Февраль

Февраль

<<сѕ҃і ѡ҆б.: 432>>

Мѣ́сѧцъ феврꙋа́рїй.

и҆мѣ́ѧй дне́й к҃и.

А҆́ще ли ві́сектосъ, тогда̀ и҆́мать к҃ѳ.

Де́нь и҆́мать часѡ́въ а҃і, и҆ но́щь г҃і.

а҃. Предпра́зднство срѣ́тенїѧ гдⷭ҇а бг҃а, и҆ сп҃са на́шегѡ і҆и҃са хрⷭ҇та̀. И҆ ст҃а́гѡ мч҃нка трѵ́фѡна.

Ве́черъ, ѻ҆бы́чнаѧ каѳі́сма. На Гдⷭ҇и воззва́хъ, стїхи̑ры предпра́зднства г҃, гла́съ д҃. Подо́бенъ: Ꙗ҆́кѡ до́блѧ: И҆ ст҃а́гѡ г҃, гла́съ а҃, Подо́бенъ: Всехва́льнїи мч҃нцы: Сла́ва, гла́съ в҃: Преѡби́дѣлъ є҆сѝ, И҆ ны́нѣ, предпра́зднства, гла́съ то́йже: Дне́сь сѷмеѡ́нъ: А҆́ще въ пѧто́къ ве́чера, Сла́ва, предпра́зднства, И҆ ны́нѣ, догма́тїкъ гла́са. На стїхо́внѣ стїхи̑ры гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, гла́съ то́йже: Сщ҃е́ннаго сщ҃є́ннаѧ: Тропа́рь мч҃нка, гла́съ д҃: Мч҃нкъ тво́й гдⷭ҇и, трѵ́фѡнъ: септе́мврїа во в҃ де́нь.

Сла́ва, и҆ ны́нѣ, предпра́зднства, гла́съ а҃:

Нбⷭ҇ный ли́къ нбⷭ҇ныхъ а҆́гг҃лъ прини́къ на зе́млю, прише́дша зри́тъ ꙗ҆́кѡ млⷣнца носи́ма ко хра́мꙋ перворожде́нна всеѧ̀ тва́ри, ѿ ма́тере неискꙋсомꙋ́жныѧ, предпра́зднственнꙋю ᲂу҆́бѡ съ на́ми пою́тъ пѣ́снь, ра́дꙋющесѧ.

На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, ст҃а́гѡ. И҆ ны́нѣ, предпра́зднства: и҆ ѻ҆бы̑чныѧ каѳі̑смы, и҆ сѣда́ленъ, предпра́зднства, и҆ чте́нїе. <<сз҃і: 433>> Канѡ́нъ предпра́зднства, со і҆рмосо́мъ на и҃: и҆ ст҃а́гѡ на д҃. По г҃-й пѣ́сни,

Конда́къ, мч҃нка, гла́съ и҃. Подо́бенъ: Ꙗ҆́кѡ нача́тки:

Трⷪ҇ческою тве́рдостїю многобо́жїе разрꙋши́лъ є҆сѝ ѿ конє́цъ всесла́вне, че́стенъ во хрⷭ҇тѣ̀ бы́въ, и҆ побѣди́въ мꙋчи́тели во хрⷭ҇тѣ̀ сп҃си́телѣ, вѣне́цъ прїѧ́лъ є҆сѝ мꙋ́ченичества твоегѡ̀, и҆ дарова̑нїѧ бж҃е́ственныхъ и҆сцѣле́нїй, ꙗ҆́кѡ непобѣди́мь.

И҆ сѣда́ленъ, гла́съ д҃. Сла́ва, и҆ ны́нѣ, предпра́зднства. По ѕ҃-й пѣ́сни,

Конда́къ, гла́съ ѕ҃:

Со ѻ҆ц҃е́мъ сло́во сы́й неви́димо, ны́нѣ ᲂу҆́бѡ ви́димь є҆́сть пло́тїю, неизрече́ннѡ ѿ дв҃ы роди́сѧ, и҆ на рꙋкꙋ̀ ста́рчꙋ дае́тсѧ ст҃и́телю: поклони́мсѧ томꙋ̀ и҆́стинномꙋ бг҃ꙋ на́шемꙋ.

И҆ і҆́косъ. Свѣти́ленъ мч҃нка. Сла́ва, и҆ ны́нѣ, предпра́зднства. На стїхо́внѣ стїхи̑ры предпра́зднства, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, и҆ ны́нѣ, гла́съ то́йже: Зижди́тель нб҃сѐ: На а҃-мъ часѣ̀, конда́къ предпра́зднства, и҆ ѿпꙋ́стъ. На лїтꙋргі́и, бл҃жє́нна ѿ канѡ́на предпра́зднства, пѣ́снь г҃-ѧ, и҆ мч҃нка ѕ҃-ѧ. По вхо́дѣ тропа́рь предпра́зднства, и҆ хра́ма ст҃а́гѡ, и҆ мч҃нка: и҆ конда́къ хра́ма. Сла́ва, мч҃нка. И҆ ны́нѣ, предпра́зднства. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ къ ри́млѧнѡмъ, зача́ло ч҃ѳ: Вѣ́мы, ꙗ҆́кѡ лю́бѧщымъ бг҃а: А҆ллилꙋ́їа, гла́съ д҃: Пра́ведникъ ꙗ҆́кѡ фі́нїѯъ процвѣте́тъ: Є҆ѵⷢ҇лїе лꙋкѝ, зача́ло н҃а ѿ полꙋ̀: Сѐ даю̀ ва́мъ вла́сть: Прича́стенъ: Въ па́мѧть вѣ́чнꙋю:

[[комм.]] А҆́ще ли слꙋчи́тсѧ предпра́зднство срѣ́тенїѧ гдⷭ҇нѧ въ недѣ́лю, пре́жде недѣ́ли мытарѧ̀ и҆ фарїсе́а.

Въ сꙋббѡ́тꙋ на ма́лѣй вече́рни, стїхи̑ры воскре́сны, и҆ <<сз҃і ѡ҆б.: 434>> бцⷣы, по ѻ҆бы́чаю. тропа́рь воскрⷭ҇нъ. Сла́ва, и҆ ны́нѣ, бг҃оро́диченъ є҆гѡ̀. На вели́цѣй вече́рни, на Гдⷭ҇и воззва́хъ, стїхи̑ры воскре́сны г҃, и҆ а҆нато́лїевъ є҆ди́нъ: и҆ предпра́зднства г҃: и҆ мч҃нка трѝ. Сла́ва, ст҃а́гѡ. И҆ ны́нѣ, бг҃оро́диченъ настоѧ́щагѡ гла́са. На лїті́и, стїхи́ра хра́ма, та́же стїхи̑ры стїхѡ́вныѧ предпра́зднства вечє́рнїѧ. Сла́ва, предпра́зднства, и҆́же пи́сана на Гдⷭ҇и воззва́хъ. И҆ ны́нѣ, и҆́же пи́сана на ᲂу҆́трени, на стїхо́внѣ. На стїхо́внѣ, стїхи̑ры воскре́сны. Сла́ва, и҆ ны́нѣ, предпра́зднства. На бл҃гослове́нїи хлѣ́бѡвъ тропа́рь: Бцⷣе дв҃о: два́жды. и҆ предпра́зднства є҆ди́ножды. и҆ чте́нїе. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ст҃а́гѡ. И҆ ны́нѣ, предпра́зднства. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи. посе́мъ пое́мъ непоро́чны, ѵ҆пакоѝ, и҆ чте́нїе. Степє́нна гла́са. Та́же, прокі́менъ, и҆ Всѧ́кое дыха́нїе: и҆ Є҆ѵⷢ҇лїе воскрⷭ҇но. Та́же, Воскрⷭ҇нїе хрⷭ҇то́во: и҆ ѱало́мъ н҃: и҆ стїхи́ра воскрⷭ҇на. Канѡ́нъ воскрⷭ҇нъ со і҆рмо́сомъ на д҃: и҆ бцⷣы на два̀, и҆ предпра́зднства на д҃: и҆ мч҃нка на д҃. Катава́сїа пра́здника: Сꙋ́шꙋ глꙋбороди́тельнꙋю зе́млю: По г҃-й пѣ́сни, конда́къ и҆ і҆́косъ предпра́зднства. и҆ сѣда́ленъ ст҃а́гѡ. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ воскрⷭ҇нъ. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, мч҃нка. И҆ ны́нѣ, предпра́зднства. На хвали́техъ стїхи̑ры воскрⷭ҇ны д҃, и҆ а҆нато́лїевъ а҃: и҆ предпра́зднства г҃, стїхѡ́вныѧ, съ припѣ́вы и҆́хъ. Сла́ва, стїхи́ра є҆ѵⷢ҇льскаѧ. И҆ ны́нѣ: Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ, и҆ є҆ктєнїѝ, и҆ ѿпꙋ́стъ, и҆ ѡ҆глаше́нїе: и҆ ѻ҆бы́чное и҆схожде́нїе въ притво́ръ, и҆ ча́съ а҃. На а҃ часѣ̀, тропа́рь воскрⷭ҇нъ. Сла́ва, <<си҃і: 435>> предпра́зднства. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ предпра́зднства, и҆ коне́чный ѿпꙋ́стъ. На г҃-мъ часѣ̀, тропа́рь воскрⷭ҇нъ. Сла́ва, мч҃нка. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ воскрⷭ҇нъ. Та́кожде и҆ на про́чихъ часѣ́хъ глаго́лемъ пре́жде тропа́рь воскрⷭ҇нъ, а҆ предпра́зднства и҆ мч҃нка тропарѝ премѣнѧ́юще глаго́лемъ. Та́кожде и҆ кондакѝ, воскрⷭ҇нъ, и҆ предпра́зднства, премѣнѧ́юще глаго́лемъ. На лїтꙋргі́и, бл҃жє́нна ѻ҆ктѡ́иха, на д҃: и҆ предпра́зднства пѣ́снь г҃, на д҃, и҆ ст҃а́гѡ пѣ́снь ѕ҃, на д҃. По вхо́дѣ тропа́рь воскрⷭ҇нъ, и҆ предпра́зднства: та́же хра́ма ст҃а́гѡ, и҆ мч҃нка. Конда́къ воскрⷭ҇нъ, и҆ хра́ма ст҃а́гѡ. Сла́ва, мч҃нка: И҆ ны́нѣ, предпра́зднства. Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе, пре́жде недѣ́ли, пото́мъ ст҃а́гѡ.

[[комм.]] Подоба́етъ вѣ́дати, а҆́ще слꙋчи́тсѧ предпра́зднство срѣ́тенїѧ гдⷭ҇нѧ въ недѣ́лю фарїсе́евꙋ, и҆лѝ блꙋ́днагѡ, и҆лѝ мѧсопꙋ́стнꙋю.

Въ сꙋббѡ́тꙋ, на ма́лѣй вече́рни, стїхи̑ры воскрⷭ҇ны, и҆ бцⷣы, по ѻ҆бы́чаю. На вели́цѣй вече́рни, стїхи̑ры воскрⷭ҇ны г҃, и҆ а҆нато́лїевъ а҃, и҆ трїѡ́ди г҃, и҆ предпра́зднства, г҃. А҆́ще ли недѣ́лѧ мѧсопꙋ́стнаѧ: и҆ пое́мъ стїхи̑ры воскрⷭ҇ны г҃, и҆ трїѡ́ди д҃, и҆ предпра́зднства г҃. Сла́ва, трїѡ́ди: И҆ ны́нѣ, бг҃оро́диченъ а҃-й гла́са. На лїті́и стїхи́ра хра́ма, и҆ предпра́зднства стїхѡ́вны вечє́рнїѧ. Сла́ва, трїѡ́ди: И҆ ны́нѣ, предпра́зднства, стїхѡ́вны ᲂу҆́трєннїѧ. На стїхо́внѣ стїхи̑ры воскрⷭ҇ны. Сла́ва, трїѡ́ди. И҆ ны́нѣ, предпра́зднства. На бл҃гослове́нїи хлѣ́бѡвъ тропа́рь, Бцⷣе дв҃о: два́жды, и҆ предпра́зднства, є҆ди́ножды: и҆ Бꙋ́ди и҆́мѧ гдⷭ҇не: три́жды. и҆ чте́нїе. [зрѝ] [А҆ и҆дѣ́же нѣ́сть бдѣ́нїѧ, по Ны́нѣ ѿпꙋща́еши: тропа́рь воскрⷭ҇нъ, Сла́ва, и҆ ны́нѣ, <<си҃і ѡ҆б.: 436>> предпра́зднства. На повече́рїи, по Ѻ҆́ч҃е на́шъ: конда́къ предпра́зднства. Сла́ва, и҆ ны́нѣ, трїѡ́ди.] На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, предпра́зднства: и҆ прѡ́чаѧ и҆ до канѡ́на воскрⷭ҇но. Канѡ́нъ воскрⷭ҇нъ, со і҆рмосо́мъ на д҃: и҆ бцⷣы на в҃: и҆ предпра́зднства на д҃: и҆ трїѡ́ди на д҃. Катава́сїа пра́здника. [зрѝ] [А҆́ще ли недѣ́лѧ мѧсопꙋ́стнаѧ. Канѡ́нъ воскрⷭ҇нъ, на д҃: и҆ предпра́зднства, на д҃: и҆ трїѡ́ди, на ѕ҃. Катава́сїа трїѡ́ди.] По г҃-й пѣ́сни конда́къ и҆ і҆́косъ предпра́зднства: и҆ сѣда́ленъ трїѡ́ди, два́жды. Сла́ва, и҆ ны́нѣ, предпра́зднства. По ѕ҃-й пѣ́сни конда́къ и҆ і҆́косъ трїѡ́ди. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ: Сла́ва, трїѡ́ди: И҆ ны́нѣ, предпра́зднства. На хвали́техъ стїхи̑ры воскрⷭ҇ны д҃, и҆ а҆нато́лїевъ а҃, и҆ трїѡ́ди трѝ, съ припѣ́вы и҆́хъ. [зрѝ] [А҆́ще ли недѣ́лѧ мѧсопꙋ́стнаѧ. Пое́мъ стїхи̑ры воскрⷭ҇ны д҃: и҆ трїѡ́ди съ припѣ́вы и҆́хъ д҃.] Сла́ва, трїѡ́ди. И҆ ны́нѣ: Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ. є҆ктєнїѝ, и҆ ѿпꙋ́стъ. Та́же, Сла́ва, и҆ ны́нѣ, стїхи́ра є҆ѵⷢ҇льскаѧ: и҆ ча́съ а҃-й въ притво́рѣ. На часѣ́хъ, тропа́рь воскрⷭ҇нъ. Сла́ва, предпра́зднства, И҆ ны́нѣ, бг҃оро́диченъ часѡ́въ. По трист҃о́мъ конда́къ предпра́зднства, и҆ трїѡ́ди, премѣнѧ́юще глаго́лемъ. На лїтꙋргі́и, бл҃жє́нна гла́са, на д҃: и҆ трїѡ́ди пѣ́снь г҃, на д҃: и҆ предпра́зднства ѕ҃, на д҃. По вхо́дѣ тропа́рь воскрⷭ҇нъ, и҆ предпра́зднства. Сла́ва, конда́къ трїѡ́ди. И҆ ны́нѣ, предпра́зднства. Прокі́менъ гла́са. А҆по́столъ, є҆ѵⷢ҇лїе, и҆ прича́стенъ днѐ. [зрѝ] [А҆́ще ли недѣ́лѧ мѧсопꙋ́стнаѧ. Прокі́менъ трїѡ́ди. Прича́стенъ днѐ, и҆ трїѡ́ди.]

Ст҃а́гѡ же трѵ́фѡна слꙋ́жбꙋ пое́мъ, є҆гда̀ настоѧ́тель разсꙋ́дитъ.

<<сѳ҃і: 437>>

[[комм.]] А҆́ще слꙋчи́тсѧ предпра́зднство срѣ́тенїѧ гдⷭ҇нѧ въ сꙋббѡ́тꙋ мѧсопꙋ́стнꙋю:

Тогда̀ пое́мъ слꙋ́жбꙋ предпра́зднства срѣ́тенїѧ гдⷭ҇нѧ пре́жде въ пѧто́къ тоѧ̀ недѣ́ли, со ст҃ы́мъ кѵ́ромъ и҆ і҆ѡа́нномъ и҆ трѵ́фѡномъ вкꙋ́пѣ. Стїхи̑ры предпра́зднства г҃, и҆ безме́здникѡвъ г҃. Сла́ва, безме́здникѡвъ. И҆ ны́нѣ, предпра́зднства. На стїхо́внѣ предпра́зднства. Сла́ва, безме́здникѡвъ. И҆ ны́нѣ, предпра́зднства. На ᲂу҆́трени, по каѳі́смахъ, сѣда́льны предпра́зднства. Канѡ́нъ предпра́зднства, со і҆рмосо́мъ на ѕ҃: и҆ ст҃ы́хъ на и҃: трѵ́фѡна на д҃: и҆ безме́здникѡвъ на д҃. На хвали́техъ стїхи̑ры трѵ́фѡна на д҃. Сла́ва, є҆гѡ́ же. И҆ ны́нѣ, предпра́зднства. На стїхо́внѣ предпра́зднства, и҆ про́чее. Слꙋ́жбꙋ же ѡ҆ ᲂу҆со́пшихъ пое́мъ на рѧдꙋ̀ по ѻ҆бы́чаю, въ сꙋббѡ́тꙋ мѧсопꙋ́стнꙋю, ꙗ҆́коже и҆ всегда̀.

[[комм.]] А҆́ще слꙋчи́тсѧ предпра́зднство срѣ́тенїѧ гдⷭ҇нѧ въ понедѣ́льникъ, и҆лѝ во вто́рникъ, и҆лѝ четверто́къ сы́рныѧ недѣ́ли.

Стїхи̑ры предпра́зднства г҃: и҆ ст҃а́гѡ г҃. Сла́ва, ст҃а́гѡ. И҆ ны́нѣ, предпра́зднства. На стїхо́внѣ трїѡ́ди, самогла́сенъ днѐ, два́жды, и҆ мч҃нченъ. Сла́ва, и҆ ны́нѣ, предпра́зднства. По трист҃о́мъ тропа́рь ст҃а́гѡ. Сла́ва, и҆ ны́нѣ, предпра́зднства. [зрѝ] На повече́рїи, по Досто́йно, конда́къ предпра́зднства. На ᲂу҆́трени, на Бг҃ъ гдⷭ҇ь тропа́рь предпра́зднства, два́жды. Сла́ва, ст҃а́гѡ. И҆ ны́нѣ, предпра́зднства. По а҃-й каѳі́смѣ є҆ктенїа̀, и҆ сѣда́ленъ предпра́зднства. По в҃-й каѳі́смѣ сѣда́ленъ трїѡ́ди, без̾ є҆ктенїѝ. Канѡ́нъ предпра́зднства со і҆рмосо́мъ на и҃: и҆ ст҃а́гѡ на д҃. [зрѝ] А҆ и҆дѣ́же приспѣ́етъ трипѣ́снецъ: и҆ пое́мъ канѡ́нъ предпра́зднства, со і҆рмосо́мъ на д҃: и҆ ст҃а́гѡ трѝ стїха̀ на в҃: и҆ трїѡ́ди на и҃. Катава́сїа трїѡ́ди. <<сѳ҃і ѡ҆б.: 438>> По г҃-й пѣ́сни, конда́къ и҆ і҆́косъ. и҆ сѣда́ленъ ст҃а́гѡ. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ предпра́зднства. По ѳ҃-й пѣ́сни, свѣти́ленъ ст҃а́гѡ. Сла́ва, и҆ ны́нѣ, предпра́зднства. На стїхо́внѣ, трїѡ́ди самогла́сенъ. два́жды, и҆ мч҃нченъ. Сла́ва, и҆ ны́нѣ, предпра́зднства. По Бл҃го є҆́сть, и҆ по трист҃о́мъ, тропа́рь ст҃а́гѡ. Сла́ва, и҆ ны́нѣ, предпра́зднства. На часѣ́хъ, тропа́рь предпра́зднства. Сла́ва, ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ конда́къ предпра́зднства. На лїтꙋргі́и, бл҃жє́нна ѿ канѡ́на предпра́зднства, пѣ́снь г҃-ѧ, и҆ ст҃а́гѡ, ѕ҃-ѧ. По вхо́дѣ тропа́рь предпра́зднства, и҆ хра́ма ст҃а́гѡ, и҆ мч҃нка. Та́же конда́къ хра́ма ст҃а́гѡ. Сла́ва, мч҃нка. И҆ ны́нѣ, предпра́зднства. Прокі́менъ, а҆по́столъ, є҆ѵⷢ҇лїе и҆ прича́стенъ днѐ, и҆ ст҃а́гѡ.

[[комм.]] Подоба́етъ вѣ́дати, а҆́ще слꙋчи́тсѧ предпра́зднство срѣ́тенїѧ гдⷭ҇нѧ въ сре́дꙋ, и҆лѝ пѧто́къ сыропꙋ́стныѧ недѣ́ли.

Во вто́рникъ ве́чера, стїхи̑ры предпра́зднства г҃: и҆ ст҃а́гѡ г҃. Сла́ва, ст҃а́гѡ. И҆ ны́нѣ, предпра́зднства. На стїхо́внѣ трїѡ́ди, самогла́сенъ днѐ, два́жды, и҆ мч҃нченъ, съ припѣ́вы ѻ҆бы́чными. Сла́ва, и҆ ны́нѣ, предпра́зднства. По трист҃о́мъ тропа́рь ст҃а́гѡ. Сла́ва, и҆ ны́нѣ, предпра́зднства. Є҆ктенїа̀, и҆ покло́ны г҃ вели̑кїѧ, и҆ ѿпꙋ́стъ. Повече́рїе же пое́мъ вели́кое, ѿ Внегда̀ призва́ти мѝ: на не́мже пое́мъ трипѣ́снецъ ᲂу҆́треннїй трїѡ́ди, пе́рвый. По трист҃о́мъ конда́къ предпра́зднства, и҆ г҃ покло́ны вели̑кїѧ, и҆ мл҃тва, и҆ ѻ҆бы́чный ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь предпра́зднства, два́жды. Сла́ва, ст҃а́гѡ. И҆ ны́нѣ, предпра́зднства. По а҃-й каѳі́смѣ, сѣда́ленъ предпра́зднства. По в҃-й каѳі́смѣ, сѣда́ленъ трїѡ́ди, два́жды. Сла́ва, и҆ ны́нѣ, крⷭ҇тобг҃оро́диченъ без̾ <<с҃к: 439>> є҆ктенїѝ. Канѡ́нъ предпра́зднства со і҆рмосо́мъ на ѕ҃: и҆ ст҃а́гѡ на д҃: и҆ трїѡ́ди на д҃. [зрѝ] Є҆гда́ же прїи́детъ трипѣ́снецъ пое́мъ канѡ́нъ предпра́зднства, со і҆рмосо́мъ на д҃: и҆ ст҃а́гѡ трѝ стїха̀ на два̀: и҆ трїѡ́ди на и҃. Настоѧ́щагѡ канѡ́на рѧдова́ѧ пѣ́снь на д҃: и҆ втора́гѡ трипѣ́снца на д҃, пе́рвый же трипѣ́снецъ предпѣ́тъ на повече́рїи. По г҃-й пѣ́сни, конда́къ ст҃а́гѡ, и҆ сѣда́ленъ є҆гѡ̀. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ предпра́зднства. По ѳ҃-й пѣ́сни, свѣти́ленъ ст҃а́гѡ. Сла́ва, и҆ ны́нѣ, предпра́зднства. На стїхо́внѣ самогла́сенъ трїѡ́ди, два́жды: и҆ мч҃нченъ. Сла́ва, и҆ ны́нѣ, предпра́зднства. Є҆ктенїа̀, и҆ покло́ны г҃ вели̑кїѧ, и҆ ча́съ а҃-й. На а҃-мъ часѣ̀, тропа́рь предпра́зднства. Сла́ва, ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ конда́къ предпра́зднства. По Чⷭ҇тнѣ́йшꙋю, покло́ны г҃ вели̑кїѧ: и҆ ѿпꙋ́стъ, и҆ по ѿпꙋ́стѣ лїті́а. Та́кожде и҆ на про́чихъ часѣ́хъ тропа́рь предпра́зднства, и҆ ст҃а́гѡ. На ѕ҃-мъ часѣ̀, ѻ҆бы́чный тропа́рь, и҆ чте́нїе. По трист҃о́мъ конда́къ предпра́зднства: и҆ по ко́емждо часѣ̀, по трѝ покло́ны вели̑кїѧ. Вече́рнѧ же пра́здника быва́етъ во своѐ вре́мѧ. [зрѝ] Си́це пое́мъ слꙋ́жбꙋ предпра́зднства, а҆́ще слꙋчи́тсѧ и҆ въ пѧто́къ ве́чера и҆ ᲂу҆́тра неизмѣ́ннѡ. На повече́рїи, трипѣ́снецъ ᲂу҆́треннїй, пе́рвый, гла́са ѕ҃- гѡ. І҆рмо́съ: Бж҃їимъ свѣ́томъ твои́мъ бл҃же:

А҆́ще слꙋчи́тсѧ предпра́зднство срѣ́тенїѧ гдⷭ҇нѧ въ сꙋббѡ́тꙋ сыропꙋ́стнꙋю.

Ве́черъ, каѳі́сма рѧдова́ѧ. На Гдⷭ҇и воззва́хъ, стїхи̑ры на ѕ҃: предпра́зднства, г҃, и҆ ѻ҆ц҃є́въ, трїѡ́ди, г҃. Сла́ва, ѻ҆тцє́въ: И҆ ны́нѣ, бг҃оро́диченъ а҃-й гла́са. Вхо́дъ, прокі́менъ днѐ, и҆ чте́нїе трїѡ́ди, и҆ прокі́менъ: Да ᲂу҆пова́етъ <<с҃к ѡ҆б.: 440>> і҆и҃ль на гдⷭ҇а: На стїхо́внѣ трїѡ́ди, самогла́сенъ два́жды: и҆ мч҃нченъ. Сла́ва, ѻ҆тцє́въ: И҆ ны́нѣ, предпра́зднства. По Ны́нѣ ѿпꙋща́еши: и҆ по трист҃о́мъ, тропа́рь ѻ҆тцє́въ. Сла́ва, и҆ ны́нѣ предпра́зднства, є҆ктенїа̀, и҆ ѿпꙋ́стъ. [зрѝ] На повече́рїи, по Досто́йно, и҆ по трист҃о́мъ, конда́къ ѻ҆тцє́въ. Сла́ва, и҆ ны́нѣ, предпра́зднства. На ᲂу҆́трени, на Бг҃ъ гдⷭ҇ь, тропа́рь предпра́зднства два́жды. Сла́ва, ѻ҆тцє́въ: И҆ ны́нѣ, предпра́зднства. По каѳі́смахъ сѣда́льны ѻ҆́ба ѻ҆тцє́въ. И҆ ны́нѣ, предпра́зднства. Канѡ́нъ предпра́зднства, со і҆рмосо́мъ на ѕ҃: і҆рмо́съ по два́жды, и҆ ѻ҆тцє́въ на и҃. Катава́сїа, і҆рмо́съ трїѡ́ди: Пѣ́снь возсле́мъ: Вторы́ѧ же пѣ́сни і҆рмо́съ трїѡ́ди, пое́мъ є҆ди́ножды: послѣдѝ покрыва́емъ тѣ́мже і҆рмосо́мъ. По г҃-й пѣ́сни: конда́къ и҆ і҆́косъ предпра́зднства, и҆ сѣда́ленъ ѻ҆тцє́въ. Сла́ва, и҆ ны́нѣ, предпра́зднства. По ѕ҃-й пѣ́сни, конда́къ и҆ і҆́косъ ѻ҆тцє́въ. Свѣти́ленъ ѻ҆тцє́въ. Сла́ва, и҆ ны́нѣ, предпра́зднства. На хвали́техъ стїхи̑ры ѻ҆тцє́въ, на д҃. Сла́ва, ѻ҆тцє́въ. И҆ ны́нѣ, предпра́зднства. Славосло́вїе вели́кое: и҆ про́чее ᲂу҆́трени. На часѣ́хъ, тропа́рь предпра́зднства. Сла́ва, ѻ҆тцє́въ. И҆ ны́нѣ, бг҃оро́диченъ часѡ́въ. Кондаки́ же предпра́зднства, и҆ ѻ҆тцє́въ, глаго́лемъ премѣнѧ́юще. На лїтꙋргі́и, бл҃жє́нна предпра́зднства, пѣ́снь г҃-ѧ на д҃: и҆ ѻ҆тцє́въ ѕ҃-ѧ на д҃. По вхо́дѣ тропа́рь предпра́зднства, и҆ ѻ҆тцє́въ. Сла́ва, конда́къ ѻ҆тцє́въ. И҆ ны́нѣ, предпра́зднства. и҆ про́чаѧ всѧ̀ слꙋ́жба днѐ, и҆ ѻ҆тцє́въ. Мч҃нка же трѵ́фѡна слꙋ́жба пое́тсѧ на повече́рїи, и҆лѝ є҆гда̀ настоѧ́тель разсꙋ́дитъ.

<<ск҃а: 441>>

в҃. Срѣ́тенїе гдⷭ҇а бг҃а и҆ сп҃са на́шегѡ і҆и҃са хрⷭ҇та̀.

Твори́мъ бдѣ́нїе.

На ма́лѣй вече́рни, стїхи̑ры пра́здника, на д҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, и҆ ны́нѣ: Дне́сь сщ҃е́ннаѧ мт҃и: На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ: а҃-й, Ны́нѣ ѿпꙋща́еши: в҃-й, Свѣ́тъ во ѿкрове́нїе ꙗ҆зы́кѡвъ: Сла́ва, и҆ ны́нѣ, гла́съ и҆ подо́бенъ то́йже.

Тропа́рь, гла́съ а҃:

Ра́дꙋйсѧ бл҃года́тнаѧ бцⷣе дв҃о: и҆з̾ тебе́ бо возсїѧ̀ сл҃нце пра́вды хрⷭ҇то́съ бг҃ъ на́шъ, просвѣща́ѧй сꙋ́щыѧ во тьмѣ̀. весели́сѧ и҆ ты̀, ста́рче пра́ведный, прїе́мый во ѡ҆б̾ѧ́тїѧ свободи́телѧ дꙋ́шъ на́шихъ, да́рꙋющаго на́мъ воскрⷭ҇нїе.

Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по предначина́тельномъ ѱалмѣ̀ пое́мъ, Бл҃же́нъ мꙋ́жъ, а҃- й и҆ а҆нтїфѡ́нъ. На Гдⷭ҇и воззва́хъ, пое́мъ стїхи̑ры на и҃, самогла́сны, гла́съ а҃: Глаго́ли сѷмеѡ́не: Сла́ва, и҆ ны́нѣ, гла́съ ѕ҃: Да ѿве́рзетсѧ две́рь нбⷭ҇наѧ: Вхо́дъ, прокі́менъ днѐ, и҆ чтє́нїѧ трѝ. а҃-е, И҆схо́да: Глаго́ла гдⷭ҇ь къ мѡѷсе́ю въ де́нь ѻ҆́нъ: в҃-е, Прⷪ҇ро́чества и҆са́їина: Бы́сть въ лѣ́то, въ не́же ᲂу҆́мре ѻ҆зі́а ца́рь: г҃-е, Прⷪ҇ро́чества и҆са́їина: Сѐ гдⷭ҇ь сѣди́тъ на ѻ҆́блацѣ: На лїті́и стїхи̑ры самогла́сны, гла́съ а҃: Ве́тхїй де́ньми: Сла́ва, гла́съ є҃: И҆спыта́йте писа̑нїѧ: И҆ ны́нѣ, гла́съ то́йже: Ве́тхїй де́ньми: На стїхо́внѣ стїхи̑ры, гла́съ з҃: Оу҆красѝ тво́й черто́гъ: съ припѣ́вы и҆́хъ. Сла́ва, и҆ ны́нѣ, гла́съ и҃: И҆́же херꙋві́мѣхъ носи́мый: На бл҃гослове́нїи хлѣ́бѡвъ, тропа́рь, гла́съ а҃: Ра́дꙋйсѧ бл҃года́тнаѧ бцⷣе дв҃о: три́жды, пи́санъ <<ск҃а ѡ҆б.: 442>> на ма́лѣй вече́рни. И҆ чте́нїе пра́здника. [зрѝ] [А҆́ще же нѣ́сть бдѣ́нїѧ, по Ны́нѣ ѿпꙋща́еши, тропа́рь пра́здника, и҆ ѿпꙋ́стъ. На повече́рїи, глаго́лемъ по досто́йно конда́къ пра́здника. Полꙋ́нощницꙋ пое́мъ по ѻ҆бы́чаю съ каѳі́смою. По а҃-мъ трист҃о́мъ глаго́лемъ, вмѣ́стѡ, Сѐ жени́хъ: тропа́рь пра́здника. По в҃-мъ трист҃о́мъ вмѣ́стѡ, Помѧнѝ гдⷭ҇и ꙗ҆́кѡ бл҃гъ: глаго́лемъ конда́къ пра́здника. Та́же, Гдⷭ҇и поми́лꙋй, в҃і: И҆ ѿпꙋ́стъ. Мл҃твы же, Помѧнѝ гдⷭ҇и въ наде́жди: не глаго́лемъ.] На ᲂу҆́трени, на Бг҃ъ гдⷭ҇ь, тропа́рь пра́здника, три́жды. И҆ ѻ҆бы̑чныѧ каѳі̑смы: и҆ сѣда́льны пра́здника: И҆ чте́нїе во є҆ѵⷢ҇лїи. И҆ даю́тсѧ свѣщы̀ бра́тїѧмъ. И҆ пое́мъ полѷеле́й пра́здника: и҆ сѣда́ленъ пра́здника, гла́съ д҃. Сла́ва, и҆ ны́нѣ, то́йже. И҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Помѧнꙋ̀ и҆́мѧ твоѐ во всѧ́комъ ро́дѣ и҆ ро́дѣ. Сті́хъ: Ѿры́гнꙋ се́рдце моѐ сло́во бла́го: Всѧ́кое дыха́нїе: Є҆ѵⷢ҇лїе лꙋкѝ, зача́ло и҃: Бѣ̀ человѣ́къ во і҆ерꙋсали́мѣ: и҆ ѱало́мъ н҃. Стїхи́ра самогла́сна, гла́съ ѕ҃: Да ѿве́рзетсѧ две́рь нбⷭ҇наѧ: Канѡ́нъ пра́здника, гла́съ г҃: творе́нїе кѵ́ръ космы̀: і҆рмосы̀ по два́жды: тропарѝ на в҃і. Катава́сїа пра́здника: і҆рмо́съ ѻ҆́ба ли̑ка вкꙋ́пѣ. По г҃-й пѣ́сни, сѣда́ленъ пра́здника, гла́съ д҃. Подо́бенъ: Оу҆диви́сѧ: Сла́ва, и҆ ны́нѣ: то́йже. По ѕ҃-й пѣ́сни,

Конда́къ, гла́съ а҃:

Оу҆тро́бꙋ дв҃и́чꙋ ѡ҆ст҃и́вый ржⷭ҇тво́мъ твои́мъ, и҆ рꙋ́цѣ сѷмеѡ́нѣ бл҃гослови́вый, ꙗ҆́коже подоба́ше, предвари́въ, и҆ ны́нѣ сп҃слъ є҆сѝ на́съ хрⷭ҇тѐ бж҃е: но ᲂу҆мирѝ во бранѣ́хъ жи́тельство, и҆ ᲂу҆крѣпѝ і҆мпера́тора, є҆го́же возлюби́лъ є҆сѝ, є҆ди́не человѣколю́бче.

И҆ і҆́косъ, и҆ чте́мъ про́логъ. На ѳ҃-й пѣ́сни, Чⷭ҇тнѣ́йшꙋю не пое́мъ: но пое́мъ припѣ́вы пра́здника. И҆ па́ки <<ск҃в: 443>> вжига́ютъ свѣщы̀ бра́тїѧ. и҆ і҆рмо́съ послѣдѝ: Въ зако́нѣ сѣ́ни: Свѣти́ленъ пра́здника, три́жды. На хвали́техъ стїхи̑ры пра́здника на д҃, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, гла́съ ѕ҃: На рꙋка́хъ ста́рческихъ: Славосло́вїе вели́кое. По трист҃о́мъ тропа́рь пра́здника: є҆ктєнїѝ, и҆ ѿпꙋ́стъ: и҆ ча́съ а҃-й. На а҃-мъ часѣ̀, тропа́рь пра́здника. По Ѻ҆́ч҃е на́шъ: конда́къ пра́здника: и҆ прѡ́чаѧ. и҆ соверше́нный ѿпꙋ́стъ. [Ѡ҆ часѣ́ же в҃-мъ днѐ и҆схо́димъ съ лїті́ею внѣ̀ монастырѧ̀, пою́ще стїхи̑ры пра́здника, и҆ канѡ́нъ: и҆ возвра́щшесѧ пое́мъ часы̀ и҆ лїтꙋргі́ю.] На лїтꙋргі́и, бл҃жє́нна пра́здника, ѿ канѡ́на пѣ́снь г҃-ѧ, и҆ ѕ҃-ѧ. Вхо́дъ: Сказа̀ гдⷭ҇ь сп҃се́нїе своѐ, пред̾ ꙗ҆зы́ки ѿкры̀ пра́вдꙋ свою̀. Та́же тропа́рь пра́здника: Сла́ва, и҆ ны́нѣ, конда́къ пра́здника. Прокі́менъ, пѣ́снь бцⷣы, гла́съ г҃: Вели́читъ дꙋша̀ моѧ̀ гдⷭ҇а: Сті́хъ: Ꙗ҆́кѡ призрѣ̀ на смире́нїе рабы̀ своеѧ̀: А҆по́столъ ко є҆вре́ємъ, зача́ло тѕ҃і: Без̾ всѧ́кагѡ прекосло́вїѧ: А҆ллилꙋ́їа, гла́съ и҃: Ны́нѣ ѿпꙋща́еши раба̀ твоегѡ̀ влⷣко: Сті́хъ: Свѣ́тъ во ѿкрове́нїе ꙗ҆зы́кѡвъ: Є҆ѵⷢ҇лїе лꙋкѝ, зача́ло з҃: Вознесо́ста роди́телѧ ѻ҆троча̀ і҆и҃са: Прича́стенъ: Ча́шꙋ сп҃се́нїѧ:

[[комм.]] Вѣ́домо бꙋ́ди, ꙗ҆́кѡ а҆́ще слꙋчи́тсѧ пра́здникъ срѣ́тенїѧ гдⷭ҇нѧ въ недѣ́лю, пре́жде недѣ́ли мытарѧ̀ и҆ фарїсе́а.

Въ сꙋббѡ́тꙋ на ма́лѣй вече́рни, на Гдⷭ҇и воззва́хъ, стїхи̑ры воскре́сны гла́са на д҃. Сла́ва, и҆ ны́нѣ, пра́здника. На стїхо́внѣ стїхи́ра воскрⷭ҇на є҆ди́на: и҆ пра́здника стїхо́вна вели́кїѧ вече́рни, съ припѣ́вы пра́здника. Сла́ва, и҆ ны́нѣ, пра́здника. Тропа́рь воскрⷭ҇нъ, Сла́ва, и҆ ны́нѣ, пра́здника. є҆ктенїа̀ ма́лаѧ: и҆ ѿпꙋ́стъ. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃: и҆ а҆нато́лїевъ а҃: И҆ пра́здника ѕ҃. Сла́ва, и҆ ны́нѣ, пра́здника. <<ск҃в ѡ҆б.: 444>> Вхо́дъ, прокі́менъ днѐ: И҆ чтє́нїѧ пра́здника трѝ. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, и҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника три́жды. и҆ Бꙋ́ди и҆́мѧ гдⷭ҇не: и҆ чте́нїе пра́здника. [зрѝ] [А҆ и҆дѣ́же нѣ́сть бдѣ́нїѧ, по Ны́нѣ ѿпꙋща́еши, и҆ по трист҃о́мъ, тропа́рь воскрⷭ҇нъ. Сла́ва, и҆ ны́нѣ, пра́здника. На повече́рїи, по Досто́йно и҆ по трист҃о́мъ, конда́къ воскрⷭ҇нъ. Сла́ва, и҆ ны́нѣ, пра́здника. Полꙋ́нощницꙋ же пое́мъ по ѻ҆бы́чаю съ канѡ́номъ тро́ичнымъ.] На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́здника. По ѻ҆бы́чныхъ каѳі́смахъ сѣда́льны воскрⷭ҇ны съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ. Та́же полѷеле́й, и҆ тропарѝ: А҆́гг҃льскїй собо́ръ: И҆ сѣда́льны пра́здника ѻ҆́ба по є҆ди́ножды Сла́ва, и҆ ны́нѣ, сѣда́ленъ, и҆́же по полѷеле́и. И҆ чте́нїе пра́здника. Степє́нна гла́са. Прокі́менъ, и҆ є҆ѵⷢ҇лїе пра́здника. Та́же, Воскрⷭ҇нїе хрⷭ҇то́во: и҆ ѱало́мъ н҃. И҆ цѣлова́нїе є҆ѵⷢ҇лїа по ѻ҆бы́чаю: И҆ стїхи́ра пра́здника. Канѡ́нъ воскрⷭ҇нъ со і҆рмосо́мъ на д҃: и҆ бцⷣы на два̀: и҆ пра́здника на и҃. Катава́сїа пра́здника. По г҃-й пѣ́сни, конда́къ и҆ і҆́косъ воскрⷭ҇нъ: и҆ сѣда́ленъ пра́здника є҆ди́ножды. Сла́ва, и҆ ны́нѣ, то́йже. По ѕ҃-й пѣ́сни, конда́къ и҆ і҆́косъ пра́здника: И҆ чте́мъ про́логъ. На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны д҃: И҆ пра́здника д҃, со стїхѝ пра́здничными. Сла́ва, пра́здника. И҆ ны́нѣ: Пребл҃гослове́нна є҆сѝ: Та́же, славосло́вїе вели́кое. Тропа́рь воскрⷭ҇нъ то́чїю. є҆ктєнїѝ, и҆ ѿпꙋ́стъ. Та́же, стїхи́ра є҆ѵⷢ҇льскаѧ, и҆ ѡ҆глаше́нїе, и҆ ѻ҆бы́чное и҆схожде́нїе, и҆ ча́съ а҃-й въ притво́рѣ. На часѣ́хъ, тропа́рь воскрⷭ҇нъ. <<ск҃г: 445>> Сла́ва, пра́здника. И҆ ны́нѣ, бг҃оро́диченъ. На всѣ́хъ часѣ́хъ, конда́къ воскрⷭ҇нъ, и҆ пра́здника, глаго́лемъ премѣнѧ́юще: На лїтꙋргі́и, бл҃жє́нна воскрⷭ҇на гла́са, на ѕ҃: и҆ пра́здника, пѣ́снь г҃, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, и҆ є҆ѵⷢ҇лїе чте́мъ пре́жде недѣ́ли гла́са, та́же пра́здника: Прича́стенъ: Хвали́те гдⷭ҇а съ нб҃съ: и҆ пра́здника.

[[комм.]] Подоба́етъ вѣ́дати, а҆́ще слꙋчи́тсѧ пра́здникъ срѣ́тенїѧ гдⷭ҇нѧ въ недѣ́лю мытарѧ̀ и҆ фарїсе́а, и҆лѝ блꙋ́днагѡ, и҆лѝ мѧсопꙋ́стнꙋю, и҆лѝ сыропꙋ́стнꙋю.

Въ сꙋббѡ́тꙋ, на ма́лѣй вече́рни, стїхи̑ры воскрⷭ҇ны гла́са на д҃. Сла́ва, и҆ ны́нѣ, пра́здника. На стїхо́внѣ стїхи́ра воскрⷭ҇на є҆ди́на: и҆ пра́здника стїхо́вна вели́кїѧ вече́рни, съ припѣ́вы и҆́хъ. Сла́ва, и҆ ны́нѣ, пра́здника: Тропа́рь, воскрⷭ҇нъ. Сла́ва, и҆ ны́нѣ пра́здника: и҆ ѿпꙋ́стъ. На вели́цѣй вече́рни, пое́мъ, Бл҃же́нъ мꙋ́жъ, каѳі́смꙋ всю̀. На Гдⷭ҇и воззва́хъ, стїхи̑ры воскрⷭ҇ны гла́са, г҃: и҆ трїѡ́ди г҃: и҆ пра́здника д҃. [А҆́ще ли недѣ́лѧ мѧсопꙋ́стнаѧ: Воскрⷭ҇ны г҃: и҆ трїѡ́ди д҃: и҆ пра́здника г҃.] Сла́ва, трїѡ́ди. И҆ ны́нѣ, пра́здника. Вхо́дъ, чтє́нїѧ пра́здника г҃. На лїті́и стїхи̑ры пра́здника, гла́съ а҃: Ве́тхїй де́ньми: и҆ про́чихъ двѣ̀. Та́же въ трїѡ́ди хвали́тныхъ два̀ стїха̀.

[зрѝ] А҆́ще недѣ́лѧ фарїсе́ева, а҃-й сті́хъ, гла́съ г҃: Фарїсе́а велехва́льный: в҃-й, гла́съ и҃: Ѿ дѣ́лъ похвале́ньми:

[зрѝ] А҆́ще є҆́сть недѣ́лѧ блꙋ́днагѡ: По стїхи́рахъ пра́здника пое́мъ въ лїті́и, трїѡ́ди г҃ стїха̀ хвали́тныхъ: а҃-й сті́хъ, гла́съ в҃: Блꙋ́днагѡ гла́съ: в҃-й, гла́съ и҃: И҆жди́хъ блꙋ́днѡ: г҃-й, гла́съ ѕ҃: Ѻ҆́ч҃е бл҃гі́й:

<<ск҃г ѡ҆б.: 446>>

[зрѝ] А҆́ще ли недѣ́лѧ мѧсопꙋ́стнаѧ: И҆ по стїхи́рахъ пра́здника пое́мъ в҃ стїха̀ хвали́тныхъ: а҃-й, гла́съ ѕ҃: Помышлѧ́ю де́нь ѻ҆́нъ: в҃-й, Ѽ каковы́й ча́съ тогда̀:

[зрѝ] А҆́ще ли недѣ́лѧ сыропꙋ́стнаѧ: И҆ пое́мъ въ лїті́и трїѡ́ди хвали́тныхъ, два́ же стїха̀, а҃-й сті́хъ, гла́съ є҃: Оу҆вы̀ мнѣ̀: в҃-й, По́прище добродѣ́телей: Сла́вꙋ же пое́мъ во всѣ̀ тѣ̀ недѣ̑ли, фарїсе́евꙋ, и҆ блꙋ́днагѡ, и҆ мѧсопꙋ́стнꙋю, и҆ сыропꙋ́стнꙋю, въ трїѡ́ди, ꙗ҆́же пи́сана на лїті́и. И҆ ны́нѣ, пра́здника. [зрѝ] [Тогѡ̀ ра́ди вчини́сѧ пѣ́тисѧ трїѡ́ди хвали̑тнымъ стїха́мъ въ лїті́ю на вече́рни, за є҆́же не ѡ҆ста́вити трїѡ́днагѡ стїха̀ ни є҆ди́нагѡ, є҆́же є҆мꙋ̀ не пѣ́тисѧ.] На стїхо́внѣ, стїхи̑ры воскрⷭ҇ны. Сла́ва, трїѡ́ди: И҆ ны́нѣ, пра́здника. На бл҃гослове́нїи хлѣ́бѡвъ тропа́рь пра́здника три́жды: и҆ чте́нїе въ посла́нїихъ а҆по́стольскихъ. И҆ и҆дѣ́же не бꙋ́детъ бдѣ́нїѧ, по Ны́нѣ ѿпꙋща́еши, тропа́рь воскрⷭ҇нъ. Сла́ва, и҆ ны́нѣ, пра́здника. На повече́рїи, по трист҃о́мъ, конда́къ трїѡ́ди. Сла́ва, и҆ ны́нѣ, пра́здника. Полꙋ́нощницꙋ же пое́мъ по ѻ҆бы́чаю, съ канѡ́номъ трⷪ҇чнымъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ: и҆ полѷеле́й пра́здника. и҆ тропарѝ, А҆́гг҃льскїй собо́ръ:

[зрѝ] А҆́ще ли недѣ́лѧ блꙋ́днагѡ, и҆лѝ мѧсопꙋ́стнаѧ, и҆лѝ сыропꙋ́стнаѧ: Припѣва́емъ и҆ г҃-й ѱало́мъ: На рѣка́хъ вавѷлѡ́нскихъ: та́же велича́нїе пра́здника, и҆ сѣда́ленъ пра́здника, по є҆ди́ножды: и҆ чте́нїе пра́здника. Степє́нна гла́са, прокі́менъ пра́здника. Всѧ́кое дыха́нїе: є҆ѵⷢ҇лїе пра́здника. Воскрⷭ҇нїе хрⷭ҇то́во: и҆ ѱало́мъ н҃. Стїхи́ра пра́здника. Канѡ́нъ воскрⷭ҇нъ, со і҆рмосо́мъ на д҃: и҆ <<ск҃д: 447>> трїѡ́ди на д҃: и҆ пра́здника на ѕ҃. Катава́сїа пра́здника, ѻ҆́ба ли̑ка вкꙋ́пѣ. [зрѝ] [А҆́ще ли недѣ́лѧ мѧсопꙋ́стнаѧ: Канѡ́нъ воскрⷭ҇нъ на д҃: и҆ трїѡ́ди на ѕ҃: и҆ пра́здника на д҃.] По г҃-й пѣ́сни, конда́къ и҆ і҆́косъ, и҆ сѣда́ленъ трїѡ́ди. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника, и҆ чте́мъ сѷнаѯа́рїй: На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, трїѡ́ди: И҆ ны́нѣ, пра́здника. На хвали́техъ стїхи́ры воскрⷭ҇ны, д҃: и҆ пра́здника д҃, съ припѣ́вы пра́здника. Сла́ва, пра́здника: И҆ ны́нѣ, Пребл҃гослове́нна є҆сѝ:

[зрѝ] А҆́ще ли недѣ́лѧ мѧсопꙋ́стнаѧ: На хвали́техъ стїхи̑ры воскрⷭ҇ны д҃: и҆ пра́здника со сла́внымъ д҃, съ припѣ́вы пра́здника: и҆ по сконча́нїи стїхи́ръ пра́здничныхъ глаго́лемъ сті́хъ: Воскрⷭ҇нѝ гдⷭ҇и бж҃е мо́й: и҆ пое́мъ самогла́снꙋ стїхи́рꙋ трїѡ́ди, гла́съ и҃: Данїи́лъ прⷪ҇ро́къ: Сла́ва, гла́съ а҃: Пред̾ѡчи́стимъ себѐ бра́тїе: И҆ ны́нѣ, Пребл҃гослове́нна є҆сѝ:

[зрѝ] А҆́ще ли недѣ́лѧ сыропꙋ́стнаѧ: На хвали́техъ пое́мъ ꙗ҆́коже въ недѣ́лю мѧсопꙋ́стнꙋю, и҆ глаго́лемъ сті́хъ та́кожде: Воскрⷭ҇нѝ гдⷭ҇и бж҃е мо́й: И҆ пое́мъ самогла́снꙋ стїхи́рꙋ въ трїѡ́ди, гла́съ ѕ҃: А҆да́мъ и҆з̾ раѧ̀ ѿго́нитсѧ: Сла́ва, гла́съ то́йже, Приспѣ̀ вре́мѧ: И҆ ны́нѣ, Пребл҃гослове́нна є҆сѝ:

Славосло́вїе вели́кое. тропа́рь воскрⷭ҇нъ, и҆ ѻ҆бы́чный ѿпꙋ́стъ, и҆ и҆схожде́нїе въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ: и҆ ча́съ а҃-й. На а҃-мъ часѣ̀, и҆ на про́чихъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ трїѡ́ди премѣнѧ́юще глаго́лемъ. На лїтꙋргі́и, бл҃жє́нна гла́са, на д҃: и҆ трїѡ́ди пѣ́снь г҃, на д҃: и҆ пра́здника ѕ҃-ѧ, <<ск҃д ѡ҆б.: 448>> на д҃. Вхо́дное пра́здника. Посе́мъ тропа́рь воскрⷭ҇нъ, и҆ пра́здника. Сла́ва, конда́къ трїѡ́ди: И҆ ны́нѣ, пра́здника. Прокі́менъ гла́са, и҆ пра́здника. [А҆́ще ли недѣ́лѧ мѧсопꙋ́стнаѧ: прокі́менъ трїѡ́ди, и҆ пра́здника.] А҆по́столъ, А҆ллилꙋ́їа и҆ є҆ѵⷢ҇лїе, и҆ прича́стенъ, пре́жде днѐ, и҆ пра́здника.

[[комм.]] А҆́ще ли слꙋчи́тсѧ пра́здникъ срѣ́тенїѧ гдⷭ҇нѧ въ сꙋббѡ́тꙋ мѧсопꙋ́стнꙋю:

Слꙋ́жба ᲂу҆ме́ршихъ пое́тсѧ, ве́черъ и҆ ᲂу҆́трѡ въ сꙋббѡ́тꙋ мимоше́дшꙋю. и҆лѝ въ четверто́къ мѧсопꙋ́стный. Въ сꙋббѡ́тꙋ же слꙋ́жба всѧ̀ пра́здника є҆ди́нагѡ пое́тсѧ непремѣ́ннѡ.

[[комм.]] А҆́ще ли слꙋчи́тсѧ срѣ́тенїе гдⷭ҇не въ понедѣ́льникъ, и҆лѝ во вто́рникъ. и҆лѝ въ четверто́къ сыропꙋ́стныѧ недѣ́ли:

Ве́черъ на ма́лѣй вече́рни, на Гдⷭ҇и воззва́хъ, стїхи̑ры пра́здника на д҃. Сла́ва, и҆ ны́нѣ, пра́здника: На стїхо́внѣ самогла́сенъ днѐ трїѡ́ди два́жды, и҆ мч҃нченъ. Сла́ва, и҆ ны́нѣ, пра́здника. Тропа́рь пра́здника. є҆ктенїа̀, и҆ ѿпꙋ́стъ. На вели́цѣй вече́рни, и҆ на ᲂу҆́трени, соверша́етсѧ всѧ̀ слꙋ́жба пра́здника, непремѣ́ннѡ, ꙗ҆́коже пре́жде ᲂу҆каза́сѧ на рѧдꙋ̀: занѐ трїѡ́дь съ пра́здникомъ не пое́тсѧ, въ ко́й де́нь не слꙋчи́тсѧ на сы́рной недѣ́ли, кромѣ̀ сꙋббѡ́ты и҆ недѣ́ли, ра́звѣ самогла́сны стїхи̑ры днѐ, ꙗ҆́же глаго́летсѧ на ма́лѣй вече́рни, ꙗ҆́коже ᲂу҆каза́сѧ. [зрѝ] А҆ и҆дѣ́же не быва́етъ всено́щное, и҆ ма́лаѧ вече́рнѧ, не пое́тсѧ, пое́мъ на вели́цѣй вече́рни по предпи́санномꙋ. А҆ на стїхо́внѣ, Сла́ва трїѡ́ди, самогла́сенъ днѐ: И҆ ны́нѣ, пра́здника. На хвали́техъ по стїхи́рахъ пра́здника, Сла́ва трїѡ́ди, самогла́сенъ днѐ: И҆ ны́нѣ, пра́здника. Славосло́вїе вели́кое. На часѣ́хъ, и҆ на лїтꙋргі́и слꙋ́жба всѧ̀ пра́здника: дне́ же а҆по́столъ, и҆ є҆ѵⷢ҇лїе, вычита́емъ напредѝ.

<<ск҃є: 449>>

[[комм.]] А҆́ще ли слꙋчи́тсѧ пра́здникъ срѣ́тенїѧ гдⷭ҇нѧ въ сре́дꙋ сыропꙋ́стнꙋю, и҆лѝ въ пѧто́къ:

На ма́лѣй и҆ на вели́цѣй вече́рни, и҆ на ᲂу҆́трени, соверша́етсѧ слꙋ́жба всѧ̀, ꙗ҆́коже ᲂу҆каза́сѧ въ понедѣ́льникъ сы́рный, непремѣ́ннѡ: быва́етъ же на коне́цъ вече́рни, и҆ ᲂу҆́трени, и҆ всѧ́кагѡ часа̀, то́чїю по г҃ покло́ны вели̑кїѧ. На часѣ́хъ, глаго́лемъ тропа́рь, и҆ конда́къ пра́здника. На ѕ҃-мъ же часѣ̀, глаго́летсѧ тропа́рь паремїѝ, и҆ чте́тсѧ паремїа̀. Лїтꙋргі́а же златоꙋ́стагѡ соверша́етсѧ во своѐ вре́мѧ: Вече́рню же пое́мъ по повседне́вномꙋ во своѐ вре́мѧ. По ѻ҆бы́чномъ ѱалмѣ̀, каѳі́сма ѻ҆бы́чнаѧ. [зрѝ] А҆ и҆дѣ́же бы́ло всено́щное, каѳі́смы не глаго́лемъ: но по ѻ҆бы́чномъ ѱалмѣ̀ глаго́лемъ, Гдⷭ҇и воззва́хъ къ тебѣ̀: та́же стїхи̑ры пра́здника: г҃: И҆ ст҃а́гѡ сѷмеѡ́на г҃. Сла́ва, ст҃а́гѡ: И҆ ны́нѣ, пра́здника. Прокі́менъ днѐ, и҆ паремїа̀. Та́же прокі́менъ: Да ᲂу҆пова́етъ і҆и҃ль на гдⷭ҇а: На стїхо́внѣ трїѡ́ди самогла́сенъ днѐ два́жды, и҆ мч҃нченъ. Сла́ва, и҆ ны́нѣ, пра́здника. Тропа́рь пра́здника, и҆ ѿпꙋ́стъ.

[зрѝ] Подоба́етъ вѣ́дати, а҆́ще слꙋчи́тсѧ срѣ́тенїе гдⷭ҇не въ понедѣ́льникъ сы́рный: И҆ трипѣ́снецъ ᲂу҆́треннїй пое́мъ на повече́рїи въ недѣ́лю: а҆ самогла́сенъ днѐ трїѡ́ди ᲂу҆́треннїй, пое́мъ въ пра́здникъ, на хвали́техъ сла́вꙋ. А҆́ще ли срѣ́тенїе гдⷭ҇не во вто́рникъ сы́рный: И҆ вто́рничный трипѣ́снецъ пое́мъ въ сре́дꙋ сы́рнꙋю на повече́рїи: а҆ самогла́сенъ днѐ ᲂу҆́треннїй, пое́мъ въ пра́здникъ, на хвали́техъ сла́вꙋ.

[зрѝ] А҆́ще ли срѣ́тенїе гдⷭ҇не въ сре́дꙋ сы́рнꙋю: И҆ сре́дный канѡ́нъ пое́мъ и҆ трипѣ́снецъ въ четверто́къ сы́рный на повече́рїи: а҆ самогла́сенъ трїѡ́ди ᲂу҆́треннїй пое́мъ въ пра́здникъ, на хвали́техъ сла́вꙋ.

<<ск҃є ѡ҆б.: 450>>

А҆́ще ли срѣ́тенїе гдⷭ҇не въ четверто́къ сы́рный: И҆ четвертка̀ трипѣ́снецъ пое́мъ во вто́рникъ сы́рный на повече́рїи.

А҆́ще ли срѣ́тенїе гдⷭ҇не въ пѧто́къ сы́рный: И҆ пое́мъ пѧтка̀ канѡ́нъ, и҆ съ трипѣ́снцемъ, въ сре́дꙋ сы́рнꙋю на повече́рїи.

