каѳі́смы, и҆ без̾ покло́нѡвъ. На Гдⷭ҇и воззва́хъ, стїхи̑ры самогла́сны днѐ є҃: и҆ пра́здника є҃: Сла́ва, днѐ, гла́съ з҃: Сѐ тебѣ̀ тала́нтъ: И҆ ны́нѣ, пра́здника. Вхо́дъ со є҆ѵⷢ҇лїемъ, прокі́менъ, и҆ чтє́нїѧ днѐ, и҆ пра́здника г҃, Да и҆спра́витсѧ мл҃тва моѧ̀: и҆ покло́ны г҃. Є҆ѵⷢ҇лїе днѐ. и҆ про́чаѧ лїтꙋргі́а преждесщ҃е́нныхъ. На трапе́зѣ же варе́нїе без̾ є҆ле́а: вїно́ же пїе́мъ. [зрѝ] При часѣ́ же а҃-мъ но́щи ᲂу҆дарѧ́етъ въ вели́кїй кампа́нъ, и҆ во всѧ̑ тѧ̑жкаѧ: и҆ пое́мъ повече́рїе вели́кое. Съ на́ми бг҃ъ: на ѻ҆́ба ли̑ка: і҆ере́й же кади́тъ, въ нача́лѣ по ѻ҆бы́чаю. и҆ по Сла́ва въ вы́шнихъ, и҆схожде́нїе въ притво́ръ: и҆ пое́мъ на лїті́и стїхи̑ры пра́здника: Сла́ва, и҆ ны́нѣ, пра́здника же. На стїхо́внѣ стїхи̑ры, и҆ Сла́ва, и҆ ны́нѣ, пра́здника: На бл҃гослове́нїи хлѣ́бѡвъ, тропа́рь пра́здника три́жды: и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника три́жды: и҆ по ѻ҆бои́хъ каѳі́смахъ сѣда́льны трїѡ́ди: и҆ чте́нїе днѐ. По г҃-й каѳі́смѣ є҆ктенїа̀, и҆ сѣда́льны пра́здника ѻ҆́ба: и҆ чте́нїе пра́здника. Полѷеле́й, и҆ сѣда́ленъ, и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ: Всѧ́кое дыха́нїе: Є҆ѵⷢ҇лїе пра́здника, ѱало́мъ н҃. Стїхи́ра пра́здника. Канѡ́нъ пра́здника, <<сѻ҃ѕ: 551>> со і҆рмосо́мъ на д҃і. Катава́сїа пра́здника, і҆рмо́съ ѻ҆́ба ли̑ка вкꙋ́пѣ. [зрѝ] А҆ и҆дѣ́же трипѣ́снецъ, пое́мъ канѡ́нъ пра́здника со і҆рмосо́мъ на ѕ҃: и҆ трипѣ́снецъ на и҃. Катава́сїа, і҆рмо́съ трїѡ́ди. По г҃-й пѣ́сни, конда́къ и҆ і҆́косъ днѐ, и҆ сѣда́ленъ пра́здника: и҆ чте́нїе пра́здника. Но ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы пра́здника, ꙗ҆́коже пред̾ꙋказа́сѧ. Свѣти́ленъ пра́здника. Сла́ва, днѐ: И҆ ны́нѣ, пра́здника. На хвали́техъ стїхи̑ры пра́здника, на д҃: Сла́ва, днѐ, гла́съ ѕ҃: Дне́сь хрⷭ҇то́съ прихо́дитъ: И҆ ны́нѣ, пра́здника, гла́съ в҃: Є҆́же ѿ вѣ́ка та́инство: На стїхо́внѣ днѐ, съ припѣ́вы и҆́хъ, ꙗ҆́кѡ предписа́сѧ въ вели́кїй понедѣ́льникъ. Сла́ва, пра́здника, гла́съ и҃: Да веселѧ́тсѧ нб҃са̀: И҆ ны́нѣ, днѐ, гла́съ то́йже: Гдⷭ҇и, ꙗ҆́же во мнѡ́гїѧ грѣхѝ: и҆ про́чее по преждепи́санномꙋ. При часѣ́ же г҃-мъ днѐ твори́мъ и҆схожде́нїе внѣ̀ монастырѧ̀, и҆ возвра́щшесѧ пое́мъ часы̀ съ каѳі́смами: и҆ чте́тсѧ тетроеѵⷢ҇лїе, и҆ про́чее часѡ́въ, и҆ лїтꙋргі́и, ꙗ҆́коже предписа́сѧ въ понедѣ́льникъ, и҆ вто́рникъ сеѧ̀ седми́цы. Въ коне́цъ же часѡ́въ быва́етъ проще́нїе, по ѻ҆бы́чаю: Повече́рїе же пое́мъ по предпи́санномꙋ, и҆ трипѣ́снецъ кѵ́ръ а҆ндре́а кри́тскагѡ.

[[комм.]] Ѡ҆ то́мже пра́здницѣ, а҆́ще слꙋчи́тсѧ въ вели́кїй четверто́къ.

Въ сре́дꙋ вели́кꙋю ве́чера пое́мъ вече́рню без̾ каѳі́смы. На Гдⷭ҇и воззва́хъ, стїхи̑ры самогла́сны днѐ є҃: и҆ пра́здника є҃: Сла́ва, днѐ: И҆ ны́нѣ, пра́здника. Вхо́дъ со є҆ѵⷢ҇лїемъ. Прокі́менъ, и҆ чтє́нїѧ днѐ, и҆ пра́здника г҃: Да и҆спра́витсѧ: и҆ покло́ны г҃. Є҆ѵⷢ҇лїе днѐ: и҆ про́чее преждесщ҃е́нныхъ. На трапе́зѣ же пїе́мъ вїно̀.

<<сѻ҃ѕ ѡ҆б.: 552>>

[зрѝ][[комм.]] При часѣ́ же а҃ но́щи ᲂу҆дарѧ́етъ въ вели́кїй, и҆ во всѧ̑ тѧ̑жкаѧ. И҆ собра́вшесѧ во хра́мъ, пое́мъ повече́рїе вели́кое, і҆ере́й же кади́тъ по ѻ҆бы́чаю. и҆ по Сла́ва въ вы́шнихъ, и҆схожде́нїе въ притво́ръ: и҆ пое́мъ на лїті́и самогла́сны стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры: и҆ Сла́ва, и҆ ны́нѣ, пра́здника. На бл҃гослове́нїи хлѣ́бѡвъ, тропа́рь пра́здника, три́жды: и҆ чте́нїе пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, и҆ ны́нѣ, Є҆гда̀ сла́внїи ᲂу҆ч҃нцы̀: та́же полѷеле́й, и҆ сѣда́ленъ: и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ: Всѧ́кое дыха́нїе: и҆ є҆ѵⷢ҇лїе пра́здника. ѱало́мъ н҃. Стїхи́ра пра́здника. Канѡ́нъ пра́здника со і҆рмосо́мъ на и҃: і҆рмо́съ по два́жды: и҆ днѐ со і҆рмосо́мъ на и҃. Катава́сїа, і҆рмо́съ днѐ: ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ днѐ, и҆ сѣда́ленъ днѐ: Сла́ва, и҆ ны́нѣ, пра́здника: и҆ чте́нїе пра́здника. По ѕ҃-й пѣ́сни, конда́къ и҆ і҆́косъ пра́здника, и҆ про́логъ, и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́въ пра́здника, ꙗ҆́коже пред̾ꙋказа́сѧ, послѣдѝ і҆рмо́съ: Стра́нствїѧ влⷣчнѧ: та́же припѣ́въ пра́здника, и҆ і҆рмо́съ. Свѣти́ленъ пра́здника: Сла́ва, днѐ: И҆ ны́нѣ, пра́здника. На хвали́техъ стїхи̑ры пра́здника, на д҃: Сла́ва, пра́здника, И҆ ны́нѣ, днѐ. Посе́мъ, Сла́ва, въ вы́шнихъ, и҆ є҆ктенїа̀. Та́же на стїхо́внѣ стїхи̑ры днѐ съ припѣ́вы и҆́хъ: Сла́ва, днѐ: И҆ ны́нѣ, пра́здника. По Бл҃го є҆́сть, и҆ по Ѻ҆́ч҃е на́шъ: тропа́рь днѐ: Сла́ва, и҆ ны́нѣ, пра́здника: и҆ є҆ктенїа̀: Поми́лꙋй на́съ бж҃е: Та́же, Прїиди́те поклони́мсѧ: три́жды: и҆ ча́съ а҃-й, на не́мже тропа́рь, и҆ паремїа̀ днѐ, и҆ ѡ҆глаше́нїе пра́здника, и҆ ѿпꙋ́стъ. [зрѝ] При часѣ́ же є҃-мъ днѐ быва́етъ и҆схожде́нїе <<сѻ҃з: 553>> внѣ̀ монастырѧ̀: и҆ возвра́щшесѧ пое́мъ часы̀ въ притво́рѣ, г҃-й, ѕ҃-й, и҆ ѳ҃- й: на ни́хже глаго́лемъ тропа́рь пра́здника: Сла́ва, днѐ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: кондакѝ премѣнѧ́емъ. Помѧнѝ на́съ гдⷭ҇и: и҆ прѡ́чаѧ. Ли́къ нбⷭ҇ный: По Ѻ҆́ч҃е на́шъ, конда́къ пра́здника: Гдⷭ҇и поми́лꙋй, м҃. и҆ мл҃тва: Всест҃а́ѧ трⷪ҇це: и҆ ѿпꙋ́стъ. Бл҃гословлю̀ гдⷭ҇а на всѧ́кое вре́мѧ, не глаго́лемъ.

Ве́черъ же зна́менаетъ въ вели́кїй и҆ во всѧ̑ тѧ̑жкаѧ, въ и҆ ча́съ днѐ, и҆ пое́мъ вече́рню.

На Гдⷭ҇и воззва́хъ стїхи̑ры самогла́сны днѐ є҃, и҆ пра́здника є҃. Сла́ва, днѐ: И҆ ны́нѣ, пра́здника. Вхо́дъ со є҆ѵⷢ҇лїемъ. Свѣ́те ти́хїй: и҆ чтє́нїѧ днѐ: и҆ пра́здника два̀. Є҆ктенїа̀ ма́лаѧ: та́же трист҃о́е. Прокі́менъ днѐ, и҆ пра́здника. А҆по́столъ днѐ, и҆ пра́здника, и҆ про́чаѧ лїтꙋргі́а вели́кагѡ васі́лїа. [зрѝ] Вмѣ́стѡ Досто́йно, і҆рмо́съ: Стра́нствїѧ влⷣчнѧ: Въ хра́мѣ же бл҃говѣ́щенїѧ прест҃ы́ѧ бцⷣы, і҆рмо́съ: Ꙗ҆́кѡ ѡ҆дꙋшевле́нномꙋ: Вмѣ́стѡ же херꙋві́мскїѧ пѣ́сни пое́мъ тропа́рь, гла́съ ѕ҃: Ве́чери твоеѧ̀ та́йныѧ: три́жды. то́йже пое́мъ и҆ въ прича́стна мѣ́сто є҆ди́ножды. [зрѝ] Є҆гда́ же причаща́ютсѧ бра́тїѧ, и҆ пое́мъ вмѣ́стѡ, Тѣ́ло хрⷭ҇то́во: то́йже: Ве́чери твоеѧ̀ та́йныѧ: И҆ до́ндеже причастѧ́тсѧ бра́тїѧ. и҆ вмѣ́стѡ, Да и҆спо́лнѧтсѧ: є҆ди́ножды, со а҆ллилꙋ́їами. На трапе́зѣ же не разрѣша́емъ на ры̑бы: но то́чїю на є҆ле́й и҆ вїно̀.

Ѡ҆ то́мже пра́здницѣ, а҆́ще слꙋчи́тсѧ въ вели́кїй пѧто́къ.

Въ четверто́къ ве́чера, на Гдⷭ҇и воззва́хъ, стїхи̑ры днѐ, є҃: и҆ пра́здника, є҃. Сла́ва, днѐ: Рожде́нїе є҆хі́дново: И҆ ны́нѣ, пра́здника: По́сланъ бы́сть: Вхо́дъ со є҆ѵⷢ҇лїемъ. Прокі́менъ, и҆ чте́нїе днѐ: и҆ пра́здника г҃. Є҆ктенїа̀ ма́лаѧ, и҆ возгла́съ. и҆ трист҃о́е. Прокі́менъ, а҆по́столъ, <<сѻ҃з ѡ҆б.: 554>> А҆ллилꙋ́їа, и҆ є҆ѵⷢ҇лїе днѐ, и҆ прѡ́чаѧ бж҃е́ственныѧ лїтꙋргі́и вели́кагѡ васі́лїа, ꙗ҆́коже пре́жде и҆з̾ѧви́сѧ. На трапе́зѣ же разрѣша́емъ на є҆ле́й и҆ вїно̀. Повече́рїе, пое́мъ ма́лое, съ трипѣ́снцемъ. По трист҃о́мъ конда́къ днѐ: Сла́ва, и҆ ны́нѣ, пра́здника. [зрѝ] При часѣ́ же а҃-мъ но́щи ᲂу҆дарѧ́етъ въ вели́кїй и҆ во всѧ̑ тѧ̑жкаѧ, и҆ начина́емъ ᲂу҆́треню. На Бг҃ъ гдⷭ҇ь: тропа́рь пра́здника, два́жды: Сла́ва, и҆ ны́нѣ днѐ: Є҆гда̀ сла́внїи ᲂу҆ч҃нцы̀: Посе́мъ є҆ктенїа̀ ма́лаѧ. и҆ а҆́бїе дїа́конъ, и҆лѝ і҆ере́й глаго́летъ: И҆ ѡ҆ сподо́битисѧ на́мъ слы́шанїѧ ст҃а́гѡ є҆ѵⷢ҇лїа: и҆ чте́тъ є҆ѵⷢ҇лїе а҃-е настоѧ́тель. и҆ пото́мъ а҆нтїфѡ́ны, и҆ є҆ѵⷢ҇лїа ст҃ы́хъ стрⷭ҇те́й по чи́нꙋ и҆́хъ: и҆ по чте́нїи з҃-гѡ є҆ѵⷢ҇лїа, чте́нїе днѐ. Посе́мъ степє́нна, а҃-й а҆нтїфѡ́нъ д҃-гѡ гла́са. Прокі́менъ пра́здника: Всѧ́кое дыха́нїе: є҆ѵⷢ҇лїе пра́здника: и҆ а҆́бїе є҆ѵⷢ҇лїе ст҃ы́хъ стрⷭ҇те́й, и҃-е. ѱало́мъ н҃. стїхи́ра пра́здника. Та́же, мл҃тва: Сп҃сѝ бж҃е лю́ди твоѧ̑: и҆ Гдⷭ҇и поми́лꙋй, в҃і. Канѡ́нъ пра́здника со і҆рмосо́мъ на д҃і. Катава́сїа пра́здника, ѻ҆́ба ли̑ка вкꙋ́пѣ. А҆ и҆дѣ́же трипѣ́снецъ, пое́мъ канѡ́нъ пра́здника со і҆рмосо́мъ на ѕ҃: і҆рмо́съ два́жды, и҆ трипѣ́снецъ на и҃. Катава́сїа, і҆рмо́съ трїѡ́ди, ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ днѐ: Сла́ва, и҆ ны́нѣ, сѣда́ленъ пра́здника: и҆ чте́нїе пра́здника. По ѕ҃-й пѣ́сни, конда́къ и҆ і҆́косъ пра́здника: и҆ сѷнаѯа́рїй. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́въ пра́здника. Свѣти́ленъ пра́здника: Сла́ва, днѐ: И҆ ны́нѣ, пра́здника. та́же є҆ѵⷢ҇лїе ѳ҃-е. На хвали́техъ стїхи̑ры самогла́сны днѐ: Сла́ва, днѐ: И҆ ны́нѣ, пра́здника, та́же є҆ѵⷢ҇лїе і҃-е. Посе́мъ, Сла́ва въ вы́шнихъ: Є҆ктенїа̀: И҆спо́лнимъ ᲂу҆́треннюю мл҃твꙋ: и҆ возгла́съ. Посе́мъ є҆ѵⷢ҇лїе а҃і. Та́же, на стїхо́внѣ стїхи̑ры пра́здника: <<сѻ҃и: 555>> Сла́ва, днѐ: И҆ ны́нѣ, пра́здника. та́же є҆ѵⷢ҇лїе в҃і. Посе́мъ, Бл҃го є҆́сть и҆сповѣ́датисѧ гдⷭ҇еви: и҆ по Ѻ҆́ч҃е на́шъ, тропа́рь, гла́съ д҃: И҆скꙋпи́лъ ны̀ є҆сѝ: Сла́ва, и҆ ны́нѣ, пра́здника. Є҆ктенїа̀: Поми́лꙋй на́съ бж҃е: І҆ере́й: Премꙋ́дрость. и҆ ѿпꙋ́стъ, и҆ ча́съ а҃-й пое́мъ, ꙗ҆́коже ᲂу҆каза́сѧ въ вели́кїй пѧто́къ. Глаго́лемъ же на не́мъ тропа́рь пра́здника, и҆ днѐ: и҆ конда́къ пра́здника. При часѣ́ же є҃-мъ днѐ твори́мъ и҆схожде́нїе внѣ̀ ѻ҆би́тели: и҆ возвра́щшесѧ пое́мъ г҃-й ча́съ, и҆ ѕ҃, и҆ ѳ҃-й, съ тропарѝ, и҆ парємїѝ, со а҆по́столы, и҆ є҆ѵⷢ҇лїи, и҆ чте́нїѧми, и҆ съ про́чими слꙋ́жбы и҆́хъ. Глаго́лютсѧ же въ ни́хъ тропарѝ часѡ́въ, вели́кагѡ пѧтка̀, є҆́же є҆́сть днѐ, и҆ пра́здника: конда́къ днѐ, и҆ пра́здника: и҆ прѡ́чаѧ, ꙗ҆́коже въ вели́кїй пѧто́къ ᲂу҆каза́сѧ. ѱало́мъ же л҃г здѣ̀ ѡ҆ставлѧ́емъ, и҆ глаго́лемъ є҆го̀ на лїтꙋргі́и. При часѣ́ же и҃-мъ днѐ зна́менаетъ въ вели́кїй и҆ во всѧ̑ тѧ̑жкаѧ, и҆ начина́емъ вече́рню, и҆ твори́тъ і҆ере́й проскомі́дїю. На Гдⷭ҇и воззва́хъ пое́мъ стїхи̑ры днѐ ѕ҃: и҆ пра́здника д҃: Сла́ва, днѐ: Ѽ ка́кѡ законопрестꙋ́пный собо́ръ: И҆ ны́нѣ, пра́здника: По́сланъ бы́сть: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чте́нїе днѐ: и҆ пра́здника два̀. Та́же, є҆ктенїа̀ ма́лаѧ, и҆ трист҃о́е. Прокі́менъ, а҆по́столъ, А҆ллилꙋ́їа и҆ є҆ѵⷢ҇лїе пре́жде пра́здника, и҆ днѐ. Прича́стенъ пра́здника. Соверша́етъ же сѧ бж҃е́ственнаѧ лїтꙋргі́а златоꙋ́стагѡ. Вмѣ́стѡ, досто́йно, пое́мъ і҆рмо́съ пра́здника: Ꙗ҆́кѡ ѡ҆дꙋшевле́нномꙋ: На трапе́зѣ же ꙗ҆ди́мъ сꙋхоѧде́нїе, и҆ пїе́мъ вїно̀.

Ѡ҆ то́мже пра́здницѣ, а҆́ще слꙋчи́тсѧ въ сꙋббѡ́тꙋ вели́кꙋю.

