Ѡ҆ слꙋ́жбѣ сꙋббѡ́тнѣй, є҆гда̀ пое́тсѧ А҆ллилꙋ́їа
[глⷡ҇а г҃і] Подоба́етъ вѣ́дати, а҆́ще прилꙋчи́тсѧ, и҆ и҆зво́литъ настоѧ́тель въ сꙋббѡ́тꙋ пѣ́ти а҆ллилꙋ́їа.
Въ пѧто́къ ве́чера, стїхосло́вимъ каѳі́смꙋ и҃і. Та́же на Гдⷭ҇и воззва́хъ, стїхи̑ры мине́и ст҃а́гѡ, г҃. И҆ ѻ҆ктѡ́иха мч҃нчны трѝ, в҃-й, г҃-й, д҃-й, а҆ пе́рвый ѡ҆ставлѧ́етсѧ. Сла́ва, и҆ ны́нѣ, бг҃оро́диченъ воскрⷭ҇нъ, настоѧ́щагѡ гла́са. Та́же, Свѣ́те ти́хїй: Посе́мъ прокі́менъ. Та́же, Сподо́би гдⷭ҇и въ ве́черъ се́й: На стїхо́внѣ мч҃нченъ а҃: и҆ ме́ртвена два̀ кѵ́ръ і҆ѡа́нна дамаскина̀. Сла́ва, и҆ ны́нѣ, бг҃оро́диченъ. Та́же, Ны́нѣ ѿпꙋща́еши: и҆ трист҃о́е, по Ѻ҆́ч҃е на́шъ: тропа́рь, гла́съ в҃: А҆пⷭ҇ли, мч҃нцы и҆ прⷪ҇ро́цы. Сла́ва, Помѧнѝ гдⷭ҇и, ꙗ҆́кѡ бла́гъ, дꙋ́шы ра̑бъ твои́хъ: И҆ ны́нѣ, бг҃оро́диченъ: Мт҃и ст҃а́ѧ: Є҆ктенїа̀, и҆ ѿпꙋ́стъ. И҆ ѻ҆бы́чнаѧ лїті́а за ᲂу҆поко́й въ притво́рѣ.
На ᲂу҆́трени по ѻ҆бы́чномъ нача́лѣ, и҆ по шестоѱа́лмїи: Вмѣ́стѡ Бг҃ъ гдⷭ҇ь, пое́мъ А҆ллилꙋ́їа, на гла́съ в҃, глаго́лемъ по три́жды. Та́же, сті́хъ а҃: Бл҃же́ни ꙗ҆̀же и҆збра́лъ, и҆ прїѧ́лъ є҆сѝ гдⷭ҇и. Сті́хъ в҃: Па́мѧть и҆́хъ въ ро́дъ и҆ ро́дъ. Сті́хъ г҃: Дꙋ́шы и҆́хъ во бл҃ги́хъ водворѧ́тсѧ. Тропа́рь, гла́съ в҃: А҆пⷭ҇ли, мч҃нцы и҆ прⷪ҇ро́цы: два́жды. Сла́ва, Помѧнѝ гдⷭ҇и ꙗ҆́кѡ бла́гъ: И҆ ны́нѣ, бг҃оро́диченъ: Мт҃и ст҃а́ѧ: Та́же, каѳі́сма ѕ҃і. Є҆ктенїа̀ ѻ҆бы́чнаѧ, по не́йже глаго́лемъ два̀ сѣда́льны ѻ҆ктѡ́иха, мч҃нчны трѝ, в҃-й и҆ г҃-й: пе́рвый ѡ҆ставлѧ́етсѧ. Та́же глаго́лемъ сті́хъ: Ди́венъ бг҃ъ во ст҃ы́хъ свои́хъ: И҆ глаго́лемъ мч҃нченъ д҃-й: а҆ бг҃оро́диченъ а҃-й ѡ҆ставлѧ́етсѧ. Та́же сті́хъ: Бл҃же́ни ꙗ҆̀же и҆збра́лъ: И҆ глаго́лемъ сѣда́ленъ поко́инъ, гла́са: Сла́ва и҆ ны́нѣ, бг҃оро́диченъ вторы́й. И҆ чте́нїе. По не́мже ничто́же глаго́лѧ, пое́мъ непоро́чны, съ припѣ́вы: Бл҃гослове́нъ є҆сѝ гдⷭ҇и: на гла́съ в҃. Раздѣлѧ́емъ же ю҆̀ на дво́е. На средѝ по а҃-й статїѝ не глаго́лемъ, Сла́ва, и҆ ны́нѣ, но пое́мъ по концѣ̀: Ꙗ҆́кѡ а҆́ще бы не зако́нъ тво́й: три́жды. И҆ глаго́летъ сщ҃е́нникъ є҆ктенїю̀ ѡ҆ ᲂу҆со́пшихъ: Па́ки и҆ па́ки: Ли́къ, Гдⷭ҇и поми́лꙋй, є҆ди́ножды. Є҆щѐ мо́лимсѧ ѡ҆ ᲂу҆покое́нїи дꙋ́шъ ᲂу҆со́пшихъ рабѡ́въ бж҃їихъ, и҆́мⷬ҇къ: Ли́къ, Гдⷭ҇и поми́лꙋй, є҆ди́ножды. Ꙗ҆́кѡ да гдⷭ҇ь бг҃ъ ᲂу҆чини́тъ дꙋ́шы и҆́хъ: Ли́къ, Гдⷭ҇и поми́лꙋй, є҆ди́ножды. Млⷭ҇ти бж҃їѧ, црⷭ҇тва нбⷭ҇нагѡ: Ли́къ, Пода́й гдⷭ҇и. Дїа́конъ, Гдⷭ҇ꙋ помо́лимсѧ. Сщ҃е́нникъ, Бж҃е дꙋхѡ́въ, и҆ всѧ́кїѧ пло́ти: Мы́ же глаго́лемъ, Гдⷭ҇и поми́лꙋй, м҃. Возгла́съ, Ꙗ҆́кѡ ты̀ є҆сѝ воскрⷭ҇нїе: Ли́къ, А҆ми́нь. Та́же пое́мъ дрꙋгꙋ́ю статїю̀: Тво́й є҆́смь а҆́зъ: Припѣ́въ, Сп҃се сп҃си́ мѧ. На коне́цъ: Жива̀ бꙋ́детъ дꙋша̀ моѧ̀: три́жды. Та́же, Бл҃гослове́нъ є҆сѝ гдⷭ҇и: И҆ посе́мъ тропарѝ за ᲂу҆поко́й: Ст҃ы́хъ ли́къ ѡ҆брѣ́те и҆сто́чникъ: и҆ про́чыѧ. И҆ по ни́хъ є҆ктенїю̀ глаго́летъ сщ҃е́нникъ преждерече́ннꙋю за ᲂу҆поко́й: и҆ помина́етъ ᲂу҆со́пшихъ. Мы́ же глаго́лемъ, Гдⷭ҇и поми́лꙋй, м҃. до́ндеже сконча́етъ сщ҃е́нникъ мл҃твꙋ: Бж҃е дꙋхѡ́въ: и҆ по возгла́сѣ сѣда́ленъ, гла́съ є҃: Поко́й сп҃се на́шъ съ првⷣными рабы̑ твоѧ̑: Сла́ва, и҆ ны́нѣ, бг҃оро́диченъ: Ѿ дв҃ы возсїѧ́вый мі́рꙋ: И҆ чте́нїе. ѱало́мъ н҃, Поми́лꙋй мѧ̀ бж҃е: Та́же канѡ́нъ пре́жде мине́и, со і҆рмосо́мъ на ѕ҃: и҆ хра́ма на д҃: и҆ ѻ҆ктѡ́иха на д҃, пе́рвый. По г҃ пѣ́сни є҆ктенїа̀ ѻ҆бы́чнаѧ: конда́къ, и҆ сѣда́ленъ мине́и: И҆ чте́нїе. По ѕ҃-й пѣ́сни є҆ктенїа̀ за ᲂу҆поко́й: конда́къ, гла́съ и҃: Со ст҃ы́ми ᲂу҆поко́й: И҆ і҆́косъ, и҆ про́логъ. По ѳ҃ пѣ́сни свѣти́ленъ ѻ҆ктѡ́иха. На хвали́техъ стїхи̑ры мч҃нчны, д҃: Сла́ва, поко́инъ: И҆ ны́нѣ, бг҃оро́диченъ. На стїхо́внѣ стїхи̑ры подо́бны, поко́йны кѵ́ръ ѳеофа́на. Сла́ва, и҆ ны́нѣ, бг҃оро́диченъ. Та́же, Бла́го є҆́сть: и҆ трист҃о́е. По Ѻ҆́ч҃е на́шъ, тропа́рь, гла́съ в҃: А҆пⷭ҇ли, мч҃нцы и҆ прⷪ҇ро́цы: Сла́ва, Помѧнѝ гдⷭ҇и: И҆ ны́нѣ, бг҃оро́диченъ: Мт҃и ст҃а́ѧ: И҆ є҆ктенїа̀. Та́же, сщ҃е́нникъ: Сы́й бл҃гослове́нъ хрⷭ҇то́съ бг҃ъ на́шъ: И҆ мы̀, Оу҆твердѝ бж҃е: и҆ ча́съ а҃-й, и҆ ѿпꙋ́стъ. На часѣ́хъ тропарѝ: А҆пⷭ҇ли, мч҃нцы и҆ прⷪ҇ро́цы: Сла́ва, Помѧнѝ гдⷭ҇и ꙗ҆́кѡ бл҃гъ: И҆ ны́нѣ, бг҃оро́диченъ часѡ́въ. И҆ по Ѻ҆́ч҃е на́шъ: конда́къ, Со ст҃ы́ми ᲂу҆поко́й: И҆ ѿпꙋ́стъ.
На лїтꙋргі́и бл҃жє́нна ѻ҆ктѡ́иха, на ѕ҃. По вхо́дѣ, тропа́рь: А҆пⷭ҇ли, мч҃нцы и҆ прⷪ҇ро́цы: и҆ Помѧнѝ гдⷭ҇и, ꙗ҆́кѡ бла́гъ: Сла́ва, конда́къ, Со ст҃ы́ми ᲂу҆поко́й: И҆ ны́нѣ бг҃оро́диченъ: Тебѐ и҆ стѣ́нꙋ и҆ приста́нище: Прокі́менъ, гла́съ и҃. Весели́тесѧ ѡ҆ гдⷭ҇ѣ: Сті́хъ, Бл҃же́ни и҆́хже ѡ҆ста́вишасѧ беззакѡ́нїѧ: За ᲂу҆поко́й, прокі́менъ: Дꙋ́шы и҆́хъ во бл҃ги́хъ водворѧ́тсѧ. А҆пⷭ҇лъ сꙋббѡ́ты рѧ́дъ: И҆ дрꙋгі́й за ᲂу҆поко́й. А҆ллилꙋ́їа, гла́съ и҃: Воззва́ша првⷣнїи. Сті́хъ: Бл҃же́ни ꙗ҆̀же и҆збра́лъ, и҆ прїѧ́лъ є҆сѝ гдⷭ҇и. Є҆ѵⷢ҇лїе сꙋббѡ́ты рѧ́дъ: И҆ дрꙋго́е за ᲂу҆поко́й. Прича́стенъ: Ра́дꙋйтесѧ првⷣнїи ѡ҆ гдⷭ҇ѣ: Дрꙋгі́й за ᲂу҆поко́й: Бл҃же́ни ꙗ҆̀же и҆збра́лъ и҆ прїѧ́лъ є҆сѝ гдⷭ҇и, и҆ па́мѧть и҆́хъ въ ро́дъ и҆ ро́дъ.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.