[[комм.]] А҆́ще ли слꙋчи́тсѧ пра́здникъ срѣ́тенїѧ гдⷭ҇нѧ въ сꙋббѡ́тꙋ сы́рнꙋю:

Въ пѧто́къ ве́чера, на ма́лѣй вече́рни, стїхи̑ры пра́здника, на д҃. Сла́ва, и҆ ны́нѣ, пра́здника. Прокі́менъ, и҆ паремїа̀ днѐ: и҆ по не́й прокі́менъ: Да ᲂу҆пова́етъ і҆и҃ль на гдⷭ҇а: На стїхо́внѣ трїѡ́ди самогла́сенъ днѐ два́жды: и҆ мч҃нченъ. Сла́ва, и҆ ны́нѣ, пра́здника: Тропа́рь пра́здника, и҆ ѿпꙋ́стъ. На вели́цѣй вече́рни, пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, пое́мъ стїхи̑ры на і҃: пра́здника на ѕ҃: и҆ ѻ҆тцє́въ на д҃. Сла́ва, ѻ҆тцє́въ: И҆ ны́нѣ, пра́здника. Вхо́дъ, прокі́менъ днѐ, и҆ чте́нїе пра́здника. На лїті́и стїхи̑ры, и҆ Сла́ва, и҆ ны́нѣ, пра́здника. На стїхо́внѣ стїхи̑ры пра́здника. Сла́ва, ѻ҆тцє́въ: И҆ ны́нѣ, пра́здника. На бл҃гослове́нїи хлѣ́бѡвъ, тропа́рь пра́здника два́жды, и҆ ѻ҆тцє́въ є҆ди́ножды: и҆ чте́нїе пра́здника. А҆ и҆дѣ́же нѣ́сть всено́щнагѡ бдѣ́нїѧ: пое́мъ на вели́цѣй вече́рни, всѐ по предпи́санномꙋ. Прокі́менъ, и҆ чте́нїе днѐ: и҆ прокі́менъ, да ᲂу҆пова́етъ і҆и҃ль на гдⷭ҇а: та́же, чтє́нїѧ пра́здника. На стїхо́внѣ пра́здника: та́же ѻ҆тцє́въ припѣ́въ: Чⷭ҇тна̀ пред̾ гдⷭ҇емъ сме́рть прпⷣбныхъ є҆гѡ̀. и҆ пое́мъ самогла́сенъ и҆́хъ: Мона́хѡвъ мно́жєства: Сла́ва, самогла́сенъ трїѡ́ди. И҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, ѻ҆тцє́въ: И҆ ны́нѣ, пра́здника. По каѳі́смахъ сѣда́льны пра́здника, и҆ чте́нїе пра́здника. По полѷеле́и сѣда́льны пра́здника. Степє́нна а҃-й а҆нтїфѡ́нъ д҃-гѡ гла́са. Прокі́менъ <<ск҃ѕ: 451>> пра́здника, и҆ Всѧ́кое дыха́нїе: Є҆ѵⷢ҇лїе, и҆ по н҃-мъ ѱалмѣ̀, стїхи́ра пра́здника. Канѡ́нъ пра́здника, со і҆рмосо́мъ на и҃, и҆ ѻ҆тцє́въ на ѕ҃. Катава́сїа пра́здника. По г҃-й пѣ́сни конда́къ и҆ і҆́косъ ѻ҆тцє́въ: и҆ сѣда́ленъ ѻ҆тцє́въ, два́жды: Сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ пра́здника, и҆ чте́мъ сѷнаѯа́рїй. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ пра́здника. Сла́ва, ѻ҆тцє́въ: И҆ ны́нѣ, пра́здника. На хвали́техъ стїхи̑ры пра́здника г҃: и҆ ѻ҆тцє́въ г҃. Сла́ва, ѻ҆тцє́въ. И҆ ны́нѣ, пра́здника. Славосло́вїе вели́кое. Тропа́рь ѻ҆тцє́въ. Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ. и҆ ѻ҆бы́чное и҆схожде́нїе въ притво́ръ, и҆ ча́съ а҃. На часѣ́хъ, тропа́рь пра́здника. Сла́ва, ѻ҆тцє́въ. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника. На лїтꙋргі́и, бл҃жє́нна пра́здника, пѣ́снь г҃- ѧ на д҃: и҆ ѻ҆тцє́въ ѕ҃-ѧ, на д҃. Вхо́дное пра́здника. Тропа́рь пра́здника, и҆ ѻ҆тцє́въ. Сла́ва, конда́къ ѻ҆тцє́въ. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, пре́жде пра́здника, и҆ ѻ҆тцє́въ.

[[комм.]] Подоба́етъ вѣ́дати, а҆́ще слꙋчи́тсѧ пра́здникъ срѣ́тенїѧ гдⷭ҇нѧ въ понедѣ́льникъ пе́рвыѧ недѣ́ли поста̀: тогда̀ слꙋ́жбꙋ пра́здника пѣ́ти въ недѣ́лю сыропꙋ́стнꙋю по предпи́санномꙋ.

[[комм.]] Подоба́етъ вѣ́дати, а҆́ще слꙋчи́тсѧ попра́зднство срѣ́тенїѧ гдⷭ҇нѧ въ недѣ́лю пре́жде недѣ́ли мытарѧ̀ и҆ фарїсе́а: а҆ ст҃ы́й пое́тсѧ на д҃, и҆лѝ на ѕ҃:

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны и҆ бцⷣы, по ѻ҆бы́чаю. Тропа́рь воскрⷭ҇нъ. Сла́ва, и҆ ны́нѣ, бг҃оро́диченъ є҆гѡ̀. На вели́цѣй вече́рни, по каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃, а҆нато́лїевъ а҃. и҆ пра́здника тогѡ̀ днѐ г҃, и҆ ст҃а́гѡ мине́и г҃. [зрѝ] [А҆́ще ли <<ск҃ѕ ѡ҆б.: 452>> пое́тсѧ ст҃ы́й на ѕ҃, и҆лѝ є҆мꙋ́же и҆ полѷеле́й, и҆ пое́мъ стїхи̑ры воскрⷭ҇ны г҃: и҆ пра́здника г҃: и҆ ст҃а́гѡ д҃. Сла́ва, ст҃а́гѡ, а҆́ще же нѝ: ] Сла́ва, пра́здника. И҆ ны́нѣ, бг҃оро́диченъ а҃-й гла́са. На лїті́и стїхи̑ры пра́здника тогѡ̀ днѐ рѧдѡвы́ѧ стїхѡ́вныѧ, и҆ ст҃а́гѡ, а҆́ще полѷеле́й. Сла́ва, ст҃а́гѡ. И҆ ны́нѣ, пра́здника. А҆́ще же нѝ, Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны: Сла́ва, ст҃а́гѡ, а҆́ще є҆́сть. И҆ ны́нѣ, пра́здника. На бл҃гослове́нїи хлѣ́бѡвъ тропа́рь, Бцⷣе дв҃о: два́жды, и҆ пра́здника є҆ди́ножды. и҆ чте́нїе въ посла́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, ст҃а́гѡ, а҆́ще є҆́сть: а҆́ще же нѝ, Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ. и҆ чте́нїе во є҆ѵⷢ҇лїи толково́мъ. Посе́мъ непоро́чны, и҆ ѵ҆пакоѝ, и҆ чте́нїе недѣ́ли рѧ́дъ. [А҆́ще ли ст҃ы́й и҆́мать полѷеле́й, по каѳі́смахъ пое́мъ ст҃а́гѡ полѷеле́й, и҆ по полѷеле́и, тропарѝ: А҆́гг҃льскїй собо́ръ: и҆ по є҆ктенїѝ сѣда́льны ст҃а́гѡ по є҆ди́ножды. Сла́ва, сѣда́ленъ, и҆́же по полѷеле́и. И҆ ны́нѣ, бг҃оро́диченъ є҆гѡ̀: и҆ чте́нїе.] Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇но, и҆ Воскрⷭ҇нїе хрⷭ҇то́во: Канѡ́нъ воскрⷭ҇нъ со і҆рмосо́мъ на д҃: и҆ бцⷣы на два̀: и҆ пра́здника на д҃: и҆ ст҃а́гѡ на д҃. [А҆́ще полѷеле́й, и҆лѝ славосло́вїе, и҆ пое́мъ канѡ́нъ воскрⷭ҇нъ со і҆рмосо́мъ на д҃: и҆ пра́здника на д҃: и҆ ст҃а́гѡ на ѕ҃:] Катава́сїа пра́здника. По г҃-й пѣ́сни, конда́къ и҆ і҆́косъ пра́здника, и҆ ст҃а́гѡ а҆́ще и҆́мать, и҆ сѣда́ленъ є҆гѡ̀. Сла́ва, и҆ ны́нѣ, пра́здника, и҆ чте́нїе. По ѕ҃-й пѣ́сни, конда́къ и҆ і҆́косъ воскрⷭ҇нъ: и҆ чте́мъ про́логъ. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, ст҃а́гѡ, а҆́ще и҆́мать: И҆ ны́нѣ, пра́здника. На хвали́техъ стїхи̑ры <<ск҃з: 453>> воскрⷭ҇ны д҃: ст҃а́гѡ, а҆́ще и҆́мать, подо́бны г҃, и҆ самогла́сенъ и҆́же на Сла́ва: пое́мъ съ припѣ́вы є҆гѡ̀. А҆́ще ли не и҆́мать ст҃ы́й хвали́тныхъ: и҆ пое́мъ воскрⷭ҇ны д҃, и҆ пра́здника д҃, тогѡ̀ днѐ стїхѡ́вны ᲂу҆́трєннїѧ, съ припѣ́вы и҆́хъ. Сла́ва, стїхи́ра є҆ѵⷢ҇льскаѧ. И҆ ны́нѣ, Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ то́чїю: є҆ктєнїѝ, и҆ ѿпꙋ́стъ, и҆ ѡ҆глаше́нїе, и҆ ѡ҆бы́чное и҆схожде́нїе въ притво́ръ, и҆ ча́съ а҃-й. На а҃-мъ часѣ̀, тропа́рь воскрⷭ҇нъ. Сла́ва, пра́здника: ст҃а́гѡ же, а҆́ще є҆́сть тропа́рь и҆ конда́къ глаго́лемъ премѣнѧ́юще. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ коне́чный ѿпꙋ́стъ. Та́кожде и҆ на про́чихъ часѣ́хъ глаго́лемъ воскрⷭ҇нъ тропа́рь пре́жде, а҆ пра́здника и҆ ст҃а́гѡ премѣнѧ́емъ. Конда́къ воскрⷭ҇нъ и҆ пра́здника глаго́лемъ премѣнѧ́юще же, а҆́ще полѷеле́й, и҆ ст҃а́гѡ. На лїтꙋргі́и, бл҃жє́нна ѻ҆ктѡ́иха, на ѕ҃, и҆ съ трⷪ҇чнымъ: и҆ пра́здника пѣ́снь на д҃. [А҆́ще ли и҆́мать ст҃ы́й пѣ́снь и҆ бл҃жє́нна воскрⷭ҇на на д҃: и҆ пра́здника пѣ́снь на д҃: и҆ ст҃а́гѡ пѣ́снь ѕ҃-ѧ на д҃.] По вхо́дѣ тропа́рь воскрⷭ҇нъ, и҆ пра́здника: та́же хра́ма, и҆ ст҃а́гѡ, а҆́ще и҆́мать. Конда́къ воскрⷭ҇нъ и҆ хра́ма. Сла́ва, ст҃а́гѡ, а҆́ще и҆́мать. И҆ ны́нѣ, пра́здника. Прокі́менъ, а҆по́столъ, и҆ є҆ѵⷢ҇лїе, пре́жде недѣ́ли рѧ́дъ: та́же ст҃а́гѡ, а҆́ще и҆́мать. Прича́стенъ: Хвали́те гдⷭ҇а: и҆ ст҃а́гѡ, а҆́ще и҆́мать: а҆́ще же нѝ, пра́здника.

[[комм.]] А҆́ще слꙋчи́тсѧ попра́зднство срѣ́тенїѧ гдⷭ҇нѧ въ недѣ́лю фарїсе́евꙋ, и҆лѝ блꙋ́днагѡ, и҆лѝ мѧсопꙋ́стнꙋю:

На ма́лѣй вече́рни, на Гдⷭ҇и воззва́хъ, и҆ на стїхо́внѣ стїхи̑ры ѻ҆ктѡ́иха, по ѻ҆бы́чаю. На вели́цѣй вече́рни, Гдⷭ҇и воззва́хъ, стїхи̑ры воскрⷭ҇ны д҃: и҆ трїѡ́ди г҃: и҆ пра́здника г҃: [зрѝ] [А҆́ще ли недѣ́лѧ мѧсопꙋ́стнаѧ: Стїхи̑ры воскрⷭ҇ны <<ск҃з ѡ҆б.: 454>> г҃: и҆ трїѡ́ди д҃: и҆ пра́здника г҃. Сла́ва, трїѡ́ди. И҆ ны́нѣ, бг҃оро́диченъ а҃-й гла́са. На лїті́и стїхи̑ры пра́здника рѧдовы̑ѧ тогѡ̀ днѐ стїхѡ́вныѧ, и҆ трїѡ́ди хвали́тны. Сла́ва, трїѡ́ди. И҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, трїѡ́ди. И҆ ны́нѣ, пра́здника. На бл҃гослове́нїи хлѣ́бѡвъ, тропа́рь: Бцⷣе дв҃о: два́жды, и҆ пра́здника, є҆ди́ножды: и҆ чте́нїе. На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ, пра́здника. По каѳі́смахъ сѣда́льны воскрⷭ҇ны, съ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ. По непоро́чныхъ тропарѝ: А҆́гг҃льскїй собо́ръ:

[А҆́ще же недѣ́лѧ блꙋ́днагѡ, и҆лѝ мѧсопꙋ́стнаѧ: Пое́мъ полѷеле́й: прилага́емъ же и҆ тре́тїй ѱало́мъ: На рѣка́хъ вавѷлѡ́нскихъ: ] Степє́нна, и҆ прокі́менъ гла́са. Всѧ́кое дыха́нїе: Є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: и҆ про́чее. Канѡ́нъ воскрⷭ҇нъ, со і҆рмосо́мъ на д҃, и҆ бцⷣы на в҃: и҆ трїѡ́ди на д҃: и҆ пра́здника на д҃. Катава́сїа пра́здника.

[зрѝ] А҆́ще ли въ недѣ́лю мѧсопꙋ́стнꙋю: Канѡ́нъ воскрⷭ҇нъ, на д҃: и҆ трїѡ́ди, на ѕ҃: и҆ пра́здника на д҃. Катава́сїа трїѡ́ди. По г҃-й пѣ́сни, конда́къ и҆ і҆́косъ пра́здника. Сла́ва, сѣда́ленъ трїѡ́ди. И҆ ны́нѣ, пра́здника. По ѕ҃-й пѣ́сни, конда́къ трїѡ́ди, и҆ і҆́косъ. На ѳ҃-й пѣ́сни, пое́мъ Чⷭ҇тнѣ́йшꙋю: та́же свѣти́ленъ воскрⷭ҇нъ. Сла́ва, трїѡ́ди. И҆ ны́нѣ, пра́здника. На хвали́техъ, стїхи̑ры воскрⷭ҇ны д҃: и҆ пра́здника самогла́сны д҃, съ припѣ́вы є҆гѡ̀.

[зрѝ] А҆́ще ли є҆́сть недѣ́лѧ мѧсопꙋ́стнаѧ: И҆ глаго́лемъ сті́хъ: Воскрⷭ҇нѝ гдⷭ҇и бж҃е мо́й: и҆ пое́мъ стїхи́рꙋ самогла́снꙋ трїѡ́ди: Данїи́лъ прⷪ҇ро́къ: Сла́ва, трїѡ́ди же: Пред̾ѡчи́стимъ себѐ: И҆ ны́нѣ: Пребл҃гослове́нна є҆сѝ:

А҆́ще ли недѣ́лѧ фарїсе́ева, и҆лѝ блꙋ́днагѡ: Не глаго́лемъ трїѡ́ди <<ск҃и: 455>> стїха̀, но по стїхи́рахъ пра́здника, глаго́лемъ: Сла́ва, въ трїѡ́ди. И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ. є҆ктєнїѝ, и҆ ѿпꙋ́стъ, и҆ и҆схожде́нїе ѻ҆бы́чное въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃. На часѣ́хъ, тропа́рь воскрⷭ҇нъ. Сла́ва, пра́здника. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ трїѡ́ди, и҆ пра́здника, премѣнѧ́юще глаго́лемъ. На лїтꙋргі́и, бл҃жє́нна гла́са на д҃: и҆ трїѡ́ди, пѣ́снь ѕ҃-ѧ на д҃: и҆ пра́здника пѣ́снь рѧдова́ѧ, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ трїѡ́ди. И҆ ны́нѣ, пра́здника. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ днѐ. [зрѝ] А҆́ще ли бꙋ́детъ попра́зднство срѣ́тенїѧ въ сꙋббѡ́тꙋ мѧсопꙋ́стнꙋю, тогда̀ слꙋ́жба попра́зднства ѡ҆ставлѧ́етсѧ, и҆ пое́мъ слꙋ́жбꙋ сꙋббѡ́ты ᲂу҆ме́ршихъ.

[[комм.]] Подоба́етъ вѣ́дати, а҆́ще слꙋчи́тсѧ попра́зднство срѣ́тенїѧ гдⷭ҇нѧ въ понедѣ́льникъ, и҆лѝ во вто́рникъ, и҆лѝ въ четверто́къ сы́рныѧ недѣ́ли:

На Гдⷭ҇и воззва́хъ, стїхи̑ры пра́здника г҃: и҆ ст҃а́гѡ г҃. Сла́ва, ст҃а́гѡ, а҆́ще и҆́мать. И҆ ны́нѣ, пра́здника, а҆́ще ли нѝ, Сла́ва, и҆ ны́нѣ, пра́здника. На стїхо́внѣ, трїѡ́ди самогла́сенъ днѐ два́жды, и҆ мч҃нченъ. Сла́ва, ст҃а́гѡ, а҆́ще є҆́сть: И҆ ны́нѣ, пра́здника. А҆́ще ли нѝ, Сла́ва, и҆ ны́нѣ, пра́здника. Тропа́рь ст҃а́гѡ, а҆́ще є҆́сть. Сла́ва, и҆ ны́нѣ, пра́здника. є҆ктенїа̀, и҆ ѿпꙋ́стъ. На ᲂу҆́трени, на Бг҃ъ гдⷭ҇ь тропа́рь пра́здника, два́жды. Сла́ва, ст҃а́гѡ, а҆́ще є҆́сть. И҆ ны́нѣ, пра́здника. По каѳі́смахъ сѣда́льны пра́здника. Канѡ́нъ пра́здника, со і҆рмосо́мъ на и҃: и҆ въ мине́и на д҃. А҆ и҆дѣ́же трипѣ́снецъ, и҆ пое́мъ канѡ́нъ пра́здника со і҆рмосо́мъ на д҃: и҆ мине́и г҃ стїха̀ на два̀: и҆ трїѡ́ди <<ск҃и: 455>> на и҃. А҆́ще и҆́мать ст҃ы́й конда́къ и҆ і҆́косъ, глаго́лемъ по г҃-й пѣ́сни. Та́же сѣда́ленъ трїѡ́ди, пи́санъ по в҃-й каѳі́смѣ. Сла́ва, ст҃а́гѡ. И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника. Сла́ва, ст҃а́гѡ. И҆ ны́нѣ, пра́здника: а҆́ще ли нѝ, Сла́ва, и҆ ны́нѣ, пра́здника. На хвали́техъ стїхи̑ры пра́здника на д҃, стїхѡ́вныѧ тогѡ̀ днѐ. Сла́ва, и҆ ны́нѣ, пра́здника. На стїхо́внѣ трїѡ́ди самогла́сенъ днѐ, два́жды, и҆ мч҃нченъ. Сла́ва, ст҃а́гѡ, а҆́ще є҆́сть. И҆ ны́нѣ, пра́здника: а҆́ще ли нѝ, Сла́ва, и҆ ны́нѣ, пра́здника. По Ѻ҆́ч҃е на́шъ, тропа́рь ст҃а́гѡ. Сла́ва, и҆ ны́нѣ, пра́здника. а҆́ще же нѝ, пра́здника то́чїю: и҆ по є҆ктенїѝ ча́съ а҃-й. На часѣ́хъ, тропа́рь пра́здника. Сла́ва, ст҃а́гѡ, а҆́ще є҆́сть. И҆ ны́нѣ, бг҃оро́диченъ часѡ́въ. По трист҃о́мъ глаго́лемъ конда́къ пра́здника непремѣ́ннѡ.

[[комм.]] Подоба́етъ вѣ́дати, а҆́ще слꙋчи́тсѧ попра́зднство срѣ́тенїѧ гдⷭ҇нѧ на сы́рной недѣ́лѣ въ сре́дꙋ, и҆лѝ пѧто́къ:

Покло́нѡвъ нѣ́сть, то́чїю по концѣ̀ коегѡ́ждо часа̀ по г҃ вели̑кїѧ покло́ны. Ве́черъ, на Гдⷭ҇и воззва́хъ, стїхи̑ры пра́здника г҃: и҆ мине́и ст҃а́гѡ г҃. Сла́ва, ст҃а́гѡ а҆́ще є҆́сть. И҆ ны́нѣ, пра́здника: а҆́ще ли нѝ, Сла́ва, и҆ ны́нѣ, пра́здника. На стїхо́внѣ трїѡ́ди самогла́сенъ днѐ, два́жды: и҆ мч҃нченъ. Сла́ва, ст҃а́гѡ, а҆́ще є҆́сть. И҆ ны́нѣ, пра́здника: а҆́ще ли нѝ, Сла́ва, и҆ ны́нѣ, пра́здника. Тропа́рь ст҃а́гѡ, а҆́ще и҆́мать. Сла́ва, и҆ ны́нѣ, пра́здника: а҆́ще ли нѝ, пра́здника. Є҆ктенїа̀, и҆ покло́ны трѝ вели̑кїѧ, и҆ ѿпꙋ́стъ. Повече́рїе же пое́мъ вели́кое, ѿ Внегда̀ призва́ти мѝ: на не́мже пое́мъ трипѣ́снецъ ᲂу҆́треннїй, трїѡ́ди, а҃. По Досто́йно, и҆ по трист҃о́мъ, конда́къ пра́здника по Чⷭ҇тнѣ́йшꙋю, трѝ покло́ны вели̑кїѧ, и҆ на ѿпꙋ́стѣ трѝ покло́ны: та́кожде и҆ на полꙋ́нощницѣ, на Чⷭ҇тнѣ́йшꙋю, <<ск҃ѳ: 457>> г҃ покло́ны вели̑кїѧ. На ᲂу҆́трени, на Бг҃ъ гдⷭ҇ь, тропа́рь пра́здника, два́жды: Сла́ва, ст҃а́гѡ, а҆́ще є҆́сть. И҆ ны́нѣ, пра́здника: а҆́ще ли нѝ, Сла́ва, и҆ ны́нѣ, пра́здника. По каѳі́смахъ сѣда́льны пра́здника. Канѡ́нъ пра́здника, со і҆рмосо́мъ на ѕ҃: и҆ мине́и на д҃, и҆ трїѡ́ди на д҃. Є҆гда́ же прїи́детъ трипѣ́снецъ: и҆ пое́мъ канѡ́нъ пра́здника, со і҆рмосо́мъ на д҃: и҆ мине́и на два̀, пє́рвыѧ два̀ стїха̀ за є҆ди́нъ, и҆ трїѡ́ди на и҃, настоѧ́щагѡ канѡ́на рѧдова́ѧ пѣ́снь на д҃: и҆ втора́гѡ трипѣ́снца на д҃. Пе́рвый же трипѣ́снецъ предпѣ́тъ на повече́рїи. По г҃-й пѣ́сни, конда́къ ст҃а́гѡ: та́же сѣда́ленъ трїѡ́ди. Сла́ва, ст҃а́гѡ: И҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника: и҆ про́логъ. По ѳ҃-й пѣ́сни свѣти́ленъ ст҃а́гѡ, а҆́ще є҆́сть. Сла́ва, и҆ ны́нѣ, пра́здника, а҆́ще ли нѝ, пра́здника два́жды. На хвали́техъ стїхи̑ры пра́здника, подѡ́бны, на д҃: стїхо́вна тогѡ̀ днѐ. Сла́ва, и҆ ны́нѣ, пра́здника. На стїхо́внѣ трїѡ́ди самогла́сенъ днѐ два́жды, и҆ мꙋ́чениченъ, Сла́ва, ст҃а́гѡ, а҆́ще є҆́сть: И҆ ны́нѣ, пра́здника. а҆́ще же нѝ, Сла́ва, и҆ ны́нѣ, пра́здника. По трист҃о́мъ тропа́рь ст҃а́гѡ, а҆́ще є҆́сть. Сла́ва, и҆ ны́нѣ, пра́здника: а҆́ще ли нѝ, то́чїю пра́здника. Є҆ктенїа̀: и҆ покло́ны г҃ вели̑кїѧ: и҆ ча́съ а҃-й. На а҃-мъ часѣ̀, тропа́рь пра́здника. Сла́ва, ст҃а́гѡ: И҆ ны́нѣ, бг҃оро́диченъ часѡ́въ. По трист҃о́мъ, конда́къ пра́здника. По Чⷭ҇тнѣ́йшꙋю, г҃ покло́ны вели̑кїѧ, и҆ про́чее: и҆ соверше́нный ѿпꙋ́стъ, и҆ покло́ны г҃. та́кожде и҆ на про́чихъ часѣ́хъ, глаго́лемъ тропа́рь пра́здника: и҆ по трист҃о́мъ конда́къ пра́здника. по Чⷭ҇тнѣ́йшꙋю, по г҃ покло́ны вели̑кїѧ. На ѕ҃-мъ часѣ̀, тропа́рь, парємїѝ, и҆ чте́нїе: та́же прокі́менъ. По ѳ҃-мъ часѣ̀, пое́мъ бл҃жє́нны ско́рѡ без̾ <<ск҃ѳ ѡ҆б.: 458>> пѣ́нїѧ, и҆ про́чее. Въ сре́дꙋ ве́чера стїхи̑ры пра́здника г҃: и҆ мине́и ст҃а́гѡ, подо́бны г҃. Сла́ва, и҆ ны́нѣ, пра́здника. та́же прокі́менъ и҆ паремїа̀ днѐ. На стїхо́внѣ трїѡ́ди самогла́сенъ днѐ, два́жды, и҆ мч҃нченъ. Сла́ва, и҆ ны́нѣ, пра́здника. посе́мъ є҆ктенїа̀, Поми́лꙋй на́съ бж҃е: и҆ покло́ны трѝ вели̑кїѧ. и҆ мл҃тва, Всест҃а́ѧ трⷪ҇це: и҆ Бꙋ́ди и҆́мѧ гдⷭ҇не, три́жды: и҆ ѱало́мъ л҃г, и҆ ѿпꙋ́стъ, и҆ покло́ны трѝ.

[[комм.]] А҆́ще попра́зднство срѣ́тенїѧ гдⷭ҇нѧ слꙋчи́тсѧ въ сꙋббѡ́тꙋ сыропꙋ́стнꙋю:

Въ пѧто́къ ве́чера, по ѿпꙋ́стѣ часѡ́въ а҆́бїе начина́емъ вече́рню, и҆ по ѻ҆бы́чной каѳі́смѣ стїхи̑ры пра́здника г҃, и҆ ѻ҆тцє́въ г҃. Сла́ва, ѻ҆тцє́въ: И҆ ны́нѣ, пра́здника. Прокі́менъ, и҆ паремїа̀ днѐ. Та́же, Сподо́би гдⷭ҇и: На стїхо́внѣ, самогла́сенъ трїѡ́ди два́жды, и҆ мч҃нченъ. Сла́ва, ѻ҆тцє́въ: И҆ ны́нѣ, пра́здника. Тропа́рь ѻ҆тцє́въ. Сла́ва, и҆ ны́нѣ, пра́здника. Є҆ктенїа̀, и҆ ѿпꙋ́стъ. На повече́рїи, конда́къ пра́здника. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, ѻ҆тцє́въ: И҆ ны́нѣ, пра́здника. По ѻ҆бои́хъ каѳі́смахъ сѣда́льны ѻ҆тцє́въ по два́жды. Сла́ва, и҆ ны́нѣ, пра́здника. и҆ чте́нїе пра́здника, и҆лѝ ѻ҆тцє́въ. Канѡ́нъ пра́здника со і҆рмосо́мъ на ѕ҃: и҆ ѻ҆тцє́въ на и҃. Катава́сїа пра́здника. По г҃-й пѣ́сни, конда́къ и҆ і҆́косъ, пра́здника: и҆ сѣда́ленъ ѻ҆тцє́въ, два́жды. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ ѻ҆тцє́въ. Свѣти́ленъ ѻ҆тцє́въ. Сла́ва, и҆ ны́нѣ, пра́здника. На хвали́техъ стїхи̑ры пра́здника г҃: стїхо́вна тогѡ̀ днѐ: и҆ ѻ҆тцє́въ г҃. Сла́ва, ѻ҆тцє́въ: И҆ ны́нѣ, пра́здника. Славосло́вїе вели́кое. Тропа́рь ѻ҆тцє́въ. Сла́ва, и҆ ны́нѣ, пра́здника. Є҆ктєнїѝ, и҆ ѿпꙋ́стъ, и҆ ѻ҆бы́чное и҆схожде́нїе въ притво́ръ и҆ ча́съ а҃-й. На часѣ́хъ, тропа́рь <<с҃л: 459>> пра́здника, и҆ ѻ҆тцє́въ. Конда́къ пра́здника, и҆ ѻ҆тцє́въ, премѣнѧ́юще глаго́лемъ. На лїтꙋргі́и, бл҃жє́нна пра́здника, пѣ́снь рѧдова́ѧ на д҃: и҆ ѻ҆тцє́въ пѣ́снь ѕ҃-ѧ. По вхо́дѣ тропа́рь пра́здника, и҆ ѻ҆тцє́въ: и҆ хра́ма ст҃а́гѡ. Та́же конда́къ хра́ма ст҃а́гѡ. Сла́ва, ѻ҆тцє́въ: И҆ ны́нѣ, пра́здника. Прокі́менъ, А҆ллилꙋ́їа, и҆ прича́стенъ пра́здника, и҆ ѻ҆тцє́въ. А҆по́столъ, и҆ є҆ѵⷢ҇лїе днѐ, и҆ ѻ҆тцє́въ.

г҃. Ст҃а́гѡ и҆ првⷣнагѡ сѷмеѡ́на бг҃опрїи́мца, и҆ а҆́нны прⷪ҇ро́чицы.

Ве́черъ, На Гдⷭ҇и воззва́хъ, стїхи̑ры пра́здника трѝ, гла́съ а҃. Подо́бенъ: Нбⷭ҇ныхъ чинѡ́въ: И҆ ст҃а́гѡ сѷмеѡ́на, г҃, гла́съ д҃. Подо́бенъ: Да́лъ є҆сѝ зна́менїе: Сла́ва, и҆ ны́нѣ, пра́здника, гла́съ є҃: Ве́тхїй де́ньми: На стїхо́внѣ стїхи̑ры пра́здника, гла́съ а҃. Подо́бенъ: Нбⷭ҇ныхъ чинѡ́въ: съ припѣ́вы пра́здника. Сла́ва, и҆ ны́нѣ, пра́здника, гла́съ то́йже: Дне́сь дре́вле мѡѷсе́ю: По трист҃о́мъ тропа́рь пра́здника: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь пра́здника, три́жды, и҆ ѻ҆бы̑чныѧ каѳі̑смы, и҆ сѣда́льны пра́здника, и҆ чте́нїе по ѻ҆бы́чаю. Канѡ́нъ пра́здника, со і҆рмосо́мъ на ѕ҃: и҆ ст҃а́гѡ на ѕ҃, гла́съ д҃. По г҃-й пѣ́сни,

Конда́къ ст҃а́гѡ, гла́съ д҃. Подо́бенъ: Ꙗ҆ви́лсѧ є҆сѝ дне́сь:

Ста́рецъ дне́сь ѿрѣши́тисѧ ѿ ю҆́зъ молѧ́шесѧ сегѡ̀ житїѧ̀ тлѣ́ннагѡ, хрⷭ҇та̀ воспрїѧ́тъ на рꙋ́ки зижди́телѧ и҆ гдⷭ҇а.

