Ѡ҆ слꙋ́жбѣ сꙋббѡ́тнѣй, є҆гда̀ пое́тсѧ Бг҃ъ гдⷭь
[глⷡ҇а в҃і] Ѡ҆ слꙋ́жбѣ сꙋббѡ́тнѣй
ѡ҆ вече́рни, ѡ҆ ᲂу҆́трени и҆ ѡ҆ лїтꙋргі́и є҆гда̀ пое́мъ Бг҃ъ гдⷭ҇ь:
Въ пѧто́къпѧто́къ ве́чера, по ѻ҆бы́чной стїхоло́гїи, на Гдⷭ҇и воззва́хъ, пое́мъ стїхи̑ры подо́бны, ст҃а́гѡ мине́и, на ѕ҃, Сла́ва, самогла́сенъ ст҃а́гѡ, а҆́ще и҆́матьи҆́мать: а҆́ще ли нѝ, Сла́ва, и҆ ны́нѣ, бг҃оро́диченъ а҃-й настоѧ́щагѡ гла́са. На стїхо́внѣстїхо́внѣ стїхи̑ры во ѻ҆ктѡ́ихѣ мч҃ничны трѝ, гла́са. Сла́ва, ст҃а́гѡ, а҆́ще и҆́матьи҆́мать: а҆́ще ли нѝ, Сла́ва, и҆ ны́нѣ, бг҃оро́диченъ. Та́же: Ны́нѣ ѿпꙋща́еши: и҆ трист҃о́е. по Ѻ҆́ч҃е на́шъ, тропа́рь ст҃а́гѡ. Сла́ва, и҆ ны́нѣ, бг҃оро́диченъ, настоѧ́щагѡ гла́са. Є҆ктєнїѝ, и҆ ѿпꙋ́стъ.
[зрѝ] [Подоба́етъ вѣ́дати, Ꙗ҆́кѡ а҆́ще не прилꙋчи́тсѧ а҆пⷭ҇ла ко́егѡ па́мѧть, и҆лѝ ѿ ст҃ы́хъ вели́кихъ, и҆лѝ ст҃а́гѡ, не и҆мꙋ́ща тропарѧ̀, Бг҃ъ гдⷭ҇ь не пое́мъ: но а҆ллилꙋ́їа, на гла́съ в҃.]
На ᲂу҆́трениᲂу҆́трени по шестоѱа́лмїи пое́мъ Бг҃ъ гдⷭ҇ь: на гла́съ тропарѧ̀ ст҃а́гѡ, и҆ тропа́рьє҆гѡ̀ два́жды. Сла́ва, и҆ ны́нѣ, бг҃оро́диченъ а҃-й по гла́сꙋ тропарѧ̀ ст҃а́гѡ. Та́жестїхологисꙋ́емъ каѳі́смꙋ ѕ҃і: Речѐ гдⷭ҇ь гдⷭ҇ви моемꙋ̀: по ѻ҆бы́чаю. И҆ по стїхоло́гїи є҆ктенїа̀. И҆ сѣда́льны во ѻ҆ктѡ́ихѣ мч҃нична два̀, а҃-й и҆ вторы́й. Сла́ва, и҆ ны́нѣ, бг҃оро́диченъа҃-й настоѧ́щагѡ гла́са: и҆ чте́нїе. Посе́мъ стїхологисꙋ́емъ непоро́чны: въ ни́хже кади́тъ сщ҃е́нникъ. По непоро́чныхъ сѣда́льны мч҃ничны два̀, г҃-й, д҃-й, и҆ поко́инъ. Сла́ва, и҆ ны́нѣ, бг҃оро́диченъ. И҆ па́ки чте́нїе: и҆ ѱало́мъ н҃: Поми́лꙋй мѧ̀ бж҃е: И҆ пое́мъ канѡ́ны г҃: ст҃а́гѡ мине́и, со і҆рмосо́мъ на ѕ҃: і҆рмо́съ по два́жды, тропарѝ на д҃. Се́й бо предварѧ́етъ всегда̀ въ сꙋббѡ́тꙋ: и҆ по не́мъ хра́ма ст҃а́гѡ, на д҃. Та́жево ѻ҆ктѡ́ихѣ мч҃нченъ на д҃: поко́инъ бо канѡ́нъ пое́тсѧ въ пѧто́къ, на повече́рїи. Къ канѡ́нѡмъ же глаго́лемъ пѣ̑сни: Пое́мъ гдⷭ҇ви: По г҃-й пѣ́сни сѣда́ленъ мине́и ст҃а́гѡ: Сла́ва, и҆ ны́нѣ, бг҃оро́диченъ. По ѕ҃-й пѣ́сни конда́къ и҆ і҆́косъ ст҃а́гѡ, а҆́ще и҆́матьи҆́мать. И҆ чте́мъ про́логъ. По ѳ҃-й пѣ́сни свѣти́ленъ пре́жде ст҃а́гѡ, а҆́ще и҆́матьи҆́мать. Та́же, Сла́ва, ѻ҆ктѡ́иха: И҆ ны́нѣ, бг҃оро́диченъ. А҆́ще же нѝ: Свѣти́ленъѻ҆ктѡ́иха: И҆́же ме́ртвыми и҆ живы́ми: Сла́ва, и҆ ны́нѣ: Мы̀ ѡ҆ тебѣ̀ хва́лимсѧ: На хвали́техъ стїхи̑рыне пое́мъ ѻ҆ктѡ́иха, но пое́мъ и҆̀хъ на стїхо́внѣ. [зрѝ] А҆́ще ли нѣ́сть ст҃а́гѡ стїхи́ръ на хвали́техъ, и҆ мы̀ глаго́лемъ: Тебѣ̀ сла́ва подоба́етъ: [зрѝ] А҆́ще ли пое́мъ ст҃а́гѡ на хвали́техъ стїхи̑ры, тогда̀: Тебѣ̀ сла́ва подоба́етъ, не глаго́лемъ: но по стїхи́рахъ глаго́лемъ: Сла́ва тебѣ̀ показа́вшемꙋ на́мъ свѣ́тъ. Сла́вавъ вы́шнихъ бг҃ꙋ: и҆ посе́мъ є҆ктенїа̀: И҆спо́лнимъ ᲂу҆́треннюю: Та́же на стїхо́внѣ стїхи̑рыпое́мъ ѻ҆ктѡ́иха, хвали̑тныѧ, мч҃ничны трѝ, а҃-й, в҃-й, г҃-й, съ припѣ́вы ѻ҆бы́чными: И҆спо́лнихомсѧ заꙋ́тра: в҃, И҆ бꙋ́ди свѣ́тлость: Є҆ди́нъ же ѡ҆ставлѧ́емъ, д҃-й поко́инъ, ѿ дамаски́новыхъ. Сла́ва, ст҃а́гѡ самогла́сенъ, а҆́ще и҆́матьи҆́мать. А҆́ще ли нѝ, Сла́ва, и҆ ны́нѣ, бг҃оро́диченъи҆́хъ. Стїхо́вна же сꙋббѡ́тнаѧ ѡ҆ставлѧ́етсѧ: то́чїю на тѣ́хъ ᲂу҆́тренѧхъ пое́тсѧ въ сꙋббѡ́ты поста̀, въ сꙋббѡ́тꙋ в҃-ю, г҃-ю и҆ д҃-ю, и҆лѝ а҆́ще слꙋчи́тсѧ а҆ллилꙋ́їа: И҆ пое́тсѧ стїхо́вна, со ᲂу҆поко́йными и҆́хъ припѣ́вы. Та́же, Бл҃го є҆́сть и҆сповѣ́датисѧ гдⷭ҇ви: И҆ трист҃о́е: По Ѻ҆́ч҃е на́шъ, тропа́рь ст҃а́гѡ: Сла́ва, и҆ ны́нѣ, бг҃оро́диченъ ᲂу҆́трени, во гла́съ тропарѧ̀ ст҃а́гѡ: и҆ є҆ктєнїѝ. И҆ ча́съ а҃-й, и҆ ѿпꙋ́стъ, и҆ многолѣ́тно. По сконча́нїи же сегѡ̀ ѻ҆бы́чнаѧ лїті́а въ притво́рѣ, ꙗ҆́кѡ предписа́сѧ.