Въ пѧто́къ ве́чера, при часѣ̀ і҃-мъ днѐ, зна́менаетъ въ вели́кїй, и҆ во всѧ̑ тѧ̑жкаѧ, и҆ пое́мъ вече́рню. На <<сѻ҃и ѡ҆б.: 556>> Гдⷭ҇и воззва́хъ: стїхи̑ры самогла́сны днѐ на ѕ҃, и҆ пра́здника на д҃. Сла́ва, днѐ: И҆ ны́нѣ, пра́здника. Вхо́дъ со є҆ѵⷢ҇лїемъ. Свѣ́те ти́хїй: Прокі́менъ, и҆ чте́нїе днѐ, и҆ пра́здника є҃. Та́же прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе днѐ. Посе́мъ є҆ктенїа̀: Рце́мъ всѝ: Та́же, Сподо́би гдⷭ҇и въ ве́черъ се́й: И҆спо́лнимъ вече́рнюю мл҃твꙋ: На стїхо́внѣ стїхи̑ры днѐ съ припѣ́вы и҆́хъ. Сла́ва, пра́здника: И҆ ны́нѣ, днѐ. Та́же, Ны́нѣ ѿпꙋща́еши: По трист҃о́мъ, тропа́рь пра́здника: Сла́ва. И҆ ны́нѣ, Бл҃гоѡбра́зный і҆ѡ́сифъ. І҆ере́й, Премꙋ́дрость, и҆ ѿпꙋ́стъ. Повече́рїе пое́мъ въ ке́ллїи: Конда́къ днѐ: Сла́ва, и҆ ны́нѣ, пра́здника. При часѣ́ же а҃-мъ но́щи зна́менаетъ въ вели́кїй, и҆ во всѧ̑ тѧ̑жкаѧ. И҆ пое́мъ ᲂу҆́треню. На Бг҃ъ гдⷭ҇ь: тропа́рь днѐ, гла́съ в҃: Бл҃гоѡбра́зный і҆ѡ́сифъ: є҆ди́ножды. Є҆гда̀ снизше́лъ є҆сѝ къ сме́рти: є҆ди́ножды. Сла́ва, Мѷроно́сицамъ жена́мъ: И҆ ны́нѣ, пра́здника: Дне́сь сп҃се́нїѧ на́шегѡ: Та́же пое́мъ непоро́чны, на гла́съ є҃. Кади́тъ і҆ере́й на а҃-й сла́вѣ: та́кожде и҆ на в҃-й, и҆ на г҃-й, ꙗ҆́кѡ ѻ҆бы́чай: по сконча́нїи непоро́чныхъ, пое́мъ тропарѝ воскрⷭ҇ны: А҆́гг҃льскїй собо́ръ: и҆ прѡ́чаѧ. Та́же є҆ктенїа̀ ма́лаѧ, и҆ сѣда́ленъ днѐ. Та́же полѷеле́й, и҆ сѣда́ленъ пра́здника. и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ пра́здника: Всѧ́кое дыха́нїе: Є҆ѵⷢ҇лїе пра́здника: ѱало́мъ н҃: стїхи̑ры пра́здника. Канѡ́нъ пра́здника со і҆рмосо́мъ на и҃, і҆рмо́съ два́жды: и҆ днѐ, со і҆рмосо́мъ на и҃: Катава́сїа і҆рмо́съ днѐ, ѻ҆́ба ли̑ка вкꙋ́пѣ. По г҃-й пѣ́сни конда́къ и҆ і҆́косъ днѐ, и҆ сѣда́ленъ днѐ. Сла́ва, и҆ ны́нѣ, пра́здника, и҆ чте́нїе пра́здника. По ѕ҃-й пѣ́сни конда́къ и҆ і҆́косъ пра́здника. Про́логъ, и҆ сѷнаѯа́рїй. На ѳ҃ пѣ́сни Чⷭ҇тнѣ́йшꙋю не пое́мъ, но пое́мъ припѣ́въ пра́здника, <<сѻ҃ѳ: 557>> ꙗ҆́коже ᲂу҆каза́сѧ, послѣдѝ і҆рмо́съ днѐ: Не рыда́й менѐ мт҃и: та́же припѣ́въ пра́здника и҆ і҆рмо́съ. Ст҃ъ гдⷭ҇ь бг҃ъ на́шъ: на гла́съ в҃. Свѣти́ленъ пра́здника два́жды. На хвали́техъ, стїхи̑ры самогла́сны днѐ трѝ: и҆ пра́здника подо́бны трѝ. Та́же самогла́сенъ пра́здника, гла́съ и҃: Да веселѧ́тсѧ нб҃са̀: съ припѣ́вомъ: Бл҃говѣсти́те де́нь ѿ днѐ: Сла́ва, днѐ: И҆ ны́нѣ, Пребл҃гослове́нна є҆сѝ бцⷣе дв҃о: Славосло́вїе вели́кое, и҆ быва́етъ вхо́дъ, ꙗ҆́коже пи́сано въ трїѡ́ди. Посе́мъ прокі́менъ и҆ парємїѝ днѐ. Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе днѐ. Є҆ктенїа̀ и҆ ѿпꙋ́стъ, и҆ ча́съ а҃-й пое́мъ въ притво́рѣ. про́чыѧ же часы̀ пою́тсѧ во своѐ вре́мѧ. На часѣ́хъ, тропа́рь пра́здника, и҆ днѐ. Кондакѝ глаго́лемъ премѣнѧ́юще. Бл҃жє́нны глаго́лемъ ско́рѡ, без̾ пѣ́нїѧ: Помѧнѝ на́съ гдⷭ҇и: и҆ прѡ́чаѧ. По Ѻ҆́ч҃е на́шъ, конда́къ днѐ: Сла́ва, и҆ ны́нѣ, пра́здника. Гдⷭ҇и поми́лꙋй. м҃, и҆ мл҃тва: Всест҃а́ѧ трⷪ҇це: и҆ ѿпꙋ́стъ.

Во ст҃ꙋ́ю и҆ вели́кꙋю сꙋббѡ́тꙋ ве́чера, ѡ҆ часѣ̀ і҃-мъ днѐ зна́менаетъ въ вели́кое, и҆ во всѧ̑ тѧ̑жкаѧ.

И҆ собра́вшесѧ во хра́мъ, бл҃гослови́вшꙋ і҆ере́ю, пое́мъ вече́рню по ѻ҆бы́чаю без̾ каѳі́смы. На Гдⷭ҇и воззва́хъ, пое́мъ стїхи̑ры воскрⷭ҇ны трѝ, гла́съ а҃: Вечє́рнїѧ на́шѧ мл҃твы: и҆ вели́кїѧ сꙋббѡ́ты самогла́сны трѝ, гла́съ и҃, и҆ пра́здника на д҃. Сла́ва, днѐ, гла́съ ѕ҃: Дне́шнїй де́нь та́йнѡ: И҆ ны́нѣ, пра́здника, По́сланъ бы́сть: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ не глаго́лемъ, но а҆́бїе і҆ере́й глаго́летъ: Премꙋ́дрость: и҆ чтє́нїѧ днѐ по чи́нꙋ и҆́хъ. По сконча́нїи же чте́нїѧ, є҆ктенїа̀ ма́лаѧ, и҆ возгла́съ. и҆ пое́мъ вмѣ́стѡ трист҃а́гѡ: Є҆ли́цы во хрⷭ҇та̀ крⷭ҇ти́стесѧ: А҆ллилꙋ́їа. Прокі́менъ днѐ, и҆ пра́здника. А҆по́столъ днѐ, и҆ пра́здника. Вмѣ́стѡ же херꙋві́мскїѧ <<сѻ҃ѳ ѡ҆б.: 558>> пѣ́сни пое́тсѧ: Да молчи́тъ всѧ́каѧ пло́ть: и҆ по рѧ́дꙋ бж҃е́ственнаѧ лїтꙋргі́а вели́кагѡ васі́лїа. Вмѣ́стѡ Досто́йно, пое́мъ і҆рмо́съ: Не рыда́й менѐ мт҃и: Въ хра́мѣ же бл҃говѣ́щенїѧ бцⷣы пое́мъ і҆рмо́съ: Ꙗ҆́кѡ ѡ҆дꙋшевле́нномꙋ бж҃їю кївѡ́тꙋ: Прича́стенъ днѐ, и҆ пра́здника.

Подоба́етъ вѣ́дати, ꙗ҆́кѡ а҆́ще слꙋчи́тсѧ въ са́мꙋю ст҃ꙋ́ю и҆ вели́кꙋю недѣ́лю па́схи, є҆́же є҆́сть кѷрїопа́сха, пра́здникъ бл҃говѣ́щенїѧ прест҃ы́ѧ бцⷣы.

Въ вели́кꙋю сꙋббѡ́тꙋ ве́чера, на Гдⷭ҇и воззва́хъ, поста́вимъ стїхѡ́въ і҃: и҆ пое́мъ стїхи̑ры воскрⷭ҇ны трѝ, и҆ вели́кїѧ сꙋббѡ́ты трѝ: и҆ пра́здника д҃. Сла́ва, гла́съ ѕ҃: Дне́шнїй де́нь та́йнѡ: И҆ ны́нѣ, пра́здника, гла́съ то́йже: По́сланъ бы́сть: Вхо́дъ со є҆ѵⷢ҇лїемъ. Свѣ́те ти́хїй: Прокі́менъ же не глаго́летсѧ, но а҆́бїе і҆ере́й: Премꙋ́дрость: и҆ чтє́нїѧ, а҃-е чте́нїе днѐ: Въ нача́лѣ сотворѝ бг҃ъ нб҃о и҆ зе́млю: є҆ди́на паремїа̀: Та́же пра́здника бл҃говѣ́щенїѧ чте́нїй є҃. и҆ прѡ́чаѧ чтє́нїѧ днѐ, по чи́нꙋ и҆́хъ, и҆ по рѧ́дꙋ бж҃е́ственнаѧ лїтꙋргі́а вели́кагѡ васі́лїа. По ѿпꙋще́нїи же лїтꙋргі́и, Быва́етъ ꙗ҆де́нїе, и҆ чте́нїе дѣѧ́нїй ст҃ы́хъ а҆по́стѡлъ по чи́нꙋ и҆́хъ, ꙗ҆́коже ᲂу҆каза́сѧ въ вели́кꙋю сꙋббѡ́тꙋ: и҆ конча́нꙋ бы́вшꙋ чте́нїю, бл҃гослови́вшꙋ і҆ере́ю, глаго́лемъ трист҃о́е, и҆ по Ѻ҆́ч҃е на́шъ, Гдⷭ҇и поми́лꙋй, в҃і: Сла́ва, и҆ ны́нѣ: Прїиди́те поклони́мсѧ, три́жды. та́же ѱало́мъ н҃, и҆ пое́мъ канѡ́нъ пра́здника, со і҆рмосо́мъ на ѕ҃: и҆ вели́кїѧ сꙋббѡ́ты со і҆рмосо́мъ на и҃. Катава́сїа, і҆рмо́съ сꙋббѡ́тный, ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ пра́здника, и҆ сѣда́ленъ днѐ. Сла́ва, и҆ ны́нѣ, пра́здника, и҆ чте́нїе пра́здника. По ѕ҃-й пѣ́сни, конда́къ и҆ і҆́косъ днѐ, и҆ чте́нїе днѐ. По ѳ҃-й пѣ́сни <<с҃п: 559>> трист҃о́е, по Ѻ҆́ч҃е на́шъ, тропа́рь: Є҆гда̀ снизше́лъ є҆сѝ къ сме́рти: Сла́ва, и҆ ны́нѣ, пра́здника, є҆ктенїа̀, и҆ ѿпꙋ́стъ.