И҆ сѣда́ленъ пра́здника, гла́съ г҃. Подо́бенъ: Красотѣ̀: Ѿ дв҃ы тѧ̀ воплоще́нна: Сла́ва, и҆ ны́нѣ, то́йже. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ: Непремѣ́ннѣ по ѵ҆поста́си: Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ ѕ҃. <<с҃л ѡ҆б.: 460>> Подо́бенъ: Тридне́венъ: съ припѣ́вы. Сла́ва, и҆ ны́нѣ, гла́съ в҃: Сщ҃е́ннагѡ сщ҃е́ннаѧ: На лїтꙋргі́и, бл҃же́нна ѿ канѡ́на пра́здника, пѣ́снь а҃-ѧ: и҆ ст҃а́гѡ пѣ́снь ѕ҃. Прокі́менъ, пра́здника: и҆ ст҃а́гѡ, гла́съ з҃: Возвесели́тсѧ пра́ведникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ ко є҆вре́ємъ, зача́ло тк҃а, ѿ полꙋ̀: Хрⷭ҇то́съ прише́дъ а҆рхїере́й: А҆ллилꙋ́їа: Свѣ́тъ возсїѧ̀ првⷣнкꙋ: Є҆ѵⷢ҇лїе лꙋкѝ, зача́ло и҃: Бѣ̀ человѣ́къ во і҆ерⷭ҇ли́мѣ: Прича́стенъ пра́здника, и҆ ст҃а́гѡ: Въ па́мѧть вѣ́чнꙋю:

д҃. Прпⷣбнагѡ ѻ҆тца̀ на́шегѡ, і҆сі́дѡра пилꙋсїѡ́тскагѡ.

А҆́ще ли нѣ́сть м҃-цы, пое́тсѧ вослѣ́дованїе пра́здника, и҆ ст҃а́гѡ. Стїхи̑ры пра́здника, г҃: гла́съ д҃. Подо́бенъ: Да́лъ є҆сѝ зна́менїе: И҆ ст҃а́гѡ г҃, гла́съ то́йже, Подо́бенъ: Ꙗ҆́кѡ до́блѧ: Сла́ва, и҆ ны́нѣ, пра́здника гла́съ в҃: Дне́сь сѷмеѡ́нъ на рꙋ́ки: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: съ припѣ́вы пра́здника. Сла́ва, и҆ ны́нѣ, гла́съ то́йже, самогла́сенъ: Сщ҃е́ннагѡ сщ҃е́ннаѧ: Тропа́рь ст҃а́гѡ, гла́съ и҃: Въ тебѣ̀ ѻ҆́тче и҆звѣ́стнѡ: ѻ҆ктѡ́врїа въ а҃ де́нь. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃а́гѡ: И҆ ны́нѣ, пра́здника. По ѻ҆бы́чныхъ каѳі́смахъ сѣда́льны пра́здника: и҆ чте́нїе. Канѡ́нъ пра́здника, со і҆рмосо́мъ на и҃: и҆ ст҃а́гѡ, на д҃, гла́съ ѕ҃. По г҃-й пѣ́сни,

Конда́къ ст҃а́гѡ, гла́съ д҃. Подо́бенъ: Ꙗ҆ви́лсѧ є҆сѝ:

Денни́цꙋ дрꙋгꙋ́ю тѧ̀ цр҃ковь ѡ҆брѣ́тши пресла́вне, твои́хъ слове́съ мо́лнїѧми ѡ҆свѣща́ема, взыва́етъ тѝ: ра́дꙋйсѧ всебл҃же́нне бг҃омꙋ́дре і҆сі́дѡре.

<<сл҃а: 461>>

И҆ сѣда́ленъ, гла́съ г҃: Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни свѣти́ленъ пра́здника, два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ з҃: Свѣ́тъ во ѿкрове́нїе: А҆́ще ли є҆́сть по́стъ, пое́мъ днѐ.

Въ то́йже де́нь ст҃а́гѡ. бл҃говѣ́рнагѡ вели́кагѡ кнѧ́зѧ геѡ́ргїа.

Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀.

Тропа́рь, гла́съ и҃:

На высотѣ̀ вели́кагѡ кнѧже́нїѧ сѣдѧ̀, ꙗ҆ви́лсѧ є҆сѝ бл҃гоче́стїемъ и҆ вѣ́рою сїѧ́ѧ ѻ҆те́чествꙋ своемꙋ̀ ꙗ҆́кѡ со́лнце: по ст҃ѣ́й трⷪ҇цѣ ре́вностїю разже́гсѧ, и҆ за вѣ́рꙋ крѣ́пкѡ пострада́въ, кро́вь свою̀ пролїѧ́лъ є҆сѝ. тѣ́мъ и҆ ѿсѣ́ченаѧ твоѧ̀ за хрⷭ҇та̀ глава̀ свидѣ́тельствꙋетъ ꙗ҆́вѣ ѡ҆ тебѣ̀, прилѣ́пшаѧ по сме́рти къ тѣлесѝ твоемꙋ̀: съ не́юже и҆ до дне́сь нетлѣ́нны пребыва́ютъ мо́щи твоѧ̑, ѿ ни́хже и҆сточа́еши и҆сцѣлє́нїѧ дꙋша́мъ и҆ тѣлесє́мъ на́шымъ. но ꙗ҆́кѡ дерзнове́нїе и҆мѣ́ѧ ко хрⷭ҇тꙋ̀, стрⷭ҇тоте́рпче геѡ́ргїе, непреста́ннѡ молѝ, держа́вꙋ твою̀ и҆ срѡ́дникъ твои́хъ безвре́днꙋ сохрани́ти мл҃твами твои́ми.

Конда́къ, гла́съ и҃.

Хрⷭ҇то́вѣ сме́рти подо́бѧсѧ, и҆ тогѡ̀ и҆спи́ти ча́шꙋ возжелѣ́въ ꙗ҆́кѡ живота̀: за него́же мꙋ́жески подвиза́лсѧ є҆сѝ, презрѣ́въ земно́е ца́рство, ѿ безбо́жныхъ ва̑рваръ пострада́въ до сме́рти, геѡ́ргїе бг҃омꙋ́дре. тѣ́мъ молѝ сп҃сти́сѧ хрⷭ҇толюби́вомꙋ і҆мпера́торꙋ на́шемꙋ, мл҃твами твои́ми.

Въ то́йже де́нь прпⷣбнагѡ ѻ҆тца̀ на́шегѡ кѷрі́лла, новоезе́рскагѡ чꙋдотво́рца.

Соверша́етсѧ собо́ръ є҆гѡ̀ во ѻ҆би́тели є҆гѡ̀.

<<сл҃а ѡ҆б.: 462>>

Тропа́рь, гла́съ и҃:

Бж҃їимъ дх҃омъ подвиза́емь, сле́зъ твои́хъ тꙋ́чами и҆зсо́хшее напои́лъ є҆сѝ, и҆ безпло́тное въ пꙋсты́ни житїѐ показа́лъ є҆сѝ: и҆ є҆́же и҆з̾ глꙋбины̀ се́рдца, бо́дренными мл҃твами и҆ посто́мъ, бл҃годѣѧ́нїѧ трꙋды̀ ᲂу҆плодоноси́лъ є҆сѝ: и҆ вселе́ннꙋю всю̀ просвѣти́лъ є҆сѝ сїѧ́нїемъ чꙋде́съ твои́хъ, ѻ҆́тче на́шъ кѷрі́лле, молѝ хрⷭ҇та̀ бг҃а сп҃сти́сѧ дꙋша́мъ на́шымъ.

Конда́къ, гла́съ и҃:

Взбра́нномꙋ и҆ крѣ́пкомꙋ а҆дама́нтꙋ, прогони́телю бѣсѡ́въ, но́вомꙋ чꙋдотво́рцꙋ побѣди́тєльнаѧ, страсте́й ѕлы́хъ свободи́вшесѧ, бл҃года́рствєннаѧ восписꙋ́емъ тѝ, ѻ҆́тче на́шъ кѷрі́лле. но ꙗ҆́кѡ и҆мѣ́ѧ дерзнове́нїе ᲂу҆ престо́ла хрⷭ҇то́ва, вѣ́рою чтꙋ́щихъ тѧ̀, гра́дъ же и҆ лю́ди, мл҃твою твое́ю сохранѧ́й: ты́ бо є҆сѝ і҆мпера́торꙋ крⷭ҇тоно́сномꙋ, и҆ ста́дꙋ твоемꙋ̀ похвала̀ и҆ ᲂу҆твержде́нїе.

є҃. Ст҃ы́ѧ мч҃нцы а҆га́ѳїи.

Стїхи̑ры пра́здника г҃, гла́съ а҃. Подо́бенъ: Нбⷭ҇ныхъ чинѡ́въ: И҆ мч҃нцы г҃, гла́съ д҃. Подо́бенъ: Да́лъ є҆сѝ зна́менїе: Сла́ва, мч҃нцы, гла́съ и҃, самогла́сенъ: Пресла́вно чꙋ́до бы́сть: И҆ ны́нѣ, пра́здника, гла́съ то́йже: И҆́же на херꙋві́мѣхъ: На стїхо́внѣ стїхи̑ры пра́здника, гла́съ ѕ҃. Сла́ва, и҆ ны́нѣ, гла́съ в҃. Тропа́рь ст҃ы́ѧ, гла́съ д҃: А҆́гница твоѧ̀ і҆и҃се а҆га́ѳїа: септе́мврїа въ ѕ҃і де́нь. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь тропа́рь пра́здника два́жды. Сла́ва, мч҃нцы: И҆ ны́нѣ, пра́здника и҆ ѻ҆бы̑чныѧ каѳі̑смы: и҆ сѣда́льны пра́здника. Канѡ́нъ пра́здника, со і҆рмосо́мъ на и҃, і҆рмо́съ по два́жды, и҆ ст҃ы́ѧ на д҃, гла́съ в҃. По г҃-й пѣ́сни,

<<сл҃в: 463>>

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Да ᲂу҆краси́тсѧ дне́сь цр҃ковь порфѵ́рою сла́вною, ѡ҆моче́ною ѿ чи́стыхъ крове́й а҆га́ѳїи мч҃нцы, ра́дꙋйсѧ, вопїю́щи, ката́нскаѧ похвало̀.

И҆ сѣда́ленъ, гла́съ г҃. Сла́ва, и҆ ны́нѣ пра́здника, гла́съ то́йже: и҆ чте́нїе. По ѕ҃-й пѣ́сни, конда́къ и҆ і҆́косъ пра́здника, и҆ про́логъ. По ѳ҃-й пѣ́сни, свѣти́ленъ мч҃нцы. Сла́ва, и҆ ны́нѣ, пра́здника. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, пра́здника, гла́съ и҃ подо́бенъ то́йже: Ра́дꙋйсѧ ꙗ҆́же ра́дость:

ѕ҃. Прпⷣбнагѡ ѻ҆тца̀ на́шегѡ вꙋко́ла є҆пⷭ҇кпа смѵ́рнскагѡ.

Стїхи̑ры пра́здника г҃, гла́съ а҃. Подо́бенъ: Нбⷭ҇ныхъ чинѡ́въ: и҆ прпⷣбнагѡ г҃, гла́съ ѕ҃. Подо́бенъ: Тридне́венъ: Сла́ва, и҆ ны́нѣ, пра́здника, гла́съ є҃: И҆спыта́йте писа̑нїѧ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, пра́здника, гла́съ є҃: Ве́тхїй де́ньми: Тропа́рь, гла́съ д҃: Пра́вило вѣ́ры: септе́мврїа во в҃ де́нь. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃а́гѡ: И҆ ны́нѣ, пра́здника. И҆ ѻ҆бы̑чныѧ каѳі̑смы, и҆ сѣда́льны пра́здника. и҆ чте́нїе. Канѡ́нъ пра́здника, со і҆рмосо́мъ на и҃, и҆ ст҃а́гѡ на д҃, гла́съ ѕ҃. По г҃-й пѣ́сни, сѣда́ленъ ст҃а́гѡ, гла́съ д҃. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. По ѳ҃-й пѣ́сни, свѣти́ленъ пра́здника. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҃ подо́бенъ то́йже: Ве́лїе и҆ стра́шное:

<<сл҃в ѡ҆б.: 464>>

з҃. Прпⷣбнагѡ ѻ҆тца̀ на́шегѡ парѳе́нїа, є҆пⷭ҇кпа ламѱакі́йскагѡ. И҆ прпⷣбнагѡ ѻ҆тца̀ на́шегѡ лꙋкѝ, и҆́же во є҆лла́дѣ.

Стїхи̑ры ст҃и́телѧ г҃, гла́съ а҃. Подо́бенъ: Нбⷭ҇ныхъ чинѡ́въ: и҆ прпⷣбнагѡ г҃, гла́съ ѕ҃. Подо́бенъ: Всю̀ ѿложи́вше: Сла́ва, и҆ ны́нѣ, пра́здника, гла́съ то́йже. самогла́сенъ: На рꙋка́хъ ста́рческихъ: На стїхо́внѣ стїхи̑ры пра́здника, гла́съ ѕ҃. Подо́бенъ: Тридне́венъ: Сла́ва, и҆ ны́нѣ, гла́съ то́йже, самогла́сенъ: Да ѿве́рзетсѧ две́рь: Тропа́рь ст҃ы́хъ, гла́съ д҃: Бж҃е ѻ҆тє́цъ на́шихъ: ное́мврїа въ к҃ де́нь. Сла́ва и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, ст҃ы́хъ: И҆ ны́нѣ, пра́здника: и҆ ѻ҆бы̑чныѧ каѳі̑смы: и҆ сѣда́льны пра́здника: и҆ чте́нїе. Канѡ́нъ пра́здника, со і҆рмосо́мъ на ѕ҃: и҆ ст҃ы́хъ два̀, на и҃: ст҃и́телѧ, гла́съ д҃, и҆ прпⷣбнагѡ, гла́съ ѕ҃: По г҃-й пѣ́сни,

Конда́къ, гла́съ д҃. Подо́бенъ: Дв҃а дне́сь:

Чꙋде́съ прїѧ́лъ є҆сѝ бж҃е́ственнꙋю бл҃года́ть, бг҃омꙋ́дре сщ҃е́нне парѳе́нїе, чꙋдотво́рче бг҃оно́се, всѧ̑ вѣ́рныхъ стра̑сти ѡ҆чища́ѧ, дꙋ́хи лꙋка́вства ѻ҆́тче и҆згонѧ́ѧ: сегѡ̀ ра́ди тѧ̀ воспѣва́емъ, ꙗ҆́кѡ ве́лїѧ таи́нника бж҃їѧ бл҃года́ти.

И҆ сѣда́ленъ, гла́съ то́йже. Сла́ва прпⷣбнагѡ, гла́съ и҃: И҆ ны́нѣ, пра́здника. По ѕ҃-й пѣ́сни, конда́къ, и҆ і҆́косъ пра́здника. По ѳ҃-й пѣ́сни, свѣти́ленъ пра́здника, два́жды. На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, и҆ ны́нѣ, гла́съ и҃ подо́бенъ то́йже: Ра́дꙋйсѧ ꙗ҆́же ра́дость:

<<сл҃г: 465>>

и҃. Ст҃а́гѡ великомч҃нка ѳео́дѡра стратила́та: И҆ ст҃а́гѡ прⷪ҇ро́ка заха́рїи серпови́дца.

Стїхи̑ры мч҃нка г҃, гла́съ д҃. Подо́бенъ: Ꙗ҆́кѡ до́блѧ: и҆ прⷪ҇ро́ка г҃, гла́съ и҃. Подо́бенъ: Что́ вы нарече́мъ: Сла́ва, мч҃нка, гла́съ и҃: Бж҃їихъ дарѡ́въ: И҆ ны́нѣ, пра́здника, гла́съ то́йже: И҆́же на херꙋві́мѣхъ: На стїхо́внѣ стїхи̑ры пра́здника, гла́съ в҃. Подо́бенъ: До́ме є҆ѵфра́ѳовъ: Сла́ва, мч҃нка, гла́съ є҃: Дне́сь возсїѧ̀ па́че денни́цы: И҆ ны́нѣ, пра́здника, гла́съ то́йже: Ве́тхїй де́ньми:

Тропа́рь мч҃нка, гла́съ д҃:

Воинствосло́вїемъ и҆́стиннымъ стрⷭ҇тоте́рпче, нбⷭ҇нагѡ цр҃ѧ̀ воево́да предо́брый бы́лъ є҆сѝ ѳео́дѡре: ѻ҆рꙋ́жїѧми бо вѣ́ры ѡ҆полчи́лсѧ є҆сѝ мꙋ́дреннѡ, и҆ побѣди́лъ є҆сѝ де́монѡвъ полкѝ, и҆ побѣдоно́сный ꙗ҆ви́лсѧ є҆сѝ страда́лецъ. тѣ́мже тѧ̀ вѣ́рою при́снѡ ᲂу҆блажа́емъ.

Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника, два́жды. Сла́ва, мч҃нка: И҆ ны́нѣ, пра́здника. и҆ ѻ҆бы̑чныѧ каѳі̑смы: и҆ сѣда́льны пра́здника: и҆ чте́нїе. Канѡ́нъ пра́здника со і҆рмосо́мъ на ѕ҃: и҆ ст҃ы́хъ два̀ канѡ́на на и҃, гла́съ и҃. По г҃-й пѣ́сни, конда́къ пра́здника: и҆ сѣда́ленъ мч҃нка, гла́съ и҃. Сла́ва, прⷪ҇ро́ка, гла́съ г҃. И҆ ны́нѣ пра́здника: и҆ чте́нїе. По ѕ҃-й пѣ́сни,

Конда́къ мч҃нка, гла́съ в҃: Подо́бенъ: Вы́шнихъ и҆щѧ̀:

Мꙋ́жествомъ дꙋшѝ въ вѣ́рꙋ ѡ҆болкі́йсѧ, и҆ глаго́лъ бж҃їй а҆́ки копїѐ въ рꙋ́кꙋ взе́мъ, врага̀ побѣди́лъ є҆сѝ, мч҃нкѡвъ преве́лїй ѳео́дѡре: съ ни́ми хрⷭ҇тꙋ̀ бг҃ꙋ молѧ́сѧ не преста́й ѡ҆ всѣ́хъ на́съ.

И҆ і҆́косъ: и҆ про́логъ. По ѳ҃-й пѣ́сни, свѣти́ленъ мч҃нка. Сла́ва, и҆ ны́нѣ, пра́здника. На стїхо́внѣ стїхи̑ры пра́здника, гла́съ а҃. Подо́бенъ: Всехва́льнїи мч҃нцы: Сла́ва, ст҃а́гѡ, гла́съ и҃: Страда́льческїй соста́въ: И҆ ны́нѣ, <<сл҃г ѡ҆б.: 466>> пра́здника, гла́съ є҃: И҆спыта́йте писа̑нїѧ: На лїтꙋргі́и, бл҃же́нна пра́здника, пѣ́снь и҃-ѧ, и҆ ст҃а́гѡ, пѣ́снь ѕ҃-ѧ. Прокі́менъ, гла́съ з҃: Возвесели́тсѧ првⷣнкъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ къ тїмоѳе́ю, зача́ло сч҃в: Возмога́й ѡ҆ бл҃года́ти: А҆ллилꙋ́їа, гла́съ д҃: Првⷣнкъ ꙗ҆́кѡ фі́нїѯъ процвѣте́тъ: Є҆ѵⷢ҇лїе матѳе́а, зача́ло л҃ѕ: Сѐ а҆́зъ посыла́ю ва́съ: Прича́стенъ: Въ па́мѧть вѣ́чнꙋю:

ѳ҃. Ст҃а́гѡ мч҃нка нїки́фора. Въ сі́й де́нь ѿдае́тсѧ пра́здникъ срѣ́тенїѧ гдⷭ҇нѧ.

А҆́ще же не слꙋчи́тсѧ въ сі́й де́нь ѿда́нїе пра́здника, пое́тсѧ си́це: На Гдⷭ҇и воззва́хъ, стїхи̑ры, гла́съ в҃. Подо́бенъ: Є҆гда̀ ѿ дре́ва: Сла́ва, гла́съ ѕ҃: Показа́лъ є҆сѝ всѣ̑мъ ꙗ҆́вѣ: И҆ ны́нѣ, бг҃оро́диченъ, и҆лѝ крⷭ҇тобг҃оро́диченъ. Тропа́рь мч҃нка, гла́съ д҃: Мч҃нкъ тво́й гдⷭ҇и: септе́мврїа во в҃-й де́нь. На ᲂу҆́трени, канѡ́нъ, гла́съ и҃. По г҃-й пѣ́сни,

Конда́къ, гла́съ а҃. Подо́бенъ: Ли́къ а҆́гг҃льскїй:

Любвѐ сою́зомъ свѧза́всѧ нїки́форе, разрꙋши́лъ є҆сѝ ꙗ҆́вѣ ѕло́бꙋ не́нависти, и҆ мече́мъ во главꙋ̀ твою̀ ᲂу҆сѣ́ченъ бы́лъ є҆сѝ, мч҃нкъ бж҃е́ственный вопло́щшагѡсѧ сп҃са: є҆го́же ѡ҆ на́съ молѝ пою́щихъ сла́внꙋю па́мѧть твою̀.

Та́же сѣда́ленъ, гла́съ а҃. По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

Впери́всѧ сла́вне гдⷭ҇нею любо́вїю, и҆ сегѡ̀ сла́вный крⷭ҇тъ на ра́мо взе́мъ, посрами́лъ є҆сѝ дїа́вѡли кѡ́зни: пострада́лъ є҆сѝ да́же до сме́рти, и҆ и҆́стины ꙗ҆ви́лсѧ є҆сѝ побѣдоно́сецъ, ѻ҆рꙋ́жникъ и҆ таи́нникъ бж҃їѧ бл҃года́ти.

По ѳ҃-й пѣ́сни, свѣти́ленъ мч҃нка.

<<сл҃д: 467>>

[[комм.]] Подоба́етъ вѣ́дати, а҆́ще прилꙋчи́тсѧ ѿда́нїе срѣ́тенїѧ гдⷭ҇нѧ пре́жде недѣ́ли мытарѧ̀ и҆ фарїсе́а въ седми́цѣ въ кі́йлибо де́нь, кромѣ̀ недѣ́ли.

Ве́черъ, по ѻ҆бы́чной каѳі́смѣ, на Гдⷭ҇и воззва́хъ, стїхи̑ры пра́здника на ѕ҃, поє́мыѧ на са́мый пра́здникъ. Сла́ва, и҆ ны́нѣ, пра́здника, самогла́сенъ. А҆́ще въ пѧто́къ ве́чера, Сла́ва, пра́здника: И҆ ны́нѣ, бг҃оро́диченъ настоѧ́щагѡ гла́са. Прокі́менъ днѐ, вхо́да и҆ чте́нїѧ нѣ́сть. На стїхо́внѣ стїхи̑ры пра́здника со стїхѝ и҆́хъ. Сла́ва, и҆ ны́нѣ, пра́здника. По трист҃о́мъ тропа́рь пра́здника. Та́же, є҆ктенїа̀ и҆ ѿпꙋ́стъ. На повече́рїи, по трист҃о́мъ, конда́къ пра́здника. Полꙋ́нощницꙋ пое́мъ по ѻ҆бы́чаю съ каѳі́смою и҆ тропарѝ ѻ҆бы́чными. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. По ѻ҆бо́ихъ каѳі́смахъ, сѣда́льны пра́здника, и҆ чтє́нїѧ. Канѡ́нъ пра́здника со і҆рмосо́мъ на д҃і, і҆рмо́съ по два́жды. Катава́сїа, то́йже і҆рмо́съ. По г҃-й пѣ́сни, сѣда́ленъ пра́здника, два́жды. По ѕ҃-й пѣ́сни, конда́къ и҆ і҆́косъ пра́здника: и҆ чте́нїе въ про́логѣ. На ѳ҃-й пѣ́сни, Чⷭ҇тнѣ́йшꙋю не пое́мъ, но пое́мъ припѣ́вы пра́здника, ꙗ҆́коже и҆ на са́мый пра́здникъ. Свѣти́ленъ пра́здника два́жды. На хвали́техъ стїхи̑ры пра́здника на д҃. Сла́ва, и҆ ны́нѣ, самогла́сенъ пра́здника. Посе́мъ славосло́вїе вели́кое. По трист҃о́мъ тропа́рь пра́здника, є҆ди́ножды. Та́же є҆ктєнїѝ, и҆ ѿпꙋ́стъ: и҆ ѻ҆бы́чное и҆схожде́нїе въ притво́ръ, и҆ ча́съ пе́рвый. На часѣ́хъ, тропа́рь и҆ конда́къ пра́здника. На лїтꙋргі́и, блажє́нна, пѣ́снь ѳ҃-ѧ, со і҆рмосо́мъ на ѕ҃. По вхо́дѣ тропа́рь пра́здника. Сла́ва, и҆ ны́нѣ, конда́къ пра́здника. Прокі́менъ, А҆ллилꙋ́їа, и҆ прича́стенъ пра́здника: а҆по́столъ <<сл҃д ѡ҆б.: 468>> и҆ є҆ѵⷢ҇лїе днѐ. [зрѝ] Ст҃а́гѡ же прилꙋчи́вшагѡсѧ слꙋ́жбꙋ пое́мъ на повече́рїи, и҆лѝ ка́кѡ настоѧ́тель и҆зво́литъ.

[[комм.]] А҆́ще ли прилꙋчи́тсѧ ѿда́нїе пра́здника срѣ́тенїѧ гдⷭ҇нѧ въ недѣ́лю, пре́жде недѣ́ли мытарѧ̀ и҆ фарїсе́а:

Въ сꙋббѡ́тꙋ ве́чера, на ма́лѣй вече́рни стїхи̑ры воскрⷭ҇ны по ѻ҆бы́чаю. На стїхо́внѣ стїхи́ра воскрⷭ҇на є҆ди́на, и҆ пра́здника стїхо́вна съ припѣ́вы вели́кїѧ вече́рни. Сла́ва, и҆ ны́нѣ, пра́здника. Тропа́рь воскрⷭ҇нъ. Сла́ва, и҆ ны́нѣ, пра́здника. На вели́цѣй вече́рни, по предначина́тельномъ ѱалмѣ̀ пое́мъ, Бл҃же́нъ мꙋ́жъ, каѳі́смꙋ всю̀. На Гдⷭ҇и воззва́хъ, стїхи̑ры воскрⷭ҇ны г҃, и҆ а҆нато́лїевъ а҃, и҆ пра́здника ѕ҃, поє́мыѧ на са́мый пра́здникъ. Сла́ва, пра́здника: И҆ ны́нѣ, бг҃оро́диченъ а҃- й гла́са. На лїті́и стїхи̑ры пра́здника. Сла́ва, и҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, и҆ ны́нѣ, пра́здника. На бл҃гослове́нїи хлѣ́бѡвъ тропа́рь, Бцⷣе дв҃о, два́жды: и҆ пра́здника є҆ди́ножды, и҆ чте́нїе въ посла́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, и҆ ны́нѣ, пра́здника. По ѻ҆бои́хъ каѳі́смахъ сѣда́льны воскрⷭ҇ны, и҆ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ, и҆ полѷеле́й, и҆ тропарѝ: А҆́гг҃льскїй собо́ръ: ѵ҆пакоѝ гла́са, и҆ чте́нїе. Степє́нна, и҆ прокі́менъ гла́са. Всѧ́кое дыха́нїе: є҆ѵⷢ҇лїе воскрⷭ҇но, и҆ про́чее воскрⷭ҇но и҆ до канѡ́на. Канѡ́нъ воскрⷭ҇нъ со і҆рмосо́мъ на д҃: и҆ бцⷣѣ на в҃: и҆ пра́здника на и҃. Катава́сїа пра́здника, Сꙋ́шꙋ глꙋбороди́тельнꙋю зе́млю: По г҃-й пѣ́сни, конда́къ и҆ і҆́косъ пра́здника: и҆ сѣда́ленъ пра́здника, два́жды. По ѕ҃-й пѣ́сни, конда́къ и҆ і҆́косъ воскрⷭ҇нъ: и҆ чте́мъ про́логъ. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, и҆ ны́нѣ, пра́здника. На хвали́техъ стїхи̑ры воскрⷭ҇ны д҃: и҆ пра́здника со сла́внымъ <<сл҃є: 469>> д҃, со стїхѝ пра́здничными. Сла́ва, стїхи́ра є҆ѵⷢ҇льскаѧ: И҆ ны́нѣ, Пребл҃гослове́нна є҆сѝ бцⷣе дв҃о: И҆ славосло́вїе вели́кое. По трист҃о́мъ тропа́рь воскрⷭ҇нъ то́чїю. є҆ктєнїѝ, и҆ ѿпꙋ́стъ, и҆ ѡ҆глаше́нїе стꙋді́тово, и҆ и҆схожде́нїе ѻ҆бы́чное въ притво́ръ, и҆ ча́съ пе́рвый. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По трист҃о́мъ конда́къ пра́здника, и҆ коне́чный ѿпꙋ́стъ. Та́кожде и҆ на про́чихъ часѣ́хъ глаго́лемъ тропарѝ и҆ кондакѝ. На лїтꙋргі́и, бл҃жє́нна гла́са, на ѕ҃: и҆ пра́здника пѣ́снь ѳ҃-ѧ, на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ воскрⷭ҇нъ: И҆ ны́нѣ, конда́къ пра́здника. Прокі́менъ гла́са, и҆ пра́здника. А҆по́столъ и҆ є҆ѵⷢ҇лїе недѣ́ли рѧ́дъ, и҆ пра́здника. Прича́стенъ: Хвали́те гдⷭ҇а съ нб҃съ: Дрꙋгі́й, пра́здника. [зрѝ] Прилꙋчи́вшагѡсѧ же ст҃а́гѡ рѧдова́гѡ въ сїю̀ недѣ́лю слꙋ́жбꙋ пое́мъ на повече́рїи, и҆лѝ ка́кѡ настоѧ́тель и҆зво́литъ.

[зрѝ][[комм.]] Оу҆ка́зъ ѡ҆ пра́здницѣ срѣ́тенїѧ гдⷭ҇нѧ, а҆́ще въ ко́й де́нь срѣ́тенїе бꙋ́детъ, и҆лѝ въ ко́й де́нь слꙋчи́тсѧ ѿда́нїе є҆гѡ̀.

А҆́ще ли слꙋчи́тсѧ пра́здникъ срѣ́тенїѧ гдⷭ҇нѧ въ недѣ́лю блꙋ́днагѡ, и҆лѝ въ понедѣ́льникъ, и҆лѝ во вто́рникъ мѧсопꙋ́стныѧ недѣ́ли, ѿдае́тсѧ пра́здникъ въ пѧто́къ тоѧ́же недѣ́ли. А҆́ще ли слꙋчи́тсѧ въ сре́дꙋ, и҆лѝ четверто́къ, и҆лѝ пѧто́къ, и҆лѝ въ сꙋббѡ́тꙋ мѧсопꙋ́стныѧ недѣ́ли: и҆ ѿдае́тсѧ во вто́рникъ сы́рныѧ недѣ́ли. А҆́ще ли слꙋчи́тсѧ въ недѣ́лю мѧсопꙋ́стнꙋю, и҆лѝ въ понедѣ́льникъ сы́рныѧ недѣ́ли: и҆ ѿдае́тсѧ въ четверто́къ тоѧ́же недѣ́ли. А҆́ще ли слꙋчи́тсѧ во вто́рникъ, и҆лѝ въ сре́дꙋ сыропꙋ́стныѧ недѣ́ли: и҆ ѿдае́тсѧ въ сꙋббѡ́тꙋ тоѧ́же недѣ́ли. А҆́ще ли слꙋчи́тсѧ въ четверто́къ сы́рный, и҆лѝ въ пѧто́къ, и҆лѝ въ сꙋббѡ́тꙋ: и҆ ѿдае́тсѧ въ недѣ́лю <<сл҃є ѡ҆б.: 470>> сыропꙋ́стнꙋю. А҆́ще ли срѣ́тенїе бꙋ́детъ въ недѣ́лю сыропꙋ́стнꙋю, тогда̀ пра́зднꙋемъ є҆ди́нъ де́нь.