На лїтꙋргі́илїтꙋргі́и бл҃жє́нна ѻ҆ктѡ́иха, на ѕ҃: а҆́ще ли и҆́мать ст҃ы́й на лїтꙋргі́ипѣ́снь, и҆ ст҃а́гѡ пѣ́снь г҃- ѧ, на д҃: и҆ ѻ҆ктѡ́иха гла́са, на д҃. По вхо́дѣ глаго́лемъ тропарѝ си́це: Пре́жде тропа́рь хра́ма, а҆́ще хрⷭ҇то́въ хра́мъ, и҆ бцⷣы: Та́же тропа́рь днѐ: А҆пⷭ҇ли, мч҃нцы и҆ прⷪ҇ро́цы: И҆ пото́мъ тропа́рьст҃а́гѡ рѧдова́гѡ, и҆ конда́къ є҆гѡ̀. А҆́ще ли бꙋ́детъ дрꙋгі́й ст҃ы́й, и҆мѣ́ѧй тропа́рьи҆ конда́къ, глаго́ли є҆гѡ̀. А҆́ще же нѣ́сть въ сꙋббѡ́тꙋ тропарѧ̀ и҆лѝ кондака̀ ни є҆ди́номꙋ ст҃о́мꙋ, и҆ мы̀ глаго́лемъ по́слѣ дневна́гѡ тропарѧ̀, за ᲂу҆поко́й: Помѧнѝ гдⷭ҇и ꙗ҆́кѡ бла́гъ: А҆́ще ли гдѣ̀ хра́мъ ст҃а́гѡ, и҆лѝ ст҃ы́ѧ, и҆ тѣ̑мъ храмѡ́мъ въ сꙋббѡ́тꙋ тропаре́й не глаго́лемъ: зане́же всѝ ст҃і́и и҆менова́ни сꙋ́ть въ дневно́мъ тропарѣ̀. Сла́ва, конда́къ: Со ст҃ы́ми ᲂу҆поко́й: И҆ ны́нѣ, Ꙗ҆́кѡ нача́тки.
[зрѝ] Ѡ҆ то́мже: А҆́ще ли хра́мъ ст҃а́гѡ, и҆лѝ ст҃ы́ѧ, и҆ тропарѝ по вхо́дѣ глаго́лемъ си́це: Пре́жде днѐ, А҆пⷭ҇ли, мч҃нцы и҆ прⷪ҇ро́цы: Пото́мъ тропа́рь и҆ конда́къст҃а́гѡ на рѧдꙋ̀. А҆́ще ли нѣ́сть: Помѧнѝ гдⷭ҇и, ꙗ҆́кѡ бла́гъ: Сла́ва, Со ст҃ы́ми ᲂу҆поко́й: И҆ ны́нѣ, ꙗ҆́кѡ нача́тки: А҆́ще гдѣ̀ и҆ въ хрⷭ҇то́вѣ хра́мѣ и҆ бцⷣы, кромѣ̀ предпра́зднства, и҆ попра́зднства: покрыва́емъ тѣ́мже дневны́мъ кондако́мъ. И҆ ны́нѣ, Ꙗ҆́кѡ нача́тки: а҆ не храмовы́мъ кондако́мъ. Въ сꙋббѡ́тꙋсꙋббѡ́тꙋбо храмовы̑ѧ кондакѝ, хрⷭ҇то́вы и҆ бцⷣы, ѡ҆ставлѧ́ютсѧ: то́чїю а҆́ще прилꙋчи́тсѧ вели́кїй ст҃ы́й, тогда̀, И҆ ны́нѣ, конда́къхра́ма хрⷭ҇то́ва, и҆лѝ хра́ма бцⷣы. А҆ и҆дѣ́же нѣ́сть хра́ма хрⷭ҇то́ва и҆ бцⷣы, глаго́лемъ: Предста́тельство хрїстїа́нъ: Прокі́менъ, а҆по́столъ, а҆ллилꙋ́їа, є҆ѵⷢ҇лїеи҆ прича́стенъ, пре́жде ст҃а́гѡ, та́же днѐ: предварѧ́етъ бо всегда̀ рѧдова́го а҆по́стола и҆ є҆ѵⷢ҇лїа, кромѣ̀ гдⷭ҇скихъ пра́здникѡвъ сїѧ̀ слꙋ́жба пое́тсѧ въ сꙋббѡ́тахъ всегда̀, є҆гда̀ прилꙋчи́тсѧ бы́ти, Бг҃ъ гдⷭ҇ь: А҆́ще же прилꙋчи́тсѧ въ сꙋббѡ́тꙋ влⷣчнїй пра́здникъ, пое́тсѧ слꙋ́жба непремѣ́ннѡ всѧ̀ пра́здника.
Извор: Ponomar Project (библиотека богослужбених књига, текстови под Creative Commons лиценцом). Слова: Slavonic Computing Initiative.