И҆ а҆́ще бꙋ́детъ вре́мѧ пора́нꙋ, Прилага́етсѧ чте́нїе днѐ: є҆мꙋ́же что́мꙋ, Настоѧ́тель раздае́тъ свѣщы̀ бра́тїи. Кандиловжига́тель же взе́мъ бл҃гослове́нїе ᲂу҆ настоѧ́телѧ, и҆ ше́дъ зна́менꙋетъ во всѧ̑. И҆ по чте́нїи и҆схо́димъ въ притво́ръ, предходѧ́щымъ настоѧ́телю съ лампа́дами, и҆ затво́ршымсѧ двере́мъ, кади́тъ по чи́нꙋ всю̀ бра́тїю, и҆ ста́въ пред̾ вели́кими враты̀ цр҃ко́вными, кади́тъ крⷭ҇тоѡбра́знѡ три́жды, и҆ рече́тъ: Сла́ва ст҃ѣ́й и҆ є҆диносꙋ́щнѣй: и҆ на́мъ ѿвѣща́вшымъ: А҆ми́нь. И҆ начина́етъ настоѧ́тель тропа́рь, гла́съ є҃: Хрⷭ҇то́съ воскр҃се и҆з̾ ме́ртвыхъ: три́жды. Посе́мъ пою́тъ бра́тїѧ три́жды. Настоѧ́тель, сті́хъ а҃: Да воскрⷭ҇нетъ бг҃ъ: И҆ бра́тїѧ: Хрⷭ҇то́съ воскр҃се: є҆ди́ножды. Настоѧ́тель, сті́хъ в҃: Ꙗ҆́кѡ и҆счеза́етъ ды́мъ: И҆ бра́тїѧ: Хрⷭ҇то́съ воскр҃се: є҆ди́ножды. Настоѧ́тель, сті́хъ г҃: Та́кѡ да поги́бнꙋтъ грѣ̑шницы: И҆ бра́тїѧ: Хрⷭ҇то́съ воскр҃се: є҆ди́ножды. Настоѧ́тель, сті́хъ д҃: Се́й де́нь є҆го́же сотворѝ гдⷭ҇ь: И҆ бра́тїѧ: Хрⷭ҇то́съ воскр҃се: є҆ди́ножды. И҆ а҆́бїе настоѧ́тель велегла́снѡ: Хрⷭ҇то́съ воскр҃се: И҆ ѿве́рзшымсѧ вратѡ́мъ вхо́дитъ, пред̾идꙋ́щымъ лампа́дамъ, и҆ настоѧ́телю кꙋ́пнѡ и҆ бра́тїѧмъ пою́щымъ: И҆ сꙋ́щымъ во гробѣ́хъ живо́тъ дарова́въ. По внегда́ же вни́ти є҆мꙋ̀ во ѻ҆лта́рь, глаго́лемъ сла́ва, и҆ пое́мъ тропа́рь пра́здника, гла́съ д҃: Дне́сь сп҃се́нїѧ на́шегѡ глави́зна: И҆ ны́нѣ, то́йже. Та́же є҆ктенїа̀ вели́каѧ: Ми́ромъ гдⷭ҇ꙋ помо́лимсѧ: и҆ по возгла́сѣ начина́етъ предстоѧ́тель і҆рмо́съ: Воскрⷭ҇нїѧ де́нь: и҆ пое́мъ Канѡ́нъ па́схи, со і҆рмосо́мъ на и҃: і҆рмосы̀ по два́жды. И҆ бл҃говѣ́щенїѧ <<с҃п ѡ҆б.: 560>> со і҆рмосо́мъ на и҃: і҆рмосы̀ по два́жды: послѣди́ же і҆рмосы̀ ѻ҆бою̀ канѡ́нѡвъ, кі́йждо ли́къ сво́й і҆рмо́съ: та́же катава́сїа: Воскрⷭ҇нїѧ де́нь, ѻ҆́ба ли̑ка вкꙋ́пѣ: и҆ тропа́рь: Хрⷭ҇то́съ воскр҃се: три́жды. И҆ по ко́ейждо пѣ́сни є҆ктенїа̀ ма́лаѧ, и҆ возгла́сы по чи́нꙋ и҆́хъ. По г҃-й пѣ́сни, конда́къ и҆ і҆́косъ па́схи, и҆ ѵ҆пакоѝ, и҆ чте́нїе въ бг҃осло́вѣ: є҆мꙋ́же нача́ло: На стра́жи мое́й ста́нꙋ: По ѕ҃-й пѣ́сни, конда́къ и҆ і҆́косъ пра́здника бл҃говѣ́щенїѧ, и҆ чте́нїе въ бг҃осло́вѣ же, є҆мꙋ́же нача́ло: Воскрⷭ҇нїѧ дне́сь: Та́же прокі́менъ пра́здника, гла́съ д҃: Бл҃говѣсти́те: Сті́хъ: Воспо́йте гдⷭ҇еви пѣ́снь но́вꙋ: Всѧ́кое дыха́нїе: Є҆ѵⷢ҇лїе лꙋкѝ, зача́ло д҃: Во дни̑ ѻ҆́ны воста́вши мр҃їа́мъ: Та́же: Воскрⷭ҇нїе хрⷭ҇то́во: три́жды. и҆ стїхи́ра: Воскр҃съ і҆и҃съ: три́жды, на гла́съ ѕ҃. Посе́мъ пѣ́снь з҃-ѧ, и҆ про́чыѧ двѣ̀. На ѳ҃ пѣ́сни пое́мъ припѣ́вы па́схи, и҆ пра́здника. Свѣти́ленъ па́схи є҆ди́ножды, и҆ пра́здника два́жды. На хвали́техъ стїхи̑ры воскрⷭ҇ны на д҃, и҆ бл҃говѣ́щенїѧ на д҃, съ припѣ́вы и҆́хъ. Та́же ѻ҆́ба ли̑ка вкꙋ́пѣ, припѣ́въ а҃: Да воскрⷭ҇нетъ бг҃ъ: стїхи̑ры па́схи, гла́съ є҃, съ про́чими припѣ́вы и҆́хъ. Сла́ва, бл҃говѣ́щенїѧ, гла́съ и҃: Да веселѧ́тсѧ нб҃са̀: И҆ ны́нѣ, па́схи: Воскрⷭ҇нїѧ де́нь: и҆ цѣлова́нїе по ѻ҆бы́чаю, и҆ поꙋче́нїе златоꙋ́стагѡ. Є҆ктєнїѝ, и҆ ѿпꙋ́стъ. И҆схожде́нїе же внѣ̀ монастырѧ̀ не быва́етъ. Часы́ же пою́тсѧ по ᲂу҆ста́вꙋ па́схи. На лїтꙋргі́и а҆нтїфѡ́ны па́схи. По вхо́дѣ же глаго́лемъ: Въ цр҃квахъ бл҃гослови́те бг҃а, гдⷭ҇а ѿ и҆стѡ́чникъ і҆и҃левыхъ, Хрⷭ҇то́съ воскр҃се: три́жды. Сла́ва, тропа́рь: Дне́сь сп҃се́нїѧ на́шегѡ: И҆ ны́нѣ, конда́къ: А҆́ще и҆ во гро́бъ снизше́лъ є҆сѝ: Вмѣ́стѡ трист҃а́гѡ пое́мъ: Є҆ли́цы во хрⷭ҇та̀ крⷭ҇ти́стесѧ: Прокі́менъ, а҆по́столъ, А҆ллилꙋ́їа и҆ є҆ѵⷢ҇лїе пре́жде па́схи, пото́мъ пра́здника.

<<сп҃а: 561>>

[зрѝ][[комм.]] Є҆гда́ же приспѣ́етъ на лїтꙋргі́и вре́мѧ честѝ ст҃о́е є҆ѵⷢ҇лїе:

И҆ чте́тъ і҆ере́й є҆ѵⷢ҇лїе па́схи со дїа́кономъ, ꙗ҆́коже ᲂу҆каза́сѧ на лїтꙋргі́и въ недѣ́лю. Та́же чте́тъ є҆ѵⷢ҇лїе бл҃говѣ́щенїѧ є҆ди́нъ дїа́конъ по ѻ҆бы́чаю, ꙗ҆́коже и҆ всегда̀: и҆ къ томꙋ̀ є҆ѵⷢ҇лїю въ канді́ю не ᲂу҆дарѧ́ютъ. и҆ по рѧ́дꙋ бж҃е́ственнаѧ лїтꙋргі́а златоꙋ́стагѡ. За Досто́йно, і҆рмо́съ па́схи. Прича́стенъ па́схи и҆ пра́здника.

[[комм.]] Ѡ҆ то́мже пра́здницѣ, а҆́ще слꙋчи́тсѧ бл҃говѣ́щенїе прест҃ы́ѧ бцⷣы въ понедѣ́льникъ, во вто́рникъ и҆лѝ въ сре́дꙋ свѣ́тлыѧ недѣ́ли.