[зрѝ][[комм.]] А҆́ще слꙋчи́тсѧ ѿда́нїе срѣ́тенїѧ гдⷭ҇нѧ въ недѣ́лю фарїсе́евꙋ, и҆лѝ блꙋ́днагѡ, и҆лѝ сыропꙋ́стнꙋю.

Въ сꙋббѡ́тꙋ на ма́лѣй вече́рни, стїхи̑ры воскрⷭ҇ны гла́са, по ѻ҆бы́чаю. На стїхо́внѣ стїхи́ра воскре́сна: и҆ пра́здника стїхо́вна вели́кїѧ вече́рни. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃, и҆ трїѡ́ди г҃, и҆ пра́здника, со сла́внымъ, д҃. Сла́ва, трїѡ́ди: И҆ ны́нѣ, бг҃оро́диченъ а҃-й гла́са. А҆́ще ли хра́мъ срѣ́тенїѧ: И҆ ны́нѣ, пра́здника. На лїті́и стїхи̑ры пра́здника, и҆ трїѡ́ди хвали̑тныѧ, кромѣ̀ сла́вна. Сла́ва, трїѡ́ди: И҆ ны́нѣ, пра́здника. На стїхо́внѣ стїхи̑ры воскрⷭ҇ны. Сла́ва, трїѡ́ди: И҆ ны́нѣ, пра́здника. На бл҃гослове́нїи хлѣ́бѡвъ, тропа́рь, Бцⷣе дв҃о, два́жды: и҆ пра́здника є҆ди́ножды. На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, и҆ ны́нѣ пра́здника. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе: и҆ пое́мъ полѷеле́й. ѱало́мъ: Хвали́те и҆́мѧ гдⷭ҇не: и҆ дрꙋгі́й ѱало́мъ: И҆сповѣ́дайтесѧ гдⷭ҇еви:

[зрѝ] А҆́ще ли недѣ́лѧ блꙋ́днагѡ, и҆лѝ сыропꙋ́стнаѧ. Пое́мъ и҆ г҃-й ѱало́мъ: На рѣка́хъ вавѷлѡ́нскихъ: со а҆ллилꙋ́їею.

А҆́ще недѣ́лѧ фарїсе́а. Пое́мъ непоро́чны: и҆ про́чее воскрⷭ҇но, и҆ до канѡ́на. Канѡ́нъ воскрⷭ҇нъ со і҆рмосо́мъ на д҃: и҆ трїѡ́ди, на д҃: и҆ пра́здника на ѕ҃. Катава́сїа пра́здника. По г҃-й пѣ́сни, конда́къ и҆ сѣда́ленъ трїѡ́ди. Сла́ва, и҆ ны́нѣ, пра́здника. По ѕ҃-й пѣ́сни, конда́къ и҆ і҆́косъ пра́здника. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, трїѡ́ди: И҆ ны́нѣ, пра́здника. На хвали́техъ стїхи̑ры воскрⷭ҇ны, д҃: и҆ пра́здника, со сла́внымъ, д҃. Сла́ва, трїѡ́ди: И҆ ны́нѣ, Пребл҃гослове́нна є҆сѝ:

<<сл҃ѕ: 471>>

[А҆́ще недѣ́лѧ сыропꙋ́стнаѧ. И҆ по стїхи́рахъ пра́здника глаго́лемъ припѣ́вы: Воскрⷭ҇нѝ гдⷭ҇и бж҃е мо́й: и҆ пое́мъ самогла́снꙋ стїхи́рꙋ трїѡ́ди днѐ. Сла́ва, и҆́нꙋ стїхи́рꙋ. И҆ ны́нѣ, Пребл҃гослове́нна є҆сѝ: и҆ по ѿпꙋ́стѣ, Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й. На часѣ́хъ, тропа́рь воскрⷭ҇нъ. Сла́ва, пра́здника: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ пра́здника, и҆ трїѡ́ди, премѣнѧ́юще глаго́лемъ. На лїтꙋргі́и, бл҃жє́нна гла́са на д҃, и҆ трїѡ́ди пѣ́снь г҃-ѧ, на д҃: и҆ пра́здника ѳ҃-ѧ на д҃. По вхо́дѣ тропа́рь воскрⷭ҇нъ, и҆ пра́здника. Сла́ва, конда́къ трїѡ́ди: И҆ ны́нѣ, пра́здника. Прокі́менъ днѐ. и҆ пра́здника. [зрѝ] Въ сꙋббѡ́тꙋ ᲂу҆́бѡ мѧсопꙋ́стнꙋю ѿда́нїе срѣ́тенїѧ не быва́етъ: та́кожде и҆ въ недѣ́лю мѧсопꙋ́стнꙋю.

[[комм.]] А҆́ще ли ѿда́нїе срѣ́тенїѧ гдⷭ҇нѧ слꙋчи́тсѧ во вто́рникъ, и҆лѝ четверто́къ сы́рныѧ недѣ́ли, и҆ пое́мъ си́це:

Ве́черъ, на Гдⷭ҇и воззва́хъ, стїхи̑ры пра́здника на ѕ҃. Сла́ва, и҆ ны́нѣ, пра́здника. На стїхо́внѣ трїѡ́ди самогла́сенъ днѐ, два́жды: и҆ мч҃нченъ, съ припѣ́вы ѻ҆бы́чными. Сла́ва, и҆ ны́нѣ, пра́здника. Тропа́рь пра́здника. Рѧдова́гѡ же ст҃а́гѡ слꙋ́жбꙋ пое́мъ на повече́рїи, и҆лѝ ка́кѡ настоѧ́тель и҆зво́литъ. На ᲂу҆́трени, на Бг҃ъ гдⷭ҇ь, тропа́рь пра́здника, три́жды. По каѳі́смахъ сѣда́льны пра́здника. Канѡ́нъ пра́здника, со і҆рмосо́мъ на д҃і. А҆ и҆дѣ́же трипѣ́снецъ, пое́мъ пра́здника со і҆рмосо́мъ на ѕ҃: и҆ трїѡ́ди на и҃. По г҃-й пѣ́сни сѣда́ленъ трїѡ́ди: пи́санъ по в҃-й каѳі́смѣ. Сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ пра́здника. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ пра́здника, два́жды. На хвали́техъ стїхи̑ры пра́здника, на д҃. Сла́ва, и҆ ны́нѣ, пра́здника. На стїхо́внѣ трїѡ́ди, самогла́сенъ днѐ, два́жды: <<сл҃ѕ ѡ҆б.: 472>> и҆ мч҃нченъ. Сла́ва, и҆ ны́нѣ, пра́здника. Тропа́рь пра́здника: є҆ктенїа̀, и҆ ѿпꙋ́стъ. На лїтꙋргі́и, бл҃жє́нна пра́здника, пѣ́снь ѳ҃-ѧ на ѕ҃. По вхо́дѣ тропа́рь пра́здника, Сла́ва, и҆ ны́нѣ, конда́къ пра́здника. Прокі́менъ, А҆ллилꙋ́їа, и҆ прича́стенъ пра́здника. А҆по́столъ, и҆ є҆ѵⷢ҇лїе днѐ. Въ сре́дꙋ же и҆ пѧто́къ ѿда́нїе срѣ́тенїѧ не быва́етъ.

[[комм.]] А҆́ще ли ѿда́нїе срѣ́тенїѧ гдⷭ҇нѧ слꙋчи́тсѧ въ сꙋббѡ́тꙋ сыропꙋ́стнꙋю:

Въ пѧто́къ сы́рный ве́чера, на Гдⷭ҇и воззва́хъ, стїхи̑ры пра́здника, г҃: и҆ ѻ҆тцє́въ г҃. Сла́ва, ѻ҆тцє́въ: И҆ ны́нѣ, пра́здника. Прокі́менъ, и҆ паремїа̀ днѐ, и҆ по не́й прокі́менъ: Да ᲂу҆пова́етъ і҆и҃ль на гдⷭ҇а: На стїхо́внѣ трїѡ́ди самогла́сенъ днѐ два́жды: и҆ мч҃нченъ. Сла́ва, ѻ҆тцє́въ: И҆ ны́нѣ, пра́здника. Тропа́рь ѻ҆тцє́въ. Сла́ва, и҆ ны́нѣ, пра́здника. На ᲂу҆́трени, на Бг҃ъ гдⷭ҇ь, тропа́рь пра́здника два́жды. Сла́ва, ѻ҆тцє́въ: И҆ ны́нѣ, пра́здника. По каѳі́смахъ сѣда́льны пра́здника. Канѡ́нъ пра́здника со і҆рмосо́мъ на и҃: и҆ ѻ҆тцє́въ на ѕ҃. Катава́сїа пра́здника. По г҃-й пѣ́сни конда́къ и҆ і҆́косъ ѻ҆тцє́въ, и҆ сѣда́ленъ и҆́хъ, два́жды. Сла́ва, и҆ ны́нѣ, пра́здника. По ѕ҃-й пѣ́сни конда́къ и҆ і҆́косъ пра́здника. На ѳ҃-й пѣ́сни пое́мъ Чⷭ҇тнѣ́йшꙋю: Свѣти́ленъ пра́здника. Сла́ва, ѻ҆тцє́въ: И҆ ны́нѣ, пра́здника, На хвали́техъ стїхи̑ры пра́здника г҃: и҆ ѻ҆тцє́въ г҃. Сла́ва, ѻ҆тцє́въ: И҆ ны́нѣ, пра́здника. Славосло́вїе вели́кое. Тропа́рь ѻ҆тцє́въ: Сла́ва, и҆ ны́нѣ, пра́здника. и҆ ѻ҆бы́чное и҆схожде́нїе въ притво́ръ: и҆ ча́съ а҃-й, и҆ коне́чный ѿпꙋ́стъ. На лїтꙋргі́и, бл҃жє́нна пра́здника, пѣ́снь ѳ҃-ѧ, на д҃: и҆ ѻ҆тцє́въ пѣ́снь ѕ҃, на д҃. По вхо́дѣ тропа́рь пра́здника, и҆ ѻ҆тцє́въ. Сла́ва, конда́къ ѻ҆тцє́въ: И҆ ны́нѣ, пра́здника. прокі́менъ пра́здника, и҆ <<сл҃з: 473>> ѻ҆тцє́въ. А҆по́столъ, и҆ є҆ѵⷢ҇лїе днѐ, и҆ ѻ҆тцє́въ. Прича́стенъ пра́здника, и҆ ѻ҆тцє́въ.

і҃. Ст҃а́гѡ мч҃нка харала́мпїа.

На Гдⷭ҇и воззва́хъ, стїхи̑ры, гла́съ ѕ҃. Подо́бенъ: Всю̀ ѿложи́вше: Сла́ва, и҆ ны́нѣ, бг҃оро́диченъ и҆лѝ крⷭ҇тобг҃оро́диченъ. Тропа́рь, гла́съ д҃: Мч҃нкъ тво́й гдⷭ҇и: пи́санъ сегѡ̀ мцⷭ҇а въ а҃-й де́нь. Канѡ́нъ, гла́съ ѕ҃, на д҃. По г҃-й пѣ́сни сѣда́ленъ, гла́съ г҃. По ѕ҃-й пѣ́сни,

Конда́къ, гла́съ и҃. Подо́бенъ: Ꙗ҆́кѡ нача́тки:

Подо́бствовавъ бл҃года́тїю сщ҃е́нства сла́вне, цр҃ковь свѣ́тлѡ ᲂу҆краси́лъ є҆сѝ бж҃е́ственнымъ страда́нїемъ, є҆́же за хрⷭ҇та̀ прїѧ́лъ є҆сѝ до́блественнѡ ра́дꙋѧсѧ, харала́мпїе честны́й, свѣти́льниче всемі́рный, ѡ҆сїѧва́ѧй концы̀, ꙗ҆́кѡ непобѣди́мый.

а҃і. Ст҃а́гѡ сщ҃енномч҃нка вла́сїа:

Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ а҃. Подо́бенъ: Нбⷭ҇ныхъ чинѡ́въ: Сла́ва, гла́съ д҃: Ꙗ҆́кѡ до́бръ: На стїхо́внѣ ѻ҆ктѡ́иха. Сла́ва, ст҃а́гѡ, гла́съ ѕ҃: Прозѧ́бъ въ поще́нїи: Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃ де́нь. На ᲂу҆́трени, канѡ́нъ ст҃а́гѡ на д҃, гла́съ д҃. По г҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Бж҃е́ственное прозѧбе́нїе, цвѣ́тъ неꙋвѧда́емый, лозы̀ хрⷭ҇то́вы розго̀ многострада́льнаѧ, бг҃оно́се вла́сїе, вѣ́рою чтꙋ́щыѧ па́мѧть твою̀ весе́лїѧ твоегѡ̀ и҆спо́лни, молѧ́сѧ непреста́ннѡ ѡ҆ всѣ́хъ на́съ.

Та́же сѣда́ленъ, гла́съ и҃. По ѕ҃-й пѣ́сни,

Конда́къ, гла́съ и҃. Подо́бенъ: Ꙗ҆́кѡ нача́тки:

Сщ҃е́нїѧ пома́занїемъ, и҆ мꙋче́нїѧ кро́вїю ᲂу҆краси́лсѧ є҆сѝ сла́вне <<сл҃з ѡ҆б.: 474>> вла́сїе, и҆ сїѧ́еши всю́дꙋ въ вы́шнихъ ликꙋ́ѧ, и҆ на́съ назира́ѧ въ хра́мъ тво́й прише́дшыѧ, и҆ въ не́мъ тебѣ̀ непреста́ннѡ зовꙋ́щыѧ: всѣ́хъ на́съ соблюдѝ.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва ст҃а́гѡ.

Въ то́йже де́нь прпⷣбнагѡ ѻ҆тца̀ на́шегѡ дими́трїа прилꙋ́цкагѡ чꙋдотво́рца.

Соверша́етсѧ собо́ръ є҆гѡ̀ во ѻ҆би́тели є҆гѡ̀, и҆ и҆дѣ́же хра́мъ є҆гѡ̀.

Тропа́рь, гла́съ а҃:

Свы́ше ѿ бг҃а прпⷣбне бл҃года́ть прїѧ́лъ є҆сѝ дх҃о́внꙋю, и҆ ѿ негѡ̀ ᲂу҆́бѡ позна́лсѧ є҆сѝ бл҃же́нне. тогѡ̀ ра́ди и҆ ты̀ дх҃омъ позна́лъ є҆сѝ лꙋ̑чшаѧ є҆гѡ̀, бꙋ́дꙋщагѡ вѣ́ка пребыва́нїе, и҆ по́стнически и҆спыта́всѧ во свои́хъ ѻ҆би́телехъ. и҆ ны́нѣ со а҆́гг҃лы ликовствꙋ́ѧ, сп҃сꙋ всѣ́хъ за ны̀ моли́сѧ ст҃е дими́трїе, да всѝ вопїе́мъ: сла́ва да́вшемꙋ тѝ крѣ́пость: сла́ва вѣнча́вшемꙋ тѧ̀: сла́ва дѣ́йствꙋющемꙋ тобо́ю всѣ̑мъ и҆сцѣлє́нїѧ.

Конда́къ, гла́съ и҃. Подо́бенъ: Взбра́нной:

Ѿ ю҆́ности прпⷣбне крⷭ҇тъ тво́й взе́мъ, хрⷭ҇тꙋ̀ послѣ́довалъ є҆сѝ, въ мл҃твахъ и҆ поще́нїихъ, во бдѣ́нїихъ же и҆ ѕлострада́нїихъ, пло́ть твою̀ и҆знꙋрѧ́ѧ. тѣ́мже и҆ всеви́дѧщее ѻ҆́ко твоѧ̑ трꙋды̀ ви́дѣвъ, чꙋдесы̀ тѧ̀ прославлѧ́етъ, и҆ всѣ́хъ зва́ти тебѣ̀ наꙋча́етъ: ра́дꙋйсѧ прпⷣбне ѻ҆́тче дими́трїе, по́стникѡвъ ᲂу҆добре́нїе.

И҆ преставле́нїе ст҃а́гѡ бл҃говѣ́рнагѡ вели́кагѡ кн҃зѧ все́волода, нарече́ннагѡ во ст҃о́мъ креще́нїи гаврїи́ла, псковска́гѡ чꙋдотво́рца.

Соверша́етсѧ собо́ръ є҆гѡ̀, и҆дѣ́же лежа́тъ мо́щи є҆гѡ̀, и҆ и҆дѣ́же хра́мъ є҆гѡ̀.

Тропа́рь, гла́съ д҃:

И҆з̾ мла́да ꙗ҆ви́лсѧ є҆сѝ бг҃омꙋ́дре кнѧ́же гаврїи́ле бж҃е́ственный <<сл҃и: 475>> сосꙋ́дъ, и҆збра́нъ бг҃ови, бл҃гоче́стїемъ воспита́нъ, вѣ́рꙋ непоро́чнꙋ соблю́дъ, и҆ мнѡ́ги ст҃ы̑ѧ цр҃кви ᲂу҆стро́ивъ, и҆згна́нїе претерпѣ́лъ є҆сѝ ѿ свои́хъ, ꙗ҆́коже и҆ цѣломꙋ́дрїи прароди́тели твоѝ ѿ бра́та ᲂу҆бїе́нїе. съ ни́миже предстоѧ̀ ст҃ѣ́й трⷪ҇цѣ моли́сѧ, держа́вы рѡ́сскїѧ нача́льникѡмъ сохранє́ннымъ бы́ти, и҆ всѣ̑мъ на́мъ сп҃сти́сѧ.

Конда́къ, гла́съ и҃. Подо́бенъ: Взбра́нной:

Многомꙋ́дреннѡ пресели́всѧ во гра́дъ пско́въ, бл҃же́нне кнѧ́же гаврїи́ле, пло́дъ бл҃гі́й бг҃ови въ жи́зни се́й бы́лъ є҆сѝ, присноцвѣтꙋ́щь добродѣ́тельми, и҆ ꙗ҆́коже дв҃дъ неѕло́бїемъ: тогѡ̀ ра́ди полꙋчи́лъ є҆сѝ жи́знь вѣ́чнꙋю на нб҃сѣ́хъ, всегда̀ зрѧ̀ ст҃ꙋ́ю трⷪ҇цꙋ, молѝ и҆зба́витисѧ на́мъ ѿ всѧ́кихъ бѣ́дъ, да зове́мъ тѝ: ра́дꙋйсѧ ᲂу҆твержде́нїе гра́дꙋ на́шемꙋ.

в҃і. И҆́же во ст҃ы́хъ ѻ҆тца̀ на́шегѡ меле́тїа, а҆рхїепі́скопа а҆нтїохі́и вели́кїѧ.

Стїхи̑ры ѻ҆ктѡ́иха г҃, и҆ меле́тїа г҃, гла́съ д҃. Подо́бенъ: Ꙗ҆́кѡ до́блѧ: Тропа́рь, гла́съ д҃: Пра́вило вѣ́ры: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ ст҃а́гѡ, гла́съ и҃. По ѕ҃-й пѣ́сни,

Конда́къ, гла́съ ѕ҃:

Дх҃о́внагѡ твоегѡ̀ дерзнове́нїѧ ᲂу҆боѧ́всѧ ѿстꙋ́пникъ бѣ́гаетъ македо́нїй: мл҃твенное же слꙋже́нїе соверша́юще твоѝ рабѝ, любо́вїю притека́емъ, а҆́гг҃лѡмъ собесѣ́дниче меле́тїе, ѻ҆́гненный мечꙋ̀ хрⷭ҇та̀ бг҃а на́шегѡ, всѧ̑ безбѡ́жныѧ закала́ѧй: воспѣва́емъ тѧ̀ свѣти́льника, просвѣти́вшаго всѧ̑.

Въ то́йже де́нь, и҆́же во ст҃ы́хъ ѻ҆тца̀ на́шегѡ а҆леѯі́а митрополі́та, всеѧ̀ рѡссі́и чꙋдотво́рца.

А҆́ще нѣ́сть по́стъ, и҆ и҆зво́литъ настоѧ́тель пѣ́ти ст҃и́телю а҆леѯі́ю со бдѣ́нїемъ, пое́мъ є҆мꙋ̀ ꙗ҆́коже <<сл҃и ѡ҆б.: 476>> про́чымъ вели́кимъ ст҃ы̑мъ и҆мꙋ́щымъ бдѣ́нїе. [зрѝ] А҆́ще ли по́стъ: пое́мъ є҆мꙋ̀ по ма́рковѣ главѣ̀, ꙗ҆́коже ᲂу҆каза́сѧ пѣ́ти ѡ҆брѣ́тенїю честны́ѧ главы̀ прⷣте́чевы. [зрѝ] А҆ и҆дѣ́же лежа́тъ мо́щи є҆гѡ̀, подо́бнѣ и҆ во хра́мѣ, пое́тсѧ слꙋ́жба є҆гѡ̀ по ма́рковѣ главѣ̀, ꙗ҆́коже срѣ́тенїѧ гдⷭ҇нѧ. На ма́лѣй вече́рни, стїхи̑ры на д҃, гла́съ и҃. Подо́бенъ: Ѽ пресла́внагѡ чꙋдесѐ! Сла́ва, гла́съ то́йже, самогла́сенъ: Прїиди́те рѡссі́йстїи собо́ри: И҆ ны́нѣ, бг҃оро́диченъ, гла́съ то́йже. На стїхо́внѣ стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. а҃-й, Сщ҃е́нницы твоѝ ѡ҆блекꙋ́тсѧ въ пра́вдꙋ: в҃, Бл҃же́нъ мꙋ́жъ боѧ́йсѧ гдⷭ҇а: Сла́ва, и҆ ны́нѣ, бг҃оро́диченъ, подо́бенъ то́йже: Ѡ҆бра́дованнаѧ ра́дꙋйсѧ: По трист҃о́мъ глаго́лемъ,

Тропа́рь, гла́съ и҃:

Ꙗ҆́кѡ а҆пⷭ҇лѡмъ сопресто́льна, и҆ врача̀ предо́бра, и҆ слꙋжи́телѧ бл҃гопрїѧ́тна, къ ра́цѣ твое́й честнѣ́й притека́юще ст҃и́телю а҆леѯі́е, бг҃омꙋ́дре чꙋдотво́рче, соше́дшесѧ любо́вїю въ па́мѧть твою̀ свѣ́тлѡ пра́зднꙋемъ, въ пѣ́снехъ и҆ пѣ́шихъ ра́дꙋющесѧ, и҆ хрⷭ҇та̀ сла́вѧще, таковꙋ́ю бл҃года́ть тебѣ̀ дарова́вшаго и҆сцѣле́нїй, и҆ гра́дꙋ твоемꙋ̀ вели́кое ᲂу҆твержде́нїе.

Сла́ва, и҆́нъ тропа́рь, гла́съ д҃:

А҆пⷭ҇льскихъ догма̑тъ ѻ҆па́сна храни́телѧ, цр҃кве рѡссі́йскїѧ па́стырѧ и҆ ᲂу҆чи́телѧ, пребл҃же́ннагѡ а҆леѯі́а ст҃и́телѧ па́мѧть пра́зднꙋюще, славосло́вимъ хрⷭ҇та̀ бг҃а на́шего пѣ́сньми достодо́лжными, дарова́вшаго на́мъ ᲂу҆го́дника своего̀ ꙗ҆́кѡ ѻ҆би́льный и҆сто́чникъ точа́щь врачева̑нїѧ, гра́дꙋ же москвѣ̀ похвалꙋ̀ и҆ ᲂу҆твержде́нїе.

И҆ ны́нѣ, бг҃оро́диченъ. Є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, по ѻ҆бы́чномъ ѱалмѣ̀: Пое́мъ Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры <<сл҃ѳ: 477>> на и҃: гла́съ є҃. Подо́бенъ: Ра́дꙋйсѧ: И҆́ны стїхи̑ры, гла́съ в҃: Подо́бенъ: Кі́ими похва́льными: Сла́ва, гла́съ ѕ҃: Ст҃и́телей ᲂу҆добре́нїе: И҆ ны́нѣ, бг҃оро́диченъ а҃-й. Вхо́дъ. Прокі́менъ днѐ. Чтє́нїѧ трѝ, ст҃и́тєльскаѧ. На лїті́и стїхи̑ры хра́ма: и҆ ст҃а́гѡ самогла́сны г҃, гла́съ и҃: Прпⷣбне ѻ҆́тче: Сла́ва: гла́съ ѕ҃: Є҆гда̀ прише́лъ є҆сѝ ѿ цр҃ѧ̀: И҆ ны́нѣ, бг҃оро́диченъ: По́сланъ бы́сть: На стїхо́внѣ, стїхи̑ры, гла́съ в҃. Подо́бенъ: До́ме є҆ѵфра́ѳовъ: съ припѣ́вы и҆́хъ. Сла́ва, гла́съ ѕ҃, самогла́сенъ: Бл҃гі́й ра́бе: И҆ ны́нѣ: Творе́цъ и҆ и҆зба́витель: На бл҃гослове́нїи хлѣ́бѡвъ тропарѝ ѻ҆́ба по є҆ди́ножды, пи́саны на ма́лѣй вече́рни: и҆ Бцⷣе дв҃о: є҆ди́ножды. и҆ Бꙋ́ди и҆́мѧ гдⷭ҇не, три́жды: съ пѣ́нїемъ. и҆ чте́мъ ѿ житїѧ̀ ст҃а́гѡ а҆леѯі́а. А҆́ще же нѣ́сть бдѣ́нїѧ: Тропа́рь ст҃а́гѡ. Сла́ва, и҆ ны́нѣ, бг҃оро́диченъ а҃-й. На ᲂу҆́трени, на Бг҃ъ гдⷭ҇ь, тропа́рь ст҃а́гѡ. Сла́ва, дрꙋгі́й. И҆ ны́нѣ, бг҃оро́диченъ а҃-й. и҆ ѻ҆бы̑чныѧ каѳі̑смы. По а҃-й каѳі́смѣ сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ, и҆ чте́мъ є҆ѵⷢ҇лїе днѐ толково́е. По в҃-й каѳі́смѣ сѣда́ленъ, гла́съ д҃, два́жды. Сла́ва, и҆ ны́нѣ, бг҃оро́диченъ. и҆ чте́мъ ѿ житїѧ̀ ст҃а́гѡ. По полѷеле́и сѣда́ленъ ст҃а́гѡ, гла́съ и҃, два́жды. Сла́ва, и҆ ны́нѣ, бг҃оро́диченъ и҆ чте́нїе ст҃а́гѡ: Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ то́йже: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: Всѧ́кое дыха́нїе: Є҆ѵⷢ҇лїе і҆ѡа́нна, зача́ло л҃ѕ: а҆́зъ є҆́смь две́рь: По н҃-мъ ѱалмѣ̀ стїхи́ра, гла́съ ѕ҃: Неиздае́ма є҆́сть бл҃года́ть: Канѡ́нъ бцⷣы со і҆рмосо́мъ на ѕ҃: и҆ ст҃а́гѡ два̀ канѡ́на, на и҃: а҃-й, гла́съ и҃. в҃-й, гла́съ д҃: Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, сѣда́ленъ, гла́съ д҃. Сла́ва, гла́съ и҃. И҆ ны́нѣ, бг҃оро́диченъ: и҆ чте́мъ ѿ житїѧ̀ ст҃а́гѡ. По ѕ҃-й пѣ́сни,

<<сл҃ѳ ѡ҆б.: 478>>

Конда́къ, гла́съ и҃. Подо́бенъ: Взбра́нной:

Бж҃е́ственнаго и҆ пречестна́го ст҃и́телѧ хрⷭ҇то́ва, но́ваго чꙋдотво́рца а҆леѯі́а, вѣ́рнѡ всѝ пою́ще лю́дїе, любо́вїю да ᲂу҆бл҃жи́мъ, ꙗ҆́кѡ па́стырѧ вели́каго, слꙋжи́телѧ же и҆ ᲂу҆чи́телѧ премꙋ́дра землѝ рѡссі́йстѣй: дне́сь въ па́мѧть є҆гѡ̀ прите́кше, ра́достнѡ возопїе́мъ пѣ́снь бг҃оно́сномꙋ: ꙗ҆́кѡ и҆мѣ́ѧ дерзнове́нїе къ бг҃ꙋ, многоѡбра́зныхъ на́съ и҆зба́ви ѡ҆бстоѧ́нїй, да зове́мъ тѝ: ра́дꙋйсѧ ᲂу҆твержде́нїе гра́дꙋ на́шемꙋ.

И҆ і҆́косъ, и҆ чте́мъ про́логъ. По ѳ҃-й пѣ́сни, свѣти́ленъ ст҃а́гѡ, два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры, на д҃, гла́съ и҃. Подо́бенъ: Что̀ вы̀ нарече́мъ: Сла́ва, гла́съ ѕ҃: Человѣ́че бж҃їй: И҆ ны́нѣ, Бцⷣе, ты̀ є҆сѝ лоза̀: Славосло́вїе вели́кое. По трⷭ҇то́мъ тропа́рь. Сла́ва, и҆ ны́нѣ, бг҃оро́диченъ. Є҆ктєнїѝ, и҆ ѿпꙋ́стъ, и҆ дае́тсѧ ст҃ы́й є҆ле́й ѿ канди́ла ст҃а́гѡ, и҆ ча́съ а҃. На а҃-мъ часѣ̀, тропа́рь ст҃а́гѡ. И҆ ны́нѣ, бг҃оро́диченъ часѡ́въ. По трист҃о́мъ конда́къ є҆гѡ̀, и҆ соверше́нный ѿпꙋ́стъ. На лїтꙋргі́и, бл҃жє́нна ѿ канѡ́на, пѣ́снь г҃-ѧ и҆ ѕ҃-ѧ. Прокі́менъ, гла́съ з҃: Чⷭ҇тна̀ пред̾ гдⷭ҇емъ: Сті́хъ: Что̀ возда́мъ гдⷭ҇еви: А҆по́столъ ко є҆вре́ємъ, зача́ло тл҃є: Повинꙋ́йтесѧ наста́вникѡмъ: А҆ллилꙋ́їа: Воззва́ша првⷣнїи: Сті́хъ: Мнѡ́ги скѡ́рби првⷣнымъ: Є҆ѵⷢ҇лїе лꙋкѝ, зача́ло к҃д: Ста̀ і҆и҃съ на мѣ́стѣ ра́внѣ: Призри́частенъ: Въ па́мѧть вѣ́чнꙋю: [зрѝ] Ст҃а́гѡ же меле́тїа слꙋ́жбꙋ пое́мъ на повече́рїи: и҆лѝ когда̀ настоѧ́тель и҆зво́литъ. Тропа́рь, и҆ конда́къ є҆гѡ̀, пи́саны вы́ше сегѡ̀.

г҃і. Прпⷣбнагѡ ѻ҆тца̀ на́шегѡ мартїнїа́на.

Стїхи̑ры ѻ҆ктѡ́иха г҃, и҆ ст҃а́гѡ г҃, гла́съ в҃. Подо́бенъ: Є҆гда̀ ѿ дре́ва: Сла́ва, гла́съ то́йже, самогла́сенъ: Ра́дꙋйсѧ <<с҃м: 479>> честна́ѧ: На стїхо́внѣ ѻ҆ктѡ́иха. Сла́ва, ст҃а́гѡ, гла́съ ѕ҃, самогла́сенъ: И҆спещре́нъ ѻ҆де́ждею:

Тропа́рь, гла́съ и҃:

Пла́мень и҆скꙋше́нїй сле́зъ тече́ньми погаси́лъ є҆сѝ бл҃же́нне, и҆ мѡрска́ѧ волнє́нїѧ, и҆ ѕвѣре́й стремлє́нїѧ ѡ҆бꙋзда́вый, взыва́лъ є҆сѝ: препросла́вленъ є҆сѝ всеси́льне, ѻ҆гнѧ̀ и҆ бꙋ́ри сп҃сы́й мѧ̀.

На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ в҃. По г҃-й пѣ́сни сѣда́ленъ, гла́съ д҃. По ѕ҃- й пѣ́сни,

Конда́къ, гла́съ в҃. Подо́бенъ: Твє́рдыѧ:

Ꙗ҆́кѡ подви́жника бл҃гоче́стїѧ и҆скꙋ́сна, и҆ страда́льца произволе́нїемъ честна́го, и҆ пꙋсты́ни жи́телѧ и҆ все́льника, въ пѣ́снехъ досто́йнѡ восхва́лимъ мартїнїа́на присночестна́го: то́й бо ѕмі́ѧ попра̀.

И҆ і҆́косъ, и҆ про́логъ. По ѳ҃-й пѣ́сни свѣти́ленъ ѻ҆ктѡ́иха. Сла́ва, ст҃а́гѡ: И҆ ны́нѣ, бг҃оро́диченъ.

д҃і. Прпⷣбнагѡ ѻ҆тца̀ на́шегѡ а҆ѵѯе́нтїа.

Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ д҃. Подо́бенъ: Да́лъ є҆сѝ зна́менїе: Сла́ва, гла́съ и҃: Чⷭ҇таѧ дх҃а ст҃а́гѡ мꙋ́дрость: На стїхо́внѣ ѻ҆ктѡ́иха. Тропа́рь, гла́съ а҃: Пꙋсты́нный жи́тель: септе́мврїа въ к҃ѳ-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ д҃. По г҃-й пѣ́сни сѣда́ленъ, гла́съ и҃. По ѕ҃-й пѣ́сни,

Конда́къ, гла́съ в҃. Подо́бенъ: Въ мл҃твахъ:

Наслади́всѧ бг҃омꙋ́дре воздержа́нїѧ, и҆ жела̑нїѧ пло́ти твоеѧ̀ ѡ҆бꙋзда́въ, ꙗ҆ви́лсѧ є҆сѝ вѣ́рою сїѧ́ѧ, ꙗ҆́коже са́дъ посредѣ̀ раѧ̀ процвѣ́лъ є҆сѝ, а҆ѵѯе́нтїе ѻ҆́тче сщ҃е́нне.

И҆ і҆́косъ. Свѣти́ленъ ѻ҆ктѡ́иха. Сла́ва, ст҃а́гѡ: И҆ ны́нѣ, бг҃оро́диченъ.

<<см҃ ѡ҆б.: 480>>

И҆ прпⷣбнагѡ ѻ҆тца̀ на́шегѡ кѡнстанті́на фїло́софа, во мні́сѣхъ кѷрі́лла, ᲂу҆чи́телѧ слове́нскагѡ.

Тропа́рь, гла́съ д҃:

Ѿ пеле́нъ прилѣ́жнѡ премꙋ́дрость сестрꙋ̀ себѣ̀ сотвори́въ, бг҃огла́се, пресвѣ́тлꙋю ви́дѣвъ, ꙗ҆́кѡ дв҃и́цꙋ чи́стꙋ, ю҆́же прїе́мъ, приведѐ, ꙗ҆́кѡ мони̑сты златы́ми се́ю ᲂу҆краси́въ свою̀ дꙋ́шꙋ и҆ ᲂу҆́мъ, и҆ ѡ҆брѣ́тесѧ ꙗ҆́кѡ дрꙋгі́й кѷрі́ллъ, бл҃же́нне, ра́зꙋмомъ и҆ и҆ и҆́менемъ мꙋ́дре.

Конда́къ, гла́съ в҃. Подо́бенъ: Твє́рдыѧ:

Тве́рдымъ и҆ бг҃одꙋхнове́ннымъ ᲂу҆че́нїемъ просвѣща́ѧ мі́ръ пресвѣ́тлыми зарѧ́ми, ѡ҆бтечѐ, ꙗ҆́кѡ мо́лнїѧ вселе́ннꙋю, кѷрі́лле бл҃же́нне, разсѣва́ѧ пресвѣ́тлое бж҃їе сло́во, на за́падѣ и҆ сѣ́верѣ и҆ ю҆́зѣ мі́ръ просвѣща́ѧ чꙋдесы̀.

є҃і. Ст҃а́гѡ а҆пⷭ҇ла ѻ҆ни́сїма.

Стїхи̑ры ѻ҆ктѡ́иха г҃: и҆ а҆пⷭ҇ла г҃, гла́съ а҃. Подо́бенъ: Нбⷭ҇ныхъ чинѡ́въ: На стїхо́внѣ ѻ҆ктѡ́иха. Тропа́рь, гла́съ г҃: А҆пⷭ҇ле ст҃ы́й ѻ҆ни́сїме: ѻ҆ктѡ́врїа въ а҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ ѕ҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Ꙗ҆́кѡ лꙋча̀ возсїѧ́лъ є҆сѝ вселе́ннѣй, зарѧ́ми сїѧ́ѧ со́лнца бл҃же́нне всесвѣ́тлагѡ па́ѵла, мі́ръ просвѣти́вшагѡ: тѣ́мже тѧ̀ почита́емъ, ѻ҆ни́сїме сла́вне.

ѕ҃і. Ст҃а́гѡ мч҃нка памфі́ла, и҆ и҆̀же съ ни́мъ.

Стїхи̑ры мч҃нкѡвъ г҃, гла́съ а҃. Подо́бенъ: Нбⷭ҇ныхъ чинѡ́въ: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. На ᲂу҆́трени, канѡ́нъ, гла́съ д҃. По г҃-й пѣ́сни сѣда́ленъ, гла́съ д҃. По ѕ҃-й пѣ́сни,

<<см҃а: 481>>

Конда́къ, гла́съ д҃. Подо́бенъ: Вознесы́йсѧ:

Мꙋче́нїємъ стра̑шнымъ предлежа́щымъ, гдⷭ҇ни страда́льцы до́блїи въ небоѧ́зненномъ ра́дꙋющесѧ мꙋдрова́нїи, си́мъ собесѣ́доваша ѡ҆ пло́ти неради́вше. тѣ́мже наслѣ́дствоваша вѣ́чнꙋющꙋю сла́вꙋ, ѡ҆ на́съ молѧ́щесѧ при́снѡ восхвалѧ́ющихъ и҆́хъ по́двиги.

з҃і. Ст҃а́гѡ великомч҃нка ѳео́дѡра тѵ́рѡна.

Стїхи̑ры ст҃а́гѡ на ѕ҃, гла́съ в҃. Подо́бенъ: Є҆гда̀ ѿ дре́ва: И҆́ны стїхи̑ры, гла́съ д҃. Подо́бенъ: Ꙗ҆́кѡ до́блѧ: Сла́ва, гла́съ ѕ҃, самогла́сенъ: Сщ҃е́нїѧ да́ръ: На стїхо́внѣ ѻ҆ктѡ́иха. Сла́ва, ст҃а́гѡ, гла́съ и҃: Страда́льчески мꙋ́жествомъ:

Тропа́рь, гла́съ в҃:

Ве́лїѧ вѣ́ры и҆справлє́нїѧ, во и҆сто́чницѣ пла́мене, ꙗ҆́кѡ на водѣ̀ ᲂу҆покое́нїѧ, ст҃ы́й мч҃нкъ ѳео́дѡръ ра́довашесѧ: ѻ҆гне́мъ бо всесожже́гсѧ, ꙗ҆́кѡ хлѣ́бъ сла́дкїй трⷪ҇цѣ принесе́сѧ. тогѡ̀ мл҃твами хрⷭ҇тѐ бж҃е сп҃сѝ дꙋ́шы на́шѧ.

На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на ѕ҃, гла́съ и҃. По г҃-й пѣ́сни, сѣда́ленъ, гла́съ д҃, два́жды. По ѕ҃-й пѣ́сни,

Конда́къ, гла́съ и҃:

Вѣ́рꙋ хрⷭ҇то́вꙋ ꙗ҆́кѡ щи́тъ внꙋ́трь прїи́мъ въ се́рдцѣ твое́мъ, проти̑вныѧ си̑лы попра́лъ є҆сѝ многострада́льче, и҆ вѣнце́мъ нбⷭ҇нымъ вѣнча́лсѧ є҆сѝ вѣ́чнѡ ѳео́дѡре, ꙗ҆́кѡ непобѣди́мый.

И҆ і҆́косъ. По ѳ҃-й пѣ́сни, свѣти́ленъ ѻ҆ктѡ́иха. Сла́ва, ст҃а́гѡ. На стїхо́внѣ ѻ҆ктѡ́иха. Сла́ва, ст҃а́гѡ, гла́съ в҃: Бж҃е́ственныхъ: На лїтꙋргі́и, бл҃же́нна ѻ҆ктѡ́иха, на д҃: и҆ ст҃а́гѡ пѣ́снь г҃-ѧ, на д҃. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ къ тїмоѳе́ю, зача́ло сч҃в. А҆ллилꙋ́їа, гла́съ <<см҃а ѡ҆б.: 482>> д҃: Првⷣникъ ꙗ҆́кѡ фі́нїѯъ процвѣте́тъ: Сті́хъ: Насажде́ни въ домꙋ̀ гдⷭ҇ни: Є҆ѵⷢ҇лїе і҆ѡа́нна, зача́ло н҃в: Прича́стенъ: Въ па́мѧть вѣ́чнꙋю:

и҃і. И҆́же во ст҃ы́хъ ѻ҆тца̀ на́шегѡ льва̀, па́пы ри́мскагѡ.

Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ и҃. Подо́бенъ: Что̀ вы̀ нарече́мъ: Тропа́рь, гла́съ и҃. Правосла́вїѧ наста́вниче: ѻ҆ктѡ́врїа въ а҃і-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

На прⷭ҇то́лѣ сла́вне сщ҃е́нства сѣ́дъ, и҆ львѡ́въ ᲂу҆ста̀ слове́сныхъ загради́въ, догма́ты бг҃одꙋхнове́нными чⷭ҇тны́ѧ трⷪ҇цы ѡ҆зари́лъ є҆сѝ свѣ́тъ бг҃оразꙋ́мїѧ твоемꙋ̀ ста́дꙋ. сегѡ̀ ра́ди просла́вилсѧ є҆сѝ ꙗ҆́кѡ бж҃е́ственный таи́нникъ бж҃їѧ бл҃года́ти.

И҆ і҆́косъ. Свѣти́ленъ ѻ҆ктѡ́иха. Сла́ва, ст҃а́гѡ.

ѳ҃і. Ст҃а́гѡ а҆пⷭ҇ла а҆рхі́ппа.

Стїхи̑ры ѻ҆ктѡ́иха, г҃: и҆ а҆пⷭ҇ла г҃, гла́съ и҃. Подо́бенъ: Мч҃нцы: Тропа́рь, гла́съ г҃: А҆пⷭ҇ле ст҃ы́й: ѻ҆ктѡ́врїа въ ѕ҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ а҆пⷭ҇ла на д҃, гла́съ д҃. По г҃-й пѣ́сни, сѣда́ленъ, гла́съ а҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Ꙗ҆́кѡ ѕвѣздꙋ̀ вели́кꙋю тѧ̀ цр҃ковь и҆мꙋ́щи а҆рхі́ппе, чꙋде́съ твои́хъ лꙋча́ми просвѣща́ема, зове́тъ тебѣ̀: сп҃сѝ вѣ́рою почита́ющыѧ па́мѧть твою̀.

<<см҃в: 483>>

к҃. Прпⷣбнагѡ ѻ҆тца̀ на́шегѡ льва̀, є҆пⷭ҇кпа ката́нскагѡ.

Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ и҃. Подо́бенъ: Гдⷭ҇и а҆́ще и҆ на сꙋди́щи: Тропа́рь, гла́съ д҃: Пра́вило вѣ́ры: септе́мврїа во в҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ и҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ и҃. Подо́бенъ: Ꙗ҆́кѡ нача́тки:

Ꙗ҆́коже свѣти́льника превели́ка цр҃ковь и҆́мать всебл҃же́нне, тебѐ па́че со́лнца сїѧ́юща, ю҆́же твои́ми мл҃твами сохранѝ бл҃же́нне, непобѣди́мꙋ и҆ непоколеби́мꙋ ѿ є҆́реси всѧ́кїѧ, и҆ нескве́рнꙋ, ꙗ҆́кѡ приснопа́мѧтный.

к҃а. Прпⷣбнагѡ ѻ҆тца̀ на́шегѡ тїмоѳе́а, и҆́же въ сѷмво́лѣхъ: И҆ и҆́же во ст҃ы́хъ ѻ҆тца̀ на́шегѡ є҆ѵста́ѳїа а҆рхїепⷭ҇кпа а҆нтїохі́йскагѡ.

Стїхи̑ры прпⷣбнагѡ г҃, гла́съ и҃. Подо́бенъ: Ѽ пресла́внагѡ чꙋдесѐ! и҆ ст҃и́телѧ г҃, гла́съ то́йже. Подо́бенъ: Что́ вы нарече́мъ: Тропа́рь, гла́съ д҃: Бж҃е ѻ҆тє́цъ на́шихъ: ное́мврїа въ к҃-й де́нь. На ᲂу҆́трени, канѡ́нъ ѻ҆ктѡ́иха є҆ди́нъ, со і҆рмосо́мъ на ѕ҃: и҆ ст҃ы́хъ два̀, на и҃: прпⷣбнагѡ, гла́съ и҃: ст҃и́телѧ, гла́съ з҃. По г҃-й пѣ́сни, сѣда́ленъ прпⷣбнагѡ, гла́съ и҃. Сла́ва, ст҃и́телѧ, гла́съ г҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ дне́сь:

Ꙗ҆́кѡ ѕвѣзда̀ многосвѣ́тлаѧ ѿ восто́ка возсїѧ́въ, ѡ҆зари́лъ є҆сѝ въ сердца́хъ вѣ́рныхъ добродѣ́тєли чꙋде́съ твои́хъ, чꙋдоно́сче всебл҃же́нне тїмоѳе́е.

<<см҃в ѡ҆б.: 484>>

к҃в. Ѡ҆брѣ́тенїе чⷭ҇тны́хъ моще́й ст҃ы́хъ мч҃нкъ, и҆̀же во є҆ѵге́нїи:

Стїхи̑ры ѻ҆ктѡ́иха г҃, и҆ мч҃нкѡвъ г҃, гла́съ д҃: Подо́бенъ: Зва́нный свы́ше: Тропа́рь, гла́съ д҃: Мч҃нцы твоѝ гдⷭ҇и: септе́мврїа въ к҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃ы́хъ на д҃, гла́съ и҃. По г҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Ѿ землѝ возсїѧ́вше ꙗ҆́кѡ свѣти̑ла пра́вды, нече́стїѧ всю̀ ѿрази́сте мглꙋ̀: и҆ вѣ́рныхъ просвѣща́ете мч҃нцы бжⷭ҇твеннїи, трⷪ҇цы побѡ́рницы.

Та́же сѣда́ленъ, гла́съ а҃. По ѕ҃-й пѣ́сни,

Конда́къ, гла́съ и҃. Подо́бенъ: Ꙗ҆́кѡ нача́тки:

Крѣ́пцыи вѣ́ры столпѝ, добропобѣ́днїи мч҃нцы, за хрⷭ҇та̀ под̾е́мше разли̑чныѧ мꙋ̑ки, и҆ на лѣ̑та мнѡ́га сокрове́ни бы́сте: и҆ ны́нѣ ꙗ҆ви́стесѧ ꙗ҆́кѡ многоцѣ́нное бога́тство, и҆ въ цр҃ковь бж҃їю че́стнѡ носи́ми, а҆рхїере́а бж҃їѧ дла́ньми, просѧ́щымъ раздава́ете, є҆́же на по́льзꙋ. тѣ́мъ моли́тесѧ ѡ҆ дꙋша́хъ на́шихъ.

к҃г. Ст҃а́гѡ сщ҃енномч҃нка полѷка́рпа, є҆пⷭ҇кпа смѵ́рнскагѡ:

Стїхи̑ры ѻ҆ктѡ́иха г҃: и҆ ст҃а́гѡ г҃, гла́съ а҃. Подо́бенъ: Нбⷭ҇ныхъ чинѡ́въ: Тропа́рь, гла́съ д҃: И҆ нра́вѡмъ прича́стникъ: септе́мврїа въ г҃-й де́нь. На ᲂу҆́трени, ѻ҆́ба канѡ́на ѻ҆ктѡ́иха: и҆ ст҃а́гѡ на д҃, гла́съ в҃. По г҃-й пѣ́сни, сѣда́ленъ, гла́съ и҃. По ѕ҃-й пѣ́сни,

Конда́къ, гла́съ а҃. Подо́бенъ: Ли́къ а҆́гг҃льскїй:

Плоды̀ словє́сныѧ гдⷭ҇еви приносѧ̀ полѷка́рпе мꙋ́дре, добродѣ́телей жє́ртвы: тѣ́мже и҆ ѿ бг҃а досто́инъ і҆ера́рхъ просла́вилсѧ є҆сѝ. сегѡ̀ ра́ди дне́сь просвѣ́щшесѧ твои́ми словесы̀, воспѣва́емъ твою̀ достохва́льнꙋю па́мѧть, сла́вѧще гдⷭ҇а.

И҆ і҆́косъ. Свѣти́ленъ ѻ҆ктѡ́иха. Сла́ва, ст҃а́гѡ: И҆ ны́нѣ, бг҃оро́диченъ.

<<см҃г: 485>>

к҃д. Пе́рвое и҆ второ́е ѡ҆брѣ́тенїе чⷭ҇тны́ѧ главы̀ прⷣте́чевы:

А҆́ще не є҆́сть по́стъ, ве́черъ пое́мъ, Бл҃же́нъ мꙋ́жъ: а҃-й а҆нтїфѡ́нъ: На Гдⷭ҇и воззва́хъ, стїхи̑ры на ѕ҃, гла́съ є҃. Подо́бенъ: Ра́дꙋйсѧ: Сла́ва, гла́съ ѕ҃: Сокро́вище бж҃е́ственныхъ дарѡ́въ: И҆ ны́нѣ: Кто̀ тебѐ не ᲂу҆бл҃жи́тъ: Вхо́дъ. Прокі́менъ днѐ, и҆ чтє́нїѧ г҃: а҃-е, Прⷪ҇ро́чества и҆са́їина: Та́кѡ глаго́летъ гдⷭ҇ь: в҃-е, Прⷪ҇ро́чества малахі́ина: Та́кѡ глаго́летъ гдⷭ҇ь вседержи́тель: г҃-е, Премꙋ́дрости соломѡ́ни: Првⷣникъ а҆́ще пости́гнетъ: Є҆ктенїа̀. На стїхо́внѣ стїхи̑ры, гла́съ в҃. Подо́бенъ: Є҆гда̀ ѿ дре́ва: съ припѣ́вы и҆́хъ. Сла́ва, гла́съ в҃: Ꙗ҆́коже бж҃е́ственныхъ: И҆ ны́нѣ, бг҃оро́диченъ воскрⷭ҇нъ. По трист҃о́мъ глаго́лемъ,

Тропа́рь, гла́съ д҃:

Ѿ землѝ возсїѧ́вши прⷣте́чева глава̀, лꙋчы̀ и҆спꙋща́етъ нетлѣ́нїѧ, вѣ̑рнымъ и҆сцѣле́нїй, свы́ше собира́етъ мно́жество а҆́гг҃лъ, до́лѣ же созыва́етъ человѣ́ческїй ро́дъ, є҆диногла́снꙋю возсыла́ти сла́вꙋ хрⷭ҇тꙋ̀ бг҃ꙋ.

Сла́ва, и҆ ны́нѣ, бг҃оро́диченъ: Є҆́же ѿ вѣ́ка: и҆ ѿпꙋ́стъ. На ᲂу҆́трени, на Бг҃ъ гдⷭ҇ь, тропа́рь два́жды. Сла́ва, и҆ ны́нѣ, бг҃оро́диченъ: и҆ ѻ҆бы̑чныѧ каѳі̑смы. По а҃-й каѳі́смѣ сѣда́ленъ, гла́съ д҃. два́жды. Сла́ва, и҆ ны́нѣ, бг҃оро́диченъ: и҆ чте́нїе. По в҃-й каѳі́смѣ сѣда́ленъ, гла́съ д҃, два́жды. Сла́ва, и҆ ны́нѣ, бг҃оро́диченъ: и҆ чте́нїе прⷣте́чи. По полѷеле́и сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ: и҆ чте́нїе. Степє́нна, а҃-й а҆нтїфѡ́нъ д҃-гѡ гла́са. Прокі́менъ, гла́съ д҃: Та́мѡ возращꙋ̀ ро́гъ дв҃дови. Сті́хъ: Помѧнѝ гдⷭ҇и дв҃да: Всѧ́кое дыха́нїе: Є҆ѵⷢ҇лїе лꙋкѝ, зача́ло л҃а. По н҃-мъ ѱалмѣ̀ стїхи́ра, гла́съ ѕ҃: Ꙗ҆́же пе́рвѣе на блю́дѣ: Канѡ́нъ бцⷣы со і҆рмосо́мъ <<см҃г ѡ҆б.: 486>> на ѕ҃: и҆ прⷣте́чи на и҃, гла́съ ѕ҃. Катава́сїа: Ѿве́рзꙋ ᲂу҆ста̀ моѧ̑: По г҃-й пѣ́сни, сѣда́ленъ, гла́съ и҃, два́жды. Сла́ва, и҆ ны́нѣ, бг҃оро́диченъ. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Прⷪ҇ро́че бж҃їй и҆ прⷣте́че бл҃года́ти, главꙋ̀ твою̀ ꙗ҆́кѡ ши́покъ сщ҃е́ннѣйшїй ѿ землѝ ѡ҆брѣ́тше, и҆сцѣлє́нїѧ всегда̀ прїе́млемъ: и҆́бо па́ки ꙗ҆́коже пре́жде въ мі́рѣ проповѣ́дꙋеши покаѧ́нїе.

И҆ і҆́косъ, и҆ чте́мъ про́логъ. По ѳ҃-й пѣ́сни свѣти́ленъ, два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры на д҃, гла́съ. д҃. Подо́бенъ: Да́лъ є҆сѝ зна́менїе: Сла́ва, гла́съ ѕ҃: Всечⷭ҇тнꙋ́ю главꙋ̀: И҆ ны́нѣ, бг҃оро́диченъ: Бл҃голюби́вый бж҃е и҆ сп҃се: Славосло́вїе вели́кое. По трист҃о́мъ тропа́рь. Сла́ва, и҆ ны́нѣ, бг҃оро́диченъ. Є҆ктєнїѝ, и҆ ѿпꙋ́стъ. и҆ дае́тсѧ є҆ле́й бра́тїи ѿ канди́ла ст҃а́гѡ, и҆ ча́съ а҃-й. На а҃- мъ часѣ̀, тропа́рь прⷣте́чи. По трист҃о́мъ конда́къ є҆гѡ̀. На лїтꙋргі́и, бл҃жє́нна ѿ канѡ́на, пѣ́снь г҃-ѧ, и҆ ѕ҃-ѧ. Прокі́менъ, гла́съ з҃: Возвесели́тсѧ првⷣникъ ѡ҆ гдⷭ҇ѣ: Сті́хъ: Оу҆слы́ши бж҃е гла́съ мо́й: А҆по́столъ къ корі́нѳѧнѡмъ, зача́ло рѻ҃ѕ: Бг҃ъ рекі́й: А҆ллилꙋ́їа, гла́съ д҃: Првⷣникъ ꙗ҆́кѡ фі́нїѯъ процвѣте́тъ: Сті́хъ: И҆́стина ѿ землѝ возсїѧ̀. Є҆ѵⷢ҇лїе матѳе́а, зача́ло м҃: Слы́шавъ і҆ѡа́ннъ во ᲂу҆зи́лищи дѣла̀ хрⷭ҇тѡ́ва: Прича́стенъ: Въ па́мѧть вѣ́чнꙋю:

[[комм.]] Подоба́етъ вѣ́дати, а҆́ще слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ недѣ́лю мѧсопꙋ́стнꙋю, и҆лѝ сыропꙋ́стнꙋю.

Начина́етсѧ бо съ среды̀ мѧсопꙋ́стныѧ недѣ́ли, и҆ восхо́дитъ до вто́рника д҃-ѧ недѣ́ли вели́кагѡ поста̀. На ма́лѣй вече́рни, въ сꙋббѡ́тꙋ, стїхи̑ры воскрⷭ҇ны д҃: и҆ бг҃оро́диченъ гла́са. На стїхо́внѣ стїхи́ра воскрⷭ҇на є҆ди́на, и҆ прⷣте́чи стїхо́вна. По Ны́нѣ ѿпꙋща́еши, тропа́рь <<см҃д: 487>> воскрⷭ҇нъ. Сла́ва, прⷣте́чи: И҆ ны́нѣ, бг҃оро́диченъ воскрⷭ҇нъ. є҆ктенїа̀ ма́лаѧ, и҆ ѿпꙋ́стъ. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны г҃: и҆ трїѡ́ди д҃, и҆ прⷣте́чи г҃. Сла́ва, трїѡ́ди. И҆ ны́нѣ, бг҃оро́диченъ а҃-й, гла́са.

[зрѝ] А҆́ще ли недѣ́лѧ сыропꙋ́стнаѧ: И҆ пое́мъ стїхи̑ры воскрⷭ҇ны г҃, и҆ а҆нато́лїевъ а҃: и҆ трїѡ́ди г҃, и҆ прⷣте́чи г҃. Сла́ва, трїѡ́ди: И҆ ны́нѣ, бг҃оро́диченъ а҃- й, гла́са. На лїті́и стїхи̑ры хра́ма, и҆ трїѡ́ди хвали́тныхъ два̀ стїха̀.

[зрѝ] А҆́ще недѣ́лѧ мѧсопꙋ́стнаѧ: а҃-й сті́хъ, гла́съ ѕ҃: Помышлѧ́ю де́нь ѻ҆́нъ: в҃-й, гла́съ то́йже: ѽ каковы́й ча́съ тогда̀ и҆ де́нь:

[зрѝ] А҆́ще ли недѣ́лѧ сыропꙋ́стнаѧ: Глаго́лемъ трїѡ́ди та́кожде въ лїті́и два̀ стїха̀ хвали́тныхъ, а҃-й сті́хъ, гла́съ є҃: Оу҆вы̀ мнѣ̀, а҆да́мъ рыда́нїемъ возопѝ: в҃-й, гла́съ то́йже: По́прище добродѣ́телей ѿве́рзесѧ:

Сла́ва, прⷣте́чи, гла́съ ѕ҃: Сокро́вище бж҃е́ственныхъ дарѡ́въ: И҆ ны́нѣ, трїѡ́ди, пи́санъ на лїті́и сла́вникъ. На стїхо́внѣ стїхи̑ры воскрⷭ҇ны. Сла́ва, прⷣте́чи, гла́съ в҃: Ꙗ҆́коже бж҃е́ственныхъ ᲂу҆мышле́нїй: И҆ ны́нѣ, трїѡ́ди. На бл҃гослове́нїи хлѣ́бѡвъ тропа́рь: Бцⷣе дв҃о, три́жды: и҆ чте́нїе въ посла́нїихъ а҆пⷭ҇льскихъ. На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, прⷣте́чи: И҆ ны́нѣ, бг҃оро́диченъ а҃-й, въ то́йже гла́съ. По каѳі́смахъ сѣда́льны воскрⷭ҇ны съ бг҃оро́дичны и҆́хъ: и҆ чте́нїе во є҆ѵⷢ҇лїи толково́мъ. Та́же, Хвали́те и҆́мѧ гдⷭ҇не: и҆ И҆сповѣ́дайтесѧ гдⷭ҇еви: глаго́лемъ же и҆ г҃-й ѱало́мъ: На рѣка́хъ вавѷлѡ́нскихъ: со а҆ллилꙋ́їею. та́же пое́мъ ѱало́мъ и҆збра́нный прⷣте́чи: и҆ тропарѝ: А҆́гг҃льскїй собо́ръ: и҆ сѣда́льны ѻ҆́ба по є҆ди́ножды. Сла́ва, по полѷеле́и сѣда́ленъ: И҆ ны́нѣ, бг҃оро́диченъ, и҆ чте́нїе прⷣте́чи. Степє́нна, и҆ прокі́менъ гла́са. <<см҃д ѡ҆б.: 488>> Всѧ́кое дыха́нїе: Є҆ѵⷢ҇лїе воскрⷭ҇но. Воскрⷭ҇нїе хрⷭ҇то́во: Канѡ́нъ воскрⷭ҇нъ, со і҆рмосо́мъ на д҃: и҆ трїѡ́ди на ѕ҃: и҆ прⷣте́чи на д҃. Катава́сїа трїѡ́ди.