Во ст҃ꙋ́ю и҆ вели́кꙋю недѣ́лю па́схи, на ма́лѣй вече́рни, по внегда̀ рещѝ і҆ере́ю: Хрⷭ҇то́съ воскр҃се: три́жды, и҆ стїхѝ ѻ҆бы̑чныѧ. Сла́ва, и҆ ны́нѣ, Хрⷭ҇то́съ. воскр҃се: На Гдⷭ҇и воззва́хъ, стїхи̑ры воскрⷭ҇ны, на д҃: Сла́ва, и҆ ны́нѣ, пра́здника, гла́съ в҃: Є҆́же ѿ вѣ́ка та́инство: Та́же, Свѣ́те ти́хїй: без̾ вхо́да. Прокі́менъ вели́кїй: Кто̀ бг҃ъ ве́лїй: и҆ сті́хъ є҆гѡ̀ а҃. та́же, Сподо́би гдⷭ҇и: На стїхо́внѣ стїхи́ра воскрⷭ҇на а҃. та́же стїхи̑ры пра́здника самогла́сны, г҃: гла́съ д҃, вели́кїѧ вече́рни стїхѡ́вныѧ съ припѣ́вы и҆́хъ. Сла́ва, Бл҃говѣствꙋ́етъ гаврїи́лъ: И҆ ны́нѣ, Воскрⷭ҇нїѧ де́нь: Хрⷭ҇то́съ воскр҃се: три́жды. Сла́ва, и҆ ны́нѣ, тропа́рь: Дне́сь сп҃се́нїѧ на́шегѡ: Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по внегда̀ кади́ти і҆ере́ю, и҆ рещѝ є҆мꙋ̀: Сла́ва, ст҃ѣ́й и҆ є҆диносꙋ́щнѣй: пое́тъ: Хрⷭ҇то́съ воскр҃се: три́жды, и҆ стїхѝ є҆гѡ̀. Сла́ва, и҆ ны́нѣ: Хрⷭ҇то́съ воскр҃се: три́жды, та́же є҆ктенїа̀. На Гдⷭ҇и воззва́хъ, стїхи̑ры воскрⷭ҇ны г҃: и҆ а҆нато́лїевъ а҃, и҆ пра́здника ѕ҃, Сла́ва, и҆ ны́нѣ, пра́здника: По́сланъ бы́сть: Вхо́дъ, Свѣ́те ти́хїй: Прокі́менъ, гла́съ з҃: Кто̀ бг҃ъ ве́лїй, ꙗ҆́кѡ бг҃ъ на́шъ: со стїхѝ є҆гѡ̀, и҆ чте́нїй пра́здника є҃. [А҆́ще въ недѣ́лю ве́чера: посе́мъ і҆ере́й: И҆ ѡ҆ сподо́битисѧ на́мъ: Є҆ѵⷢ҇лїе і҆ѡа́нна, зача́ло ѯ҃є: <<сп҃а ѡ҆б.: 562>> Сꙋ́щꙋ по́здѣ въ де́нь то́й: Коне́цъ: Не и҆мꙋ̀ вѣ́ры.] та́же, є҆ктенїа̀. На лїті́и стїхи̑ры самогла́сны пра́здника: Сла́ва, и҆ ны́нѣ, Бл҃говѣствꙋ́етъ гаврїи́лъ: На стїхо́внѣ стїхи́ра воскрⷭ҇на є҆ди́на, та́же припѣ́въ: Да воскрⷭ҇нетъ бг҃ъ: и҆ пое́мъ стїхи̑ры па́схи, съ припѣ́вы и҆́хъ. Сла́ва, пра́здника: Дне́сь ра́дость: И҆ ны́нѣ, па́схи: Воскрⷭ҇нїѧ де́нь: и҆ на коне́цъ: Хрⷭ҇то́съ воскр҃се: три́жды. Тропа́рь пра́здника, три́жды, и҆ бл҃гослове́нїе хлѣ́бѡвъ, и҆ раздаѧ́нїе, и҆ чте́нїе пра́здника. На ᲂу҆́трени, по внегда̀ бл҃гослови́ти і҆ере́ю, и҆ рещѝ: Хрⷭ҇то́съ воскр҃се: три́жды, и҆ стїхѝ є҆гѡ̀, и҆ по сконча́нїи, Сла́ва, тропа́рь пра́здника: И҆ ны́нѣ, то́йже. Та́же, є҆ктенїа̀ вели́каѧ, и҆ полѷеле́й, и҆ сѣда́ленъ, и҆ чте́нїе пра́здника. Степє́нна, а҃-й а҆нтїфѡ́нъ д҃-гѡ гла́са. Прокі́менъ, и҆ є҆ѵⷢ҇лїе пра́здника. Воскрⷭ҇нїе хрⷭ҇то́во: три́жды. ѱало́мъ н҃ не глаго́лемъ, но а҆́бїе: Сла́ва: Мл҃твами бцⷣы: И҆ ны́нѣ, то́йже. посе́мъ припѣ́въ на гла́съ ѕ҃: Бл҃говѣсти́те де́нь ѿ днѐ: и҆ пое́мъ стїхи́рꙋ самогла́снꙋ пра́здника, гла́съ ѕ҃: По́сланъ бы́сть: та́же мл҃тва: Сп҃сѝ бж҃е лю́ди твоѧ̑: и҆ Гдⷭ҇и поми́лꙋй, в҃і. и҆ по возгла́сѣ, Канѡ́нъ па́схи со і҆рмосо́мъ на ѕ҃: и҆ пра́здника, со і҆рмосо́мъ на и҃: і҆рмосы̀ па́схи и҆ пра́здника, по два́жды. Катава́сїа бл҃говѣ́щенїѧ, і҆рмо́съ, ѻ҆́ба ли̑ка вкꙋ́пѣ. По г҃-й пѣ́сни, конда́къ и҆ і҆́косъ па́схи, и҆ сѣда́ленъ пра́здника. По ѕ҃-й пѣ́сни, конда́къ и҆ і҆́косъ пра́здника, и҆ чте́нїе днѐ: та́же Воскр҃съ і҆и҃съ: три́жды. На ѳ҃-й пѣ́сни припѣ́вы па́схи, и҆ пра́здника. Свѣти́ленъ па́схи є҆ди́ножды, и҆ пра́здника два́жды. На хвали́техъ стїхи̑ры воскрⷭ҇ны гла́са трѝ: и҆ пра́здника подо́бны трѝ. Та́же, да воскрⷭ҇нетъ бг҃ъ: и҆ пое́мъ стїхи̑ры па́схи, съ припѣ́вы и҆́хъ. Сла́ва, пра́здника: Да веселѧ́тсѧ нб҃са̀: И҆ <<сп҃в: 563>> ны́нѣ, па́схи: Воскрⷭ҇нїѧ де́нь: Хрⷭ҇то́съ воскр҃се: три́жды.] Сла́ва, и҆ ны́нѣ: тропа́рь пра́здника. Є҆ктєнїѝ, и҆ ѿпꙋ́стъ. и҆ дае́тсѧ ст҃ы́й є҆ле́й бра́тїи: и҆ быва́етъ лїті́а внѣ̀ ѻ҆би́тели. Часы́ же пое́мъ по ѻ҆бы́чаю па́схи. На лїтꙋргі́и, а҆нтїфѡ́ны па́схи. По вхо́дѣ глаго́лемъ сті́хъ: Въ цр҃квахъ бл҃гослови́те бг҃а гдⷭ҇а: Хрⷭ҇то́съ воскр҃се: три́жды. тропа́рь пра́здника. Сла́ва, конда́къ па́схи: И҆ ны́нѣ, пра́здника. Вмѣ́стѡ трист҃а́гѡ, Є҆ли́цы во хрⷭ҇та̀ крⷭ҇ти́стесѧ: Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе, пре́жде бл҃говѣ́щенїѧ, та́же днѐ. и҆ по рѧ́дꙋ бж҃е́ственнаѧ лїтꙋргі́а златоꙋ́стагѡ. Прича́стенъ днѐ, и҆ пра́здника.

[зрѝ][[комм.]] И҆звѣ́стно же да бꙋ́детъ, ꙗ҆́кѡ не свои́мъ смотре́нїемъ, ѡ҆ є҆́же ка́кѡ пѣ́ти подоба́етъ бл҃говѣ́щенїю, во дни̑ ст҃ы́ѧ четыредесѧ́тницы, и҆ въ седми́цѣ вели́кїѧ недѣ́ли, на ст҃ꙋ́ю па́схꙋ, слꙋ́жбꙋ, є҆́же ѡ҆ се́мъ повелѣ́но бы́сть.

И҆́бо тѵ́пїкꙋ вели́кїѧ цр҃кве послѣ́довавше и҆звѣ́стнѡ, и҆ сѷнаѯа́рїй ви́дѣвше честны́ѧ ѻ҆би́тели стꙋді́йскїѧ, и҆ про́чихъ, є҆ще́ же и҆ і҆ерⷭ҇ли́мскїѧ тѵ́пїки проше́дше, сїѧ̑ вчини́хомъ. и҆ никто́же ᲂу҆́бѡ да диви́тсѧ премѣне́нїю быва́емꙋ, стїхи́рамъ же и҆ канѡ́намъ, и҆ чте́нїѧмъ, прокі́менѡмъ же и҆ а҆по́столѡмъ, а҆ллилꙋ́їамъ, и҆ є҆ѵⷢ҇лїамъ и҆ прича́стнамъ, є҆́же та́кѡ премѣни́ти повелѣ́но є҆́сть: но де́нь да сматрѧ́етъ, є҆гда̀ на́вечерїе бл҃говѣ́щенїѧ быва́етъ: та́кожде и҆ де́нь пра́здника є҆́сть, и҆ ѡ҆брѧ́щеши, ꙗ҆́кѡ є҆гда̀ въ по́стенъ де́нь на́вечерїе слꙋчи́тсѧ, че́сти ра́ди ст҃ы́ѧ четыредесѧ́тницы, пое́мъ стїхи̑ры днѐ, и҆ пото́мъ бл҃говѣ́щенїѧ: и҆ лїтꙋргі́и преждесщ҃е́нныхъ. Ѿтꙋ́дꙋ же прїи́метъ нача́ло пра́здника, всѧ̑ предварѧ́ютъ бл҃говѣ́щенїѧ.

<<сп҃в ѡ҆б.: 564>>

[зрѝ][[комм.]] Подоба́етъ вѣ́дати, ꙗ҆́кѡ а҆́ще слꙋчи́тсѧ пра́здникъ се́й въ кі́йлибо де́нь вели́кїѧ недѣ́ли, и҆лѝ въ сꙋббѡ́тꙋ ла́заревꙋ, и҆лѝ въ недѣ́лю цвѣтоно́снꙋю.