[зрѝ] А҆́ще недѣ́лѧ сыропꙋ́стнаѧ: Канѡ́нъ воскрⷭ҇нъ, со і҆рмосо́мъ на д҃: и҆ бцⷣы на в҃: и҆ трїѡ́ди на д҃: и҆ прⷣте́чи на д҃. Катава́сїа трїѡ́ди. По г҃-й пѣ́сни, конда́къ и҆ і҆́косъ прⷣте́чи, и҆ сѣда́ленъ є҆гѡ̀, два́жды. Сла́ва, и҆ ны́нѣ, трїѡ́ди. и҆ чте́нїе прⷣте́чи. По ѕ҃-й пѣ́сни, конда́къ и҆ і҆́косъ трїѡ́ди, и҆ сѷнаѯа́рїй. На ѳ҃-й пѣ́сни, пое́мъ Чⷭ҇тнѣ́йшꙋю: Свѣти́ленъ воскрⷭ҇нъ. Сла́ва, прⷣте́чи: И҆ ны́нѣ, трїѡ́ди. На хвали́техъ стїхи̑ры воскрⷭ҇ны д҃: и҆ ст҃а́гѡ со сла́внымъ д҃: съ припѣ́вы є҆гѡ̀. и҆ по стїхи́рахъ ст҃а́гѡ, глаго́лемъ: Воскрⷭ҇нѝ гдⷭ҇и бж҃е мо́й: и҆ пое́мъ стїхи́рꙋ самогла́снꙋ трїѡ́ди, гла́съ и҃: Данїи́лъ прⷪ҇ро́къ: Сла́ва, гла́съ а҃: Пред̾ѡчи́стимъ себѐ бра́тїе: И҆ ны́нѣ: Пребл҃гослове́нна є҆сѝ:

[зрѝ] А҆́ще недѣ́лѧ сыропꙋ́стнаѧ: Глаго́лемъ та́кожде припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ стїхи́рꙋ самогла́снꙋ трїѡ́ди, гла́съ ѕ҃: А҆да́мъ и҆з̾ раѧ̀: Сла́ва, гла́съ то́йже: Приспѣ̀ вре́мѧ: И҆ ны́нѣ: Пребл҃гослове́нна є҆сѝ: Славосло́вїе вели́кое. По трист҃о́мъ тропа́рь воскрⷭ҇нъ. Є҆ктєнїѝ, и҆ ѿпꙋ́стъ, и҆ и҆схожде́нїе ѻ҆бы́чное въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ: и҆ ча́съ а҃-й. На часѣ́хъ, тропа́рь воскрⷭ҇нъ. Сла́ва, прⷣте́чи: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ трїѡ́ди и҆ прⷣте́чи, премѣнѧ́юще глаго́лемъ. На лїтꙋргі́и, бл҃жє́нна гла́са, на д҃: и҆ трїѡ́ди пѣ́снь г҃-ѧ, на д҃: и҆ прⷣте́чи ѕ҃, на д҃. По вхо́дѣ тропа́рь воскрⷭ҇нъ, и҆ прⷣте́чи. Сла́ва, конда́къ є҆гѡ̀: И҆ ны́нѣ, трїѡ́ди. Прокі́менъ, а҆пⷭ҇лъ, є҆ѵⷢ҇лїе и҆ прича́стенъ пре́жде днѐ, и҆ прⷣте́чи.

<<см҃є: 489>>

[[комм.]] А҆́ще слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ сꙋббѡ́тꙋ мѧсопꙋ́стнꙋю:

Пое́тсѧ пра́здникъ прⷣте́чевъ ве́сь, пре́жде въ пѧто́къ мѧсопꙋ́стный, непремѣ́ннѡ.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ понедѣ́льникъ, и҆лѝ во вто́рникъ сы́рныѧ недѣ́ли:

Въ недѣ́лю ве́чера пое́мъ, Бл҃же́нъ мꙋ́жъ, а҃-й а҆нтїфѡ́нъ. [Въ про́чыѧ же дни̑ седми́цы сы́рныѧ глаго́летсѧ каѳі́сма рѧдова́ѧ.] На Гдⷭ҇и воззва́хъ, стїхи̑ры прⷣте́чи на ѕ҃. Сла́ва, прⷣте́чи. И҆ ны́нѣ, бг҃оро́диченъ воскрⷭ҇нъ, въ то́йже гла́съ. Прокі́менъ днѐ, и҆ парємїѝ прⷣте́чи. На стїхо́внѣ трїѡ́ди самогла́сенъ днѐ, два́жды: и҆ мч҃нченъ. Сла́ва, прⷣте́чи. И҆ ны́нѣ, бг҃оро́диченъ. Тропа́рь прⷣте́чи. Сла́ва, и҆ ны́нѣ, бг҃оро́диченъ воскрⷭ҇нъ. И҆ є҆ктенїа̀. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, и҆ ны́нѣ, бг҃оро́диченъ: и҆ ѻ҆бы̑чныѧ каѳі̑смы. По а҃-й каѳі́смѣ сѣда́ленъ трїѡ́ди, и҆ чте́нїе днѐ. По в҃-й каѳі́смѣ сѣда́льны прⷣте́чи ѻ҆́ба, и҆ чте́нїе прⷣте́чи. Полѷеле́й и҆ сѣда́ленъ, два́жды. Сла́ва, и҆ ны́нѣ, бг҃оро́диченъ: и҆ чте́нїе прⷣте́чи. Степє́нна, а҃-й а҆нтїфѡ́нъ д҃-гѡ гла́са. Прокі́менъ прⷣте́чи. Всѧ́кое дыха́нїе: Є҆ѵⷢ҇лїе прⷣте́чи, та́же ѱало́мъ н҃. стїхи́ра прⷣте́чи. Канѡ́нъ бцⷣы, со і҆рмосо́мъ на ѕ҃, и҆ прⷣте́чи на и҃. Катава́сїа: Ѿве́рзꙋ ᲂу҆ста̀ моѧ̑: А҆ и҆дѣ́же трипѣ́снецъ, и҆ пое́мъ канѡ́нъ прⷣте́чи, со і҆рмосо́мъ на ѕ҃: и҆ трїѡ́ди на и҃. По г҃-й пѣ́сни сѣда́ленъ прⷣте́чи, два́жды. Сла́ва, и҆ ны́нѣ, бг҃оро́диченъ, и҆ чте́нїе прⷣте́чи. По ѕ҃-й пѣ́сни, конда́къ и҆ і҆́косъ прⷣте́чи, и҆ про́логъ. По ѳ҃-й пѣ́сни, свѣти́ленъ прⷣте́чи, два́жды. Сла́ва, и҆ ны́нѣ, бг҃оро́диченъ є҆гѡ̀. На хвали́техъ стїхи̑ры прⷣте́чи, на д҃. Сла́ва, прⷣте́чи: И҆ <<см҃є ѡ҆б.: 490>> ны́нѣ, бг҃оро́диченъ. На стїхо́внѣ самогла́сенъ днѐ, два́жды и҆ мч҃нченъ. Сла́ва, прⷣте́чи: Ꙗ҆́же пе́рвѣе на блю́дѣ: И҆ ны́нѣ, бг҃оро́диченъ, и҆ прѡ́чаѧ ѻ҆бы̑чнаѧ, и҆ ѿпꙋ́стъ, и҆ ча́съ а҃-й. тропа́рь прⷣте́чи, и҆ по трист҃о́мъ конда́къ є҆гѡ̀. Та́кожде и҆ на про́чихъ часѣ́хъ. На лїтꙋргі́и, бл҃жє́нна прⷣте́чи, пѣ́снь г҃-ѧ и҆ ѕ҃-ѧ. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, днѐ, и҆ прⷣте́чи.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ сре́дꙋ сы́рныѧ седми́цы, и҆ пое́мъ слꙋ́жбꙋ є҆гѡ̀, ве́черъ и҆ ᲂу҆́трѡ, во вто́рникъ сы́рныѧ недѣ́ли. А҆́ще же въ пѧто́къ, и҆ пое́мъ слꙋ́жбꙋ є҆гѡ̀ въ четверто́къ.

[[комм.]] А҆́ще слꙋчи́тсѧ ѡ҆брѣ́тенїе чⷭ҇тны́ѧ главы̀ въ четверто́къ сы́рный.

И҆ въ сре́дꙋ на часѣ́хъ, по Ѡ҆сла́би ѡ҆ста́ви, и҆ по покло́нѣхъ быва́етъ зво́нъ по ѻ҆бы́чаю и҆ а҆́бїе глаго́лемъ: Прїиди́те поклони́мсѧ: три́жды. и҆ ѱало́мъ ѻ҆бы́чный, и҆ є҆ктенїа̀, и҆ стїхи̑ры по предпи́санномꙋ. По вхо́дѣ прокі́менъ, парємїѝ днѐ, и҆ по си́хъ прокі́менъ: Да ᲂу҆пова́етъ і҆и҃ль на гдⷭ҇а: Та́же парємїѝ ст҃а́гѡ, трѝ. Посе́мъ, Сподо́би гдⷭ҇и: На стїхо́внѣ, трїѡ́ди самогла́сенъ днѐ, два́жды. и҆ мч҃нченъ. Сла́ва, прⷣте́чи: И҆ ны́нѣ, бг҃оро́диченъ: По ны́нѣ ѿпꙋща́еши, трист҃о́е. По Ѻ҆́ч҃е на́шъ, тропа́рь прⷣте́чи. Сла́ва, и҆ ны́нѣ, бг҃оро́диченъ воскрⷭ҇нъ, и҆ є҆ктенїа̀: Поми́лꙋй на́съ бж҃е: и҆ г҃ покло́ны вели̑кїѧ. посе́мъ мл҃тва: Всест҃а́ѧ трⷪ҇це: и҆ Бꙋ́ди и҆́мѧ гдⷭ҇не: три́жды, съ покло́ны: и҆ ѱало́мъ л҃г. Та́же, Досто́йно є҆́сть: и҆ ѿпꙋ́стъ. И҆ вхо́димъ въ трапе́зꙋ, и҆ разрѣша́емъ на сы́ръ и҆ ꙗ҆́ица.

[[комм.]] А҆́ще слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ сꙋббѡ́тꙋ сыропꙋ́стнꙋю:

Въ пѧто́къ ве́чера пое́мъ, Бл҃же́нъ мꙋ́жъ, а҃ а҆нтїфѡ́нъ. <<см҃ѕ: 491>> На Гдⷭ҇и воззва́хъ, стїхи̑ры прⷣте́чи, подо́бны г҃: и҆ ѻ҆тцє́въ, г҃. Сла́ва, прⷣте́чи: И҆ ны́нѣ, бг҃оро́диченъ а҃-й, гла́са. Вхо́дъ. Прокі́менъ днѐ, и҆ паремїа̀. и҆ по не́й прокі́менъ, гла́съ ѕ҃: Да ᲂу҆пова́етъ і҆и҃ль на гдⷭ҇а: та́же парємїѝ прⷣте́чи. Сподо́би гдⷭ҇и въ ве́черъ се́й: и҆ є҆ктенїа̀: И҆спо́лнимъ вече́рнюю мл҃твꙋ: На стїхо́внѣ трїѡ́ди самогла́сенъ два́жды, и҆ мч҃нченъ. Та́же припѣ́въ: Возвесели́тсѧ првⷣникъ: и҆ пое́мъ стїхи́рꙋ прⷣте́чи самогла́снꙋ, гла́съ ѕ҃: Ꙗ҆́же пре́жде на блю́дѣ: Сла́ва, ѻ҆тцє́въ, гла́съ и҃: Мона́хѡвъ мно́жєства: И҆ ны́нѣ, бг҃оро́диченъ въ то́йже гла́съ. Тропа́рь прⷣте́чи. Сла́ва, ѻ҆тцє́въ: И҆ ны́нѣ, бг҃оро́диченъ: Є҆́же ѿ вѣ́ка ᲂу҆тае́ное: Посе́мъ є҆ктенїа̀: Поми́лꙋй на́съ бж҃е: и҆ г҃ покло́ны вели̑кїѧ. Та́же, Всест҃а́ѧ трⷪ҇це: и҆ Бꙋ́ди и҆́мѧ гдⷭ҇не: три́жды, и҆ ѱало́мъ л҃г: Бл҃гословлю̀ гдⷭ҇а: и҆ ѿпꙋ́стъ. Въ трапе́зѣ разрѣша́емъ на сы́ръ и҆ ꙗ҆́ица. [зрѝ] На повече́рїи, пое́мъ канѡ́нъ ᲂу҆со́пшихъ въ притво́рѣ, ѻ҆ктѡ́иха, гла́са, и҆лѝ бг҃оро́диченъ. По досто́йно и҆ по трист҃о́мъ конда́къ прⷣте́чи. Сла́ва, и҆ ны́нѣ, трїѡ́ди ѻ҆тцє́въ. На ᲂу҆́трени, на Бг҃ъ гдⷭ҇ь, тропа́рь прⷣте́чи два́жды. Сла́ва, ѻ҆тцє́въ: И҆ ны́нѣ, бг҃оро́диченъ а҃-й. По каѳі́смахъ сѣда́льны ѻ҆тцє́въ, и҆ бг҃оро́дичны и҆́хъ, и҆ чте́нїе ѻ҆тцє́въ. Полѷеле́й, и҆ сѣда́льны прⷣте́чи всѝ по є҆ди́ножды. Сла́ва, и҆́же по полѷеле́и сѣда́льны: И҆ ны́нѣ, бг҃оро́диченъ, и҆ чте́нїе прⷣте́чи. Степє́нна а҃-й а҆нтїфѡ́нъ д҃-гѡ гла́са. Прокі́менъ: Всѧ́кое дыха́нїе: и҆ Є҆ѵⷢ҇лїе прⷣте́чи. ѱало́мъ н҃. Стїхи̑ры прⷣте́чи. Канѡ́нъ прⷣте́чи, со і҆рмосо́мъ на ѕ҃: и҆ ѻ҆тцє́въ на и҃. Катава́сїа, і҆рмо́съ трїѡ́ди. стїхосло́вимъ же и҆ в҃-ю пѣ́снь, трїѡ́ди: [Во ѱалти́ри же пѣ́сни тоѧ̀ не глаго́лемъ.] По г҃-й пѣ́сни, конда́къ и҆ і҆́косъ прⷣте́чи, и҆ сѣда́ленъ є҆гѡ̀. Сла́ва, <<см҃ѕ ѡ҆б.: 492>> ѻ҆тцє́въ: И҆ ны́нѣ, бг҃оро́диченъ: и҆ чте́нїе прⷣте́чи. По ѕ҃-й пѣ́сни, конда́къ и҆ і҆́косъ ѻ҆тцє́въ: и҆ сѷнаѯа́рїй. По ѳ҃-й пѣ́сни, свѣти́ленъ прⷣте́чи. Сла́ва, ѻ҆тцє́въ: И҆ ны́нѣ, бг҃оро́диченъ. На хвали́техъ стїхи̑ры прⷣте́чи г҃: и҆ ѻ҆тцє́въ г҃. Сла́ва, ѻ҆тцє́въ: И҆ ны́нѣ, бг҃оро́диченъ. Славосло́вїе вели́кое. Тропа́рь прⷣте́чи, Сла́ва, ѻ҆тцє́въ: И҆ ны́нѣ, бг҃оро́диченъ. и҆ и҆схожде́нїе въ притво́ръ, и҆ ча́съ а҃. На часѣ́хъ, тропа́рь прⷣте́чи. Сла́ва, ѻ҆тцє́въ: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ прⷣте́чи, и҆ ѻ҆тцє́въ, премѣнѧ́юще глаго́лемъ. На лїтꙋргі́и, бл҃жє́нна прⷣте́чи, пѣ́снь г҃-ѧ, на д҃: и҆ ѻ҆тцє́въ ѕ҃- ѧ, на д҃. По вхо́дѣ тропа́рь хра́ма, и҆ прⷣте́чи, и҆ ѻ҆тцє́въ. Та́же, конда́къ хра́ма, и҆ прⷣте́чи. Сла́ва, ѻ҆тцє́въ: И҆ ны́нѣ, хра́ма бцⷣы, и҆лѝ Предста́тельство хрїстїа́нъ: Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, пре́жде прⷣте́чи, и҆ пото́мъ ѻ҆тцє́въ: рѧ́дъ же, а҆по́столъ, и҆ є҆ѵⷢ҇лїе чте́мъ под̾ зача́ломъ.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ прⷣте́чевы въ понедѣ́льникъ а҃-ѧ недѣ́ли постѡ́въ:

Слꙋ́жба всѧ̀ прⷣте́чи пое́тсѧ въ недѣ́лю сы́рнꙋю.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ прⷣте́чевы въ кі́йлибо де́нь а҃-ѧ недѣ́ли постѡ́въ:

И҆ пое́тсѧ слꙋ́жба є҆гѡ̀ въ недѣ́лю сыропꙋ́стнꙋю, и҆лѝ въ сꙋббѡ́тꙋ а҃-ѧ недѣ́ли постѡ́въ.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ прⷣте́чевы въ сꙋббѡ́тꙋ а҃-ѧ недѣ́ли постѡ́въ:

Въ пѧто́къ ве́чера, каѳі́сма рѧдова́ѧ. На Гдⷭ҇и воззва́хъ, стїхи̑ры на і҃: трїѡ́ди самогла́сенъ днѐ два́жды: и҆ прⷣте́чи на д҃: и҆ ѳео́дѡра на д҃. Сла́ва, ѳео́дѡра: И҆ ны́нѣ, бг҃оро́диченъ а҃-й, гла́са. Вхо́дъ, прокі́менъ, и҆ <<см҃з: 493>> чтє́нїѧ днѐ, и҆ прⷣте́чи трѝ. И҆ по да и҆спра́витсѧ мл҃тва моѧ̀, г҃ покло́ны вели̑кїѧ: и҆ прѡ́чаѧ преждеѡсщ҃е́нныхъ. По заамвѡ́нной мл҃твѣ пое́мъ канѡ́нъ ст҃а́гѡ ѳео́дѡра над̾ ко́лѷвомъ, ꙗ҆́коже ᲂу҆каза́сѧ въ четыредесѧ́тницѣ на рѧдꙋ̀: и҆ ѿпꙋ́стъ. [зрѝ] А҆ и҆дѣ́же нѣ́сть преждеѡсщ҃е́нныхъ, на Гдⷭ҇и воззва́хъ, стїхи̑ры прⷣте́чи г҃: и҆ ѳео́дѡра г҃. Сла́ва, ѳео́дѡра: И҆ ны́нѣ, бг҃оро́диченъ а҃-й, гла́са прише́дшагѡ, без̾ вхо́да. Прокі́менъ, и҆ чте́нїе днѐ, и҆ прⷣте́чи. На стїхо́внѣ, трїѡ́ди самогла́сенъ днѐ, два́жды: и҆ мч҃нченъ. Та́же, припѣ́въ: Возвесели́тсѧ првⷣникъ: и҆ пое́мъ стїхи́рꙋ мч҃нка, гла́съ в҃: Бж҃е́ственныхъ дарѡ́въ: пи́санꙋ въ стїхи́рахъ. Сла́ва, прⷣте́чи гла́съ ѕ҃: Сокро́вище бж҃е́ственныхъ: И҆ ны́нѣ, Бцⷣе, ты̀ є҆сѝ лоза̀: По Ны́нѣ ѿпꙋща́еши, тропа́рь прⷣте́чи. Сла́ва, мч҃нка: И҆ ны́нѣ, бг҃оро́диченъ: Всѧ̑ па́че смы́сла: є҆ктенїа̀, и҆ г҃ покло́ны вели̑кїѧ. и҆ пое́мъ канѡ́нъ ст҃а́гѡ ѳео́дѡра над̾ ко́лѷвомъ, и҆ ѿпꙋ́стъ по ѻ҆бы́чаю. Повече́рїе пое́мъ вели́кое, на не́мже пое́мъ канѡ́нъ ᲂу҆со́пшихъ: и҆ мине́и рѧдовы́й. Тропари́ же по а҃-мъ трист҃о́мъ, глаго́лемъ ѻ҆бои́хъ ст҃ы́хъ: а҆ на послѣ́днемъ трист҃о́мъ конда́къ прⷣте́чи. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, ѳео́дѡра: И҆ ны́нѣ, бг҃оро́диченъ: Всѧ̑ па́че смы́сла: По а҃-й каѳі́смѣ сѣда́льны прⷣте́чи ѻ҆́ба. Сла́ва, и҆ ны́нѣ, бг҃оро́диченъ. и҆ чте́нїе прⷣте́чи. По в҃-й каѳі́смѣ, сѣда́ленъ ѳео́дѡра. Сла́ва, и҆ ны́нѣ, бг҃оро́диченъ, и҆ чте́нїе прⷣте́чи, и҆лѝ ѳео́дѡра. Полѷеле́й и҆ сѣда́ленъ прⷣте́чи, два́жды. Сла́ва, и҆ ны́нѣ, бг҃оро́диченъ: и҆ чте́нїе прⷣте́чи. Степє́нна, а҃-й а҆нтїфѡ́нъ д҃-гѡ гла́са. Прокі́менъ: Всѧ́кое дыха́нїе: Є҆ѵⷢ҇лїе прⷣте́чи: ѱало́мъ н҃: стїхи́ра прⷣте́чи. Канѡ́нъ прⷣте́чи со і҆рмосо́мъ на ѕ҃: и҆ ѳео́дѡра ѻ҆́ба <<см҃з ѡ҆б.: 494>> канѡ́на на и҃. Катава́сїа: Ѿве́рзꙋ ᲂу҆ста̀ моѧ̑: Пѣ̑сни же седмꙋ́ю и҆ ѻ҆смꙋ́ю глаго́лемъ напредѝ въ пѧто́къ. По г҃ пѣ́сни, конда́къ и҆ і҆́косъ, и҆ сѣда́ленъ прⷣте́чи. Сла́ва, ѳео́дѡра: И҆ ны́нѣ, бг҃оро́диченъ: и҆ чте́нїе ѡ҆ ст҃о́мъ ѳео́дѡрѣ. По ѕ҃-й пѣ́сни, конда́къ и҆ і҆́косъ ѳео́дѡра: и҆ чте́мъ про́логъ и҆ сѷнаѯа́рїй. По ѳ҃-й пѣ́сни, свѣти́ленъ прⷣте́чи. Сла́ва, ѳео́дѡра: И҆ ны́нѣ, бг҃оро́диченъ. На хвали́техъ стїхи̑ры прⷣте́чи, подо́бны г҃: и҆ ѳео́дѡра, подо́бны г҃. Та́же припѣ́въ: Возвесели́тсѧ првⷣникъ: и҆ пое́мъ самогла́снꙋ стїхи́рꙋ прⷣте́чи, гла́съ ѕ҃: Всечⷭ҇тнꙋ́ю главꙋ̀: Сла́ва, ѳео́дѡра: И҆ ны́нѣ, Бцⷣе, ты̀ є҆сѝ лоза̀: Славосло́вїе вели́кое. тропа́рь прⷣте́чи. Сла́ва, ѳео́дѡра: И҆ ны́нѣ, бг҃оро́диченъ. Є҆ктєнїѝ, и҆ ѿпꙋ́стъ. и҆ ѻ҆бы́чное и҆схожде́нїе въ притво́ръ, и҆ ча́съ а҃-й. На часѣ́хъ, тропа́рь прⷣте́чи. Сла́ва, ѳео́дѡра: И҆ ны́нѣ, бг҃оро́диченъ часѡ́въ. Кондаки́ же глаго́лемъ премѣнѧ́юще. На лїтꙋргі́и, бл҃же́нна прⷣте́чи, пѣ́снь г҃- ѧ, на д҃: и҆ ѳео́дѡра ѕ҃-ѧ, на д҃. По вхо́дѣ тропа́рь прⷣте́чи, и҆ ѳео́дѡра, и҆ конда́къ є҆гѡ̀. Сла́ва, прⷣте́чи: И҆ ны́нѣ, бцⷣы хра́ма, и҆лѝ, Предста́тельство хрⷭ҇тїа́нъ: Прокі́менъ, А҆ллилꙋ́їа, и҆ прича́стенъ прⷣте́чи, и҆ ѳео́дѡра є҆ди́нъ. А҆по́столъ же и҆ є҆ѵⷢ҇лїе пре́жде сꙋббѡ́ты: и҆ ѳео́дѡра под̾ зача́ло: та́же, прⷣте́чи.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ і҆ѡа́нна прⷣте́чи въ а҃-ю недѣ́лю постѡ́въ:

И҆ пое́тсѧ слꙋ́жба є҆гѡ̀, ꙗ҆́коже ᲂу҆ка́зано въ недѣ́лю г҃-ю постѡ́въ, кромѣ̀ поклоне́нїѧ крⷭ҇та̀, то́чїю на лїті́и, Сла́ва, прⷣте́чи: пи́санъ на Гдⷭ҇и воззва́хъ: И҆ ны́нѣ, трїѡ́ди. На стїхо́внѣ, Сла́ва, прⷣте́чи: И҆ ны́нѣ, трїѡ́ди. <<см҃и: 495>> На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, прⷣте́чи: И҆ ны́нѣ, Пречⷭ҇томꙋ твоемꙋ̀ ѡ҆́бразꙋ: Катава́сїа трїѡ́ди.

[[комм.]] А҆́ще ли слꙋчи́тсѧ ѡ҆брѣ́тенїе чⷭ҇тны́ѧ главы̀ прⷣте́чевы въ понедѣ́льникъ в҃-ѧ, и҆лѝ г҃-ѧ, и҆лѝ д҃-ѧ недѣ́ли постѡ́въ:

Въ недѣ́лю ве́чера пое́мъ, Бл҃же́нъ мꙋ́жъ, а҃-й а҆нтїфѡ́нъ. На Гдⷭ҇и воззва́хъ, стїхи̑ры на і҃: трїѡ́ди днѐ на д҃, повторѧ́юще а҃-ю: и҆ прⷣте́чи на ѕ҃. Сла́ва, прⷣте́чи: И҆ ны́нѣ, бг҃оро́диченъ а҃-й. Вхо́дъ, прокі́менъ вели́кїй трїѡ́ди, и҆ чтє́нїѧ прⷣте́чи г҃. Та́же, Сподо́би гдⷭ҇и въ ве́черъ се́й: и҆ И҆спо́лнимъ вече́рнюю: На стїхо́внѣ, трїѡ́ди самогла́сенъ днѐ, два́жды, и҆ мч҃нченъ. Сла́ва, прⷣте́чи. И҆ ны́нѣ, бг҃оро́диченъ по гла́сꙋ воскрⷭ҇нъ. По Ѻ҆́ч҃е на́шъ: тропа́рь прⷣте́чи. Сла́ва, и҆ ны́нѣ, бг҃оро́диченъ воскрⷭ҇нъ. Є҆ктенїа̀: Поми́лꙋй на́съ бж҃е: и҆ покло́ны г҃ вели̑кїѧ: и҆ ѿпꙋ́стъ. Полꙋ́нощницꙋ же пое́мъ по ѻ҆бы́чаю съ каѳі́смою, и҆ тропарѝ ѻ҆бы́чными. По Чⷭ҇тнѣ́йшꙋю, г҃ покло́ны вели̑кїѧ. На ᲂу҆́трени, на Бг҃ъ гдⷭ҇ь, тропа́рь прⷣте́чи, два́жды. Сла́ва, и҆ ны́нѣ, бг҃оро́диченъ. По а҃-й и҆ по в҃-й каѳі́смѣ, глаго́лемъ сѣда́льны трїѡ́ди, є҆ктєнїи́ же не глаго́лютсѧ. и҆ чте́нїе во є҆фре́мѣ. По г҃-й каѳі́смѣ, глаго́летъ і҆ере́й є҆ктенїю̀ ма́лꙋю: и҆ сѣда́льны прⷣте́чи ѻ҆́ба, и҆ чте́нїе прⷣте́чи. Полѷеле́й, и҆ сѣда́ленъ прⷣте́чи, два́жды. Сла́ва, и҆ ны́нѣ, бг҃оро́диченъ: и҆ чте́нїе прⷣте́чи. Степє́нна, а҃-й а҆нтїфѡ́нъ д҃-гѡ гла́са. Прокі́менъ, и҆ є҆ѵⷢ҇лїе прⷣте́чи. та́же, ѱало́мъ _н҃, стїхи́ра прⷣте́чи. Канѡ́нъ прⷣте́чи, со і҆рмосо́мъ на и҃. Катава́сїа: Ѿве́рзꙋ ᲂу҆ста̀ моѧ̑: А҆ и҆дѣ́же трипѣ́снецъ: и҆ пое́мъ канѡ́нъ прⷣте́чи, со і҆рмосо́мъ на ѕ҃: и҆ трипѣ́снецъ на и҃. Катава́сїа трїѡ́ди. По г҃-й пѣ́сни, сѣда́ленъ прⷣте́чи, два́жды. Сла́ва, и҆ ны́нѣ, бг҃оро́диченъ, и҆ чте́нїе прⷣте́чи. <<см҃и ѡ҆б.: 496>> По ѕ҃-й пѣ́сни, конда́къ и҆ і҆́косъ, и҆ про́логъ. Свѣти́ленъ прⷣте́чи, два́жды. Сла́ва, и҆ ны́нѣ, бг҃оро́диченъ. На хвали́техъ стїхи̑ры прⷣте́чи, на д҃. Сла́ва, прⷣте́чи. И҆ ны́нѣ, бг҃оро́диченъ є҆гѡ̀. Та́же настоѧ́тель, и҆лѝ чте́цъ глаго́летъ: Сла́ва тебѣ̀ показа́вшемꙋ на́мъ свѣ́тъ. Посе́мъ є҆ктенїа̀: И҆спо́лнимъ ᲂу҆́треннюю: та́же, на стїхо́внѣ, трїѡ́ди самогла́сенъ днѐ, два́жды, и҆ мч҃нченъ. Сла́ва, прⷣте́чи. И҆ ны́нѣ, бг҃оро́диченъ. Посе́мъ: Бл҃го є҆́сть: глаго́лемъ є҆ди́ножды. По Ѻ҆́ч҃е на́шъ: тропа́рь прⷣте́чи. Сла́ва, и҆ ны́нѣ, бг҃оро́диченъ воскрⷭ҇нъ. є҆ктенїа̀: Поми́лꙋй на́съ бж҃е: и҆ г҃ покло́ны вели̑кїѧ, без̾ ѿпꙋ́ста, и҆ ча́съ а҃. На часѣ́хъ, тропа́рь глаго́лемъ прⷣте́чи: и҆ по трист҃о́мъ, конда́къ є҆гѡ̀, и҆ наконе́цъ г҃ покло́ны вели̑кїѧ, и҆ по покло́нѣхъ трист҃а́гѡ не глаго́лемъ, но глаго́лемъ: хрⷭ҇тѐ свѣ́те: и҆ ѿпꙋ́стъ. Ча́съ же г҃-й, ѕ҃-й и҆ ѳ҃-й пое́мъ съ каѳі́смами, въ подо́бное и҆́хъ вре́мѧ, со чте́нїемъ. На ѕ҃-мъ часѣ̀, чте́тсѧ паремїа̀ днѐ, по чи́нꙋ є҆ѧ̀. [зрѝ] Мл҃твы же вели́кагѡ васі́лїа по часѣ́хъ глаго́лемъ непремѣ́ннѡ, є҆́же є҆́сть Влⷣко бж҃е ѻ҆́ч҃е: и҆ Бж҃е и҆ гдⷭ҇и си́лъ: и҆ Влⷣко гдⷭ҇и і҆и҃се хрⷭ҇тѐ: Є҆гда́ же пое́мъ полѷеле́й, на часѣ́хъ въ кампа́нъ не ᲂу҆дарѧ́емъ. По каѳі́смѣ, А҆ллилꙋ́їа, три́жды: та́же, Гдⷭ҇и поми́лꙋй, три́жды. и҆ чте́цъ глаго́летъ: Сла́ва, тропа́рь прⷣте́чи. И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: конда́къ прⷣте́чи: по Чⷭ҇тнѣ́йшꙋю, г҃ покло́ны вели̑кїѧ. По ѳ҃-мъ часѣ̀, бл҃жє́нны глаго́лемъ поско́рꙋ без̾ пѣ́нїѧ. По Ѡ҆сла́би ѡ҆ста́ви: конда́къ хра́ма: Сла́ва, прⷣте́чи. И҆ ны́нѣ, хра́ма бцⷣы. [зрѝ] А҆́ще ли нѣ́сть хра́ма бцⷣы: И҆ ны́нѣ, Предста́тельство хрⷭ҇тїа́нъ: Посе́мъ, Гдⷭ҇и поми́лꙋй, м҃. Сла́ва, и҆ ны́нѣ, Чⷭ҇тнѣ́йшꙋю херꙋві̑мъ: и҆ г҃ покло́ны вели̑кїѧ: Та́же, мл҃тва: Всест҃а́ѧ трⷪ҇це: и҆ <<см҃ѳ: 497>> начина́емъ вече́рню по ѻ҆бы́чаю: настоѧ́тель, и҆лѝ чте́цъ глаго́летъ: Прїиди́те поклони́мсѧ, три́жды. и҆ пое́мъ вече́рню, съ покло́ны, по чи́нꙋ по́стномꙋ. По ѻ҆бы́чной каѳі́смѣ, на Гдⷭ҇и воззва́хъ, стїхи̑ры на і҃: трїѡ́ди самогла́сенъ днѐ, два́жды, и҆ мч҃нченъ, и҆ подо́бны трїѡ́ди г҃: и҆ прⷣте́чи д҃. Сла́ва, прⷣте́чи. И҆ ны́нѣ, бг҃оро́диченъ по гла́сꙋ, ѻ҆бы́чный. [зрѝ] А҆́ще ли къ средѣ̀, и҆лѝ пѧткꙋ̀, глаго́лемъ крⷭ҇тобг҃оро́диченъ, по гла́сꙋ сла́вника. Вхо́дъ со є҆ѵⷢ҇лїемъ. Свѣ́те ти́хїй: прокі́менъ, и҆ чте́нїе днѐ: Да и҆спра́витсѧ мл҃тва моѧ̀: и҆ г҃ покло́ны вели̑кїѧ. є҆ктенїѝ ма́лыѧ не глаго́лемъ. Прокі́менъ, а҆по́столъ, А҆ллилꙋ́їа, є҆ѵⷢ҇лїе прⷣте́чи: Прича́стенъ: Вкꙋси́те: и҆ прⷣте́чи. Лїтꙋргі́а преждеѡсщ҃е́ннаѧ по ѻ҆бы́чаю. на ѿпꙋ́стѣ і҆ере́й помина́етъ пре́жде пра́зднꙋемаго ст҃а́го, пото́мъ наста́вшаго. [зрѝ] Ст҃а́гѡ же прилꙋчи́вшагѡсѧ на рѧдꙋ̀ канѡ́нъ пое́мъ на ᲂу҆́трени по чи́нꙋ: стїхи̑ры же є҆гѡ̀, ꙗ҆̀же пи́саны на вече́рни, на Гдⷭ҇и воззва́хъ, глаго́лемъ и҆́хъ на хвали́техъ. [зрѝ] А҆́ще ли ко́еѧ вели́кїѧ ра́ди нꙋ́жды въ па́мѧть ст҃ы́хъ вели́кихъ и҆мꙋ́щихъ полѷеле́й, не слꙋчи́тсѧ бы́ти преждесщ҃е́ннѣй лїтꙋргі́и, часы̀ пое́мъ ꙗ҆́коже вы́ше рече́сѧ. По ѳ҃-мъ часѣ̀, и҆ по мл҃твѣ: Влⷣко гдⷭ҇и і҆и҃се хрⷭ҇тѐ: глаго́лемъ и҆ ѱало́мъ: Бл҃гословѝ дꙋшѐ моѧ̀ гдⷭ҇а, и҆ всѧ̑ внꙋ́трєннѧѧ: Сла́ва: Хвалѝ дꙋшѐ моѧ̀ гдⷭ҇а: И҆ ны́нѣ: Є҆диноро́дный сн҃е: И҆ Во црⷭ҇твїи твое́мъ: поско́рꙋ без̾ пѣ́нїѧ. На бл҃же́ннахъ глаго́лемъ прⷣте́чи, пѣ́снь г҃-ю и҆ ѕ҃-ю. Та́же, а҆по́столъ и҆ є҆ѵⷢ҇лїе прⷣте́чи. Посе́мъ: Помѧнѝ на́съ гдⷭ҇и: По Ѡ҆сла́би ѡ҆ста́ви: и҆ по Ѻ҆́ч҃е на́шъ: конда́къ хра́ма. Сла́ва, прⷣте́чи. И҆ ны́нѣ, бцⷣы хра́ма. А҆́ще же нѣ́сть хра́ма бцⷣы: Предста́тельство хрⷭ҇тїа́нъ: та́же, Гдⷭ҇и поми́лꙋй, м҃. и҆ покло́ны г҃ вели̑кїѧ, <<см҃ѳ ѡ҆б.: 498>> и҆ въ то̀ вре́мѧ параекклисїа́рхъ зна́менꙋетъ въ два̀ кампа́на. И҆ по трїе́хъ покло́нахъ вели́кихъ, глаго́лемъ: Прїиди́те, поклони́мсѧ: И҆ пое́мъ вече́рню, съ покло́ны, и҆ каѳі́сма ѻ҆бы́чнаѧ. На Гдⷭ҇и воззва́хъ, стїхи̑ры трїѡ́ди подо́бны г҃: и҆ ст҃а́гѡ тара́сїа г҃. Сла́ва, и҆ ны́нѣ, бг҃оро́диченъ. А҆́ще ли къ средѣ̀, и҆лѝ пѧткꙋ̀, глаго́лемъ: Сла́ва, и҆ ны́нѣ, крⷭ҇тобг҃оро́диченъ. та́же, Свѣ́те ти́хїй: Прокі́менъ, и҆ чтє́нїѧ трїѡ́ди днѐ. На стїхо́внѣ, днѐ трїѡ́ди. По Ны́нѣ ѿпꙋща́еши: и҆ по Ѻ҆́ч҃е на́шъ: тропа́рь: Бцⷣе дв҃о ра́дꙋйсѧ: и҆ прѡ́чаѧ по по́стномꙋ. По Чⷭ҇тнѣ́йшꙋю, и҆ по покло́нѣхъ глаго́лемъ трист҃о́е. Гдⷭ҇и поми́лꙋй, в҃і. Всест҃а́ѧ трⷪ҇це: та́же, Бꙋ́ди и҆́мѧ гдⷭ҇не: и҆ г҃ покло́ны, и҆ Бл҃гословлю̀ гдⷭ҇а: Досто́йно є҆́сть: и҆ ѿпꙋ́стъ. На ѿпꙋ́стѣ же помина́етъ наста́вшаго ст҃а́го. По ѿпꙋ́стѣ же вхо́димъ въ трапе́зꙋ, и҆ ꙗ҆ди́мъ два̀ варе́нїѧ съ є҆ле́емъ, и҆ пїе́мъ вїно̀. Въ сре́дꙋ же и҆ пѧто́къ, ꙗ҆ди́мъ два̀ варе́нїѧ без̾ є҆ле́а, и҆ пїе́мъ вїно̀.

[[комм.]] А҆́ще ли слꙋчи́тсѧ ѡ҆брѣ́тенїе честны́ѧ главы̀ прⷣте́чевы во є҆ди́нъ ѿ дне́й по́стныхъ:

И҆ пое́мъ слꙋ́жбꙋ є҆гѡ̀ си́це: На часѣ́хъ, по Ѡ҆сла́би ѡ҆ста́ви: и҆ по Ѻ҆́ч҃е на́шъ: кондакѝ по ᲂу҆ста́вꙋ. та́же, Гдⷭ҇и поми́лꙋй, м҃. Сла́ва, и҆ ны́нѣ: Чⷭ҇тнѣ́йшꙋю херꙋві̑мъ: и҆ по покло́нѣхъ глаго́лемъ трист҃о́е. Гдⷭ҇и поми́лꙋй, в҃і: Всест҃а́ѧ трⷪ҇це: и҆ а҆́бїе начина́емъ вече́рню. и҆ ѻ҆бы́чнаѧ каѳі́сма. глаго́лютсѧ же є҆ктєнїѝ ма̑лыѧ по ко́емждо а҆нтїфѡ́нѣ. На Гдⷭ҇и воззва́хъ, стїхи̑ры на і҃: трїѡ́ди самогла́сенъ днѐ, два́жды: и҆ мч҃нченъ: и҆ подо́бны трїѡ́ди, г҃: и҆ прⷣте́чи, д҃. Сла́ва прⷣте́чи. И҆ ны́нѣ: Кто̀ тебѐ не ᲂу҆бл҃жи́тъ: Вхо́дъ. Та́же, прокі́менъ, и҆ чте́нїе днѐ. и҆ предте́чи чтє́нїѧ г҃. та́же пое́мъ: Да и҆спра́витсѧ мл҃тва <<с҃н: 499>> моѧ̀: и҆ г҃ покло́ны, и҆ порѧ́дꙋ лїтꙋргі́а преждесщ҃е́ннаѧ. А҆ и҆дѣ́же не бꙋ́детъ преждесщ҃е́нныѧ: по Ѡ҆сла́би ѡ҆ста́ви: и҆ по покло́нѣхъ вели́кихъ, чте́цъ глаго́летъ: Прїиди́те, поклони́мсѧ: три́жды: и҆ покло́ны г҃, та́же, ѱало́мъ: Бл҃гословѝ дꙋшѐ моѧ̀ гдⷭ҇а: и҆ пое́мъ вече́рню без̾ покло́нѡвъ. По ѻ҆бы́чнѣй каѳі́смѣ, стїхи̑ры на ѕ҃: трїѡ́ди подо́бны г҃: и҆ предте́чи г҃. Сла́ва, предте́чи. И҆ ны́нѣ, бг҃оро́диченъ: Кто̀ тебѐ не ᲂу҆бл҃жи́тъ: Вхо́дъ, и҆ Свѣ́те ти́хїй: прокі́менъ, и҆ чте́нїе днѐ, и҆ предте́чи, и҆ а҆́бїе: Сподо́би гдⷭ҇и: та́же, И҆спо́лнимъ вече́рнюю мл҃твꙋ: На стїхо́внѣ трїѡ́ди. Сла́ва, предте́чи. И҆ ны́нѣ, бг҃оро́диченъ по гла́сꙋ. Ны́нѣ ѿпꙋща́еши: по трист҃о́мъ, тропа́рь предте́чи. Сла́ва, и҆ ны́нѣ: Є҆́же ѿ вѣ́ка ᲂу҆тае́ное: є҆ктенїа̀: Поми́лꙋй на́съ бж҃е: посе́мъ г҃ покло́ны вели̑кїѧ, и҆ мл҃тва: Всест҃а́ѧ трⷪ҇це: и҆ Бл҃гословлю̀ гдⷭ҇а: Досто́йно є҆́сть: и҆ ѿпꙋ́стъ. Повече́рїе, пое́мъ вели́кое без̾ покло́нѡвъ. По а҃-мъ трист҃о́мъ тропа́рь предте́чи. Сла́ва, и҆ ны́нѣ, бг҃оро́диченъ воскрⷭ҇нъ, по гла́сꙋ. По в҃-мъ трист҃о́мъ, тропарѝ ѻ҆бы̑чныѧ: Поми́лꙋй на́съ гдⷭ҇и: По Досто́йно и҆ по трист҃о́мъ, конда́къ предте́чи: а҆ Гдⷭ҇и си́лъ съ на́ми бꙋ́ди: не пое́мъ. По Чⷭ҇тнѣ́йшꙋю, г҃ покло́ны вели̑кїѧ: трист҃а́гѡ же не глаго́лемъ: и҆ ѿпꙋ́стъ ма́лый. Полꙋ́нощницꙋ пое́мъ по ѻ҆бы́чаю съ каѳі́смою, ꙗ҆́коже предписа́сѧ въ понедѣ́льникъ в҃-ѧ недѣ́ли поста̀, та́кожде и҆ ᲂу҆́треню, и҆ всю̀ слꙋ́жбꙋ прⷣте́чи.

[[комм.]] А҆́ще слꙋчи́тсѧ ѡ҆брѣ́тенїе честны́ѧ главы̀ прⷣте́чевы въ сꙋббѡ́тꙋ в҃-ю, и҆лѝ г҃-ю постѡ́въ:

Въ пѧто́къ ве́чера, каѳі́сма рѧдова́ѧ. На Гдⷭ҇и воззва́хъ, стїхи̑ры на і҃: Трїѡ́ди самогла́сенъ, два́жды: и҆ ѻ҆ктѡ́иха мч҃нчны д҃: и҆ прⷣте́чи д҃. Сла́ва, предте́чи. <<с҃н ѡ҆б.: 500>> И҆ ны́нѣ, бг҃оро́диченъ а҃-й гла́са. Вхо́дъ, прокі́менъ, и҆ чте́нїе днѐ, и҆ предте́чи г҃. Да и҆спра́витсѧ мл҃тва моѧ̀: и҆ прѡ́чаѧ преждесщ҃е́нныхъ. [зрѝ] А҆́ще ли нѣ́сть преждесщ҃е́нныхъ: на Гдⷭ҇и воззва́хъ, стїхи̑ры предте́чи на ѕ҃. Сла́ва, предте́чи. И҆ ны́нѣ, бг҃оро́диченъ а҃-й гла́са. Вхо́дъ, прокі́менъ, и҆ чте́нїе днѐ, и҆ ст҃а́гѡ. Та́же, Сподо́би гдⷭ҇и: На стїхо́внѣ, трїѡ́ди самогла́сенъ два́жды, и҆ мч҃нченъ ѻ҆ктѡ́иха, по гла́сꙋ. Сла́ва, предте́че: И҆ ны́нѣ, бг҃оро́диченъ. По Ны́нѣ ѿпꙋща́еши, тропа́рь предте́чи. Сла́ва, и҆ ны́нѣ, бг҃оро́диченъ воскрⷭ҇нъ настоѧ́щагѡ гла́са, є҆ктенїа̀, и҆ покло́ны г҃: та́же мл҃тва, Всест҃а́ѧ трⷪ҇це: Бꙋ́ди и҆́мѧ гдⷭ҇не: и҆ ѱало́мъ л҃г, Бл҃гословлю̀ гдⷭ҇а: Досто́йно є҆́сть: и҆ ѿпꙋ́стъ. [зрѝ] Повече́рїе же пое́мъ вели́кое, на не́мже пое́мъ четверопѣ́снецъ сꙋббѡ́ты. На ᲂу҆́трени, и҆ на часѣ́хъ пое́мъ є҆ди́нагѡ предте́чи, ꙗ҆́коже предписа́сѧ. На лїтꙋргі́и, слꙋ́жба днѐ, и҆ предте́чи.

[[комм.]] А҆́ще ли слꙋчи́тсѧ ѡ҆брѣ́тенїе главы̀ і҆ѡа́нна прⷣте́чи во в҃-ю недѣ́лю постѡ́въ.

Въ сꙋббѡ́тꙋ ве́чера, на ма́лѣй вече́рни стїхи̑ры воскрⷭ҇ны и҆ бцⷣы, по ѻ҆бы́чаю. На вели́цѣй вече́рни, на Гдⷭ҇и воззва́хъ, стїхи̑ры воскрⷭ҇ны, г҃, и҆ а҆нато́лїевъ а҃, и҆ предте́чи на ѕ҃. Сла́ва, предте́чи: И҆ ны́нѣ, бг҃оро́диченъ а҃-й гла́са. Вхо́дъ, и҆ чте́нїе предте́чи. На лїті́и стїхи́ра хра́ма, и҆ предте́чи стїхѡ́вныѧ. На стїхо́внѣ стїхи̑ры воскрⷭ҇ны по а҆лфави́тꙋ. Сла́ва, предте́чи: И҆ ны́нѣ, бг҃оро́диченъ. На бл҃гослове́нїи хлѣ́бѡвъ, Бцⷣе дв҃о, три́жды. и҆ чте́нїе во а҆по́стольскихъ посла́нїихъ. На Бг҃ъ гдⷭ҇ь, тропа́рь воскрⷭ҇нъ, два́жды. Сла́ва, предте́чи: И҆ ны́нѣ, бг҃оро́диченъ, по гла́сꙋ тропарѧ̀. По каѳі́смахъ сѣда́льны воскрⷭ҇ны, и҆ бг҃оро́дичны и҆́хъ, и҆ чте́нїе во є҆ѵⷢ҇лїи. По полѷеле́и, сѣда́льны <<сн҃а: 501>> предте́чи, ѻ҆́ба. Сла́ва, по полѷеле́и сѣда́ленъ: И҆ ны́нѣ, бг҃оро́диченъ, и҆ чте́нїе предте́чи. Степє́нна, и҆ прокі́менъ гла́са: и҆ є҆ѵⷢ҇лїе воскрⷭ҇но: ѱало́мъ н҃. Сла́ва, стїхи́ра, гла́съ и҃: Покаѧ́нїѧ ѿве́рзи мѝ двє́ри: и҆ про́чее. Канѡ́нъ воскрⷭ҇нъ со і҆рмосо́мъ на д҃: и҆ трїѡ́ди на д҃: и҆ предте́чи на ѕ҃. Катава́сїа, Ѿве́рзꙋ ᲂу҆ста̀ моѧ̑: По г҃- й пѣ́сни, конда́къ трїѡ́ди: та́же конда́къ и҆ і҆́косъ предте́чи, и҆ сѣда́ленъ є҆гѡ̀ два́жды. Сла́ва, и҆ ны́нѣ, бг҃оро́диченъ: и҆ чте́нїе предте́чи. По ѕ҃-й пѣ́сни конда́къ и҆ і҆́косъ воскрⷭ҇нъ. По ѳ҃-й пѣ́сни свѣти́ленъ воскрⷭ҇нъ. Сла́ва, предте́чи: И҆ ны́нѣ, бг҃оро́диченъ воскрⷭ҇нъ. На хвали́техъ стїхи̑ры воскрⷭ҇ны, д҃: и҆ предте́чи со сла́внымъ д҃: съ припѣ́вы є҆гѡ̀. Та́же припѣ́въ: Воскрⷭ҇нѝ гдⷭ҇и бж҃е мо́й: и҆ пое́мъ самогла́снꙋ стїхи́рꙋ трїѡ́ди. Сла́ва, тꙋ́южде: И҆ ны́нѣ, Пребл҃гослове́нна є҆сѝ: Славосло́вїе вели́кое. Тропа́рь воскрⷭ҇нъ, є҆ктєнїѝ, и҆ ѿпꙋ́стъ, и҆ и҆схожде́нїе въ притво́ръ. Сла́ва, и҆ ны́нѣ, стїхи́ра є҆ѵⷢ҇льскаѧ, и҆ ча́съ а҃-й: Тропа́рь воскрⷭ҇нъ. Сла́ва, предте́чи: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ трїѡ́ди, и҆ соверше́нный ѿпꙋ́стъ. На про́чихъ же часѣ́хъ конда́къ трїѡ́ди, и҆ предте́чи премѣнѧ́юще глаго́лемъ. На лїтꙋргі́и, бл҃жє́нна гла́са на ѕ҃: и҆ предте́чи пѣ́снь г҃- ѧ, на д҃: и҆ про́чаѧ слꙋ́жба днѐ, и҆ предте́чи. [зрѝ] Ст҃а́гѡ же григо́рїа слꙋ́жбꙋ пое́мъ, є҆гда̀ разсꙋ́дитъ є҆кклисїа́рхъ, въ пред̾идꙋ́щыѧ недѣ̑ли, д҃-ю, и҆лѝ є҃- ю: и҆лѝ предте́чевꙋ слꙋ́жбꙋ пое́мъ въ сꙋббѡ́тꙋ в҃-ю.

[[комм.]] А҆́ще ли слꙋчи́тсѧ ѡ҆брѣ́тенїе честны́ѧ главы̀ і҆ѡа́нна прⷣте́чи въ недѣ́лю г҃-ю постѡ́въ, крⷭ҇топокло́ннꙋю.

Въ сꙋббѡ́тꙋ ве́чера, на ма́лѣй вече́рни стїхи̑ры, и҆ на стїхо́внѣ, всѐ трїѡ́ди, по ѻ҆бы́чаю. На вели́цѣй вече́рни, по каѳі́смѣ, на Гдⷭ҇и воззва́хъ, стїхи̑ры воскрⷭ҇ны г҃: и҆ <<сн҃а ѡ҆б.: 502>> крⷭ҇та̀ д҃: и҆ предте́чи г҃. Сла́ва, крⷭ҇та̀ д҃: и҆ предте́чи г҃. Сла́ва, крⷭ҇та̀: И҆ ны́нѣ, бг҃оро́диченъ а҃-й гла́са. Прокі́менъ днѐ: и҆ парємїѝ предте́чи. На лїті́и стїхи́ра хра́ма, и҆ предте́чи, ꙗ҆̀же сꙋ́ть на стїхо́внѣ, и҆ хвали́тны. Сла́ва, предте́чи: И҆ ны́нѣ, крⷭ҇та̀. На стїхо́внѣ стїхи̑ры воскрⷭ҇ны. Сла́ва, предте́чи: И҆ ны́нѣ, крⷭ҇та̀. На бл҃гослове́нїи хлѣ́бѡвъ, Бцⷣе дв҃о: два́жды: крⷭ҇та̀ є҆ди́ножды: Сп҃сѝ гдⷭ҇и лю́ди твоѧ̑: На ᲂу҆́трени, на Бг҃ъ гдⷭ҇ь, тропа́рь воскрⷭ҇нъ два́жды. Сла́ва, предте́чи: И҆ ны́нѣ, крⷭ҇та̀. По каѳі́смахъ сѣда́льны воскрⷭ҇ны и҆ бг҃оро́дичны и҆́хъ, и҆ чте́нїе во є҆ѵⷢ҇лїи толково́мъ. Полѷеле́й предте́чи: и҆ сѣда́льны ѻ҆́ба. Сла́ва, сѣда́ленъ по полѷеле́и: И҆ ны́нѣ, бг҃оро́диченъ, и҆ чте́нїе предте́чи. Степє́нна гла́са. Прокі́менъ и҆ є҆ѵⷢ҇лїе воскрⷭ҇ное. Воскрⷭ҇нїе хрⷭ҇то́во: ѱало́мъ н҃: и҆ Покаѧ́нїѧ ѿве́рзи мѝ двє́ри: Канѡ́нъ воскрⷭ҇нъ со і҆рмосо́мъ на д҃: и҆ предте́чи на д҃: и҆ крⷭ҇та̀ на ѕ҃. Катава́сїа крⷭ҇та̀: Бж҃е́ственнѣйшїй проѡбразѝ: По г҃-й пѣ́сни, конда́къ и҆ і҆́косъ предте́чи, и҆ сѣда́ленъ є҆гѡ̀ два́жды. Сла́ва, и҆ ны́нѣ, крⷭ҇та̀: и҆ чте́нїе предте́чи. По ѕ҃-й пѣ́сни, конда́къ и҆ і҆́косъ крⷭ҇та̀. На ѳ҃-й пѣ́сни пое́мъ, Чⷭ҇тнѣ́йшꙋю: Свѣти́ленъ воскрⷭ҇нъ, Сла́ва, предте́чи: И҆ ны́нѣ, крⷭ҇та̀. На хвали́техъ стїхи̑ры воскрⷭ҇ны д҃: и҆ крⷭ҇та̀ подо́бны г҃: а҃-й два́жды, съ припѣ́вы и҆́хъ: Помѧнѝ со́нмъ тво́й: в҃-й, Бг҃ъ же цр҃ь на́шъ пре́жде вѣ́ка: та́же припѣ́въ, Воскрⷭ҇нѝ гдⷭ҇и бж҃е мо́й: И҆ пое́мъ самогла́снꙋ стїхи́рꙋ днѐ, въ трїѡ́ди. Сла́ва, тꙋ́южде: И҆ ны́нѣ, Пребл҃гослове́нна є҆сѝ: Славосло́вїе вели́кое, трист҃о́е пѣ́нїемъ. Посе́мъ, вхо́дъ: глаго́лемъ тропа́рь: Сп҃сѝ гдⷭ҇и, лю́ди твоѧ̑: три́жды. И҆ быва́етъ поклоне́нїе чⷭ҇тна́гѡ крⷭ҇та̀ по ѻ҆бы́чаю, ꙗ҆́коже ᲂу҆каза́сѧ въ трїѡ́ди. та́же є҆ктєнїѝ и҆ ѿпꙋ́стъ, и҆ и҆схожде́нїе. Сла́ва, и҆ ны́нѣ, стїхи́ра є҆ѵⷢ҇льскаѧ <<сн҃в: 503>>: и҆ поꙋче́нїе стꙋді́тово и҆ ча́съ а҃- й въ притво́рѣ. На часѣ́хъ, тропа́рь воскрⷭ҇нъ. Сла́ва, крⷭ҇та̀: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ, конда́къ воскрⷭ҇нъ. На г҃-мъ часѣ̀, тропа́рь воскрⷭ҇нъ. Сла́ва, предте́чи: И҆ ны́нѣ, бг҃оро́диченъ часѡ́въ. По Ѻ҆́ч҃е на́шъ: кондакѝ глаго́лемъ премѣнѧ́юще. На лїтꙋргі́и, бл҃жє́нна гла́са, на д҃: и҆ крⷭ҇та̀ пѣ́снь г҃- ѧ, на д҃: и҆ предте́чи ѕ҃-ѧ, на д҃. По вхо́дѣ тропа́рь воскрⷭ҇нъ, и҆ крⷭ҇та̀, и҆ предте́чи. Та́же конда́къ воскрⷭ҇нъ. Сла́ва, предте́чи: И҆ ны́нѣ, крⷭ҇та̀. Прокі́менъ, а҆по́столъ, А҆ллилꙋ́їа, є҆ѵⷢ҇лїе, и҆ прича́стенъ, пре́жде крⷭ҇та̀, и҆ пото́мъ предте́чи.

к҃є. И҆́же во ст҃ы́хъ ѻ҆тца̀ на́шегѡ тара́сїа, а҆рхїепі́скопа кѡнстанті́нѧ гра́да.

Стїхи̑ры, гла́съ в҃. Подо́бенъ: Є҆гда̀ ѿ дре́ва: Тропа́рь: Пра́вило вѣ́ры: септе́мврїа во в҃-й де́нь. На ᲂу҆́трени, канѡ́нъ, гла́съ в҃, на д҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ г҃. Подо́бенъ: Дв҃а дне́сь:

Правосла́вными догма́ты цр҃ковь ᲂу҆ѧсни́въ, и҆ хрⷭ҇то́вꙋ бл҃же́нне честнꙋ́ю і҆кѡ́нꙋ почита́ти и҆ покланѧ́тисѧ всѣ́хъ наꙋчи́въ, ѡ҆бличи́лъ є҆сѝ і҆кѡнобо́рцєвъ безбо́жное велѣ́нїе. сегѡ̀ ра́ди вопїе́мъ тѝ: ѽ ѻ҆́тче ра́дꙋйсѧ, мꙋ́дре тара́сїе.

к҃ѕ. И҆́же во ст҃ы́хъ ѻ҆тца̀ на́шегѡ порфѵ́рїа, а҆рхїепі́скопа га́зскагѡ.

Стїхи̑ры, гла́съ и҃. Подо́бенъ: Ѽ пресла́внагѡ чꙋдесѐ! Тропа́рь: Пра́вило вѣ́ры: септе́мврїа во в҃-й де́нь. На <<сн҃в ѡ҆б.: 504>> ᲂу҆́трени, канѡ́нъ, гла́съ д҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Сщ҃е́ннѣйшими твои́ми нра́вы ᲂу҆краша́емь, сщ҃е́нства ѻ҆де́ждею ѡ҆зари́лсѧ є҆сѝ всебл҃же́нне бг҃омꙋ́дре порфѵ́рїе, и҆ и҆сцѣле́нїй ᲂу҆добрѧ́еши возвыше́ньми, молѧ́сѧ непреста́ннѡ ѡ҆ всѣ́хъ на́съ.

к҃з. Прпⷣбнагѡ ѻ҆тца̀ на́шегѡ и҆ и҆сповѣ́дника проко́пїа декаполі́та.

Стїхи̑ры, гла́съ д҃. Подо́бенъ: Ꙗ҆́кѡ до́блѧ: Тропа́рь, гла́съ и҃: Сле́зъ твои́хъ тече́ньми: септе́мврїа въ г҃ де́нь. На ᲂу҆́трени, канѡ́нъ, гла́съ ѕ҃, на д҃. По г҃-й пѣ́сни, сѣда́ленъ, гла́съ д҃. По ѕ҃-й пѣ́сни,

Конда́къ, гла́съ д҃. Подо́бенъ: Ꙗ҆ви́лсѧ є҆сѝ:

Денни́цꙋ дне́сь цр҃ковь и҆мꙋ́щи, всѧ́кꙋю ѕлосла́вїѧ мглꙋ̀ разгонѧ́етъ, почита́ющи тѧ̀ нбⷭ҇нотаи́нниче проко́пїе пресла́вне.

к҃и. Прпⷣбнагѡ ѻ҆тца̀ на́шегѡ и҆ и҆сповѣ́дника васі́лїа, спо́стника ст҃а́гѡ проко́пїа.

Стїхи̑ры, гла́съ д҃. Подо́бенъ: Да́лъ є҆сѝ зна́менїе: Тропа́рь, гла́съ а҃: Пꙋсты́нный жи́тель: септе́мврїа въ к҃ѳ- й де́нь. На ᲂу҆́трени, канѡ́нъ, гла́съ д҃, на д҃. По г҃-й пѣ́сни, сѣда́ленъ, гла́съ г҃. По ѕ҃-й пѣ́сни,

Конда́къ, гла́съ в҃. Подо́бенъ: Вы́шнихъ и҆щѧ̀:

Съ высоты̀ прїи́мъ бж҃е́ственное ѿкрове́нїе, и҆зше́лъ є҆сѝ мꙋ́дре ѿ среды̀ мо́лвъ, и҆ мона́шествовавъ преподо́бнѡ, чꙋде́съ прїѧ́лъ є҆сѝ дѣ́йство, и҆ недꙋ́ги и҆сцѣлѧ́ти бл҃года́тїю, васі́лїе всебл҃же́нне сщ҃е́ннѣйшїй.

<<сн҃г: 505>>

к҃ѳ. Прпⷣбнагѡ ѻ҆тца̀ на́шегѡ кассїа́на ри́млѧнина.

Є҆гда̀ и҆́мать феврꙋа́рїй мѣ́сѧцъ к҃и дне́й, тогда̀ слꙋ́жба ст҃а́гѡ кассїа́на пое́тсѧ на повече́рїи. А҆́ще же є҆́сть ві́сектосъ: стїхи̑ры, гла́съ ѕ҃. Подо́бенъ: Всю̀ ѿложи́вше: На ᲂу҆́трени, канѡ́нъ, гла́съ в҃, на д҃. По г҃-й пѣ́сни, сѣда́ленъ, гла́съ д҃.

Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.