Пре́жде вчини́хомъ бл҃говѣ́щенїѧ слꙋ́жбꙋ, поне́же пре́жде стрⷭ҇ти хрⷭ҇то́вы бы́ти семꙋ̀ пра́здникꙋ, за є҆́же не бы́ти постꙋ̀ въ не́мъ. Па́ки же въ вели̑кїѧ дни̑ седми́цы разсꙋди́хомъ: а҆́ще слꙋчи́тсѧ въ ни́хъ бл҃говѣ́щенїе, на вече́рни предварѧ́етъ стїхи̑ры днѐ, и҆ пото́мъ бл҃говѣ́щенїѧ, поста̀ ра́ди, ꙗ҆́коже пре́жде рѣ́хомъ, и҆ за пресла́вное днѐ. Бы́ти же въ вели́кїй пѧто́къ и҆ проскомі́дїи вчини́хомъ, а҆́ще слꙋчи́тсѧ бл҃говѣ́щенїе: а҆́ще бо и҆ пра̑вила и҆́накѡ повелѣва́ютъ, но ѡ҆брѣто́хомъ въ собо́рнѣй вели́цѣй це́ркви, въ моле́бныхъ хра́мѣхъ бцⷣы, быва́ти съ просфора́ми слꙋ́жбѣ соверше́ннѣй: тѣ́мже сїѧ̑ си́це и҆ въ вели́кїй пѧто́къ лїтꙋргі́ю златоꙋ́стовꙋ вчини́хомъ.

Оу҆ка́зъ ѡ҆ ѿда́нїи бл҃говѣ́щенїѧ прест҃ы́ѧ бцⷣы:

[зрѝ][[комм.]] Подоба́етъ вѣ́дати, а҆́ще слꙋчи́тсѧ бл҃говѣ́щенїе въ пѧто́къ г҃, и҆лѝ д҃-ѧ недѣ́ли постѡ́въ.

Пое́мъ всю̀ слꙋ́жбꙋ пра́здника съ трїѡ́дїю по ᲂу҆ста́вꙋ, ꙗ҆́коже пре́жде ᲂу҆каза́сѧ въ рѧдꙋ̀. На ᲂу҆́трени, въ сꙋббѡ́тꙋ г҃-ю ѿда́нїе пое́мъ пра́здника. На Бг҃ъ гдⷭ҇ь, тропа́рь пра́здника, два́жды. Сла́ва, а҆рха́гг҃ла: И҆ ны́нѣ, пра́здника. по каѳі́смѣ сѣда́льны пра́здника, и҆ чте́нїе пра́здника. Канѡ́нъ пра́здника, со і҆рмо́сомъ на и҃: и҆ а҆рха́гг҃ла, на ѕ҃. Катава́сїа пра́здника. [зрѝ] Четверопѣ́снца же здѣ̀ не пое́мъ, но пое́мъ напредѝ на повече́рїи. По г҃-й пѣ́сни конда́къ а҆рха́гг҃ла, и҆ сѣда́ленъ, два́жды. Сла́ва, и҆ ны́нѣ, пра́здника: и҆ чте́нїе. По ѕ҃-й пѣ́сни конда́къ пра́здника, и҆ і҆́косъ. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ пра́здника, та́же і҆рмо́съ: и҆ <<сп҃г: 565>> на кі́йждо тропа́рь пра́здника, пое́мъ припѣ́въ то́йжде, и҆ послѣдѝ і҆рмо́съ. Свѣти́ленъ пра́здника: Сла́ва, а҆рха́гг҃ла: И҆ ны́нѣ, пра́здника. На хвали́техъ стїхи̑ры на ѕ҃: пра́здника, г҃: и҆ а҆рха́гг҃ла, г҃: Сла́ва, и҆ ны́нѣ, пра́здника. Славосло́вїе вели́кое. По трист҃о́мъ, тропа́рь а҆рха́гг҃ла. Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й. На а҃-мъ часѣ̀, тропа́рь пра́здника и҆ а҆рха́гг҃ла: и҆ конда́къ пра́здника, и҆ прѡ́чаѧ: и҆ соверше́нный ѿпꙋ́стъ. На лїтꙋргі́и, бл҃жє́нна пра́здника, пѣ́снь г҃-ѧ и҆ ѕ҃-ѧ. По вхо́дѣ тропа́рь пра́здника, и҆ а҆рха́гг҃ла: Сла́ва, конда́къ а҆рха́гг҃ла. И҆ ны́нѣ, пра́здника. Прокі́менъ пра́здника. а҆по́столъ, А҆ллилꙋ́їа и҆ є҆ѵⷢ҇лїе днѐ и҆ пра́здника. Вмѣ́стѡ Досто́йно, пое́мъ і҆рмо́съ пра́здника. Прича́стенъ пра́здника.

[зрѝ][[комм.]] А҆́ще ли слꙋчи́тсѧ ѿда́нїе бл҃говѣ́щенїѧ въ недѣ́лю г҃-ю постѡ́въ.

Въ сꙋббѡ́тꙋ на ма́лѣй вече́рни, ѻ҆бы́чнѡ трїѡ́ди. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃: и҆ крⷭ҇та̀ д҃: и҆ пра́здника г҃. Сла́ва, крⷭ҇та̀: И҆ ны́нѣ, пра́здника, [и҆лѝ бг҃оро́диченъ а҃-й гла́са.] Вхо́дъ, прокі́менъ днѐ, и҆ є҆ктєнїѝ. На лїті́и стїхи̑ры пра́здника, гла́съ а҃. Сла́ва, крⷭ҇та̀: И҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, крⷭ҇та̀: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника, два́жды: и҆ крⷭ҇та̀ є҆ди́ножды: и҆ чте́нїе. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды: Сла́ва, крⷭ҇та̀: И҆ ны́нѣ, пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ. По непоро́чныхъ ѵ҆пакоѝ гла́са, и҆ чте́нїе во є҆ѵⷢ҇лїи. Степє́нна, и҆ прокі́менъ гла́са. Всѧ́кое дыха́нїе: є҆ѵⷢ҇лїе воскрⷭ҇но. ѱало́мъ н҃: Стїхи́ра, гла́съ и҃: Покаѧ́нїѧ ѿве́рзи мѝ двє́ри: и҆ про́чее воскрⷭ҇но. Канѡ́нъ воскрⷭ҇нъ со і҆рмосо́мъ на д҃, и҆ пра́здника <<сп҃г ѡ҆б.: 566>> на д҃, и҆ крⷭ҇та̀ на ѕ҃. Катава́сїа крⷭ҇та̀: ѻ҆́ба ли̑ка вкꙋ́пѣ. По г҃-й пѣ́сни конда́къ пра́здника: и҆ сѣда́ленъ крⷭ҇та̀, и҆ чте́нїе пра́здника. По ѕ҃-й пѣ́сни, конда́къ и҆ і҆́косъ крⷭ҇та̀: и҆ чте́нїе. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, крⷭ҇та̀: И҆ ны́нѣ, пра́здника. На хвали́техъ стїхи̑ры воскрⷭ҇ны г҃, и҆ крⷭ҇та̀ в҃, и҆ пра́здника г҃, съ припѣ́вы и҆́хъ. и҆ пото́мъ припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ самогла́снꙋ стїхи́рꙋ трїѡ́ди: Сла́ва, тꙋ́южде: И҆ ны́нѣ, Пребл҃гослове́нна є҆сѝ: Славосло́вїе вели́кое. По трист҃о́мъ вхо́дъ. и҆ пое́мъ тропа́рь крⷭ҇та̀: Сп҃сѝ гдⷭ҇и лю́ди твоѧ̑: три́жды. и҆ быва́етъ поклоне́нїе чⷭ҇тно́мꙋ крⷭ҇тꙋ̀ по ѻ҆бы́чаю. та́же є҆ктенїа̀: и҆ ѡ҆глаше́нїе стꙋді́тово. и҆ ѿпꙋ́стъ, и҆ и҆схожде́нїе. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й въ притво́рѣ. На часѣ́хъ, тропа́рь воскрⷭ҇нъ: Сла́ва, крⷭ҇та̀: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ крⷭ҇та̀. На г҃-мъ часѣ̀, тропа́рь воскрⷭ҇нъ, Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ крⷭ҇та̀, премѣнѧ́юще глаго́лемъ. На лїтꙋргі́и, бл҃жє́нна гла́са на д҃: и҆ крⷭ҇та̀ пѣ́снь г҃-ѧ на д҃: и҆ пра́здника пѣ́снь ѳ҃-ѧ на д҃. По вхо́дѣ тропа́рь воскрⷭ҇нъ, и҆ крⷭ҇та̀, и҆ пра́здника: Сла́ва, конда́къ крⷭ҇та̀: И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе и҆ прича́стенъ, пре́жде крⷭ҇та̀, и҆ пото́мъ пра́здника бцⷣы. За Досто́йно, Ѡ҆ тебѣ̀ ра́дꙋетсѧ: [зрѝ] А҆рха́гг҃ла гаврїи́ла пое́мъ слꙋ́жбꙋ въ понедѣ́льникъ.

[зрѝ][[комм.]] А҆́ще слꙋчи́тсѧ ѿда́нїе бл҃говѣ́щенїѧ, и҆ собо́ръ а҆рхїстрати́га гаврїи́ла, въ недѣ́лю г҃-ю поста̀, и҆ а҆́ще є҆́сть хра́мъ є҆гѡ̀:

На вели́цѣй вече́рни, Бл҃же́нъ мꙋ́жъ: каѳі́сма всѧ̀. На Гдⷭ҇и воззва́хъ, стїхи̑ры воскрⷭ҇ны г҃: и҆ крⷭ҇та̀ подо́бны г҃: и҆ пра́здника подо́бна два̀, и҆ а҆рха́гг҃ла подо́бна два̀: <<сп҃д: 567>> ѻ҆боѝ на д҃. Сла́ва, крⷭ҇та̀: И҆ ны́нѣ, пра́здника: и҆лѝ бг҃оро́диченъ настоѧ́щагѡ гла́са. Вхо́дъ. Прокі́менъ днѐ. На лїті́и стїхи̑ры пра́здника. Сла́ва, пра́здника: И҆ ны́нѣ, крⷭ҇та̀. На стїхо́внѣ стїхи̑ры воскрⷭ҇ны. Сла́ва, крⷭ҇та̀: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника два́жды: и҆ крⷭ҇та̀ є҆ди́ножды. и҆ чте́нїе во а҆по́стольскихъ посла́нїихъ. На ᲂу҆́трени, на Бг҃ъ гдⷭ҇ь: тропа́рь воскрⷭ҇нъ, є҆ди́ножды: и҆ крⷭ҇та̀ є҆ди́ножды: Сла́ва, а҆рха́гг҃ла: И҆ ны́нѣ, пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ. По непоро́чныхъ ѵ҆пакоѝ гла́са: и҆ чте́нїе. Степє́нна, и҆ прокі́менъ гла́са. Є҆ѵⷢ҇лїе воскрⷭ҇но: Воскрⷭ҇нїе хрⷭ҇то́во: ѱало́мъ н҃. Стїхи́ра, гла́съ и҃: Покаѧ́нїѧ ѿве́рзи мѝ: и҆ прѡ́чаѧ. Канѡ́нъ воскрⷭ҇нъ, со і҆рмосо́мъ на д҃: и҆ пра́здника г҃: и҆ а҆рха́гг҃ла г҃: и҆ крⷭ҇та̀ на д҃. Катава́сїа крⷭ҇та̀. По г҃-й пѣ́сни конда́къ пра́здника, и҆ а҆рха́гг҃ла, и҆ сѣда́ленъ а҆рха́гг҃ла: Сла́ва, крⷭ҇та̀: И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ крⷭ҇та̀. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ: Сла́ва, крⷭ҇та̀: И҆ ны́нѣ, пра́здника. На хвали́техъ стїхи̑ры воскрⷭ҇ны г҃: и҆ крⷭ҇та̀ два̀: а҆рха́гг҃ла со сла́внымъ г҃: съ припѣ́вы є҆гѡ̀. Та́же припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ самогла́снꙋ стїхи́рꙋ трїѡ́ди. Сла́ва, тꙋ́южде: И҆ ны́нѣ, Пребл҃гослове́нна є҆сѝ бцⷣе дв҃о: Славосло́вїе вели́кое. По трист҃о́мъ вхо́дъ, и҆ крⷭ҇та̀ поклоне́нїе по ѻ҆бы́чаю. и҆ є҆ктєнїѝ, и҆ ѿпꙋ́стъ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ѡ҆глаше́нїе стꙋді́тово. и҆ ча́съ а҃-й въ притво́рѣ. На а҃-мъ часѣ̀, тропа́рь воскрⷭ҇нъ: Сла́ва, крⷭ҇та̀: И҆ ны́нѣ, бг҃оро́диченъ часѡ́въ. По трист҃о́мъ конда́къ крⷭ҇та̀. На г҃-мъ часѣ̀, тропа́рь воскрⷭ҇нъ: Сла́ва, пра́здника: И҆ ны́нѣ, <<сп҃д ѡ҆б.: 568>> бг҃оро́диченъ часѡ́въ. По трист҃о́мъ, конда́къ пра́здника, и҆ крⷭ҇та̀, и҆ а҆рха́гг҃ла, глаго́лемъ премѣнѧ́юще. Бл҃жє́нна гла́са на д҃: и҆ крⷭ҇та̀ пѣ́снь г҃-ѧ на д҃: и҆ а҆рха́гг҃ла пѣ́снь ѕ҃-ѧ на д҃. По вхо́дѣ тропа́рь воскрⷭ҇нъ, и҆ крⷭ҇та̀, и҆ пра́здника и҆ а҆рха́гг҃ла. Конда́къ крⷭ҇та̀: Сла́ва, а҆рха́гг҃ла: И҆ ны́нѣ, пра́здника. Прокі́менъ крⷭ҇та̀, и҆ а҆рха́гг҃ла. А҆по́столъ, А҆ллилꙋ́їа, и҆ є҆ѵⷢ҇лїе, пре́жде крⷭ҇та̀, и҆ а҆рха́гг҃ла. За Досто́йно пое́мъ: Ѡ҆ тебѣ̀ ра́дꙋетсѧ: Прича́стенъ крⷭ҇та̀, и҆ а҆рха́гг҃ла.

А҆́ще слꙋчи́тсѧ бл҃говѣ́щенїѧ ѿда́нїе въ недѣ́лю д҃-ю и҆лѝ є҃-ю постѡ́въ.

Въ сꙋббѡ́тꙋ, на ма́лѣй вече́рни, стїхи̑ры по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃: и҆ а҆нато́лїевъ а҃: и҆ пра́здника г҃: и҆ а҆рха́гг҃ла г҃. Сла́ва, пра́здника: И҆ ны́нѣ, бг҃оро́диченъ а҃-й, гла́са. Вхо́дъ, прокі́менъ днѐ. На лїті́и стїхи̑ры пра́здника г҃, самогла́сны, гла́съ д҃, стїхѡ́вны. Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны по а҆лфави́тꙋ. Сла́ва, и҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о: три́жды: и҆ чте́нїе. На ᲂу҆́трени, на Бг҃ъ гдⷭ҇ь: тропа́рь воскрⷭ҇нъ два́жды. Сла́ва, а҆рха́гг҃ла. И҆ ны́нѣ, пра́здника. По каѳі́смахъ сѣда́льны воскрⷭ҇ны съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ, и҆ про́чее воскрⷭ҇но. Канѡ́нъ воскрⷭ҇нъ, со і҆рмосо́мъ на д҃ и҆ трїѡ́ди на д҃: и҆ пра́здника и҆ а҆рха́гг҃ла на ѕ҃. Катава́сїа пра́здника. По г҃-й пѣ́сни, конда́къ а҆рха́гг҃ла, и҆ сѣда́ленъ. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, а҆рха́гг҃ла. И҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника д҃: со <<сп҃є: 569>> сла́вою, съ припѣ́вы є҆гѡ̀. Та́же припѣ́въ: Воскрⷭ҇нѝ гдⷭ҇и бж҃е мо́й: и҆ самогла́сенъ трїѡ́ди: Сла́ва, то́йже: И҆ ны́нѣ: Пребл҃гослове́нна є҆сѝ бцⷣе дв҃о: Славосло́вїе вели́кое, тропа́рь воскрⷭ҇нъ. є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово, и҆ ѻ҆бы́чное и҆схожде́нїе. Сла́ва, и҆ ны́нѣ, стїхи́ра є҆ѵⷢ҇льскаѧ. и҆ ча́съ а҃-й въ притво́рѣ. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника. На лїтꙋргі́и, бл҃жє́нна гла́са на ѕ҃: и҆ пра́здника пѣ́снь ѳ҃-ѧ на д҃. По вхо́дѣ тропа́рь воскрⷭ҇нъ и҆ пра́здника, и҆ а҆рха́гг҃ла. конда́къ воскрⷭ҇нъ. Сла́ва, а҆рха́гг҃ла: И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ днѐ, и҆ пра́здника. Вмѣ́стѡ, Досто́йно, пое́мъ: Ѡ҆ тебѣ̀ ра́дꙋетсѧ:

А҆́ще слꙋчи́тсѧ ѿда́нїе бл҃говѣ́щенїѧ прест҃ы́ѧ бцⷣы въ понедѣ́льникъ д҃-ѧ и҆лѝ є҃-ѧ и҆лѝ ѕ҃- ѧ недѣ́ли постѡ́въ.

Въ недѣ́лю ве́чера, на Гдⷭ҇и воззва́хъ, стїхи̑ры трїѡ́ди г҃: и҆ пра́здника д҃: и҆ а҆рха́гг҃ла г҃. Сла́ва, и҆ ны́нѣ, пра́здника. Вхо́дъ, прокі́менъ вели́кїй, є҆ктенїа̀: И҆спо́лнимъ вече́рнюю: На стїхо́внѣ стїхи̑ры трїѡ́ди, самогла́сенъ днѐ, два́жды, и҆ мч҃нченъ: Сла́ва, и҆ ны́нѣ, пра́здника. По трист҃о́мъ тропарѝ по чи́нꙋ по́стномꙋ, и҆ покло́ны трѝ вели̑кїѧ, и҆ ѿпꙋ́стъ. Повече́рїе ма́лое, без̾ покло́нѡвъ, покло́ны ѿ Сла́ва въ вы́шнихъ: на не́мже глаго́лемъ канѡ́нъ рѧдовы́й мине́и. Въ понедѣ́льникъ на ᲂу҆́трени пое́мъ всю̀ слꙋ́жбꙋ, ꙗ҆́коже въ рѧдꙋ̀ к҃ѕ числа̀ пи́сано.

А҆́ще ѿда́нїе бл҃говѣ́щенїѧ слꙋчи́тсѧ въ сре́дꙋ д҃-ѧ недѣ́ли постѡ́въ, є҆́же є҆́сть крⷭ҇топокло́ннꙋю.

Во вто́рникъ ве́чера, на Гдⷭ҇и воззва́хъ, стїхи̑ры на і҃, трїѡ́ди самогла́сенъ днѐ два́жды, и҆ мч҃нченъ: и҆ подо́бны <<сп҃є ѡ҆б.: 570>> трѝ, и҆ пра́здника д҃. Сла́ва крⷭ҇та̀: И҆ ны́нѣ, пра́здника. Вхо́дъ, прокі́менъ, и҆ чте́нїе днѐ, и҆ пра́здника. и҆ по рѧ́дꙋ бж҃е́ственнаѧ лїтꙋргі́а златоꙋ́стагѡ. [зрѝ] А҆рха́гг҃ла же слꙋ́жбꙋ пое́мъ во и҆́нъ де́нь, и҆лѝ на повече́рїи. Повече́рїе же и҆ ᲂу҆́треню пое́мъ, ꙗ҆́коже предписа́сѧ. На ᲂу҆́трени, канѡ́нъ пра́здника, со і҆рмосо́мъ на ѕ҃: и҆ крⷭ҇та̀ на д҃. А҆ и҆дѣ́же трипѣ́снецъ, и҆ пое́мъ канѡ́нъ пра́здника, со і҆рмосо́мъ на д҃, и҆ крⷭ҇та̀ на два̀. Трипѣ́снецъ же пое́мъ по чи́нꙋ и҆́хъ на и҃. послѣдѝ і҆рмо́съ трипѣ́снца. По г҃- й пѣ́сни, конда́къ и҆ і҆́косъ пра́здника, и҆ сѣда́ленъ трїѡ́ди. Сла́ва, и҆ ны́нѣ, пра́здника: По ѕ҃-й пѣ́сни, конда́къ и҆ і҆́косъ крⷭ҇та̀. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ трⷪ҇ченъ. На хвали́техъ стїхи̑ры крⷭ҇та̀, на д҃: пи́саны во вто́рникъ ве́чера на Гдⷭ҇и воззва́хъ: Сла́ва, и҆ ны́нѣ, пра́здника. На стїхо́внѣ трїѡ́ди: Сла́ва, самогла́сенъ трїѡ́ди: И҆ ны́нѣ, па́ки то́йже. На а҃-мъ часѣ̀, поклоне́нїе крⷭ҇та̀, часы̀ съ покло́ны по по́стномꙋ.

[зрѝ][[комм.]] А҆́ще слꙋчи́тсѧ ѿда́нїе бл҃говѣ́щенїѧ въ четверто́къ є҃-ѧ недѣ́ли постѡ́въ.

Въ сре́дꙋ ве́чера, и҆ въ четверто́къ на ᲂу҆́трени, пое́мъ всю̀ слꙋ́жбꙋ пра́здника съ трїѡ́дїю, ꙗ҆́коже ᲂу҆каза́сѧ въ де́нь по́стенъ. А҆ ѿда́нїе пое́мъ бл҃говѣ́щенїѧ въ четверто́къ на ᲂу҆́трени съ трипѣ́снцемъ а҆по́стольскимъ: вели́кїй бо канѡ́нъ прелага́етсѧ, и҆ предпѣ́тъ є҆́сть сеѧ́же седми́цы во вто́рникъ.

А҆́ще слꙋчи́тсѧ ѿда́нїе пра́здника бл҃говѣ́щенїѧ въ сꙋббѡ́тꙋ а҆ка́ѳїста.

Въ пѧто́къ ве́чера, пое́мъ стїхи̑ры на і҃, трїѡ́ди <<сп҃ѕ: 571>> самогла́сенъ днѐ два́жды: и҆ пра́здника бцⷣы на и҃. Сла́ва, трїѡ́ди: Є҆́же ѿ вѣ́ка та́инство: И҆ ны́нѣ, пра́здника: По́сланъ бы́сть: Вхо́дъ, и҆ чте́нїе днѐ: и҆ пра́здника два̀. Є҆ктенїа̀ ма́лаѧ, и҆ возгла́съ трист҃а́гѡ: Ꙗ҆́кѡ ст҃ъ є҆сѝ бж҃е на́шъ: та́же пое́мъ, Ст҃ы́й бж҃е: Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ пра́здника, и҆ про́чее: лїтꙋргі́а златоꙋ́стагѡ. На ᲂу҆́трени, на Бг҃ъ гдⷭ҇ь: тропа́рь а҆ка́ѳїста три́жды. По а҃-й каѳі́смѣ кондакѝ г҃, и҆ і҆́косы г҃. и҆ па́ки конда́къ а҃-й, и҆ чте́нїе а҆ка́ѳїста. По в҃-й каѳі́смѣ кондакѝ г҃, и҆ і҆́косы г҃. и҆ па́ки конда́къ а҃-й, и҆ чте́нїе. ѱало́мъ н҃. Канѡ́нъ пра́здника, со і҆рмосо́мъ на ѕ҃: и҆ а҆ка́ѳїста на и҃. Катава́сїа: Ѿве́рзꙋ ᲂу҆ста̀ моѧ̑: ѻ҆́ба ли̑ка вкꙋ́пѣ. Четверопѣ́снецъ же здѣ̀ не пое́мъ: но напре́дъ пое́мъ на повече́рїи. По г҃-й пѣ́сни, кондакѝ г҃, и҆ і҆́косы г҃. и҆ па́ки конда́къ а҃-й: и҆ пото́мъ сѣда́ленъ пра́здника, и҆ чте́нїе пра́здника. По ѕ҃- й пѣ́сни, кондакѝ г҃, и҆ і҆́косы г҃: та́же конда́къ: Ѽ всепѣ́таѧ мт҃и: три́жды. и҆ па́ки і҆́косъ и҆ конда́къ а҃-й и҆ чте́нїе. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́въ пра́здника. та́же і҆рмо́съ: Ꙗ҆́кѡ ѡ҆дꙋшевле́нномꙋ: Свѣти́ленъ пра́здника, два́жды. На хвали́техъ стїхи̑ры трїѡ́ди, на д҃: Сла́ва, и҆ ны́нѣ, пра́здника. Славосло́вїе вели́кое. По трист҃о́мъ тропа́рь пра́здника. Є҆ктєнїѝ, и҆ ѿпꙋ́стъ, и҆ ча́съ а҃-й. На а҃- мъ часѣ̀, тропа́рь пра́здника. По трист҃о́мъ конда́къ пра́здника: и҆ про́чее, и҆ соверше́нный ѿпꙋ́стъ. На лїтꙋргі́и, бл҃же́нна а҆ка́ѳїста, пѣ́снь г҃-ѧ и҆ ѕ҃-ѧ. Прокі́менъ: Вели́читъ дꙋша̀ моѧ̀ гдⷭ҇а: А҆по́столъ днѐ, та́же бцⷣы. А҆ллилꙋ́їа бцⷣы. Є҆ѵⷢ҇лїе днѐ, та́же бцⷣы: За Досто́йно, і҆рмо́съ: Ꙗ҆́кѡ ѡ҆дꙋшевле́нномꙋ бж҃їю кївѡ́тꙋ: Прича́стенъ: Ча́шꙋ сп҃се́нїѧ:

<<сп҃ѕ ѡ҆б.: 572>>

А҆́ще слꙋчи́тсѧ ѿда́нїе бл҃говѣ́щенїѧ прест҃ы́ѧ бцⷣы въ сꙋббѡ́тꙋ ла́заревꙋ, и҆лѝ недѣ́лю ва́їй, и҆лѝ во є҆ди́нъ ѿ дне́й стрⷭ҇тны́ѧ седми́цы, и҆лѝ свѣ́тлыѧ: тогда̀ ѿда́нїѧ бл҃говѣ́щенїѧ нѣ́сть, и҆ пою́тсѧ стїхи̑ры и҆ канѡ́нъ попра́зднства, и҆ а҆рха́гг҃ла на повече́рїи въ мимоше́дшихъ дне́хъ шесты́ѧ недѣ́ли.

к҃з. Ст҃ы́ѧ ма́тере на́шеѧ матрѡ́ны селꙋ́нскїѧ.

А҆ллилꙋ́їа. Стїхи̑ры, гла́съ д҃. Подо́бенъ: Ꙗ҆́кѡ до́блѧ: На стїхо́внѣ трїѡ́ди. На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ є҃.

к҃и. Прпⷣбнагѡ ѻ҆тца̀ на́шегѡ і҆ларїѡ́на но́вагѡ. И҆ прпⷣбнагѡ стефа́на чꙋдотво́рца.

А҆ллилꙋ́їа. Стїхи̑ры і҆ларїѡ́на, гла́съ д҃. Подо́бенъ: Да́лъ є҆сѝ зна́менїе: и҆ стефа́на, гла́съ то́йже. Подо́бенъ: Ꙗ҆́кѡ до́блѧ: На ᲂу҆́трени, канѡ́нъ і҆ларїѡ́на, гла́съ в҃: дрꙋгі́й стефа́на, гла́съ а҃. По г҃-й пѣ́сни, сѣда́ленъ і҆ларїѡ́на, гла́съ д҃. Сла́ва, стефа́на, гла́съ а҃.

к҃ѳ. Прпⷣбнагѡ ѻ҆тца̀ на́шегѡ ма́рка, є҆пⷭ҇кпа а҆реѳꙋсі́йскагѡ, и҆ кѷрі́лла дїа́кона, и҆ и҆ны́хъ, при і҆ꙋлїа́нѣ мꙋчи́телѣ пострада́вшихъ.

А҆ллилꙋ́їа. Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ и҃. По г҃-й пѣ́сни, сѣда́ленъ, гла́съ д҃.

л҃. Прпⷣбнагѡ ѻ҆тца̀ на́шегѡ і҆ѡа́нна списа́телѧ лѣ́ствицы.

Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ ѕ҃: Прпⷣбне ѻ҆́тче, во всю̀ зе́млю: И҆ ны́нѣ, <<сп҃з: 573>> бг҃оро́диченъ: На стїхо́внѣ, Сла́ва, гла́съ и҃: Мона́хѡвъ мно́жєства: И҆ ны́нѣ, бг҃оро́диченъ. А҆́ще сꙋббѡ́та, и҆лѝ недѣ́лѧ, тропа́рь, гла́съ и҃: Сле́зъ твои́хъ тече́ньми: септе́мврїа въ г҃ де́нь. На ᲂу҆́трени, канѡ́нъ, гла́съ и҃. По г҃-й пѣ́сни,

Конда́къ, гла́съ а҃. Подо́бенъ: Ли́къ а҆́гг҃льскїй:

Плоды̀ присноцвѣтꙋ́щыѧ ѿ твоеѧ̀ кни́ги приносѧ̀ ᲂу҆чє́нїѧ премꙋ́дре, ᲂу҆слажда́еши сердца̀, си̑мъ съ трезвѣ́нїемъ вне́млющихъ бл҃же́нне: лѣ́ствица бо є҆́сть, дꙋ́шы возводѧ́щаѧ ѿ землѝ къ нбⷭ҇нѣй и҆ пребыва́ющей сла́вѣ вѣ́рою чтꙋ́щихъ тѧ̀.

Та́же сѣда́ленъ, гла́съ и҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

На высотѣ̀ гдⷭ҇ь воздержа́нїѧ, и҆́стинна тѧ̀ положѝ, ꙗ҆́коже ѕвѣздꙋ̀ неле́стнꙋю, свѣтоводѧ́щꙋю концы̀, наста́вниче і҆ѡа́нне ѻ҆́тче на́шъ.

И҆ і҆́косъ: По ѳ҃-й пѣ́сни, свѣти́ленъ. Сла́ва, и҆ ны́нѣ, бг҃оро́диченъ.

л҃а. Прпⷣбнагѡ и҆ чꙋдотво́рца ѵ҆па́тїа, є҆пⷭ҇кпа га́ггрскагѡ.

А҆ллилꙋ́їа. Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! На ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ а҃.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.